المساعد الشخصي الرقمي

مشاهدة النسخة كاملة : الغربة سترة حال!!!


الصفحات : 1 2 3 4 [5] 6 7 8 9 10 11 12 13 14 15 16 17 18 19 20

الزاكي عبد الحميد
22nd September 2010, 03:00 PM
وحاة النبي كلامك طلع شيح في ريح . تعرف الشيح والريح ولا اقبل عليك بالكرباج دا ( تعرف الكرباج يا زيكو ولا وجاهة ساى؟

هيييييييييييييع

كدي اشرحو لينا القنانة دي أولا بالتبادي..وبعدين
نجيكم للكرباج.. ما تخمونا ساي..
انتو العربي بتاعكم دا باقي لي ما أسلي فسليقرقرقر


:happy:

اقبال حجار
22nd September 2010, 04:58 PM
وحاة النبي كلامك طلع شيح في ريح . تعرف الشيح والريح ولا اقبل عليك بالكرباج دا ( تعرف الكرباج يا زيكو ولا وجاهة ساى؟

هيييييييييييييع

كدي اشرحو لينا القنانة دي أولا بالتبادي..وبعدين
نجيكم للكرباج.. ما تخمونا ساي..
انتو العربي بتاعكم دا باقي لي ما أسلي فسليقرقرقر


:happy:
القُنّانة:بضم القاف هي الريحة المميزة لحلة اللبن عند تكرار إستعمالها لفوير أو غلي اللبن وحينها يُقال شاي لبن مدنكل بي قُنَّانة....
أسع زولك يجيك بي فهم تاني:028::028::028:

أخونا الطيب شيقوق المعنى المكتوب هو السائد عندنا في شمال السودان وهي فترة ليست بالبعيدة يعني واقع مُعاش لي ولحد الآن بنلقى ليك ورتابات لي عشى الحمير ...وفي الخلا مازالت القِرب منصوبة بمائها البارد ....بس ممكن يختلف المعنى لنفس المُسمى بإختلاف المناطق......

الطيب ادريس
22nd September 2010, 06:47 PM
[QUOTE=اقبال حجار;11727]القُنّانة:بضم القاف هي الريحة المميزة لحلة اللبن عند تكرار إستعمالها لفوير أو غلي اللبن وحينها يُقال شاي لبن مدنكل بي قُنَّانة....
أسع زولك يجيك بي فهم تاني:028::028::028:


لا يا اقبال عفارم عليك ود شيقوق ما بجيك بي فهما تاني كلامك صاح ( القنانة ) ياها الحلة البقننوا فيها اللبن للشاي http://www.alsudanialhour2.com/up/up/alsudanialhour2_com_1256144392.JPG

الطيب ادريس
22nd September 2010, 07:08 PM
http://aldagharir.com/up//uploads/images/aldagharir-5bc55c31ee.jpg


الورتاب :

كل ما ينتمي الي الذرة منها القمح والذرة الشامي ( عيش الريف ) والدخن بدون القصب وهو ما يظهر في الصورة متفرعا من القصب .

الصفق كل ماينتمي الي الشجر والنبات ومنها ( القرعيات ) بدون الجذع والعود والفرع .

الطيب شيقوق
23rd September 2010, 11:32 AM
http://aldagharir.com/up//uploads/images/aldagharir-5bc55c31ee.jpg


الورتاب :

كل ما ينتمي الي الذرة منها القمح والذرة الشامي ( عيش الريف ) والدخن بدون القصب وهو ما يظهر في الصورة متفرعا من القصب .

الصفق كل ماينتمي الي الشجر والنبات ومنها ( القرعيات ) بدون الجذع والعود والفرع .


الطيب الورتاب هو الاصفر التحت دا في الصورة ودائما بيكون متعلق في القصبة الساق -

الزاكي بتعرف البيتزا؟

البيتزا ..

الطيب شيقوق
23rd September 2010, 12:23 PM
بالله سيبونا من الورتاب والقرب والسعون وتعالوا لنرى ما اجمل شعراء السودان حينما يقول احدهم : السيف في غمده لا تخشى بواتره ولحظ عينيك في الحالين بتًار (http://www.sudaneseclub-oman.com/montada-f9/topic-t99.htm#208)

نحسدها غبطة تلك الأجيال التي تفردت وسبقتنا بنعمة الحنين فكانت خلاقة في إبداعاتها الثقافية والفنية واستطاعت أن تشكل عبر الكلمة واللحن والمعنى وجدان أطياف من البشر ولعل هذا التميز هو الذي قاد إلى تميز الشخصية السودانية ولطفها وطيبتها ورقيها
من تلك الأجيال ذلك الجيل الذهبي الذي حول الكلمة إلى مفردة بالغة التأثير في السياسة والشعر والأغنية واللحن وأدب اللسان فكان أؤلئك الشعراء أمراء رومانسيون في إمارات من الإبداع وبين رعايا من الذواقة المجيدين بالقدرة على فرز الغث من الثمين، أؤلئك العشاق الذين ازدهت بهم سنواتهم وسنوات غيرهم .هذا
تأمل قادني إلى فتح بعض النوافذ على إبداعات ذلك الجيل ،
إبداع جسده الشاعر جيلي عبد المنعم في قصيدته التي أداها الفنان محمد وردي ( يا شوق مالك تعنى ) عندما يقول:

لم يكن إلا لقاء
وافترقنا
كالفراشات على نار الهوى
جئنا إليها
واحترقنا
كان طيفا وخيالا ورؤى
ثم ودعنا الأماني وأفقنا

يا حبيبا بت أشكو
حرقة الوجد إليه
وتوسلت
نذرت العمر قربانا لديه
ما له لو عاد
فالقلب رهبن بيديه
وعيوني ظامئات
والهوى من مقلتيه

نواصل يا الزاكي جيناك في المليان ما تسرح

الزاكي عبد الحميد
24th September 2010, 07:13 PM
نواصل يا الزاكي جيناك في المليان ما تسرح

في انتظار المزيد من حلو الحديث المرتقب نبقى
وراء حرفك يا صديقي..

اقبال حجار
25th September 2010, 03:37 PM
هذا خطاب حقيقي من الزمن الجميل ...بساطة ..صدق ...عفوية من منتدى محلي

الشمالية
مركز مروي
قرية ود اللدر
خالي الحاج الخدر ود الفضل ومنه الي ابنته ميمونة
يجدهم بخير
( شكرا لساعي البريد)
11-6-1962
الي ميمونه بت الخِدر .. ورق السِدر... عاشقك طشَّا وودِر.. ضَرب البنادِر عشان يجيب المال وعارفك راجياهو على احرَّ من الجمُر... سلام ليكي وللناس البريدوكي.. والبي يكجنوكي يطيروا في بلد الله... يصلك جوابي دا ويلقاكي في خير...اما انا ان سعلتي مني..لا ينقصني شي سوى رؤياكي... من يومي الركبت القطر وقبَّلتا غادي... سافرت الجِّتة وقليبي خليتو مشعلق في المشلعيب المعلَّق في مِرق دانقتكم ... عشان كل ما تجي تخُتي لك بُقرة لبينة تزحيهو بشيشي لي غادي وتطريني...تلولح فيهو هبايب الغي.. سيدو يطفش بالبنادر وشاوياهو نار الغي... اما بعد:-
افيدكم اني وصلت الخرتوم.. و ركبت التكسي قلتلو وديني السجانة علي ناس خالي البشير... وصلت البيت لقيت السُرة مرت(زوجة) خالي ... اسكتي ما بتقولي السُرة الميحلانة ديك... سمنت وبقت قدر الليلة وباكر.. نان القراريص... القراريص...
اول ما دخلت جابو لي صحن قراصة بي دمعة فوقها لحيمات... وناس البندر يا ميمونة كل يوم بيضبحو... مو متل ناس بلدنا يضبحو من السوق للسوق.. والضبيحة يا (عز) كبيرة يا عناق لدغانة.. وكان شُفتي يا ميمونة اللَّمبة اللَّت الكهرباء ما عندها شبه عِلا انتي..... اصبري لي بس ان ما عرستك وجبتك الخرتوم وسويت لك البيت كلو ليمب ما تديني ايدك...تولعي وتطفي سااااااكت!....
اعرفك انو المنديل اللَّخدر الاديتيني ليهو خاتيهو في قعر الشنطة.. كل مرة امرقو واعاينلو واطراكي.... مشيت مع خالي البشير للظابطية وقالو خلاس بيشغلوني في البوليس.. وبعدين يا ميمونة بعد شهرين كدي.. رسلي لي مقاساتك... رسليهن مع اقرب زول جايي من طرفكم. رسلي جلابية من جلاليبك عشان اقطع لك تلاتة زيَّها للعرس... ورسلي لي فردة نِعال من نِعلاتك...عشان اشتري لك جوزين نعلات...وفي الختام سلمي لي علي الناس من جم.
ود عمتك
وختيبك
سر الختم ود ابشورة

الزاكي عبد الحميد
25th September 2010, 03:58 PM
كتبت الأستاذة إقبال:

#1008 اليوم, 03:37 PM
اقبال حجار
عضو تاريخ التسجيل: 22-Oct-2009
المشاركات: 353

رد: الغربة سترة حال!!!

--------------------------------------------------------------------------------

هذا خطاب حقيقي من الزمن الجميل ...بساطة ..صدق ...عفوية من منتدى محلي

الشمالية
مركز مروي
قرية ود اللدر
خالي الحاج الخدر ود الفضل ومنه الي ابنته ميمونة
يجدهم بخير
( شكرا لساعي البريد)
11-6-1962
الي ميمونه بت الخِدر .. ورق السِدر... عاشقك طشَّا وودِر.. ضَرب البنادِر عشان يجيب المال وعارفك راجياهو على احرَّ من الجمُر... سلام ليكي وللناس البريدوكي.. والبي يكجنوكي يطيروا في بلد الله... يصلك جوابي دا ويلقاكي في خير...اما انا ان سعلتي مني..لا ينقصني شي سوى رؤياكي... من يومي الركبت القطر وقبَّلتا غادي... سافرت الجِّتة وقليبي خليتو مشعلق في المشلعيب المعلَّق في مِرق دانقتكم ... عشان كل ما تجي تخُتي لك بُقرة لبينة تزحيهو بشيشي لي غادي وتطريني...تلولح فيهو هبايب الغي.. سيدو يطفش بالبنادر وشاوياهو نار الغي... اما بعد:-
افيدكم اني وصلت الخرتوم.. و ركبت التكسي قلتلو وديني السجانة علي ناس خالي البشير... وصلت البيت لقيت السُرة مرت(زوجة) خالي ... اسكتي ما بتقولي السُرة الميحلانة ديك... سمنت وبقت قدر الليلة وباكر.. نان القراريص... القراريص...
اول ما دخلت جابو لي صحن قراصة بي دمعة فوقها لحيمات... وناس البندر يا ميمونة كل يوم بيضبحو... مو متل ناس بلدنا يضبحو من السوق للسوق.. والضبيحة يا (عز) كبيرة يا عناق لدغانة.. وكان شُفتي يا ميمونة اللَّمبة اللَّت الكهرباء ما عندها شبه عِلا انتي..... اصبري لي بس ان ما عرستك وجبتك الخرتوم وسويت لك البيت كلو ليمب ما تديني ايدك...تولعي وتطفي سااااااكت!....
اعرفك انو المنديل اللَّخدر الاديتيني ليهو خاتيهو في قعر الشنطة.. كل مرة امرقو واعاينلو واطراكي.... مشيت مع خالي البشير للظابطية وقالو خلاس بيشغلوني في البوليس.. وبعدين يا ميمونة بعد شهرين كدي.. رسلي لي مقاساتك... رسليهن مع اقرب زول جايي من طرفكم. رسلي جلابية من جلاليبك عشان اقطع لك تلاتة زيَّها للعرس... ورسلي لي فردة نِعال من نِعلاتك...عشان اشتري لك جوزين نعلات...وفي الختام سلمي لي علي الناس من جم.
ود عمتك
وختيبك
سر الختم ود ابشورة

الأخت الكريمة إقبال:

شكراً على هذه التحفة المقروءة..

وإليك ما قاله الآخر عن سر الختم أبشورة:


الزول.. البريء التائه
تركي عبدالله السديري
تعرفت على السوداني في واجهة حضور اجتماعي قديمة، عندما كنت طالباً جامعياً، فلم يكن هناك مَنْ ينافسه كمتصدر لمهمات التدريب الرياضي.. في الهلال، الشباب، النصر، الأهلي الذي تحول إلى مسمى اليمامة.. الكل في منطقة الرياض عرفوا التقدم الرياضي كشباب مستجد على النجومية بواسطة كفاءة المدرب السوداني.. ويبدو لي وقتها أن الرياضة كانت هي الواجهة الأولى للتدليل على وجود التقدم والخروج من سلبيات الأحياء الشعبية المتواضعة القدرات والمفاهيم..
من أشهر المدربين آنذاك السر سالم.. الذي أدخل مهارة التبادل السريع وبفنيات مذهلة للكرة بين اللاعبين، فيما كانت الأندية تعتمد على القدرة الجسدية وسرعة الجري.. السر سالم قاد أهلي الرياض إلى مواقع المنافسة.. ومن الطريف أنه كان أثناء المباراة يلزم «شبك» العزل في ملعب الصائغ فرُوّجت إشاعات تقول بأنه ينفّذ حالات «دنبوشي» ليفوز فريقه.. و«دنبوشي» وقتها تعني وسائل سحرية تفرض الفوز.. هذه خرافة.. فالرجل لا صلة له بذلك، الذي حدث أنه غادر المملكة فجأة وقيل إن شكوى كيدية دُبّرت ضده..
طبعاً بمرور السنوات تغيّرت الأوضاع وتراجع بل اختفى الحضور السوداني.. تلك المعرفة المبكرة بحضور لافت لمواطن عربي فرض نفسه بنجاحه.. لكنها نجومية اختفت وبقيت له نجوميات لابد أن يلحظها المواطن حين يقارن بين وجود (الزول) الأسمر بين الموظفين العرب في بلاده، فيجده الأكثر التزاماً والأقل تورطاً في المخالفات النظامية.. تستطيع أن تضيف إلى ذلك أنه من النادر أن يرد اسم سوداني بين مجموعة مهربي مخدرات أو لصوص مصادرة أموال أو مهربي سلاح..
هذه المعلومات متداولة، لكن ما لم أكن أعرفه واكتشفته عند سفري إلى الخارج وتمكني من رؤية محطات فضائية سودانية بعضها غير حكومي وتهتم كثيراً بالحفلات الغنائية أو تقديم أغنيات مستقلة الأداء أذهلني أن المرأة السودانية هي الأكثر عربياً - ودون أي استثناء - التزاماً بمظهر محترم جداً جداً، فلا ترى منها إلا الوجه واليدين فقط، ومع ذلك تستميلك معها ببراعة الصوت واللحن..
نحن نعرف أن ما يزيد على تسعة أعشار المطربات العربيات في أي موقع كان البث يعتمدن في مهمة انتشار الصوت على العناية كثيراً بأكبر قدر من التعرية، حيث تم استبدال عصر أم كلثوم وفيروز عندما كان الصوت واللحن والكلمات هي قوى جذب حالم ومنعش للروح والخيال عند الرجل والمرأة بعصر هيفاء وهبي، بل حين نلاحظ طريقة عرض المطرب لذاته في معظم القنوات نجد أنه يقدم نفسه إلى الجمهور عبر تموجات الراقصات خلال أداء أغنيته وليس بنوعية صوته أو اللحن والشعر.. باستثناء مطرب العرب الحقيقي محمد عبده وقليلين جداً معه.. حيث الأكثرية تزف أصواتهم بأداء الراقصات والكل يعرف من أين هن؟..
نعود إلى أخونا السوداني.. هذا الرجل المسالم الذي لم يبحث عن ثروة من تهريب مخدرات أو سلاح أو احتراف نهب، نجد أنه - وهو العربي الذي نزح إلى هناك أو الأفريقي الذي نزح انتماءً إلى العروبة - لم يستطع أن يخرج من أُطر الحياة الاجتماعية العربية السائدة في معظم الدول العربية عندما شغلته ثم أفقرته حرب الجنوب والشمال..


حفظ طباعة استماع تكبيير
• 1
• 2
• 3
• 4
• 5
قيّم هذا الموضوع



التعليقات المنشورة لا تعبر عن رأي "الرياض" الإلكتروني ولا تتحمل أي مسؤولية قانونية حيال ذلك، ويتحمل كاتبها مسؤولية النشر، وللإبلاغ عن أي تعليق مخالف يرجى الضغط على زر "التنبيه" أسفل كل تعليق

عدد التعليقات : 41
(جديد) ترتيب التعليقات : الأحدث أولا , الأقدم أولا , حسب التقييم
الصفحات : 1 2 3 >> عرض الكل
• 1
عملت بشركه بالرياض لمدة سنتين وكان هناك اثنين سودانيين يعملون يوميا بما مقداره ساعه الى ساعتين خارج دوام لمده قالوا لي انها تتجاوز الثمان سنوات ولم يعطوا أي شيء بالمقابل ولم يطلبوا هم أيضا, ولكن الذي يمنعهم هو محبة العمل الجماعي, وشكرهم الله على أي شيء يحصلون عليه. كم أتمنى أن أتمتع بهذا النبل بالحياة.
عمر المحمد
UP 3 DOWN
03:53 صباحاً 2010/09/22
• 2
صباح الخير الحقيقه اول مره اقرا لك مقال يااستاذ تركي لان مقالاتك اغلبها سياسيه وانا مالي في السياسه لكن هالمره شدني عنوان موضوعك وفعلا اعجبني لان الزوله صدق ماعطيناهم حقهم فهم افضل الجاليات العربيه والاجنبيه على الاطلاق.. يارجل نحس انهم اخوان لنا بالفعل وهذا ان دل على شئ يدل على تميزهم في اخلاقهم ودينهم وتربيتهم وانا شخصيا لدي عمل تجاري ولم اثق في اي احد من العماله الا في عبدالعزيز السوداني في الامور الماليه طبعا.
شكرا لطرحك وانت رئيس التحرير فهذه بادره طيبه منك لهم
فيصل المهنا
UP 2 DOWN
05:55 صباحاً 2010/09/22
• 3
شكرا لاستاذ تركي السديري الصحفي السعودي المعروف بحبه وشغفه للعلم والمعرفة وانصافه لزملائه في مهنتهم الصحفية وانا لم يحصل لي الشرف للعمل معه ولكن حكي لى احد الاخوان الصحفيين معه. المرأة السودانية عموماً المعروف عنها انها تحب الحشمة وان ادب المراة في حشمتها واشكره على انصافه للمرأة السودانية
ياسين مدني عبد القادر/ سوداني (زائر)
UP 2 DOWN
06:06 صباحاً 2010/09/22
• 4
عموما مقال رائع وصادق عن الزول السوداني تسلم ياباشا
نسيت اقول لك العنوان لم يروق لي الزول بريء طيب وهو تائه مادياً فقط أما باقي الامور ليس تائه فيها وخطواته ثابتة على الطريق الصحيح إذا تركتنا أمريكا وبنيتها الدلوعة ومن يدلعونها في حال سبيلنا وإذا استيقظ من باعوا ضمائرهم وأوطانهم بدراهم معدودات وهؤلاء مصيرهم مصير من سبقهم من الذين وضعوا أياديهم مع أعداء أوطانهم
بل في المستقبل القريب بإذن الله سوف يتخلص من التوهان المادي عندما يتحسن وضع السودان إقتصادياً سوف يرتفع دخل المواطن خاصة إذا حرصت الحكومة على محاربة الفقر والإهتمام بالبنية التحتية
ذات الشجون الدفينة
UP 1 DOWN
06:37 صباحاً 2010/09/22
• 5
الاستاذ تركي،،،
تحيه طيبه،،،
صدقت فالسوداني خير سفير لبلاده ( اعانهم الله على مايحاك ضدهم، ودعواتنا لهم بالامن والسلام ).
أمل ان يكونوا قدوة حسنه لمواطنينا عند سفرهم للخارج.
مشاعر طيبه لاخوة طيبين.
تقبل تحياتي،،،
صيفنا حار
UP 3 DOWN
06:40 صباحاً 2010/09/22
• 6
"فعلا السودانيين هم الأقل إحداثا للمشاكل مقارنة بباقي الجنسيات العربية والآسيوية الاخرى والتي باتت تشكل تهديدا لأمن الوطن لكثرة تجاوزاتها.ولو كنت في موقع المسئولية لكافئت الجاليات المسالمة والمحترمة بزيادة عددها-كنوع من التشجيع-وخفضت اعداد تلك المثيرة للمتاعب والتي اصبحت عبئ على المواطن والاقتصاد"
شايفة وساكتة (زائر)
UP 2 DOWN
06:57 صباحاً 2010/09/22
• 7
المعروف عن الشعب السوداني
الثقافه والتمسك بالدين والعروبه
والتمسك بالزي السوداني
تعايشنا معهم في وطننا
وعرفنا امانتهم ودرسنا علي
ايديهم في الجامعات السعودية
وصدقت المحطات السوادنية رغم البدائيه
الا انها متزانه ويظهر الزي السوداني جاليا
ولكن الفقر والنزعات والفتن حرمت الشعب
السوداني من الظهور والتنمية والتطور الحقيقي
متقاعد
UP 2 DOWN
06:57 صباحاً 2010/09/22
• 8
(لم يستطع أن يخرج من أُطر الحياة الاجتماعية العربية السائدة في معظم الدول العربية عندما شغلته ثم أفقرته حرب الجنوب والشمال)..
من وراء هذه الحروب؟؟... ومن يزيد في نارها؟؟ وفي صالح من؟ وهل أفتقد الحكام الحكمة؟ أم خانتهم أحلام ديمومة القعود على الكراسي؟
ابو جهاد (زائر)
UP 1 DOWN
07:45 صباحاً 2010/09/22
• 9
ليه اكثرنا يشوف الناس بمنظار التعميم. ممكن يصير فيه عامل مشترك في مجموعات, بس عسى ما يصير تصنيفي للناس على اساس ضيق.
سلمان (زائر)
UP 0 DOWN
07:45 صباحاً 2010/09/22
• 10
نشكر للكاتب الكبير اهتمامه اليوم بالشأن السوداني وذكره لبعض الخصال الحميدة التي يتمتع بها شعبه، ولكن لفت نظري أنه حصر الحضور والإنحسار (السوداني) فقط في ظهور وفجاءة اختفاء المدرب سالم،وذلك برغم الأمواج البشرية التي تدفقت على المملكة منهم - ولاتزال -ومن مختلف التخصصات بعد فترة عصر مدربي الكرة...
خالد جبارة (زائر)
UP 3 DOWN
08:33 صباحاً 2010/09/22
• 11
نحن والسودانيون..
نتقاطع في الكثير من الصفات..
جميلها وبائسها.. أقولها دوماً للمحيطين..
حولي من أزوال وغيرهم أنهم الأقرب لنا روحاً..
ونفساً وتركيبة عقليه ولأغلب أقاليمنا..
حتى من أخوتنا الخليجيين..
أنفسهم الذي يبدو..
لنا جهلاً أنهم..
الأقرب..
هانت..
أبوجودانه-الملز اللي كان.. (زائر)
UP 3 DOWN
08:47 صباحاً 2010/09/22
• 12
الحمد لله على السلامة كنت رفيقنا بالطائرة من القاهرة
المائزمين (زائر)
UP 0 DOWN
08:48 صباحاً 2010/09/22
• 13
الاستاذ تركي
تعجز حروف الكلم ان تسطر لك لوحة شكر تليق وقلمك البارع دوما ونيابة عن الاخوة المقيمين بالرياض لسان حالي يلهج باسمى ايات الشكر والتقدير... ولك كل احترامي
فخر الدين محمد (زائر)
UP 2 DOWN
08:51 صباحاً 2010/09/22
• 14
يختلف الناس في تقييم الشعوب وهذا شيء طبيعي ولكنهم رغم ذلك يتفقون على حب السودانيين ونزاهتهم وإلتزامهم الأخلاقي والسلوكي.
لذلك يكسبون حب الجميع سواء كان في المهن النبيلة أو حتى راعي غنم.
الجنوبي (زائر)
UP 2 DOWN
09:15 صباحاً 2010/09/22
• 15
حقيقة بارزة للجميع سلطت عليها ضوء قلمك استاذنا القدير وهي مدى الالتزام الديني والانضباط الاخلاقي التي يتمتع بها السودانيين وبالفعل لم نجد خارجا على النظام او مرتكب جريمة من اخوتنا الازوال حينما يبحث صاحب المشروع الفردي عن شخص امين فان اول مايتبادر بذهنه موظف سوداني وذلك لامانته ولو نظرنا الى الجرائم الجنائية والاخلاقية التي ترتكب في بلادنا من قبل الجاليات الوافدة لاستحق اخواننا السودانيين التكريم والتقدير
دمت بود استاذي
حسين الخمعلي
UP 2 DOWN
09:38 صباحاً 2010/09/22
• 16
مبدع ياابوعبدالله.
بالتوفيق.
احد محبين الرياض.
أحمدالوشمي (زائر)
UP 2 DOWN
09:41 صباحاً 2010/09/22
• 17
فعلا.. الأخوه في السودان قمة في الاخلاق ويجبر من تعامل معهم على تقديم الاحترام
عبدالرحمن نهير العنزي
UP 3 DOWN
09:42 صباحاً 2010/09/22
• 18
شهادة فخر واعتزاز أثلجت صدر كل سوداني خاصة من شخص كبير وقامة سامقة يتربع على قمة الهرم الإعلامي الخليجي والعربي أستاذنا أبو عبد الله تركي السديري وإن شاء الله جميع السودانيين الذين احتضنتهم هذه البلاد الكريمة والمضيافة عند حسن الظن
على العقيد (زائر)
UP 3 DOWN
09:53 صباحاً 2010/09/22
• 19
اعتقد انك وفقت كثيرا في مقالةاليوم
*وهذا لينتقص من مقالاتك اليوميه الرائعه*
1:(لكن استاذتركي ماالاسباب التي جعلتهم يقلون على حساب غيرهم)اقصد الاخوه السودانيين(الزوله)
2:الاتعتقد ان المطربين الحاليين شوهو صورة الغناء او بالاصح الطرب مع التعري منتشر ايضا في اغلب دول العالم
ثانكس "وكل عام وانت بخير يوم وطني سعيداتمناه لك"
الثمين
UP 0 DOWN
10:03 صباحاً 2010/09/22
• 20
على طاري السودانيين + بعيداً عن الغناء
يا حبي للسودانيين
أكثر شعب عربي في المملكة يفرض عليك احترامه
قليلو المشاكل
متكاتفون فيما بينهم
محافظون على زيهم وملابسهم وعاداتهم
غالبية المدرسين على ثقافة عالية, حتى مهما كانت أعمالهم , شعب مسالم
غالبيتهم على دين وخلق
صحيح فيه نماذج مخالفة لكن أتكلم عن الأغلب
وكل شعب فيه صالح وطالحنقلاً عن صحيفة الرياض النسخة الاليكترونية

السني أبوالعزائم
25th September 2010, 10:40 PM
اقبال

معليش نسيت الورتابة

الورتابة هي الصفقة واى حد يقول ليك غير كدا واى رابط يقول غير كدا يكون ضلك .

القصبة مكونة من العضم الفيهو الفص ( تعرفي الفص ولا فصاحة ساى ؟) والورتابة البحبها اللهب يقوم ياكلها ليك شلللللللللللللللللللل كدا .

يا الطيب،، كدي النجيك بالباب الما بتعرفو

الورتاب هو في مفهومنا فعلاً ورق أخضر وليس جاف،، ولكنه ما ما أي صفقة يقال ليها ورتاب،، يعني ورقة النيم ما ورتاب،، ولكن زي البصل وما شابهه فورتاب،، وقال الشاعر الإنجليزي


عيال اب جويلي الكمبلوا وعرضوا في دار كردفان اتغربوا وسدروا
ضربوا الجوز عديل حاشا ما ضلوا لبنات البلد سمح الخبر جابوا

غني و شكري يأم قرقدا سايح من دار كردفان جانا الشناع فايح
في الفاشر الكبير طلعوا الصايح دقوا الجوز عديل اصلوا العمر رايح

دقي وزغردي يام قرقدا حسوا الليله بجيب القول علي البيسوا
عيال اب جويلي الجيلوا و تعلوا ديل درب اب درق شقوا

غني و شكري يا خدرة الورتاب فوق ود الفحل الليله جبتا جواب
حقيت الاسم ياسالم الارباب قيدومة العيال ... ركازة للمرهاب

الطيب شيقوق
26th September 2010, 08:04 AM
يا الطيب،، كدي النجيك بالباب الما بتعرفو

الورتاب هو في مفهومنا فعلاً ورق أخضر وليس جاف،، ولكنه ما ما أي صفقة يقال ليها ورتاب،، يعني ورقة النيم ما ورتاب،، ولكن زي البصل وما شابهه فورتاب،، وقال الشاعر الإنجليزي



السنى

ازيك يا اخي وكل عام وانت بالف خير

قلت قال الشاعر منووووووو؟ هههههههههههههههههههههها


الزاكي واقبال اى عليكم الله املونا بالكلام الحنين دا خلونا نصد لاهلنا في اليومين ديل

اقبال حجار
26th September 2010, 04:34 PM
ما كتبه تركي عبدالله السديري عن السودان يُعد ضمن الأوسمة التي يشرفنا بها هؤلاء الكُتاب من حين لآخرفالسوادن يفوح طيبة وكرماً وأخلاقاً حسنة ,,,,لا يترك في الذاكرة سوى أجمل الذكريات لكل من زاره أو عاشر أهله فكرمهم لايُضاهي يسقي الغريب ويطعمه كفلذات أكباده..يفرش الطرقات بموائد الطعام لدعوة عابري السبيل ...و.........و..........نشعر بالفخر لأننا ننتمي لهذا الشعب الجميل .
فالسوادن فعلا : سمح، كما يقول أهله!
نتمنى أن نعُض بالنواجذ على كل الصفات الجميلة الرائعة.:sd::sd:


السني يبدو إنو مفهوم هذه المصطلحات يختلف بإختلاف المناطق لذلك يمكن قبول التفاسير بشرط التثنية من مشارك آخر من المنطقة ..فأنا لازلت أنتظر...لأني متأكدة مما كتبت بعيداً عن الروابط..بس ياريت يجيني ود الخضر أو التاج محجوب بي جاي

كتب اخونا شيقوق
الزاكي واقبال اى عليكم الله املونا بالكلام الحنين دا خلونا نصد لاهلنا في اليومين ديل .
نحن الحالة رتينا بي حالتك وقلنا تشيل نفسك شوية ,,وبعدين نجيك بالكلام الحنين

الطيب شيقوق
26th September 2010, 06:22 PM
كتبت بت حجار

نحن الحالة رتينا بي حالتك وقلنا تشيل نفسك شوية ,,وبعدين نجيك بالكلام الحنين

No no, please let me adapt myself to the Gulf enviroment

الزاكي عبد الحميد
26th September 2010, 07:22 PM
No no, please let me adapt myself to the Gulf enviroment

الخطوة الجاية يا ربي تكون طلب الجنسية ولاّ شنو!

أفّو..أفّو يا شيخ العرب..كلامك عوج تب..

عمار محجوب محمد زكي
27th September 2010, 08:41 AM
adapt
يا الزاكي أنت adapt دي بمعني تأقلمت أو تكيفت أو تجهزت أم أن المقصود بها معناها الحرفي كما تنطق يعني (أدبت) من الأدب لأننا تأدبنا أدب المدائح في الغربة البطالة دي ولا كيف؟؟؟ وبهذه المناسبة ماذا يقصد بأدب المدائح؟؟؟

الزاكي عبد الحميد
27th September 2010, 11:03 AM
يا الزاكي أنت adapt دي بمعني تأقلمت أو تكيفت أو تجهزت أم أن المقصود بها معناها الحرفي كما تنطق يعني (أدبت) من الأدب لأننا تأدبنا أدب المدائح في الغربة البطالة دي ولا كيف؟؟؟ وبهذه المناسبة ماذا يقصد بأدب المدائح؟؟؟

هلا هلا بدكتور عمار ابن توتي البار..
عليك بشيخ الدندر لتسفسره أي التعريفات أنسب له..

عمار محجوب محمد زكي
27th September 2010, 12:02 PM
أخي الزاكي
الأخت وداد
نعود للموضوع الحيوي الهام (الغربة سترة حال)
الأمر كما أراه يحتاج إلى إعداد كشف من من ثلاثة أعمدة:

يتضمن العمود الأول المكاسب التي حصل عليها الإنسان من غربته مثلا
بنى بيت
إتزوج
مشى الحج
حجج أمه وأبوه
ساعد كم مريض
وهكذا

والعمود الثاني يتضمن ما فقده بسبب الغربة وما كان يمكن أن يحققه لو أنه ظل في السودان مثلا
إكمال دراسته
تمتين علاقاته الإجتماعية باهل البلد
معايشة الحياة بحلوها ومره بين الأهل والعشيرة
وهكذا

أما العمود الثالث فيجري فيه مقارنة بين إنجازاته في الغربة وما كان يمكن أن يتحقق منها بدون غربة مثلا
مشى الحج .. كان ممكن يمشي دون إغتراب
يكمل دراسته في السودان .. ليس بالضرورة لأنه يمكن أن يكملها بعد أن يجمع مبلغا من المال في الغربة ويسافر للتحضير

المهم ما أقصده هو ضرورة إجراء تقييم دقيق لما حدث وأفضل أن يقوم بذلك جهابذة المغتربين اي الذي أكملوا فوق للعشرين عام فأكثر أمثال صديقي العزيز الزاكي عبدالحميد (مكرر) داود.

الزاكي عبد الحميد
27th September 2010, 01:02 PM
الزاكي عبدالحميد (مكرر) داود

يا خي معقول.. أنا جيت بعد ود الخدر..
وبما أن عبد الحميد (مكرر) صاحب ود الخدر فأكون
أنا أيضاً بعدو..يعني الصف قدامي طويل
وأنا إنسان حقاني ما بدور أخرمج الصف..

الطيب شيقوق
27th September 2010, 09:54 PM
الزاكي عبدالحميد (مكرر) داود

يا خي معقول.. أنا جيت بعد ود الخدر..
وبما أن عبد الحميد (مكرر) صاحب ود الخدر فأكون
أنا أيضاً بعدو..يعني الصف قدامي طويل
وأنا إنسان حقاني ما بدور أخرمج الصف..

والله يا الزاكي عندكم جنس حسادة

مالكم داسين دكتور عمار منى - يعني يعود المنتدى وانا ما عارف

حباب الشكري حباب الجعلي الماك دنقلاوي ولا سنجك

امانة يا الغربة ما اتلخبطي بالحيل جوك الناس العاشوك وداسوك

هييييييييييييييييييع

عبدالرحيم العمده
28th September 2010, 07:56 AM
احدهم : السيف في غمده لا تخشى بواتره ولحظ عينيك في الحالين بتًار (http://www.sudaneseclub-oman.com/montada-f9/topic-t99.htm#208)




يا للجمال والروعه !!! مبالغة يا يا شيخ العرب .. أها دي نظرة منها تقد عينيك . نشوفها كيف!!!!

الطيب شيقوق
28th September 2010, 08:08 AM
يا للجمال والروعه !!! مبالغة يا يا شيخ العرب .. أها دي نظرة منها تقد عينيك . نشوفها كيف!!!!

الكابتن ود العمدة

سلام وكل عام وانت وناس مدنى وود الماحي بالف خير

الطيب ادريس
28th September 2010, 09:22 AM
[QUOTE=عمار محجوب محمد زكي;11776]أخي الزاكي
الأخت وداد
نعود للموضوع الحيوي الهام (الغربة سترة حال)
الأمر كما أراه يحتاج إلى إعداد كشف من من ثلاثة أعمدة:

يتضمن العمود الأول المكاسب التي حصل عليها الإنسان من غربته مثلا
بنى بيت
إتزوج
مشى الحج
حجج أمه وأبوه
ساعد كم مريض
وهكذا


الأخ العزيز عمار محجوب والله أنا من دعاة ( أقضوا حوائجكم بكتمان الأمور ) عشان ماندخل في ثوب الرياء أقصد ( الفشخرة ) العالم دي كلها بنت وحججت وعلمت مافي خيار وفقوس !!!!
ماتبقي من اقتراحات بصراحة جميلة لأنها تدخل في ذكريات الغربة ومعاصرة الحال في السودان ونرجوا التواصل فيها ...

تحريمة:
دكتور عمّار انت نادي توتي الحصل فيهوا شنو بعد ذهاب دكتور شداد ! http://www.sudaneseclub-oman.com/vbforum/images/icons/icon10.gif

عمار محجوب محمد زكي
28th September 2010, 09:31 AM
شكراً أخي الحبيب الطيب إدريس على مداخلتكم الظريفة
بالنسبة لنادي توتي بعد ذهاب شداد بغير رجعة فإننا وإكراماً للميت سننتظر أربعة أشهر وعشرة أيام لنخطو الخطوة التالية
توتي ستطالب بالإنتقال مباشرة للدوري الممتاز تعويضا عن الضرر التي لحق بها من جراء سنوات شداد والتي سيأتي من بعدها عام فيه تصعد فيه توتي للقمة بإذن الله.:ok:

الطيب شيقوق
28th September 2010, 12:05 PM
[quote=عمار محجوب محمد زكي;11776]أخي الزاكي
الأخت وداد
نعود للموضوع الحيوي الهام (الغربة سترة حال)
الأمر كما أراه يحتاج إلى إعداد كشف من من ثلاثة أعمدة:

يتضمن العمود الأول المكاسب التي حصل عليها الإنسان من غربته مثلا
بنى بيت
إتزوج
مشى الحج
حجج أمه وأبوه
ساعد كم مريض
وهكذا


الأخ العزيز عمار محجوب والله أنا من دعاة ( أقضوا حوائجكم بكتمان الأمور ) عشان ماندخل في ثوب الرياء أقصد ( الفشخرة ) العالم دي كلها بنت وحججت وعلمت مافي خيار وفقوس !!!!
ماتبقي من اقتراحات بصراحة جميلة لأنها تدخل في ذكريات الغربة ومعاصرة الحال في السودان ونرجوا التواصل فيها ...

تحريمة:
دكتور عمّار انت نادي توتي الحصل فيهوا شنو بعد ذهاب دكتور شداد ! http://www.sudaneseclub-oman.com/vbforum/images/icons/icon10.gif

يجازي محنك يا الطيب ود دريس

الزاكي عبد الحميد
28th September 2010, 01:19 PM
[quote=الطيب ادريس;11796]

يجازي محنك يا الطيب ود دريس

إت يا شيقوق:
دحين ود إدريس دا ما طوّل الغيبة!
قول للزول أظهر وبان ليك الأمان..
نحن في انتظار جميل حديثه..

وأين شاعرتنا؟

الطيب شيقوق
28th September 2010, 02:06 PM
[quote=الطيب شيقوق;11818]

إت يا شيقوق:
دحين ود إدريس دا ما طوّل الغيبة!
قول للزول أظهر وبان ليك الأمان..
نحن في انتظار جميل حديثه..

وأين شاعرتنا؟

يمكن مشت تجيب البهمان ( تعرف البهمان جمع شنو يا ابا الزيك؟)

الزاكي عبد الحميد
28th September 2010, 02:51 PM
تتذكر قول جميل بثينة:

صغيرين نرعى البهم يا ليت أننا
إلى اليوم لم نكبر ولم تكبر البهم

الطيب شيقوق
29th September 2010, 11:38 AM
تتذكر قول جميل بثينة:

صغيرين نرعى البهم يا ليت أننا
إلى اليوم لم نكبر ولم تكبر البهم

آآآآآآآآآآآآآآآآآآآي وكمان يا اللخو

يقولون جاهد يا جميل بغزوة وأي جهاد غيرهنّ اريد
لكل حديث عندهنّ بشاشة وكل قتيل عندهنّ شهيد

ما تسرح

الطيب ادريس
29th September 2010, 01:35 PM
http://www.uparab.com/files/G9Teh8sjhzzeoc0I.png

اريل شام سروق شراكي ما نا الشابك
شم نفسك يفو ح مسك العشاري الشابي
بهمة منصح الوادي المخدر برو
قعدت قلبي تطويه وكل ساعة تفرو
ديسة المهضلم قادا

أها يا جماعة ( المنصح ) معناها شنو ..
السؤال يشمل اخوتنا محس توتي والدناقلة والشوايقة

ود شيقوق والزبير وام عمر (بره )

الزاكي عبد الحميد
29th September 2010, 02:45 PM
أها يا جماعة ( المنصح ) معناها شنو ..
السؤال يشمل اخوتنا محس توتي والدناقلة والشوايقة

بهمة مَنْصَح الوادي المخدِّر درُّو..

يا سيدي دي الصيدة الناشئة في قلب الوادي
المخضر بنبات ليس بالطويل..

ولما كان الحديث ذو شجون استشهد بقول
الشايقية التي طلبت من المرغنية مساعدة زوجها
أمام المفتش المستعمر:

وا غرِز قولو في قلب السكرتين
وسووا بَلا الخدار في مَنْصَح الطين

ولعلها من نَصَح الغيث البلد أي سقاه حتى
اتصل نبته ببعض فلم يكن فيه فضاء (كثيف)..
شن قولك ياللخو؟

الزاكي عبد الحميد
29th September 2010, 02:49 PM
لكل حديث عندهنّ بشاشة وكل قتيل عندهنّ شهيد

أعتقد (بينهن) والله أعلم!

اقبال حجار
29th September 2010, 02:56 PM
...منصح الوادى المخدر برو..
يتحدث عن البهم (ولد الماعز)
منصح من نصيح (الزاكي بيوريك الموقع اللغوي ) ...ونصيح تدل على القوة
والبهم الذي يرعى في أرض خصبة بيكون قوي ونصيح ودائماً ما يقوم بحركات استعراضية تدل على هذه القوة....أما بالنسبة للأرض النصاح بيكون خصوبة وإخضرار
أها لقيتنا كيف؟؟؟

الزاكي عبد الحميد
29th September 2010, 04:18 PM
...منصح الوادى المخدر برو..
يتحدث عن البهم (ولد الماعز)
منصح من نصيح (الزاكي بيوريك الموقع اللغوي ) ...ونصيح تدل على القوة
والبهم الذي يرعى في أرض خصبة بيكون قوي ونصيح ودائماً ما يقوم بحركات استعراضية تدل على هذه القوة....أما بالنسبة للأرض النصاح بيكون خصوبة وإخضرار
أها لقيتنا كيف؟؟؟

عفارم يا إقبال..
شايف الجماعة لبدوا
أها بالمناسبة عفارم دي يعني شنو يا الناس اللي هناك؟

اقبال حجار
29th September 2010, 04:18 PM
تتذكر قول جميل بثينة:

صغيرين نرعى البهم يا ليت أننا
إلى اليوم لم نكبر ولم تكبر البهم

http://tungasi.com/uploader/uploads/37.jpg

صورة تعيد ذكريات الطفولة الجميلة....
وحليل وكت كان الزمن زين
كنا لا نعرف جروره ولا سداد دين
ولا نعرف عشانا يجيبو من وين

الزاكي عبد الحميد
29th September 2010, 04:47 PM
صورة تعيد ذكريات الطفولة الجميلة....
وحليل وكت كان الزمن زين
كنا لا نعرف جروره ولا سداد دين
ولا نعرف عشانا يجيبو من وين

صورة صادقة لزمن جميل..
فردوس ضائع نبحث عنه..
نجده -ونحن في هذا العمر-
في اجترار ذكريات الطفولة
ولولاها (أي هذه الذكريات) لكانت دنياواتنا صهداً
وهجيراً وتصحراً فكرياً..
شكرن جزيلن إقبال بت حجار..

الطيب شيقوق
29th September 2010, 06:28 PM
http://tungasi.com/uploader/uploads/37.jpg

صورة تعيد ذكريات الطفولة الجميلة....
وحليل وكت كان الزمن زين
كنا لا نعرف جروره ولا سداد دين
ولا نعرف عشانا يجيبو من وين



وهنا مسار طفولتي يا بت حجار

مشروع كتاب لم يكتمل فما رايكم؟

http://www.sudaneseonline.com/cgi-bin/sdb/2bb.cgi?seq=msg&board=211&msg=1179213116&page=0

اقبال حجار
1st October 2010, 01:34 AM
وهنا مسار طفولتي يا بت حجار

مشروع كتاب لم يكتمل فما رايكم؟

http://www.sudaneseonline.com/cgi-bin/sdb/2bb.cgi?seq=msg&board=211&msg=1179213116&page=0

ما أجمل ذكريات الطفوله وهي تحمل الطهر و البراءه... فهي سنوات لن تنمحى من خيال الذاكره ابداً.. تفاصيل الاشكال نجدها قد حفرت فى اخاديد الذاكره ...
مابدأتُ قراءته في تلك الصفحات مادة دسمة جداً ,ومشروع الكتاب نتمنى إكماله.... فلك التحية أخونا الطيب على ما خطت يداك ومواصلين المتابعة.

الطيب شيقوق
2nd October 2010, 02:41 PM
ما أجمل ذكريات الطفوله وهي تحمل الطهر و البراءه... فهي سنوات لن تنمحى من خيال الذاكره ابداً.. تفاصيل الاشكال نجدها قد حفرت فى اخاديد الذاكره ...
مابدأتُ قراءته في تلك الصفحات مادة دسمة جداً ,ومشروع الكتاب نتمنى إكماله.... فلك التحية أخونا الطيب على ما خطت يداك ومواصلين المتابعة.

شكرا الاستاذة اقبال على كلماتك الطيبة

ارجو المواصلة في تصفحها حتى نهايتها والعودة الينا برايك حولها

بعض مفردات الرواية موغلة في المحلية وهذا قد يتطلب منك مراجعة كتاب الدكتور عون الشريف قاسم - العامية في السودان - ليتسنى لك استيعاب معانيها

معذرة لتاخير الرد بسبب العين التي المت بلابتوبي ( كدا لغة صاح يا الزاكي؟)

اطيب الاماني

الزاكي عبد الحميد
3rd October 2010, 11:06 AM
معذرة لتاخير الرد بسبب العين التي المت بلابتوبي ( كدا لغة صاح يا الزاكي؟)

اللابتوب خلي لكن يا المسنوح أنا قت ليك
المادة دي لمَّها في كتاب..
انتو قايلين المصريين البطلعوا كتاب كل يوم
ديل أحسن منكم..أبداً والله..لكين هم حريصين إنو يوثقوا
أي شيء حتى لو كان كلام ساي.....
تجربتك هذه جديرة بالنشر (ولعلي طلبت منك في سودانيزأو لاين وقتها
أن تقدم المادة كمحاضرة في جلسة الذكريات
لكنك -تواضعاً-رأيت أن المادة لا تستحق إشراك الآخرين فيها حتى بالسمع..)
ياخوانا بالله عليكم خلوا تواضعكم الما منو فايدة دا!!

وسلام ليك يا الزين..

الطيب شيقوق
3rd October 2010, 12:29 PM
معذرة لتاخير الرد بسبب العين التي المت بلابتوبي ( كدا لغة صاح يا الزاكي؟)

اللابتوب خلي لكن يا المسنوح أنا قت ليك
المادة دي لمَّها في كتاب..
انتو قايلين المصريين البطلعوا كتاب كل يوم
ديل أحسن منكم..أبداً والله..لكين هم حريصين إنو يوثقوا
أي شيء حتى لو كان كلام ساي.....
تجربتك هذه جديرة بالنشر (ولعلي طلبت منك في سودانيزأو لاين وقتها
أن تقدم المادة كمحاضرة في جلسة الذكريات
لكنك -تواضعاً-رأيت أن المادة لا تستحق إشراك الآخرين فيها حتى بالسمع..)
ياخوانا بالله عليكم خلوا تواضعكم الما منو فايدة دا!!

وسلام ليك يا الزين..

زيكو المسنوح

كلامك بالحيل سمح بس خايف يكون كسير تلج تورطنى ساى

انتوا يا الدناقلة بتنضمنوا ؟

اقبال حجار
3rd October 2010, 12:32 PM
سلام أهل الدار
نرجع للكلمات
المرحاكة
المرحاكة عبارة عن مطاحن غلال (تقليدية) صنعها الأهالي في قديم الزمان لطحن الذرة (العيش) بأنواعه المختلفة لتحوله الى دقيق والاستفادة منه في صناعة الطعام .

http://img104.herosh.com/2010/07/24/594783128.jpg


المنجل:

http://www.albrkal.com/upload/uploads/mnshc.jpg

المنجل هو قطعة حديد معكوفة لها مقبض من الخشب وحافة قاطعة من الحديد مسننة من الداخل لسهولة جز المحصول

المنجل كان يستخدم في حصاد المحاصيل مثل الذرة ,الشعير والبرسيم ويستخدم في حصاد النخيل وقطع السعف

الزاكي عبد الحميد
3rd October 2010, 01:04 PM
انتوا يا الدناقلة بتنضمنوا ؟

أرقد قفا..
وأبدا شغلتك..
ما تقولي ما عندي وكت..
المادة كلها تقريباً في الكمبيوتر
ما عليك إلا تنقحها وبس..
أنا مستعد لتوزيع الكتاب على الناس الهنا والهناك..
لكين ما تنسى الكوميشن..
باقي لي ناس القانون ديل عندهم جخانين يتوهوا بيها
الزينا ديل..

واصل..

الزاكي عبد الحميد
3rd October 2010, 01:13 PM
سلام أهل الدار
نرجع للكلمات
المرحاكة
المرحاكة عبارة عن مطاحن غلال (تقليدية) صنعها الأهالي في قديم الزمان لطحن الذرة (العيش) بأنواعه المختلفة لتحوله الى دقيق والاستفادة منه في صناعة الطعام .




المنجل:



المنجل هو قطعة حديد معكوفة لها مقبض من الخشب وحافة قاطعة من الحديد مسننة من الداخل لسهولة جز المحصول

المنجل كان يستخدم في حصاد المحاصيل مثل الذرة ,الشعير والبرسيم ويستخدم في حصاد النخيل وقطع السعف

أستاذة إقبال:
شكراً..شكراً..شكراً..
إلى صديقي المسنوح:
تعرف ليه المناجل ديل روسينن مربَّطات؟

الطيب شيقوق
3rd October 2010, 05:41 PM
سلام أهل الدار
نرجع للكلمات
المرحاكة
المرحاكة عبارة عن مطاحن غلال (تقليدية) صنعها الأهالي في قديم الزمان لطحن الذرة (العيش) بأنواعه المختلفة لتحوله الى دقيق والاستفادة منه في صناعة الطعام .




المنجل:



المنجل هو قطعة حديد معكوفة لها مقبض من الخشب وحافة قاطعة من الحديد مسننة من الداخل لسهولة جز المحصول

المنجل كان يستخدم في حصاد المحاصيل مثل الذرة ,الشعير والبرسيم ويستخدم في حصاد النخيل وقطع السعف

أستاذة إقبال:
شكراً..شكراً..شكراً..
إلى صديقي المسنوح:
تعرف ليه المناجل ديل روسينن مربَّطات؟


اظن يا الزاكي مربوطات كدا عشان يسهل نقلها من مكان لمكان اولا لتغطية الرؤوس الحادة


شكرا يا اقبال ووالله نحن ما فاكرين في ناس كانوا بطحنوا بالمرحاكة زينا -

المرحاكة عندها مجموعة حجار ولكل واحد اسمه وحتى الطحين برضو مراحل كدى ورينا الحاجات دي اكان ليك بيها علم اياك والخمش

السني أبوالعزائم
3rd October 2010, 07:09 PM
المرحاكة عندها مجموعة حجار ولكل واحد اسمه وحتى الطحين برضو مراحل كدى ورينا الحاجات دي اكان ليك بيها علم اياك والخمش

يا أبوعبد الله ،،، كل إناء بما فيه ينضح،،
والمنجل ده كان راسو ما مربوط وشلته،، إلا طب العصب،، لكن ياهو الشارط جلدك شارط جلدك. لكن منجلكم العارضينه ده انا ما بعرفه،، نحن بنعرف المنجل ده،،
http://www.jordan-son.com/uploads/photos/180px-20_falz.jpg
وكدي خليني من من حنكشته والمقبض،، انا بتكلم عن تقوس النصل

الطيب شيقوق
3rd October 2010, 07:18 PM
يا أبوعبد الله ،،، كل إناء بما فيه ينضح،،
والمنجل ده كان راسو ما مربوط وشلته،، إلا طب العصب،، لكن ياهو الشارط جلدك شارط جلدك. لكن منجلكم العارضينه ده انا ما بعرفه،، نحن بنعرف المنجل ده،،
http://www.jordan-son.com/uploads/photos/180px-20_falz.jpg

وكدي خليني من من حنكشته والمقبض،، انا بتكلم عن تقوس النصل


ابو العزائم

كدى ورينا انت صفحة منتداك دي مالها ما بتشبع - يعني مداخلة واحدة كاربة علا الواحد يقلب الصفحة التانية

يا اخي اجعل لينا الصفحة مهووووووووولة خلينا نتجدع فيها بدون قليييييييييييب - بضم القاف وتشديد اللام .

مشتاق بالحيل لدكتور عمار يفرخ ساااااااى في البوستات ما عايز يدينا طلة بهنا

عمار محجوب محمد زكي
4th October 2010, 09:50 AM
أبشر يا شيخ العرب
منجلك يا هو المنجل
كمان وريهم النجام والملود والواسوق والنبرو

الطيب شيقوق
4th October 2010, 11:41 AM
أبشر يا شيخ العرب
منجلك يا هو المنجل
كمان وريهم النجام والملود والواسوق والنبرو

عمار اخوي حبابك بيك القوافي سعيدة
طلع نُوّارها فاح، لاحت بشاير عيدا
قوقى القمري صفق بي غناوي فريدة
لي نماً أصيل بيهو السعادة أكيـــــــــــــــــــــــــــــــــدة

ما ناسيك يا اللخو بجمع ليك في آراء القانونيين عشان اديك راي قانوني سديد .



لقيتني كيف كدا؟

الزاكي واقبال طلتكم بقت حولية . تعرفوا حولية ولا اشرح ليكم ؟

عمار محجوب محمد زكي
4th October 2010, 12:07 PM
أحسن تشرح ليهم الحولية وأشرح ليهم معاها التبروقة والسفروق والماروق والتتق .. التتق دا أنت بتعرفوا (هو قطعة خشب صغيرة تثبت بها حديدة الطورية في عودها) .. وبهذه المناسبة فقد أحد المزارعين عندنا طوريته وفي يوم شاهد أحد عمال الزراعة يحمل طورية فقال له هذه الطورية حقتي أنا فقيل له كيف عرفتها قال لهم على الطلاق حقتي بس هو غير الحديدة والعود ... فقيل له : طيب أنت عندك فيها التتق ولا شنو؟؟؟ هههههههههههههههههههههههههههههههههههه قرقرقرقرقرقرقرقرقرقرقرقرقرقرقر

الطيب شيقوق
4th October 2010, 12:43 PM
أحسن تشرح ليهم الحولية وأشرح ليهم معاها التبروقة والسفروق والماروق والتتق .. التتق دا أنت بتعرفوا (هو قطعة خشب صغيرة تثبت بها حديدة الطورية في عودها) .. وبهذه المناسبة فقد أحد المزارعين عندنا طوريته وفي يوم شاهد أحد عمال الزراعة يحمل طورية فقال له هذه الطورية حقتي أنا فقيل له كيف عرفتها قال لهم على الطلاق حقتي بس هو غير الحديدة والعود ... فقيل له : طيب أنت عندك فيها التتق ولا شنو؟؟؟ هههههههههههههههههههههههههههههههههههه قرقرقرقرقرقرقرقرقرقرقرقرقرقرقر


ههههههههههههههههههههههها والله انت مسنووووووووووووووح يا العشاء

الزاكي عبد الحميد
4th October 2010, 02:08 PM
ههههههههههههههههههههههها والله انت مسنووووووووووووووح يا العشاء


التتق دي باقي لي يا عمار تايلندية
يعني تكونوا نجرتوها براكم يا ناس توتي قرقرقر قرقرقر
التتق دي سمعت بيها ياللخو المسنوح!

اقبال حجار
4th October 2010, 03:24 PM
لك التحية استاذ عمار والتحية لكم جميعاً
التتق عندنا له معنى آخر:
والتتق هو عود الساقي اي الارتكاز الذي تقف عليه الحلقة وعندما يتعامد الظل تحت الحلقة في منتصف النهار ينزل الظل تحت عمود الحلقة الكبيرة ويدرك الاروتي حينها ان الساعة الثانية عشرة ظهرا منتصف النهار وحان موعد ايقاف الساقية لهذا يصيح للصمد ان التتق لِحق.

قصة التتق لِحق وهي قصة تروى في شمال السودان وفحواها ان احد الخواجات كان يتمشى بالقرب من النيل ايام ما كان عامرا بالسواقي وفجأة سمع صياحاً في وقت واحد من الاروتية الذين يشرفون على هذه السواقى بأن صاحوا التتق لحق التتق لحق التتق لحق فسأل عن معنى هذه الكلمة فقالوا له إن معنى ذلك ان النهار انتصف وحان موعد الراحة للاروتي وللبقر التي تجر الساقية، ويقال إنه نظر الى ساعته وهو الوحيد الذي كان يمتلك الساعة في ذلك الوقت وفعلا وجد ان الساعة تشير إلى الثانية عشرة فاستغرب من نباهة هؤلاء وكيف يدركون الزمن بوسائلهم البدائية تلك
أما الكتقة:
فهي باب بدائي يصنع من العيدان الصغيرة الحجم حيث تُرص طولياً وتثبت بأخري عرضية ببعض المسامير ولا تحتاج للنجار,ويستخدم عادة كباب للزرائب.
وقد ذُكرت في قول الشاعر:
يا الشايل شمسك في جواك خليها تبين للناس تطلع
يا النازع فرحة والدة هناك غير حس آهاتك ما بتسمع
يا الناسي اللبقة المفتوحة دي بلاك طوريتك ما بتقرع
المُنجل في راس التمرة ناسيهو وأمك ما بتطلع
الكتقة وقعت والحملان في اللوبي بقت تجري وترتع
والزير الفي بيت الضيفان حرمان لا نزّ ولا نقّع

الزاكي عبد الحميد
4th October 2010, 05:52 PM
لك التحية استاذ عمار والتحية لكم جميعاً
التتق عندنا له معنى آخر:
والتتق هو عود الساقي اي الارتكاز الذي تقف عليه الحلقة وعندما يتعامد الظل تحت الحلقة في منتصف النهار ينزل الظل تحت عمود الحلقة الكبيرة ويدرك الاروتي حينها ان الساعة الثانية عشرة ظهرا

يعني الخواجات ولاد الذين سرقوها مننا
وسموها Sundial ...

شكراً إقبال على الشرح الوافي لكين باقي لي
تتق ناس عمار في توتي تايلندية ما لم يثبت عمار
بالدليل القاطع غير ذلك..

الطيب شيقوق
4th October 2010, 10:05 PM
لك التحية استاذ عمار والتحية لكم جميعاً
التتق عندنا له معنى آخر:
والتتق هو عود الساقي اي الارتكاز الذي تقف عليه الحلقة وعندما يتعامد الظل تحت الحلقة في منتصف النهار ينزل الظل تحت عمود الحلقة الكبيرة ويدرك الاروتي حينها ان الساعة الثانية عشرة ظهرا

يعني الخواجات ولاد الذين سرقوها مننا
وسموها sundial ...

شكراً إقبال على الشرح الوافي لكين باقي لي
تتق ناس عمار في توتي تايلندية ما لم يثبت عمار
بالدليل القاطع غير ذلك..

والله يا اخوانا انا كنت فاكركم قاصدين التتك وهو حديدة في البندقية لا تنطلق الرصاصة منها الا بالضغط عليها زى ما قال شاعرنا :

سمع حس المراح صن و سكت و اصغالو
كرس طابق الطبنجي و خزنتين في شمالو
عن نقر الــــــــــــــــتتك الوادي قج علالو

لقيتني كيف يا زيكو؟

الزاكي عبد الحميد
5th October 2010, 06:29 AM
سمع حس المراح صن و سكت و اصغالو
كرس طابق الطبنجي و خزنتين في شمالو
عن نقر الــــــــــــــــتتك الوادي قج علالو

الطيب إدريس الأرباب
فلفل لينا الكلام بتاع المسنوح دا
نتذوقو..
ما يكون خامينا ساي..

عمار محجوب محمد زكي
5th October 2010, 08:09 AM
الدليل أخي الزاكي ما قاله الشاعر الجاهلي المعروف حمران بن جنيش الجبهندلي من قبيلة رخمال بأقصى الجنوب اليمني عند أطراف بقية سد مأرب وقد قالها في وصف طوريته حيث قال

ولي طورية لو رأيتني أحفر بها
في الليل لعجبت من قمر السماء الآفل
فلها تتق يثبت حديدتها إلى عودها
فبدت من بعده كالهيكل المتخاذل

ورب قوم ذهبوا إلى قوم
ولكن القوم الأولانيين
لما ذهبوا للقوم الثانيين
ما لقوهومش خدو
تكسي ورجعوا تاني
قرقرقرقرقرقرقرقرقر

الزاكي عبد الحميد
5th October 2010, 08:45 AM
الدليل أخي الزاكي ما قاله الشاعر الجاهلي المعروف حمران بن جنيش الجبهندلي من قبيلة رخمال بأقصى الجنوب اليمني عند أطراف بقية سد مأرب وقد قالها في وصف طوريته حيث قال

ولي طورية لو رأيتني أحفر بها
في الليل لعجبت من قمر السماء الآفل
فلها تتق يثبت حديدتها إلى عودها
فبدت من بعده كالهيكل المتخاذل

ورب قوم ذهبوا إلى قوم
ولكن القوم الأولانيين
لما ذهبوا للقوم الثانيين
ما لقوهومش خدو
تكسي ورجعوا تاني


كدا معليش د. عمّار
دا دليل ما يخرش المية..

عمار محجوب محمد زكي
5th October 2010, 09:09 AM
جلس شيخ يدرس في التلاميذ في المسجد فقال لهم : إن الذئب الذي أكل يوسف كان اسمه زعفران .. فقال طالب نجيب كان يجلس في الحلقة .. ولكن يا شيخنا يوسف لم يأكله الذئب .. فقال الشيخ مستدركا : إذن كان إسم الذئب الذي لم يأكل يوسف هو زعفران.

ومن هنا يتضح لنا أن التتق في الأصل هو قطعة الخشب الصغيرة التي تثبت حديدة الطورية في عودها .. ومن ثم أصبح إسم التتق يطلق على أشياء أخرى تخص عرب البادية والعرب العاربة والمستعربة ولكن يبقى أصل التتق كما أشرنا
ونحن نعلم أن الذئب لم يأكل يوسف ولذا نقول : برئ براءة الذئب من دم بن يعقوب.

لزيادة المعلومات عن التتق نقول :
عندما يتآكل التتق ويصبح غير قادر على تثبيت حديدة الطورية في عودها ينزع ويستبدل بآخر ويحفظ التتق القديم في كومة تسمى كومة التتقات وعندما تصل هذه الكومة إلى حزمة تباع لتوقد بها النار وبالتالي فإن شاهدت حزمة من التتقات فاعلم أن ناراً ستوقد .. وقد مر شاعر في عصر بني أمية على كومة من التتقات في أواخر عهد بني أمية فأرسل إليهم قائلا:
رأيت كومات من التتق ملقاة على
قارعة الطريق تشير إلى شئ همام
وأرى تحت الرماد وميض نار
وأخشي أن يكون لها ضرام
فإن النار بالعودين تزكي
وإن الحرب أولها كلام
فقلت من التعجب ليت شعري
أ إيقاظ أمية أم نيام
قرقرقرقرقرقرقرقرقر

الطيب ادريس
5th October 2010, 12:12 PM
أبشر يا شيخ العرب
منجلك يا هو المنجل
كمان وريهم النجام والملود والواسوق والنبرو



والله يا أستاذ عمار ماتتخيل كلمة ( النبرو ) دي عجبتني كيف وزي الكانت رايحة لي حاجة وهي طبعا لا يعرفها الا اهل الزراعة النهرية ( الجروف ) وشايف الجماعة جو ماشين فيها ( حوبه ) وبصراحة هي كلمة اصلية لأهل الجروف ترتبط بالطين والماء والنهر والثمر والزرع ..
لذلك انا مازلت معك في كلمة النبرو ومعرفتها واصلها وفصلها .. وزولي الليلة ذاتو ود شيقوق بدخل في مضب والشوايقة يمكن باقي استاذة اقبال دي غلبتنا عديل .. وناس البطانة أولاد شيخنا طلحة ما اظن ناس نبروا ..

من أوبريت الشريف الهندي :


فيك الازرق البي عرفه هد القيف
وفيك الابيض الماش منطرح مابقيف
وفيك زهد المفازة الوعدو ماخليف
وفيك الاتبراوي اللي الشواطيء مخيف
وفيك الدندر البهجم هجمة السيف
وفيك الباسلام في الفشقة عامل هيف
وفيك سيتيت منبت من قناهو صريف
وفيك القاش بوري الرعدة والصاعقة الداودو كيف
وفيك بحر الجبل حاقب عري الرجاف
وفيك بحر الغزال والجور وبحر زراف
وفيك سوباط ملولو زي دبيبا خاف
وفيك بحر العرب مليان نعام وزراف
وفيك بحيرة قال (نو) سيده ما الاسلاف
وفيك خور اب حبل شاقي البلد كشاف
وفيك تمت العظيم شايل الكليت والشاف
وفيك خور الدهب ذو الذكرى والاعراف
وعندك مقرناً حرم سواك ما انشاف
وعندك الف خور في الوادي والفين رافد
وحسبان الجزائر والجروف ماوارد
والنبرو الحبيب لي عودو سيدو اقالد
والساقية الحنين توريقها باكي وساهد
والبلدات ونجاضات حليلة فايد
وسمسم وام صقور وسهل قبوب ود زايد )(هلا هلا الضباينة )يا ود شيقوق
وصقيعة ام بليل براقها قايم وقاعد
والمطر البكب اربع شهور ويدارد
وفيك قنبلية كمبو سته الوارد
وام سنات تغازل دوكة ماشه تحادد
اسفاي بقول لي الفشقة بهمك شارد
كونه الفار بقت ترع وجناين وموارد

الطيب شيقوق
5th October 2010, 12:43 PM
والله يا أستاذ عمار ماتتخيل كلمة ( النبرو ) دي عجبتني كيف وزي الكانت رايحة لي حاجة وهي طبعا لا يعرفها الا اهل الزراعة النهرية ( الجروف ) وشايف الجماعة جو ماشين فيها ( حوبه ) وبصراحة هي كلمة اصلية لأهل الجروف ترتبط بالطين والماء والنهر والثمر والزرع ..
لذلك انا مازلت معك في كلمة النبرو ومعرفتها واصلها وفصلها .. وزولي الليلة ذاتو ود شيقوق بدخل في مضب والشوايقة يمكن باقي استاذة اقبال دي غلبتنا عديل .. وناس البطانة أولاد شيخنا طلحة ما اظن ناس نبروا ..

من أوبريت الشريف الهندي :


فيك الازرق البي عرفه هد القيف
وفيك الابيض الماش منطرح مابقيف
وفيك زهد المفازة الوعدو ماخليف
وفيك الاتبراوي اللي الشواطيء مخيف
وفيك الدندر البهجم هجمة السيف
وفيك الباسلام في الفشقة عامل هيف
وفيك سيتيت منبت من قناهو صريف
وفيك القاش بوري الرعدة والصاعقة الداودو كيف
وفيك بحر الجبل حاقب عري الرجاف
وفيك بحر الغزال والجور وبحر زراف
وفيك سوباط ملولو زي دبيبا خاف
وفيك بحر العرب مليان نعام وزراف
وفيك بحيرة قال (نو) سيده ما الاسلاف
وفيك خور اب حبل شاقي البلد كشاف
وفيك تمت العظيم شايل الكليت والشاف
وفيك خور الدهب ذو الذكرى والاعراف
وعندك مقرناً حرم سواك ما انشاف
وعندك الف خور في الوادي والفين رافد
وحسبان الجزائر والجروف ماوارد
والنبرو الحبيب لي عودو سيدو اقالد
والساقية الحنين توريقها باكي وساهد
والبلدات ونجاضات حليلة فايد
وسمسم وام صقور وسهل قبوب ود زايد )(هلا هلا الضباينة )يا ود شيقوق
وصقيعة ام بليل براقها قايم وقاعد
والمطر البكب اربع شهور ويدارد
وفيك قنبلية كمبو سته الوارد
وام سنات تغازل دوكة ماشه تحادد
اسفاي بقول لي الفشقة بهمك شارد
كونه الفار بقت ترع وجناين وموارد

وسمسم وام صقور وسهل قبوب ود زايد )(هلا هلا الضباينة )يا ود شيقوق
وصقيعة ام بليل براقها قايم وقاعد

بالله عليك يا الطيب هسع احفاد دنقل بيعرفو ليك القبوب؟ خليهو يمشي يفتش مختار الصحاح او المصباح المنير وحتى عون الشريف قاسم ويجي يورينا معنى القبوب .

الزاكي عبد الحميد
5th October 2010, 02:35 PM
وسهل قبوب

واحد اسمو قبوب جا ماشي في سهل..
وبعدين قطع شك بكون راح في المفازرة..
قمتو يا المسانيح سميتو عليه السهل!

دي عاوزة ليها درس عصر!


لقيتنا كيف!

الطيب ادريس
5th October 2010, 03:10 PM
ياصديقي الزاكي القبوب لن تجده في درس العصر ولا القوقل ولا المنجد انها كلمة بطانة ( قحة ) تأتي بفعل جماليات وفعاليات البطانة ورونقها الزاهي وهي تعانق السماء ...

الفلسفة ممنوعة http://www.sudaneseclub-oman.com/vbforum/images/icons/icon10.gif

حاشية :

مازلت معجب بكلمة ( النبرو ومعناها ) .. ماتخمونا ساكت كده

الزاكي عبد الحميد
5th October 2010, 03:45 PM
النبرو ومعناها


النبرو دي حقتنا وتعني الشادوف عندكم ...قرقرقرقرقرقر

اقبال حجار
5th October 2010, 04:08 PM
والنبرو الحبيب لي عودو سيدو اقالد
والساقية الحنين توريقها باكي وساهد

سلام أهلنا :وجيناكم للنبرو: النبرو هو الجوز الذي يستعمل لجلب الماء للشرب قديماً قبل المواسير طبعاً ...أو لسقاية القليل من الزرع....والجوز عبارة عن صفيحتين يربط بينهما عود موصولاً بالحبال.
ويُحمل هذا العود على الظهر ويُقالد بالأيدي .
أها شن قولكم ؟؟؟؟؟؟؟؟؟؟؟؟؟؟؟؟؟

اقبال حجار
5th October 2010, 04:36 PM
وسمسم وام صقور وسهل قبوب ود زايد
سهل "القبوب"هو سهل يقع (شرق البطانة) وقد عُرف بقبوب ود زايد، وهو زعيم قبيلة الضبانية
عاش الضبانية في هذه المنطقة (القبوب) وقد ذكر الراحل د. عون الشريف قاسم (أن الضبانية هم من جهينة يسكنون البطانة جهة القضارف والقلابات إلي حدود الحمران وغرباً إلي نهر الرهد، ومنهم مزارعون وأرباب إبل، وقد اشتهروا بالكرم حتى صار يضرب بقدح زعيمهم محمود ود زايد المثل، ومحمود ود زايد كان والده ناظراً للقبيلة في التركية وهو من مواليد قرية (شرنوب) علي نهر عطبرة 1821م) .
باللجوء للمساعدة من د.عون الشريف

الطيب شيقوق
5th October 2010, 04:50 PM
وسمسم وام صقور وسهل قبوب ود زايد
سهل "القبوب"هو سهل يقع (شرق البطانة) وقد عُرف بقبوب ود زايد، وهو زعيم قبيلة الضبانية
عاش الضبانية في هذه المنطقة (القبوب) وقد ذكر الراحل د. عون الشريف قاسم (أن الضبانية هم من جهينة يسكنون البطانة جهة القضارف والقلابات إلي حدود الحمران وغرباً إلي نهر الرهد، ومنهم مزارعون وأرباب إبل، وقد اشتهروا بالكرم حتى صار يضرب بقدح زعيمهم محمود ود زايد المثل، ومحمود ود زايد كان والده ناظراً للقبيلة في التركية وهو من مواليد قرية (شرنوب) علي نهر عطبرة 1821م) .
باللجوء للمساعدة من د.عون الشريف

نمسك الخشب بس يا بت حجار وحاة النبي حيرتينا بس عندي احساس قوي قوي بأنكم عاملين في بيتكم لجنة لتحري رؤية هلال رمضان بشوف حد وببلغ جمهور الصائمين حد آخر .

اتصدقني الرأي أخي الزاكي ؟ بالتاكيد بينتك مجروحة لاهل الشمال لانهم عولك يا الحبيب .

لنحتكم لاخينا عمار ليبّين لنا ما اذا كان تقديري صحيحا مع لا.

او ربما تعود بت حجار وتقر نفسها بالتهمة وتدفع بمثل ما دفع به الامام الصادق المهدي عندما قال :

(هذه تهمة لا انكرها وشرف لا أدعيه)

الزاكي عبد الحميد
5th October 2010, 05:06 PM
نمسك الخشب بس يا بت حجار وحاة النبي حيرتينا

ما قتو نوبة..قرقرقرقرقرقر

الطيب شيقوق
5th October 2010, 05:30 PM
نمسك الخشب بس يا بت حجار وحاة النبي حيرتينا

ما قتو نوبة

لم يكن هذا القول على إطلاقه يا الحبيب

خمشت الجزء وتركت الاخر - يا نوبي - اين الكواليفاينج بورشن ؟

عمار محجوب محمد زكي
6th October 2010, 08:37 AM
أما وقد احتكمت إلى يا شيخ العرب وإبن البطانة فإليك الحق والحق أحق أن يقال ..
وعلى الرغم من أنني نوبي الأصل من جهة الأم وتمتد جذوري من جهة الأب إلى الخزرج بالمدينة المنورة ولكن للحقيقة والتاريخ فإن أبناء البطانة هم الذين يعطونك هذا الإحساس الغامر بالتمسك بالأرض والتجذر فيها .. لا تجد فيهم من يتمنى الهجرة من أرضه إلا من أجبرته الظروف وظل قلبه معلق بأرض البطانة وأمامنا مثال حي هذا المحامي الشاب إبن البطانة شيقوق لا تبدو عليه ملامح الغربة لأن وشاح البطانة لا يفارق محياه وأنا شخصيا كل ما بدأ وميض العودة إلى أرض الوطن يخبو في داخلي إلا وأسرعت بالجلوس إلى الطيب شيقوق وأبناء البطانة فيعود إليك الوميض قويا وتفخر بأنك تنتمي إلى أرض تضم أمثالهم. وهذا شاعرهم بشرى البطانة يعطر الأجواء بشعر من أرض البطانة يخترق النخاع وتذوب ذوبانا عندما تسمعه يلقى على مسامعك ذلك الشعر الرصين .. أدعوكم للإستماع إلى قصيدتين لبشرى البطانة (بس أقدر أنزلهم ليكم هنا إن شاء الله قريبا)

هذا لا يقلل من أهمية النوبة وأنهم أصل من أصول السودان الثابتة عبر التاريخ وهم تاريخ السودان الضارب في العمق وهذا حق لا ينكر وذكرى لا يستهان بها فلو أن النوبة إمتزجوا بالبطانة لأنتجوا جيلا رائعا من أبناء السودان شهامة وكرما (من البطانة) وحضارةً وتاريخاً (من النوبة) البطانة والنوبة تمازج لا بد منه لأجل السودان الوطن الواحد .. ولنا عودة

الزاكي عبد الحميد
6th October 2010, 01:36 PM
كلام يا عوض دكّام!

الطيب شيقوق
6th October 2010, 02:05 PM
أما وقد احتكمت إلى يا شيخ العرب وإبن البطانة فإليك الحق والحق أحق أن يقال ..
وعلى الرغم من أنني نوبي الأصل من جهة الأم وتمتد جذوري من جهة الأب إلى الخزرج بالمدينة المنورة ولكن للحقيقة والتاريخ فإن أبناء البطانة هم الذين يعطونك هذا الإحساس الغامر بالتمسك بالأرض والتجذر فيها .. لا تجد فيهم من يتمنى الهجرة من أرضه إلا من أجبرته الظروف وظل قلبه معلق بأرض البطانة وأمامنا مثال حي هذا المحامي الشاب إبن البطانة شيقوق لا تبدو عليه ملامح الغربة لأن وشاح البطانة لا يفارق محياه وأنا شخصيا كل ما بدأ وميض العودة إلى أرض الوطن يخبو في داخلي إلا وأسرعت بالجلوس إلى الطيب شيقوق وأبناء البطانة فيعود إليك الوميض قويا وتفخر بأنك تنتمي إلى أرض تضم أمثالهم. وهذا شاعرهم بشرى البطانة يعطر الأجواء بشعر من أرض البطانة يخترق النخاع وتذوب ذوبانا عندما تسمعه يلقى على مسامعك ذلك الشعر الرصين .. أدعوكم للإستماع إلى قصيدتين لبشرى البطانة (بس أقدر أنزلهم ليكم هنا إن شاء الله قريبا)

هذا لا يقلل من أهمية النوبة وأنهم أصل من أصول السودان الثابتة عبر التاريخ وهم تاريخ السودان الضارب في العمق وهذا حق لا ينكر وذكرى لا يستهان بها فلو أن النوبة إمتزجوا بالبطانة لأنتجوا جيلا رائعا من أبناء السودان شهامة وكرما (من البطانة) وحضارةً وتاريخاً (من النوبة) البطانة والنوبة تمازج لا بد منه لأجل السودان الوطن الواحد .. ولنا عودة

شكرا ليك يا دكتور عمار الرجل الحلو والراقي ( يا اخي احب توتي ومحل رهيفة تنقد)

فلو أن النوبة إمتزجوا بالبطانة لأنتجوا جيلا رائعا من أبناء السودان شهامة وكرما

ات عارف يا اللخو النوبا ما بعرسوا العربيات ولا العرب بتزوجوا النوبيات كل ناس عندهم راي في الاخرين ههههههههههها

خلونا نعمل من خلال هذا البوست لترسيخ سياسة الاعتراف بالاخر يا الطيب ادريس ولا عندك راي حتك؟

اها يا زيكو لقيت السودان كيف؟

عمار محجوب محمد زكي
6th October 2010, 02:11 PM
كيف ذلك يا شيخ العرب طيب نحن جينا من وين جدودنا عرب من الخزرج وأماتنا نوبيات .. والشواهد كلها تشير إلى أن هذا الجنس المسمى سوداني هو مزيج حدث عبر التاريخ بين العرب حملة الحضارة العربية الإسلامية والنوبة حملة الحضارة النوبية فكان السودان ولا كيف ؟؟؟

عمار محجوب محمد زكي
6th October 2010, 02:23 PM
يا ناس الغربة سترة حال قالوا ليكم العلوقية يعني شنو؟؟؟؟

الزاكي عبد الحميد
6th October 2010, 03:27 PM
اها يا زيكو لقيت السودان كيف؟

يا زول التاريخ ما بزوّر
أسأل منو جدي تهراقا..

ات عارف يا اللخو النوبا ما بعرسوا العربيات ولا العرب بتزوجوا النوبيات كل ناس عندهم راي في الاخرين ههههههههههها

ماهو دا الكلام الدخّل و(البدخّل) الغابة..

أها لقيتنا كيف!

الطيب شيقوق
6th October 2010, 06:19 PM
يا ناس الغربة سترة حال قالوا ليكم العلوقية يعني شنو؟؟؟؟

دي غير بت حجار مافي زول بجيب ليك خبرها - باقية زولة بتعرف البحيت في الكتب القديمة من قوقل

الطيب شيقوق
6th October 2010, 06:22 PM
اها يا زيكو لقيت السودان كيف؟

يا زول التاريخ ما بزوّر
أسأل منو جدي تهراقا..

ات عارف يا اللخو النوبا ما بعرسوا العربيات ولا العرب بتزوجوا النوبيات كل ناس عندهم راي في الاخرين ههههههههههها

ماهو دا الكلام الدخّل و(البدخّل) الغابة..

أها لقيتنا كيف!

لقيتكم مشروب غضيم

تعرف القضيم ولا مشنق وقادل ساى؟

الطيب ادريس
6th October 2010, 06:47 PM
دي غير بت حجار مافي زول بجيب ليك خبرها - باقية زولة بتعرف البحيت في الكتب القديمة من قوقل

أنا اخو الشيقوق :
نسيت علوق الجمل والبقر والحمار ... أفو أفو :confused:

الطيب ادريس
6th October 2010, 06:58 PM
عزيزي ود شيقوق :
عربا حملناها ونوبة !!
واو العطف :)

تزوجنا منهم والحمد لله والشواهد كثيرة وتزوجوا مننا أيضا وصاهروا أكبر القبائل في الدندر ..
نحن السودان حدادي مدادي حتي ولو جاء الانفصال ( عجاجتو تكتح ) :confused:

الطيب ادريس
6th October 2010, 07:15 PM
أولاد شيوخ البطانة أهل البنية والطريقة أولاد الشيخ طلحة .. افتقدناكم !
ناظر الخط ود أبسن .. مازلنا ننتظر تبر الطريف الخفي !

الطيب شيقوق
وأنت السـحـر مــقتدراً **** وهل غير الهوى سحر؟

محمد سليمان الفتي الذي ننتظر منه مفاجآت الغربة سترة حال أين وعدكم لنا !ّ
عبد الرحيم العمدة .. لا تقف .. الكنز الحقيقي بحوزتك وودمدني مازالت بكر في البوست !

د. عمار محجوب توهجت بك حروف البوست ونعلم أنك ربان ماهر حتي بعد كبري توتي الجميل ..

صلاح حسين .. النخلة التي لا تنضب لا بريدك ولا بحمل براك :happy:

اقبال حجار مازالت الوطن الكامل بس في ( القبوب ) جاييك صادي عندي رايا تاني !

اصحاب ( زمان الناس ) الغربة سترة حال .. أستاذ الزاكي والسيدة وداد :

القومة ليك ياوطني !

اقبال حجار
7th October 2010, 01:09 AM
اقبال حجار مازالت الوطن الكامل بس في ( القبوب ) جاييك صادي عندي رايا تاني !


استاذ الطيب ادريس التحايا والسلام يغشاك وأنت تتفقدنا جميعاً .....وفي انتظارك للقبوب ,,,عاد دي ما حقتكم مافي غلاط وفي انتظار التصحيح ياطيب,,,
حديثكم شجعني للبداية في الكتابة (للرحلة إلى جبل البركل) بعد النكبة التي حدثت لي الإسبوع الماضي ...بديت الموضوع وكتبت كثيراً مع الصور وفجأة طفشت المداخلة مما جعلني أُصاب بالإحباط. ...(اصطحبنا الكمرة للتوثيق ونستعين ببعض الصور من منتدى البركل)

عندما تتجه لعبور نهر النيل باتجاه الشرق من مدينة مروي التاريخية العريقة شمال السودان فأول ما يلفت نظرك تلك الكتلة الصخرية الضخمة التي تتوسط الصحراءوالخضرة في آن واحد لتجد نفسك أمام طبيعة ساحرة....


http://sphotos.ak.fbcdn.net/hphotos-ak-snc1/hs147.snc1/5450_1198332151857_1035109421_637870_7602000_n.jpg

.أعلى الجبل مسطح شبيه بالطاولة .....أحد جوانب الجبل رمال بيضاء يتسلقها الصغار والكبار...
http://asacorner.com/pix3/bark17.jpg
يعد جبل البركل واحداً من أشهر المواقع الأثرية التي يعود تاريخها لفترات مملكة نبتة القديمة، ويعتقد علماء آثار انه كان العاصمة الدينية للمملكة إذ يشتمل على معابد متعددة وأهرامات نصبت على الطراز الفرعوني تحاصرها الرمال من كل جانب، كما يوجد معبد "الإله مون" بجزئه المنحوت في باطن الجبل، فضلاً عن قصور أشهرها قصر الملك "نتكامني".
لينا جبل البركل ثبوت
في الحجار تاريخنا منحوت
ماب نخاف ماب نرهب الموت
وللعطاشى سبيلنا مختوت
نحنا للأخوان ماب نفوت
ولي عدونا الصاقعة أم خيوت


وراجعين بالصور



http://sphotos.ak.fbcdn.net/hphotos-ak-

الطيب ادريس
7th October 2010, 10:28 AM
شي عجيب تبارك الله احسن الخالقين .. ليكم حق يا الشايقية كلامكم شعر وغنا .. مناظر فوق الخيال .. في الانتظار لمزيد من الابداع .. شكرا استاذة اقبال .

الطيب شيقوق
7th October 2010, 12:06 PM
طيوبا

تزوجنا منهم والحمد لله والشواهد كثيرة وتزوجوا مننا أيضا وصاهروا أكبر القبائل في الدندر ..
نحن السودان حدادي مدادي حتي ولو جاء الانفصال ( عجاجتو تكتح ) :confused:

تقصد الضبانية؟

الانفصال ما حبابو يا الطيب اخوي - ما تطراهو لينا

الطيب شيقوق
7th October 2010, 12:12 PM
يا ناس الغربة سترة حال قالوا ليكم العلوقية يعني شنو؟؟؟؟

اهااااااااا الطيب الضبانيي الشغلانية ختوا ليها تاء مربوطة لخبطتني شدييييد قال ( العلوقية) يا اخي قول لينا العلوق. افو آآآآآآآالطيب يغلبني العلوق ات ماك سمعت شاعر البطانة قال شنو؟

أمر بي رباطه جاهو علوقه غير مكيال
ضامراَ غرده حارت ومحجمه السيال
أسـاويـر الـعـساجـد ونـائـب الأفـيـال
فوق ست ريدي ظهرب واقعات خيال

هييييييييييييع كع

الطيب شيقوق
7th October 2010, 12:21 PM
نرجع للقبوب الذي كتب عنه الاستاذ الرشيد جلال سعيد ولا يختلف في شرحه عما تفضلت به الاستاذة اقبال لدى شرحها لهذه المفردة . صحيح هو الارض البطحاء ومستوية على مد البصر وقد عرف سهل "القبوب" (شرق البطانة) بقبوب ود زايد، وقد أسدي الأستاذ الراحل الطاهر عبد الكريم خدمة كبيرة للمكتبة السودانية في مجال التوثيق عبر بحثه (ود زايد شحم ألبل) كما تناوله الأستاذ/ علي محمد حمد أبو كليقة بالتقييم، ومحمود ود زايد هو زعيم قبيلة الضبانية سيدة ضفاف نهر أتبرا حتى قرية الجيرة التي كانت واحدة من حاميات الحكم التركي المصري حتى قيام الثورة المهدية وهي تقع علي نهر سيتيت علي الحدود السودانية الإثيوبية .
والجيرة كانت واحدة من الحاميات المهددة من قبل جيوش المهدية وكانت السلطات البريطانية المصرية تسعي لتخليص هذه الحاميات المهددة وقد تم توقيع معاهدة عام 1884م مع الملك يوحنا ملك الحبشة بموجبها يسترجع المنطقة المعروفة بإرتريا الآن التي كانت قد أخذتها منه مصر مقابل تسهيله إخلاء الحاميات الحدودية .
كانت القلابات قد أخليت عام 1885م إلا أن الحامية التوأم في الجيرة لم تخلص إلا بعد أربعة أشهر عندما وصل جيش حبشي من المشارق كما يقول (هولت) وطرد الأنصار في يوليو 1885م، استولوا علي المخازن وانسحبوا هم والجنود المصريين وأخذوا طريقهم عبر أكسوم ونهر تكازي (نهر عطبرة) إلي مصوع.
ويذكر السير(قوين بل) (في الجيرة التي تقع علي نهر سيتيت (ألحّ علي السكان أن أقوم باصطياد أسد كان يهاجم ماشيتهم وكانت الأسود كثيرة في تلك المنطقة ولم تكن بندقيتي من النوع الذي يسمح باصطياد الأسود ولكن مع رجال الشرطة المرافقين لي بنادق من العيار المناسب .وبدأت محاولاتنا لاصطياد الأسود قبل حلول الفجر وكان يرافقني أحد القرويين وهو يحمل فأساً ضخمة علي كتفه وآخر ليدلنا علي الطريق ولعله لم يكن واثقاً من مقدرتنا علي اصطياد الأسد أو هو لم يكن متفائلاً في العثور عليه . طرقنا دروباً كثيرة ومتعرجة وصعدنا إلي أعلي الصخور وهبطنا إلي بطون الأودية علي ضفة نهر عطبرة وأخيراً وبعد لأي رأينا آثار لأحد الأسود ولكننا لم نستطع متابعتها وأخذ الإعياء منا كل مأخذ. فقررنا العودة علي أعقابنا وحتى لا نرجع للقرية صفر اليدين اصطدنا تمساحين من التماسيح التي كانت تهاجم الأغنام لقد كانت الأنهار في تلك المنطقة تعج بالتماسيح، وقد شهدت أعداداً كبيرة منها ترقد علي الطين في حافة الماء من طائرة حلقت بي عام 1932م علي طول نهر سيتيت واليوم نادراً ما نجد تمساحاً علي هذه الأنهار بفعل الصيد الجائر فقد كانت المنطقة تعج بقطعان الغزلان والأفيال والزراف وتصحرت أيضاً بفعل القطع الجائر ولم تسلم حتى أشجار الهشاب التي تنتج الصمغ العربي) .
*ود زايد:-
عاش الضبانية في هذه المنطقة (القبوب) كما يعيش البدو في شبه الجزيرة العربية يتتبعون مواطن الكلاء لرعي الماشية التي يعتمدون عليها كمورد رزق أساسي بجانب الزراعة أو كما ذكر الراحل د. عون الشريف قاسم (الضبانية هم من جهينة يسكنون البطانة جهة القضارف والقلابات إلي حدود الحمران وغرباً إلي نهر الرهد، ومنهم مزارعون وأرباب إبل، وقد اشتهروا بالكرم حتى صار يضرب بقدح زعيمهم محمود ود زايد المثل، ومحمود ود زايد كان والده ناظراً للقبيلة في التركية وهو من مواليد قرية (شرنوب) علي نهر عطبرة 1821م) .
والقدح المشار إليه اسمه (السرتيك يعني القارب الصغير) يقال أنه يسع مالا يقل عن خمسة جوالات من الذرة تخبز عصيدة (لقمة)، حيث تنقل إليه بواسطة ست قداحة أصغر تسمي (الدمير)، وأن أحد هذه الأقداح الستة موجود الآن بمتحف الخليفة بأم درمان، وأن القدح (السرتيك) قد حطم إهمالاً زمن المهدية، وهناك رواية تقول أن (قدح السرتيك) قد وحّل عجلاً عندما كان مليئاً (بالقمة)، وفي ذلك يقول شاعر ود زايد . (في قدح الضحى إتوحل الحولي ) لقد كان يملاء السرتيك وقت الضحي ويأتي الناس أفواجاً ويأكلون كل الوجبات إلي الليل .
قال شاعره عبد الله ود مرين في كرم محمود ود زائد :

مـن قومة الجهل مـن الكبار مـأمون
يـانيل (الفرات) الفاض علي (سيحون)
كان حـضر البرامكة مـا بقـصر دون
وبالجـود والـكرم اشبـه لـي بهرون

وكان يأتي إليه المحتاج من بعيد لسمعته بين جميع قبائل السودان بالكرم والشهامة وها هو شاعره يقول:
جيتك من بيعد واطي الجمر والشوكة
محمـود يا صـمد اليجـنك الـروكة
صـقر المبـتر القـرع الحبش من دوكة
وذات يوم جاءت إليه امرأة من (العمارنة) تطلب العون والمساعدة وها هي بعد مدحه تقدم طلبها بكل ثقة وتقول :
يامـلك الـعرب الفـوق تاجه بتقلب
جيـتـك ولـيه مـني لا تـغـلب
بدور (الجالة) الوهطية الفوقة بتهيب
بـدور (المنـجة) أحـلب وأشـرب
بدور طايع الرقيق المابقولو ليهو العب
فكانت إجابة الناظر ود زايد (أبشري بالخير (حرم) كل القلتيه تلقيه) .

*واقعة صقورة :-
سميت بذلك (واقعة صقورة) فبعد الموقعة مباشرة توافدت الصقور علي جثث الموتى . وكانت الموقعة في أواخر عهد السلطنة الزرقاء بين قبيلة الضبانية وقبيلة رفاعة الشرق (الحمدة) وهي تسكن شرق النيل الأزرق . وكان السبب الأساسي الذي دفع هاتين القبيلتين للقتال ، كان لديهم ذرة مخزونة داخل "مطامير" وتركت تحت مسؤولية الشيخ الدقلاش، ولما سافرت قبيلة الضبانية طلباً للمرعي في سهل البطانة، سمعت بأن رسولاً من قبيلة الحمدة جاء إلي الشيخ (الدقلاش) وطلب منه تسليمه الذرة، وبالطبع رفض الشيخ ولكن قبيلة الضبانية نظرت إلي الأمر بأنه مهانة للقبيلة ورجعت ورفضت أن تعطي قبيلة الحمدة حتى نصيبها من الذرة عقاباً لها ورداً لشرف قبيلة الضبانية. وكانت الواقعة التي مات فيها إثناء عشر ألف شخصاً من قبيلة الضبانية وسبعة ألف شخص من قبيلة الحمدة .
ويعترض الناقد (أبو كليقة) علي قول المؤلف (إن هذه الموقعة أدت إلي إنقراض قبيلة الضبانية) ويقول (إن أعدادهم أصبحت أقل مما كانت عليه قبل ذلك وهذه حقيقة ولكن الذي أعتقده كحقيقة وواقع إن الذي أدي إلي نقص أعداد الضبانية هو الثورة المهدية، وخاصة أن زعيم القبيلة كان قد رفض الخضوع لحكومة المهدية فتم اعتقاله بواسطة قوة من جنود الأنصار، وقد أدي ذلك لتجريد قبيلة الضبانية من جميع ممتلكاتها من إبل وماشية وذرة إلي أن حدثت مجاعة انقرض فيها عدد منهم وهاجرت جماعات منهم إلي الحبشة وهكذا تشتت القبيلة) .
للزعيم محمود ود زايد شاعر أوردنا اسمه وهو (عبد الله ود مرين)، وهو شاعر مغمور وليست له شهرة في أوساط القبيلة بل لا يعرفه إلا القليل وقد دار حواراً بين ود زايد وشاعره حول الذرة (العيش)الذي هو كل شيء لأنه الحياة ولا يجود به إلا الكريم الشجاع جاء فيها :
(1) الشاعر ود مرين : سمح إن كدبوه وجاء المطر بالليل
وسمح إن صفصفوه وجابوا الجمال للشيل
وسمح إن يممموه يجيب الدهب بالكيل
وسمح إن أكلوه الما بلك الحيل
(2) ود زايد : سمح إن كدبوه وجاء المطر بالعم
وسمح إن صفصفوه وجابوا الجمال للحم
وسمح إن يممموه يجيب الدهب بالخم
وسمح إن أكلوه عزيمته بين حرم
وهناك شاعرة هي جارية ود زايد لها قصائد في رثاء ود زايد وشجاعته وكرمه وقد حازت علي شهرة كبيرة بين أفراد القبيلة، ولها قصائد كثيرة في الشيخ محمود ود زايد تغني بها أفراد القبيلة وهي الشاعرة (خادم الله جقرة) .
*الاعتقال :-
كان ود زايد في مقره (بالتومات) بنهر أتبره حيث صدر أمر الخليفة عبد الله سراً بتجريد قبيلة الضبانية واعتقال ود زايد. (ورد في مذكرات يوسف ميخائيل ص:136 ما يؤكد ذاك حيث كتب وفي سنة 1304هـ صدر أمر من الخليفة المهدي بحضور( كافة) أهالي الجزيرة ورفاعة أولاد أبو سن والضبانية ود زايد والعبدلاب ناصر ولد جماع) كان هناك أمراء بمدينة القضارف من جيش المهدية، حيث قاموا بمهمة الاعتقال وهم عوض الكريم ود كافوت –عبد الله الطريفي والحسن ود عبد الواحد لقد دارت معركة بين جيش الأنصار وبعض أفراد من قبيلة الضبانية بعد اعتقال ود زايد انتهت بقتل عدد منهم، واقتياد ود زايد إلي كسلا بصحبة ابنه محمد ثم أرسل إلي الخليفة بأم درمان، فأودع بسجن الساير في عام 1887م، حيث قضي بالسجن مدة أربعة سنوات . الساير هو (إدريس الساير من قبيلة الجوامعة في كردفان عينه المهدي رئيساً للمساجين وفيما بعد نسب إليه السجن العمومي بأم درمان). وفي هذا يقول عبد القادر سلاطين :
" المرء في أم درمان يسمع مراراً وتكراراً من المارة في أقوالهم : لقد أخذوا فلاناً إلي الساير ومعني الساير عندهم هو السجن الذي يلقي المقبوض عليهم عذاباً شديداً ومجرد ذكر الكلمة يولد شعوراً بالاضطراب والفزع في نفوس سامعيها ."
مكث ود زايد في سجن الساير حتى جاء العفو العام وعفي عنه ورجع إلي قبيلته ووجدها قد تشتت وتفرقت ولم تطل أيامه وفارق الحياة ودفن (بالمناصير) موقع بجوار قرية عصار جنوب مدينة القضارف .

لقيتني كيف يا طيوبة

الزاكي ما تسرح

الطيب ادريس
7th October 2010, 12:41 PM
لقيتك أسد الخلا الما بتحتار
شكرا لك طيوبة للشرح الوافي واتفق معك تماما مع الأخت اقبال حجار .
سهل قبوب ود زايد
هذا مسرح المكان
ما أقصد بالقبوب .. هو الربوب وهو الطين السائل ويتواجد في النيل في القرير عندما ينحسر منه الماء وفي البطانه عند ( الميعات ) وهي الأرض المنخفضة التي تحبس الماء .. هنا تنحسر الماء في الحالتين وتجف الطبقة العليا من الأرض ويبقي البلل في الداخل وتظهر ( القشرة الترابية اليابسة ) وعندما يطأها الانسان أو الحيوان تسمع لها صوت القرمشة تحت الأرجل .. هذا مايسمي بالقبوب .

لكم تحياتي .

الطيب شيقوق
7th October 2010, 01:03 PM
وعندما يطأها الانسان أو الحيوان تسمع لها صوت القرمشة تحت الأرجل


وحاة الله انت مجنون وفاطي سطر عديييييييييل كدا

تعالي يا زيكو زولك دا فاقد الرباط شعّبو

دحين يا الطيب الزاكي بعرف الشعّيب؟

الطيب ادريس
7th October 2010, 01:19 PM
وعندما يطأها الانسان أو الحيوان تسمع لها صوت القرمشة تحت الأرجل


وحاة الله انت مجنون وفاطي سطر عديييييييييل كدا

تعالي يا زيكو زولك دا فاقد الرباط شعّبو

دحين يا الطيب الزاكي بعرف الشعّيب؟

هههههههههههههههههههههههههههههه
زولك ببص من استاذة اقبال حجار .. غايتو جنس غايتو :d

السني أبوالعزائم
7th October 2010, 02:13 PM
يا ناس الغربة سترة حال قالوا ليكم العلوقية يعني شنو؟؟؟؟

اهااااااااا الطيب الضبانيي الشغلانية ختوا ليها تاء مربوطة لخبطتني شدييييد قال ( العلوقية) يا اخي قول لينا العلوق. افو آآآآآآآالطيب يغلبني العلوق ات ماك سمعت شاعر البطانة قال شنو؟

أمر بي رباطه جاهو علوقه غير مكيال
ضامراَ غرده حارت ومحجمه السيال
أسـاويـر الـعـساجـد ونـائـب الأفـيـال
فوق ست ريدي ظهرب واقعات خيال

هييييييييييييع كع

يا ود شيقوق،،، ياخي والله طلعت كيت عديل كدة. لو رجعت لأصل النقاش والكلمة القلتها انا لإبراهيم جبير ح تلقى كلمة عُلُّوقية
بضم العين، وتشديد وضم اللام وكسر القاف وفتح الياء ،،، اها عجرت ولا لسة؟

الزاكي عبد الحميد
7th October 2010, 04:45 PM
نرجع للقبوب الذي كتب عنه الاستاذ الرشيد جلال سعيد ولا يختلف في شرحه عما تفضلت به الاستاذة اقبال لدى شرحها لهذه المفردة . صحيح هو الارض البطحاء ومستوية على مد البصر وقد عرف سهل "القبوب" (شرق البطانة) بقبوب ود زايد، وقد أسدي الأستاذ الراحل الطاهر عبد الكريم خدمة كبيرة للمكتبة السودانية في مجال التوثيق عبر بحثه (ود زايد شحم ألبل) كما تناوله الأستاذ/ علي محمد حمد أبو كليقة بالتقييم، ومحمود ود زايد هو زعيم قبيلة الضبانية سيدة ضفاف نهر أتبرا حتى قرية الجيرة التي كانت واحدة من حاميات الحكم التركي المصري حتى قيام الثورة المهدية وهي تقع علي نهر سيتيت علي الحدود السودانية الإثيوبية .
والجيرة كانت واحدة من الحاميات المهددة من قبل جيوش المهدية وكانت السلطات البريطانية المصرية تسعي لتخليص هذه الحاميات المهددة وقد تم توقيع معاهدة عام 1884م مع الملك يوحنا ملك الحبشة بموجبها يسترجع المنطقة المعروفة بإرتريا الآن التي كانت قد أخذتها منه مصر مقابل تسهيله إخلاء الحاميات الحدودية .
كانت القلابات قد أخليت عام 1885م إلا أن الحامية التوأم في الجيرة لم تخلص إلا بعد أربعة أشهر عندما وصل جيش حبشي من المشارق كما يقول (هولت) وطرد الأنصار في يوليو 1885م، استولوا علي المخازن وانسحبوا هم والجنود المصريين وأخذوا طريقهم عبر أكسوم ونهر تكازي (نهر عطبرة) إلي مصوع.
ويذكر السير(قوين بل) (في الجيرة التي تقع علي نهر سيتيت (ألحّ علي السكان أن أقوم باصطياد أسد كان يهاجم ماشيتهم وكانت الأسود كثيرة في تلك المنطقة ولم تكن بندقيتي من النوع الذي يسمح باصطياد الأسود ولكن مع رجال الشرطة المرافقين لي بنادق من العيار المناسب .وبدأت محاولاتنا لاصطياد الأسود قبل حلول الفجر وكان يرافقني أحد القرويين وهو يحمل فأساً ضخمة علي كتفه وآخر ليدلنا علي الطريق ولعله لم يكن واثقاً من مقدرتنا علي اصطياد الأسد أو هو لم يكن متفائلاً في العثور عليه . طرقنا دروباً كثيرة ومتعرجة وصعدنا إلي أعلي الصخور وهبطنا إلي بطون الأودية علي ضفة نهر عطبرة وأخيراً وبعد لأي رأينا آثار لأحد الأسود ولكننا لم نستطع متابعتها وأخذ الإعياء منا كل مأخذ. فقررنا العودة علي أعقابنا وحتى لا نرجع للقرية صفر اليدين اصطدنا تمساحين من التماسيح التي كانت تهاجم الأغنام لقد كانت الأنهار في تلك المنطقة تعج بالتماسيح، وقد شهدت أعداداً كبيرة منها ترقد علي الطين في حافة الماء من طائرة حلقت بي عام 1932م علي طول نهر سيتيت واليوم نادراً ما نجد تمساحاً علي هذه الأنهار بفعل الصيد الجائر فقد كانت المنطقة تعج بقطعان الغزلان والأفيال والزراف وتصحرت أيضاً بفعل القطع الجائر ولم تسلم حتى أشجار الهشاب التي تنتج الصمغ العربي) .
*ود زايد:-
عاش الضبانية في هذه المنطقة (القبوب) كما يعيش البدو في شبه الجزيرة العربية يتتبعون مواطن الكلاء لرعي الماشية التي يعتمدون عليها كمورد رزق أساسي بجانب الزراعة أو كما ذكر الراحل د. عون الشريف قاسم (الضبانية هم من جهينة يسكنون البطانة جهة القضارف والقلابات إلي حدود الحمران وغرباً إلي نهر الرهد، ومنهم مزارعون وأرباب إبل، وقد اشتهروا بالكرم حتى صار يضرب بقدح زعيمهم محمود ود زايد المثل، ومحمود ود زايد كان والده ناظراً للقبيلة في التركية وهو من مواليد قرية (شرنوب) علي نهر عطبرة 1821م) .
والقدح المشار إليه اسمه (السرتيك يعني القارب الصغير) يقال أنه يسع مالا يقل عن خمسة جوالات من الذرة تخبز عصيدة (لقمة)، حيث تنقل إليه بواسطة ست قداحة أصغر تسمي (الدمير)، وأن أحد هذه الأقداح الستة موجود الآن بمتحف الخليفة بأم درمان، وأن القدح (السرتيك) قد حطم إهمالاً زمن المهدية، وهناك رواية تقول أن (قدح السرتيك) قد وحّل عجلاً عندما كان مليئاً (بالقمة)، وفي ذلك يقول شاعر ود زايد . (في قدح الضحى إتوحل الحولي ) لقد كان يملاء السرتيك وقت الضحي ويأتي الناس أفواجاً ويأكلون كل الوجبات إلي الليل .
قال شاعره عبد الله ود مرين في كرم محمود ود زائد :

مـن قومة الجهل مـن الكبار مـأمون
يـانيل (الفرات) الفاض علي (سيحون)
كان حـضر البرامكة مـا بقـصر دون
وبالجـود والـكرم اشبـه لـي بهرون

وكان يأتي إليه المحتاج من بعيد لسمعته بين جميع قبائل السودان بالكرم والشهامة وها هو شاعره يقول:
جيتك من بيعد واطي الجمر والشوكة
محمـود يا صـمد اليجـنك الـروكة
صـقر المبـتر القـرع الحبش من دوكة
وذات يوم جاءت إليه امرأة من (العمارنة) تطلب العون والمساعدة وها هي بعد مدحه تقدم طلبها بكل ثقة وتقول :
يامـلك الـعرب الفـوق تاجه بتقلب
جيـتـك ولـيه مـني لا تـغـلب
بدور (الجالة) الوهطية الفوقة بتهيب
بـدور (المنـجة) أحـلب وأشـرب
بدور طايع الرقيق المابقولو ليهو العب
فكانت إجابة الناظر ود زايد (أبشري بالخير (حرم) كل القلتيه تلقيه) .

*واقعة صقورة :-
سميت بذلك (واقعة صقورة) فبعد الموقعة مباشرة توافدت الصقور علي جثث الموتى . وكانت الموقعة في أواخر عهد السلطنة الزرقاء بين قبيلة الضبانية وقبيلة رفاعة الشرق (الحمدة) وهي تسكن شرق النيل الأزرق . وكان السبب الأساسي الذي دفع هاتين القبيلتين للقتال ، كان لديهم ذرة مخزونة داخل "مطامير" وتركت تحت مسؤولية الشيخ الدقلاش، ولما سافرت قبيلة الضبانية طلباً للمرعي في سهل البطانة، سمعت بأن رسولاً من قبيلة الحمدة جاء إلي الشيخ (الدقلاش) وطلب منه تسليمه الذرة، وبالطبع رفض الشيخ ولكن قبيلة الضبانية نظرت إلي الأمر بأنه مهانة للقبيلة ورجعت ورفضت أن تعطي قبيلة الحمدة حتى نصيبها من الذرة عقاباً لها ورداً لشرف قبيلة الضبانية. وكانت الواقعة التي مات فيها إثناء عشر ألف شخصاً من قبيلة الضبانية وسبعة ألف شخص من قبيلة الحمدة .
ويعترض الناقد (أبو كليقة) علي قول المؤلف (إن هذه الموقعة أدت إلي إنقراض قبيلة الضبانية) ويقول (إن أعدادهم أصبحت أقل مما كانت عليه قبل ذلك وهذه حقيقة ولكن الذي أعتقده كحقيقة وواقع إن الذي أدي إلي نقص أعداد الضبانية هو الثورة المهدية، وخاصة أن زعيم القبيلة كان قد رفض الخضوع لحكومة المهدية فتم اعتقاله بواسطة قوة من جنود الأنصار، وقد أدي ذلك لتجريد قبيلة الضبانية من جميع ممتلكاتها من إبل وماشية وذرة إلي أن حدثت مجاعة انقرض فيها عدد منهم وهاجرت جماعات منهم إلي الحبشة وهكذا تشتت القبيلة) .
للزعيم محمود ود زايد شاعر أوردنا اسمه وهو (عبد الله ود مرين)، وهو شاعر مغمور وليست له شهرة في أوساط القبيلة بل لا يعرفه إلا القليل وقد دار حواراً بين ود زايد وشاعره حول الذرة (العيش)الذي هو كل شيء لأنه الحياة ولا يجود به إلا الكريم الشجاع جاء فيها :
(1) الشاعر ود مرين : سمح إن كدبوه وجاء المطر بالليل
وسمح إن صفصفوه وجابوا الجمال للشيل
وسمح إن يممموه يجيب الدهب بالكيل
وسمح إن أكلوه الما بلك الحيل
(2) ود زايد : سمح إن كدبوه وجاء المطر بالعم
وسمح إن صفصفوه وجابوا الجمال للحم
وسمح إن يممموه يجيب الدهب بالخم
وسمح إن أكلوه عزيمته بين حرم
وهناك شاعرة هي جارية ود زايد لها قصائد في رثاء ود زايد وشجاعته وكرمه وقد حازت علي شهرة كبيرة بين أفراد القبيلة، ولها قصائد كثيرة في الشيخ محمود ود زايد تغني بها أفراد القبيلة وهي الشاعرة (خادم الله جقرة) .
*الاعتقال :-
كان ود زايد في مقره (بالتومات) بنهر أتبره حيث صدر أمر الخليفة عبد الله سراً بتجريد قبيلة الضبانية واعتقال ود زايد. (ورد في مذكرات يوسف ميخائيل ص:136 ما يؤكد ذاك حيث كتب وفي سنة 1304هـ صدر أمر من الخليفة المهدي بحضور( كافة) أهالي الجزيرة ورفاعة أولاد أبو سن والضبانية ود زايد والعبدلاب ناصر ولد جماع) كان هناك أمراء بمدينة القضارف من جيش المهدية، حيث قاموا بمهمة الاعتقال وهم عوض الكريم ود كافوت –عبد الله الطريفي والحسن ود عبد الواحد لقد دارت معركة بين جيش الأنصار وبعض أفراد من قبيلة الضبانية بعد اعتقال ود زايد انتهت بقتل عدد منهم، واقتياد ود زايد إلي كسلا بصحبة ابنه محمد ثم أرسل إلي الخليفة بأم درمان، فأودع بسجن الساير في عام 1887م، حيث قضي بالسجن مدة أربعة سنوات . الساير هو (إدريس الساير من قبيلة الجوامعة في كردفان عينه المهدي رئيساً للمساجين وفيما بعد نسب إليه السجن العمومي بأم درمان). وفي هذا يقول عبد القادر سلاطين :
" المرء في أم درمان يسمع مراراً وتكراراً من المارة في أقوالهم : لقد أخذوا فلاناً إلي الساير ومعني الساير عندهم هو السجن الذي يلقي المقبوض عليهم عذاباً شديداً ومجرد ذكر الكلمة يولد شعوراً بالاضطراب والفزع في نفوس سامعيها ."
مكث ود زايد في سجن الساير حتى جاء العفو العام وعفي عنه ورجع إلي قبيلته ووجدها قد تشتت وتفرقت ولم تطل أيامه وفارق الحياة ودفن (بالمناصير) موقع بجوار قرية عصار جنوب مدينة القضارف .

لقيتني كيف يا طيوبة

الزاكي ما تسرح

حضرة المستشار:

حقيقة كفيت ووفيت..
الكلام الفوق دا عايز قراية برواقة..
وبصراحة المعلومات الواردة كلها جديدة تماماً بالنسبة لي
ودي من فوايد البوست..تبادل المعلومة المفيدة من خلال السياحة
في بلدن ضلولو نخليل..
رد: الغربة سترة حال!!!

--------------------------------------------------------------------------------
لقيتك أسد الخلا الما بتحتار
شكرا لك طيوبة للشرح الوافي واتفق معك تماما مع الأخت اقبال حجار .
سهل قبوب ود زايد
هذا مسرح المكان
ما أقصد بالقبوب .. هو الربوب وهو الطين السائل ويتواجد في النيل في القرير عندما ينحسر منه الماء وفي البطانه عند ( الميعات ) وهي الأرض المنخفضة التي تحبس الماء .. هنا تنحسر الماء في الحالتين وتجف الطبقة العليا من الأرض ويبقي البلل في الداخل وتظهر ( القشرة الترابية اليابسة ) وعندما يطأها الانسان أو الحيوان تسمع لها صوت القرمشة تحت الأرجل .. هذا مايسمي بالقبوب .

صديقي الأرباب شرحك ما بعدو شرح "قبوبة" ما سمعت بيها خالص
لكن الميعة معروفة..دي عندنا بقومو بزرعو فيها الترمس واللوبيا بعد
النيل ينحسر شوية..
والله أنا مندهش من الكم الهائل من المعلومات المفيدة التي لا تجد
لشرحها سبيلاً لا في قوقل لا في المعاجم المعروفة..فشكرن جزيلن أرباب..


زولك ببص من استاذة اقبال حجار .. غايتو جنس غايتو :d

والله الصور التي أرودتها الأستاذة إقبال فوق دي رجعتني لقريتنا
تلك القرية الصغيرة الوادعة التي ترقد مطمئنة على طرف النيل..
يا جماعة السودان دا جميل بشكل لو ناسو عاينو ليهو بعين سليمة!

أستاذة إقبال واصلي الحديث عن البركل وما حولها ولا تبخلي بالصور متى تسنى..

صلاح عندو كلام جميل عن السفر بااللواري للشمالية
يا ريت يا هندسة تقوم بينا رحلة عبر الصحارى لتلك البقعة الجميلة
من بلادي..خلي شيقوق دا يتضاير شوية..

الطيب شيقوق
7th October 2010, 09:05 PM
يا ود شيقوق،،، ياخي والله طلعت كيت عديل كدة. لو رجعت لأصل النقاش والكلمة القلتها انا لإبراهيم جبير ح تلقى كلمة عُلُّوقية
بضم العين، وتشديد وضم اللام وكسر القاف وفتح الياء ،،، اها عجرت ولا لسة؟

ود ابي العزائم

اصلها عولاق وعولاق مفردة يكثر استخدامها بين ابنا ء البنادر ونظيرتها عندنا في الصعيد عكليتة اما اللاست فيرجن عند ناس ود جبير هي عواليق - واكثر استخداما للكلمة المشتقة منها عولقة هي عبارة (ما تتعولق) التي اعتاد الاخ الاستاذ المحترم حيدر امين إستعمالها مع عبد الرحيم العمدة وكذلك الاخ الباشمهندس صلاح حسين مع الاخ استلا .

اها لقيتني كيف ؟

الطيب شيقوق
7th October 2010, 09:09 PM
نرجع للقبوب الذي كتب عنه الاستاذ الرشيد جلال سعيد ولا يختلف في شرحه عما تفضلت به الاستاذة اقبال لدى شرحها لهذه المفردة . صحيح هو الارض البطحاء ومستوية على مد البصر وقد عرف سهل "القبوب" (شرق البطانة) بقبوب ود زايد، وقد أسدي الأستاذ الراحل الطاهر عبد الكريم خدمة كبيرة للمكتبة السودانية في مجال التوثيق عبر بحثه (ود زايد شحم ألبل) كما تناوله الأستاذ/ علي محمد حمد أبو كليقة بالتقييم، ومحمود ود زايد هو زعيم قبيلة الضبانية سيدة ضفاف نهر أتبرا حتى قرية الجيرة التي كانت واحدة من حاميات الحكم التركي المصري حتى قيام الثورة المهدية وهي تقع علي نهر سيتيت علي الحدود السودانية الإثيوبية .
والجيرة كانت واحدة من الحاميات المهددة من قبل جيوش المهدية وكانت السلطات البريطانية المصرية تسعي لتخليص هذه الحاميات المهددة وقد تم توقيع معاهدة عام 1884م مع الملك يوحنا ملك الحبشة بموجبها يسترجع المنطقة المعروفة بإرتريا الآن التي كانت قد أخذتها منه مصر مقابل تسهيله إخلاء الحاميات الحدودية .
كانت القلابات قد أخليت عام 1885م إلا أن الحامية التوأم في الجيرة لم تخلص إلا بعد أربعة أشهر عندما وصل جيش حبشي من المشارق كما يقول (هولت) وطرد الأنصار في يوليو 1885م، استولوا علي المخازن وانسحبوا هم والجنود المصريين وأخذوا طريقهم عبر أكسوم ونهر تكازي (نهر عطبرة) إلي مصوع.
ويذكر السير(قوين بل) (في الجيرة التي تقع علي نهر سيتيت (ألحّ علي السكان أن أقوم باصطياد أسد كان يهاجم ماشيتهم وكانت الأسود كثيرة في تلك المنطقة ولم تكن بندقيتي من النوع الذي يسمح باصطياد الأسود ولكن مع رجال الشرطة المرافقين لي بنادق من العيار المناسب .وبدأت محاولاتنا لاصطياد الأسود قبل حلول الفجر وكان يرافقني أحد القرويين وهو يحمل فأساً ضخمة علي كتفه وآخر ليدلنا علي الطريق ولعله لم يكن واثقاً من مقدرتنا علي اصطياد الأسد أو هو لم يكن متفائلاً في العثور عليه . طرقنا دروباً كثيرة ومتعرجة وصعدنا إلي أعلي الصخور وهبطنا إلي بطون الأودية علي ضفة نهر عطبرة وأخيراً وبعد لأي رأينا آثار لأحد الأسود ولكننا لم نستطع متابعتها وأخذ الإعياء منا كل مأخذ. فقررنا العودة علي أعقابنا وحتى لا نرجع للقرية صفر اليدين اصطدنا تمساحين من التماسيح التي كانت تهاجم الأغنام لقد كانت الأنهار في تلك المنطقة تعج بالتماسيح، وقد شهدت أعداداً كبيرة منها ترقد علي الطين في حافة الماء من طائرة حلقت بي عام 1932م علي طول نهر سيتيت واليوم نادراً ما نجد تمساحاً علي هذه الأنهار بفعل الصيد الجائر فقد كانت المنطقة تعج بقطعان الغزلان والأفيال والزراف وتصحرت أيضاً بفعل القطع الجائر ولم تسلم حتى أشجار الهشاب التي تنتج الصمغ العربي) .
*ود زايد:-
عاش الضبانية في هذه المنطقة (القبوب) كما يعيش البدو في شبه الجزيرة العربية يتتبعون مواطن الكلاء لرعي الماشية التي يعتمدون عليها كمورد رزق أساسي بجانب الزراعة أو كما ذكر الراحل د. عون الشريف قاسم (الضبانية هم من جهينة يسكنون البطانة جهة القضارف والقلابات إلي حدود الحمران وغرباً إلي نهر الرهد، ومنهم مزارعون وأرباب إبل، وقد اشتهروا بالكرم حتى صار يضرب بقدح زعيمهم محمود ود زايد المثل، ومحمود ود زايد كان والده ناظراً للقبيلة في التركية وهو من مواليد قرية (شرنوب) علي نهر عطبرة 1821م) .
والقدح المشار إليه اسمه (السرتيك يعني القارب الصغير) يقال أنه يسع مالا يقل عن خمسة جوالات من الذرة تخبز عصيدة (لقمة)، حيث تنقل إليه بواسطة ست قداحة أصغر تسمي (الدمير)، وأن أحد هذه الأقداح الستة موجود الآن بمتحف الخليفة بأم درمان، وأن القدح (السرتيك) قد حطم إهمالاً زمن المهدية، وهناك رواية تقول أن (قدح السرتيك) قد وحّل عجلاً عندما كان مليئاً (بالقمة)، وفي ذلك يقول شاعر ود زايد . (في قدح الضحى إتوحل الحولي ) لقد كان يملاء السرتيك وقت الضحي ويأتي الناس أفواجاً ويأكلون كل الوجبات إلي الليل .
قال شاعره عبد الله ود مرين في كرم محمود ود زائد :

مـن قومة الجهل مـن الكبار مـأمون
يـانيل (الفرات) الفاض علي (سيحون)
كان حـضر البرامكة مـا بقـصر دون
وبالجـود والـكرم اشبـه لـي بهرون

وكان يأتي إليه المحتاج من بعيد لسمعته بين جميع قبائل السودان بالكرم والشهامة وها هو شاعره يقول:
جيتك من بيعد واطي الجمر والشوكة
محمـود يا صـمد اليجـنك الـروكة
صـقر المبـتر القـرع الحبش من دوكة
وذات يوم جاءت إليه امرأة من (العمارنة) تطلب العون والمساعدة وها هي بعد مدحه تقدم طلبها بكل ثقة وتقول :
يامـلك الـعرب الفـوق تاجه بتقلب
جيـتـك ولـيه مـني لا تـغـلب
بدور (الجالة) الوهطية الفوقة بتهيب
بـدور (المنـجة) أحـلب وأشـرب
بدور طايع الرقيق المابقولو ليهو العب
فكانت إجابة الناظر ود زايد (أبشري بالخير (حرم) كل القلتيه تلقيه) .

*واقعة صقورة :-
سميت بذلك (واقعة صقورة) فبعد الموقعة مباشرة توافدت الصقور علي جثث الموتى . وكانت الموقعة في أواخر عهد السلطنة الزرقاء بين قبيلة الضبانية وقبيلة رفاعة الشرق (الحمدة) وهي تسكن شرق النيل الأزرق . وكان السبب الأساسي الذي دفع هاتين القبيلتين للقتال ، كان لديهم ذرة مخزونة داخل "مطامير" وتركت تحت مسؤولية الشيخ الدقلاش، ولما سافرت قبيلة الضبانية طلباً للمرعي في سهل البطانة، سمعت بأن رسولاً من قبيلة الحمدة جاء إلي الشيخ (الدقلاش) وطلب منه تسليمه الذرة، وبالطبع رفض الشيخ ولكن قبيلة الضبانية نظرت إلي الأمر بأنه مهانة للقبيلة ورجعت ورفضت أن تعطي قبيلة الحمدة حتى نصيبها من الذرة عقاباً لها ورداً لشرف قبيلة الضبانية. وكانت الواقعة التي مات فيها إثناء عشر ألف شخصاً من قبيلة الضبانية وسبعة ألف شخص من قبيلة الحمدة .
ويعترض الناقد (أبو كليقة) علي قول المؤلف (إن هذه الموقعة أدت إلي إنقراض قبيلة الضبانية) ويقول (إن أعدادهم أصبحت أقل مما كانت عليه قبل ذلك وهذه حقيقة ولكن الذي أعتقده كحقيقة وواقع إن الذي أدي إلي نقص أعداد الضبانية هو الثورة المهدية، وخاصة أن زعيم القبيلة كان قد رفض الخضوع لحكومة المهدية فتم اعتقاله بواسطة قوة من جنود الأنصار، وقد أدي ذلك لتجريد قبيلة الضبانية من جميع ممتلكاتها من إبل وماشية وذرة إلي أن حدثت مجاعة انقرض فيها عدد منهم وهاجرت جماعات منهم إلي الحبشة وهكذا تشتت القبيلة) .
للزعيم محمود ود زايد شاعر أوردنا اسمه وهو (عبد الله ود مرين)، وهو شاعر مغمور وليست له شهرة في أوساط القبيلة بل لا يعرفه إلا القليل وقد دار حواراً بين ود زايد وشاعره حول الذرة (العيش)الذي هو كل شيء لأنه الحياة ولا يجود به إلا الكريم الشجاع جاء فيها :
(1) الشاعر ود مرين : سمح إن كدبوه وجاء المطر بالليل
وسمح إن صفصفوه وجابوا الجمال للشيل
وسمح إن يممموه يجيب الدهب بالكيل
وسمح إن أكلوه الما بلك الحيل
(2) ود زايد : سمح إن كدبوه وجاء المطر بالعم
وسمح إن صفصفوه وجابوا الجمال للحم
وسمح إن يممموه يجيب الدهب بالخم
وسمح إن أكلوه عزيمته بين حرم
وهناك شاعرة هي جارية ود زايد لها قصائد في رثاء ود زايد وشجاعته وكرمه وقد حازت علي شهرة كبيرة بين أفراد القبيلة، ولها قصائد كثيرة في الشيخ محمود ود زايد تغني بها أفراد القبيلة وهي الشاعرة (خادم الله جقرة) .
*الاعتقال :-
كان ود زايد في مقره (بالتومات) بنهر أتبره حيث صدر أمر الخليفة عبد الله سراً بتجريد قبيلة الضبانية واعتقال ود زايد. (ورد في مذكرات يوسف ميخائيل ص:136 ما يؤكد ذاك حيث كتب وفي سنة 1304هـ صدر أمر من الخليفة المهدي بحضور( كافة) أهالي الجزيرة ورفاعة أولاد أبو سن والضبانية ود زايد والعبدلاب ناصر ولد جماع) كان هناك أمراء بمدينة القضارف من جيش المهدية، حيث قاموا بمهمة الاعتقال وهم عوض الكريم ود كافوت –عبد الله الطريفي والحسن ود عبد الواحد لقد دارت معركة بين جيش الأنصار وبعض أفراد من قبيلة الضبانية بعد اعتقال ود زايد انتهت بقتل عدد منهم، واقتياد ود زايد إلي كسلا بصحبة ابنه محمد ثم أرسل إلي الخليفة بأم درمان، فأودع بسجن الساير في عام 1887م، حيث قضي بالسجن مدة أربعة سنوات . الساير هو (إدريس الساير من قبيلة الجوامعة في كردفان عينه المهدي رئيساً للمساجين وفيما بعد نسب إليه السجن العمومي بأم درمان). وفي هذا يقول عبد القادر سلاطين :
" المرء في أم درمان يسمع مراراً وتكراراً من المارة في أقوالهم : لقد أخذوا فلاناً إلي الساير ومعني الساير عندهم هو السجن الذي يلقي المقبوض عليهم عذاباً شديداً ومجرد ذكر الكلمة يولد شعوراً بالاضطراب والفزع في نفوس سامعيها ."
مكث ود زايد في سجن الساير حتى جاء العفو العام وعفي عنه ورجع إلي قبيلته ووجدها قد تشتت وتفرقت ولم تطل أيامه وفارق الحياة ودفن (بالمناصير) موقع بجوار قرية عصار جنوب مدينة القضارف .

لقيتني كيف يا طيوبة

الزاكي ما تسرح

حضرة المستشار:

حقيقة كفيت ووفيت..
الكلام الفوق دا عايز قراية برواقة..
وبصراحة المعلومات الواردة كلها جديدة تماماً بالنسبة لي
ودي من فوايد البوست..تبادل المعلومة المفيدة من خلال السياحة
في بلدن ضلولو نخليل..
رد: الغربة سترة حال!!!

--------------------------------------------------------------------------------
لقيتك أسد الخلا الما بتحتار
شكرا لك طيوبة للشرح الوافي واتفق معك تماما مع الأخت اقبال حجار .
سهل قبوب ود زايد
هذا مسرح المكان
ما أقصد بالقبوب .. هو الربوب وهو الطين السائل ويتواجد في النيل في القرير عندما ينحسر منه الماء وفي البطانه عند ( الميعات ) وهي الأرض المنخفضة التي تحبس الماء .. هنا تنحسر الماء في الحالتين وتجف الطبقة العليا من الأرض ويبقي البلل في الداخل وتظهر ( القشرة الترابية اليابسة ) وعندما يطأها الانسان أو الحيوان تسمع لها صوت القرمشة تحت الأرجل .. هذا مايسمي بالقبوب .

صديقي الأرباب شرحك ما بعدو شرح "قبوبة" ما سمعت بيها خالص
لكن الميعة معروفة..دي عندنا بقومو بزرعو فيها الترمس واللوبيا بعد
النيل ينحسر شوية..
والله أنا مندهش من الكم الهائل من المعلومات المفيدة التي لا تجد
لشرحها سبيلاً لا في قوقل لا في المعاجم المعروفة..فشكرن جزيلن أرباب..


زولك ببص من استاذة اقبال حجار .. غايتو جنس غايتو :d

والله الصور التي أرودتها الأستاذة إقبال فوق دي رجعتني لقريتنا
تلك القرية الصغيرة الوادعة التي ترقد مطمئنة على طرف النيل..
يا جماعة السودان دا جميل بشكل لو ناسو عاينو ليهو بعين سليمة!

أستاذة إقبال واصلي الحديث عن البركل وما حولها ولا تبخلي بالصور متى تسنى..

صلاح عندو كلام جميل عن السفر بااللواري للشمالية
يا ريت يا هندسة تقوم بينا رحلة عبر الصحارى لتلك البقعة الجميلة
من بلادي..خلي شيقوق دا يتضاير شوية..

تسلم اخي الزاكي ووالله انا شخصيا او مرة اعرف الكلام دا - وللمعلومة الحمدة الذين تحاربوا مع الضبانية (هي قبيلة الطيب ادريس ) هم نظارنا ورواد الادارة الاهلية في الدندر يعني حكامنا التاريخيين وهم ابناء عمومة للضبانية .

الطيب ادريس
8th October 2010, 09:07 AM
تسلم اخي الزاكي ووالله انا شخصيا اول مرة اعرف الكلام دا - وللمعلومة الحمدة الذين تحاربوا مع الضبانية (هي قبيلة الطيب ادريس ) هم نظارنا ورواد الادارة الاهلية في الدندر يعني حكامنا التاريخيين وهم ابناء عمومة للضبانية .

شكرا لود العم للتعريف ونحن قبيلة الضباينة بالفعل قلة في السودان نسبة لمحاربة عبد الله التعايشي لهذه القبيلة والتي سجن فيها جدنا محمود ود زايد وصادر ( قدحه ) الذي ورد في حديث شيقوق وبالفعل قام بقنل الأغلبية وسجن ود زايد فترة من الزمن بقصد القضاء عليهم وذلك مما تبقي من أثار حروب الانجليز والاتراك والمهدية ..
تتواجد الآن جماعات منهم في منطقة القضارف ونهر عطبرة والبطانة وقلة علي ضفاف النيل الآزرق والدندر والجزيرة .

الزاكي عبد الحميد
8th October 2010, 07:27 PM
نسبة لمحاربة عبد الله التعايشي لهذه القبيلة والتي سجن فيها جدنا محمود ود زايد وصادر ( قدحه ) الذي ورد في حديث شيقوق

أخي الطيب:
لك الشكر على المعلومة أعلاه ولكن يكون من المفيد
جداً إن ألقيت مزيد من الضوء على هذه الجزيئية ..
ليتك أخي الكريم تزودنا بالمزيد من المعلومات عن هذه الحرب
لو كان ذلك ممكناً من حيث المراجع أو توفر المعلومة في الوقت الحاضر أو خلافها...

شكراً..شكراً...شكراً..

اقبال حجار
8th October 2010, 10:03 PM
الشاعر أسامة معاوية مُخاطباً القرية التي أحبَّها وأحبَّتهُ :

جَيْتي ليكي
بلا الغَناوي البَاقَّّة فرحة
وراجعة آخر الليل ترازي
جَيتي ليكي
مِتِل شِويفعين المدارسْ
يوم تلاقيهُن إجازي
والقماري الاستحمّن
فوق طِريف جدول يغنّي
وشالِن الشوق للبَرازي
وزي عيون أُمّات يَخُشِّن
في لبينةْ الحال وبَالِنْ
في تِمامة الفَدْ قِزازي

سلام وشوفوا لينا معاني ترازي,,البَرازي

السني أبوالعزائم
9th October 2010, 12:49 AM
:wis: انت يا أم محمد،،،، ترازي بالطَيٍبَْن والزاكي،، وتجي تقولي ليهم ما هو معنى (الترازي والبرازي)؟؟

الطيب ادريس
9th October 2010, 11:00 AM
يعني كده بصصتنا يا السني :happy:

كدي النشوف المسنوح بجي بقول شنو وأنا وراهو غايتو :confused:

باقي عندنا ليها معني تاني ..

عمار محجوب محمد زكي
9th October 2010, 11:08 AM
ترازي بمعني تحاول فتح المغلق فالباب المغلق إذا تعذر فتحه لا بد أن ترازيه وترازيه لحدي ما يفتح .. أما البرازي فالله أعلم ومن قال الله أعلم فقد أفتى

الزاكي عبد الحميد
9th October 2010, 01:16 PM
أما البرازي فالله أعلم ومن قال الله أعلم فقد أفتى

يمكن قول حاج الماحي يقرّب ليك المعنى شوية:

صلَّوا وحفروا البرازي
قبراً صوّح في عزازي..

المعنى والله أعلم هو الفضاء الواسع
الخالي من الشجر..

والقماري الاستحمّن
فوق طِريف جدول يغنّي
وشالِن الشوق للبَرازي

يعني القماري بعدما ارتون من الجدول (البغنّي)
اشتاقن للفضاء حيث الانطلاق إلى اللا محدود..
وهناك للحرية حديث ونغم!

لقيتنا كيف المسينيح!

السني أبوالعزائم
9th October 2010, 03:06 PM
المرازاة هي تحريك الشيئ في شكل متأرجح ومتسق. ومنها يأتي إسم الفاعل والمفعول به والفعل كالمرازي والمرازى (بفتح الزاي). وللتمثيل بالواقع، فالعربية الوحلانة يجب مرازاتها حتى تطلع من غرزتها، والشتلة الكبيرة يجب مرازاتها حتى تتخلخل الأرض من حولها فيسهل قلعها. وتستخدم الكلمة كبديل عن المراوغة والدردرة لأنك بخركة (المرازاة) تستطيع أن تتمكن من التحكم في الشيء الذي لا يسمح لك حجمه ووزنه من التحكم فيه بسهولة
وتستعار الكلمة للتعبير في أشياء كثيرة، وهنا تعبير عن الطير الجاي آخر الليل يرازي أي يتاوق ويتطلع، والطير في (متاوقته) بيرازي راسه كما نعلم

والله أعلم

اقبال حجار
9th October 2010, 04:17 PM
الأساتذة عمار ,الزاكي والسني مشكورين للمحاولة لكن ندي فرصة للباقين ونجاوب بعدين...الطيب ادريس قال عندو تفسير ..في إنتظاره ,,ونشوف الصح من الغلط ونوزع الدرجات....مسؤولين من الخير الليلة أخوكم شيقوق مالو ماظهر ليدلو بدلوه؟؟

الطيب ادريس
9th October 2010, 07:13 PM
الشاعر أسامة معاوية مُخاطباً القرية التي أحبَّها وأحبَّتهُ :

جَيْتي ليكي
بلا الغَناوي البَاقَّّة فرحة
وراجعة آخر الليل ترازي
جَيتي ليكي
مِتِل شِويفعين المدارسْ
يوم تلاقيهُن إجازي
والقماري الاستحمّن
فوق طِريف جدول يغنّي
وشالِن الشوق للبَرازي
وزي عيون أُمّات يَخُشِّن
في لبينةْ الحال وبَالِنْ
في تِمامة الفَدْ قِزازي

سلام وشوفوا لينا معاني ترازي,,البَرازي

غايتو وقت المسنوح الليلة ما ظهر وان شاء الله خير برغم السبت يوم اجازة له نشوف بكرة حاله واحواله ...

نجي لي كلام الاستاذة اقبال وكلام الشايقية الروسي ده [IMG]http://www.sudaneseclub-

وراجعة آخر الليل ترازي
اعتقد دي أسهل بمعني انها جايا متأخرة ليلا خائفة ( تدّبي متخفية أو تتواري ) حتي لا تظهر وللشاعر معاني كثيرة في نفس السياق والمواراة والتخفي وبالدارجي ( تدّبي براحة حتي لا يحس الآخرين بها ) وأنا هنا اتكلم حسب رؤية الشاعر .

وشالِن الشوق للبَرازي

وشالن الشوق للبرازي .. الذي لا يظهر ولا يبان يرازي بمعني يتواري صعب المشاهدة وليس بساهل في المعاملة سوي أن كانت معاملة أو فعل شيء حسب ما أشار الاخوة من بعد عن المعني الحقيقي !!
البرازي يمكن ايضا ان نقول الذي يتقدل في مشيته أو يتأني كما قال الأعشي :

تمشي الهوينا كما يمشي الوجيُ الوحل
كأنَّ مشيتها من بيتِ جارتها
مرُّ السحابةِ لاريثٌ ولا عجلٌ
ليست كمن يكرهُ الجيرانُ طلعتها
ولا تراها لسرِّ الجارِ تختتلُ
تكادُ تصرعها لولا تشدُّدها
إذا تقومُ إلى جاراتها الكسلُ

غايتو انا اجتهدت بمعطيات وشواهد في المعني وياريت ننجح ما يجي المسنوح ينجهني ..

الطيب شيقوق
9th October 2010, 09:34 PM
زولا ستر حالا في الغربة البطالة

اخخخخخخخخخ الاغنية دي قاصة قلبي يا اخوانا

YouTube - ‫?????? ??? ???? - ?? ????- ????? ?????‬‎

الزاكي عبد الحميد
10th October 2010, 06:35 AM
مسؤولين من الخير الليلة أخوكم شيقوق مالو ماظهر ليدلو بدلوه؟؟

انت ياللخو السؤال لمن يغلبك
تزوغ زوغة بدون مواراة..
والدليل آلولو..



زولا ستر حالا في الغربة البطالة

اخخخخخخخخخ الاغنية دي قاصة قلبي يا اخوانا

بالله عليك يا الطيب ود إدريس شوف زولك دا
زاغ من معنى (البرازي) كيف..

اقبال حجار
10th October 2010, 07:33 AM
[size="5"]بالله عليك يا الطيب ود إدريس شوف زولك دا
زاغ من معنى (البرازي) كيف..
السلام يغشاكم
لتحية للجماعة المجتهدين والله ماقصرتوا ........لكن الزوغة ظاهرة ومابتندسى.ياالطيب !!!.......
نرجع للمعنى :
جَيْتي ليكي
بلا الغَناوي البَاقَّّة فرحة
وراجعة آخر الليل [color="purple"]ترازي
مخاطباً القرية ،فعودته لها كالذاهب لحفلة يحمل الفرح والبهجة تبق كالنور.......والعودة منها كمن رجع آخر الليل يرازي أي تعبان ،متهالك (يِقال فلان قاعد رزيه ......يعني لا شغلة لا مشغلة أو عالة على غيره ] صراحة لو عذرنا ناس البندر ..الطيب والطيب ماعنكم عذر .

بعدين الفنان البيقول في الشيخ ود بدر:
ماقعد كيف الرزية
وفي المجنون مابدور هدية
دة ما زولكم!!!!!
................................
والقماري الاستحمّن
فوق طِريف جدول يغنّي
وشالِن الشوق للبَرازي
أما البرازي فهي المساحة الواسعة لتي تتم فيها عملية استخلاص الحبوب من سنابلها عبر عملية معروفة تسمى النوريق(الزاكي كان أقرب شوية)*

الطيب ادريس
10th October 2010, 10:03 AM
يعني طلعنا ( كييت ) صفر معانا واحد http://www.sudaneseclub-oman.com/vbforum/images/icons/icon10.gif
شفت يا ود شيقوق السويتها فينا مشينا نتفلسف جبنا ( ضكلها يلولي ) :)

الزاكي عبد الحميد
10th October 2010, 10:12 AM
أخي شيقوق:
شوف ليك حاجة نجيضة تمسح بيها
الزوغة دي!:008:

الطيب شيقوق
10th October 2010, 01:36 PM
السلام يغشاكم
لتحية للجماعة المجتهدين والله ماقصرتوا ........لكن الزوغة ظاهرة ومابتندسى.ياالطيب !!!.......
نرجع للمعنى :
جَيْتي ليكي
بلا الغَناوي البَاقَّّة فرحة
وراجعة آخر الليل ترازي
مخاطباً القرية ،فعودته لها كالذاهب لحفلة يحمل الفرح والبهجة تبق كالنور.......والعودة منها كمن رجع آخر الليل يرازي أي تعبان ،متهالك (يِقال فلان قاعد رزيه ......يعني لا شغلة لا مشغلة أو عالة على غيره ] صراحة لو عذرنا ناس البندر ..الطيب والطيب ماعنكم عذر .

بعدين الفنان البيقول في الشيخ ود بدر:
ماقعد كيف الرزية
وفي المجنون مابدور هدية
دة ما زولكم!!!!!
................................
والقماري الاستحمّن
فوق طِريف جدول يغنّي
وشالِن الشوق للبَرازي
أما البرازي فهي المساحة الواسعة لتي تتم فيها عملية استخلاص الحبوب من سنابلها عبر عملية معروفة تسمى النوريق(الزاكي كان أقرب شوية)*

يا سلام استاذة اقبال والله جننتينا جن يا دوووووووووووووووب عرفت اهلي هناك بقولوا البهيمة دي رزية يعني عيانة وتعباااااانة وغالبها المشي مع المراح وكلما الراعي نش بقراتو للمرعي يقبّل بوراهو ويلقى ليك البقرة الرزية متخلفة وراء المراح نامن يزهج منها ويفووت يخليها ليك باركة في الحدبة يجوا الشفع يجيبوا ليها القصب والامباز وهي تتجغم العلوق وباركة في الواطة .

عييييييييييييييييييييك يا اقبال دي غفلتينا بيها بس لكن وحاة الله نلوك فيها ليل ونهار بس تصريف الفعل غلبنا وبقيتي ترازي بينا زي مرازاة رولاندينو في مبارة كأس العالم .

والله يا الزاكي مشيت قوقل وكتبت ليك يرازي جاب لي خيارات كتيرة completely irrelevant يعني جاب لي نزار قباني وجاب لي زريبة الشيخ البرعي وجاب لي الديك اب علاعل ما عارف ايش علاقة الديك بحرف الزاي .

شكيت محنك آآآآآآآآآآآ قوقل ما عليك تكل مرات عندك شلخات ما زينة .

الطيب شيقوق
10th October 2010, 01:42 PM
الزاكي

الطيب ود دريس

عليكم الله اقروا كلامي الفوق دا عشان تعرفوا الخمة الوقعت فيني

قالت يرازي !!

وحاة النبي التفسير دا انا عندي من زمااااااااااان بس ما متوقع ناس الشمال بيعرفوا الرزية .

الزاكي عبد الحميد
10th October 2010, 03:52 PM
شكيت محنك آآآآآآآآآآآ قوقل ما عليك تكل مرات عندك شلخات ما زينة .

إت قنِّب قوقل ساي لمن تلقى روحك
لا لميت في قانون لا عربي لا كلام أهلك..
إني نصحتك فالتمس يا ليث غير هذا القوقل
فإنه لك عدو مبين..
اللهم إني بلغت!

الطيب شيقوق
10th October 2010, 06:11 PM
شكيت محنك آآآآآآآآآآآ قوقل ما عليك تكل مرات عندك شلخات ما زينة .

إت قنِّب قوقل ساي لمن تلقى روحك
لا لميت في قانون لا عربي لا كلام أهلك..
إني نصحتك فالتمس يا ليث غير هذا القوقل
فإنه لك عدو مبين..
اللهم إني بلغت!

زيكو كتر خيرك زولك الفيهو انعرفت

الزاكي عبد الحميد
11th October 2010, 06:35 AM
اهلي هناك بقولوا البهيمة دي رزية يعني عيانة وتعباااااانة وغالبها المشي مع المراح وكلما الراعي نش بقراتو للمرعي يقبّل بوراهو ويلقى ليك البقرة الرزية متخلفة وراء المراح نامن يزهج منها ويفووت يخليها ليك باركة في الحدبة يجوا الشفع يجيبوا ليها القصب والامباز وهي تتجغم العلوق وباركة في الواطة .

بالله شوفو جمال اللوحة دي!!
تقولي قوقل..
يمين قوقل لو قوقا ما يقوقي
زي النضمي الفوق دا..لو حاول مجرد المحاولة
يمين تلقى مكنته كلها رترتت!

كدي واصل لينا في مشروع الكتاب شوية يا شيقا..

الطيب شيقوق
11th October 2010, 09:06 AM
اهلي هناك بقولوا البهيمة دي رزية يعني عيانة وتعباااااانة وغالبها المشي مع المراح وكلما الراعي نش بقراتو للمرعي يقبّل بوراهو ويلقى ليك البقرة الرزية متخلفة وراء المراح نامن يزهج منها ويفووت يخليها ليك باركة في الحدبة يجوا الشفع يجيبوا ليها القصب والامباز وهي تتجغم العلوق وباركة في الواطة .

بالله شوفو جمال اللوحة دي!!
تقولي قوقل..
يمين قوقل لو قوقا ما يقوقي
زي النضمي الفوق دا..لو حاول مجرد المحاولة
يمين تلقى مكنته كلها رترتت!

كدي واصل لينا في مشروع الكتاب شوية يا شيقا..

اعلم انك تعلم رقّة مقصدي و خشونة لفظي ولكن بعد ان تأمر لي بدار حسنة على شاطئ النيل فيه بستان يتخلله نسيم ‏لطيف و الجسر قريب منه لاقيم ستة اشهر هناك ثم تستدعيني يا زيكو لتسمع منى مثل ما قال احمد بن الجهم لهارون الرشيد .


عيون المها بين الرصافـة والجسـر
جلبن الهوى من حيث أدري ولا أدري
خليلـي مـا أحلـى الهـوى وأمـره
أعرفنـي بالحلـو منـه وبالـمـرَّ !
كفى بالهو ىشغلاً وبالشيـب زاجـراً
لو أن الهوى ممـا ينهنـه بالزجـر
بما بيننا مـنحرمـة هـل علمتمـا
أرق من الشكوى وأقسى من الهجر ؟
و أفضح من عيـن المحـب لسّـره
ولا سيما إن طلقـت دمعـة تجـري
......................................

لقيتني كيف يا مسنوح؟

عمار محجوب محمد زكي
11th October 2010, 09:39 AM
هل منكم من يعرف الترمبيتا (بضم التاء وسكون الميم)

اقبال حجار
11th October 2010, 10:28 AM
يا سلام استاذة اقبال والله جننتينا جن يا دوووووووووووووووب عرفت اهلي هناك بقولوا البهيمة دي رزية يعني عيانة وتعباااااانة وغالبها المشي مع المراح وكلما الراعي نش بقراتو للمرعي يقبّل بوراهو ويلقى ليك البقرة الرزية متخلفة وراء المراح نامن يزهج منها ويفووت يخليها ليك باركة في الحدبة يجوا الشفع يجيبوا ليها القصب والامباز وهي تتجغم العلوق وباركة في الواطة .

عييييييييييييييييييييك يا اقبال دي غفلتينا بيها بس لكن وحاة الله نلوك فيها ليل ونهار بس تصريف الفعل غلبنا وبقيتي ترازي بينا زي مرازاة رولاندينو في مبارة كأس العالم .

والله يا الزاكي مشيت قوقل وكتبت ليك يرازي جاب لي خيارات كتيرة completely irrelevant يعني جاب لي نزار قباني وجاب لي زريبة الشيخ البرعي وجاب لي الديك اب علاعل ما عارف ايش علاقة الديك بحرف الزاي .

شكيت محنك آآآآآآآآآآآ قوقل ما عليك تكل مرات عندك شلخات ما زينة .
سلام اهل الحوش .....والله ياالطيب انا كنت متيقتة انكم حاتعرفوا الرزية وعارفاك حاتسرح بينا وتبحر في التفسير كما فعلت .......لكن زي ماقلت قوقل ورطك وخيرها في غيرها.

أما التُرمْبيتا هل هي نوع من السيارات ........ام نوع من الآلات الموسيقية ؟؟؟؟؟؟
اليوم اليكم من التراث القديم جداً
قصيدة (الدوسيب) ذات الكلمات البسيطة والمعنى العميق....
قصيدة (الدوسيب) من القصائد القديمة جداً وكانت تُغنى عند رقِّيص العروس بعد قطع الرحط.. ففي يوم الزواج وبعد الصفاح (العقد) وعند المساء يذهب العريس ومعه أهله سائرين به إلى بيت العروس لإتمام قطع الرحط الذي لم يكن آنذاك فيه قروش أو حلوى (فكان رحط بي حق وحقيقة) فبعد قطع الرحط تقيف الصفوف لرقِّيص العروس فبعد هذا يبدأ أخوات العريس والعروس وأهلهم في غناء قصيدة الدوسيب....
التي تقول....

الدوسيب .... كدي يا عروسنا
الخضراء جابيق .... كدي يا عروسنا...
سمِحْةَ الذات .... كدي يا عروسنا...
الشروط تامَّات .... كدي يا عروسنا...
سمِحْةَ الزي .... كدي يا عروسنا...
عيش الكُري .... كدي يا عروسنا...
المقوسِب ني .... كدي يا عروسنا...
الحرير للطي .... كدي يا عروسنا...
العظمة زينة الحي .... كدي يا عروسنا...
عيش الباجور .... كدي يا عروسنا...
(الما نقدو زرزور) .... كدي يا عروسنا...
الغَفَرو حاس دور .... كدي يا عروسنا...
عيش القُرير .... كدي يا عروسنا...
الماب يحومبو الطير .... كدي يا عروسنا...
الجنيه في الجيب .... كدي يا عروسنا...
البِقت فوسيب .... كدي يا عروسنا...
الدُّقة والنُقَّار.... كدي يا عروسنا...
القرمصيص العال .... كدي يا عروسنا...
الرصَّة والشبَّال .... كدي يا عروسنا...
شديرة البار .... كدي يا عروسنا...
تضوي فِنْيار .... كدي يا عروسنا...
تِبْش الرمال .... كدي يا عروسنا...
الدوسيب يا خدرة كَمِّك
يا جلادةَ الشم جِبْتي ابن عمك..
الدوسيب نايري وعديلي
عروسنا ام زين مُقْد الجزيري
الدوسيب فاحت جلادها
عروسنا ام زين مسكت وصاتها....

.................................................. ....

الطيب ادريس
11th October 2010, 11:05 AM
الترمبيتا نوع من ( الزمبارة ) علي ما اعتقد أو الكيتة .

الطيب شيقوق
11th October 2010, 11:05 AM
سلام اهل الحوش .....والله ياالطيب انا كنت متيقتة انكم حاتعرفوا الرزية وعارفاك حاتسرح بينا وتبحر في التفسير كما فعلت .......لكن زي ماقلت قوقل ورطك وخيرها في غيرها.

أما التُرمْبيتا هل هي نوع من السيارات ........ام نوع من الآلات الموسيقية ؟؟؟؟؟؟
اليوم اليكم من التراث القديم جداً
قصيدة (الدوسيب) ذات الكلمات البسيطة والمعنى العميق....
قصيدة (الدوسيب) من القصائد القديمة جداً وكانت تُغنى عند رقِّيص العروس بعد قطع الرحط.. ففي يوم الزواج وبعد الصفاح (العقد) وعند المساء يذهب العريس ومعه أهله سائرين به إلى بيت العروس لإتمام قطع الرحط الذي لم يكن آنذاك فيه قروش أو حلوى (فكان رحط بي حق وحقيقة) فبعد قطع الرحط تقيف الصفوف لرقِّيص العروس فبعد هذا يبدأ أخوات العريس والعروس وأهلهم في غناء قصيدة الدوسيب....
التي تقول....

الدوسيب .... كدي يا عروسنا
الخضراء جابيق .... كدي يا عروسنا...
سمِحْةَ الذات .... كدي يا عروسنا...
الشروط تامَّات .... كدي يا عروسنا...
سمِحْةَ الزي .... كدي يا عروسنا...
عيش الكُري .... كدي يا عروسنا...
المقوسِب ني .... كدي يا عروسنا...
الحرير للطي .... كدي يا عروسنا...
العظمة زينة الحي .... كدي يا عروسنا...
عيش الباجور .... كدي يا عروسنا...
(الما نقدو زرزور) .... كدي يا عروسنا...
الغَفَرو حاس دور .... كدي يا عروسنا...
عيش القُرير .... كدي يا عروسنا...
الماب يحومبو الطير .... كدي يا عروسنا...
الجنيه في الجيب .... كدي يا عروسنا...
البِقت فوسيب .... كدي يا عروسنا...
الدُّقة والنُقَّار.... كدي يا عروسنا...
القرمصيص العال .... كدي يا عروسنا...
الرصَّة والشبَّال .... كدي يا عروسنا...
شديرة البار .... كدي يا عروسنا...
تضوي فِنْيار .... كدي يا عروسنا...
تِبْش الرمال .... كدي يا عروسنا...
الدوسيب يا خدرة كَمِّك
يا جلادةَ الشم جِبْتي ابن عمك..
الدوسيب نايري وعديلي
عروسنا ام زين مُقْد الجزيري
الدوسيب فاحت جلادها
عروسنا ام زين مسكت وصاتها....

.................................................. ....


الله يجازيك البمشي في دربك بيوحل لاضنيهو - وحاة الله انا مارق جيييييييييييييت من الكلام دا
واقول ليك - اكان اتلّحتينا بى ها الحكي تاني عوضك فينا عرض اكتافنا بس .

اها آآآآآآآآآآآ الطيب ود دريس تعال باري بجاى تاني - دا كلام لا عرفتو عربي ولا انجليزي ولا ايطالي .

الزاكي ظني انت متمحن بتلولح في راسك صاح؟

قال الغربة سترة حال قال !!

السنى ابو العزائم

لسانك الفلقة دا تعال اشرح الكلام الفوق دا

الطيب ادريس
11th October 2010, 11:10 AM
غايتو أنا بره من الموضوع ده يا استاذة اقبال ده شيتا عجيب :

الدوسيب
الجاييق
الكري
المقوسب
الباجور ده عندنا المشروع الزراعي
القرير معروف الارض الطينية

جلادة الشم
المقد

أنا بره http://www.sudaneseclub-oman.com/vbforum/images/icons/icon7.gif

اقبال حجار
11th October 2010, 12:07 PM
الطيب ادريس محاولاتك مثمرة القرير صح الأرض الخصبة لذا سميت منطقة مشهورة جداً بهذا الإسم لخصوبتها بالشعر واللحن والأرض أيضاً وعيش القرير أكيد عيش ناجح....وعيش الباجور أو الوابور المَرْوي جيداً برضو دلالة على نجاح العيش .
أما الكلمة الأخرى فهي جابيق وحاولوا حاتعرفوها من صياغ الجملة لأنو أكيد عندكم.
والجابيق ذكرت أيضاً هنا:
لا بَجابِّق لا بَورِّق ... داير أحُش من حدّْ العِرقْ
دة كلام بسيط بيجيكم أسع الزاكي يفزعكم

اقبال حجار
11th October 2010, 12:21 PM
وبالمناسبة دي أهدي هذه النكتة سمعتها من ناس تيراب...عشان دو شيقوق مايهرب

قال الجعلي ليهو ضُل.. عمل ليهو مخبز ويوم الإفتتاح عمل العيش وقعد منتظر الزبائن... مافي أي زول هبَّبو ليهو... يعني عيشو بااااااااااااااير جاهو شايقي قال ليهو أديني عشرة عيشات... قام الجعلي زعلان طبعاً... قال للشايقي أمشي ورا هناك ما شايف الصف دا؟؟؟

الشايقي إتلفت ماشايف صف.. لكن دبَّر حيلة ورجع ورا عامل نفسوا واقف في الصف... وبقى يتكلم براهو... آناس كدي إتوزنو, كدي أعدلو الصف دا؟؟؟ إنتو آناس إلِّا يجيبولكم البوليس؟؟؟ هي دا شنو الكِباس دا؟؟؟ كدي روقو شويي !!!!

أها يتكلم كدي لااااااااااااامِن وصل الشُباك... وقال للجعلي عليك الله أديني عشرة عيشات ...

الجعلي دَنقَر عشان يديهو العيشات الشايقي إتحمَّى قوووووووووي وأداهو بُنْية في فَقَهْتو (مؤخرة الرقبة)لامِن دردقو!!! الجعلي رفع راسو دا منو الضَرَبني دا؟؟؟

الشايقي بي تهكم رد عليهو... دايرني أعرفو ليك في الزحمة دي كيف!!!؟؟؟

الزاكي عبد الحميد
11th October 2010, 01:27 PM
"]والجابيق ذكرت أيضاً هنا:
لا بَجابِّق لا بَورِّق ... داير أحُش من حدّْ العِرقْ
دة كلام بسيط بيجيكم أسع الزاكي يفزعكم[/COLOR]


والله يا إقبال غايتو جهجهتي الناس ديل
جهجهة ما يمرقم منها لا قوقل ولا أخوانو..

الجابيق يا حضرات معناها
قطع بضع قصبات من حفرة الزرع
وترك الباقي كما هي..
أهلنا بقولو:داير أعزل منو بس
نص قبضة جابيق..
ما تقولي غلت يا إقبال:happy:

الكري:
أعتقد هي الأرض التي تقع فوق
الساقية وتروى في الدميرة بالحياض.. شيقوق بتعرف الدميرة!!

المقوسب دي ماعرفتها يا شيقوق أفو أفو..
ما قتو حقتكم..
ماهي تصريف القوسيب
يعني داخل القوسيب

لقيتوني كيف!

الزاكي عبد الحميد
11th October 2010, 01:46 PM
يا جلادةَ الشم جِبْتي ابن عمك..
الدوسيب نايري وعديلي
عروسنا ام زين مُقْد الجزيري
الدوسيب فاحت جلادها

المقد:

ضرب من الذرة
وحولها قال المحلق لتاجوج:
أمك دباسة فوق القنا
وإنت بتشبهي المقد الانحنى

الجلاد:
هو قط الخلا يخرج من تحت إبطه
وذيله عطر يسمّى عطر الجلاد ..
ومنها غنا البنات:
المهيرة عطر الجلاد يا عريسنا

أها قولو لينا الصح من الغلت..

الطيب شيقوق
11th October 2010, 02:49 PM
"]والجابيق ذكرت أيضاً هنا:
لا بَجابِّق لا بَورِّق ... داير أحُش من حدّْ العِرقْ
دة كلام بسيط بيجيكم أسع الزاكي يفزعكم[/color]


والله يا إقبال غايتو جهجهتي الناس ديل
جهجهة ما يمرقم منها لا قوقل ولا أخوانو..

الجابيق يا حضرات معناها
قطع بضع قصبات من حفرة الزرع
وترك الباقي كما هي..
أهلنا بقولو:داير أعزل منو بس
نص قبضة جابيق..
ما تقولي غلت يا إقبال:happy:

الكري:
أعتقد هي الأرض التي تقع فوق
الساقية وتروى في الدميرة بالحياض.. شيقوق بتعرف الدميرة!!

المقوسب دي ماعرفتها يا شيقوق أفو أفو..
ما قتو حقتكم..
ماهي تصريف القوسيب
يعني داخل القوسيب

لقيتوني كيف!


لقينا سادن بس

الزاكي عبد الحميد
11th October 2010, 03:09 PM
لقينا سادن بس

قرقرقرقرقرقرقرقرقرقرقرقرقرقرقر

خلاص قتو الروب!!

اقبال حجار
11th October 2010, 04:10 PM
"]والجابيق ذكرت أيضاً هنا:
لا بَجابِّق لا بَورِّق ... داير أحُش من حدّْ العِرقْ
دة كلام بسيط بيجيكم أسع الزاكي يفزعكم[/COLOR]


والله يا إقبال غايتو جهجهتي الناس ديل
جهجهة ما يمرقم منها لا قوقل ولا أخوانو..

الجابيق يا حضرات معناها
قطع بضع قصبات من حفرة الزرع
وترك الباقي كما هي..
أهلنا بقولو:داير أعزل منو بس
نص قبضة جابيق..
ما تقولي غلت يا إقبال:happy:

الكري:
أعتقد هي الأرض التي تقع فوق
الساقية وتروى في الدميرة بالحياض.. شيقوق بتعرف الدميرة!!

المقوسب دي ماعرفتها يا شيقوق أفو أفو..
ما قتو حقتكم..
ماهي تصريف القوسيب
يعني داخل القوسيب

لقيتوني كيف!

يا جلادةَ الشم جِبْتي ابن عمك..
الدوسيب نايري وعديلي
عروسنا ام زين مُقْد الجزيري
الدوسيب فاحت جلادها

المقد:

ضرب من الذرة
وحولها قال المحلق لتاجوج:
أمك دباسة فوق القنا
وإنت بتشبهي المقد الانحنى

الجلاد:
هو قط الخلا يخرج من تحت إبطه
وذيله عطر يسمّى عطر الجلاد ..
ومنها غنا البنات:
المهيرة عطر الجلاد يا عريسنا

أها قولو لينا الصح من الغلت..
االزاكي عشرة من عشرة ....كفيت ووفيت
تاني يجي شيقوق يقول ولاد بندر :nono::nono: وقواسيب المنازعنا عليها ذاتا تاهت عليهو و(المقوسب ني هنا دلالة على النَّضار)
والجلاد فعلاً كان من أنفس العطور في ذلك الزمن.
الفِنْيار::هو الفانوس

الطيب شيقوق
11th October 2010, 06:32 PM
االزاكي عشرة من عشرة ....كفيت ووفيت
تاني يجي شيقوق يقول ولاد بندر :nono::nono: وقواسيب المنازعنا عليها ذاتا تاهت عليهو و(المقوسب ني هنا دلالة على النَّضار)
والجلاد فعلاً كان من أنفس العطور في ذلك الزمن.
الفِنْيار::هو الفانوس

بالحيل اتجاسرتو علينا علّ كان قبلت عليكم بكلامنا هسع تشوفوا النجم بالنهار

اب عراق فتق قرنو المبادر شره

والباشندى عمت مهششيب الدره

من النقره كل حين فوق عليو منصره

ها الايام محاريها القليعه ام غره


قدمت من هنا بى ضانها سمعت كره

فوق كارتوت شخيتيرا تخين خره

قلاتو الوهاط بى لشغه قبلو محره

يا باسط النعم تسقيها فى ها المرة


الطيب ود دريس

لقيتني كيف ؟

انتظر بس ناسك ديل تاني ما برقد ليهم قفا

الطيب ادريس
11th October 2010, 08:17 PM
بالحيل اتجاسرتو علينا علّ كان قبلت عليكم بكلامنا هسع تشوفوا النجم بالنهار

الطيب ود دريس

لقيتني كيف ؟

انتظر بس ناسك ديل تاني ما برقد ليهم قفا




ما قصرت تب ياشيخ العرب
واخوك جاييك في الغريق
وصباحة الله بخير !

الطيب شيقوق
12th October 2010, 10:10 AM
ما قصرت تب ياشيخ العرب
واخوك جاييك في الغريق
وصباحة الله بخير !

تعال سكّب الجماعة

الزاكي دحين بتعرف السكّاب ؟

الزاكي عبد الحميد
12th October 2010, 10:13 AM
بالحيل اتجاسرتو علينا علّ كان قبلت عليكم بكلامنا هسع تشوفوا النجم بالنهار

اب عراق فتق قرنو المبادر شره

والباشندى عمت مهششيب الدره

من النقره كل حين فوق عليو منصره

ها الايام محاريها القليعه ام غره


قدمت من هنا بى ضانها سمعت كره

فوق كارتوت شخيتيرا تخين خره

قلاتو الوهاط بى لشغه قبلو محره

يا باسط النعم تسقيها فى ها المرة


الطيب ود دريس

لقيتني كيف ؟

انتظر بس ناسك ديل تاني ما برقد ليهم قفا
بالحيل اتجاسرتو علينا علّ كان قبلت عليكم بكلامنا هسع تشوفوا النجم بالنهار

اب عراق فتق قرنو المبادر شره

والباشندى عمت مهششيب الدره

من النقره كل حين فوق عليو منصره

ها الايام محاريها القليعه ام غره


قدمت من هنا بى ضانها سمعت كره

فوق كارتوت شخيتيرا تخين خره

قلاتو الوهاط بى لشغه قبلو محره

يا باسط النعم تسقيها فى ها المرة


الطيب ود دريس

لقيتني كيف ؟

انتظر بس ناسك ديل تاني ما برقد ليهم قفا


العزيز شيقوق:
هاك ما عندي:

الباشندي:
زهر أبيض يكون شديد البياض في الخريف

مهششيب:
جذوع الشجر أو فروعه اليابسة وهي إن وطأتها
بقدميك حين تكون في الأرض أسمعتك صوتاً أشبه بصوت
(القبوب الذي أبدع الأرباب في وصفه) حين تطأه القدم..وقد يعني
أيضاً الجزء اللين من الشجر حيث تظهر عليه الأزهار.

الحاردلو قال:

الباشندي عمّتْ كهششيب الدّرّة..

كرتوت:

جبل في البطانة..
شخيتير:السحاب الممتليء ماءً..
قال الحاردلو:
فوق كرتوت شخيتيرن تخيِّن خرّ..

أها لقيتنا كيف ياللخو!


إن

الطيب شيقوق
12th October 2010, 10:19 AM
شخيتير:السحاب الممتليء ماءً..
قال الحاردلو:
فوق كرتوت شخيتيرن تخيِّن خرّ..

الزاكي ايمين - لو ما اتصلت بصديق او الجمهور او قوقلت - ما قصرت

بس الشخيتير اخي الزاكي هو بداية صبيب السحابة - مش مرات من بعيد بتشوف سحابة ومنها يتدلى خط مسقيم الى الارض ويتزايد الى خطوط ثم الانبهالة ( او المطرة التقيلة) ؟ فالشخيتير هو ذلك المستقيم الرفيع الذى نراه متدليا من السحابة كدليل لبداية الهطول .


لقيتني كيف؟

الزاكي عبد الحميد
12th October 2010, 10:37 AM
لو ما اتصلت بصديق او الجمهور او قوقلت

جنس كلامكم دا مابتقوقل..
أما الاستعانة بصديق أو الجمهور
فذلك أيضاً لم تتم..
كلّها بضراعي وعرق جبيني
وإن لم تصدقني فأسأل
عبد الكريم بتاع الطاحونة..
أما إن أردت أن تعرف شيئاً
عن عبد الكريم بتاع الطاحونة
فأسأل صديقنا الأستاذ
عبد المنعم خوجلي فستجد عنده الخبر اليقين..
ونواصل..

الطيب شيقوق
12th October 2010, 11:39 AM
زيكو

عبد المنعم خوجلي فستجد عنده الخبر اليقين..


دحين عبد المنعم دا بيكون جرب السرحة بالضأن؟
بيكون حصل رسلوهو يودي العيش للطاحونة؟
بيكون رمى ليهو سنارة منتظر تخمش ليهو سمكة؟
بيكون صقعوهو بشبال ايام عرسو؟

اقبال حجار
12th October 2010, 12:43 PM
بالحيل اتجاسرتو علينا علّ كان قبلت عليكم بكلامنا هسع تشوفوا النجم بالنهار
اب عراق فتق قرنو المبادر شره
والباشندى عمت مهششيب الدره
من النقره كل حين فوق عليو منصره
ها الايام محاريها القليعه ام غره
قدمت من هنا بى ضانها سمعت كره
فوق كارتوت شخيتيرا تخين خره
قلاتو الوهاط بى لشغه قبلو محره
يا باسط النعم تسقيها فى ها المرة
الطيب ود دريس
لقيتني كيف ؟
انتظر بس ناسك ديل تاني ما برقد ليهم قفا

إكمالاً لما بدأه أخونا الزاكي :
عليو :عليو تصغير لكلمة عَلُ : بمعنى فوق، أتيته مِن علٍ لقول الشاعر:
كَجُلْمُودِ صَخْرٍ حَطَّهُ السَّيلُ من عَلِ
وتصغيرها بالعامية السودانية عليو كتصغير كلمة حُلو ( حِليوْ )

محاريها: مشتقة من كلمة تَحَرَّى..يَتَحَرَّى الأَمُورَ أي يَتَقَصَّاهَا بِالبَحْثِ وَالتَّنْقِيبِ وَالتَّفْتِيشِ.
واهلنا بيقولوا دي المَحَرِيَّة فيك أي المَرْجُوة منَّك لزوم شُكر يعني

القليعة تصغير لكلمة القَلْعَةُ وفي اللغة تعني الحصن ,,لكن هنا أظن انها تعني : ما يجْتَثُّ من أصله كالشجرة تُقلَعُ من جذورها ,,ويطلق أهلنا القُليع على السبروق (وهو نبات البامية حين يُقلع من جذوره)شيقوق ضُقتَ السَبَروق؟؟؟؟؟؟

قُلاتو الوهاط:(القلات جمع قُلة) والقُلة معروفة إناء لتبريد الماء ,أصغر من الزير....لكنها تعني هنا حُفر تنشأ اثناء جريان الماء ويكون مدخلها صغيراً كالقُلة.
والوهاط يريد بها الوَساع ...نقول الكرسي وهيط أي واسع ومُريح.

لشغة:أي رشفة ماءٍ ,,هنا يُريد الماء القليل من هذه المخابىء في باطن الارض
أها لقيتونا كيف

الطيب ادريس
12th October 2010, 01:28 PM
نحن كان غلبتنا بت حجار مافي مشكلة ده كلام روسي ( شايقي ) ;)
لكن استاذ الزاكي يجيب لينا كلام البطانة ويتحدانا بيهوا أمانة ماوقعت :028:

الطيب ادريس
12th October 2010, 01:47 PM
جدعة البطانة :

وللجدعة معنيين ..

ماهما ؟؟

وهاكم عاد المعني جائزته الدولار عدييييل .. أبشر يا ود شيقوق أسد الخلا الما بتحتار :


داق فيك رجال كتااار عذّ في وطاتك وخيرتك
وخرفك يبلع الزول جــــــــــووب توّزر
هيرتك الضايق لبُــــاك يعرق ويجـــــــــــــــــــــــــفّ من سيرتك
الدم جــــــرتقك والخيل عجاجة ضـــــــــــــريرتك
فارســــــك ديمــــا من دم المكــــــــــــوك
بتمرك فايق فوق قفا الاصدل الملبد ورّك
سماك بتّك صـــــــــعيد وشمال وكلو تحرك
متكّل مزنو متل شـــــــــــــــــــــــتات رفاعة البرُك

ماتلــــــوميني كان كــــاتم غـــناك أزمـــــــنت
بنقُد في القـــــــوافي السمـــــــــحة ما تجابنــتَ
خابرنك صحيح مافقـــــــــدوك السنتَ
السيّاف مجدّر والدرق عي سنتَ

المطلوب طبعا معني الكلمات باللون الأحمر !!


http://misrya.com/img/money.gif

الزاكي عبد الحميد
12th October 2010, 02:03 PM
ماهما ؟؟

النبدا بيهن في الأول:

جدعة: تعني جزء بسيط جداً من الفدان
جدعة: المقطع الذي يكرره المغنون أو المادحون بعد
المغني أو المادح الرئيس..

وأكيد ....أكيد راجعين..

محمد عثمان الحاج يوسف
12th October 2010, 02:27 PM
يا جماعة الخير ما أحود بيكم شوية يمين لو سمحتوا يا الزاكي ، مع رائعة الأستاذ الشاعر سيدأحمد الحردلو في رثاء الفنان مصطفى سيدأحمد ، مع كل الشكر للباشمهندس/ حسن عبدالرحمن :



(رثاء الفنان مصطفى سيد أحمد في)


رائعة الشاعر سيدأحمد الردلو


-1-


تاني قام واحدْ جميلْ فى بلدنا ماتْ ...


وكان بِغنى للمساكين والمتسولين والحفاةْ


وكان بِغنى للمنافى والعصافير والرُعاةْ


وكان بِغني لى بلدْ فى الحُلم شايل أغنياتْ


وكان بِطنبر .. وكان بِدوبى للحياةْ


-2-


تاني قام واحدْ مَلِكْ رَوَّحْ وفاتْ


وكان مَلِكْ فى الريدْ .. وانسانْ فى الصفاتْ


وكان مهاجر فى دموعْ كُلَّ البُكاةْ


وكان وترْ مشدودْ .. ومسكونْ دندناتْ


وكان – عليه سلامْ – تقولْ ما زولْ حياةْ


-3-


يا مصطفي


دوام طاريالجماعه الكانوا سَاكِنكْ


من منفى لى منفي


ومن عودْ .. لى سَفرْ


طاري العصافير المسافراتْ دون جوازْ


طاري اللى داجين فى المطرْ


عبد الرحيم وهلمَّ جَرْ


طاري القطرْ


طاري الحرازْ


الليلة كانوا جميعْ هناكْ ...


قسماً يمينْ


كان الجميعْ باكين عليكْ


كان المطارْ والطائراتْ فارشينْ عليكْ


كان الجميعْ مشتاق اليكْ


يا سلام عليكْ


لمن تكون زولاً عزيزْ


عن ناسْ عُزازْ


يا سلام عليكْ


-4-


يعني كان لازم تفوتْ ..


والحزن مشرورْ فى البيوتْ


والدنيا مَا زال فيها حُوتْ


وفيها لِسَعْ عنكبوتْ


يعني كان لازم تفوتْ ...


وتخلي أوتارك سُكوتْ


ولسه عندنا ريدْ جديدْ


َ ولسه عندنا ليكْ قصيدْ


يعني كان لازم تفوتْ ...


وتخلي هذا الحبْ يموتْ


-5-


يا سلامْ عليكْ


تكون زولا عزيزْلمان


عن ناسْ عُزازْ


يا سَلامْ عليكْ

الزاكي عبد الحميد
12th October 2010, 02:49 PM
#1136 اليوم, 02:27 PM
محمد عثمان الحاج يوسف
عضو تاريخ التسجيل: 03-Oct-2009
الدولة: Darsait, Mutrah, Muscat.
المشاركات: 219

رد: الغربة سترة حال!!!

--------------------------------------------------------------------------------

يا جماعة الخير ما أحود بيكم شوية يمين لو سمحتوا يا الزاكي ، مع رائعة الأستاذ الشاعر سيدأحمد الحردلو في رثاء الفنان مصطفى سيدأحمد ، مع كل الشكر للباشمهندس/ حسن عبدالرحمن :




(رثاء الفنان مصطفى سيد أحمد في)


رائعة الشاعر سيدأحمد الردلو


-1-


تاني قام واحدْ جميلْ فى بلدنا ماتْ ...


وكان بِغنى للمساكين والمتسولين والحفاةْ


وكان بِغنى للمنافى والعصافير والرُعاةْ


وكان بِغني لى بلدْ فى الحُلم شايل أغنياتْ


وكان بِطنبر .. وكان بِدوبى للحياةْ


-2-


تاني قام واحدْ مَلِكْ رَوَّحْ وفاتْ


وكان مَلِكْ فى الريدْ .. وانسانْ فى الصفاتْ


وكان مهاجر فى دموعْ كُلَّ البُكاةْ


وكان وترْ مشدودْ .. ومسكونْ دندناتْ


وكان – عليه سلامْ – تقولْ ما زولْ حياةْ


-3-


يا مصطفي


دوام طاريالجماعه الكانوا سَاكِنكْ


من منفى لى منفي


ومن عودْ .. لى سَفرْ


طاري العصافير المسافراتْ دون جوازْ


طاري اللى داجين فى المطرْ


عبد الرحيم وهلمَّ جَرْ


طاري القطرْ


طاري الحرازْ


الليلة كانوا جميعْ هناكْ ...


قسماً يمينْ


كان الجميعْ باكين عليكْ


كان المطارْ والطائراتْ فارشينْ عليكْ


كان الجميعْ مشتاق اليكْ


يا سلام عليكْ


لمن تكون زولاً عزيزْ


عن ناسْ عُزازْ


يا سلام عليكْ


-4-


يعني كان لازم تفوتْ ..


والحزن مشرورْ فى البيوتْ


والدنيا مَا زال فيها حُوتْ


وفيها لِسَعْ عنكبوتْ


يعني كان لازم تفوتْ ...


وتخلي أوتارك سُكوتْ


ولسه عندنا ريدْ جديدْ


َ ولسه عندنا ليكْ قصيدْ


يعني كان لازم تفوتْ ...


وتخلي هذا الحبْ يموتْ


-5-


يا سلامْ عليكْ


تكون زولا عزيزْلمان


عن ناسْ عُزازْ


يا سَلامْ عليكْ



ياخي الله ينصرك دينك..
وينصر دين سيد أحمد الحردلو
وينصر دين حسن عبد الرحمن
وينصر دين مصطفى ود سيد أحمد
ويرحمو رحمة واسعة قدر ما أدى للوطن وناسو من جمال
في أغنيات..
في دندنات..
في دميعات الغلابا
السمسونايتم زمزمية..
ياخي معقول الجمال دا كلو
يا ود أمدرمان يا جميل..

الطيب شيقوق
12th October 2010, 07:23 PM
إكمالاً لما بدأه أخونا الزاكي :
عليو :عليو تصغير لكلمة عَلُ : بمعنى فوق، أتيته مِن علٍ لقول الشاعر:
كَجُلْمُودِ صَخْرٍ حَطَّهُ السَّيلُ من عَلِ
وتصغيرها بالعامية السودانية عليو كتصغير كلمة حُلو ( حِليوْ )

محاريها: مشتقة من كلمة تَحَرَّى..يَتَحَرَّى الأَمُورَ أي يَتَقَصَّاهَا بِالبَحْثِ وَالتَّنْقِيبِ وَالتَّفْتِيشِ.
واهلنا بيقولوا دي المَحَرِيَّة فيك أي المَرْجُوة منَّك لزوم شُكر يعني

القليعة تصغير لكلمة القَلْعَةُ وفي اللغة تعني الحصن ,,لكن هنا أظن انها تعني : ما يجْتَثُّ من أصله كالشجرة تُقلَعُ من جذورها ,,ويطلق أهلنا القُليع على السبروق (وهو نبات البامية حين يُقلع من جذوره)شيقوق ضُقتَ السَبَروق؟؟؟؟؟؟

قُلاتو الوهاط:(القلات جمع قُلة) والقُلة معروفة إناء لتبريد الماء ,أصغر من الزير....لكنها تعني هنا حُفر تنشأ اثناء جريان الماء ويكون مدخلها صغيراً كالقُلة.
والوهاط يريد بها الوَساع ...نقول الكرسي وهيط أي واسع ومُريح.

لشغة:أي رشفة ماءٍ ,,هنا يُريد الماء القليل من هذه المخابىء في باطن الارض
أها لقيتونا كيف


شكيتك على الله بت حجار لاحقانا بعكازك في ديارنا .

وحاة النبي مافي اعلام بس لكن لقيتك مهيرة اللغة العامية في كل السودان .

عليك الرسول تعفي لينا تهمنا الجزافية والكيدية الزمان بتاعة خمشك من قوقل - وحاة الله لقيت قوقل هو ذاتو الراصد يخمش منك بالقولدية ( تعرفي القولدية؟)


عايني اقبال ،،

قلت لي ملاح شنو ؟ اوع انتوا بتسووا من جذور البامية ملاح ؟
اظنك تقصدي ملاح الويكاب من القصب المحروق

الطيب شيقوق
12th October 2010, 07:26 PM
جدعة البطانة :

وللجدعة معنيين ..

ماهما ؟؟

وهاكم عاد المعني جائزته الدولار عدييييل .. أبشر يا ود شيقوق أسد الخلا الما بتحتار :


داق فيك رجال كتااار عذّ في وطاتك وخيرتك
وخرفك يبلع الزول جــــــــــووب توّزر
هيرتك الضايق لبُــــاك يعرق ويجـــــــــــــــــــــــــفّ من سيرتك
الدم جــــــرتقك والخيل عجاجة ضـــــــــــــريرتك
فارســــــك ديمــــا من دم المكــــــــــــوك
بتمرك فايق فوق قفا الاصدل الملبد ورّك
سماك بتّك صـــــــــعيد وشمال وكلو تحرك
متكّل مزنو متل شـــــــــــــــــــــــتات رفاعة البرُك

ماتلــــــوميني كان كــــاتم غـــناك أزمـــــــنت
بنقُد في القـــــــوافي السمـــــــــحة ما تجابنــتَ
خابرنك صحيح مافقـــــــــدوك السنتَ
السيّاف مجدّر والدرق عي سنتَ

المطلوب طبعا معني الكلمات باللون الأحمر !!


http://misrya.com/img/money.gif


هييييييييييييييييييييييييع طيوبا عافي منك دنيا وآخرة . كملت لي مروة المسانيح ديل طب

اقبال حجار
12th October 2010, 07:53 PM
جدعة البطانة :
وللجدعة معنيين ..
ماهما ؟؟
وهاكم عاد المعني جائزته الدولار عدييييل .. أبشر يا ود شيقوق أسد الخلا الما بتحتار :
داق فيك رجال كتااار عذّ في وطاتك وخيرتك
وخرفك يبلع الزول جــــــــــووب توّزرهيرتك الضايق لبُــــاك يعرق ويجـــــــــــــــــــــــــفّ من سيرتك
الدم جــــــرتقك والخيل عجاجة ضـــــــــــــريرتك
فارســــــك ديمــــا من دم المكــــــــــــوك
بتمرك فايق فوق قفا الاصدل الملبد ورّك
سماك بتّك صـــــــــعيد وشمال وكلو تحرك
متكّل مزنو متل شـــــــــــــــــــــــتات رفاعة البرُك
ماتلــــــوميني كان كــــاتم غـــناك أزمـــــــنت
بنقُد في القـــــــوافي السمـــــــــحة ما تجابنــتَ
خابرنك صحيح مافقـــــــــدوك السنتَ
السيّاف مجدّر والدرق عي سنتَ
المطلوب طبعا معني الكلمات باللون الأحمر !!

http://misrya.com/img/money.gif
طبعاً كلامكم الفوق دة يشكِّر في الراجل دة...
لبُــــاك:هو أول اللبن للأيام الأولى من الولادة ...وهنا أراد بداية العطية ,أو جوده سيأتي بسيرته بصفة مستديمة.
هيرتك:أظن قصد بها إنو خرف الراجل دة خرف محترم وكلامو حكم .
بتمرك:يلطخ من عاداه بالدم ,كناية عن الشجاعة.
الاصدل الملبد ورّك:الحديث عن الفرس ويعدد من محاسنه وصفاته,,,والملبد هنا كناية عن الشحم وإمتلاء الجسم,,يُقال السماء ملبدٌ بالسحب أي ملئ بالغيوم الكثيفة.
شـــــــــــــــــــــــتات رفاعة البرُك:إبل رفاعة المتروسات شحم.
السمـــــــــحة:أي الجميلة التي تليق بمقامه من الأشعار...والله أعلم
وتقولوا كلامنا مامفهوم ...غايتو صححوا

الطيب ادريس
12th October 2010, 08:31 PM
التصحيح عند الأستاذ شيقوق
الرجاء اعطاء النمرة الكاملة
استاذة اقبال ما زي الدنقلاوي تلفوناتوا تضارب
برافو استاذة افبال برغم هناك بعض المعاني سأوضحها ولكن التشبيه في المعني من الشايقية يعتبر صحيحا .. وبجيك صادّي .

الطيب ادريس
12th October 2010, 08:38 PM
صورة طبق الأصل من بوست كشكول في المنتدي :

http://alraed-sd.com/portal/thumbnail.php?file=janoob_448710371.jpg&size=article_medium

من ناس ديل وا أسفاااااااي

بصراحة مكسر عديل في الجنوب وطبيعته الخلابة !!

إليك إنتي فقط ياجنوبنا الحبيب


شال هم فرقتك قلبي معاك
ياريتو كان يرحل
و جنبك مشتهيك يا عيون
و كيف كيف و كيف كيف
كيف كيف كيف كيف كيف
لما الفراق يحصل
إنشاء الله ما يحصل
بريدك يا شقى الأيام
كان بيكي الحبيب يسعد
و اسهر نجمي عز الليل
بعد روح صباحك جد
بريدك بريدك
وأبكي معاي عيون أحباب
عشان أسف الدموع يشهد
لا كان الفراق منية
و لا فرقة عيونك وعد
و كيف كيف كيف
كيف كيف كيف كيف
لما الفراق يحصل
إنشاء الله ما يحصل
مجبور قلبي يتعلم
بعد ولف عليك يقسى
عشان لو لحظة تنساكي عيون
ما إتعودت تنسى
انا الفارقتو مرساكي
قبل أشواقي ما ترسى
و اصابح بكرة كيف العيد
و عايش فرقتك هسا
و عايش فرقتك هسا
و معقول قلبي بس يقسى
و كيف كيف كيف
كيف كيف كيف كيف
لما الفراق يحصل
إنشاء الله ما يحصل

YouTube - ‫???? ????? - ??? ?????? - ????? ?????? 2010‬‎

الطيب شيقوق
12th October 2010, 09:01 PM
التصحيح عند الأستاذ شيقوق
الرجاء اعطاء النمرة الكاملة
استاذة اقبال ما زي الدنقلاوي تلفوناتوا تضارب
برافو استاذة افبال برغم هناك بعض المعاني سأوضحها ولكن التشبيه في المعني من الشايقية يعتبر صحيحا .. وبجيك صادّي .

طيوبا

ههههههههههههههههههههههههههههها اصحح لمنو ؟

ما تخاف الله يا العشاء داير تورطنى - في حامل بكلاريوس بصحح لبروف

اقبال حجار
12th October 2010, 10:58 PM
طيوبا
ههههههههههههههههههههههههههههها اصحح لمنو ؟
ما تخاف الله يا العشاء داير تورطنى - في حامل بكلاريوس بصحح لبروف

العفو ياشيقوق والعين لاتعلو على الحاجب ...وأهل مكة أدرى بشعابها ......وود ادريس والله ماقصرت معاي في الدرجات...لكن منكم نستفيد

الطيب شيقوق
13th October 2010, 12:07 PM
العفو ياشيقوق والعين لاتعلو على الحاجب ...وأهل مكة أدرى بشعابها ......وود ادريس والله ماقصرت معاي في الدرجات...لكن منكم نستفيد


لا وحياتك نرفع ليك قبعاتنا أدبا وإحتراما وتقديرا - بس دا آخر امتحان

قالوا همباتي بتكلم بلسان جمله وهو مستعجل ماشى لمحبوبته قال :

تقاي المفلخ شلت فى مشوارك

جوط واجوجى لا هسع بعيد مترارك

قالي الهسال كان ترخي منو يسارك



الزاكي أكيد سارح

الطيوب

- ما تستعجل تشرح خلي نشوف المسانيح ديل بقولوا شنو

الزاكي عبد الحميد
13th October 2010, 03:31 PM
ما تستعجل تشرح خلي نشوف المسانيح ديل بقولوا شنو


تقاي المفلخ:أفتكر دي الأرض المشققة لكي تجهز للزراعة!


جوط واجوجي:
مشية بخيلاء كآس يجس عليلا!!!

مترارك:
الشيء حين يهتز..

الهسال:الرسن..


أختنا إقبال بتم الباقي :clap:

اقبال حجار
13th October 2010, 03:42 PM
قالوا همباتي بتكلم بلسان جمله وهو مستعجل ماشى لمحبوبته قال :
تقاي المفلخ شلت فى مشوارك
جوط واجوجى لا هسع بعيد مترارك
قالي الهسال كان ترخي منو يسارك
الزاكي أكيد سارح
الطيوب
- ما تستعجل تشرح خلي نشوف المسانيح ديل بقولوا شنو


تقاي المفلخ:
تقاي :من تقه..والتقه يااستاذ هي قطعة الارض الخالية من الزراعة لاستخلاص وحفظ المحصول.
المفلخ:هي من فلخ ,كلمة عامية تعني زيادة العدد..أما هنا تعني الطريق الذي تتعدد مسالكه.
جوط واجوجى يخاطب جمله ويدعوه للسير بعزةٍ وتفاخر فالطريق مازال بعيد أمامه و مترارك هنا تعني المقصد أو المكان.
الهسال:وهو الرسن الذي يقاد منه الجمل.

الزاكي عبد الحميد
13th October 2010, 04:01 PM
تقاي المفلخ:
تقاي :من تقه..والتقه يااستاذ هي قطعة الارض الخالية من الزراعة لاستخلاص وحفظ المحصول.
المفلخ:هي من فلخ ,كلمة عامية تعني زيادة العدد..أما هنا تعني الطريق الذي تتعدد مسالكه.
جوط واجوجى يخاطب جمله ويدعوه للسير بعزةٍ وتفاخر فالطريق مازال بعيد أمامه و مترارك هنا تعني المقصد أو المكان.
الهسال:وهو الرسن الذي يقاد منه الجمل.


شوف جنس الشرح دا يا المسنوح
هسع بجي بقول في شيء غلط..
شرح وافي دا ما فيهو شق ولا طق..

شكراً...شكراَ...شكراَ أختنا إقبال

الطيب شيقوق
14th October 2010, 12:00 AM
تقاي المفلخ:
تقاي :من تقه..والتقه يااستاذ هي قطعة الارض الخالية من الزراعة لاستخلاص وحفظ المحصول.
المفلخ:هي من فلخ ,كلمة عامية تعني زيادة العدد..أما هنا تعني الطريق الذي تتعدد مسالكه.
جوط واجوجى يخاطب جمله ويدعوه للسير بعزةٍ وتفاخر فالطريق مازال بعيد أمامه و مترارك هنا تعني المقصد أو المكان.
الهسال:وهو الرسن الذي يقاد منه الجمل.


شوف جنس الشرح دا يا المسنوح
هسع بجي بقول في شيء غلط..
شرح وافي دا ما فيهو شق ولا طق..

شكراً...شكراَ...شكراَ أختنا إقبال

حاسي انكم ما براكم

الكلام دا عند الانس مافي

الطيب شيقوق
14th October 2010, 12:02 AM
شكراً...شكراَ...شكراَ أختنا إقبال

انت متآمر يا مسنوووووح

عبد الرحمن حسن
14th October 2010, 09:10 AM
الأخت وداد ،،

" الغربة سترة حال " من المرافيء الشيقة التي احتضنها هذا المنتدي و رغم عدم مداخلتي من قبل الا أنني أجد نفسي يومياً وسط هذا المرفأ أستمتع بمداخلات المبدع الزاكي و مناقراته مع خفيف الظل شيقوق و المداخلات الرشيقة للسودانية الأصيلة الأخت اقبال حجار و التي أعتبرها موسوعة للتراث الثقافي و الأدبي السوداني، لأنني عندما أتمعن في شرحها لبعض مصطلحات العامية السودانية، أحسها و كأنها تقول عن نفسها:

وطن جواى شايلاهو وطن فى حضنو بدفـــــى
وطن ضامينى بنيلو اصبح فيهو و اتمســـــــى
وطن ابداع وطن امجاد بلد احساس بلد مرســى
محال مهما الزمن ساقنى ومهما على ظروف تقسى
سودانية بت النيل محال انسى

لك و لهم باقة شكر و تقدير.

أغاني الحقيبة تحتوي على كثير من مفردات قاموس العامية السودانية التي نادراً ما تسنخدم في يومنا هذا؛ و مثال لذلك أغنية سايق الفيات للشيخ إبراهيم العبادى وكان سايق الفيات سرور... و القصيدة قيلت بين سنار وسنجة والى القصيدة.....

ياسايق الفيات عج بى وخد سنده.....بالدرب التحت تجاه ربوع هنده
*****
أوصيك قبل تبدا سيرك داك .......طريقك سابق الربده
منك بعيد جبده حى هنده.....المراد عج بى ربوع عبده
*****
اطوى الارض واضرع من......افكارنا سيرك يالفيات اسرع
ميل على المشرع لا تريع...........القطيع..... بتجفل الادرع
******
شقا حشا الطريق وأتيمم الحلال....زفنو الكلاب مانالن إلا علال
فاضلات ثواني قلال بينك..........والغروب داك مشرع الشلال
******
شوف سايق الفيات الليله كيفن هاش.......والشجر الكبار بقى شوفنا لينا طشاش
قولي دح وين ماش فارقت.................... الطريق......... أتيا من الرماش
******
يازين الشباب ياطيب الأخلاق......يا أمين الصديق والناس على الإطلاق
من ايدى الصناعة يبعد المعلاق..............انظر للطبيعة ومجد الخلاق
******
شوف النهر مار بخشوع تقول هجسان.......أو مر المنام بى مقلة النعسان
جلت قدرته ما اكفر الانسان.......كم ينسى الجميل ويجحد الاحسان
*******
انزل ياصديق وشوف يد القدرة....شوف حسن البداوه الما لمس بدره
وراد النهر اردونى ما بدرى.......الكاتل الصفار أم نضرة الخضره
******
مانفرن تقول سابق الكلام الفه......عطشان قلت ليهن وصحت البلفه
مافيش كاس قريب قالن دون كلفه........تشرب بكفوفنا لما تتكفى

الطيب شيقوق
14th October 2010, 10:50 AM
الأخت وداد ،،

" الغربة سترة حال " من المرافيء الشيقة التي احتضنها هذا المنتدي و رغم عدم مداخلتي من قبل الا أنني أجد نفسي يومياً وسط هذا المرفأ أستمتع بمداخلات المبدع الزاكي و مناقراته مع خفيف الظل شيقوق و المداخلات الرشيقة للسودانية الأصيلة الأخت اقبال حجار و التي أعتبرها موسوعة للتراث الثقافي و الأدبي السوداني، لأنني عندما أتمعن في شرحها لبعض مصطلحات العامية السودانية، أحسها و كأنها تقول عن نفسها:

وطن جواى شايلاهو وطن فى حضنو بدفـــــى
وطن ضامينى بنيلو اصبح فيهو و اتمســـــــى
وطن ابداع وطن امجاد بلد احساس بلد مرســى
محال مهما الزمن ساقنى ومهما على ظروف تقسى
سودانية بت النيل محال انسى

لك و لهم باقة شكر و تقدير.

أغاني الحقيبة تحتوي على كثير من مفردات قاموس العامية السودانية التي نادراً ما تسنخدم في يومنا هذا؛ و مثال لذلك أغنية سايق الفيات للشيخ إبراهيم العبادى وكان سايق الفيات سرور... و القصيدة قيلت بين سنار وسنجة والى القصيدة.....

ياسايق الفيات عج بى وخد سنده.....بالدرب التحت تجاه ربوع هنده
*****
أوصيك قبل تبدا سيرك داك .......طريقك سابق الربده
منك بعيد جبده حى هنده.....المراد عج بى ربوع عبده
*****
اطوى الارض واضرع من......افكارنا سيرك يالفيات اسرع
ميل على المشرع لا تريع...........القطيع..... بتجفل الادرع
******
شقا حشا الطريق وأتيمم الحلال....زفنو الكلاب مانالن إلا علال
فاضلات ثواني قلال بينك..........والغروب داك مشرع الشلال
******
شوف سايق الفيات الليله كيفن هاش.......والشجر الكبار بقى شوفنا لينا طشاش
قولي دح وين ماش فارقت.................... الطريق......... أتيا من الرماش
******
يازين الشباب ياطيب الأخلاق......يا أمين الصديق والناس على الإطلاق
من ايدى الصناعة يبعد المعلاق..............انظر للطبيعة ومجد الخلاق
******
شوف النهر مار بخشوع تقول هجسان.......أو مر المنام بى مقلة النعسان
جلت قدرته ما اكفر الانسان.......كم ينسى الجميل ويجحد الاحسان
*******
انزل ياصديق وشوف يد القدرة....شوف حسن البداوه الما لمس بدره
وراد النهر اردونى ما بدرى.......الكاتل الصفار أم نضرة الخضره
******
مانفرن تقول سابق الكلام الفه......عطشان قلت ليهن وصحت البلفه
مافيش كاس قريب قالن دون كلفه........تشرب بكفوفنا لما تتكفى

لله درك اخي عبد الرحمن وانت تعيدنا الى مراتع الابداع والى مواطن طفولتي بين الدندر والسوكي وسنجة وسنار . هذه الاغنية اخي عبدو من أكثر الاغاني حبا لنفسي . لقد عملت محاميا بالسوكي 86 - 95 واحيانا اذهب لمحكمة سنجة مارا ب(الدرب التحت) الذى اورده العبادي في تلك الاغنية . واحيانا اتعمد تشغيل الاغنية وانا مارا بذلك الطريق حتى اصل قرية الرماش ( ربوع هوندا) لاستريح تحت ظل شجرة لالوب جوار منزل اسرة ( هوندة) واقف متأمل بين جمال الكلمات وبساطة الاسرة التي انتزعت من لب العبادي كل هذا الابداع .

أغنية سايق الفيات للشيخ إبراهيم العبادى لها قصة بروايات مختلفة حكاها لنا الدكتور احمد القرشي حيث قال - والكلام للقرشي - أورد الأستاذ مبارك المغربي في سفره القيم رواد شعراء الأغنية السودانية إن سرور كان سائقا ومعه أمين نابرى وزين العابدين كوكو وقد تحركوا من سنار إلى سنجة في عربة فيات خاصة عن طريق الرماش ....أما محمد الحسن الجقرفى كتابه روائع حقيبة امدرمان فلقد ذكر أن سرور خرج مع الخواجة مستر برسى لورين المندوب السامي في مصر ا لرحلة صيد في كنفوى من سيارات شركة الفيات العاملة في السودان في ذلك الوقت إلى سنجة ...وتخلف منهم سرور وانضم إلى العبادى والأمين برهان في ضيافة زين العابدين كوكو نائب المأمور و انضم لهم محمد البنا وأمين نابرى وكان سايق الفيات سرور...بينما ذكر معاوية حسن يسن في كتابه الغناء والموسيقى في السودان نفس قصة محمد الحسن الجقر مع إضافة أن العبادى كان يعمل في حسابات المقاولات المرتبطة بأشغال خزان مكوار (سنار) وحلّ عليه الأمين برهان ضيفا فتحركوا جميعا إلى سنجة مع سرور...أما مبارك حسن بركات فلقد ذكر لبرنامج ظلال التلفزيوني إن سرور كان سائقا بشركة الفيات وطلب منه أن يقوم برحلة من سنار إلى سنجة لعمل دعاية للشركة فاصطحب معه العبادى والتقيا في سنجة بنائبي المأمور زين العابدين كوكو وأمين نابرى وواصلا الطريق إلى سنار....والروايات لاتختلف عن بعضها كثيرا ومما لاشك فيه إن العبادى عمل بخزان مكوار والتقى بالشيخ محمد ودالرضى هناك الذي قال قصيدته المشهورة متى مزاري أوفى نذارى واجف هذا البلد المصيف فشطرها العبادى الذي انتابه نفس الإحساس في سنار..المهم ان القصيدة قيلت بين سنار وسنجة .

خالص ودي

جاييكم راجع يا الزاكي واقبال ما تقولوا هارب منكم بس

الطيب ادريس
14th October 2010, 11:01 AM
شكرا عبد الرحمن حسن وصدقني ماقايلك يوم بتجي بي درب بيتنا .. لا اقصد الغربة سترة حال .. بل :

ياسايق الفيات عج بى وخد سنده.....بالدرب التحت تجاه ربوع هنده

الزاكي عبد الحميد
14th October 2010, 12:23 PM
وطن جواى شايلاهو وطن فى حضنو بدفـــــى
وطن ضامينى بنيلو اصبح فيهو و اتمســـــــى
وطن ابداع وطن امجاد بلد احساس بلد مرســى
محال مهما الزمن ساقنى ومهما على ظروف تقسى
سودانية بت النيل محال انسى


أستاذ عبد الرحمن يا أيها العزيز:

بك الدار اكتسبت بعداً آخر..
هذه المقدمة تشي بالكثيبر المفيد عن وطن
أنت مهموم به كما نحن..
درة الشرق كانت غائبة عن الدار ولكن
ما أسعدنا أن نسمع عنها منك أيها الرائع..
أمتعنا بالحكي الجميل الذي لا ينضب معينه لديك أيها الرائع..
الطيبان شيقوق والأرباب والأخت الكريمة إقبال:
عبد الرحمن دا ما تخلوه دا إضافة حقيقية للدار..

اقبال حجار
14th October 2010, 12:48 PM
سلام أهل الدار ...وشكراً جزيلاً أخونا عبدالرحمن وشرفت الدار
من الأبيات التي تحمل مضامين جميلة:

الحياة ذكرى رغم الناس تجيها ظروف...
مع إنُّو طُوف العيشه عايم في بحر والموج معاكسْ الطوف...
لكن الأيام مناظر في شريط ملفوف..
ساعه يفرِّحِن وساعةً يَجيبِنْ خوف..
وسَمِح.. الزول يعيش واضِح علي المكشوف...
وما ينضارى مادام الله فوق بيشوف

كثيراً ما نجد الشعراء يقتبسون من الحكم أو شعر ماسبقهم من الشعراء وإعادة الصياغة... المطلوب الحكم والأقوال المأثورة التي حوتها الأبيات أو اقتباسه إن وُجد

الطيب شيقوق
14th October 2010, 02:11 PM
سلام أهل الدار ...وشكراً جزيلاً أخونا عبدالرحمن وشرفت الدار

من الأبيات التي تحمل مضامين جميلة:

الحياة ذكرى رغم الناس تجيها ظروف...
مع إنُّو طُوف العيشه عايم في بحر والموج معاكسْ الطوف...
لكن الأيام مناظر في شريط ملفوف..
ساعه يفرِّحِن وساعةً يَجيبِنْ خوف..
وسَمِح.. الزول يعيش واضِح علي المكشوف...
وما ينضارى مادام الله فوق بيشوف

كثيراً ما نجد الشعراء يقتبسون من الحكم أو شعر ماسبقهم من الشعراء وإعادة الصياغة... المطلوب الحكم والأقوال المأثورة التي حوتها الأبيات أو اقتباسه إن وُجد



شكيت محنك جيتي لاحقانا تاني بالحكم

كدى نفكر شوييييييييييييييييية

الزاكي عبد الحميد
14th October 2010, 06:59 PM
سلام أهل الدار ...وشكراً جزيلاً أخونا عبدالرحمن وشرفت الدار

من الأبيات التي تحمل مضامين جميلة:


الحياة ذكرى رغم الناس تجيها ظروف...
مع إنُّو طُوف العيشه عايم في بحر والموج معاكسْ الطوف...
لكن الأيام مناظر في شريط ملفوف..
ساعه يفرِّحِن وساعةً يَجيبِنْ خوف..
وسَمِح.. الزول يعيش واضِح علي المكشوف...
وما ينضارى مادام الله فوق بيشوف



كثيراً ما نجد الشعراء يقتبسون من الحكم أو شعر ماسبقهم من الشعراء وإعادة الصياغة... المطلوب الحكم والأقوال المأثورة التي حوتها الأبيات أو اقتباسه إن وُجد


شكيت محنك جيتي لاحقانا تاني بالحكم

كدى نفكر شوييييييييييييييييية

غايتو هاكم أبيات أبي القاسم الشابي دي يمكن تكون قريبة من المعنى شوية:
خذ الحياة كما جاءتك مبتسما
في كفها الغار أو في كفها العدم
وأرقص على الورد والأشواك متئداً
غنت لك الطير أو غنت لك الرُّجُمُ
واعمل كما تأمرُ الدنيا على مضض
والجم شعورك فيها إنها صنم

هسع شيقوق يجي ناطي يقول العلاقة بين دي وديك شنو..
غايتو يا زول دي العندي هسع..إنت جيب العندك..

وأكيد راجعين بالمعنى الأقرب!

الطيب شيقوق
14th October 2010, 08:00 PM
سلام أهل الدار ...وشكراً جزيلاً أخونا عبدالرحمن وشرفت الدار

من الأبيات التي تحمل مضامين جميلة:


الحياة ذكرى رغم الناس تجيها ظروف...
مع إنُّو طُوف العيشه عايم في بحر والموج معاكسْ الطوف...
لكن الأيام مناظر في شريط ملفوف..
ساعه يفرِّحِن وساعةً يَجيبِنْ خوف..
وسَمِح.. الزول يعيش واضِح علي المكشوف...
وما ينضارى مادام الله فوق بيشوف



كثيراً ما نجد الشعراء يقتبسون من الحكم أو شعر ماسبقهم من الشعراء وإعادة الصياغة... المطلوب الحكم والأقوال المأثورة التي حوتها الأبيات أو اقتباسه إن وُجد


شكيت محنك جيتي لاحقانا تاني بالحكم

كدى نفكر شوييييييييييييييييية

غايتو هاكم أبيات أبي القاسم الشابي دي يمكن تكون قريبة من المعنى شوية:
خذ الحياة كما جاءتك مبتسما
في كفها الغار أو في كفها العدم
وأرقص على الورد والأشواك متئداً
غنت لك الطير أو غنت لك الرُّجُمُ
واعمل كما تأمرُ الدنيا على مضض
والجم شعورك فيها إنها صنم

هسع شيقوق يجي ناطي يقول العلاقة بين دي وديك شنو..
غايتو يا زول دي العندي هسع..إنت جيب العندك..

وأكيد راجعين بالمعنى الأقرب!

انت ختيت الدرب طب يا الزاكي دا تلفق منك ساى الكلام دا اقبال قاصده بيهو الاتي :-

إن جاتك بحبل العنكبوت تنقاد وان عكست تقطع سلسل الحداد

رزقك لو كان في البحر ما اكله سمك

الحشاش يملأ شبكتو

حبل المهلة يربط ويفضل وحبل الكضب قصيييييييييييييير

الجاياك ما بتختاك

اضحك تضحك الدنيا كلها معك ابكي تبكي لوحدك

لقيتيني كيف بت حجار؟

السني أبوالعزائم
15th October 2010, 04:10 AM
الحياة ذكرى رغم الناس تجيها ظروف...
مع إنُّو طُوف العيشه عايم في بحر والموج
معاكسْ الطوف...
لكن الأيام مناظر في شريط ملفوف..
ساعه يفرِّحِن وساعةً يَجيبِنْ خوف..
وسَمِح.. الزول يعيش واضِح علي المكشوف...
وما ينضارى مادام الله فوق بيشوف

كثيراً ما نجد الشعراء يقتبسون من الحكم أو شعر ماسبقهم من الشعراء وإعادة الصياغة... المطلوب الحكم والأقوال المأثورة التي حوتها الأبيات أو اقتباسه إن وُجد


مع إنُّو طُوف العيشه عايم في بحر والموج عاكسْ الطوف...
الكلب ينبح، والجمل ماشي
ساعه يفرِّحِن وساعةً يَجيبِنْ خوف..
يوم ليك ويوم عليك
وسَمِح.. الزول يعيش واضِح علي المكشوف...
الواضح ما فاضح

لسة عاوزة تخميرة

الطيب ادريس
15th October 2010, 10:43 AM
شيقوق الحق المحسي بقي كاهلي ... غايتو ياناس بري عليكم جنس (صلبطة )

أسه يجي ناطي يقول ليك المقرن كانت .. ( مّقّي المحس )

:cry:

اها يا بني دنقل وبني شايقي وآل المحس الّمّّقّي ..شنو !

يا اخوانا بالله خلونا بعيد من ضرب التلفونات والقوقوليات !

الطيب شيقوق
15th October 2010, 03:52 PM
شيقوق الحق المحسي بقي كاهلي ... غايتو ياناس بري عليكم جنس (صلبطة )

أسه يجي ناطي يقول ليك المقرن كانت .. ( مّقّي المحس )

:cry:

اها يا بني دنقل وبني شايقي وآل المحس الّمّّقّي ..شنو !

يا اخوانا بالله خلونا بعيد من ضرب التلفونات والقوقوليات !


الليييييييييييييييييييييييييييييييلة اكالين التمر اتربطوا ربطة عافي منك يا الطيوب

هسع بجي زيكو الناطق الرسمي باسمهم بقول ليك من مشتقات الفعل مقى ومنها يتمقي مقية على الهباب .

الهباب ..

عبد الرحمن حسن
15th October 2010, 05:42 PM
الطيب أخوي ،،، شوف سميك الطيب ود ضحوية شن قال؛
الليـــل امسى والنعسان جرايــده يرحن
كبـــس الهم علي الســــط قلوبن وحن
كضـــم الجرة سحــّار الغروب اتمحن
نعـــود سلمانه ياعمـر الظنون إن صحن


الليلــة أم هلال امسـت سراتك تــــارا
واسيــادك جواميــس الردفوالــدارة
إن حرت صنـاديداً تقابــل الحــارة
وإن بردن نكافيبن سوالـف الســـارة

عليك الله يا ود شيقوق كلام ذي ما بضهب أكالين التمر و يخليهم يتلفتوا ذيهم و زي الهنود

اقبال حجار
15th October 2010, 07:51 PM
من الأبيات التي تحمل مضامين جميلة:

الحياة ذكرى رغم الناس تجيها ظروف...
مع إنُّو طُوف العيشه عايم في بحر والموج معاكسْ الطوف...
لكن الأيام مناظر في شريط ملفوف..
ساعه يفرِّحِن وساعةً يَجيبِنْ خوف..
وسَمِح.. الزول يعيش واضِح علي المكشوف...
وما ينضارى مادام الله فوق بيشوف
كثيراً ما نجد الشعراء يقتبسون من الحكم أو شعر ماسبقهم من الشعراء وإعادة الصياغة... المطلوب الحكم والأقوال المأثورة التي حوتها الأبيات أو اقتباسه إن وُجد
كدى نفكر شوييييييييييييييييية

غايتو هاكم أبيات أبي القاسم الشابي دي يمكن تكون قريبة من المعنى شوية:
خذ الحياة كما جاءتك مبتسما
في كفها الغار أو في كفها العدم
وأرقص على الورد والأشواك متئداً
غنت لك الطير أو غنت لك الرُّجُمُ
واعمل كما تأمرُ الدنيا على مضض
والجم شعورك فيها إنها صنم

هسع شيقوق يجي ناطي يقول العلاقة بين دي وديك شنو..
غايتو يا زول دي العندي هسع..إنت جيب العندك..

وأكيد راجعين بالمعنى الأقرب!

انت ختيت الدرب طب يا الزاكي دا تلفق منك ساى الكلام دا اقبال قاصده بيهو الاتي :-
إن جاتك بحبل العنكبوت تنقاد وان عكست تقطع سلسل الحداد
رزقك لو كان في البحر ما اكله سمك
الحشاش يملأ شبكتو
حبل المهلة يربط ويفضل وحبل الكضب قصيييييييييييييير
الجاياك ما بتختاك
اضحك تضحك الدنيا كلها معك ابكي تبكي لوحدك
لقيتيني كيف بت حجار؟

مع إنُّو طُوف العيشه عايم في بحر والموج عاكسْ الطوف...
الكلب ينبح، والجمل ماشي
ساعه يفرِّحِن وساعةً يَجيبِنْ خوف..
يوم ليك ويوم عليك
وسَمِح.. الزول يعيش واضِح علي المكشوف...
الواضح ما فاضح

لسة عاوزة تخميرة

الأخوان الزاكي ....شيقوق ..والسني ...ليكم التحية والشكر الجزيل للإجتهادت والأفكارالجميلة والمفيدة جداً .
واقبلوا مني أيضاً كإضافة لما كتبتم:
(دوام الحال من المُحال)
دع الأيام تفعل ما تشاء وطب نفسا إذاا حكم القضاء
.................................................. ....................
اصبر قليلاً فبعد العُسرِ تيسير وكل أمر له وقت وتدبير
ايضاًمن اشعار المتنبي:
تَصفُــو الحَيــاةُ لجِـاهِلِ أو غـافِل عَمَّــا مَضَــى فِيهــا وَمـا يُتـوقَّعُ

.................................................. ........................
ايضاً الشطر الثاني من :
أقلل عتابك فالبقاءُ قليل والدهر يعدلُ تارةً ويميل

اقبال حجار
15th October 2010, 09:00 PM
اها يا بني دنقل وبني شايقي وآل المحس الّمّّقّي ..شنو !

يا اخوانا بالله خلونا بعيد من ضرب التلفونات والقوقوليات !

أظن أن المقّي هو موسم من المواسم الزراعية ..يعني عندكم مثلاً الزراعة المطرية في موسم الأمطار ودي بعيداً عن النيل ..أما على النيل توجد الجروف وفيها نزرع المحاصيل المختلفة.............أما في موسم الجفاف تنحسر مياه النيل مخلفة أراضي مُشبعة أو مروية يُزرع فيها مايسمى بالمقّي...والله أعلم
يمكن الزاكي يجيكم بالخبر اليقين

الطيب شيقوق
15th October 2010, 09:19 PM
أظن أن المقّي هو موسم من المواسم الزراعية ..يعني عندكم مثلاً الزراعة المطرية في موسم الأمطار ودي بعيداً عن النيل ..أما على النيل توجد الجروف وفيها نزرع المحاصيل المختلفة.............أما في موسم الجفاف تنحسر مياه النيل مخلفة أراضي مُشبعة أو مروية يُزرع فيها مايسمى بالمقّي...والله أعلم
يمكن الزاكي يجيكم بالخبر اليقين


المقي يا الطيب ناسك غلبهم تعال احكي ليهم انت


اها جاييكم للالغاز القانونية

كلما مررت بالسوق تجد احيانا لوحة مكتوب عليها شركة محدودة المسؤولية

السؤال ماذا تعني عبارة محدودة المسؤولية ؟

معذرة يا اخوانا عندي مشكلة فنية ما بقدراظلل حتى استطيع تلوين وتكبير الخط - وين السنى ؟

اقبال حجار
15th October 2010, 09:33 PM
يا جماعة الخير ما أحود بيكم شوية يمين لو سمحتوا يا الزاكي ، مع رائعة الأستاذ الشاعر سيدأحمد الحردلو في رثاء الفنان مصطفى سيدأحمد ، مع كل الشكر للباشمهندس/ حسن عبدالرحمن :

يا سَلامْ عليكْ[/center]
[/center]

على ذكر الشاعر سيداحمدالحرلو نسأل الله أن يمتعه بالصحة والعافية ....والراحل مصطفى سيداحمد له الرحمة ....إليكم دندنة للحزن القديم والفنان محمد النصري
YouTube - ‫6??????VTS121.flv‬‎

السني أبوالعزائم
16th October 2010, 12:35 AM
المقي يا الطيب ناسك غلبهم تعال احكي ليهم انت


اها جاييكم للالغاز القانونية

كلما مررت بالسوق تجد احيانا لوحة مكتوب عليها شركة محدودة المسؤولية

السؤال ماذا تعني عبارة محدودة المسؤولية ؟

معذرة يا اخوانا عندي مشكلة فنية ما بقدراظلل حتى استطيع تلوين وتكبير الخط - وين السنى ؟

انت تتشدق بي كلام البكانة وفارد لي ضراعك،، وجايينا بي كلام المحاميين،، في الآخر تقول يا السني الحقني؟؟؟ أقوم ليك على جني؟؟؟

اها السني،،، من بني محس،،، ونسيب شوايقة
أشرف دهب ،،،،،،،،،،،،،، برضو من عندينا
محمد المعتصم الرشيد،، نصه شايقي،، ونسيب محس

ياخوي اضرب لي عبدالله ولدك يفزعك

الزاكي،، بالله تتشدق دي كيف معاك؟؟

السني أبوالعزائم
16th October 2010, 12:46 AM
كلما مررت بالسوق تجد احيانا لوحة مكتوب عليها شركة محدودة المسؤولية

السؤال ماذا تعني عبارة محدودة المسؤولية ؟


الشركة المحدودة المسؤولية يالحبيب (بالعنقالي كدة) هي شركة تتكون من شريكين أو أكثر تقسم بينهم الحصص في تكوين رأس المال، وتقتصر مسؤوليتها على القيمة الإسمية للأسهم ولا تتعدى المسؤولية المادية فيها إلى الحسابات الشخصية. بحيث انه عند الإفلاس مثلا يتم تقسيم رأس المال على المديونية بالنسبة دون المساس بالحسابات الشخصية لحملة الأسهم.

الطيب،، بالعنقالي فهمتها ولا أشرحا ليك؟؟؟

الزاكي عبد الحميد
16th October 2010, 06:44 AM
أظن أن المقّي هو موسم من المواسم الزراعية ..يعني عندكم مثلاً الزراعة المطرية في موسم الأمطار ودي بعيداً عن النيل ..أما على النيل توجد الجروف وفيها نزرع المحاصيل المختلفة.............أما في موسم الجفاف تنحسر مياه النيل مخلفة أراضي مُشبعة أو مروية يُزرع فيها مايسمى بالمقّي...والله أعلم
يمكن الزاكي يجيكم بالخبر اليقين

معليش يا أهل الدار اتأخرت عليكم شوية
بسبب العمل في نهاية الاسبوع..

المقي عندنا في الشمالية هي أرض رملية بيضاء
تظهر بعد أن ينحسر النيل..
هذه الأرض هي أجمل مرتع للتماسيح التي تخرج من المياه
لتسترخي على هذه الرمال فيما تقوم الطيور بعملية تنظيف الفم..
وبعد أن يرحل النيل بعيدا بحيث لا يستطيع التمساح قطع المسافة للرمال
لأن ضفاف النيل تكون طينية (طمي) أي أن الشريط الطيني يفصل المياه عن الرمال المعنية والتي تسمى المقي..
وبعد أن يتأكد الناس بأنهم في مأمن من التماسيح
يقومون بزراعة البطيخ في هذه الرمال
ولا شيء غيره والله أعلم..
أها لقيتونا كيف!

الزاكي عبد الحميد
16th October 2010, 08:51 AM
الزاكي،، بالله تتشدق دي كيف معاك؟؟

ياخي دي جبتها من وين..
دي من بيت الكلاوي..
أسأل شيقوق قول ليهو بتعرف بيت الكلاوي المقصود بيهو شنو؟

الطيب شيقوق
16th October 2010, 10:52 AM
الشركة المحدودة المسؤولية يالحبيب (بالعنقالي كدة) هي شركة تتكون من شريكين أو أكثر تقسم بينهم الحصص في تكوين رأس المال، وتقتصر مسؤوليتها على القيمة الإسمية للأسهم ولا تتعدى المسؤولية المادية فيها إلى الحسابات الشخصية. بحيث انه عند الإفلاس مثلا يتم تقسيم رأس المال على المديونية بالنسبة دون المساس بالحسابات الشخصية لحملة الأسهم.

الطيب،، بالعنقالي فهمتها ولا أشرحا ليك؟؟؟

اخخخخخخخخخخخخخخخخخخخخخخخخ السني لقيتك خطييييييييييييييييييييييير وشاطر بالحيل

إت آآآآآآآآآآآ جنا قريت حاسوب ولا قانون ؟

والله يا السني كثيرون من القانونيين حتى لا يفهمون ماذا تعني هذه الكلمة .

الطيب شيقوق
16th October 2010, 10:54 AM
أظن أن المقّي هو موسم من المواسم الزراعية ..يعني عندكم مثلاً الزراعة المطرية في موسم الأمطار ودي بعيداً عن النيل ..أما على النيل توجد الجروف وفيها نزرع المحاصيل المختلفة.............أما في موسم الجفاف تنحسر مياه النيل مخلفة أراضي مُشبعة أو مروية يُزرع فيها مايسمى بالمقّي...والله أعلم
يمكن الزاكي يجيكم بالخبر اليقين

معليش يا أهل الدار اتأخرت عليكم شوية
بسبب العمل في نهاية الاسبوع..

المقي عندنا في الشمالية هي أرض رملية بيضاء
تظهر بعد أن ينحسر النيل..
هذه الأرض هي أجمل مرتع للتماسيح التي تخرج من المياه
لتسترخي على هذه الرمال فيما تقوم الطيور بعملية تنظيف الفم..
وبعد أن يرحل النيل بعيدا بحيث لا يستطيع التمساح قطع المسافة للرمال
لأن ضفاف النيل تكون طينية (طمي) أي أن الشريط الطيني يفصل المياه عن الرمال المعنية والتي تسمى المقي..
وبعد أن يتأكد الناس بأنهم في مأمن من التماسيح
يقومون بزراعة البطيخ في هذه الرمال
ولا شيء غيره والله أعلم..
أها لقيتونا كيف!

إت آآآآآآآآآآآآ جنا ما براك؟ جنس حلاوة نضم لكن

الطيب شيقوق
16th October 2010, 10:59 AM
انت تتشدق بي كلام البكانة وفارد لي ضراعك،، وجايينا بي كلام المحاميين،، في الآخر تقول يا السني الحقني؟؟؟ أقوم ليك على جني؟؟؟

اها السني،،، من بني محس،،، ونسيب شوايقة
أشرف دهب ،،،،،،،،،،،،،، برضو من عندينا
محمد المعتصم الرشيد،، نصه شايقي،، ونسيب محس

ياخوي اضرب لي عبدالله ولدك يفزعك

الزاكي،، بالله تتشدق دي كيف معاك؟؟


هوي لسانك الطويل دا اخير ليك تلمو - اصلكم آآآآآآآآآآآ المحس ما بتفزعوا ليكم زول حتى ان كان غريق في حوض سباحة

جنس فصاحة لكن


الزاكي ناظرنا

ما قلتو ا الغربة سترة حال - شوف هوي دا الحكي البجيب كشف الحال والملامات

حاول حجّم لسان المحسي دا عشان تبقى الغربة سترة حال

الطيب ادريس
16th October 2010, 11:01 AM
شكرا أستاذة اقبال حجار ومازلتي ( تحملي عامية السودان بطريقة مذهلة ) ونعلم جيدا أن كل المدن وسط السودان ودمدني وسنار والخرطوم و في الابيض ونيالا وبارا والشرق بورتسودان وبالأخص كسلا نجد اغلبية القبائل ( شايقية ) واعتقد ان هذا الكم الهائل من التراثيات يأتي من تداخل الثقافات المحلية ..

المّقي مهما اعطتكم القوقل أو التلفونات ولا أعني بذلك استاذة اقبال هي ارض زراعية بالفعل وهب الارض التي تحبس الماء بالفعل ( وهذه تسمي الميعة ) تحبس الماء وتثمر بدون ري أو امطار أما كلمة ( المّقي ) بكسر اللام والقاف مع التشديدلحرف الميم واحيانا القاف أو التخفيف هي الأرض القريبة للسكن وتكون صغيرة الحجم ومسورة ويزرع فيها خضروات المنزل فقط ( مثل البامية والطماطم واللوبيا والعنكوليب ( قصب السكر ) والتبش والبطيخ ) وكل خيرات الخضروات وتكون بعيدة عن البحر والاراضي الزراعية الشاسعة التي تحبس الماء ( مطرا ) أو تكون بالري الصناعي ..
وتتواجد ( المّقي ) وتسمي أحيانا عند بعضنا ( نجّاضة ) في ريفي الجزيرة وشرق النيل لأزرق وكردفان بكثرة ومما يميزها عن الزراعة الأخري أنها في متناول اليد وعلي قرب في أطراف القرية .. بحيث ان الوالدة أو الحبوبة تكون ( قطعت البصلة وشدت الحلة ) وتقول للولدأو البنت امشي جيب لينا بامية أو طماطم أو ورق لوبيا وماتنسي التحلية .. البطيخة الفي ( التقنت ) ...

أها جيتكم للتقنت .. والله ده قوقل كان أداكم ليهو يكون بالغ !!!!
الطيب شيقوق خارج المشاركة :confused:

عادل سليمان
16th October 2010, 12:01 PM
متقوقل وجاكم ياما في دواهي في قوقل
التقنت يطلق على الفاصل الترابي الذي يفصل بين الاحواض لتمكين عملية الري ما سمعتو صديق احمد في
قصيبة التقنت

زيدي اللوعـه زيديها الصبـــابه
إنت كلك روعة يازينة السحابه
***
قصيبة التقنت الـــدفق تســـــابه
جمـــــال الخلقة والخلق إكتسـابه
من الحـــور أكيد صــــلة إنتسابه
قليباً لي ســـــاب الدنيـــا ســــابه
بدور الآخره مشتاق لي حســــابه
داير أهلك مــــعايه نكون نســـابه
وتبقي مركب حبنا الريس رسابه
***
إنت ما وصوك بي روحي إتوصابه
مادام بي هواك المـــولي صــــابه
ودموعه علي الفراق طوالي صابه
الي اخر القصيدة

اقبال حجار
16th October 2010, 12:02 PM
أها جيتكم للتقنت .. والله ده قوقل كان أداكم ليهو يكون بالغ !!!!
الطيب شيقوق خارج المشاركة[/colorا
لتنت
شكراً الطيب ادريس للشرح الوافي وكافي وماعندنا قول وراك.
بما اننا من منطقة زراعية فنحن لصيقين جداً بالتقانت (غير ذلك بحكم الدراسة لها نحن وصلناكم هناك في سنار والرهد وكانت لنا جلسات مع مزارعي الجزيرة)
التقنت :هو الفاصل بين الحيضان الزراعية .....نقول سنَّد التقنت أي رفَّع هذه الحواجز بمساعدة الواسوق...وهذا يتم غالباً قبل الزراعة......ومايُزرع في التقنت يتميز بالنجاح وذلك لنيله الحظ الوافر من الغذاء عكس مازُرع داخل الحوض ......
وقد ذُكر التقنت في أغنية للفنان الشايقي صديق أحمد(زار السلطنة قبل سنوات تقول:
زيدي اللوعـه زيديها الصبـــابه
إنت كلك روعة يازينة السحابه
***
قصيبة التقنت الـــدفَّق تســـــابه
جمـــــال الخِلقة والخُلق إكتسـابه
من الحـــور أكيد صــِــلة إنتسابه[/SIZE][/U]

معليش اخونا عادل سبقتنا لكن يبدو انو تمت الاضافة اثناء كتابتي *

الطيب شيقوق
16th October 2010, 12:21 PM
أها جيتكم للتقنت .. والله ده قوقل كان أداكم ليهو يكون بالغ !!!!
الطيب شيقوق خارج المشاركة[/colorا
لتنت

شكراً الطيب ادريس للشرح الوافي وكافي وماعندنا قول وراك.
بما اننا من منطقة زراعية فنحن لصيقين جداً بالتقانت (غير ذلك بحكم الدراسة لها نحن وصلناكم هناك في سنار والرهد وكانت لنا جلسات مع مزارعي الجزيرة)
ل[color=red]تقنت :هو الفاصل بين الحيضان الزراعية .....نقول سنَّد التقنت أي رفَّع هذه الحواجز بمساعدة الواسوق...وهذا يتم غالباً قبل الزراعة......ومايُزرع في التقنت يتميز بالنجاح وذلك لنيله الحظ الوافر من الغذاء عكس مازُرع داخل الحوض ......
وقد ذُكر التقنت في أغنية للفنان الشايقي صديق أحمد(زار السلطنة قبل سنوات تقول:

زيدي اللوعـه زيديها الصبـــابه
إنت كلك روعة يازينة السحابه
***
قصيبة التقنت الـــدفَّق تســـــابه
جمـــــال الخِلقة والخُلق إكتسـابه
من الحـــور أكيد صــِــلة إنتسابه



طيب عن اذنك ستي بت حجار خليني ارمي ليكم الابيات ديي فكة ريق سااااااااااى :

قصبة التقنت المزروعة فوق الفودة
من شيلة الصدير واردافا زاد مجهودا
دا المخلي الدغس عينيها زي مغمودة
إلا أمانة مين صدفنو وقعتو سودة

قصبة منصح الوادي المساها منور
فدعات إيدا زي الفي الرقيص بتدور
البحرق حشانا ولي دمان يفوّر
ممنوع الكلام، لا تقترب لا تصور


ولد دا

ما قلتوا ناس الشمالية ما بياكلوا التسالي

عادل سليمان
16th October 2010, 12:43 PM
انا جايب ليكم كلمة مع التشكيل وتحت الكلمة طريقة التشكيل

القوُسيَِبه :happy:
\كيف نستخدم الكيبورد للتشكيل

Shift + E : الضمة
Shift + X : السكون
Shift + Q : الفتحة
Shift + A : الكسرة
ذ + Shift : الشدة
Shift + Z : المدة
Shift + W : تنوين فتح
Shift + S : تنوين كسرة
Shift + R : تنوين ضم
********
Shift + T : لإ
Shift + G : لأ
Shift + Y : إ
Shift + H : أ
Shift + N : آ
Shift + B : لآ

الزاكي عبد الحميد
16th October 2010, 03:59 PM
Shift + E : الضمة
Shift + X : السكون
Shift + Q : الفتحة
Shift + A : الكسرة
ذ + Shift : الشدة
Shift + Z : المدة
Shift + W : تنوين فتح
Shift + S : تنوين كسرة
Shift + R : تنوين ضم
********
Shift + T : لإ
Shift + G : لأ
Shift + Y : إ
Shift + H : أ
Shift + N : آ
Shift + B : لآ


شكراً جزيلاً عادل على المعلومة..
شيقوق أحفظ درس مجاني:008:

الطيب شيقوق
17th October 2010, 08:31 AM
اجمل جلسة على بحيرة نزوى الشهيرة

https://mail.google.com/mail/?attid=0.1&disp=emb&view=att&th=12a105e066d6eb4c



لقيتني كيف زيكو؟

الطيب ود دريس باقي ليك تاني انا برجع للهجليج واللعوت وام بنة؟

بت حجار تعرفي (أم بنّة؟)

الزاكي عبد الحميد
17th October 2010, 09:44 AM
لقيتني كيف زيكو؟

مع الجلسة دي المفروض تعمل فيها علي بن الجهم:


أنت كالدلو لا عدمناك دلواً
من كبار الدلاء كثير الذنوب

شوف لي ذنوب دي معناها شنو ياللخو!

الطيب ادريس
17th October 2010, 10:19 AM
[B]الطيب ود دريس باقي ليك تاني انا برجع للهجليج واللعوت وام بنة؟

بت حجار تعرفي (أم بنّة؟)


ههههههههههههه

الطيب خلي بالك انت مما بنيت بيت الخرطوم ده .. بقيتت تتدحرج والله يستر .. استاذة بت حجار مابتغلبها أم بنة !
ياحليل شيوخي .. أولاد طلحة الزبير والاستاذة سمية .

زي [COLOR="Red"]( التّري ) أها أنا معاكم واضربوا التلفونات !! http://www.sudaneseclub-oman.com/vbforum/images/icons/icon10.gif
[SIZE="5"]( التّري ) بشد التاء ومعناها ؟

اضرب بني ضنقل وشايقي ومحس في التقيل .. شيتا ما بلقوا في القوقل والمعاجم .. شيتا ألجّّن !!

الطيب شيقوق
17th October 2010, 11:01 AM
لقيتني كيف زيكو؟

مع الجلسة دي المفروض تعمل فيها علي بن الجهم:


أنت كالدلو لا عدمناك دلواً
من كبار الدلاء كثير الذنوب

شوف لي ذنوب دي معناها شنو ياللخو!

سؤالك عن معنى الذنوب يرتقي بك الى مقام جورج قداحي وهو يستهل مسابقته المليونية بأول سؤال كالذي تطرحه هنا يا الحبيب المنتظر .

ل ك ؟

الطيب شيقوق
17th October 2010, 11:07 AM
ههههههههههههه

الطيب خلي بالك انت مما بنيت بيت الخرطوم ده .. بقيتت تتدحرج والله يستر .. استاذة بت حجار مابتغلبها أم بنة !
ياحليل شيوخي .. أولاد طلحة الزبير والاستاذة سمية .

زي ( التّري ) أها أنا معاكم واضربوا التلفونات !! http://www.sudaneseclub-oman.com/vbforum/images/icons/icon10.gif
( التّري ) بشد التاء ومعناها ؟

اضرب بني ضنقل وشايقي ومحس في التقيل .. شيتا ما بلقوا في القوقل والمعاجم .. شيتا ألجّّن !!

ههههههههههههههههههههههههههههها الطيب كلامك احلى من ام تكشو

عمار محجوب سمعت بأم تكشو؟

ما تجي تقول ام على كمان

زيكو سرحت بعييييييييد صاح؟

السنى متكامل عولك متين؟

دحين سمعت بالعول في علم الفرائض ( المواريث)

الزاكي عبد الحميد
17th October 2010, 11:25 AM
ل ك ؟

إنك وقد بلغت بك الرمزية هذا المبلغ تكون قد
تبوأت مكانة رفيعة بوصفك مرجعاً لا يرقى إليه الشك في عالم الاختصارات..


ل ك؟

الطيب شيقوق
17th October 2010, 11:51 AM
ل ك ؟

إنك وقد بلغت بك الرمزية هذا المبلغ تكون قد
تبوأت مكانة رفيعة بوصفك مرجعاً لا يرقى إليه الشك في عالم الاختصارات..


ل ك؟


لقيتك كسار تلج بالمقلام

تعرف المقلام بضم الميم وتسكين القاف ؟

زي الحاسي في المقلام دي إضغام بغنة .

معاى د. عمار محجوب ؟ باقــــــــــــــي لي انت و م . صلاح حسين ناس تجويد وكدا .

السنى

انت برة من الادغامات والغنن دي

الطيب شيقوق
17th October 2010, 11:59 AM
د.عمار و م. صلاح

انتما لكيعيّان ( تعرفوا معنى لكيّع؟) ما ناس فزعة فورية .

فقد قررت ان امشي عمكم قوقل واشوف معنى الادغام بغنة قبّال تجوا تتفلسفوا فيني ساى

فماذا قال الخال قوقل :-

الإدغام في اللغة : الإدخال
وإصطلاحاً : هو إدخال حرف في حرف والنطق بالحرف الثاني مشدّدا ً. وبعبارة أخرى : إلتقاء حرف ساكن بحرف متحرك بحيث يصيران حرفاً واحداً مشدداً يرتفع اللسان عنه إرتفاعة واحدة .
وحروف الإدغام ستة مجموعة في كلمة : ( يَرمُلُون )
وهي الياء - الراء - الميم - اللام - الواو - النون
فإذا جاءت النون الساكنة أو التنوين قبل حرف من أحرف ( يرملون ) وجب إدغامهما به حتماً ، إلا في حالة التقاء النون الساكنة مع أحد هذه الحروف في كلمة واحدة : ( كدُنيَا وصِنوان وقنوان وبنيان ) فلا إدغام لها في هذه الحالة.
والإدغام على نوعين : إدغام بغنة وإدغام بلا غنة .

ملاحظة هامة : ينبغي التنبيه إلى أنه لا إدغام للنون في الواو في قوله تعالى : يس والقرآن ، ن والقلم . وهذا خاص بهاتين الآيتين من القرآن الكريم .
أقسام الإدغام :
بغنة :
المراد بالغنة الصوت الخارج من الخيشوم ، بحيث لو أمسك الإنسان بأنفه لا ينقطع ذلك الصوت .
الغنة تقع في أحرف أربعة مجموعة في كلمة : ( يَنْمُو )، وهو الإدغام الذي يكون مصحوباً بذلك الصوت .
الأمثلة :
نون ساكنة أو تنوين مع ي
مَنْ يَّعْمل - عيناً يَّشرب
نون ساكنة أو تنوين مع و
مِنْ وَّال - جوعٍ وَّآمنهم
نون ساكنة أو تنوين مع م
مِنْ مَّال - شيئاً مَّذكوراً
نون ساكنة أو تنوين مع ن
مِنْ نَّاصرين - أمشاجٍ نَّبْتَليه

بغير غنة :
يقع في حرفي اللام والراء ، وهو الذي لا يكون مصحوباً بذلك الصوت .
الأمثلة :
نون ساكنة أو تنوين مع ل
ومنْ لَّمْ - بظلاَّمٍ لِّلعبيد
نون ساكنة أو تنوين مع ر
مِنْ رَّبِّه - ثمرةٍ رِّزقاً
أمثلة أخرى :
للإدغام بغنة مع النون :
من يقول - من نعمة - من مال - من ولي
مع التنوين :
وبرقُ يجعلون - يومئذٍ ناعمة - عذابٌ مقيم - يومئذٍ واهية
للإدغام بغير غنة :
من لدنه - يومئذٍ لخبير - من ربهم

ملاحظات :
يسمون الإدغام بغنة إدغاماً ناقصاً لذهاب الحرف وهو النون أو التنوين وبقاء الصفة وهي الغنة .
إذا وقعت حروف الإدغام بغنة مع النون في كلمة واحدة وجب الإظهار - ويسمى إظهاراً مطلقاً - وقد وقعت في القرآن في أربعة مواضع فقط هي :
الدنيا - بنيان - قنوان - صنوان .
يسمون الإدغام بغير غنة إدغاماً كاملاً لذهاب الحرف والصفة معاً .

اقبال حجار
17th October 2010, 12:12 PM
ههههههههههههه

الطيب خلي بالك انت مما بنيت بيت الخرطوم ده .. بقيتت تتدحرج والله يستر .. استاذة بت حجار مابتغلبها أم بنة !
ياحليل شيوخي .. أولاد طلحة الزبير والاستاذة سمية .

زي ( التّري ) أها أنا معاكم واضربوا التلفونات !! http://www.sudaneseclub-oman.com/vbforum/images/icons/icon10.gif
( التّري ) بشد التاء ومعناها ؟

اضرب بني ضنقل وشايقي ومحس في التقيل .. شيتا ما بلقوا في القوقل والمعاجم .. شيتا ألجّّن !!
التّري يااستاذ الطيب عندنا هي نوع من النجوم تظهر في وقت معين وتختفي ...
ولاتتهمونا بالقوقيل والتلفونات والله نحن بنجتهد وننكت الذاكرة (وده من عرق الجبين زي ماقال ليكم الزاكي).....وكان عندكم قولاً تاني أو تفسير غير برضو بنستفيد منكم

الطيب شيقوق
17th October 2010, 01:06 PM
التّري يااستاذ الطيب عندنا هي نوع من النجوم تظهر في وقت معين وتختفي ...
ولاتتهمونا بالقوقيل والتلفونات والله نحن بنجتهد وننكت الذاكرة (وده من عرق الجبين زي ماقال ليكم الزاكي).....وكان عندكم قولاً تاني أو تفسير غير برضو بنستفيد منكم




لا لا لا بت حجار عفوا - انت بتقصدي النجمة الثريا وعند اهلنا يقال لها (التريّة) وهي واحدة من العين ( بكسر العين وفتح وتشديد الياء ) والعيّن (جمع عينة) الخريفية تبدأ بالعصا العطشانة والعصا الرويانة والضراع والنترة والطرفة والجبهة ( مش بتاعة الكيزان) والخيرسان والصرف والعواء والسماك ( يا مطر في سماك ويا بحر بقفاك - هكذا يقولون )

اما كلمة الترى التي يعنيها قريبي الضبياني الطيب ود دريس فتعني بلل التربة برشة موية شوية . والمطرة البتنزل وبتّري الواطة بس مضرة جدا في حال نزولها على البذور لانها بتزرّعها ( تذمم يعني - راجعوا مراحل صناعة الآبري لمعرفة معني الزريعة )وبتموت البذرة طوالي اكان ما لقت ليها مطرة كااااااااااربة اعقبت المطرة الترّت الواطة دي .

لقيتوني زراعي لآ؟

الزاكي عبد الحميد
17th October 2010, 01:17 PM
ههههههههههههه

الطيب خلي بالك انت مما بنيت بيت الخرطوم ده .. بقيتت تتدحرج والله يستر .. استاذة بت حجار مابتغلبها أم بنة !
ياحليل شيوخي .. أولاد طلحة الزبير والاستاذة سمية .

زي ( التّري ) أها أنا معاكم واضربوا التلفونات !!
( التّري ) بشد التاء ومعناها ؟

اضرب بني ضنقل وشايقي ومحس في التقيل .. شيتا ما بلقوا في القوقل والمعاجم .. شيتا ألجّّن !!

التّري يااستاذ الطيب عندنا هي نوع من النجوم تظهر في وقت معين وتختفي ...
ولاتتهمونا بالقوقيل والتلفونات والله نحن بنجتهد وننكت الذاكرة (وده من عرق الجبين زي ماقال ليكم الزاكي).....وكان عندكم قولاً تاني أو تفسير غير برضو بنستفيد منكم


أستاذة إقبال:
شرحك مية..مية..
الناس ديل من الشرح يجي صاح يقولو ليك
قوقلت وما قوقلت..

التّري هي الثريا بالفصحى..
والثريا هي ثالث عين الصيف..
الشاعر قال:
لي زنْق التّريّا الحرّو أزعج وضيّق..

عليكم الله شن عرّف قوقل بزي الكلام..
عفارم إقبال الناس ديل غلبتهم اليسووووووها..

شوفوا صاحبنا المشى لي قوقل عشان يحفظو التجويد

الطيب شيقوق
17th October 2010, 01:33 PM
ههههههههههههه

الطيب خلي بالك انت مما بنيت بيت الخرطوم ده .. بقيتت تتدحرج والله يستر .. استاذة بت حجار مابتغلبها أم بنة !
ياحليل شيوخي .. أولاد طلحة الزبير والاستاذة سمية .

زي ( التّري ) أها أنا معاكم واضربوا التلفونات !!
( التّري ) بشد التاء ومعناها ؟

اضرب بني ضنقل وشايقي ومحس في التقيل .. شيتا ما بلقوا في القوقل والمعاجم .. شيتا ألجّّن !!

التّري يااستاذ الطيب عندنا هي نوع من النجوم تظهر في وقت معين وتختفي ...
ولاتتهمونا بالقوقيل والتلفونات والله نحن بنجتهد وننكت الذاكرة (وده من عرق الجبين زي ماقال ليكم الزاكي).....وكان عندكم قولاً تاني أو تفسير غير برضو بنستفيد منكم


أستاذة إقبال:
شرحك مية..مية..
الناس ديل من الشرح يجي صاح يقولو ليك
قوقلت وما قوقلت..

التّري هي الثريا بالفصحى..
والثريا هي ثالث عين الصيف..
الشاعر قال:
لي زنْق التّريّا الحرّو أزعج وضيّق..

عليكم الله شن عرّف قوقل بزي الكلام..
عفارم إقبال الناس ديل غلبتهم اليسووووووها..

شوفوا صاحبنا المشى لي قوقل عشان يحفظو التجويد


خلف الله عذبتنا

الطيب ادريس
17th October 2010, 01:49 PM
يا ضنين الوعد أهديتك حبى .... من فؤاد يبعث الحب نديا
ان يكن حسنك مجهول المدى .... فخيال شعرى يرتاد الثريا

كلما أخفيته فى القلب تنبئ ... عنه عيناك ولا يخفى عليا
انا ان شئت فمن أعماق قلبى .... أرسل الالحان شلالا رويا
وأبث الليل اسرار الهوى , واصوغ الصبح ذوبا بابليا
لا تقل انى بعيد فى الثرى ..... فخيال شعرى يرتاد الثريا


ان تكن انت جميلا فانا شاعر .... يستنطق الصخر العصيا
ان تكن انت بعيدا عن يدى .... فخيالى يدرك النائى القصيا
لا تقل انى بعيد فى الثرى ..... فخيال الشعر يرتاد الثريا

شكرا الطيب شيقوق الرجل الذي يتشبع بطين الأرض زرعا وضرعا .. وعفوا للأستاذة الجليلة اقبال حجار وعفوا استاذي الزاكي .. ونحن لما نجّي بنجّي تقيل اعملوا حسابكم ;)

التّري كما قال ود العم شيقوق بشد التاء وفتح الراء هي الأرض المروية بماء المطر تحت الأرض ويمكن لك أن تزرع فيها وتثمر حصادا خفيفا مثل الفتريتة والخضروات وثمار البطيخ وهذا التّري يأتي بعد فوات الخريف وتكون الاراضي المنحفضة قد حبست الماء وانحسر واصبحت الارض ظاهرا يابسة ولكنها مروية ومبللة من الداخل ..
ويقول ليك فلان زراعنه في التّري .. وفيها يفتك ماكان مزروعا اصلا !

جيتكم للفتكة .. طبعا دي ساهلة ياناس ملاح السبروك

فتكة وسبروك يلا ياشباب الشمال !

الطيب شيقوق
17th October 2010, 02:22 PM
هيييييييييييييييييييييييع طيوبا سكر الكوبا

دعهم يتشتتون أيدي سبأ

لكن مبااااااااااااالغة الحسين الحسن الذي ميّز بين الثرى والثريا .

اقبال حجار
17th October 2010, 03:12 PM
هيييييييييييييييييييييييع طيوبا سكر الكوبا
دعهم يتشتتون أيدي سبأ
لكن مبااااااااااااالغة الحسين الحسن الذي ميّز بين الثرى والثريا .
نحن راكزين ركزة ياالطيب وابشروا بالخير :
لعلكم ذكرتم الثرى والثرية صارتا في عاميتنا الترى والتِّريا يعني طالما انو الكلمة لم تدخل في جملة نقبل المعنيين ,والله الترى بمعنى الأرض اللينة برضو على علم ودراية ..لكن الطيب ادريس تذكر ولاد طلحة وذكر (الترى ) فالمعنى الأقرب هنا حسب غلاوة الناس ديل عندكم هو الثريا (النجم) وليس الترى الأرض....أها لقيتو أخت فراج الطيب كيف ياعول البطانةقرقرقرقرقرقر
أما فتك : فَتَك يَفْتِكُ . ...فَتَك بالرجل فَتْكاً أي قتله أَو جرحه،..... وفاتَكَتِ الإبلُ المرعى: أَتت عليه بأَحْناكها...واظن المقصود هنا القضاء على ماكان مزروعاً
اما السبروك فهو صفق نبات البامية .

السبرو

الزاكي عبد الحميد
17th October 2010, 03:27 PM
وفاتَكَتِ الإبلُ المرعى: أَتت عليه بأَحْناكها...واظن المقصود هنا القضاء على ماكان مزروعاً
اما السبروك فهو صفق نبات البامية .

أي معنى غير دا والله إلا كان لاهاي
للحجازة:happy:

الطيب شيقوق
17th October 2010, 06:55 PM
نحن راكزين ركزة ياالطيب وابشروا بالخير :
لعلكم ذكرتم الثرى والثرية صارتا في عاميتنا الترى والتِّريا يعني طالما انو الكلمة لم تدخل في جملة نقبل المعنيين ,والله الترى بمعنى الأرض اللينة برضو على علم ودراية ..لكن الطيب ادريس تذكر ولاد طلحة وذكر (الترى ) فالمعنى الأقرب هنا حسب غلاوة الناس ديل عندكم هو الثريا (النجم) وليس الترى الأرض....أها لقيتو أخت فراج الطيب كيف ياعول البطانةقرقرقرقرقرقر
أما فتك : فَتَك يَفْتِكُ . ...فَتَك بالرجل فَتْكاً أي قتله أَو جرحه،..... وفاتَكَتِ الإبلُ المرعى: أَتت عليه بأَحْناكها...واظن المقصود هنا القضاء على ماكان مزروعاً
اما السبروك فهو صفق نبات البامية .

السبرو

.أها لقيتو أخت فراج الطيب كيف ياعول البطان

لقيناها خمشت العول من هناك وختتها في صميم سياقيها النحوي والبيئي

لقيتي التصريف اللغوي كيف؟

هسع زيكو المسنوح مما يشم ليهو ريحة نحو وتصريف لغويين بيجي ناطي علينا .

الطيب ادريس
17th October 2010, 06:55 PM
نحن راكزين ركزة ياالطيب وابشروا بالخير :
لعلكم ذكرتم الثرى والثرية صارتا في عاميتنا الترى والتِّريا يعني طالما انو الكلمة لم تدخل في جملة نقبل المعنيين ,والله الترى بمعنى الأرض اللينة برضو على علم ودراية ..لكن الطيب ادريس تذكر ولاد طلحة وذكر (الترى ) فالمعنى الأقرب هنا حسب غلاوة الناس ديل عندكم هو الثريا (النجم) وليس الترى الأرض....أها لقيتو أخت فراج الطيب كيف ياعول البطانةقرقرقرقرقرقر
أما فتك : فَتَك يَفْتِكُ . ...فَتَك بالرجل فَتْكاً أي قتله أَو جرحه،..... وفاتَكَتِ الإبلُ المرعى: أَتت عليه بأَحْناكها...واظن المقصود هنا القضاء على ماكان مزروعاً
اما السبروك فهو صفق نبات البامية .



الأخ الزبير والأستاذة سمية برغم القرابة هم في مرتبة الثريا بالفعل أستاذة اقبال ولكن قلت ياحلليلهم في المثل ( للتري ) والتري هنا يقال لعزازنا ايضا .. انت يا عشايا وانت يا ضنايا وانت جمل الشيل وانت يا شيال التقيلة ويا انت اسد الخلا وانتي يا بادية البطانة وهكذا .. وهذه المنزلة التي كنت بصددها في ذكري أولاد الشيخ طلحة ..
أما عن التّري قولوا واحد :confused:
وأما عن الفّتكة قولوا اتنين :confused:
واما ملاح السبروك .. أكيد ده ما بغلب الدناقلة والشايقية والقراصي ;)
وطبعا لا يمكن ونحن نتكلم عن غربتنا أن احضر لكم كلمة عربية فصحي مثل الفتك !
والفتكة بالدّارجي عندنا واعتقد لكم مسّمي آخر في هذا المعني :
الشدرة فتكت
العيش فتك
القصبة فتكت .. بمعني اخضرت بعد جفاف .. وهذا ما يحصل في أرض التري .. أي تعيد حياتها بعد يبس وهنا قول المولي عز وجل ( يخرج الحي من الميت و يخرج الميت من الحي ) صدق الله العظيم .

حيّاكم .

اقبال حجار
17th October 2010, 09:06 PM
الطيب أخوي ،،، شوف سميك الطيب ود ضحوية شن قال؛
الليـــل امسى والنعسان جرايــده يرحن
كبـــس الهم علي الســــط قلوبن وحن
كضـــم الجرة سحــّار الغروب اتمحن
نعـــود سلمانه ياعمـر الظنون إن صحن
الليلــة أم هلال امسـت سراتك تــــارا
واسيــادك جواميــس الردفوالــدارة
إن حرت صنـاديداً تقابــل الحــارة
وإن بردن نكافيبن سوالـف الســـارة
عليك الله يا ود شيقوق كلام ذي ما بضهب أكالين التمر و يخليهم يتلفتوا ذيهم و زي الهنود
استاذ الزاكي يظهر انو عبدالرحمن حسن بهذا التصريح قد أعلن انضمامه للحزب المناوئ...لكن والله نحن لو قبلنا عليهم بالشعر بتحصل ليكم جهجهة كُبرى....كدي شوفوا سماحة النضم دة:
شمـــــــعة
ما مات بين ضلوعي هواكي .. حيْ ..رغم الجِّراح والدمعة
مهما الليل طواني ظلامو ... ماب تطفي الرياح الشمعـــــة
***
حالف ــ شان اصونو هواكي ــ بالخَلق السماوات ، سبعـــة
من دربي المشيتو معاكي ... لاخُوف ، لا حِياد ، لا رجعــة
***
إنتِ النخلة شايلي غرامي ، في أحشاها ، تسعة وتسعــــة
لا انتكى من تُـقُـل عرجونا ،لا اشتكى عودا ،يومْ،من وجعة
***
ما بَِخلتْ على شتلاتا من فيضْ الحنان ، بي رضعـــــــة
لا عُوبَس جريدا وكشَّ .....لا قمريها طار من فزعــــــة
***
مدت ضُلها المترامــــي ، لي قيلـــــــــة النفوس والهجعة
ضُلاّلة القلوب .... و رهينـــي .. للدنيا المقددة ، رُقعــــة
***
شايلي من البلد حِنْ ناسا .....ماب ترجا البَصيح للفزعـة
إن قصَّر جَنَا ، اتغاباها ... عندها ليهو حق الشُّـــفعــــــة
***
لو شحَّ الحصاد ...عطَّاية ....لا مَنْ ..لا رياء ..لا خُدعة
كان ما هِي .. القساسيب تبقى...علَّمت الله،من فد دقعــة
***
تــربالك أنا ، الكادنـــــــــت حوضــك ، من سموم الأفعى
من نيل المحبـــة دلقت, سُقياك ...... ما مقطّعة تُرعـــــــة
***
مِـنِّـي ، وفِيِّــي حبك شبَّ ... ما كُــستو ورميتلُو الودعــة
في النَّفَس الطَلع واندلَّى...حاسَّبـُو ، ساعةْ اغبِّى وأوعى
***
في الروح إنسكب ترياقو .... يشفي من العلل بي جرعـة
نعمة من الوهبني وأعطى ، ما كان يوم جريمة وبدعــــة
***
حب ، نيرانو موقدي ... أثافيه وِهّيطة الشجن واللوعـــة
برداً بي سلامو يدفِّـي ... فاض ، غمر الحواس مجتمعـة
***
الزول في جري الفي الدنيا.. كُلْ راسمالو سِيرة وسُمعـة
سيرتي وسُمعتى المدخورة ... منك تستمــد الروعــــــة
الشاعر السر عثمان الطيب

الطيب شيقوق
17th October 2010, 09:20 PM
استاذ الزاكي يظهر انو عبدالرحمن حسن بهذا التصريح قد أعلن انضمامه للحزب المناوئ...لكن والله نحن لو قبلنا عليهم بالشعر بتحصل ليكم جهجهة كُبرى....كدي شوفوا سماحة النضم دة:
شمـــــــعة
ما مات بين ضلوعي هواكي .. حيْ ..رغم الجِّراح والدمعة
مهما الليل طواني ظلامو ... ماب تطفي الرياح الشمعـــــة
***
حالف ــ شان اصونو هواكي ــ بالخَلق السماوات ، سبعـــة
من دربي المشيتو معاكي ... لاخُوف ، لا حِياد ، لا رجعــة
***
إنتِ النخلة شايلي غرامي ، في أحشاها ، تسعة وتسعــــة
لا انتكى من تُـقُـل عرجونا ،لا اشتكى عودا ،يومْ،من وجعة
***
ما بَِخلتْ على شتلاتا من فيضْ الحنان ، بي رضعـــــــة
لا عُوبَس جريدا وكشَّ .....لا قمريها طار من فزعــــــة
***
مدت ضُلها المترامــــي ، لي قيلـــــــــة النفوس والهجعة
ضُلاّلة القلوب .... و رهينـــي .. للدنيا المقددة ، رُقعــــة
***
شايلي من البلد حِنْ ناسا .....ماب ترجا البَصيح للفزعـة
إن قصَّر جَنَا ، اتغاباها ... عندها ليهو حق الشُّـــفعــــــة
***
لو شحَّ الحصاد ...عطَّاية ....لا مَنْ ..لا رياء ..لا خُدعة
كان ما هِي .. القساسيب تبقى...علَّمت الله،من فد دقعــة
***
تــربالك أنا ، الكادنـــــــــت حوضــك ، من سموم الأفعى
من نيل المحبـــة دلقت, سُقياك ...... ما مقطّعة تُرعـــــــة
***
مِـنِّـي ، وفِيِّــي حبك شبَّ ... ما كُــستو ورميتلُو الودعــة
في النَّفَس الطَلع واندلَّى...حاسَّبـُو ، ساعةْ اغبِّى وأوعى
***
في الروح إنسكب ترياقو .... يشفي من العلل بي جرعـة
نعمة من الوهبني وأعطى ، ما كان يوم جريمة وبدعــــة
***
حب ، نيرانو موقدي ... أثافيه وِهّيطة الشجن واللوعـــة
برداً بي سلامو يدفِّـي ... فاض ، غمر الحواس مجتمعـة
***
الزول في جري الفي الدنيا.. كُلْ راسمالو سِيرة وسُمعـة
سيرتي وسُمعتى المدخورة ... منك تستمــد الروعــــــة
الشاعر السر عثمان الطيب




معاى ضيوف خلوني اوزعهم سريع واقبل على القطيعة والنضم المخموش من خالي قوقل

جاييكم و جاييكم اوريكم النجم بالنهاااااااار

الزاكي عبد الحميد
18th October 2010, 07:06 AM
كتبتْ الأستاذة بت حجّار:
استاذ الزاكي يظهر انو عبدالرحمن حسن بهذا التصريح قد أعلن انضمامه للحزب المناوئ...لكن والله نحن لو قبلنا عليهم بالشعر بتحصل ليكم جهجهة كُبرى....كدي شوفوا سماحة النضم دة:
شمـــــــعة
ما مات بين ضلوعي هواكي .. حيْ ..رغم الجِّراح والدمعة
مهما الليل طواني ظلامو ... ماب تطفي الرياح الشمعـــــة
***
حالف ــ شان اصونو هواكي ــ بالخَلق السماوات ، سبعـــة
من دربي المشيتو معاكي ... لاخُوف ، لا حِياد ، لا رجعــة
***
إنتِ النخلة شايلي غرامي ، في أحشاها ، تسعة وتسعــــة
لا انتكى من تُـقُـل عرجونا ،لا اشتكى عودا ،يومْ،من وجعة
***
ما بَِخلتْ على شتلاتا من فيضْ الحنان ، بي رضعـــــــة
لا عُوبَس جريدا وكشَّ .....لا قمريها طار من فزعــــــة
***
مدت ضُلها المترامــــي ، لي قيلـــــــــة النفوس والهجعة
ضُلاّلة القلوب .... و رهينـــي .. للدنيا المقددة ، رُقعــــة
***
شايلي من البلد حِنْ ناسا .....ماب ترجا البَصيح للفزعـة
إن قصَّر جَنَا ، اتغاباها ... عندها ليهو حق الشُّـــفعــــــة
***
لو شحَّ الحصاد ...عطَّاية ....لا مَنْ ..لا رياء ..لا خُدعة
كان ما هِي .. القساسيب تبقى...علَّمت الله،من فد دقعــة
***
تــربالك أنا ، الكادنـــــــــت حوضــك ، من سموم الأفعى
من نيل المحبـــة دلقت, سُقياك ...... ما مقطّعة تُرعـــــــة
***
مِـنِّـي ، وفِيِّــي حبك شبَّ ... ما كُــستو ورميتلُو الودعــة
في النَّفَس الطَلع واندلَّى...حاسَّبـُو ، ساعةْ اغبِّى وأوعى
***
في الروح إنسكب ترياقو .... يشفي من العلل بي جرعـة
نعمة من الوهبني وأعطى ، ما كان يوم جريمة وبدعــــة
***
حب ، نيرانو موقدي ... أثافيه وِهّيطة الشجن واللوعـــة
برداً بي سلامو يدفِّـي ... فاض ، غمر الحواس مجتمعـة
***
الزول في جري الفي الدنيا.. كُلْ راسمالو سِيرة وسُمعـة
سيرتي وسُمعتى المدخورة ... منك تستمــد الروعــــــة
الشاعر السر عثمان الطيب


وكتب الأستاذ شيقوق:
معاى ضيوف خلوني اوزعهم سريع واقبل على القطيعة والنضم المخموش من خالي قوقل

جاييكم و جاييكم اوريكم النجم بالنهاااااااار

وأنا بقول:
ينصر دينك أختنا إقبال وينصر دين الشاعر الرقيق السر وينصر دين شيقا الذي زاغ من التعقيب على على هذه القصيدة الرائعة والتي أرجو أن نقوم ب"فَلْفَلَتا" لأنها مليئة بعبر وعظات
أخشى أن تمر مرور الكرام دون أن نوفيها حقها...


سعادة المستشار:

كدي قول لضيوفك ديل روّقوا المنقة شوية
قوليهم العجلة من الشيطان..
خليهم يستمتعوا بالشعر الفوق دا معاك ويساعدوك في معنى "لا عُوبًس جريدها وكشً وتربالك أناالكادنت حوضك"..بدل تمشي تقوقل و تجيب ليك كلام خارم بارم..

الأستاذ عبد الرحمن:

بما أن إعلانك أعلاه يشي بانضمامك لجبهة الطيِّبيْن فنمنحك
مهلة لتراجع فيها نفسك وتتأمل نمنمة القوافي الفوق دي
وبعداك عندنا معاك "مفاوضات جانبية"

سلمتم جميعاً..

الطيب شيقوق
18th October 2010, 09:32 AM
كتبتْ الأستاذة بت حجّار:
استاذ الزاكي يظهر انو عبدالرحمن حسن بهذا التصريح قد أعلن انضمامه للحزب المناوئ...لكن والله نحن لو قبلنا عليهم بالشعر بتحصل ليكم جهجهة كُبرى....كدي شوفوا سماحة النضم دة:
شمـــــــعة
ما مات بين ضلوعي هواكي .. حيْ ..رغم الجِّراح والدمعة
مهما الليل طواني ظلامو ... ماب تطفي الرياح الشمعـــــة
***
حالف ــ شان اصونو هواكي ــ بالخَلق السماوات ، سبعـــة
من دربي المشيتو معاكي ... لاخُوف ، لا حِياد ، لا رجعــة
***
إنتِ النخلة شايلي غرامي ، في أحشاها ، تسعة وتسعــــة
لا انتكى من تُـقُـل عرجونا ،لا اشتكى عودا ،يومْ،من وجعة
***
ما بَِخلتْ على شتلاتا من فيضْ الحنان ، بي رضعـــــــة
لا عُوبَس جريدا وكشَّ .....لا قمريها طار من فزعــــــة
***
مدت ضُلها المترامــــي ، لي قيلـــــــــة النفوس والهجعة
ضُلاّلة القلوب .... و رهينـــي .. للدنيا المقددة ، رُقعــــة
***
شايلي من البلد حِنْ ناسا .....ماب ترجا البَصيح للفزعـة
إن قصَّر جَنَا ، اتغاباها ... عندها ليهو حق الشُّـــفعــــــة
***
لو شحَّ الحصاد ...عطَّاية ....لا مَنْ ..لا رياء ..لا خُدعة
كان ما هِي .. القساسيب تبقى...علَّمت الله،من فد دقعــة
***
تــربالك أنا ، الكادنـــــــــت حوضــك ، من سموم الأفعى
من نيل المحبـــة دلقت, سُقياك ...... ما مقطّعة تُرعـــــــة
***
مِـنِّـي ، وفِيِّــي حبك شبَّ ... ما كُــستو ورميتلُو الودعــة
في النَّفَس الطَلع واندلَّى...حاسَّبـُو ، ساعةْ اغبِّى وأوعى
***
في الروح إنسكب ترياقو .... يشفي من العلل بي جرعـة
نعمة من الوهبني وأعطى ، ما كان يوم جريمة وبدعــــة
***
حب ، نيرانو موقدي ... أثافيه وِهّيطة الشجن واللوعـــة
برداً بي سلامو يدفِّـي ... فاض ، غمر الحواس مجتمعـة
***
الزول في جري الفي الدنيا.. كُلْ راسمالو سِيرة وسُمعـة
سيرتي وسُمعتى المدخورة ... منك تستمــد الروعــــــة
الشاعر السر عثمان الطيب


وكتب الأستاذ شيقوق:
معاى ضيوف خلوني اوزعهم سريع واقبل على القطيعة والنضم المخموش من خالي قوقل

جاييكم و جاييكم اوريكم النجم بالنهاااااااار

وأنا بقول:
ينصر دينك أختنا إقبال وينصر دين الشاعر الرقيق السر وينصر دين شيقا الذي زاغ من التعقيب على على هذه القصيدة الرائعة والتي أرجو أن نقوم ب"فَلْفَلَتا" لأنها مليئة بعبر وعظات
أخشى أن تمر مرور الكرام دون أن نوفيها حقها...


سعادة المستشار:

كدي قول لضيوفك ديل روّقوا المنقة شوية
قوليهم العجلة من الشيطان..
خليهم يستمتعوا بالشعر الفوق دا معاك ويساعدوك في معنى "لا عُوبًس جريدها وكشً وتربالك أناالكادنت حوضك"..بدل تمشي تقوقل و تجيب ليك كلام خارم بارم..

الأستاذ عبد الرحمن:

بما أن إعلانك أعلاه يشي بانضمامك لجبهة الطيِّبيْن فنمنحك
مهلة لتراجع فيها نفسك وتتأمل نمنمة القوافي الفوق دي
وبعداك عندنا معاك "مفاوضات جانبية"

سلمتم جميعاً..

إنتِ النخلة شايلي غرامي ، في أحشاها ، تسعة وتسعــــة
لا انتكى من تُـقُـل عرجونا ،لا اشتكى عودا ،يومْ،من وجعة


مبااااااااالغة بالله تصور العمق البلاغي في البيتين ديل يا زيكو .

خمشة قوقلية :
قال معاوية لعمرو بن العاص: من أبلغ الناس؟ فقال: من اقتصر على الإيجاز، وتنكب الفضول.
وسئل ابن المقفع: ما البلاغة؟ فقال: اسم لمعان تجري في وجوه عدة كثيرة: فمنها ما يكون في السكوت، ومنها ما يكون في الاستماع، ومنها ما يكون في الإشارة، ومنها ما يكون شعراً، ومنها ما يكون سجعاً، ومنها ما يكون ابتداء، ومنها ما يكون جواباً، ومنها ما يكون في الاحتجاج، ومنها ما يكون خطباً، ومنها ما يكون رسائل؛ فعامة هذه الأبواب الوحي فيها والإشارة إلى المعنى والإيجاز هو البلاغة.
قال صاحب الكتاب: فهذا ابن المقفع جعل من السكوت بلاغة رغبة في الإيجاز وقال بعض الكلبيين:
واعلم بأن من السكوت إبانة ... ومن التكلم ما يكون خبالا

لقيتو الخمشة دي كيف يا زيكو؟

الزاكي عبد الحميد
18th October 2010, 12:53 PM
لقيتو الخمشة دي كيف يا زيكو؟

دي خمشة مجيهة تمام..





واعلم بأن من السكوت إبانة ... ومن التكلم ما يكون خبالا

إن يكن صمتي رهيباً
إن في الصمت كلاما..
رحم الله الصاغ محمود أبوبكر

السني أبوالعزائم
18th October 2010, 01:31 PM
فإذا وقفت أمام حسنك صامتاً
فالصمت في حرم الجمال جمال

عبد الرحمن حسن
18th October 2010, 07:03 PM
أهل الدار، حبابكم

صحي نحن ما ولاد بطانة، و لكن حبينا فيها و تاتينا و سرحّنا البهم و شربنا حليبها لامن روينا، و سنوات عمر جميلة ما بين ريرة و الصفيا و أبو دليق. يا أخوانا، البطانة أرض خير ، فيها الشجاعة و الشهامة و فيها الشوق و الحنين و فيها الكلام الحلو و ذي ما قال جدنا ود الرضي:
نحن اولاد عسيل خاتي الذبابه عسلنا
نحن طبعنا مع العاشرنا نرمي رسنا
ساميه اخلاقنا طاهره ارحامناقل مثلنا
نحن صبينا سيف الصاقعه مابدور سنه

الزاكي، اقبال دحين المتلي بتلام لو عشق البطانة و دافع عنها. بالصح ناس لفة النيل ديل ما بصاقعوا خصوصاً فيهم درر ذي الزاكي و اقبال.
لكن حلفتكم بالله البسمع كلام ذي الجاي ده يفوتو كيف ؟!


ما بتبـــن الجــارات اخــون الحُـــرة

مانــي دغــور بيوت بعقب احل الصـــــرة

ساوي ضــراعي للفـــــارس العنود ومشــــرا

بازل مـــالي لي القاصــدني قـــاعد بـــــرا



مابتـــبن الجــــارات اخونــــــــا وليتـــي

مانـــــي دغــــور بيــــوت الناس بتكره جيتــــي

ساوي ضراعــــي للفارس البقـــول ضميتــــي

بازل مالـــي للاخوان بعرفـــو حنيتـــي


الزول البــدور مـــن البــــــوادي ضريبــــة

يبقــى موارك الغربــــــــة ويبعد الريبـــة

مـــــايتدنى لي الهاملـة البشوفــــا غريبــة

الا السيــدا في الدنــــدر مسيـــلا زريبـة




أكل الخلفـــــة وعقـّب علــــى البكريــــة

وشمــــخ الحوري لــــي بعصتعـريب بت ريا

كان مـــــا وجّب الباكيــات وخلف الكيـــة

قولت ابوفاطنـــــة يا الصادق خســارة علي

الطيب شيقوق
18th October 2010, 09:02 PM
أهل الدار، حبابكم

صحي نحن ما ولاد بطانة، و لكن حبينا فيها و تاتينا و سرحّنا البهم و شربنا حليبها لامن روينا، و سنوات عمر جميلة ما بين ريرة و الصفيا و أبو دليق. يا أخوانا، البطانة أرض خير ، فيها الشجاعة و الشهامة و فيها الشوق و الحنين و فيها الكلام الحلو و ذي ما قال جدنا ود الرضي:
نحن اولاد عسيل خاتي الذبابه عسلنا
نحن طبعنا مع العاشرنا نرمي رسنا
ساميه اخلاقنا طاهره ارحامناقل مثلنا
نحن صبينا سيف الصاقعه مابدور سنه

الزاكي، اقبال دحين المتلي بتلام لو عشق البطانة و دافع عنها. بالصح ناس لفة النيل ديل ما بصاقعوا خصوصاً فيهم درر ذي الزاكي و اقبال.
لكن حلفتكم بالله البسمع كلام ذي الجاي ده يفوتو كيف ؟!


ما بتبـــن الجــارات اخــون الحُـــرة

مانــي دغــور بيوت بعقب احل الصـــــرة

ساوي ضــراعي للفـــــارس العنود ومشــــرا

بازل مـــالي لي القاصــدني قـــاعد بـــــرا



مابتـــبن الجــــارات اخونــــــــا وليتـــي

مانـــــي دغــــور بيــــوت الناس بتكره جيتــــي

ساوي ضراعــــي للفارس البقـــول ضميتــــي

بازل مالـــي للاخوان بعرفـــو حنيتـــي


الزول البــدور مـــن البــــــوادي ضريبــــة

يبقــى موارك الغربــــــــة ويبعد الريبـــة

مـــــايتدنى لي الهاملـة البشوفــــا غريبــة

الا السيــدا في الدنــــدر مسيـــلا زريبـة




أكل الخلفـــــة وعقـّب علــــى البكريــــة

وشمــــخ الحوري لــــي بعصتعـريب بت ريا

كان مـــــا وجّب الباكيــات وخلف الكيـــة

قولت ابوفاطنـــــة يا الصادق خســارة علي


عبد الرحمن

سلام


لقيتك قريبي عديييييييييييل واظنك رفاعي وفي رفاعة ربما قاسمي ولو ما قاسمي عسيلاتي وبرضك رفاعي - عشان كدا اقبال يطول عمرها حست بعلاقة وجدانية بينك والطيب ود دريس وانا ود عمك - شوفوا الحميمية بالفطرة كيف؟

طبعا الشاعر ود الرضي عسيلاتي و سيد خليفة يرحمه الله هو ايضا هكذا وايضا الشاعر ادريس جماع

الزول البــدور مـــن البــــــوادي ضريبــــة

يبقــى موارك الغربــــــــة ويبعد الريبـــة

مـــــايتدنى لي الهاملـة البشوفــــا غريبــة

الا السيــدا في الدنــــدر مسيـــلا زريبـة

هلا هلا الا السيدا في الدندر مسيلا زريبة .

طبعا يا عبد الرحمن الدندر دي بلدي

الزاكي عبد الحميد
19th October 2010, 09:14 AM
أخي الحبيب عبد الرحمن
أخي الأستاذ شيقوق
أخي الأستاذ الطيب إدريس..
أختي الفضلى بت حجّار...


أجد متعة لا تضاهى في قراءة الشعر..
قرأت قصيدة السر عثمان الطيب التي أوردتْها أختنا الكريمة إقبال ..
قرأتُها أكثر من مرة..
وقرأتُ كذلك الأبيات التي أوردها الأخ الكريم عبد الرحمن..
قرأتها مرات ومرات.. وفي كل مرة يأتيتي جديد
من الحرف الموشَى بألق الشعر ونمنمة القوافي ..
أجدني في حضرة الشعر اُرِّنق كعصفور توضأ بالصباحات البتول وغرّد منتشيا
بعد أن نفض عن جناحيه الندى..
لا أعرف السبب..
غير أني في الشعر أجد ملاذاً حين يغيض الرُّواء ويصوِّح
غصن الجمال..
نطَّ قلبي كما لم ينط من قلب
وأنا أقرأ كلام السر حين يقول:
ما بِخلتْ على شتلاتا من فيضْ الحنان ، بي رضعـــــــة
لا عُوبَس جريدا وكشَّ .....لا قمريها طار من فزعــــــة***
مدت ضُلها المترامــــي ، لي قيلـــــــــة النفوس والهجعة
ضُلاّلة القلوب .... و رهينـــي .. للدنيا المقددة ، رُقعــــة

هذا نوع من سحر البيان الذي يكون قلبك أسرع إلى قبوله من الأذن لسماعه..
كقميص يوسف بين مقلتي يعقوب فارتد به بصيراً بعد أن أبيضت عيناه من الحزن..فترتد إليك بصيرتك فترى ما لايراه الآخرون من جمال الحرف الموشَى...
قلتُ في نفسي لمن أسرج بُراق النشيد بكل هذا الجمال
وجدّل من ذؤابات الحرف وشكّل من صلصاله كل هذا الجمال الذي
اعتراني:
قدَرُك أيها الرجل الجميل هو أن تحترق لتسعد الآخرين..
كم أسعدتني يا إنساناً شفيفاً بقولك:
تــربالك أنا ، الكادنـــــــــت حوضــك ، من سموم الأفعى
من نيل المحبـــة دلقت, سُقياك ...... ما مقطّعة تُرعـــــــة***
كم هو جميل هذا السودان لو أخذناه بكلياته وغنينا مع شاعر الشعب:
عشة كلمينا ..ميري ذكرينا
كل سونكي أحسن يبقى مسطرينة
نحن شعب أسطى
يلا جيبو مونة
نبني..نبني..نبني
مسرحاً ونادي
مصنعاً وبوستة

عذراً أيها الأحباب إن فكرتُ بصوت عال!

عمار محجوب محمد زكي
19th October 2010, 09:43 AM
هذا هو الرد رقم 1206 في هذا البوست الرائع الذي يستحق بجدارة ملك البوستات :clap::clap::clap::sd::sd::sd:

الطيب ادريس
19th October 2010, 11:30 AM
عزيزي دكتور عمار أنت مليء بالمحنة والحديث والتراث وحكاوي ليالي توتي المقمرة .. ولم تخرج هذه الابداعات بعد .. دايرين الحاجات البطلعوها من ( السّحارة )

( السّحارة ) اي معني .. ولا أقصد أي كلمة فصحي .. دارجية قح واعتقد ساهلة !

الطيب شيقوق
19th October 2010, 11:55 AM
أخي الحبيب عبد الرحمن
أخي الأستاذ شيقوق
أخي الأستاذ الطيب إدريس..
أختي الفضلى بت حجّار...


أجد متعة لا تضاهى في قراءة الشعر..
قرأت قصيدة السر عثمان الطيب التي أوردتْها أختنا الكريمة إقبال ..
قرأتُها أكثر من مرة..
وقرأتُ كذلك الأبيات التي أوردها الأخ الكريم عبد الرحمن..
قرأتها مرات ومرات.. وفي كل مرة يأتيتي جديد
من الحرف الموشَى بألق الشعر ونمنمة القوافي ..
أجدني في حضرة الشعر اُرِّنق كعصفور توضأ بالصباحات البتول وغرّد منتشيا
بعد أن نفض عن جناحيه الندى..
لا أعرف السبب..
غير أني في الشعر أجد ملاذاً حين يغيض الرُّواء ويصوِّح
غصن الجمال..
نطَّ قلبي كما لم ينط من قلب
وأنا أقرأ كلام السر حين يقول:
ما بِخلتْ على شتلاتا من فيضْ الحنان ، بي رضعـــــــة
لا عُوبَس جريدا وكشَّ .....لا قمريها طار من فزعــــــة***
مدت ضُلها المترامــــي ، لي قيلـــــــــة النفوس والهجعة
ضُلاّلة القلوب .... و رهينـــي .. للدنيا المقددة ، رُقعــــة

هذا نوع من سحر البيان الذي يكون قلبك أسرع إلى قبوله من الأذن لسماعه..
كقميص يوسف بين مقلتي يعقوب فارتد به بصيراً بعد أن أبيضت عيناه من الحزن..فترتد إليك بصيرتك فترى ما لايراه الآخرون من جمال الحرف الموشَى...
قلتُ في نفسي لمن أسرج بُراق النشيد بكل هذا الجمال
وجدّل من ذؤابات الحرف وشكّل من صلصاله كل هذا الجمال الذي
اعتراني:
قدَرُك أيها الرجل الجميل هو أن تحترق لتسعد الآخرين..
كم أسعدتني يا إنساناً شفيفاً بقولك:
تــربالك أنا ، الكادنـــــــــت حوضــك ، من سموم الأفعى
من نيل المحبـــة دلقت, سُقياك ...... ما مقطّعة تُرعـــــــة***
كم هو جميل هذا السودان لو أخذناه بكلياته وغنينا مع شاعر الشعب:
عشة كلمينا ..ميري ذكرينا
كل سونكي أحسن يبقى مسطرينة
نحن شعب أسطى
يلا جيبو مونة
نبني..نبني..نبني
مسرحاً ونادي
مصنعاً وبوستة

عذراً أيها الأحباب إن فكرتُ بصوت عال!

وجع !!!!! أمانة النضمي ما عندك

( ما الفوق دي اسم موصول )

الطيب شيقوق
19th October 2010, 11:56 AM
هذا هو الرد رقم 1206 في هذا البوست الرائع الذي يستحق بجدارة ملك البوستات :clap::clap::clap::sd::sd::sd:

ما همانا مدام ناس توتي معانا

الضبياني لقيتني كيف؟

اقبال حجار
19th October 2010, 12:35 PM
لكم التحية التحيه جميعاً لروعة ماجادت به الأقلام ....شيقوق لقينا خمشتك خطيرة والأخطر اختيارك لهذه الأبيات فهذا الشاعر ذو حس مرهف وله عشرات القصائد في الحنين والغربة ومن اجمل ماكتب (بحر المودة):
شوفي الزمن يايمة ساقني بعيد خلاس
ولي أزاي كاسْ
وجرَّعني كاسْ
شوف الجناس الكامل دة ياشيقوق(كاس/كاس)
استاذنا عبدالرحمن حسن والله شعر البطانه وبالذات المسادير فهي لاتقاوم ،وتصريحك معاك مادام طلعت ود عمهم ؛
والسودان عموم ياخوي وطنّا ان كان نضمنا عديل
ولّا ان كان كسرنا الكِلمي حتى ان كان رطنّا
جُوارنا أمان و قلوبنا حُنان و أبيض من قطنا
و نحن المن زمان معروف نكِرم الضيف ولو نربط بطُنّا
كتب استاذعمار
(هذا هو الرد رقم 1206 في هذا البوست الرائع الذي يستحق بجدارة ملك البوستات)
اخونا عمار صدقت وماقلت الا الحق ...مايكتبه اخونا الزاكي ادب رائع نقف عنده مرات ومرات فله ولكم التحية

الزاكي عبد الحميد
19th October 2010, 01:11 PM
ما همانا مدام ناس توتي معانا

أظهر يا ابن توتي وبان
وليك الأمان..
افتح "السحّارة"
وأرحنا برُواء الجزيرة الخضراء..
فعندكم من الجمال ما يسافر ملء الرؤية
ويتوهج كلِماً تسيل حواشيه
شذىً يسامر الروح ويرحل بالفرح الغيداق
في مسرى الشرايين..
بل هو أغنياتٌ تثمر في الصيف والشتاء
مراجيح مرح لتريق على دنياواتنا
ذوباً خرافياً من الحسن المستحيل..
دعنا-بربك- نتوسد جمال توتي ملاذاً من الصهد والهجير

الطيب شيقوق
19th October 2010, 01:17 PM
[ولي أزاي كاسْ
وجرَّعني كاسْ
شوف الجناس الكامل دة ياشيقوق(كاس/كاس)

يطول عمرك يا بت حجار لقيتك لامة زراعة مع بت عدنان . تعرفي بت عدنان ؟

وجدت فيك بنت عدنان دارا علمتها بداوة الاعراب

اها يا زيكو هسع بت عدنان البتجضم فيها دى لقوها عند ناس ضنقل ولا السناجك؟

الشاعر ما قال عديل - ديار بت عدنان عند ناس البطانة بحكوا بيها وبتونسوا بيها تحت الهجليج والكتر واللعوت على السليقة سااااى مش بقروا ليها آداب او كدا .

الزاكي عبد الحميد
19th October 2010, 01:47 PM
تساءل المسينيح:

اها يا زيكو هسع بت عدنان البتجضم فيها دى لقوها عند ناس ضنقل ولا السناجك؟

دا الكلام البدخل الغابة...المشكلة في الشمالية غابات ما عندنا
لكين صحي نحن ما ناس رماة الحدق سمعت بيهم ياللخو!!

الطيب شيقوق
19th October 2010, 02:33 PM
تساءل المسينيح:

اها يا زيكو هسع بت عدنان البتجضم فيها دى لقوها عند ناس ضنقل ولا السناجك؟

دا الكلام البدخل الغابة...المشكلة في الشمالية غابات ما عندنا
لكين صحي نحن ما ناس رماة الحدق سمعت بيهم ياللخو!!

آهااااااااااا زيكو قوقلتها ليك لكن لقيت ليك قوقل ذاتو قوقلها من واحد ما محترم .

تعال شوف السجم دا كلامو ولغتو زى وشو :-

<h4>الحِدِق أو المتحاذق باللغة العربية..أو الللي عامل حالوا فهلوي..بس عشان اخواننا من جميع اللهجات العربية يفهموا الكلمة

الحدق يا جماعة، هو شخصية متواجدة بكثرة بالوطن العربي المقرف، لدرجة اني صرت أشك اننا مش أمة عربية ، بل أمة حداقة

الحدق هو شخص غبي…معليش انا عارف إنو كلمة غبي هذي بتعمل حساسية عن بعض الناس، ولكن لازم تتقبلوا وجود أغبياء في مجتمعنا…يعني شو رأيكم، ليش احنا متأخرين عن باقي الدنيا ؟؟ لأن مجتمعنا مليان غباء وأغبياء

إذاً، أول صفة للحدق إنو شخص غبي…يعني مسكين، قد ما يتعب مافي فايدة، نسبة غباؤه غالبة على أي شيء آخر بشخصيته، وتستطيع أن تشم ريحة غباؤه من أول ابتسامة بتشوفها على ملامح سنحته القبيحة غالباً

الحدق، هو شخص يعتقد إنو ممكن يوصل للقمر عن طريق الكذب واللف والدوران…لا بل يظن أن الطريقة الوحيدة للحياة هي عن طريق الكذب

لأنه غبي، يظن كل الناس أغبياء، ويظن أنه قادر على خداع كل الناس

المشكلة الكبيرة هي أن المجتمع مليء بالناس الحدقين، وبالتالي غالبا يحاول شخص حدق إنو يتحداق – يكذب – على شخص حدق مثله…فالشخص الحدق الثاني إما يصدق الكذبة لأنه غبي، أو إنو بكون بتحادق على الشخص الأول ظنا منه انه قاعد بخدع فيه

على سبيل المثال…بتذكر لما كنت في إحدى الدول العربية الجميلة…طلب مني الذهاب لمكتب احد مدراء الأقسام الصغيرة عشان كان عنده مشكلة تقنية…رحت عنده، طلع ما عنده شيء، بس قعد ساعة يكلمني عن الشفافية وعن شغلات ثانية ، واستخدم كلمات لا يتم استخدامها إلا في المسلسلات البدوية….طبعا دخلت عنده وطلعت من عنده من دون ما أفهم ليش طلبني ومن دون ما أفهم شو الرسالة اللي بدو يوصلها….طبعا هو حدق جدا…فكر انه رجل فهلوي جداً لأنه استغلني..بالواقع ما استفاد شيء..لأني كان ممكن افيده وأعطيه شوية علم…بس الغبي الغبي طبعاً

مثال ثاني…أيام الجامعة…لما يجي شاب، عمره ما تكلم معك…عامل حاله حدق جداً ويجي يعطيك الابتسامة الصاروخية اللي فيها كمية تخلف وغباء تكفي لهدم ابراج التجارة العالمية سابقاً، ويقلك صباح الخير ويضله ملزق فيك طول اليوم…بس عشان بدوا يتعرف على بنت شافك بتتكلم معاها….طبعاً هو مفكر انه ما حدا فاهم شو هدفه …حدق…

وقيس على ذلك…المسؤول الغبي يظن انه صار في موقع مسؤولية فقط لأنه حدق وبعرف يضحك على الناس، مش عارف انه غالباً في حدا فوقه عامله رجل طاولة ، وممكن يستغني عنه في أي لحظة

وبتذكر أيام الجامعة ، يجيك واحد دارس الكتاب عشرين مرة من الجلدة للجلدة، ويجي يقولك لا والله مادرست شيء…طبعاً هو يتفرض انه كل الناس بتكذب مثله، ويفترض إنه جميع الطلاب درسوا ولكنهم لازم يكذبوا..الحداقة وضع طبيعي…مش بس هيك، هو مفكر إنك إنت رح تصدق إنه مادرس وتتعاطف معه…لا حول ولا قوة إلا بالله

طبعاً، عشان ما نظلم الشعوب العربية، بس للعلم، الشعب الهندي (طبعا أقصد الهند وباكستان وبنغلاديش وسريلانكا معاً) شعب إلو أطول ذراع في موضوع الحداقة، ودرجة الغباء عندهم ماشاءالله كبيرة لدرجة انه حتى الزعران في مجتمعاتنا مش قادرين ينافسوهم….يعني بتكون سايق السيارة في الشارع، بيجي الهندي بدوا يقطع الشارع، فعشان يقطع الشارع غصب عنك بروح بضحي بحياته وبعمل حاله مش شايف وبيقطع الشارع وهو ينظر للناحة الثانية…استشهاديين ماشاءالله

للأسف، اللي شايفه إنو نحن شعوب قربنا نلحق بحثالة الأمم في موضوع الحداقة والكذب والغش والسفالة




</h4>

الزاكي عبد الحميد
19th October 2010, 02:58 PM
آهااااااااااا زيكو قوقلتها ليك لكن لقيت ليك قوقل ذاتو قوقلها من واحد ما محترم .

تعال شوف السجم دا كلامو ولغتو زى وشو :-

نصحتُك فالتمس يا شيقا غيره
فقوقل ذاك................


أتمم البيت وتاخد درجة كاملة وممكن تستعين بصديق...
الإخوة رواد الدار ساعدوا أخاكم ساعدكم الله!
!

الطيب ادريس
19th October 2010, 06:04 PM
نحن في الغربة سترة حال !!!
قلنا السّحّارة ... السّحّارة التسحركم :confused:

الطيب شيقوق
19th October 2010, 06:21 PM
نحن في الغربة سترة حال !!!
قلنا السّحّارة ... السّحّارة التسحركم :confused:

الطيوب


دي زمان امي كانت بتخت جواها الحليب الجاف =اخوك كان مسنوووووووووح اخليها تمشي ليك الوردة واعقبها ليك ادخل يدي في السحارة واخمش ليك من العلبة - طبعا الحليب بتلصق في اللهاة جوووووووووووة = وحاة الله مرة جات لقتني مالي خشمي بدرة وشدوقي مليااااااااانة حتحات ادتني جنس تجضمة .

يا حليل ايام زمان ايام كانوا بختوا في السحارة الرز وعصيدة القمح الجاية من الجيران للنفساء .

بت حجار لقيتيني كيف؟

الطيب شيقوق
19th October 2010, 06:23 PM
آهااااااااااا زيكو قوقلتها ليك لكن لقيت ليك قوقل ذاتو قوقلها من واحد ما محترم .

تعال شوف السجم دا كلامو ولغتو زى وشو :-

نصحتُك فالتمس يا شيقا غيره
فقوقل ذاك................


أتمم البيت وتاخد درجة كاملة وممكن تستعين بصديق...
الإخوة رواد الدار ساعدوا أخاكم ساعدكم الله!
!

بتمها ليك على المسنغر الداخلي !!!! ماشي؟

الزاكي عبد الحميد
19th October 2010, 07:29 PM
نحن في الغربة سترة حال !!!
قلنا السّحّارة ... السّحّارة التسحركم


الأرباب:
[size="5"]ان شاء الله السحّارة تبلع قوقل دا فرد مرة
وتريح زولك دا منو..

بمناسبة السحارة دي سمعت الأستاذ الشاعر الكبير
سيد أحمد الحردلو ذات مرة يقول إنه أيام كان سفيراً
بتونس وجد في مكتبة عامة كتاباً ورد فيه أن سحرة فرعون
جيء بهم لموسى من مكان في شمال السودان يسمى ناوا وهي من قرى دنقلا..الناس عندنا في السودان ألفوا أساطير كتيرة حول منطقة ناوا وسحّاحيرا البياكلو الناس..
في ناس لي يوم الليلة-حتى من دنقلا ذاتها- بفتكروا إنو ناوا فيها سحاحير بياكلو الناس..المعروف أن الشاعر سيد أحمد الحردلو هو نفسه من أهالي ناوا..[/
]


الأرباب:
طلاتك بقت تعليقات تلغرافية..
أدينا من السياحة السنارية الجميلة شوية
عشان الناس تعرف الناس وتبقى الغربة سترة حال!

وقواسيب من الود لأهل الدار وزوارا..

الطيب ادريس
19th October 2010, 08:09 PM
حركات بعاعيت

شكرا حبيبنا الزاكي ومادام جبت لينا السحر والسحرة وبالذات سحرة ناوا النديك من سحر ناس سنار حكاية واقصد بذلك شبكة ومنتديات سنار ( منقولة ) مادام انت اصلا مسكون ومهووس بسنار .. بس دي علي خفيف لكن بكرة بستمر في سحر سنار والله قال بي قولك :)

في الأقوال العامة كلمة بعاتي وسّحّار بياكل الناس قد تكوزن اسطورة أو حقيقة أو وهم خيالي ولكن صديقي عبد الرحيم كتب متهكما ان كل السودانيين بعاعيت وجاء بالدليل والبرهان ولنسمع له :
لقيت اننا ربما نكون الشعب الأوحد على وجه الارض بياكل لحم ني «المرارة» ـ الكبدة ـ ام فتفت ـ الكرشة».. وبعض البعاعيت مننا ياكلو سن البرك.. وهي منطقة تلاقي الضلوع عند الصدر.. الحقيقة الحتة دي مغرية للاكل نية.. وتستاهل مني كل ثناء واحترام. الكرشة خلقها ربنا عشان تهرس الاكل وتهضمو نجي نحن ناكلها نية ونهضمها كمان.. اها في بعوتية اكتر من كدا؟! تنتابني مشاعر بعوتية.. عندما اقف عند جزار وهو يقطع في اللحمة بدون م ا اشعر ألاقي ريقي جرى وبطني كوركت.. ولولا الخوف من شيل الحال اشيل لي حتة لحمة نية واكلها..

اما حكاية اكل الكفين عند بعاعيت ابن بطوطة.. وجدت اننا استعضنا عنها باكل الكوارع.. فقلما نجد سوداني لا يحب الكوارع مما يثير لدينا رغبة قديمة وموروثة وهي اكل مزمزة الكفين.. خصوصا كوارع الضان.. وشوفو المتعة في وش اي زول بياكل في العضام الصغيرة الفي كوارع الضان.. متعة بعاتي ما فيها شك.. تلقاهو ياكل العضم ويمصو ويملصو من خشمو في الصينية او الطربيزة بكل متعة.. وينف.. ثم يتناول الذي بعده يسوي فيهو ما سواهو في اخوهو.. في اللحظة ديك لو سألتو من اسمو ما حيتذكرو ليك.

اكل الثدي يتضح جليا.. عند اطفالنا الرضع.. تلقى الشافع وهو يرضع وفجأة وبدون مقدمات يعضي امو.. وهو سلوك بعاتي موجود في اطفالنا.. يدحض فرضية نظرية فرويد.. الشافع يعضي امو.. والام عشان تكبح جماح هذه الرغبة البعاتية.. ترصع الشافع في ضهرو وتقول ليهو «احي.. الله يازاك» بالمناسبة.. كلمة احي دي.. هي كلمة بعاتية من صميم قاموس البعاعيت.. على حسب ما ورد في الاحاجي.. لكي اتأكد من ان كل رضع الدنيا بيعضو اثداء امهاتهم.. وهروبا من فكرة اننا بعاعيت.. سألت بعض الاخوة العرب.. ذكروا انه ليس لدى اطفالهم هذه الحركة البعاتية.. وحتى انو في واحد مصري قال لي.. وهو مطير عيونو: «ايه يا زول.. اوعى يكون اطفالكم بسووا كدي؟.. « نهرته وزجرته وانا استشيط غضبا وقلت ليهو «افو…. انت قايلنا نحن بعاعيت واللا شنو؟» وبيني وبين نفسي اتأكد انو نحن بعاعيت اولاد بعاعيت احفاد بعاعيت.. وقاعدين نلد بعاعيت.. الله يجازيك يا ابن بطوطة كان داير تشككني في نفسنا.. وتجنني وتركبني القصبة.

اما اكل البني آدم وعلاقتو بثقافتنا وسلوكنا.. البنحاول نهذبو.. خدو مثلا.. اتحدى اي واحد او واحدة.. يشوف ليهو واللا تشوف ليها شافع صغير وسمين ومبغبغ وعندو جضوم.. بطنو ما تفور عليهو؟.. ويكون عاوز يجضمو.. او يعضيهو في جضومو.. واعتقد ان اسلافنا البعاعيت كانوا بيستعملوا الجضيم في الجس.. ويعرفوا مدى سمن هذا الزول.. زي ما نحن حسي بنجس الخروف من ضهرو.. وما الجضيم للشفع الا هو جس مبطن.. واحيانا الواحد يلقى نفسو بطنو فارت على زول كبير وعاوز يجضمو علا خايف بس.. وخجلان..

اما في النضم تلقى جملة زي «اكل لحمي» او «اكلت لحمو».. و«ايدي اكلتني» و«قلبي اكلني» في الاغاني.. غنية «يوم طلعت القمرا».. يتضح الاكل والبلع للزول جد جد.. في المقطع «يبلع جب وجب في خصيمو.. جيت ليا»..شفتو البلع دا كيف ا؟!..

اما اغنية زيدان «لو الاماني بايدي كنت اهديك عيوني واسقيك من وريدي» .. انا لا اشك ان حبيبة الشاعر دا بعاتية.. ومتعودة على الاكل وشراب الدم.. اها لو ما كدي عاد البيخلي الشاعر يهدي ليها عيون ويسقيها دم شنو؟.. بعاتية وكمان بتحب راس النيفا بتاع الزول.. وفي النيفا بتحب العيون.. الغريبة انو انا لما اسمع المقطع دا في الغنية دي.. احس برومانسية شديدة.. اتاريها ما رومانسية.. اتاريها حركات بعاعيت ساكت.. وفنانة أخرى تغني وتقول اللحمده والشحم ده ده ما بعاتيه عديل كده!! لله الامر من قبل ومن بعد .. وبعدين الحاجة الوحيدة البحرصوا عليها كل السودانيين حتى المابصلوا في الإسلام هي الضحية .

قفل الباب:- هواي يعجز فكرتك ……… و جمالك يعجز فكرتي

في الصد تزيد في خبرتك و في الحب ازيد في خبرتى

ومن عندى أقول خلو راى الزول الظريف الكتب الكلام الظريف دا .. إنتو رايكم شنو ؟ نحنا بعاعيت ولاّ ما بعاعيت ؟؟؟؟؟

الزاكي عبد الحميد
20th October 2010, 06:50 AM
نحنا بعاعيت ولاّ ما بعاعيت ؟؟؟؟؟

شكراً جزيلاً أخي الأرباب على هذه النقلة النوعية..
السؤال أعلاه محال لسعادة المستشار لأنو (أي السؤال) قانوني!
مش بتعلق بأصلنا وفصلنا!!

"]ولي الكثير من التعليق على الموضوع
لكن بعد إجابة المستشار !![/size]

عبد الرحمن حسن
20th October 2010, 07:41 AM
أهل الدار ، حبابكم عشرة من دون كشرة


الزاكي، كلامك سمح تب، يعني لو زول فنان ممكن يمسك ليه ريشه و يرسمو في لوحة يختوها في " اللوفر " :clap::clap::clap:


ود شيقوق ، نصيحة ليك أحسن تبراها، ناس لفة النيل ديل ما بصاقعوا. شايفهم خلوك تدودر شمال و يمين ذي تقل الجبل المربوط. ما تقيف قدامهم. أهبش و زوغ و لمن يروقوا أهبش تاني. لكن لو حاولت تتنطط ليهم بوروك المكشن بلا بصل.



كدي قولوا لي، ود ضحوية قاصد شنو في كلامو ده مع طه الضرير:



قَجَّ السادرة فى الوادى أب نِعاماً دكَّك


وضايق سوقها قبال الضريريتمكك



أنا أخوالنايرة إن خِرِب الحديث واتلَكَّك



إت قدَّامى ماك ورَّانى مقطوع شكَّك




حفيرات السنط جيتنتعوم بي التنية



ناطح الشمعدانة عديلة مي منحنية



درعات العفا الكبد العسين منتنية



مي لافحاك يا تيس قنة ، بيك معتنية



ايدين أب تبوب شقيت وعرهن خاتر



جيتلي ام عود تجمع في النقع ماك فاتر



الحافظ حضورك ولي غيابك ساتر



أسرع واغلو يا الجمام قفاك متماتر



إجّمّع بعد شرف الحريحير طار



داني بعيد وبي المصعي وجري الحرحار



علي جريعة البنوني ومسكة اب محار



لولح راسة واتمرعف بلا السحار

الزاكي عبد الحميد
20th October 2010, 08:34 AM
قَجَّ السادرة فى الوادى أب نِعاماً دكَّك

عبد الرحمن يا أيها العزيز:

أنا بحاول أشرح مفردات البيت الأول
عشان نقنطر الكورة لأسيادها الطيبيْن
وشاعرتنا سمية وأخونا الزبير وأبو عاقلة
ليجملوا اللوحة بريشاتم..

أها بسم الله:

قجّ: خاض الشيء غير مبال بالزحام
السادرة: الأرض المرتفعة
دكّك: اعتقد دي الدكة أي ما استوى من أرض..

عمار محجوب محمد زكي
20th October 2010, 08:57 AM
ما همانا مدام ناس توتي معانا

أظهر يا ابن توتي وبان
وليك الأمان..
افتح "السحّارة"
وأرحنا برُواء الجزيرة الخضراء..
فعندكم من الجمال ما يسافر ملء الرؤية
ويتوهج كلِماً تسيل حواشيه
شذىً يسامر الروح ويرحل بالفرح الغيداق
في مسرى الشرايين..
بل هو أغنياتٌ تثمر في الصيف والشتاء
مراجيح مرح لتريق على دنياواتنا
ذوباً خرافياً من الحسن المستحيل..
دعنا-بربك- نتوسد جمال توتي ملاذاً من الصهد والهجير

الطيوب


دي زمان امي كانت بتخت جواها الحليب الجاف =اخوك كان مسنوووووووووح اخليها تمشي ليك الوردة واعقبها ليك ادخل يدي في السحارة واخمش ليك من العلبة - طبعا الحليب بتلصق في اللهاة جوووووووووووة = وحاة الله مرة جات لقتني مالي خشمي بدرة وشدوقي مليااااااااانة حتحات ادتني جنس تجضمة .

يا حليل ايام زمان ايام كانوا بختوا في السحارة الرز وعصيدة القمح الجاية من الجيران للنفساء .

بت حجار لقيتيني كيف؟

أخي الحبيب الأديب الزاكي عبدالحميد أرسلنا كلماتكم الرائعة إلى عضو مجمع اللغة العربية إبن توتي الدكتور الصديق عمر الصديق لشرح بعض المعاني التي أوردتموها مثل الغيداق وذوباً خرافيا والصهد على الأقل نثقف عرب البوادي بكنوز اللغة العربية (وأنا ما عارف أنت بتجيب الكلام الكبير دا كلو من وين) على العموم إنتظر ردي بعد إستلامي لتوضيح الدكتور صديق عمر الصديق ..

يا صديقي العزيز ودشيقوق أجيك للسحارة وبالمناسبة السحارة دي موجودة هنا أيضا عند العمانيين بإسم المندوس .. لكن يا ود شيقوق زمن السحارة ما كان في حليب مجفف أنا ما عارف ناس البطانة ديل جابو اللبن المجفف زمن السحارة من وين ... السحارة تحفظ فيها الأشياء النادرة التي يخشي عليها وفي الغالب تحتوى على ممتلكات الحبوبات والأمات مثل عقد نادر أو الزمام وملابس العروس التقليدية ولا أظن أن السحارة تستخدم لخزن مواد غذائية إلا كان دي سحارة ناس ودشيقوق بعد ما جو الخرطوم وبهذه المناسبة سأهديكم قريبا رائعة شاعر جزيرة توتي الراحل الشيخ عمر الضو والتي ملأت الآفاق في شكل منولوج يتحدث عن فتاة القرية وفتاة المدينة ويقول مطلعها:
أحييييا .. متين أزر الخرطوم
وقالوا لي في الخرطوم جنينة البلدية
وقالوا لي كان شفتي .. البت تسوق عربية
أحيييا .. وتصرف الماهية

والقصيدة طويلة سأنشرها لكم قريباً إن شاء الله.

الطيب شيقوق
20th October 2010, 11:55 AM
يا صديقي العزيز ودشيقوق أجيك للسحارة وبالمناسبة السحارة دي موجودة هنا أيضا عند العمانيين بإسم المندوس .. لكن يا ود شيقوق زمن السحارة ما كان في حليب مجفف أنا ما عارف ناس البطانة ديل جابو اللبن المجفف زمن السحارة من وين ... السحارة تحفظ فيها الأشياء النادرة التي يخشي عليها وفي الغالب تحتوى على ممتلكات الحبوبات والأمات مثل عقد نادر أو الزمام وملابس العروس التقليدية ولا أظن أن السحارة تستخدم لخزن مواد غذائية إلا كان دي سحارة ناس ودشيقوق بعد ما جو الخرطوم


عييييييك تعالوا اقروا كلام دكتور عمار قال السحارة للنقود !! عمار سريييييييع عدل كلامك دا عشان الناس ما يقولوا اتحنكشت ساى .

ات اظنك فاكر عندنا تلاجات لحفظ المواد الغذائية ؟ السحارة دي هي الكانت زمان تلاجة كل اهل الريف . جواها حلة المرقة وجواها الرز وعصيدة النفساء وجواها العلبة الفيها الحاجات الحكيت عنها انت دي .

عمار محجوب محمد زكي
20th October 2010, 12:07 PM
طيب يا ود شيقوق أنا عدلت كلامي لكن هل السحارة فيها لبن بودرة (نيدو) (المدهش) (لاكنور) (أبوقوس) هو لبن البدرة دا ظهر متين والسحارة إختفت متين ؟؟ الذي أعرفه أنه لم يكن هناك حفظ للمواد الغذائية في زمن حبوباتنا وأن الناس كانوا أكل اليوم باليوم وإذا فضل لحم لم يطبخ يعلق في المشلعيب (قول لي برضو المشلعيب ما بيعلقوا فيهو اللحمة) على العموم دعونا نتفق على سحارتين واحدة للمواد الغذائية وأخرى للأشياء الثمينة وبالمناسبة كان لدينا ثلاجة gec وكان لدينا سحارة في نفس الوقت في الخمسينات من القرن الماضي؟؟ إنتو كيف يا ود شيقوق؟؟؟

الطيب شيقوق
20th October 2010, 12:19 PM
أهل الدار ، حبابكم عشرة من دون كشرة



الزاكي، كلامك سمح تب، يعني لو زول فنان ممكن يمسك ليه ريشه و يرسمو في لوحة يختوها في " اللوفر " :clap::clap::clap:


ود شيقوق ، نصيحة ليك أحسن تبراها، ناس لفة النيل ديل ما بصاقعوا. شايفهم خلوك تدودر شمال و يمين ذي تقل الجبل المربوط. ما تقيف قدامهم. أهبش و زوغ و لمن يروقوا أهبش تاني. لكن لو حاولت تتنطط ليهم بوروك المكشن بلا بصل.



كدي قولوا لي، ود ضحوية قاصد شنو في كلامو ده مع طه الضرير:



قَجَّ السادرة فى الوادى أب نِعاماً دكَّك


وضايق سوقها قبال الضريريتمكك



أنا أخوالنايرة إن خِرِب الحديث واتلَكَّك



إت قدَّامى ماك ورَّانى مقطوع شكَّك




حفيرات السنط جيتنتعوم بي التنية



ناطح الشمعدانة عديلة مي منحنية



درعات العفا الكبد العسين منتنية



مي لافحاك يا تيس قنة ، بيك معتنية



ايدين أب تبوب شقيت وعرهن خاتر



جيتلي ام عود تجمع في النقع ماك فاتر



الحافظ حضورك ولي غيابك ساتر



أسرع واغلو يا الجمام قفاك متماتر



إجّمّع بعد شرف الحريحير طار



داني بعيد وبي المصعي وجري الحرحار



علي جريعة البنوني ومسكة اب محار




لولح راسة واتمرعف بلا السحار



عييييييييييييك يا عبد الرحمن الزاكي مدكك ليك في كلام اولاد دنقل ما بجيك طالع في السهلة .

يا اخوانا الدكة هي محل ملبد الارنب تحت الشدر . ودكك تعني لابد في دكّتو اى جكانيتو او مكمنتو ( تعرف المكمنة يا عبد الرحمن؟)

القج هو الخمش وقجّ تعني خمش ( يعنى زي خمش اخوانا كدا من قوقل)

اتلكك تعني يتلعثم في الحديث

وجاييكم مقبل تاني

عمار محجوب محمد زكي
20th October 2010, 12:49 PM
هذا البوست الرائع الذي يستحق بجدارة ملك البوستات

لقد سبق أن رشحت هذا البوست للقب (ملك البوستات) فهل من مثني للإقتراح؟؟؟
في حالة عدم تثنية الإقتراح سيعلن من قبلي بصفتي ملك المنتدى لكن أنا قلت أدي فرصة للديمقراطية شوية.:clap::clap::clap:

الزاكي عبد الحميد
20th October 2010, 12:57 PM
عييييييييييييك يا عبد الرحمن الزاكي مدكك ليك في كلام اولاد دنقل ما بجيك طالع في السهلة .

يا اخوانا الدكة هي محل ملبد الارنب تحت الشدر . ودكك تعني لابد في دكّتو اى جكانيتو او مكمنتو ( تعرف المكمنة يا عبد الرحمن؟)

القج هو الخمش وقجّ تعني خمش ( يعنى زي خمش اخوانا كدا من قوقل)


أعتقد جازماً بأنك إنت الطالع كيت!!
شرحك ياللخو ما باقي لي صح..
نشوف سيد الشي ذااااااااتو بقول شنو
وبعد داك عندنا كلام وكلام حدنا كان لاهاي
ولاّ شنغهاي..
بالله ايه رايك في الكسرة..(بفتح الكاف عشان ما تغالتنا تاني:ok:

الطيب ادريس
20th October 2010, 01:06 PM
عافي منك يا ود شيقوق ماقصرت تب في ود ضحوية .. شايف جماعتك ماجّو علي السّحارة .. أقصد ال: Sidebord

دكتور عمار كلامك كله صاح عن السّحارة وهي من التراث الأصيل الموجود في كل منزل سوداني .


وهاكم من ود الشلهمة الأخوان :

وليس بعيداً عن أذهاننا ما جري لشاعرنا القومى الفحل عمر ود الشلهمة فعندما أخذت تفصل بينه وبين المقصلة خطوات قليلة قال له شقيقه طه ود الشلهمة مُشجعاً ومُؤزِراً:

قلْبَكْ مُو لحمْ مِن الدبادِب طايرْ
صنديدْ وقعةْ العركةْ الخيولا دمايِرْ
الموت يا جليس ام رُوبَه كاساً دايرْ
سماحتُو عليك مِتِلْ نورةَ العريس السايرْ

شوفوا يا ناس زول ماشي علي الموت واخوهو بقول ليهو سماحتك نورة العريس الساير !!

ود شيقوق ماتشيلك الهاشمية تقوم تقلب التربيزة ;)

الزاكي عبد الحميد
20th October 2010, 04:49 PM
ود شيقوق ماتشيلك الهاشمية تقوم تقلب التربيزة


قلبناها نحنا غايتو
لكين بعد الاستعانة بشرحك الوافي..:ok:

اقبال حجار
20th October 2010, 05:15 PM
كدي قولوا لي، ود ضحوية قاصد شنو في كلامو ده مع طه الضرير:
قَجَّ السادرة فى الوادى أب نِعاماً دكَّك
وضايق سوقها قبال الضريريتمكك
أنا أخوالنايرة إن خِرِب الحديث واتلَكَّك
إت قدَّامى ماك ورَّانى مقطوع شكَّك
حفيرات السنط جيتنتعوم بي التنية
ناطح الشمعدانة عديلة مي منحنية
درعات العفا الكبد العسين منتنية
مي لافحاك يا تيس قنة ، بيك معتنية
ايدين أب تبوب شقيت وعرهن خاتر
جيتلي ام عود تجمع في النقع ماك فاتر
الحافظ حضورك ولي غيابك ساتر
أسرع واغلو يا الجمام قفاك متماتر
إجّمّع بعد شرف الحريحير طار
داني بعيد وبي المصعي وجري الحرحار
علي جريعة البنوني ومسكة اب محار
لولح راسة واتمرعف بلا السحار

السلام لأهل الدار
زي ماقال الزاكي :
الدكَّة والدَّك: ما استوى من الأرض أو الرمل...ونقول دكَّك الأرض أي ساواها وبالعامية (مارَنْ الأرض) وفي القرآن الكريم :{وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً }
ويتمكك:بمعنى يأسروهو أو يقبضوهو
واتلكك :التِلِكك كلمة دارجة تعني البطئ أو التعثر في تنفيذ أمرٍ ما.
حفيرات :تصغير لحُفر..أوعندنا أيضاً الحفير المجرى المائي
العفا :أظن من العفاء وهو الخلاء ..الأرض الخالية.
العسين:هو العشب أو القش
والأبيات السابقة في مجملها تتحدث عن شجاعة هذا الشخص وهذا يتضح لنا من الصفات السابقة خاصة البيت:
ناطح الشمعدانة عديلة مي منحنية
وراجعين

الزاكي عبد الحميد
20th October 2010, 06:45 PM
كتبت إقبال:

السلام لأهل الدار
زي ماقال الزاكي :
الدكَّة والدَّك: ما استوى من الأرض أو الرمل...ونقول دكَّك الأرض أي ساواها وبالعامية (مارَنْ الأرض) وفي القرآن الكريم :{وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً }
ويتمكك:بمعنى يأسروهو أو يقبضوهو
واتلكك :التِلِكك كلمة دارجة تعني البطئ أو التعثر في تنفيذ أمرٍ ما.
حفيرات :تصغير لحُفر..أوعندنا أيضاً الحفير المجرى المائي
العفا :أظن من العفاء وهو الخلاء ..الأرض الخالية.
العسين:هو العشب أو القش
والأبيات السابقة في مجملها تتحدث عن شجاعة هذا الشخص وهذا يتضح لنا من الصفات السابقة خاصة البيت:

ناطح الشمعدانة عديلة مي منحنية


قطعت جُهينة قول كل خطيب حتى لو كان من الواقواق مش الدندر..
شن قولكم يا أهلنا...

الطيب شيقوق
20th October 2010, 08:33 PM
كتبت إقبال:

السلام لأهل الدار
زي ماقال الزاكي :
الدكَّة والدَّك: ما استوى من الأرض أو الرمل...ونقول دكَّك الأرض أي ساواها وبالعامية (مارَنْ الأرض) وفي القرآن الكريم :{وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً }
ويتمكك:بمعنى يأسروهو أو يقبضوهو
واتلكك :التِلِكك كلمة دارجة تعني البطئ أو التعثر في تنفيذ أمرٍ ما.
حفيرات :تصغير لحُفر..أوعندنا أيضاً الحفير المجرى المائي
العفا :أظن من العفاء وهو الخلاء ..الأرض الخالية.
العسين:هو العشب أو القش
والأبيات السابقة في مجملها تتحدث عن شجاعة هذا الشخص وهذا يتضح لنا من الصفات السابقة خاصة البيت:

ناطح الشمعدانة عديلة مي منحنية


قطعت جُهينة قول كل خطيب حتى لو كان من الواقواق مش الدندر..
شن قولكم يا أهلنا...

يا اخوانا عفوا كلامكم عن الدكة اصلا ما صاح لا سيما في السياق ال>ي وردت فيه في ه>ه الابيات

العسين يا اقبال صحيح هو القش لكن هو قش من نوع خاص لا يعرفونه ناس البندر ولا الطيب ود الريس اوعبد الرحمن - العسين تعني القش ال>ي ينمو عقب انتهاء موسم الامطار يعني ايام الدرتية وعادة ينمو بنسام الشتاء وهو من اجود النباتات للاغنام .

ما لقيتوني كيف ولا حاجة زعلتوني كلكم طاشين ساي والغربة معاكم بقت كشف حال ساى

الزاكي عبد الحميد
21st October 2010, 09:30 AM
ما لقيتوني كيف ولا حاجة زعلتوني كلكم طاشين ساي والغربة معاكم بقت كشف حال ساى

نحن لقيناك عكليت لامن فاط سطر..
الطششان وارد ياللخو إلا كان تجرَ لينا نور طويل زي دا
كلما الدرب بقى مياهو..

ل.ك
كدا بالمختصر المفيد؟

الطيب ادريس
21st October 2010, 09:57 AM
يا أكتوبر نحن العشنا ثواني زمان
في قيود ومظالم وويل وهوان
كان في صدورنا غضب بركان
وكنّا بنحلف بالأوطان
نسطر اسمك يا سودان ...

وواجعي عليك يا هاشم صديق ليه ما كتبت ملحمة تاني وتاني لليلة وبكرة ولسه !!
( ذكري 21 أكتوبر الخضراء ) .

الطيب شيقوق
21st October 2010, 11:28 AM
استراحة


قال محمد مهدي الجواهري في دمشق



شممتُ تربكِ لا زُلفى ولا مَلقا وسرتُ قصدكِ لا خِبّاً ولا مَذِقا



وما وجدتُ إلى لقياكِ منعطفاً إلا إليكِ وما ألفيـتُ مُفترقا



كنتِ الطريقَ إلى هاوٍ تنازعهُ نفسٌ تسدُ عليه دونها الطرقا



وكان قلبي إلى رؤياكِ باصرتي حتى اتهمت عليكِ العينَ والحدقا



وسرتُ قصدك لا كالمشتهي بلداً لكن كمن يشتهي وجهَ من عشقا

الطيب شيقوق
21st October 2010, 11:32 AM
ما لقيتوني كيف ولا حاجة زعلتوني كلكم طاشين ساي والغربة معاكم بقت كشف حال ساى

نحن لقيناك عكليت لامن فاط سطر..
الطششان وارد ياللخو إلا كان تجرَ لينا نور طويل زي دا
كلما الدرب بقى مياهو..

ل.ك
كدا بالمختصر المفيد؟

لقيتك فى السماء نجمة ... لقيتك فى الصفاء نسمة
لقيتك فى الصباء كلمة ... وناجيتك وما حنيت
* * *
شكيت لى طيفك الايام ... وحدثتك حديث الروح
سالتك وين .. وين وكيف .. هواك اوهام .. ووعدك زيف
وطول ايامى بلقاك طيف ... وناجيتك وما رديت

ما تقع عمو الزاكي

الطيب شيقوق
21st October 2010, 11:34 AM
الطيوب الضبياني


انت الايام دي بتكون مشغول بتحصيل الايجارات مش صاح؟

الزاكي عبد الحميد
21st October 2010, 11:35 AM
لتنشيط الذاكرة ولكي يعرف الشباب شيئاً عن أكتوبر نورد مقال الشاعر الديلوماسي الكبير محمد المكي ابراهيم وهو أحد صناع ثورة أكتوبر:

كتب شاعر أكتوبر الأوحد محمد المكي ابراهيم ما يلي:

[SIZE="5"]مرة أخرى أكتوبر 21
Ibrahim ELMEKKI [ibrahimelmekki@hotmail.com]
تعود ذكرى ثورة الحادي والعشرين من أكتوبر فتمتلئ أوداج السودانيين بالنخوة والحماس،ومن تحت رماد الهزائم يسطع نور الأحلام الكبيرة التي حملتها أجيال السودانيين ممن عاصروا تلك الهبة الشعبية الكبرى للإطاحة بحكم عسكري مستبد ثم من جاءوا بعدهم وعاشوا انتفاضة ابريل 1985 التي أطاحت هي الأخرى بحكم عسكري فاسد. ويحلو للسودانيين النظر إلى المناسبتين كنهج ثوري متصل يعبر تمام التعبير عن شعب السودان الذي يصبر ويصابر حتى يظن مضطهدوه أنه قد استسلم واستكان، وعند ذلك يهب كالإعصار فتنهار وتتهاوى أمام طوفانه الكاسح معاقل المستبدين. وتعبر الثورتان بجلاء تام عن توق السودانيين الأبدي إلى الديمقراطية وتعلقهم بها ليس فقط كنظام عادل للحكم والتفاكر وإنما أيضا كوسيلة لتحقيق إنسانيتهم كأفراد ورثوا حرية الرأي والجهر به انطلاقا من خلفيتهم البدوية ولم يتعودوا السير قرب الحائط منكسي الهامات. ومن ينظر في تاريخ السودان يجد فيه مصداقا على وجود تلك الدورات المتعاقبة والانتقالات من السكوت على الظلم إلى الثورة عليه، فقد كان ذلك شأن السودانيين في الثورة المهدية في أعقاب استبداد دام ستين عاما وفي ثورة 1924 وفي القتال الباسل الذي خاضته قبائل الدينكا والنوير ضد الحكم البريطاني أول قدومه على البلاد كما كان ذلك شأنهم في ثورة الاستقلال وليكونن ذلك شأنهم إلى أن تنطوي صفحة المستبدين والطغاة وينتشر نور الديمقراطية في الأنحاء.

مضت عقود عديدة على ذلك التاريخ المجيد جرت خلالها مراجعات كثيرة حول هبة أكتوبر الشعبية فاعترفت الثورة ببعض ما تمتع به غرماؤها من فضائل وما وقعت فيه الثورة نفسها من خطأ أو قصور دون أن يحجب ذلك عن الثورة وهجها المؤتلق ولم يجردها من شرعيتها وتاريخيتها.وحاليا يميل السودانيون إلى الإعراب عن احترامهم للرجل الذي كان على رأس النظام الذي أطاحت به الثورة وهو الفريق إبراهيم عبود وليس ذلك فقط لفضائله الشخصية ( من نزاهة وتقوى وتواضع وروح أبوي وضعته فوق كل العسكريين الذين حكموا السودان) ولا لحسنات نظامه الذي يبدو الآن، وباستدبار المعطيات، أفضل حكم عسكري عرفته البلاد وإنما أيضا لروحه الأبوي وبعده عن ارتكاب الفظائع التي أقدم عليها من خلفوه في حكم البلاد.ويميل السودانيون إلى الاعتراف بالمظالم التي جرى ارتكابها باسم الثورة ويخصون بالذكر شعار "التطهير" الذي أطاح ببعض رجالات الخدمة المدنية في ذلك الزمان ثم صار سنة يتبعها الدكتاتوريون في الفتك بموظفي الخدمة المدنية واستبدالهم بقليلي الخبرة من المتظاهرين بالولاء.ولكن ما حرك الثوار عام 64 كان شيئا مختلفا عن كل تلك الاعتبارات فحينها لم يكن قد مضى على الاستقلال سوى ثمانية أعوام وكانت أحلامه لا زالت تملأ أفئدة الجماهير ثقة بمستقبل باهر يفتح أبواب التقدم والنماء أمام شعب ذكي وبلاد مليئة بالإمكانات.وإذا كان نظام الفريق إبراهيم عبود سريع الخطوة بالنسبة للعسكريين السلحفائيين الذين جاءوا من بعده فأنه كان بمقاييس زمانه بطيئا ومترددا وفقير الخيال.وكان الجمهور يرى إمكانية موثوقة لتحقيق المشاريع الإنمائية الكبرى في الداخل واللعب على حبال القطبية الثنائية لفترة الحرب الباردة في السياسات الخارجية بما يساعد البلاد على تحقيق أحلامها.
بعد عشرين عاما من انتصار هبة 21 أكتوبر استخدم السودانيون نفس الأساليب الكفاحية:الإضراب السياسي العام والتظاهر المستمر ليلا ونهارا إلى أن سقط نظام النميري وراح. وكان هذا الأخير قد تحسب لمثل ذلك اليوم وأخذ أهبته لمواجهة هبة شعبية من ذلك الطراز. والواقع أنه لم يأت السودان نظام دكتاتوري إلا كانت أكتوبر في طليعة هواجسه والاستعداد لها ونقضها على رأس أولوياته.ومع ذلك فشل تدبيرهم وداسته أقدام الثوار ولم يبق الآن سوى مواجهة أخيرة ينتهي بعدها عصر الدكتاتوريات والانقلابات إلى الأبد وتشرق شمس الديمقراطية من جديد.ومع ذلك لا بد من الاعتراف بأنه قد تغيرت المعطيات فمنذ الستينات وإلى اليوم تبدل ميزان القوى المادية بين الشعوب والنظم الاستبدادية فاكتسبت هذه الأخيرة وسائل وتقنيات جديدة للقمع والتضليل.فقد ضم المستبدون إلى ترساناتهم الإذاعة والتلفزيون والرصاص المطاطي والغازات المسببة للشلل المؤقت والغثيان إلى جانب السيارات المصفحة وخراطيم المياه قوية الدفع وكافة علوم ووسائل السيطرة على الهياج الشعبي.وتطورت أجهزة الأمن من أيام "الصول الكتيابي" لتشمل أجهزة الأمن الأخطبوطية متداخلة الاختصاصات. أما معسكر الشعوب فلم يكسب شيئا سوى هذا الحلف العالمي ضد الدكتاتورية وهو حلف له أسنان ولكنه لا يريد أن يكشف عنها إلا في الحالات القصوى ولكنه ويل للمستبدين حين يقر النظام الدولي استخدامها لمصلحة الشعوب.فقد رأينا نظام ميلوسوفيتش يندثر تحت القصف ليقف من ثم أمام محكمة التاريخ في لاهاي وها هو النظام العراقي يفتح أبواب سجونه ومؤسساته التسليحية تحت النظرة النارية للشرعية الدولية المتوعدة وهاهم رفاق دربه القدامى يصابون بالذعر وتطيش أحلامهم وهو يرون بعين الخيال ما سيحيق برفيقهم القديم الذي ناصروا فتكه بالكويت والكويتيين في مراهنة غير ذكية على حصان خاسر يحتاج للتحذية على أحسن الفروض.

في ذات يوم تنازع الإسلاميون واليساريون على أبوة أكتوبر وعلى جثة القرشي شهيدها الأول ودارت حول ذلك المعنى مغالطات وجدل طويل فاليسار يدعي لنفسه تدبير الثورة وتحريك جماهيرها والإسلاميون يذكرون دور مرشدهم العام في مخاطبة الجماهير صبيحة الدفن وقبيل الثورة في ندوة مشهودة كانت ندوة أكتوبر التي فجرت الصدام تالية لها بأيام.ولكن الإسلاميين سكتوا عن ادعاء ذلك الفضل منذ أن تحالفوا مع الإمام النميري وبعده على مدى حكمهم الذي امتد 13 عاما حتى الآن.ويبدو أن حقهم أو نصيبهم من الحق في صنع الثورة قد سقط وراح لعدم الاستمرار في التقاضي خاصة بعد أن تحولوا إلى نظام عسكري دكتاتوري يتحسب هو الآخر للإعصار الاكتوبري الذي عودنا أن يهب فجأة ودون إنذار فيطيح بالعروش والأحلام النهارية ويضع حدا لصولة الذئب على الحملان. ولعل بعض المتأسلمين يخجل أن يكون لحزبه نصيب في أنجاح ثورة ديمقراطية مثل ثورة 21 أكتوبر وابنتها انتفاضة ابريل 1985 فيتستر على ذلك الجزء من تاريخ الحزب.ولا غرو في ذلك فإلى وقت قريب كان قائلهم يقول أن الديمقراطية كفر بواح لأنها تنصب الشعب مصدرا للتشريع والسلطات والأحرى أن تكون الحاكمية لله وحده ووضع الشعب شريكا للمولى سبحانه في السيادة والحاكمية عمل من أعمال الشرك بالله أحرى أن يتجنبه المؤمن الحقيقي.ولا يدري المرء أين يهرب المتأسلمون من قوله تعالى:"وأمرهم شورى بينهم" وغير ذلك من الآيات النيرات .ولكنهم قوم استباحوا كل شيء بما في ذلك الآيات النيرات ليعتلوا مركبة السلطة ويظلوا فيها ولو كانت تسير في الطريق المؤدي إلى جهنم وبئس المصير.


* *


بعد نجاح الثورة تسيد اليسار السوداني بصورة بدت منفرة للكثيرين مما ألب على الثورة عناصر الوسط واليمين، وبعد قريب من الأشهر الثلاث كان الحكم الديمقراطي الجديد ينكر على الثورة كونها ثورة إعمالا لمنطق شكلاني سقيم ويندد بمنجزاتها وينازع الطلاب واليسار وشرفاء العسكر شرف القيام بإشعال فتيلها وإنجاحها.ولم تمض أربع سنوات حتى كان العسكر يجثمون على صدر الشعب من جديد وللمفارقة كانوا يفعلون ذلك باسم الثورة الاكتوبرية التي قيل أنه كان لهم في أنجاحها دور مشهود إلا أن نصيبهم سرعان ما تمدد ليصبحوا آبائها الوحيدين ثم باخ بنظرهم كل ذلك فحكموا على ثورة أكتوبر بالنقض والبطلان وصار انقلابهم هو الثورة الحقيقية وظل الحال على ذلك المنوال إلى أن جاءت أكتوبر الثانية عام 1985 فأطاحت بحكم العسكر ولكن إلى حين ففي يونيو 1989 تسللت عصابة من الانقلابيين مرة أخرى لتطيح بالدستور والرئيس المنتخب وتفرض حكما ظلاميا هد قوي البلاد وألبسها لباس الخوف والجوع والذل والمسكنة ووضعها في مؤخرة دول العالم فقرا وجهلا وأوبئة وتصحرا فصارت عبرة لمن اعتبر.والآن تجنح شمس المتأسلمين إلى الأفول وذلك على مرحلتين: مرحلة التخلص من المرشد العام لجماعتهم وما يمثله من مبادئ والمرحلة الثانية هي مرحلة التخلي النهائي عن المبادئ والسير في ركاب العسكريين على نحو من الذل الفاجع والانهيار.ويخشى عقلاء السودانيين عقابيل هذه المرحلة الأخيرة حيث يسيطر على أقدار البلاد نفر من الخائفين المروعين في مرحلة حاسمة قد تنتهي بتقسيم السودان إلى دويلات.وليس أدل على ذلك الوجل من المناحة الرسمية التي حفت بصدور قانون سلام السودان في أمريكا والذي هو من أضعف ما صدر عن الإدارة الأمريكية من قرارات وهو أيضا لا يؤذي ولا يضر وليس له من قيمة سوى قيمته الزجرية ضد دولة أصبحت من طلائع الدول الناشزة وليس مستبعدا أن يقوموا بضمها إلى" محور الشر" في يوم قريب.
وختام القول إن ثورة أكتوبر قد دخلت التاريخ السوداني لتبقى وتعيش وتفرخ وإذا تأخرت في العودة لتخليص الشعب من آلامه فأن ذلك أمر متوقع في ظل التوازنات الجديدة بين الشعب وجلاديه.وحتم من الحتم أن يبزغ نورها مرة أخرى فتضيء سهوب السودان مرة أخرى بنور الديمقراطية الثاقب الوضاء وتترعرع في رحابها الأحلام القديمة بسودان جديد يتوثب لأخذ مقعده في طليعة الشعوب العارفة المدربة ولا نرى أن ذلك يوم بعيد.


من وقائع الثورة

أيام تدير الرأس(1)


في البدء كانت هنالك كلية غردون التذكارية التي طورها كفاح الخريجين السياسي إلى كلية جامعية وقفز بها الاستقلال إلى جامعة كاملة ثم أعطاها الاستقلال نفسه فرصتها الذهبية لتزيد أعداد منسوبيها وتتحول من جامعة صغيرة لبضع مئات من الطلاب إلى جامعة رحبة تضم الألوف.ويعود معظم الفضل في ذلك إلى جلاء الجيش البريطاني عن البلاد وأيلولة ثكناته إلى الجامعة الوليدة لتحولها إلى داخليات لطلابها .ولكنها لم تكتف بالثكنات الموروثة عن الاستعمار وإنما مضت تقيم المباني الجديدة في الميادين والملاعب والمساحات الخضراء التي آلت إليها لتزيد طاقتها الاستيعابية لطلابها المتزايدين.وبحلول عام 1964 كان العدد الأكبر من طلاب الجامعة يقيم في منطقة الثكنات السابقة بينما أخذت مباني غردون التذكارية تتحول إلى كليات ومعامل وقاعات للدرس والامتحانات.
في اكتوبر1964 تداعى طلاب الجامعة إلى ندوة سياسية قرروا عقدها في منطقة الثكنات السابقة أي في الداخليات التي تأوي القسط الأكبر من طلاب الجامعة وكان في ذلك رسالة غاب فهمها على السلطات الأمنية لذلك الزمان فقد كانت الندوة تقام في السكن الرسمي لغالبية طلاب الجامعة أي في الموئل الذي يفزع إليه أولئك الطلاب إذا اصطدموا بالسلطات في شوارع الخرطوم أو في الحرم الجامعي حول الكليات .أما إذا أقيمت الندوة في المنطقة التي يسكنها الطلاب فذلك يعني أنه لم يعد لأولئك الطلاب من خيار سوى المقاومة المستميتة دفاعا عن ملاذهم الأخير. وفي ذلك وجه شبه بالقطة الأسطورية التي تلجأ للهجوم متى أغلقت بوجهها الأبواب وأظلمت الغرف وهو بالضبط ما حدث في تلك الليلة التاريخية.فبعد افتتاح الندوة بدقيقة أو دقيقتين انطلقت مكبرات الصوت بأيدي قوات الشرطة تطلب من الطلاب فض الندوة والتفرق ولم تفكر الشرطة إلى أين يكون ذلك التفرق فالطلاب في منطقة سكنهم وليس لهم من مأوى ولا سكن سواها وليس لهم من ملاذ غيرها.ويبدو أن تلك المعاني كانت واضحة في ذهن ممثل اتحاد الطلاب المكلف بإدارة الندوة فقد رد على تلم النداءات بهدوء طالبا من الحضور التشبث بأماكنهم والاستمرار في الندوة.وعند ذلك أنقطع التيار الكهربائي عن المنطقة وانهمرت عليها الغازات المسيلة للدموع . وفي الظلام الذي ساد المكان فقدت قوات الأمن تفوقها النوعي (ميزتها النسبية بلغة الاقتصاديين) وانهالت عليها حجارة الطلاب فلم تعد تعرف ماذا تتقي ومم تروغ وبدلا من الهرب من وجه قوات الأمن وجد الطلاب أنفسهم ملتحمين بتلك القوات في صراع رجل لرجلMan to man وحين لجأت الشرطة إلى إطلاق الرصاص كان ذلك بمثابة صيحة اليأس الأخيرة فلم يعد أمام الطلاب من مناص سوى الاستبسال في المقاومة حتى النهاية وما بعد النهاية.

بعد قريب من الساعتين انجلت المعركة عن طلاب جرحى وعن أول شهيد لحركة الطلاب السودانيين - الشهيد القرشي الذي أردته رصاصة غادرة وهو يقف مع رفاقه في الصفوف الأمامية بمواجهة الشرطة.وحين نقول الصفوف الأمامية أعني الداخلية التي كانت تعرف باسم داخلية بحر الزراف فمن ناحيتها(من جهة الشمال)جاء الهجوم على الندوة وبحر الزراف هي الخط الأمامي واقرب الداخليات إلى المهاجمين.وهنالك حديث سخيف عن أن الشهيد العظيم كان متوجها إلى الحمام أو خارجا منه فأصابته رصاصة طائشة فذلك نفسه حديث طائش إذ كان مستحيلا في تلك الظروف أن يفكر أحد- مجرد تفكير – في أخذ دش بارد وقوات الشرطة تصوب نحوه غازاتها ثم طلقاتها القاتلة. وشخصيا لم أعرف الشهيد ولست معنيا بنوعية انتمائه السياسي ولكنني مهتم بأن تأخذ شهادته ملابساتها الحقيقية وبالتالي جلالها وتقديرها عند الأجيال فهو لم يكن فارا أو هاربا أو ساعيا للاختباء وقد لقي ربه في طليعة رفاقه وعلى الخطوط الأمامية- على خطوط النار والخطر.
لقد مات معه وبعده كثير من شهداء ذلك المساء وما بعد ذلك المساء ولكنه أخذ الاسم بتعبيرنا السوداني فقد كان أول رعيل الشهداء وقائدهم إلى جنات الخلود وتحت صورته المأخوذة عن الكارنيه الجامعي سارت مواكب الثورة إلى نصرها النهائي. إلا أنه وبسبب من شهادته المجيدة لم يطرف لنا جفن بقية ذلك المساء فقد كان مطلوبا منا التوجه إلى مشرحة مستشفى الخرطوم الملكي وحماية جثمانه الذي كانت القيادة الطلابية تخشى أن تحاول سلطات الأمن سرقته وإخفاءه عن العيون تسترا على جريمتها في اغتياله على ذلك النحو المنكر.وفي مكان كئيب مفروش بالحصى قضينا ليلتنا الدامعة منتظرين أن يأتي لصوص الجثث ويقع الاشتباك الكبير.ولكن أحدا لم يأت ليحاول ذلك الفعل القبيح ويبدو أن ترتيبا ما قد تم مع أطباء المستشفى فقد جرى تأمين الجثمان بصورة من الصور وصار مسموحا لنا العودة إلى داخلياتنا لنغتسل ومن ثم نتوجه إلى ميدان عبد المنعم (ذلك المحسن حياه الغمام) لتشييع الجثمان وإكمال ما بدأ من فعل الثورة المجيد.



أيام تدير الرأس(2)

بعد إفطار سريع مبكر عن مواعيده خرجت جامعة الخرطوم متجهة إلى ميدان عبد المنعم لتشييع الشهيد القرشي.وكان الحزن هو السمة الغالبة على ذلك المشوار الطويل ولكنه كان يتحول رويدا رويدا إلى غضب حارق مدمر.وكان مثيرا لأقصى درجة لقاء تلك المظاهرة الصامتة بمواكب من مختلف المدارس والنقابات والهيئات تتخذ هي الأخرى طريقها إلى ميدان ذلك المحسن حياه الغمام. ووقتها كان اكبر ميادين المدينة ولم تكن قد نشأت فيه أيا من تلك المباني التي شيدها فيه –فيما بعد – النظام المايوي البائد ولم يكن اسمه قد تغير إلى ميدان الأسرة بدلا عن اسمه القديم. وكان مؤثرا جدا منظر الموكب الصامت لطلاب المدرسة الإنجيلية الذين حملوا في مقدمة موكبهم قماشة سوداء دلالة على الحزن. ومع أن الوقت كان مبكرا إلا أن الكثيرين وجدوا الوقت لاستنساخ صور الشهيد ورفعها شعارات لتلك المواكب.
في الميدان الكبير وقفت شاحنة كبيرة عليها الجثمان وكان في قمتها الدكتور الترابي والدكتور حسن عمر. وقد تولى الدكتور الترابي الجانب الديني في مقتل القرشي منهيا حديثه برجاء للحضور بالتزام الهدوء بينما تناول الدكتور حسن عمر منه الميكرفون وقال كلاما مناقضا لفكرة التزام الهدوء.وبالفعل لم تكد تنتهي تلك المراسيم حتى قام الجمهور بقلب سيارتين من سيارات الشرطة وإشعال النار فيهما.وعلى اثر ذلك انطلقت من نفس الميدان أولى المظاهرات الاكتوبرية التي كان مقدرا لها أن تسقط النظام العسكري في اقل من أسبوع.

• *

بدا لي مهما جدا التعبير لعائلة القرشي عن تقديرنا لفقدها الجليل وللتضحية البطولية التي أقدم عليها ابنها المقدام ورأيت من المناسب المشاركة في التشييع والدفن في القراصة قرية الفقيد. وفي قرابة الخمسين من الزملاء ركبنا الشاحنات المتوفرة إلى تلك القرية التي دخلت التاريخ الكفاحي للسودان من أوسع أبوابه. وبعد الفواتح الأولى مع عائلة الشهيد تحرك جمعنا إلى مدافن القرية حيث رأيت للمرة الأولى في حياتي كيف يقوم أهلنا في الجزيرة بمراسم الدفن.فعلى تلك الأيام كان الدفن في كردفان يتم بطريقة مغايرة إذ كان هنالك دائما قرميد في استراحة المقبرة وكان من واجباتنا في الطفولة أن ننقله إلى حيث يحفر القبر الجديد ليتم رصفه فوق "ود اللحد" بقوة وإحكام ومتى تم ذلك شرعنا في إهالة التراب على المقبرة بالواسوق ثم تقبيبه(جعله على هيئة القبة) فوقها للضمان.أما أهل الجزيرة فكانوا يصنعون اللبن من تراب الجزيرة الأسود الكثيف ويضيفون إليه ما توافر من القشوش ويصنعونه بحجم اللحد ويرصونه فوقه إلى أن يتساوى ببقية القبر ومن ثم يهيلون التراب بالواسوق أيضا.
بكينا وهتفنا في المقبرة وردد الزملاء ورائي كلاما بسيطا من نوع:"هبي هبي يا نسمات الجنة..هبي هبي للشهداء"وذهب البعض إلى أنني ارتجلت قصيدة عند دفن الشهيد وذلك لم يحدث فقد كان الشعر يعتمل في خاطري طيلة الوقت وفي أول خلوة لي مع الورق أفرغت ما اختزنه قلبي من الحزن والفخار:

كان في قريته الذرة
مثقلة الأعواد بالثمار،
والقطن في حقولها منور، ولوزه نضار
وكان في العشرين لم ير
ألفا من الشموس مقبلة
ولم يعش هناءة الزفاف.
ولم يكن في فمه أكثر من هتاف
ولم يكن في يده أكثر من حجر
وكان في المقدمة
على خطوط النار والخطر
فجندلوه بالرصاص داميا منتفضا
وفي أكف صحبه قضى.

**

تعطر الثرى بدمه واختلج التراب
أجفل صبح قادم وشاب
وقف شعر النجم والأجنة
هب عليه بالرضا نسيم الجنة
ثم تصاهلت خيول المركبة
واصطففت أجنحها المرحبة
وهكذا على وسادة من الريش الوثير
تصاعدت إلى السماء روحه الزكية
إلى النعيم بطلا وثائرا
وقائدا رعيل الشهدا
ورمز إيمان جديد بالفدا
وبالوطن.


كان مفروضا أن يجد اسم القرشي مكانه في أسماء الشوارع والميادين وفي طوابع البريد التذكارية وقاعات الجامعات ولا اعرف من هو ذلك الذي حال دون تلك المظاهر للتكريم هل هي النظم السياسية المشغولة بنفسها عن الآخرين أم هو ذلك النزاع الأول حول الاتجاه السياسي للفقيد أم هو حرد عائلي نأى بنفسه عن الشهرة والهيلمانات.وفي كل الأحوال اعتبر ذلك نوعا من الظلم للشهيد الجليل سواء كان سببه النظم السياسية أو الرغبات العائلية . وما عدا تلك الحديقة في الخرطوم ثلاثة وذلك التمثال الذي صنعه له الفنان محمد عبد الله الريح ونصبه في مدخل الجامعة فليس هنالك ما يخلد تضحيته الكبرى وجوده بالروح من اجل ثورة الشعب فسلام عليه في الخالدين.


أيام تدير الرأس(3)

في أوائل الستينات بدا العالم صلصالا مطاوعا سهل التشكيل – كل شيء بدا ممكنا وكل العناقيد في متناول اليد..فلم يكن مستحيلا أن تتحول صحارينا إلى الخضرة اليانعة وتمتلئ سماواتنا بأبراج المداخن وتتحرر الكونغو وارتريا وموزامبيق وتقوم الوحدة القارية بين دول القارة الإفريقية تماما كما حلم بها نكروما ورفاقه. .وكان نكروما يحلم بالمستقبل الأفريقي الزاهر حيث تضيء الأمكنة النجمة السوداء التي نصبها في ميدان شهير بالعاصمة الغانية أكرا. وكنا أيضا نحلم ولكن دون أن نفرق بين الحلم والحقيقة والممكن والمستحيل فقد كان العالم يولد أمام أعيننا حارا وطازجا وكنا نعيش تلك الأيام التي تدير الرأس- أيام الاستقلالات الأفريقية والعالم-ثالثية.

في تلك الأيام وفد علينا محمد أبو القاسم، الفتى الاتحادي المتفلسف الذي رفض الانضمام إلى الجامعة مكتفيا بقدراته الشخصية على الاطلاع والنظر المستقل.وأيامها كان مساندا لحزب الشعب وزعيمه التاريخي الشيخ على عبد الرحمن الممثل الأكثر نصوعا للتيار التقدمي بين علماء الإسلام فقد كان بجبته وعمامته الأزهرية يتصدر جموع الناصريين يوم كانت الناصرية تعني التقدم والنهضة تحت النموذج اللاديمقراطي للتيار الناصري.وكانت رأس أبو القاسم تمور بألوان من القراءات الفلسفية والسياسية وأشكال من الرغبات والأماني الجيفارية هي التي دفعته إلى ارتريا وصحوتها السياسية الناهضة بقيادة عثمان سبي وبتمثلات بطولية للمقاتل الأسطوري إدريس عواتي.وهكذا ونحن في أول دراستنا الجامعية أتانا محمد أبو القاسم بالسيد عثمان سبي وأجلسه معنا في صالات الطعام الجامعية وتركه يثقفنا عن الدولة الإفريقية الصغيرة التي عهدت بها الأمم المتحدة إلى النجاشي ليتدرج بها نحو الاستقلال فاختار النجاشي أن يعقد استفتاء مزورا ويضمها إلى إمبراطوريته. وفي أول خطوة نحو التحشيد السياسي من اجل ارتريا دعانا محمد إلى السفارة الصومالية التي كان يزورها وفد وزاري صومالي لنعلن فيها قيام جمعية الصداقة مع ارتريا الثائرة.

كان عثمان سبي رحمة الله عليه ناظرا لمدرسة في ارتريا قبل أن يتفرغ لقيادة الثورة وكان رجلا بشوشا متواضعا ولكن فارق العمر بيننا وبينه لم يكن يفتح مجالا كبيرا للصداقة الشخصية.وفيما بعد وجدت رغبة الصداقة إشباعها الكامل في الثائر الشاب محمد نور(سفير ارتريا المستقلة إلى بكين وفي وقت من الأوقات رئيس الإدارة الآسيوية فيها) وفي المثقف الممتاز عمر جعفر الثوري(وأحيانا السوري).وكان محمد نور بشلوخه الشبيهة بفصدات البني عامر سهل المرور كمواطن سوداني وبسبب من غضارة سنه يمكن أن يكون طالبا في الجامعة. وربما لذلك نشأت بيني وبينه تلك الصداقة الشخصية التي عبرت عن نفسها يوم سرت إشاعة عن اعتقاله وربما إبعاده عن السودان في الأيام الأولى لحكم ثورة أكتوبر .فقد كتبت بوحي تلك الصداقة مقالة عن شخصه الودود ومناقبه الثورية وطالبت بالإفراج عنه وإطلاق كامل حريته في الحركة والدعاية لقضيته الارترية.وبعد أشهر من ذلك المقال ظهر محمد نور وأكد أنه لم يكن معتقلا وعلى العكس كان في مهمة ثورية لم يبح عن تفاصيلها وكان العزاء أن مقالتي ربما ساعدته على انجاز مهمته بتوفيرها نوعا من الغطاء لتحركاته بزعمها أنه رهين المعتقل.
دار الزمن دورته ومضت ثلاثة عقود على تلك الأحداث فقدنا فيها الاتصال وآثار أقدامنا على رمال الزمن ثم فجأة وفي حفل استقبال أقامه لنا الرئيس اسياس افورقي باسمرا لمحت وجه محمد نور بين الوجوه ولم يكن قد تغير فيه شيء عدا الشعرات البيض التي حفت بالوجه من مقدمة الرأس إلى الفودين.
غادرنا قاعة الحفل إلى الفناء الخارجي وتحت نجوم اسمرا الجبلية روينا لبعضنا باختصار ما فعلت بنا الدنيا وما حاولنا فعله فيها.وكان الوفد السوداني يقوم بمهمة عسيرة في العاصمة الارترية في ظل علاقات متوترة ورغبة مبيتة لإفشال مهمته وكان الدكتور الارتري الذي تفاوضت معه حول بيان الزيارة الختامي يرفض الإقرار بأن وفدنا قد جاء بناء على سابق دعوة واتفاق وكان محمد ملما بالتفاصيل ولكنه كان قلقا من تبني السودان للحركات الإسلامية الارترية وكان يؤكد لي أن بقاء ارتريا وسلامها رهن بتوازن القوى داخلها بين الإسلام والمسيحية فمتي فقد ذلك التوازن ضاعت البلاد. وكان يمثل على ذلك بصعود الإسلام في خمسينات القرن الماضي الذي روع المسيحيين وجعلهم يصوتون للوحدة مع إثيوبيا استقواء بها على الإسلام.وحاليا من الممكن أن يقود أي خلل في توازن القوى إلى حرب أهلية تمزق البلاد.
عدنا إلى قاعة الاحتفال وقدمني محمد للرئيس افورقي بصفتي صديقا قديما للثورة الارترية وربما كان في ذلك بعض العون للمهمة التي جئنا من اجلها ففي صباح اليوم التالي كان المفاوض الارتري ينقر على شباكي(وليس بابي) بفندق السلام الشديد التواضع ويدعوني للاستمرار في كتابة البيان الختامي للزيارة.


أيام تدير الرأس(4)


كان محمد أبو القاسم فتي اخضر اللون صافيه يتوج رأسه شعر ناعم أثيث.وكان على هيئة من الامتلاء وحسن البناء تميل به إلى القصر.وعندما يتحدث لغة المثقفين كان يغمض عينيه ويسترسل كأنما يقرأ من كتاب.ولكنه كان يحذق تماما كلام البلد وكلام السوق ولا أنسي يوم جاء إلى مجلسنا في نادي أساتذة جامعة الخرطوم في ذلك اليوم الدامي من أيام الثورة في أكتوبر وصاح فينا: قاعدين في الضللة يا أفندية والشعب محاصر القصر.ولم يكن ذلك خبرا صحيحا مائة بالمائة فقد كان حصار القصر في بواكير بداياته وقد قطعنا المشوار من الجامعة إلى القصر سيرا على الأقدام لنجد أن الناس اخذوا لتوهم بالتوافد على المكان ومضى وقت غير قصير قبل أن تتكامل عدتهم ويمثلوا حصارا حقيقيا للقصر.
وقفنا في الركن الأقصى للميدان من ناحيته الشرقية أي ناصية وزارة التجارة وكنا حائرين ولا ندري لماذا جئنا وما هو المطلوب منا إذ لم تكن هنالك شعارات محددة مطلوب منا ترديدها تعبيرا عن تلك الوقفة وقد تبادر لذهني ساعتها أنه كان علينا أن نبقى حيث نحن كنواة لكتلة بشرية ستظل تكبر وتكبر إلى أن يختنق القصر تحت وطأتها ويخرج منه بيرق الاستسلام.ولكن الأحداث حفرت مسارها الخاص وفرضت منطقها في النهاية فقد جاءت مدرعة صغيرة واطل منها وجه شديد الشبه بأحد أركان النظام العسكري الحاكم وذلك بقرينة سواد البشرة الفاحم والشلوخ القبلية المستعرضة. ويبدو أن الناس الذين كانوا في مسار المدرعة اسمعوها كلاما أو اعترضوا طريقها بصورة من الصور فبدأت بإطلاق النار. وكانت نارا اتوماتيكية كثيفة ولكنها متقطعة ومتعددة الاتجاهات.ورأيت الولد الشاب الذي يقف جواري يرفع يده إلى خاصرته حيث كان دم احمر فاقع الحمرة قد أخذ بالانبثاق.ولم يكن ذلك اندفاعا وئيدا من خلال الفتحة التي أحدثتها الرصاصة وإنما كان انبهالا للدم كأنك أخذت مدية وأحدثت بها فتقا عرضيا (أو طوليا) في قربة مملوءة فاندلقت محتوياتها كلها في وقت واحد.
تبعثر الناس في أرجاء المكان ودخل بعضهم في مياه النوافير المقامة وسط الميدان أما مجموعتنا أمام وزارة التجارة فلم يكن أمامها من مهرب سوى التقهقر إلى الخلف عن طريق شارع الجامعة ونحو الجامعة نفسها.ولكننا فوجئنا بأرتال طويلة من العساكر والضباط مصطفين على جانبي الطريق –على جانبيه وليس في وسطه فقد تركوا لنا ثغرة مفتوحة نتراجع عبرها إلى حيث جئنا.
كنا نحمل على وجوهنا سيماء هزيمتنا وغبارها وكان بعضنا حفاة ففي تلك المعارك غير المتكافئة يفقد المدنيون أحذيتهم وعمائمهم ووقارهم.وفي أحيان كثيرة أرواحهم. وخلال مرورنا بين صفين من المسلحين كان ممكنا إبادتنا بصورة كاملة ولكن ما حدث كان يدير الرأس حقا فبدلا من ضربنا ونحن مطوقون بذلك الشكل كان الضباط يلقون علينا كلمات التشجيع وينثرونها علينا كما تنثر الرياحين وباقات الورد على طابور انتصار .
غمغم في أذني احد الضباط: لا تركضوا ولا تهرولوا ..امشوا على مهلكم ..ليس هنالك ما تخشونه. وزعم احد الناس أن الضباط قالوا له أن يدلف الجمع إلى شارع الجمهورية ليواصل التظاهر.وقد عملنا بنصيحتهم وفي شارع الجمهورية الخالي من البشر رأيت أناسا يرشقون العمارات بالحجارة ورأيت السيدة زكية مكي ازرق (والدة الشاعر المبدع المعز عمر بخيت) طيب الله ثراها تصيح بالمتظاهرين أن يسلموها لهم (تريد الحكام وتريد الخرطوم) شعلة من النيران.وحين أكملنا الدورة عائدين إلى ميدان القصر من ناحيته الجنوبية هذه المرة كانت جمهرة من الناس تقاوم عضليا ولدا نوباويا محكم البنيان كان يريد أن يهاجم ثلة من العساكر قال أنهم قتلوا شقيقة للتو والحين.وكان خمسة رجال يأخذون بوثاقه فينهض بهم محاولا الاندفاع إلى قتلة شقيقه بيديه العاريتين .ولم تهدأ ثائرته إلا حين اقترح عليه احد العقلاء أن يذهب معهم إلى المستشفى ليرى هل قتيل شقيقه أم جريح يرجي شفاؤه .
وفي مستشفى الخرطوم الملكي كنا أمام بطولات من نوع آخر يقوم بها الأطباء السودانيون ذوي الوطنية العالية في إسعاف الجرحى بقلوب متعاطفة مع الشعب وضعت أطباء السودان في الذروة العليا من قمم الوطنية والعطاء.
وفيما بعد وبعد انقلاب 25 مايو عرفنا أن الضباط الذين رفضوا ضربنا وأفسحوا لنا طريق التراجع والقوا علينا كلمات التشجيع كانوا من الضباط الأحرار الذين انحازوا إلى أبيهم (الشعب) ضد قادتهم ورفاق سلاحهم من كبار الجنرالات. ورغم ما حدث بعد ذلك من انحراف مايو عن مقاصدها وبعد خيبة الأمل التي أصابتنا في البزات العسكرية على وجه العموم فأن ذكرى ما حدث في ذلك اليوم البعيد لازالت تشيع الدفء في قلبي وتملأه بالحنو والتسامح والحب لكل أبناء بلادي فعلى نحو من الأنحاء أدين لهم بهذه السنوات التي عشتها منذ تلك الأيام التي تدير الرأس وحتى الآن.


[COLOR="Red"]للمقال بقية..

الطيب ادريس
21st October 2010, 12:17 PM
الطيوب الضبياني


انت الايام دي بتكون مشغول بتحصيل الايجارات مش صاح؟

مرة سألت ود الضو قال لي قريبك ده عنده ( عمي ألوان بالليل ) ههههههه الاّ نقودوا ..
ده شغل محاسبين .. انت ما بتعرف تفرز بين اللبن والروب والغباشة :008:
أكتب يا شيقوق نهارا جهارا أحسن ليك العين شايفة !

الطيب شيقوق
21st October 2010, 12:41 PM
والغباشة

دي شنو آآآآآآآآآآآآ الزاكي ؟

شكيت محنك يا الضبياني

اقبال حجار
21st October 2010, 01:56 PM
سلام وكل سنة وانتو طيبون:
ود شيقوق الغُباشة :هي الروب(والروب هو اللبن المخشوش في السعن ومطلعين منو الفُرصة أو الزبدة ) مضافاً إليه الماء لمزيدٍ من الإرتواء.
بس مايكون عندكم غباشةً تاني ياناس البطانة:nono::nono::nono:

اقبال حجار
21st October 2010, 03:36 PM
YouTube - &#x202b;?????? ??????(????)&#x202c;&lrm;


اسمك الظافر ينمو في ضمير الشعب ايمانا وبشرا
وعلى الغابة والصحراء يلتف وشاحا
وبأيدينا توهجت ضياء وسلاحا
فتسلحنا بأكتوبر لن نرجع شبرا
سندق الصخر ..
حتى يخرج الصخر لنا زرعا وخضرا
ونرود المجد..
حتى يحفظ الدهر لنا إسما وذكرا
بسمك الأخضر يا أكتوبر الأرض تغني
الحقول اشتعلت قمحا ووعدا وتمني
والكنوز انفتحت في باطن الأرض تنادي
بسمك الشعب انتصر ..
حائط السجن انكسر..
والقيود انسدلت جدلة عرس في الأيادي

الطيب شيقوق
21st October 2010, 04:10 PM
سلام وكل سنة وانتو طيبون:
ود شيقوق الغُباشة :هي الروب(والروب هو اللبن المخشوش في السعن ومطلعين منو الفُرصة أو الزبدة ) مضافاً إليه الماء لمزيدٍ من الإرتواء.
بس مايكون عندكم غباشةً تاني ياناس البطانة:nono::nono::nono:

مضافاً إليه الماء لمزيدٍ من الإرتواء.

هههههههههههههههههههههههههها شكيت محنك

الطيب ادريس
22nd October 2010, 10:15 AM
http://www.rayaam.info/news_images/10212010125031PM13.jpg

الطيب شيقوق
22nd October 2010, 10:05 PM
http://www.rayaam.info/news_images/10212010125031pm13.jpg


شكرا شكرا شكرا اخي الطيب على هذه اللقطة الرائعة

السني أبوالعزائم
22nd October 2010, 10:23 PM
والقيود انسدلت جدلة عرس في الأيادي


دة واحد من أبيات الشعر البتموتني عديل كدة ،،، بالغ ود المك بمقدرته التصويرية في البيت دة،،، ود شيقوق،،، عليك الله اسسسرح مع البيت ده زي ما عاوز،، وخلي خيالك يمشي محل ما ماشي

عمار محجوب محمد زكي
23rd October 2010, 09:01 AM
دة واحد من أبيات الشعر البتموتني عديل كدة ،،، بالغ ود المك بمقدرته التصويرية في البيت دة،،، ود شيقوق،،، عليك الله اسسسرح مع البيت ده زي ما عاوز،، وخلي خيالك يمشي محل ما ماشي

الأخ السني إعجابك بهذا البيت يدل على حسك الفني المرهف وهو بيت رائع بكل ما تحمل الكلمة من معنى .. كتب الأخ عصمت عبدالجبار التربي ما يلي:

هل تأملتم هذه الصورة الجميلة , كيف ربط الشاعر بصورة محببة لنا وهي جدلة العرس الحريره الحمراء يلبسها العريس في ليلة زفافه وكيف قارنها بالقيود التي تدلت من الايدي بعد ان تحطمت , لله دره .