المساعد الشخصي الرقمي

مشاهدة النسخة كاملة : الغربة سترة حال!!!


الصفحات : 1 2 3 [4] 5 6 7 8 9 10 11 12 13 14 15 16 17 18 19 20

الطيب ادريس
10th June 2010, 10:48 AM
كتبت الأستاذة سمية طلحة :

وبرضو كلمة حوار دي فيها معاني كتيرة... منها : جنا ألبل الصغير

بلحيل يابدوية مفازة البطانة البلا حدود ..

http://t1.gstatic.com/images?q=tbn:fcNZX_SWjz9eNM:http://www.mstaml.com/imagesData/f-81506.jpg

جنا البل ( الحاشي القعود) اسمه الأصلي ( الحّوّار ) وياسلام علي الأصالة والله أنا لي قريب الثلاثين سنة ما سمعت كلمة حوار .. من زمن الرعية واللعوت والكتر ( وزّنة أبو الزّنان ) لابسين حجباتنا وقنابرينا مصنقعة لي فوق :)

وقال ود شوراني في حنين الابل :

اللخَـدَر عَـنَانِيف الـجَـري الـنُّدَّارْ

جَنْ جَارْيَاتْ ورَاكْ دَايْرَاتْ خَلاسْ التَّارْ

وَكْتَينْ جَرَنْ وَصَلَنْ مِيسْ العِنَادْ الحَـارْ

جِيتْ وَشَّكْ خَلاَ وضَهَرَكْ وَرَاهُـو كُتَارْ

فالإبل تتسم بصفات إنسانية، فلها حنين غير مسبوق، وتوقها للحن والغناء لا يرقى إليه أدنى شك.

أحدَبْ مـن قُـدام قَفَـاكْ مُنْـضَّــمْ

أفَزَرْ سَاقَكْ رَدِيحْ كُرعَيكْ مُواقْـعَ النَّمْ

السَّبَبْ اليَبَّسْ لَهَاتَكْ واخْفَافَكْ مَلاهِنْ دَّمْ

بلا الزَولْ المَرَشَّمْ فَـوقْ فَرِيـقْ الشَّمْ

الطيب شيقوق
10th June 2010, 12:45 PM
عافي منك آآآآآآآآآ الطيب ود دريس اقدل ونحن متابعون

وداد عوض
11th June 2010, 06:12 PM
هوي يا ناس الدار
وينكم الليلة........

جمعة مباركة..

وعلى ذكر أهل الدار نسأل الله أن يحفظ
من غادرونا من الغربة لبلداً "ضلولا نخيل"..
ونقول معاهم للحاضرين:
"لا شوفتن تبل الشوق لا "قولن" يطمن..
أريتكم طيبين وسالمين...

وتبقى الغربة سترة حال

وداد عوض
12th June 2010, 08:03 PM
ما أن تذكر الغربة
حتى تسترجع شريط ذكرياتك
لأغنيات خالدات
ارتبطت بالغربة إرتباطاًًًًًًً وثيقاًًًًًًًًًًًًًًً .....

ولعل أغنية الطير المهاجر
واحدة من هذه الأغاني الخالدات المرتبطات
بالغربة أشد الارتباط....

و كان الفنان المبدع محمد وردي
قد اتقى بالشاعر الراحل صلاح أحمدإبراهيم
في رائعة لك التي أتت متزامنة
مع تهجير أهالي ( حلفا )
إلى خشم القربة بعد قام السد العالي في مصر
وقيام بحيرة النوبة ، فكانت مفردات الأغنية تشعرك
بأنها تتحدث عن تلك الهجرة القسرية
حيث ترك الأهالى كل ذكرياتهم خلفهم وهجروا المنطقة
بتراثها وتاريخها ونيلها ونخيلها

فكانت ( أغنية الطير المجاهر ) تعكس تلك الأحاسيس ،

لذلك فإن الفنان المبدع محمد وردي
قد أجاد في تاليف لحن شجي لها

حيث تقول الأغنية في بعض مقاطعها :


غريب ... وحيد في غربيو


حيران ... يكفكف في دمعتو


حزنان ...... يغالب لوعتو


ويتمنى لو في غربتو



طال بيهو الحنين


فاض بيهو الشجن


واقف ..... يردد من زمن



بالله يا الطير المهاجر للوطن


زمن الخريف


تطير بسراع


تطير ما تضيع زمن


أوعك تقيف



وتواصل الليل بالصباح


تحت المطر ....... وسط الرياح


وكان تعب منك جناح


في السرعة ......... زيد


في بلادنا ........ ترتاح


ضل الدليب ...... أريح سكن


وتبقى الغربة سترة حال .....

سمية الحسن طلحة
12th June 2010, 08:21 PM
سلام الله يغشاكم ولعلكم بخير أخت وداد ماتسأل منك شينة إن شاء الله
وين ياسعادة المستشار باقي لي بتعدي آخر الإسبوع في مكاتات الأرحام
أبو خطاب أمانة ما فتّحت أبواب للحديث
أتواشكوا ياجماعة كل واحد يدخل من باب
بعض الناس يدخلوا من جميع الأبواب:)
لينا بي فال أبو عايشة
....
ياود باقير ما قُتَّ خبير
وين السلمة و وين درب البير
ياشيخنا كمان الشفقة تطير
هداك الوادي و درب البير
...
السلمة المذكورة هي سلمة ودنايل

الطيب ادريس
12th June 2010, 09:12 PM
استاذة وداد :

وكان تعب منك جناح في السرعة زيد !!
صيغة المبالغة والشوق لأرض الوطن ومازلنا نزيد من سرعتنا ونخشي أن يطول التحليق كطائر الهوي :

طائر الهوى جناحه مال غاشه النوى ام الجوى !


فؤاده نغم صوديح غيداق
قد ماج و اضطرم و ضج بالاشواق
كم عاش فى حلم يا ويحه افاق
ضرجه الالم و لوعة الفراق


كتبها الحسين الحسن بحرفه المشجن غناها كابلى بصوته فكساها شجن على شجن ادمنت انا سماعها ومازلت وبشدة !

أختي العزيزة سمية :

تعرفين نقطة ضعفي أمام البطحاني ود نايل :
المجادعة التي دارت بين ود شوراني ونايل البطحاني، حيث قال :
الشيب البخيت برقع سواد اغراسي
لكن قلبي ابداً للدرع مو ناسي
شغلت فكري وحشة تكون وتراسي
تكسير عله في المكتومة بالحيل قاسي


فردَّ عليه ود شوراني قائلاً:

دكتور طبِّي عندو دواى ومنُّو احساسي
تفاح منقة ما هو يسيل وارضو فداسي
سيد قافية غناى الفيهو صافي اخلاصي
عاجب عيني جارح قلبي مكرو سياسي

وغربتنا سترة حال .

وداد عوض
12th June 2010, 09:20 PM
كتبت الأخت سمية طلحة :


سلام الله يغشاكم ولعلكم بخير أخت وداد ماتسأل منك شينة إن شاء الله
وين ياسعادة المستشار باقي لي بتعدي آخر الإسبوع في مكاتات الأرحام
أبو خطاب أمانة ما فتّحت أبواب للحديث
أتواشكوا ياجماعة كل واحد يدخل من باب
بعض الناس يدخلوا من جميع الأبواب:)
لينا بي فال أبو عايشة
....
ياود باقير ما قُتَّ خبير
وين السلمة و وين درب البير
ياشيخنا كمان الشفقة تطير
هداك الوادي و درب البير
...
السلمة المذكورة هي سلمة ودنايل

العزيزة سمية السامية..

دايمة ياكي البوصلة البيك الاتجاهات تتعرف..
تعرفي يا سمية القاسم المشترك
بين سلمة ود نايل وود نوباوي
هو الفنان الذي ظهرت على لحنه
هذه الأغنية واكتسبت شهرتها..

أقصد الفنان الذي ظهر فترة واختفى
دون أثر يذكر سوى أغنيات معدودات..

وهذه واحدة تذكرني بود نوباوي وأم در..
أقصد الفنان نجم الدين الفاضل..



وتبقى الغربة سترة حال
وربنا يستر حالنا وحالك

وداد عوض
12th June 2010, 09:46 PM
كتب الأخ الأستاذ الطيب إدريس:

وكان تعب منك جناح في السرعة زيد !!
صيغة المبالغة والشوق لأرض الوطن ومازلنا نزيد من سرعتنا ونخشي أن يطول التحليق كطائر الهوي :

أخي الطيب اتفق معك تماماً
بأن المبالغة في الوصف جعلت البيت
أقرب إلى النفوس لا سيما
وأن وجهة الطائر هى البلد البشرب من مويته لا بد يعود ليهو..
ولذلك يجد حتى الطائر نفسه منجذباً بقوة خفية ناسياً تعب جناحه

وكأن لسان حاله بقول..

نحن أبناؤك في الحزن النبيل..

شكراً أخي الكريم على المداخلة العميقة المعنى
فوجودكم في البوست يؤكد أن :


الغربة سترة حال .......

الزاكي عبد الحميد
13th June 2010, 07:29 AM
يا ناس الدار سلام..
إنتو مسئولين من الخير ياخوانا
المسنوح وين ولاّ راقدلو فوق راي..

أظهر وبان ليك الأمان..
تحياتي للجميع وبعود بعد شوية للتعليق
على كلام الشاعرة سمية والأرباب..

الطيب شيقوق
13th June 2010, 11:53 AM
يا ناس الدار سلام..
إنتو مسئولين من الخير ياخوانا
المسنوح وين ولاّ راقدلو فوق راي..

أظهر وبان ليك الأمان..
تحياتي للجميع وبعود بعد شوية للتعليق
على كلام الشاعرة سمية والأرباب..

انتي آآآآآآآآآآآآآآآ المسنوحة ما عندك خبر انو شيقا صارت اهتماماتو بندرية خالص ؟ يعني كأس عالم وكدا .

اديكم نقلة بندرية للإنجامامة بس .

http://www.marca.com/deporte/futbol/mundial/sudafrica-2010/calendario-english.html


الزاكي

و النبي سيدك ما تسرح

الزاكي عبد الحميد
13th June 2010, 12:41 PM
يعني كأس عالم وكدا .

كان كدي الحرّينا..وشليل وين راح..وأخواتها
كلهن في حق الله!

أبوعاقلة أبوسن
13th June 2010, 01:46 PM
مشكور يا ود شيقوق على الرابط العجيب إنت كدا :ok: زى ما بقولوا أهلك البندراب.

والله موقع رهيب وعجيب.. لكن بالله تأملت في الدقة والعقلية المبدعة دي؟ ياسلااااام:clap:

وداد عوض
13th June 2010, 01:56 PM
كتب الأخ أبو عاقلة :

مشكور يا ود شيقوق على الرابط العجيب إنت كدا :ok: زى ما بقولوا أهلك البندراب.

والله موقع رهيب وعجيب.. لكن بالله تأملت في الدقة والعقلية المبدعة دي؟ ياسلااااام:clap:

هااااااااااااااااااا شيخ العرب
خبارك لا حس لا خبر
وان شاء الله الجيت منهم طيبين وسالمين
ومالك طولت الغيبة

ألف حمد الله السلامة
وفي انتظار الروائع

وتبقى الغربة سترة حال ....

وداد عوض
13th June 2010, 02:10 PM
كتب الأخ شيقوق :

انتي آآآآآآآآآآآآآآآ المسنوحة ما عندك خبر انو شيقا صارت اهتماماتو بندرية خالص ؟ يعني كأس عالم وكدا .

اديكم نقلة بندرية للإنجامامة بس


والله نعمة ........
لكن قالوا :
الحريف يلعب بالكركب

وتبقى الغربة سترة حال

أبوعاقلة أبوسن
13th June 2010, 02:27 PM
يا ود إدريس إسمح لي
بالتداخل لتعديل الخطأ المطبعي:

المجادعة التي دارت بين ود شوراني ونايل البطحاني، حيث قال :
الشيب البخيت برقع سواد اغراسي
لكن قلبي ابداً للدرع مو ناسي
شغلت فكري وحشة تكون وتراسي
تكسير عله في المكتومة بالحيل قاسي


فردَّ عليه ود شوراني قائلاً:

دكتور طبِّي عندو دواى ومنُّو احساسي
تفاح منقة ما هو يسيل وارضو فداسي
سيد قافية غناى الفيهو صافي اخلاصي
عاجب عيني جارح قلبي مكرو سياسي



المجادعة التي دارت بين ود شوراني ونايل البطحاني، حيث قال :

الشيب البخيت برقع سوادغ راسـي
لكن قلبي ابداً للدُرُعْ مو ناســـي
شغلت فكري وحشة تكون وتراسي
تفسير عِلَّتي المكتومة بالحيل قاسي
----
- السوادغ أصلها صوادغ جمع صدغ (المنطقة بين العين والأذن) أو (أعلى الخد)
- الدُرُعْ الظباء والمفرد منها (الدَرعَا) أو (أم دِرْعَة)


فردَّ عليه ود شوراني قائلاً:

دكتور طبي عِنْدُو دَواى ومنُّـو حَسَاسِي (الحسس)
تفاح مَنْقة ماهُ يسيل وأرضو فداســـي (أي ماؤه يسيل)
سيد قافية غناى الليّهو صـافـي اخلاصي
عاجب عيني.. جارح قلبي.. فكرو سياسي

أبوعاقلة أبوسن
13th June 2010, 02:34 PM
والله يا وداد عندك كلام عجيب ..:d
الكركب دا شيقوق ما بعرفو
هو طبعاً الكركب لا يجوز لشيقوق أن يلبسو لكن من شوفتو ساي بيقع ناهيك يقدر يلعب بيهو.

الطيب شيقوق
13th June 2010, 02:42 PM
يعني كأس عالم وكدا .

كان كدي الحرّينا..وشليل وين راح..وأخواتها
كلهن في حق الله!


هو ديل وبس ؟ حتى خوتي معاك آآآآآآآآآآآ المسنوح صارت في حق الله .

نحن بعدا بقينا ناس التاج محجوب ودحدوح وعبد الرحيم العمدة وكدا وربما احيانا مع السنجك الما خمج

خليك انت مع نحوك وصرفك واعرابك وشكرا وشكرا وشكرا

شكرا ال ........

الطيب شيقوق
13th June 2010, 02:47 PM
كتب الأخ شيقوق :

انتي آآآآآآآآآآآآآآآ المسنوحة ما عندك خبر انو شيقا صارت اهتماماتو بندرية خالص ؟ يعني كأس عالم وكدا .

اديكم نقلة بندرية للإنجامامة بس


والله نعمة ........
لكن قالوا :
الحريف يلعب بالكركب

وتبقى الغربة سترة حال

بالله انا يا بت العوض قريتها كرب ( بكسر الكاف والراء) ومنها توب الكرب السادة

اما الكركب دي ربما احدي المفردات الدنقلية التي لم تجد حظا للتداول في صقيع وحدب البادية

الطيب شيقوق
13th June 2010, 02:50 PM
والله يا وداد عندك كلام عجيب ..:d
الكركب دا شيقوق ما بعرفو
هو طبعاً الكركب لا يجوز لشيقوق أن يلبسو لكن من شوفتو ساي بيقع ناهيك يقدر يلعب بيهو.


كدي يا ابا عاقلة بدون المسانيح ديل يسمعوا وريني الكركب دا شنو ؟

يمكن يكون الحجاب البلبسونا ليهو في ضرعاتنا وقت الدلوكة تدق الواحد يقوم يتل ضراعو كدا نامن الحجبات يكركبن .

أبوعاقلة أبوسن
13th June 2010, 03:01 PM
آآآآاللخو كدااا لكن
إنت ما إنفضحت فضيحة إسفيرية بي أداسل (adsl) على وزن بي جلاجل

وداد عوض
13th June 2010, 03:34 PM
كتب اخونا ود شيقوق :

بالله انا يا بت العوض قريتها كرب ( بكسر الكاف والراء) ومنها توب الكرب السادة

اما الكركب دي ربما احدي المفردات الدنقلية التي لم تجد حظا للتداول في صقيع وحدب البادية


ات آآآآآآآآآآآآآ للخو

الما بتنقشو كلو ( الما بتعرفو ) بتقول عليهو :
من المفردات الدنقلية !!!!!!!!!!!!!!!
دا مثل سوداني ميه الميه
ولا اقولك :

اسمع آآآ للخو امشي اسعل عولك
بدويك الاكيدة
وبكدا نكون عشرة ( 10 - صفر )
بجدارة آآآآآآآآآآآ للخو

الطيب شيقوق
14th June 2010, 09:21 AM
آآآآاللخو كدااا لكن
إنت ما إنفضحت فضيحة إسفيرية بي أداسل (adsl) على وزن بي جلاجل

الحجبات فضيحة يا ود اب سن؟

وحاة النبي ات دا تكون في طفولتك لبسوك ليهن و يجولن في صدرك من ضلعة لى ضلعة وكمان قنيبيرك يتلولح مع النسام . ووقت تجري وراء العجول القنبور ينوم لا وراء زى نومة ريشة النعام وقتين السفنجة تكون ماشة بنمرة اربعة .

الطيب شيقوق
14th June 2010, 09:35 AM
كتب اخونا ود شيقوق :

بالله انا يا بت العوض قريتها كرب ( بكسر الكاف والراء) ومنها توب الكرب السادة

اما الكركب دي ربما احدي المفردات الدنقلية التي لم تجد حظا للتداول في صقيع وحدب البادية


ات آآآآآآآآآآآآآ للخو

الما بتنقشو كلو ( الما بتعرفو ) بتقول عليهو :
من المفردات الدنقلية !!!!!!!!!!!!!!!
دا مثل سوداني ميه الميه
ولا اقولك :

اسمع آآآ للخو امشي اسعل عولك
بدويك الاكيدة
وبكدا نكون عشرة ( 10 - صفر )
بجدارة آآآآآآآآآآآ للخو

انتى آآآآآآآآآآآآآآآآآآآ اللّخت بطلتى السفر للسودان بقى همك حساب الدرجات ؟

وين اللّخو داك قولولو تعال خلف اللاك دا عذبنا شوفولو تذاكر خلو يمشي لا عولو آل دنقل .

أبوعاقلة أبوسن
14th June 2010, 11:18 AM
يا الطيب صباح الخير
إت آخوي بقيت ما بتركز أنا قصدت كلامك
كدي يا ابا عاقلة بدون المسانيح ديل يسمعوا وريني الكركب دا شنو ؟

التلفون ما كان أحسنلك؟؟!!!

الكركب دا يالطيب شبشب عالي (دبابة يعني) من الخشب بلبسنو النسوان لمهام معينة بعرفنو نسوان زمان. صعب تمشي بيهو خلي تلبسو وتلعب بيهو. عشان كده قالوا ليك (الحريف يلعب بالكركب)

سمية الحسن طلحة
14th June 2010, 02:35 PM
نجم الدين الفاضل ... وليالي الأنس لذاذ بالحيل ..
يحن قلبي الكان بولاد
حنين الوالدة على الأولاد
حنين النوق بُكّر تيلاد
لي النَفَسو مِسِك وعَرَقو جلاد
وياأم ضمير ضعنك شدَّ وختم أب زليق* بلد العمدة
...
وفي موضع آخر :
من علوان* لي شايق*
برمي خبيبو الفايق
ال في كُجَرو بوايق
ريدو بقالنا شقايق
...
* كل هذه مناطق ياوداد أنا شفتها شوف العين مو قول قالوا
ونظل نحمل الحنين إليها في الغربة ...

أحييك الأخت الكريمة وداد وأحييي البقعة قلعة الوطنية أم درمان
وكل الذين سجلوا لنا تاريخ الأمكنة ونقلوها لنا بجمالها وعطرها وسحرها
وكل الأصواات الرخيمة الشدو بألحان ستظل في ذواكرنا نورثها للأجيال لامندرسة ولامندثرة

.... وألفين سلااام يااايمة ....

الزاكي عبد الحميد
14th June 2010, 04:34 PM
حنين النوق بُكّر تيلاد

شكراً أستاذة سمية على الإمعان المستعذب في المحلية..
وهنا يكمن سر الغربة سترة حال..
فكلما ازددنا حنيناً للبلد
يتجذر إنتماؤنا له..
والإبحار العميق في مفردات البادية
يبقى عروتنا الوثقى التي لا انفكاك لنا منها
ما دام حبنا للبلد يتنامى كلما سمعنا أو قرأنا
من على البعد حرفاً كتب أو قيل عن هذا الذي يسكننا
بآلاف أمياله المؤلفة..

بصراحة شطر البيت الفوق دا سمح بالحيل..
عاوز واحد يشرحو لي عشان اشوف ياهو
الصورة الكونتها أنا في ذهني وهي صورة مستقاة
من بيت لأوس بن حجر بقول فيهو وكان قاعد فوق تلة والسحاب شايل
فوق راسو..

دانٍ مُسِفٍ فويق الأرض هيدبُهُ
يكاد يلمسُه من قام بالراح

كأن فيه إذا ما الرعد فجّره
دُهُماً مطافيل قد همّت بإرشاح

وهو يقصد أن هذه السحب حين يفجرها الرعد والبرق
تتراءى له وكأنها قطيع إبل معها أولادها الصغار تتحرك ببطء شديد لئلا تترك أولادها خلفها..الإلبل ناس زمان كانو بيسموها دُهُم آها شن قولك سمحة هي ولا الّلتكم يا شيقا!!

غايتوإذا تيلاد الفوق دي بتعني:
الموروث من الآباء والأجداد أنا جاييكم
بكلام كتير لكين إذا حاجة تانية برضو نكون استفدنا
والله ينصر دينك يا بت طلحة..

الزاكي عبد الحميد
15th June 2010, 07:51 AM
هو ديل وبس ؟ حتى خوتي معاك آآآآآآآآآآآ المسنوح صارت في حق الله .

خليك مع ناس ليو ميسي بتاعك آآلمسنوح
لحدي ما يلحِّقوك أُمات طه..إت يا المسنوح دحين الولد دا مو كان بلعب
في سردية في الأول!
..
كسرة ياب علي:
سردية دا سمعتوبو.. كان ما سمعت بيهو
البوديك لناس ميسي ديل شنو..
سردية دا فريق من زمن توتو
كورة اللت النميري طيَّر ناس وأثرى ناس
ثراء فاحشاً.. أها الفريق دا من ياتو بلد في السودان

الطيب شيقوق
15th June 2010, 09:36 AM
جاييكم بعد انفض الطاولة طب

الزاكي عبد الحميد
15th June 2010, 09:43 AM
جاييكم بعد انفض الطاولة طب
إعصار وقالوا هرولت منو..
شن جاب لك البنفضو ياللخو!

أبوعاقلة أبوسن
15th June 2010, 12:38 PM
صديقي الرزين زاكي النفس والدين
أهديك سلاماً لو تجسد كان دراً وياقوتاً يقلب باليدين


ياخ وصف أوس بن حجر دا وصف فاق الوصف وأعجز الكلمة والحرف.
تعرف، مطافيل قد همت بإرشاح – دي صورة واضحة شاهدها كل من عاش في جو البادية وعرف طبيعة الإبل.
المطافيل هي الإبل الوالدة حديثاً وفي تلك الفترة يكثر اللبن في ضروعها ويتدفق منها حين تهم بالإرشاح (تدر اللبن لترضع جناها).
طبعاً الشاعر قصد يشبه غزارة ماء المطر في السحاب باللبن في أضرع النوق الوالدة.
و (حتى لا يُمل كلامي)
تيلاد السألت منها دي بخلي شرحها لي سِتها الملكة سمية

وإن شا الله دايمن غربك مستورة

سمية الحسن طلحة
16th June 2010, 12:43 AM
الحديث عن الحنين وما أداك ماحنين النوق
وأي نوق !؟ النوق معروف عنها الحنين لصغارها
فما بالكم بالنوق وهي تلد لأول مرة : بُكَّر تيلاد
تفوق الشاعر على نفسه حين وصف قلبه بالبولاد أي حديد : صميم
هذا القلب بهذه الصفات أصبح يحن للمحبوب مثل حنين الأم لأولادها وكحنين النوق حين تلد لأول مرة بكرية ،
بتكون هي صغيرة وجناها صغير
دا شيء يفوق الوصف ...
الأستاذ / الزاكي
الباشمهندس / أبوعاقلة
شكرا جزيلا على هذا الحديث الثر الذي فاق رشح سحب أوس بن حجر وإرشاح مطافيله .

الزاكي عبد الحميد
16th June 2010, 07:54 AM
#781 يوم أمس, 11:43 PM
سمية الحسن طلحة
عضو تاريخ التسجيل: 23-Aug-2009
المشاركات: 61

رد: الغربة سترة حال!!!

--------------------------------------------------------------------------------

الحديث عن الحنين وما أداك ماحنين النوق
وأي نوق !؟ النوق معروف عنها الحنين لصغارها
فما بالكم بالنوق وهي تلد لأول مرة : بُكَّر تيلاد
تفوق الشاعر على نفسه حين وصف قلبه بالبولاد أي حديد : صميم
هذا القلب بهذه الصفات أصبح يحن للمحبوب مثل حنين الأم لأولادها وكحنين النوق حين تلد لأول مرة بكرية ،
بتكون هي صغيرة وجناها صغير
دا شيء يفوق الوصف ...
الأستاذ / الزاكي
الباشمهندس / أبوعاقلة
شكرا جزيلا على هذا الحديث الثر الذي فاق رشح سحب أوس بن حجر وإرشاح مطافيله .

الأستاذة الفضلى سمية:
لعل شرحك للعبارة المعنية-أختاه- أعطى بعداً مضافاً
للصورة التي كانت قد تكونت في ذهني وأنا أردد بيت
أوس بن حجر (بالمناسبة قيل هذه يتيمته):
فإذا قرأنا ما ذكره المهندس (الأديب) أو الأديب (المهندس)
أبو عاقلة مع ما جاء في شرحك نجد صورة ذات أبعاد أعمق من تلك
الموجودة في مخيلتي..
يقول أوس إن السحب وهي محملة بالماء تكاد تلامس الأرض
من الثقل بحيث يكون في مقدور من قام (قال هذا الكلام وهو جالس
على تلّة) أن يمسك أطرافها..
نقارن هذه الصورة مع ضرع الناقة ذات الطفل الحديث الولادة..
يفترض أن يكون هكذا ضرع من كثرة اللبن وسيلانه أشبه ما يكون
بسحاب أوس الذي كاد يلمسه بأطرافه فالضرع هنا (نازل) لوليد
الناقة (لكي لا يشرئب بعنقه (البض) فيصيبه مكروه) كما هو الحال
لسحاب أوس الذي -من شدة ظمأ الأرض التي عليها-يحلم بلمسه دون عناء
(فتسيل على إثره الأودية والشعاب)

ياخي دا كلام ماعادي والله أختي سمية وأخي أبو عاقلة..
الله يديم عليكم العافية..

فشكراً...شكراً...شكراً..

أختي سمية مَن وصفك ببحر زاخر بالمفردة السودانية
لم يأت بجديد..

لك الشكر ثانية ونحن في إنتظار المزيد المفيد..

الطيب شيقوق
16th June 2010, 01:56 PM
ما تسرحوا يا اخوانا - نتابع رغم المشغوليات

زيكو صليت الضهر؟

الزاكي عبد الحميد
16th June 2010, 02:21 PM
زيكو صليت الضهر؟

الله يقبل مننا ومنكم يا شيقا..

الطيب ادريس
16th June 2010, 02:51 PM
استاذ الزاكي وشيقوق
انتو بتسالموا كده لمتين !!
الكشارة التوديكم التوج !

اطلعوا لينا من ( الدّوّارة بتاعتكم دي ) .

بالمناسبة التوج دي سقط لقط .. وسقط لقط دي اسطورة .. بمعني البعد اللانهائي ..

غربتكم ( غبشة ) من الغباشة وهي الروب الممزوج بالماء .

مشاغلة خفيفة لمدخل تاني ..

وغربتكم سترة حال .

الزاكي عبد الحميد
16th June 2010, 03:03 PM
استاذ الزاكي وشيقوق
انتو بتسالموا كده لمتين !!
الكشارة التوديكم التوج !

اطلعوا لينا من ( الدّوّارة بتاعتكم دي ) .

بالمناسبة التوج دي سقط لقط .. وسقط لقط دي اسطورة .. بمعني البعد اللانهائي ..

غربتكم ( غبشة ) من الغباشة وهي الروب الممزوج بالماء .

مشاغلة خفيفة لمدخل تاني ..

وغربتكم سترة حال .



الأرباب ود إدريس:

ياخي إزيك..ليك مدة ما بنت..

يوم الأربعاء نحن بنتضاير عشان
مانلاوز ليكم في كلام أهلنا ناس سنار..
أها نحن جاهزين ومتابعين ..
ياللاّ على الكلام السمح والصور السمحة..

الطيب ادريس
16th June 2010, 03:11 PM
http://www.merowedam.gov.sd/joomla/images/stories/55/ZN3J0686.jpg


فازوغلي منطقة لها تاريخ يسكنها الفونج الجبلاويون .. ويحدثنا الاستاذ حمد النيل حمد احد ابناء الفونج الجنوبي عن الانسان والنهر ( النيل الآزرق ) وهناك مفردات عامية يمكن الاستفادة منها لدرجة كبيرة باعتبارها معلومة اضافية :

الي رحلة الانسان والنهر وحديث ذو شجون في أرض الفونج :

يقول المثل عند اهلنا في الشمال.. أنت أصلك ماشي فازوغلي.. وذلك كناية عن البعد وفازوغلي تبدو بعيدة فهي قريبة من الحدود السودانية الحبشية...
الارض هناك مرتفعة والتضاريس تبدأ في الصورة الجبلية.. وكنا قد قدمنا الى «ام درفا» احدى قرى جنوب الروصيرص حيث اقيم هناك مركز لاحصاء المتأثرين بتعلية الروصيرص.. وفازوغلي منطقة لها تاريخ يسكنها الفونج الجبلاويون .. صديقنا حمد النيل حمد احد ابناء المنطقة نسق لنا الرحلة الرائعة الى تلك العوالم التي بدأت من الشاطئ بعد ان قطعنا الطريق إليه عبر جنائن المانجو في ام درفا.. وقفنا عند الشاطئ فبدأ لنا سحر المنظر على الشاطئ الآخر كما اشار صديقنا حمد النيل تقبع فازوغلي في حضن ذلك الجبل الذي كسته غابات من الاشجار الخضراء وانعكس ذاك المنظر على سطح ماء النيل وهو يجري يشق طريقه لبلادنا الوارفة.. جاءنا «كمال الامين» بمركبه من الشاطئ الآخر وفي المركب بدأت رحلة الدردشة بغناء «كمال» الذي ساعده في دفة المركبة صديقنا حمد النيل..

انا عندي حبيبي شالو المويه

ووصلوا خزان الروصيرص

وجابوا راجع بالسلامة
قال لنا حمد النيل.. النيل شئ طيب ونعمة انعمها ا لله علينا.. قلنا.. جبل فازوغلي عنده اسماء في سلسلته قال كثيرة.. جبل خالد، جبل دشي، جبل فامكا.. الخ قلنا ماذا تعني فامكا.. قال... «فا» بمعنى رجال.. ومكة اشار الى مكة المكرمة.. اي تعني رجال مكة قلنا «لكيمو» هكذا احب ان نناديه.. النيل بماذا يأتي عند الفيضان.. قال ... «يجيب» حاجات كثير.. تماسيح قرنتي- حتى مرات الاسود الميتة والجثث بتاعت الناس «الجثث البشرية» ويأتي بالاندراب والاندراب نوع من الحطب.

قلنا... هل تصيد السمك...

ضحك... كيف السمك عندنا منو القرموط وابودبش وابودبش دا كبير.. وامتد الحديث متناولا علاقة الانسان والنهر وعند الشاطئ قابلنا مجموعة من الشباب فيهم محمد ابوعاقلة الذي اصر ان يحمل عن صديقنا المصور «حسام» «حامل الكاميرا» ومع الطريق الضيق مع الاشجار سلكنا الدرب نحو قرية فازوغلي.

«زلنق زلنق»
قلنا.. الطريق الضيق «دا» ماذا تسمونه قال.. تموروا... وشجر السدر... «اوسا» ومن صفق السدر نعالج الجروح بعد ان «نبله» بالماء وعندنا التبلدي ونأكل «منو» القنقليز.. ونقول له بلهجتنا «اوفا»...

نباغته بسؤال ان التبلدي يساقط ورقه حتى وان كان وسط الماء ولا يخضر الا في الخريف ... يحتار في الاجابة.. انت داير النصيحة يا هو دا الما عندنا فيه علم.. لكن بنعمل من صفقه «ملاح»... زي الملوخية..
ابوعاقلة..
ننزل منحدراً نحو «مجرى خور» ونسأله وماذا تسمونه.. «خرونافو» والتبلدي عندنا بالرطانة «اوفا» ونفركو باللحم.. اما السمك فنعمل منه الكجيك والشوربة والشوربة دي حاجة سمحة ومن السمك الكبار «نطلع» الزيت.. ونسميه «كوشن قشو» وتمتد المحاورة حتى نصل للاغاني فتنطلق حنجرة محمد

النما توم توم

بخور تما جيو

ومع الغناء تمتد ضربات الارجل بالارض ونرددها معه... ونسأله عن المعنى يقول... يعني «مافي حاجة يكورك الا الديك وهو الذي يصحى الناس اي يوقظهم من النوم فما في ارجل من الديك.. يعجبنا المعنى ونضحك.. ويستمر محمد ابوعاقلة الديك ما في اقوى منو لانو يصحي الناس في الفجر.. من النوم.

ثم يغني غناء آخر..

زلنق زلنق وصلت الروصيرص

ممبا ما دا شغالا

صديق صديق روحي

اميا مع الشرونق

زلنق زلنق وصلت الروصيرص نسأل عن المعنى.. يقول ابوعاقلة «زلنق زلنق» نوع من الطيور تجئ وقت الخريف وعند الحصاد وهو يأكل العيش.. ونحن نكافحه.. يعني انا وصديقي نتنادى حتى نحرس العيش من زلنق زلنق.. نقول له يعني زي «الحاحايه» عندنا في الشمال.. يسألنا عنها فنشرحها له.. فيقول: بالضبط نحن نعمل راكوبة كبيرة عالية عشان المزارع يشوف الطير من بعيد ونضرب بالفرتاك.. نسأله عن الفرتاك فيقول.. حبل كبير «نعملوا» من «الحنقوق» تضرب في الهواء فيعمل صوت عالي زي صوت السلاح وفي اثناء ذلك نصيح ونقول «هوشي» بصوت عالي.. ونردد

زلنق زلنق.. زلنق زلنق وبصراحة الاغاني كثير لكن انا ما بشتغل بالغناء.. نسأله عن الطيور فيقول عندنا القمري وجداد الوادي وعندنا «تنتنش».. ونسأله عن الحيوانات فيقول عند حيوانات الخلا زي ابونباح وهو حيوان كبير والقرود والحلوف والنمر والمرفعين واحيانا الاسد ودي كلها فوق في الجبل.. وعندنا معانا البقر والحمير والغنم والبقر مهمة ونستخدمها كثير جداً وتمتد المؤانسة وها نحن ندخل الى فازوغلي والحديث يمتد.

أم صادق
16th June 2010, 04:19 PM
ود ادريس عفارم عليك و الله خيالنــــا سرح مع الوصف البهي و كأننا في المركب لفازوغلي ، رحلة ممتعة و نحن متابعين الحديث والوصف الشيق . يديك الصحة والعافية و دمتم .

الزاكي عبد الحميد
16th June 2010, 04:25 PM
عزيزي الأخ الحبيب الطيب:

دي افتكر لوحة بألوان قوس قزح..
باختصار شديد هي تعكس أن جمال هذا السودان
في تعدد ثقافاته..إن التنوع الثقافي هو مصدر
قوة وليس العكس..
لو نقلنا للعالم ما لدينا من جمال لبهرناه
بما لم يسمع به من قبل..وبما لم تره عيناه من قبل..
لو قلنا لهم ورؤوسنا عالية إن لدينا:
جبل فا مكّا
تماسيح القرنتي
القرموط
وأبو دبش
لو قلنا لهم إننا نعالج جروحنا بورق السدر..
ونطبخ ملاح من ورق "أوفا"
لو قلنا للعالم ورؤوسنا مرفوعة عزة بما لدينا..
لدينا كل ذلك وأكثر..

لو فعلنا ...
آه من "لو" فإنها كابوس يؤرّق مضجعي..

شكرأً عزيزي الطيب فقد نكأت جراحاً غائرة بحديثك الحلو
عما لدينا من جمال ..هو جمال
حد الدهشة..ولكن عيبه الوحيد أننا لا نراه..وهنا مكمن الداء..

الزاكي عبد الحميد
16th June 2010, 04:55 PM
بعد كلامك السمح دا يا الطيب
أي حديث تاني بكون ممجوج..
عشان كدا واصل ياااااااخ..
في الحقيقة في الكتير البنقال لكن ما عاوزين
نقطع التسلسل المتقن دا..
لك الود يا أرباب..

الطيب ادريس
16th June 2010, 07:47 PM
شكرا الأخت عفاف
وشكرا لك استاذ الزاكي
بس بمشي وبجيكم صّادي لل :

الحاحاية .. والفرتاك .. والهوشي والاندراب ..

تسلموا ..

الطيب ادريس
16th June 2010, 07:59 PM
بمجرد عبورك لنهر (تُـمَـد) العظيم - الذي ظلمته مناهج بخت الرضـا -عليك أن تمر بما سيسمّيه العسكري ..بمشتبه ألغام ..
هذه الكلمة رغم فصاحتها المفضوحة فهي تشي بتمام المعني ..وتفعل فعلها فيك ..وإن كنت لاتعرف غير رطانات الفونج ..ولكنات القمـُز ..
بعدها يمتد الطريق السالك جنوبا ..ليعبر إلي خور الدهب ..خرطوم بالليل..العباسية ..لينتهي بك أو تنتهي أنت به - أو فيه - عند قيسان ...
إجتزنا مشتبه الألغــام - كيتاً في العسكري وحذلقته البغيضة - واتجهنا شرقــاً ...نحو بدايات النيل ...
هنا مملكة الفونج...تربض علي أرض مستوية ..وطينية وموبوءة بكل المواجــع ..
حيث يفاجأك التاريخ كما لو أنه لا زال يُكتب ..
عند مداخل فازوغلي وأداسي ..حيث الحياة لاتزال بكرا - وستظل - ستعرف حتماً ما المقصود بمناطق الحرب والنكسة والنكَبات منذ بادي أبو شلوخ ..وهرطقات ودعدلان الوزير - صحّاف زمانــه - والتركية السابقــة والطليان ..والحكومات الكم طاشر ..وكتيبة جاموس ..الحركة الشعبية جنوب النيل الأزرق ..
هنا لا شئ سوي الفراغ والمرض والتأسّي الجبان والضحكات اللامبالية وعلم السودان علي أسطح المؤسسات الحكومية الشحيحة - أم بناياً قش - وضع فقط لتنويهك أنك ماعدت في عهد عمارة دنقس ..
http://islamictourism.com/admin1/upload/1085260594/Sudan01Arablast_May2.jpg

الطيب ادريس
16th June 2010, 08:05 PM
لا ضـوء سوي أيّــوب ...
وأيّوب هذا رجلٌ لا يمكنك أن تقدّر عمره - بثمن - يعمل ممرّضا وطبيباً ..ومديرا عاما ووزيراً للصحّـة ..
دون أن يأمره أحد ..
دون أن يكافئه أحد ..
دون أن يتنبّه له أحد ..
أيّوب به لوثة .. يقال والعهدة علي الراوي أنه - ومنذ ليلة حرق بيته أوان الحرب - يعيش حالة قلق خاصة..تجعله يهيم في طرقات قريته وقلبه معلّق بأخري ..يتبع مناديا لايسمعه غيره ..فيمضي في طريق محتوم ...
يقابلك ضاحكاً - وربما هازئاً - لا يسألك عن شئ ..ولا يجيبك علي سؤال ....
نظرتُ إلي صندوقه الخشبي ..فرأيت فيما رأيت حقن الكلوروكوين- الفرنسي- وحبوب السلفــا وضمادات بائسة ومقص بنّي اللّون من فعل الصدأ ورجع الصدي ..
لا أحد - أيضاً - يعرف متي كانت آخر مرة تم فيها تحديث محتويات عيادته المحمولة هذه ..
لا أحد يعرف كيف حصل عليها أصلاً ..
لا أحد يهمّه أن يعرف ..
يقدّم لأهله الطيبين الكثير من القليل الذي لايملكه ..ولا يتلقي مقابلاً سوي الحب ..والدعـاء ..
حين إختفي مساءاً سألـنا عنه ..
قال الذي سيخلفه في الغياب أن مناديه نادي ..

يقول الراوي ...

وداد عوض
16th June 2010, 09:34 PM
الأخ الأستاذ الطيب ود إدريس :
لك التحية الوافرة .....

شايفة الناس وصلت فازوغلي
وأنا لسه في المحطات الورا .....
لكن ما متحسرة كثير لانه الكلام دا
عاوز ليهو مهلة ودي بالضبط الأنا عايزاها ....
أقرأ بمهلة .... كلمة .... كلمة.. مع تموجات
النهر الجميل ...
هذا الأيوب يا أخي الطيب هو شخصية
سودانية متفردة ......
هي الزين ( الطيب صالح )
وهي بطل تداعيات ( يحى فضل الله )
شخصية سودانية كاملة الدسم بملامحها وعفويتها
وفوق هذا وذاك إنها تحمل قلباًًًًً كما السودان
مليء بالمحبة والمحنة ....
والمحبة هي رسالة مثل هذه الشخصيات الهائمة على
وجه الأرض تفعل الكثير لتبقى الطيبة هي
سيدة الموقف دائماً ولا تطالب بثمن لذلك .

واصل اخي الطيب ونحن بشغف متابعون .

وتبقى الغربة سترة حال ......

الطيب ادريس
17th June 2010, 02:01 PM
شكرا استاذة وداد وأنتي تثرين هذا البوست بضبط عيار الدهشة في زمن آليات التشكيل فيه صور بلا معني !!
نحن نعيد معانقة خطوط الحياة لزمن جميل حتي لاتضيع الخرائط المستباحة في زمن الذاكرة المنسية ونأمل لكل من فاض به ذاك الزمان أن يكتب بعفويته وأريحيته لهوية تفرحنا كثيرا عندما نجد جملة أو طرفة أو مفردة طاشة !! لنلتقطها ونجملها لنعيدها لضوء القمر مرة أخري .. زمن شليل وينو !

تحياتي للجميع ..


ضل الهجير في مناطق سنار .. المانجو والليمون والبرتقال والجوافة حتي العشر أخذ مكانه بأريحية .. http://www.albrari.com/vb/uploaded/29870_01259752833.jpg

http://www.sudaneseonline.com/uploadpic10/Jan/kassala4JPG.JPG

وداد عوض
17th June 2010, 02:26 PM
كتب الاستاذ الطيب إدريس :

نحن نعيد معانقة خطوط الحياة لزمن جميل حتي لاتضيع الخرائط المستباحة في زمن الذاكرة المنسية

الأخ الأستاذ الطيب:

الذاكرة السودانية عموماً تفضل الشفهي على التوثيقي
ليسهل النسيان الذي أدمنته ذاكرتنا..

لذلك نعمل جاهدين جميعاً لنسجل في هذه الصقيعة الاسفيرية
(كما يسميها أخونا شيقوق) ما نستطيع تسجيله انتصاراً للتوثيق على الشفهي..
ولكي تبقى:

الغربة سترة حال باجترار الزمن الجميل وتسجيله
لكي يكون زاداً لنا في مهاجرنا..

تعريجة:

ضل الأشجار ناقصاه راكوبة أختنا إقبال
والديك القال أخونا شيقوق جاي يضبحوا لكين
الشفع لي هسع ما مسكوه.. ليهو ..أصلوا دا ديك ولاً مرفعين!!!!! آآآآآآآللخو

وتبقى الغربة سترة حال ..........

الطيب ادريس
18th June 2010, 11:41 AM
قيلي يجوا المثقفاتية بكرة ( بالمناسبة المثقفاتية دي لقطنها من سمية أختي ) قلت أحسن ارجع بيكم شوية في زمن كانت فيه الخرطوم وامدرمان تضاهي مدن العالم نظافة وأناقة .. شفتوا كيف .. بعدين قلت بالمرة كده تخلي غربتنا سترة حال بدون سكن عشوائي ونمشي شرق وغرب وشمال وجنوب وما تنسوا كان لاقتكم جنازة تشيلوا الفاتحة علي التاريخ .. وكان لاقتكم أطلال :
أقيفوا معاي .. نبكي ذكري حبيب ومنزل
بسقط اللوي بين الدخول فحومل !!

هذه الصور للأسف الشديد توجد في مكتبة الكونجرس الأمريكي والمصدر شبكة ومنتديات سنار .


http://www.rookn.com/vb/imgcache/1449.imgcache.imgcache


افتتاح كلية غردون باشا

http://www.rookn.com/vb/imgcache/1450.imgcache.imgcache

الجامع الكبير الخرطوم .

http://www.rookn.com/vb/imgcache/1450.imgcache.imgcache

الجامع الكبير كذلك في النصف الاول للقرن العشرين

http://www.rookn.com/vb/imgcache/1452.imgcache.imgcache
http://www.rookn.com/vb/imgcache/1451.imgcache.imgcache

الطيب ادريس
18th June 2010, 11:51 AM
الجامع الكبير كذلك في النصف الاول للقرن العشرين

http://www.rookn.com/vb/imgcache/1453.imgcache.imgcache

الخرطوم زمااااان في الثلاثينات والاربعينات

http://www.rookn.com/vb/imgcache/1455.imgcache.imgcache

http://www.rookn.com/vb/imgcache/1456.imgcache.imgcache

http://www.rookn.com/vb/imgcache/1459.imgcache.imgcache

http://www.rookn.com/vb/imgcache/1460.imgcache.imgcache

الطيب ادريس
18th June 2010, 11:55 AM
الزبير باشا علي فراش المرض

http://www.rookn.com/vb/imgcache/1461.imgcache.imgcache

الفندق الكبير 1936م
http://www.rookn.com/vb/imgcache/1462.imgcache.imgcache

القصر الجمهوري 1920م

http://www.rookn.com/vb/imgcache/1464.imgcache.imgcache

أمدرمان 1935م

http://www.rookn.com/vb/imgcache/1465.imgcache.imgcache

الطيب ادريس
18th June 2010, 12:01 PM
أطفال أمدرمان في الثلاثينات علي شاطيء النيل

http://www.rookn.com/vb/imgcache/1466.imgcache.imgcache

http://www.rookn.com/vb/imgcache/1467.imgcache.imgcache

وهنا يظهر ما يسمي ( الرحط وهو لباس لأطفال العرب الرّحل ) مما يوحي بأن أمدرمان كان يسكن في ضواحيها بعض القبائل العربية .

http://www.rookn.com/vb/imgcache/1467.imgcache.imgcache

الطيب ادريس
18th June 2010, 12:04 PM
افراد من قبائل الهدندوة في الثلاثينيات

http://www.rookn.com/vb/imgcache/1468.imgcache.imgcache

http://www.rookn.com/vb/imgcache/1469.imgcache.imgcache

الطيب ادريس
18th June 2010, 12:05 PM
الخرطوم بحري 1925م

http://www.rookn.com/vb/imgcache/1470.imgcache.imgcache

الطيب ادريس
18th June 2010, 12:08 PM
قبائل البشاريين (حلفا ) , التقطت الصورة 1860 م

http://www.rookn.com/vb/imgcache/1471.imgcache.imgcache

الطيب ادريس
18th June 2010, 12:09 PM
ترماي كبري النيل الابيض (كبري الخرطوم - ام درمان القديم ) في الثلاثينيات

http://www.rookn.com/vb/imgcache/1473.imgcache.imgcache

الطيب ادريس
18th June 2010, 12:13 PM
خزان سنار - قيد التشييد 1922م

http://www.rookn.com/vb/imgcache/1476.imgcache.imgcache

خزان سنار 1930 م



http://www.rookn.com/vb/imgcache/1477.imgcache.imgcache

الطيب ادريس
18th June 2010, 12:15 PM
دنقلا ... لوحة من خارج الكوخ ..

http://www.rookn.com/vb/imgcache/1478.imgcache.imgcache

دنقلا داخل الكوخ
لوحة لشارلز جوزف هولماندل (اواخر القرن التاسع عشر )

http://www.rookn.com/vb/imgcache/1479.imgcache.imgcache

الطيب ادريس
18th June 2010, 12:23 PM
سواكن 1920 م

http://www.rookn.com/vb/imgcache/1481.imgcache.imgcache

حبوبة احدنا - بدايات القرن العشرين

http://www.rookn.com/vb/imgcache/1482.imgcache.imgcache

قال الحردلوا :

من سرق ايدي جيزان الدموع بشّاهن
رقدن في الشلوخ للنافلة ما قشاهن .

الطيب ادريس
18th June 2010, 12:26 PM
سوق الخدار ام درمان - 1933 م

http://www.rookn.com/vb/imgcache/1483.imgcache.imgcache

http://www.rookn.com/vb/imgcache/1485.imgcache.imgcache

وداد عوض
18th June 2010, 12:33 PM
الأستاذ الطيب إدريس :

جمعتك مباركة ..

صور بالفعل تحكي عن جمال هذا الوطن..
جمال ممتد عبر السنين..
تاريخ مفعم بالحضارة البشرية من قديم الزمان..
يوم الناس ما تعرف الناس..
حضارة ضاربة في القدم وتطورت عبر الزمن
والناس من حولنا نيام..
خزان سنار شيد قبل نحو مائة سنة (1922)..

لك الله يا وطني..
ودمت يا سوداني..
ولك الشكرالكثير مجدداً أخي الطيب
وواصل في الإبداع بالحرف وبالعدسة
متى تيسر..


وتبقى الغربة سترة حال .....

الطيب ادريس
18th June 2010, 12:36 PM
شكرا للعزيزة الأستاذة وداد التي أوجدت لنا هذا البوست الرائع لننهل تنفسا حرفا ومعني وصورة لزمن جميل .. وتبقي غربتنا سترة حال .

الطيب ادريس
18th June 2010, 12:38 PM
صيدليه في الخرطوم - 1907م

http://www.rookn.com/vb/imgcache/1486.imgcache.imgcache

الطيب ادريس
18th June 2010, 12:47 PM
أبطال السودان

الأمير عثمان دقنة :

http://www.rookn.com/vb/imgcache/1487.imgcache.imgcache

الامير عبد القادر ود حبوبه ساعة اعدامه :

http://www.rookn.com/vb/imgcache/1488.imgcache.imgcache

وقد سطرت لنا رقية المعروفة بـ"بت مسيمس" تمجد أستشهاد شقيقها عبد القادر ود حبوبة عندما اقتيد للإعدام.


بتريد اللطام أسد الخشاش الذم
هزيت البلد من اليمن للشام
سيفك للفقر قلام
ديما في التقر أنصاره منذرين
بالصفاء واليقين حقيقة أنصار دين
العمد الكبار الليهم نقر سنو
الهوج والشرق طار النوم منو
الكفرة النجوس ما بخشو من اللوم
كتلت الرجال خليت جمالوم تحوم

الاسد النتر بى جيهة الابقار
لمولو الاورط شايلين سلاح النار
ود حبوبة قام و رتب الانصار
يوم الديه ديك كم شبع الصقار

الأعلان صدر وأتلمت المخلوق
وبعيني بشوف أبرسوة طالع فوق
كان جات بالمراد واليمين مطلوق
ما كان ينشنق ود ابكريق في السوق

الاعلان صدر و اتلمت الحلال
نصبولو السلاح و اتكرنيف الخيّال
قدر الله الحصل و الزمان ميال
منسول من ابوك ماك ود حرام دجال

الطيب ادريس
18th June 2010, 12:52 PM
شارع الجمهوريه 1964

http://www.rookn.com/vb/imgcache/1489.imgcache.imgcache

امدرمان 1905
http://www.rookn.com/vb/imgcache/1490.imgcache.imgcache

الطيب ادريس
18th June 2010, 12:56 PM
قادة ثورة 1924 م
عبد الفضيل الماظ ورفاقه :


http://www.rookn.com/vb/imgcache/1493.imgcache.imgcache

YouTube- ‫????? ???? ???? ????????? - ???? ????‬‎

الطيب شيقوق
18th June 2010, 12:57 PM
عيييييييييييييييك الضبانية همبتوا البوست

تعرفوا الضبانية دي شنو يا آآآآآآآآآآآل دنقل؟

وداد عوض
18th June 2010, 12:59 PM
جمعتكم مباركة يا ناس الدار......

وجعل الله كل أيامنا مستورة
في غربتنا إلى أن يزول سبب الغربة
وتعود كل العصافير إلى أوطانها ....
سالمة غانمة
أصابتني الحيرة والذهول حين قرأت
خبرين متناقضين تماماًًًًًًًً عن أبناء وطني ...
ذكرت الصحافة الإماراتية مؤخراًًًًًًًًًًًًًًً نبأ
ذلك الشهم إبن البلد الذي أعاد الملايين
الخمسة من الدراهم لأهلها ......
هذا هو الخبر الأول والذي أثلج صدور
كل أبناء الوطن في الداخل وفي الخارج ....
الخبر الثاني وهو خبر لا ينزل من الحلق
مهما اضيفت إليه من مسكنات ومهدئات ومبررات....
الخبر عن الصحافة الإمارتية أيضاًًًًًًًًًًًًًًًًً عن عصابة
كل أعضائها من النساء السودانيات
للأسف الشديد تخصصن في سرقة حقائب السيدات..
قرأت الخبر فأصبت بذهول

ونقول كلللللللللللللللللللللللنا

ستر الله غربتنا جميعاًًًًًً.......

الطيب ادريس
18th June 2010, 01:01 PM
شكينك محنك يا شيقوق هازول ماتخليني قبال المثقفاتية ( انتو ) تجوا بكرة
أها وقفت .. ماشي صلاة الجمعة .. ندعوا لبعض بالعفو والعافية ..
هازول الضباينة أسأل منهم البطاحين وناظر الخط
الدناقلة خليهم لسفروك البامية والقراصي

الطيب ادريس
18th June 2010, 01:04 PM
http://www.rookn.com/vb/imgcache/1494.imgcache.imgcache

http://www.rookn.com/vb/imgcache/1495.imgcache.imgcache

الطيب ادريس
18th June 2010, 01:05 PM
السلطان علي دينار متوجهاً الى الحجاز - 1904 م


http://www.rookn.com/vb/imgcache/1497.imgcache.imgcache

الطيب ادريس
18th June 2010, 01:06 PM
مدينة حلفا القديمه تغمرها مياه بحيرة السد العالي ..


http://www.rookn.com/vb/imgcache/1499.imgcache.imgcache

الطيب ادريس
18th June 2010, 01:07 PM
ندعوا لبعض في صلاة الجمعة .. في وداعة الله .

وداد عوض
18th June 2010, 01:33 PM
http://sudaneseclub-oman.com/vbforum/uploaded/171_1266950362.jpg

وداد عوض
18th June 2010, 01:37 PM
http://sudaneseclub-oman.com/vbforum/uploaded/171_1266605845.jpg

من اليمين لليسار الناظر منعم منصور و الفريق إبراهيم عبود

وداد عوض
18th June 2010, 01:46 PM
http://sudaneseclub-oman.com/vbforum/uploaded/171_1266950014.jpg


أم ضفائر تقود الرسن ..........

الطيب ادريس
19th June 2010, 12:39 PM
( مزاج يا مثقفاتية )

يا بت ملوك النيل يا أخت البدور

مين لى علاك ينيل فى البدور والحضور


الجبرة فيك بتخيل محمية الحما

الما حام حداه دخيل

ما كان أبوكى بخيل بت عز الرجال

أهل الدروع والخيل

والهنا... والسرور

يا السامية ست الجيل طرفك من حياء

فى عصر السفور خجيل

حسنك وضع تسجيل فى صحف الدهور

يتلوه جيل عن جيل

لى يوم النشور

الهيفا يا الخنتيل حروف آيات محاسنك

أرتلن ترتيل

يعجبنى فيك تمثيل أخلاق الملاك

فى سطوة القتيل

الفارس الجسور

غضنك رطيب وعديل شعرك ليل

جبينك يخجل القنديل

النور عليكى سديل يا معنى الجمال

الما أتوجد له عديل

فى ناس ولا حور

فقتى الكانوا قبيل ما خدات فى الجمال

جائزة نوبيل

حيرتى كل نبيل عيناك سحرهن

يسحر سحر أبابيل

يخترق الصدور

يا صاحبة الأكليل ما أظن النهار

العين تدور له دليل

محياك نوره جليل كنت أقول شمس

لو ما الزمان كان ليل

أن عليك نور

لا زلت ليك أميل يا رمز السعادة

الما أتوجد له زميل

يا آية التكميل يا مراية الجمال

الفيكى كل جميل ,,,

YouTube- Alkabli- ?????? ????????? ??????? - ?? ???? ?????

الزاكي عبد الحميد
19th June 2010, 02:07 PM
إختيار ينم عن ذوق رفيع يا أرباب..
ليك الشكر الوافر يالحبيب..

وداد عوض
20th June 2010, 01:55 AM
ام درمان ..... صبية بين المدائن

ام درمان اسمها قديم ورد في وثائق " مملكة الفونج "
وورد ذكرها أيضاًًًًًًًًًًًًًًًًًًًًًًً في " طبقات ود ضيف الله"
لدى الحديث عن الشيخ حمد ود أم مريوم ....
وبعض الروايات تذهب بها إلى زمان " العنج "
وتقول أن امرأة من سلالة ملوكهم سكنت فيها مع ولد لها يدعى در مان
أقامت منزلا مبنياً من الحجر محاطاًً بسور متين
قيل أن آثاره كانت لا تزال شاخصة في حي " بيت المال " إلى وقت قريب .....
ولا يزال كثير من الناس يذكرون التنقيبات الأثرية في " خور أبو عنجة "
حيث كان يتم العثور على فؤوس وسهام ومعدات حجرية ...
تعود بالتأكيد إلى العصر الحجري ...
أطلق عليها المهدي اسم البقعة وعرفت باسم دار الهجرة
وهو الاسم الذي نقش على العملة التي ضربت أثناء حياته .

وفي رواية أخرى هي
أم در أمان
بلد الحبببببببببببببببببان

وتبقى الغربة سترة حال .......

وداد عوض
20th June 2010, 03:09 AM
قصيدة أنا أم درمان




أنا أم دُرمـــــان .. أنا الســـودان أنا الدرة البزيــن بــــــلدي
أنا البرعـَـــاك ســـلام و أمــــان و أنـا البفــداك يــا ولــــــدي

أنـا أم درمـَــان لِسـَـــان حالـــك أريتــــك تدري بي حـَـــالي
أنـا الــقــــدرت أحــــــــوالــــك و حبــــك بـــــدري أو حالي
أقـــــــوم بـــي أعــــظـم الأدوار و أكــــون الساحة للثـــوار
وأبــقى البقعة للأحــــــــرار و أمثــــــل عــــزة الســودان

أنـا أم درمــــان ســـليلة السـيل قسـمت الليـــل و بـنتَ صبـاح
أنـا الولــــدوني بـالتــــهليـــــل وهلـــت فــوقي غابــة رمــــاح
أنـا الطـابيـــة المقــــالبه النيـل وأنـا العـافيــه البشـــد الحيــــــل
وأنـا القبـــه البتـــضـوي الليـل وتـهدي النـاس ســلام و أمــــان

أنــا أم درمــان نصرت الدين و كنـت فـــــدايــــه للإســــــلام
و روحـو حـولي ناس صادقين فنـــاهـــم في حيــــاتــي غــــرام
و زانــــوا المبــــــدأ و الفكرة و خــــلــدوا أعـــــظـــم الذكــرى
و دخــــلو المـدرســة الكـــبرى و نــالوا شهـــــــــادة الإيمـــــــان

أنــا أم درمـــــان أنــا الأمــــه و صــــوت الأمـــــه و إحســاســه
وأنـا التأسيـســـــه بـي تـــــــم و أنـــا اللــميـت شتــات ناســــــــه
مزجـــــت شمالــــــه بجنــوبه و سكــبت شــروقــــــه في غــروبه
و زرعت الطيبــه في دروبــه و طابــت عـــزة للأوطــــــــــــــان

أنـا أم درمـــان سقــــاني النيـل رحـــيـق العــزه مــن كـاســــــــــــه
أنـا اللي مجدو كنت دليل وآيه و حـــــــــده لــي نـــــاســــــــــــــــو
أنـا الـفي الشاطئ الغربـــــــي و رأس غردون مهـــر حربـــــــــــي
أنـا النيـــل الطلب قـــــــــربي و مـــــــزج بــــــين كـافة الألـــــوان

أنا أم درمـــان أنـا الواحـــــة ورى البســـــقي و العطشــــــــــــــان
بروقي تضـــوي لواحــــــــة و تهـــدي الســــــــاري و الضهبـــان
و وردو و جــــرو فـــــوقــي و نــــــادوا بقيـــــــــة الأجنـــــــــــاس
و للتـــعمير بقيـــت مقيــــاس و للتقـــــــديـر بقيـــــــــت مـــــــــيزان

أنـــا أم درمــان مهيرة الميس أصــــيلة و مرســــــوني رجَـــــــــال
قــلادتــي القُــــدرة و التقديس و ارادتي تــســــــــابـــق الآجــــــــال
أجــلـــب فـــوق ربـــوع داري و نـفـســي تـــنــــافـــس أقــــــــــــداري
أريتم يعرفــو مســــداري و يخــلــو زمــــــامــي للفــرســــــــــان

أنــا ام درمـــان دا ميـــــلادي و تيـــــلادي البشــــــــــيل اسمــــــــــــي
أنــا الـــــقــــدمــــــت أولادي شــــــــرافــــه و سيــــــف على و سمــــى
و كـــــنت القـــــوه و الحـــوله و حــــــــــزت و فــــــــزت بالجـــــــــوله
و شلت الـــــراية و الـــدولة و فـــــي التـــــاريـــخ بقـيـــت عنــــــــوان




دي ام درمان الحضارة


ودي ام درمان الأصالة



وتبقي الغربة سترة حال ..........

وداد عوض
20th June 2010, 08:50 AM
أحياء أم درمان القديمة:-


حى الامراء:- (سكن قادة جيش الخليفة واهله)


حي الهاشماب:- (غرب دار الرياضة (http://ar.wikipedia.org/wiki/%D8%B1%D9%8A%D8%A7%D8%B6%D8%A9)).


المورده غرب _المورده شرق(فريق ريد ومن أشهر الأسر فيه اسرة ال أبو حوة وال الحاج إبراهيم))


الملازمين: - (وعرف بهذا الاسم لان سكانه من الجيش الذي لازم محمد أحمد المهدي (http://ar.wikipedia.org/wiki/%D9%85%D8%AD%D9%85%D8%AF_%D8%A3%D8%AD%D9%85%D8%AF_ %D8%A7%D9%84%D9%85%D9%87%D8%AF%D9%8A)).ومن أشهر سكانها آل الخليفة صالح سوارالذهب وعبدالرحمن عباس محمد حسنين -واللواء ميرغنى نميرى


بيت المال:- (عرفت بهذا الاسم لان الخليفة عبد الله (http://ar.wikipedia.org/wiki/%D8%A7%D9%84%D8%AE%D9%84%D9%8A%D9%81%D8%A9_%D8%B9% D8%A8%D8%AF_%D8%A7%D9%84%D9%84%D9%87) خليفة المهدي (http://ar.wikipedia.org/wiki/%D9%85%D8%AD%D9%85%D8%AF_%D8%A3%D8%AD%D9%85%D8%AF_ %D8%A7%D9%84%D9%85%D9%87%D8%AF%D9%8A) اتخذ فيها أول دار للمال واشهر الأسر فيه ال الغول والكراكسة وال العمدة شريف داود


الهجر ة : ومن اعرق الاسر فيها الشفايعة وآل كاشف وكذلك اسرة التاج حمد.


ود نوباوى:- (نسية لودنوباوي من قواد جيوش المهدية ويقال انه هو الذي قتل غردون (http://ar.wikipedia.org/w/index.php?title=%D8%BA%D8%B1%D8%AF%D9%88%D9%86&action=edit&redlink=1) ،كما تنقسم إلى القلعه وودنوباوي شمال ووسط وجنوب كما يوجد في ودنوباوي جامع السيد عبد الرحمن المهدي (http://ar.wikipedia.org/wiki/%D8%B9%D8%A8%D8%AF_%D8%A7%D9%84%D8%B1%D8%AD%D9%85% D9%86_%D8%A7%D9%84%D9%85%D9%87%D8%AF%D9%8A) ومركز شؤون الأنصار وجامع الشيخ قريب الله مركز الطريقة السمانية، ويشق ودنوباوي شارع الدومه (شارع السيد عبد الرحمن المهدي) كما يشقها أيضا شارع ود البصير ويفصلها عن حي العمده والركابيه شارع الوادي غربا ويفصلها عن أب روف وود البنا شرقا شارع الهجره، تعد ود نوباوي من أعرق أحياء أم درمان),ويسكن فيها كثير من السياسين منهم الرئيس السابق جعفر نميري، والسيد امين التوم ساتي.


أبو روف.


القماير :-تقع إلى الشرق من نهر النيل (http://ar.wikipedia.org/wiki/%D9%86%D9%87%D8%B1_%D8%A7%D9%84%D9%86%D9%8A%D9%84) ومن الغرب كلية التربية جامعة الخرطوم (http://ar.wikipedia.org/wiki/%D8%AC%D8%A7%D9%85%D8%B9%D8%A9_%D8%A7%D9%84%D8%AE% D8%B1%D8%B7%D9%88%D9%85) ومن الشمال مدينة النيل ومن الجنوب حي الدباغة . وسميت بالقماير نسبة لل "القمير" وهو عبارة عن مكان لصناعة الجير الأبيض (http://ar.wikipedia.org/wiki/%D8%A3%D9%83%D8%B3%D9%8A%D8%AF_%D8%A7%D9%84%D9%83% D8%A7%D9%84%D8%B3%D9%8A%D9%88%D9%85) الذي يستخدم في طلاء الجدران وقد تم تصنيفها منطقة أثرية حيث تنتشر فيها صناعة الفخار على طول شاطيء النيل.


حي العمدة:- (من اعرق احياء امدرمان حيث كان يسكنها عمدة المنطقة) وتنقسم إلى اربع احياء حسب الاتجاهات الجغرفية، وأكبرها حي العمدة غرب وأشهر سكانة العمدة ود المقبول التي سميت لمكانته، محمد أحمد الطاهر ود الزين، أبناء الطاهر محمد أحمد، تاج السر الشيخ ,الشيخ مرزوق الشيخ الحسن صاحب الزاوية التجانية، العمدة شرق وأشهر اسرة هي اسرة عثمان صالح ,- وأسرة يس حمزة محمد وأولادة من أكبر تجار الجلود واسرةعجيب أحمد - العمدة جنوب وأشهر الاسر هي اسرة حسن مصطفى يوسف من أكبر تجار الخيش والحبوب الزيتية, اسرة الجعليين أو الكتياب وهي اسرة الراحل الشاعر التيجاني يوسف بشير (http://ar.wikipedia.org/wiki/%D8%A7%D9%84%D8%AA%D9%8A%D8%AC%D8%A7%D9%86%D9%8A_% D9%8A%D9%88%D8%B3%D9%81_%D8%A8%D8%B4%D9%8A%D8%B1)، حي العمدة شمال وأشهر سكانة آل القاضى الشيخ /عبد الله أحمد يوسف الذي كان مفتشاً للمحاكم الشرعية وكان إماماً لجامع امدرمان الكبير وآل نديم وآل الزبير وآل أحمد خيري.


حي المكي:- (وهو من أعرق أحياء أم درمان ومن أقدمها وبها حوش أبوقمري الذي يعد تراثاً قيماً حيث جاهد أهله مع المهدية وكانوا من قوامة جيوشها وهاجر جزء من أهله إلى ولاية الجزيرة (http://ar.wikipedia.org/wiki/%D9%88%D9%84%D8%A7%D9%8A%D8%A9_%D8%A7%D9%84%D8%AC% D8%B2%D9%8A%D8%B1%D8%A9) وأنشؤوا قرية أبوقمري جنوب ود مدني (http://ar.wikipedia.org/wiki/%D9%88%D8%AF_%D9%85%D8%AF%D9%86%D9%8A) وهي امتداد لهذا الحي العريق)


'حي الشهداء ومن الاسر المعروفة ود نكير وعوض كوج وأولاد ياسمين أبناء خالات حامد حسين قاسم'


البوسته ومن أشهر سكانه اسرة حامد حسين قاسم.


حى العرب. من أشهر سكانه واعرقهم اسرة يونس عباس شرف الدين والفنان الراحل إبراهيم عوض والمرحوم حسن عطية كابتن الهلال (http://ar.wikipedia.org/wiki/%D8%A7%D9%84%D9%87%D9%84%D8%A7%D9%84) (كسرة يابوعلي) ويوجد بها مسجد الكوارتة. ومنه((فريق السوق)) ومن أشهر الاسر اسرة الفنوب واسرة قابل والفنان ميرغني المأمون


حي المظاهر وفيه عائلات ناس ملة وبعض التبيداب وقليل من اسرة ال مصطفى يعقوب.


المسالمة:- سمي هذا الحي نسبة للسلم الذي يعيشه سكانة مسلمين (http://ar.wikipedia.org/wiki/%D9%85%D8%B3%D9%84%D9%85) ومسيحيين (http://ar.wikipedia.org/wiki/%D9%85%D8%B3%D9%8A%D8%AD%D9%8A%D9%88%D9%86) وبعض الاسر اليهودية (http://ar.wikipedia.org/wiki/%D9%8A%D9%87%D9%88%D8%AF%D9%8A%D8%A9) امثال اسرة قنديل التي تحولت إلى الإسلام (http://ar.wikipedia.org/wiki/%D8%A5%D8%B3%D9%84%D8%A7%D9%85) وتزاوجو مع سكان الحي والاحياء المجاورة. و من أشهر اسر الحي اسرة عوض مصطفى يعقوب واسرة مصطفى محمد قسم الله واسرة الكتياب واسرة أبومرين وجورج مشرقي ويوجد بالحي أكبر كنيسة (http://ar.wikipedia.org/wiki/%D9%83%D9%86%D9%8A%D8%B3%D8%A9) في السودان (http://ar.wikipedia.org/wiki/%D8%A7%D9%84%D8%B3%D9%88%D8%AF%D8%A7%D9%86)


حي الركابية:- وينقسم جزء منه ويسمى بحي الاتراك (http://ar.wikipedia.org/wiki/%D8%AA%D8%B1%D9%83%D9%8A%D8%A7) أو زريبة الكاشف.


العباسية :- تنقسم الي شرق وغرب وشمال.


حي أبوكدوك
الموقع
يحده من الشرق حى الضباط ومن الشمال خور أبوعنجه ومن الغرب غشلاق البوليس ومن الجنوب الدرادر وهى الآن استاد المورده الرياضى. وحى أبوكدوك من اشهر الاحياء التي شكلت خارطة امدرمان بعد الفتيحاب والجموعية والموردة وابى روف وحى العرب.ومن اشهر سكان حى أبوكدوك أبناء الشيخ أبوزيد بله بن عبد القادر بن بله بن على بن دكين الذي اخذ الشياخة عل يد العارف بالله الشيخ ابراهيم الكباشى - ودكين جد الشيخ أبوزيد(المسمى عليه جزيرة ود دكين التي تقع تحت كبرى النيل الأبيض (من الجهة الغربيه لجزيرة توتى) والذي اتى مع وفود دولة العبدلاب واستقر بالخرطوم في المنطقة الواقعة شرق الساقيه عشرين ما بين - فندق هيلتون وجامع الشهيد - وكان معه الشيخ ارباب العقائد الذي ارتضى منطقة جزيرة توتى وكان من معه من أبناء عمومته الشيخ حمد ود ام مريوم وبنت عمه بنت المنى بت فضيل والتي تزوجها فيما بعد وهى شقيقة البطل احمد ود فضيل الذي استشهد في معركة ام دبيكرات ومن بعدها تم ترحيلهم إلى منطقة السلاح الطبى ومن بعدها إلى أبو كدوك وأبناء الشيخ أبوزيد هم الشيخ نور الجليل الشبخ أبوزيد والشيخ احمد والخليفه احمد بن الشبخ نورالجليل وعبدالواحد الشيخ أبوزيد وأبناء الضو موسى بله وأبناء سراج النور وأبناء حسن احمد (حجوج)وبناته الاحدى عشر وكانت هناك علاقه حميمه ما بين الشيخ أبوزيد والامام محمد احمد المهدى والذي اخذ منه البيعة قبل مغادرته إلى غرب السودان لتجهيز جيوشه لفتح الخرطوم ولكن عند عودة المهدى فاتحا وجد الشيخ أبو زيد قد توفى إلى رحمه مولاه فانخرط ابنه الشيخ نورالجليل قي صفوف المهدى وقد امره الامام المهدى احدى المجموعات لفتح الخرطوم ومن سكان أبوكدوك أبناءالشيخ على التوم وأبناء حمد حامد وال الحاج ضاحى وأبناء محمد البخيت الملقب بـ(الجركوك) وأبناء الناير خوجلى حفيد الشيح حمد ودام مريوم وأبناء حامد وعبدالقادر والامين عبد القادر وجابر عبد القادر المشهورين بـ (الصياييق) ولا ننسى أبناء الشيخ اسحق الشيح حمدالنيل صاحب البنية المشهورة بمقابر حمد النيل واغلب هذه الاسر رحلت لضيف المكان إلى امبده (السبيل منطفة الشياخه الحارة الثامنة) وأيضا من سكان أبو كدوك ال الشقلينى والحضراب كل هذه الاسر كانت تسكن في منطقة السلاح الطبى قبل المهدية وقد قام المستعمر بترحيلهم إلى منطقة أبوكدوك وقد اتت التسميه نسبة إلى الامير صالح أبو كدوك الذي كان يعمل مدير السجن الحربى وهو والد الجنرال توفيقصالح أبوكدوك (له الرحمة والمغفرة) .


وتبقى الغربة سترة حال .......

الطيب شيقوق
20th June 2010, 09:38 AM
حى العرب. من أشهر سكانه واعرقهم اسرة يونس عباس شرف الدين والفنان الراحل إبراهيم عوض والمرحوم حسن عطية كابتن الهلال (http://ar.wikipedia.org/wiki/%d8%a7%d9%84%d9%87%d9%84%d8%a7%d9%84) (كسرة يابوعلي) ويوجد بها مسجد الكوارتة. ومنه((فريق السوق)) ومن أشهر الاسر اسرة الفنوب واسرة قابل والفنان ميرغني المأمون

واسرة الاستاذ محمد المرتضى حامد المحامي بسلطنة عمان

امبدة يا وداد بت العوض طلعتيها لينا عشوائية؟

يا اختى حريم الاحياء القديمة الذكرتيها دى كلها يعرفن ّ فكي امبدة كويس وكان بمشن بيجيبن منو المحاية والكتابة وعرق المحبة ذاتو .

الطيب ادريس
20th June 2010, 10:07 AM
جميلة هي أحياء أمدرمان

الفتيحاب !!

أهملتي الثورات والمهندسين والنيل والحتانة والعشوائي ..
ما مشكلة ولكن أهملتي أحد أعرق أحياء أمدرمان مكي العروسة وحي الأزهري ( غير تابع لبيت المال ) .. وود البناء !!

الطيب ادريس
20th June 2010, 10:17 AM
وحي مكي العروسة أحد أشهر وأعرق أحياء أمدرمان وهو الحي القريب للسوق ( وصينبة مكي ) يا ناس !!! وحي مكي هو معقل جميع العمراب ( الجعليين ) الذين ينتمون للشيخ حامد أبعصايا مباشرة .. ومن المشاهير الأستاذ أمين بابكر( عم الأستاذة تهاني بشير بابكر ) ثاني رئيس لنادي الهلال العاصمي وكان يعمل بالخارجية وصحفي مرموق وأسرة الأديب علي المك ( العمرابي ) وبشير عبادي وزير المواصلات سابقا في عهد نميري ,,,
أستاذة وداد صبحك الله يالخير القماير بقت ( السكن الفاخر ) بعدين ناس أمبدة ديل ما تحسبيهم من أمدرمان لأانهم خليط من القرعان والعروب وخاصة عرب الدندر وشبشة http://sudaneseclub-oman.com/vbforum/images/icons/icon7.gif
وسترة حالنا في الدارين يارب .

الزاكي عبد الحميد
20th June 2010, 10:27 AM
الطيبان الجميلان:
صباحكم فل وياسمين..
بالله خلوكم معاي شوية في الكلام الجاييكم دا:

أها نبدأ:

قال زهير بن أبي سُلْمى:

ودارٌ لها بالرَّقمتين كأنها
مَراجِعُ وشْمٍ في نَواشِر مِعْصَم

والشيء بالشيء يذكر..................
مراجع الوشم التي يقصدها زهير هو ما أُعيد تسويده..وهو عندنا في السودان تطبيق الحنة عند النساء..
وخضاب النساء واجب..عاتب الرسول صلى الله عليه وسلّم عائشة بقوله
"مالي أراك سَلْتاء مرْهاء؟" والسلتاء هي التي لا تختضب والمرهاء
هي التي لا تكتحل ..
والحنة هي النبات المعروف، تقطع أوراقها وتُجفّف ثم تُسْحن أو تُسحق
وتنعّم ثم تُبل بالماء وتعجن وتترك حتى تختمر، وتصب المحلبية
والسرتية وتبلل بها الأماكن المراد تخضيبها (وربما استخدمت بعض النساء
الجاز إذا تعذّر الحصول على "الريحة" وفي هذا دليل على الحرص على التزين مهما ساءت
الأحوال)..
وقد تعيد المرأة (وضع الحنة) مرة بعد أخرى طلباً للون الأسود، وهذا ما يعرف (بتطبيق
الحنة) وهو أيضاً معروف عند العرب منذ قديم الزمان..
ولعل قول زهير يؤكد هذا المعنى..
فمراجع الوشم هو ما أعيد تسوديه –كما ذكرت..والتطبيق عندنا إما من الطبقة
بمعنى وضع طَبَقَة أخرى من الحناء أو هو التطبيق بمعنى "التدبيل" والتثنية ..

وتأخذ الحناء أشكالاً شتّى، فقد تُحَنِّن المرأة أطراف الأصابع وهو ما يعرف
لدى العرب بالتقميع والتطريف (آثار البلاد وأخبار العباد) للقزويني..
وقد تنقش الحنة نقشاً أو ترسم رسماً..

وقد يأخذ النَقْش والرسم أشكالاً فنية فيكون أوراقاً وأزهاراً وفراشات
على ظاهر الكف وظاهر القدم وربما ارتفع النقش إلى الساق..
قال أبو الوأواء الدمشقي (هذه الأبيات التي تنسب خطأً ليزيد
ابن معاوية) :
نالت على يدها ما لت تنله يدي
نقشاً بمعصمها أوهت به جَلَدي
خافت على يدها من نَبْل مُقلتها
فألبست زندها درعاً من الزَّرَد

هذه الحسناء لما خافت على يدها البضة من نبال لحاظها وَقَتْها أو حمتها بتلبيسة من نقش الحناء
هي أشبه بالدرع المزرّدة....وهذه صورة بديعة لمن رأى الدروع وعاين نسجها...

وربما رسمتها صُويحبات يوسف في أماكن لا تخطر بالبال كالصدر وغيره!!

ذكرتُ أن التقميع والتطريف هو خضاب البنان وأطراف الأصابع خاصة..وهو مأخوذ من أقماع الأصابع وهي أطرافها ورؤوسها المدببة..
قال زهير في موضع آخر:
وكأنها يوم الرحيل وقد بدا
منها البنان يَزينُهُ الحناءُ

والحديث ذو شجون كما يقولون..
جاء في الأثر أن شخصاً رأى مجنوناً وفي إبهامه أثر الحناء دون أصابعه
فقال له: ما معنى الحناء في الإبهام دون سائر الأصابع، فأنشده قائلاً:

وخاضبة إبهامها دون غيره
رأتني وقد أعيا عليّ تبصُّري
فقلتُ لها: الإبهامُ ما اسمُ خضابه
فقالت: يُسَمَّى عضة المتفكِّر...
وعضة المتفكر دي قصة تانية طبعاً..يعني يا شيقوق كم مرة النار حرقتك
وختيت أصبعك في خشمك عشان تبرده..
قيل إن الروائي الأيرلندي الأشهر جيمس جويس صاحب رواية "عوليس"
كان يطهو قطعة سمك فأحرق إصبعه..فوضع ذلك الإبهام المحروق في فمه ليخفف من معاناة
الألم..ومنذ ذلك اليوم ما كان عليه إلا أن يعض إصبعه عندما يقع في حيرة مما يكتب فسرعان ما يجد له الحل الناجع....

وداد عوض
20th June 2010, 10:54 AM
كتب الاستاذ الطيب ود إدريس :


أهملتي الثورات والمهندسين والنيل والحتانة والعشوائي ..
ما مشكلة ولكن أهملتي أحد أعرق أحياء أمدرمان مكي العروسة وحي الأزهري ( غير تابع لبيت المال ) .. وود البناء !!


التعديل الأخير تم بواسطة الطيب ادريس ; اليوم الساعة 09:33 am

الاستاذ الطيب أدريس:
صباحاتك بيضاء

أنا ذكرت بعض الأحياء القديمة
وللحديث بقية كما يقولون
أما الأحياء الجديدة
بجيها بمهلة يا أستاذ

وتبقى الغربة سترة حال.....

وداد عوض
20th June 2010, 11:11 AM
حى العرب. من أشهر سكانه واعرقهم اسرة يونس عباس شرف الدين والفنان الراحل إبراهيم عوض والمرحوم حسن عطية كابتن الهلال (http://ar.wikipedia.org/wiki/%d8%a7%d9%84%d9%87%d9%84%d8%a7%d9%84) (كسرة يابوعلي) ويوجد بها مسجد الكوارتة. ومنه((فريق السوق)) ومن أشهر الاسر اسرة الفنوب واسرة قابل والفنان ميرغني المأمون
كتب الاستاذ شيقوق :

واسرة الاستاذ محمد المرتضى حامد المحامي بسلطنة عمان

شكراً يا أستاذ على الإضافة
بس عايزة أقول انه أنا ذكرت
بعض الاسر ومش كلللللللللها



كتب الاستاذ شيقوق :


امبدة يا وداد بت العوض طلعتيها لينا عشوائية؟

يا اختى حريم الاحياء القديمة الذكرتيها دى كلها يعرفن ّ فكي امبدة كويس وكان بمشن بيجيبن منو المحاية والكتابة وعرق المحبة ذاتو .:nono: :nono: :nono:

هههههههههههههه


وانت عرفت كيف آآآآآآآآآآآللخو
وما تقول لي شوف عيني .... وكدا


وتبقى الغربة سترة حال ......

وداد عوض
20th June 2010, 11:25 AM
كتب الاستاذ الطيب إدريس :

أستاذة وداد صبحك الله يالخير القماير بقت ( السكن الفاخر ) بعدين ناس أمبدة ديل ما تحسبيهم من أمدرمان لأانهم خليط من القرعان والعروب وخاصة عرب الدندر وشبشة


الاستاذ الطيب إدريس :


الكلام دا داير ليهو وسيلة مساعدة من :
سعادة المستشار : اخونا ود شيقوق

والسؤال يا سعادة المستشار هل الاجابة
دي صحيحة مية المية


ولا شنو رأيك ....... آآآآآآآآآآللخو
يعنى نمشي مع الإجابة دي ولا كيف ؟؟؟؟؟؟؟

وربنا يستر غربتنا كلللللللللللللنا

الطيب ادريس
20th June 2010, 11:46 AM
عليك الله ياوداد قولي لي الطيب أخوي البني ليهو عمارة في امبدة قول ليهو بتعرف :
ود ارو ههههههههه

ده حي ولا فكّي ولا سوق يا شيقوق .

بجيكم صّادي من سنار الي أمدرمان وبالعكس وده السودان وغربتنا سترة حال .

الطيب شيقوق
20th June 2010, 12:22 PM
حى العرب. من أشهر سكانه واعرقهم اسرة يونس عباس شرف الدين والفنان الراحل إبراهيم عوض والمرحوم حسن عطية كابتن الهلال (http://ar.wikipedia.org/wiki/%d8%a7%d9%84%d9%87%d9%84%d8%a7%d9%84) (كسرة يابوعلي) ويوجد بها مسجد الكوارتة. ومنه((فريق السوق)) ومن أشهر الاسر اسرة الفنوب واسرة قابل والفنان ميرغني المأمون
كتب الاستاذ شيقوق :

واسرة الاستاذ محمد المرتضى حامد المحامي بسلطنة عمان

شكراً يا أستاذ على الإضافة
بس عايزة أقول انه أنا ذكرت
بعض الاسر ومش كلللللللللها



كتب الاستاذ شيقوق :


امبدة يا وداد بت العوض طلعتيها لينا عشوائية؟

يا اختى حريم الاحياء القديمة الذكرتيها دى كلها يعرفن ّ فكي امبدة كويس وكان بمشن بيجيبن منو المحاية والكتابة وعرق المحبة ذاتو .:nono: :nono: :nono:

هههههههههههههه


وانت عرفت كيف آآآآآآآآآآآللخو
وما تقول لي شوف عيني .... وكدا


وتبقى الغربة سترة حال ......

شوف عيني شنو ؟ دا السمحة ام اولادي ذاتها عرفت دربو . ماك شايفاني ناوي اعرس تاني قبل 10 سنوات وما قادر افتح خشمي لبت حلال .

دا بكون شيخ امبدة مالي خشمي طين طاب .

الطيب شيقوق
20th June 2010, 12:23 PM
عليك الله ياوداد قولي لي الطيب أخوي البني ليهو عمارة في امبدة قول ليهو بتعرف :
ود ارو ههههههههه

ده حي ولا فكّي ولا سوق يا شيقوق .

بجيكم صّادي من سنار الي أمدرمان وبالعكس وده السودان وغربتنا سترة حال .

الطيب ود دريس

كيفك انت


والله ود ارو دي سكنا فيها مع الاولاد سنتين بس ما سمعنا فيها فكي .

وداد عوض
20th June 2010, 12:57 PM
كتب الاستاذ الطيب ود إدريس :


ومن المشاهير الأستاذ أمين بابكر( عم الأستاذة تهاني بشير بابكر ) ثاني رئيس لنادي الهلال العاصمي وكان يعمل بالخارجية


بالله وطيب وما تقولي من زمان
وأنا اقول ياربي لازم يكون في رابط :19: :19: :19:

اصلو الفلاحة والنجاضة والشطارة
كوووووووووووووووولها ألت أم در
أو زول يكون نصفه الثاني من أم در

وأنا عارفة في ناس بقولوا : دي همبتة ساي


يعني بصريح العبارة :

الشطارة بتمشي طايعة مختارة
محل الشطارة والفلاحة والنجاضة


ولا شنو يا آآآآآآآآآآآآآخونا شيقوق
أوعى تحمبك وتقول خليتو ليكم
وانت برضو كدي فتش أنا متأكدة
بتلقى ليك شيتن يربطك بأم در..

شكراً أخي الطيب

...و تحية خالصة لأختنا تهاني


والله يسستر حالنا كووووووووولنا
في غربتنا

الطيب شيقوق
20th June 2010, 02:24 PM
ولا شنو يا آآآآآآآآآآآآآخونا شيقوق
أوعى تحمبك وتقول خليتو ليكم
وانت برضو كدي فتش أنا متأكدة
بتلقى ليك شيتن يربطك بأم در..



والله آآآآآآآآآآآآ اللخت نحن امدرمان جيناها هملة ساااااااى خلينا خيرنا في صعيدنا زى ما آل دنقل تركوا بركاويهم في الشمال وجوا سكنوا محل البطيخ المكان في امدرمان .


زيكو سارح ولا شغال ترجمة فورية؟

الزاكي عبد الحميد
20th June 2010, 03:23 PM
زيكو سارح ولا شغال ترجمة فورية؟

أنا عايزك تمشي للمداخلة القبل مداخلتك دي..
أنا كنت ضربت ليك عشان كدا..

وبعدين إذا لقيت طريقة أمشي لجريدة الصحافة بتاعت أمس
في واحد محامي كاتب ليهو كلام ما يشبه المحامين ولا بشبه
لغتم السمحة..
عنوان المقال:
شنو كدا وغودو الحلمان..
أخونا ما عارف إنو غودو صاحب الاسم
ما كان حلمان ولا حاجة..هو في الحقيقة كان بعيد
كل البعد عن الحلم..ناس بتتسلبط ساي..
ولا يا ربي الزول دا بكون قاصد غودوين..
عشان كدا حقو تورينا خاسة إنو ثقافتك
الكروية هاي هاي الأيام دي..
!

الطيب شيقوق
20th June 2010, 03:28 PM
جدا يا زيكو بس الدوام انتهى وجرس الحصة الاخير دق ّ

الطيب شيقوق
20th June 2010, 03:33 PM
الطيبان الجميلان:
صباحكم فل وياسمين..
بالله خلوكم معاي شوية في الكلام الجاييكم دا:

أها نبدأ:

قال زهير بن أبي سُلْمى:

ودارٌ لها بالرَّقمتين كأنها
مَراجِعُ وشْمٍ في نَواشِر مِعْصَم

والشيء بالشيء يذكر..................
مراجع الوشم التي يقصدها زهير هو ما أُعيد تسويده..وهو عندنا في السودان تطبيق الحنة عند النساء..
وخضاب النساء واجب..عاتب الرسول صلى الله عليه وسلّم عائشة بقوله
"مالي أراك سَلْتاء مرْهاء؟" والسلتاء هي التي لا تختضب والمرهاء
هي التي لا تكتحل ..
والحنة هي النبات المعروف، تقطع أوراقها وتُجفّف ثم تُسْحن أو تُسحق
وتنعّم ثم تُبل بالماء وتعجن وتترك حتى تختمر، وتصب المحلبية
والسرتية وتبلل بها الأماكن المراد تخضيبها (وربما استخدمت بعض النساء
الجاز إذا تعذّر الحصول على "الريحة" وفي هذا دليل على الحرص على التزين مهما ساءت
الأحوال)..
وقد تعيد المرأة (وضع الحنة) مرة بعد أخرى طلباً للون الأسود، وهذا ما يعرف (بتطبيق
الحنة) وهو أيضاً معروف عند العرب منذ قديم الزمان..
ولعل قول زهير يؤكد هذا المعنى..
فمراجع الوشم هو ما أعيد تسوديه –كما ذكرت..والتطبيق عندنا إما من الطبقة
بمعنى وضع طَبَقَة أخرى من الحناء أو هو التطبيق بمعنى "التدبيل" والتثنية ..

وتأخذ الحناء أشكالاً شتّى، فقد تُحَنِّن المرأة أطراف الأصابع وهو ما يعرف
لدى العرب بالتقميع والتطريف (آثار البلاد وأخبار العباد) للقزويني..
وقد تنقش الحنة نقشاً أو ترسم رسماً..

وقد يأخذ النَقْش والرسم أشكالاً فنية فيكون أوراقاً وأزهاراً وفراشات
على ظاهر الكف وظاهر القدم وربما ارتفع النقش إلى الساق..
قال أبو الوأواء الدمشقي (هذه الأبيات التي تنسب خطأً ليزيد
ابن معاوية) :
نالت على يدها ما لت تنله يدي
نقشاً بمعصمها أوهت به جَلَدي
خافت على يدها من نَبْل مُقلتها
فألبست زندها درعاً من الزَّرَد

هذه الحسناء لما خافت على يدها البضة من نبال لحاظها وَقَتْها أو حمتها بتلبيسة من نقش الحناء
هي أشبه بالدرع المزرّدة....وهذه صورة بديعة لمن رأى الدروع وعاين نسجها...

وربما رسمتها صُويحبات يوسف في أماكن لا تخطر بالبال كالصدر وغيره!!

ذكرتُ أن التقميع والتطريف هو خضاب البنان وأطراف الأصابع خاصة..وهو مأخوذ من أقماع الأصابع وهي أطرافها ورؤوسها المدببة..
قال زهير في موضع آخر:
وكأنها يوم الرحيل وقد بدا
منها البنان يَزينُهُ الحناءُ

والحديث ذو شجون كما يقولون..
جاء في الأثر أن شخصاً رأى مجنوناً وفي إبهامه أثر الحناء دون أصابعه
فقال له: ما معنى الحناء في الإبهام دون سائر الأصابع، فأنشده قائلاً:

وخاضبة إبهامها دون غيره
رأتني وقد أعيا عليّ تبصُّري
فقلتُ لها: الإبهامُ ما اسمُ خضابه
فقالت: يُسَمَّى عضة المتفكِّر...
وعضة المتفكر دي قصة تانية طبعاً..يعني يا شيقوق كم مرة النار حرقتك
وختيت أصبعك في خشمك عشان تبرده..
قيل إن الروائي الأيرلندي الأشهر جيمس جويس صاحب رواية "عوليس"
كان يطهو قطعة سمك فأحرق إصبعه..فوضع ذلك الإبهام المحروق في فمه ليخفف من معاناة
الألم..ومنذ ذلك اليوم ما كان عليه إلا أن يعض إصبعه عندما يقع في حيرة مما يكتب فسرعان ما يجد له الحل الناجع....

كلام قمة في الروعة يا زيكو لم تترك شاردة ولا واردة عن الحناء بس مالك ناسي الطلح

أبوعاقلة أبوسن
20th June 2010, 04:49 PM
الأخ العزيز الضبياني.. ناس الكرم ..أهل شحم ألبل
شكراً على هذا الإثراء ونشر هذا التاريخ الجميل الزاخر بكل ألوان الحضارة التي قصرنا في تعريف العالم من حولنا بها.. لك الله يا سودان العزة .. لا أدري ، ربما نحن أمة خلقت لتعيش حياتها (بالمقلوب) عكس الحركة الطبيعية لتطور البشر والدنيا ...(أمس كان أحلى).
(أسأل ود شيقوق بيعرف شحم ألبل)
وداد يا القايدة الرسن
ليك ألف تحية .. أم درمان دي دولة بي حالها.. الداير يشوف جمال السودان يلقاهو في أم درمان والداير يشوف كل قبايل السودان يلقاها في أم درمان ..
التوضيح لأحياء أم درمان اختيار موفق من شخص نتمنى له التوفق دائماً..
الزاكي أيها البحر
رغم طول فترة عضتي لإصبعي غير أنني ما زلت في حيرة مما سأكتب لك.
مودتي..
يا ود شيقوق برااااك (أوباما)..
وقالوا الغربة سترة حال.

وداد عوض
20th June 2010, 06:38 PM
بعض من أحياء أم درالحديثة

http://upload.wikimedia.org/wikipedia/commons/thumb/0/0f/Masjid_Al-Nilin%2C_August_2007_-_by_Nick_Hobgood.jpg/180px-Masjid_Al-Nilin%2C_August_2007_-_by_Nick_Hobgood.jpg (http://ar.wikipedia.org/w/index.php?title=%D9%85%D9%84%D9%81:Masjid_Al-Nilin,_August_2007_-_by_Nick_Hobgood.jpg&filetimestamp=20090814231038) http://bits.wikimedia.org/skins-1.5/common/images/magnify-clip.png (http://ar.wikipedia.org/w/index.php?title=%D9%85%D9%84%D9%81:Masjid_Al-Nilin,_August_2007_-_by_Nick_Hobgood.jpg&filetimestamp=20090814231038)
مسجد النيلين الشهير



حي الدوحه : وهو امتداد لحي المهندسين.


حي تعويضات بيت المال وفيها اسر من امدرمان العريقة مثل الشيخ السنوسي والكوارتة وقليل من آل الدعيته.


الحي الاكاديمي.


بانت (مقسمة إلى فرعين غرب وشرق).


والثورة (مقسمة إلى أحياء منها المهدية ومن أشهر اسرها اسرة المرحوم عوض مصطفى يعقوب وآل أبو شورة وأولاد ازرق وناس محمد موسى الناير وأولاد مكاوي واسرة الاتراك العريقة آل البريقدار - " وتعرف بالحارات " من الحارة 1 إلى 63)-الثورة من 1 إلى 101. وعدد كبير من كل سكان ام درمان المعروفين لبعض ومعظمهم سكان ام درمان القدامى



حي السكن الفاخر.


حي الروضه.


مدينة النيل.


حي الشاطي.


حي الرياض ومن أشهر الاسر فيه اسرة المرحوم زيادة ساتي سوار الذهب ناس مودة ومحبة.


حي الحتانة شمال وجنوب. ومن أشهر سكانه حسين شندي ومجذوب اونسى والحاج جادين (الحاج أبونخيلة)


حي الواحه : شرق وغرب وهو أمتداد لحي الحتانة ومدينة النيل والشاطيء والثورات.


حي المناره.


حي ود البخيت: وفيه جزء من سكان امدرمان القدامى ومن ابرزهم اسرة الجعافرة النازحين من ضيق فريق السوق بجوار منزل (بوابة أبو العلا)' واسرت الطيب إبراهيم الطيب وهو حفيد الشيخ الطيب'.


حي الجرافه: وفيه بعض سكان امدرمان القدامى ومن ابرزهم اسرة الجعافرة النازحين من ضيق فريق السوق بجوار منزل (بوابة أبو العلا).


أم بدة:- (مقسمة إلى ثلاثة أنهر وهي أم بدة السبيل، أم بدة الردمية، أم بدة الجميعاب؛ وأيضاً مقسمة هذه الأنهر إلى حارات كل على واحدة تصل( 50) وكان بها أشهر معسكر للنازحين من دارفور وهو معسكر المويلح.
حي المسالمة من أقدم الاحياء ومعظم سكانة من الاقباط (http://ar.wikipedia.org/wiki/%D8%A7%D9%84%D8%A7%D9%82%D8%A8%D8%A7%D8%B7).


أبوسعد (مقسمة إلى عدة حارات).


المهندسين : كانت تابعة في العهد المايوي إلى السلاح الطبي.


حي العوده كانت مقسمة لدرجة أولى فقط وهي يقصد بها عودة (نميري للحكم بعد انقلاب هاشم العطا).


الفتيحاب:- يقال علي انها من أقدم المناطق في امدرمان وسكانها من عرب النيل الأبيض ومن أشهر واعرق الاسر فيها ((الجموعية)).


حي الشقله.


المربعات.


دار السلام : من اعرق احياء السكن العشوائي.


حي الصالحة : يقع الحي بالتحديد جنوب امدرمان ويقسم الحي الي قسمين كبيرين هما الصالحة غرب ويبدا من الكسارات في جبل طورية حتى سوق يسمى هجيليجة، والصالحة شرق تبدا من جنوب مبنى جامعة أم درمان الإسلامية (http://ar.wikipedia.org/wiki/%D8%AC%D8%A7%D9%85%D8%B9%D8%A9_%D8%A3%D9%85_%D8%AF %D8%B1%D9%85%D8%A7%D9%86_%D8%A7%D9%84%D8%A5%D8%B3% D9%84%D8%A7%D9%85%D9%8A%D8%A9) حتى مشارف قرية القيعة

وتبقى الغربة سترة حال يا اخوانا ...

وداد عوض
20th June 2010, 06:47 PM
http://mosaabhilali.elaphblog.com/Blog/mosaabhilali/album/%D9%82%D8%A8%D8%A9%20%D8%A7%D9%84%D8%B4%D9%8A%D8%A E%20%D8%AD%D9%85%D8%AF%20%D8%A7%D9%84%D9%86%D9%8A% D9%84%20%D8%A8%D8%A7%D9%85%D8%AF%D8%B1%D9%85%D8%A7 %D9%86.jpg
قبور متناثرة إلى جوار قبة ضريح الشيخ حمد النيل في أمدرمان

وعلى قدر ما ينسج حول الولي من معجزات يكون الازدحام والحرص من العامة والبسطاء على زيارة مدفنه وجلب ما استطاعوا حمله من القرابين والنذور والهدايا التي يستفيد منها بالطبع القائمين على أمر الضريح

وداد عوض
20th June 2010, 06:57 PM
http://mosaabhilali.elaphblog.com/Blog/mosaabhilali/album/%D9%82%D8%A8%D8%A9%20%D8%B4%D9%8A%D8%AE%20%D9%83%D 8%A8%D8%A7%D8%B4%D9%8A%20%D9%81%D9%8A%20%D8%A7%D9% 85%D8%AF%D8%B1%D9%85%D8%A7%D9%86.jpg
قبة الشيخ الكباشي في أمدرمان


وبالطبع فلا أحد يوجه اللوم لهؤلاء الموتى ممن ليس لهم ذنب فيما يجري على الأرض فوقهم فهم والحق يقال وفي الأغلب الأعم رجال وجهوا جل اهتمامهم لنشر العقيدة الإسلامية وسط الناس سواء أكان ذلك عن طريق الدعوة أو النصح والإرشاد أو تعليم المسلمين أمور دينهم .

وداد عوض
20th June 2010, 07:08 PM
http://mosaabhilali.elaphblog.com/Blog/mosaabhilali/album/%D9%82%D8%A8%D8%A9%20%D8%A7%D9%84%D9%85%D9%87%D8%A F%D9%8A%20%D8%A8%D8%A7%D9%85%D8%AF%D8%B1%D9%85%D8% A7%D9%86.jpg


قبة ضريح الإمام المهدي محرر السودان (عام 1885م) من حكم أسرة محمد علي باشا


وبعد الاحتلال البريطاني للسودان عام 1898م انتشر ما بات يعرف بالتعليم الحكومي النظامي العلماني الذي كان الهدف منه توفير كفاءات وطنية في مجال الخدمة المدنية والعسكرية .....
(و معظم المجالات )

وداد عوض
20th June 2010, 07:25 PM
http://mosaabhilali.elaphblog.com/Blog/mosaabhilali/album/%D8%A7%D9%84%D8%AE%D9%84%D9%88%D8%A9.bmp

مشروع شـيــــخ


كان الولي أول ما يبدأ من الطريق أن يرسله والده أو والدته أو ذويه إلى ما يعرف في السودان بإسم (الخـَلْوَة) وجمعها (خَلاوي) وهو مسمى مرادف لمسمى الكتاتيب في بعض الدول العربية الإسلامية .. ويوجد منها ما هو مخصص للذكور وأخرى للإناث

وداد عوض
20th June 2010, 07:38 PM
http://mosaabhilali.elaphblog.com/Blog/mosaabhilali/album/%D8%AA%D9%84%D8%A7%D9%85%D9%8A%D8%B0%20%D8%A7%D9%8 4%D8%AE%D9%84%D9%88%D8%A9.bmphttp://mosaabhilali.elaphblog.com/Blog/mosaabhilali/album/%D9%85%D8%B3%D9%8A%D8%AF.bmp

طريقة تحفيظ القرآن الكريم في الخلاوي والمعلم يحمل العصا لمن عصى


والقصد أنها معاهد أهلية لتحفيظ القرآن وتعليم النشء بوجه خاص مباديء القراءة والكتابة وقواعد اللغة العربية والبلاغة وحفظ ما تيسر من الأجزاء في القرآن العظيم وبعض علوم الدين بما ينفعهم في مقتبل حياتهم ....


http://mosaabhilali.elaphblog.com/Blog/mosaabhilali/album/%D8%A8%D8%AE%D8%B7.bmp http://mosaabhilali.elaphblog.com/Blog/mosaabhilali/album/%D8%B3%D9%8A%D8%AF%D9%86%D8%A7.bmp
صغير من حيران الخلوة ومعلم (سيدنا) يتلو ويردد التلاميذ من حوله وورائه وأمامه


ويجدر الإشارة إلى أن المواد والأدوات التي يستخدمها التلميذ هنا ويطلق عليه مصطلح (حُوَارْ) تكون جميعها محلية الصنع وكذلك يحرص المعلم (سيدنا) على الاكتفاء فقط بما هو محلي الصنع .. ويكتب التلميذ ما يمليه عليه الشيخ من آيات قرآنية على لوح خشبي صغير بواسطة قلم مصنوع من نبات البوص وأما الحبر فيتعلم التلميذ إعداده وتركيبه بنفسه وهو عبارة عن سخام الفحم والحطب المحترق تحت قدور الطبخ ومخلفات المداخن التي يضيف إليها مسحوق الصمغ العربي وبضع شعرات من شعر الماعز وماء .. ويضعها في مكان آمن لتختمر مدة 3 أيام .. وهذا النوع من الحبر يسمى (ِالعَمَارْ) . ... ومن أهم ميزاته أنه قابل للغسل والإزالة بالماء من فوق اللوح الخشبي الذي يكتب به عليه. وأما الماء المتخلف من غسله فيطلق عليه مسمى (مِحَـايـَة).

وداد عوض
20th June 2010, 07:46 PM
وهكذا لا يبدو السودان وسط غيره من بعض الدول العربية والأفريقية مختلفا من جهة الإحتفاء بأولياء الله الصالحين سواء أثناء حياتهم أو بعد مماتهم .....


http://mosaabhilali.elaphblog.com/Blog/mosaabhilali/album/%D9%82%D8%A8%D8%A9%20%D8%A7%D9%84%D8%B4%D9%8A%D8%A E%20%D9%88%D8%AF%20%D8%A8%D8%AF%D8%B1.jpg

اللهم علمنا ما ينفعنا بما علمتنا وزدنا علماًًًًًًً

وتبقى الغربة سترة حال ......

الطيب شيقوق
21st June 2010, 11:50 AM
خلاص يا ستنا قلبت البوست مشروع حضاري ؟

وين سيدنا الزاكي؟

الزاكي عبد الحميد
21st June 2010, 12:08 PM
خلاص يا ستنا قلبت البوست مشروع حضاري ؟

وين سيدنا الزاكي؟

لقينا الناس قبلت على ميسي وكاكا وماعارف منو
قنا أخير نشوف شيتاً فيهو فايدة..

برجع ليك بكلام بهمك بعد شوية..
خليك على الخط..

الطيب شيقوق
21st June 2010, 01:39 PM
برجع ليك بكلام بهمك بعد شوية..


ان شاء الله خبر ترقية بس او علاوة

الزاكي عبد الحميد
21st June 2010, 06:59 PM
شيقوق :
يوم عرسك ما سوولك الضريرة في راسك..
أها النشوف الضريرة أصلها وفصلها شنو:
أصلها يا صديقي كما يقول الراوي (وهو القيرواني في كتابه: نُور الطرف ونَور الظرف)
ذريرة ولكننا قلبنا (كما قلبنا أشياء كثيرة رأساً على عقب) ذالها ضاداً فقلنا (الضريرة) ومثلها
الضنب (ونقصد الذنب) والضراع (ونقصد الذراع ) وهكذا...
ونحن كما تعرف يا صديقي كثيرا ما نتخلص من إخراج اللسان كالثاء والذال والظاء-بتحويل الحرف إلى مقاربه..

نرجع للضريرة يا شيقا:
قالت عائشة رضي الله عنها (طيَّبت رسول الله صلى الله عليه وسلّم لإحرامه
بذريرة) وهي (أي الذريرة) نوع من الطيب مجموع من أخلاط.. وابن منظور في لسان العرب عرّفها قائلاً :" الذريرة فتات من قصب الطيب الذي يجاء به من الهند..

قال شاعر منهم:

لا يطعمُ الغِسْل والأدهان لمّتَهُ
ولا الذريرة إلا عقبةُ القَمَر

وهو يصف رجلاً لا يذوق شعر رأسه الغسل والطيب والدّهن إلا مرة في الشهر.
ولعلك يا صديقي سمعت بالعربي القالوا ليهو "استحمَّ..فقال أنا سمّوني حمام ما هسع اتبردت الشهر الفات!

وللحديث بقية..

الطيب ادريس
21st June 2010, 09:34 PM
شيقوق :
يوم عرسك ما سوولك الضريرة في راسك..


ههههههههههههههههههههههههههههههههههههههه

غايتو الدنقلاوي بجيب في جنس محن !!!
تقصد الزواج بلغة أهل البندر ... بالغت عديييل قرقرقر
يوم عرس شيقوق ما شفت الخمج والمريسة واللحم 7 تيران والعرس بوش لمّ الشرق والغرب .. والدلوكة والبطان لي رب السما !!

الغريب في الأمر شيقوق أخوي عرس وهو طالب في المدرسة الوسطي وماجايب لي الدنيا خبر ;)

سمية الحسن طلحة
22nd June 2010, 08:27 AM
شكرا لكم على هذه المعلومات الوفيرة من سنار لأم درمان
والشعر من بت ملوك النيل للوشم على المعصم ...
أيًا كان قائله فهو جميل
لكن يعوضكم الله في صاحبكم سعادة المستشار قدر ماتشيلوا وتدودروا فيهو صيدو ناجع .
وللحديث بقية..
مهم ياأستاذ الزاكي باقي الحديث دا ، وكمان إشتقاق كلمة :
نضري العيش أي بمعنى نذروه في الرياح
عشان الهواء يشيل البُتَّاب أو الشرا ويبقى العيش الصافي
قال طه ودالشلهمة:
خلني هالنقول شِكرَك لساني فصيح
يعجب الدايرو والشرا هالتشيلو الريح
...
ودمتم .

الزاكي عبد الحميد
22nd June 2010, 10:38 AM
أيًا كان قائله فهو جميل
لكن يعوضكم الله في صاحبكم سعادة المستشار قدر ماتشيلوا وتدودروا فيهو صيدو ناجع .
وللحديث بقية..
مهم ياأستاذ الزاكي باقي الحديث دا ، وكمان إشتقاق كلمة :
نضري العيش أي بمعنى نذروه في الرياح
عشان الهواء يشيل البُتَّاب أو الشرا ويبقى العيش الصافي
قال طه ودالشلهمة:
خلني هالنقول شِكرَك لساني فصيح
يعجب الدايرو والشرا هالتشيلو الريح
...
ودمتم .

أختي الكريمة سمية:

الشكر لك أنت على ايراد الجميل دوماً..
نحن في حاجة ماسة لطلاتك لكي نستفيد من مخزون المفردة الجميلة
التي لا نقول إنك تضنين بها وإنما نحن من نطالب بالمزيد منها دائماً..
سلمت أم عمر..

الطيب ادريس
22nd June 2010, 10:50 AM
الأخت العزيزة سمية :

قالوا المثقفاتية عندكم بي هناك كلام عجبني بلحيل والسبب ( هبشتك المثقفاتية ) العالية المعني في ( الضرا ) و( الشرا ) ( والعيش الصافي ) علي وزن الدّهب المجمّر ..

[SIZE="5"][B]وأعجبني تناولك للشرح الوافي لآخر ( المسور ) والعيش في التقا http://www.sudaneseclub-oman.com/vbforum/images/smilies/61.gif

قالوا وادي الهـــــوّاد شِــــرِب .. شـراباً غرّق معالِيهو ..

"وقالوا الهـــــوّاد شِــــرِب .. شـراباً غرّق معالِيهو .."

وادي الهـــوّاد ..من أكبر الوديان التي تشق سهل البطانة ..
ووادي الهوّاد يلتقي عنده معظم القاطنين سهل البُطانة واطرافها..وهو وادي عُُرف بخصوبة تربته..وينعكس ذلك في إنتاجه المطري من عيش الذرة ..رغم ان الطريقة التي تتبع في زراعته تقليدية جدا..حيث تستخدم "السلوكة" في عملية الزراعة و"المَلود" في عملية النظافة و"المُنجل" في عملية الحصاد..كما يمثل حصاده مرتعاً خصباً للذين يهتمون بتربية البهائم بانواعها..وهو ليس الوادي الوحيد في سهل البطانة وإنما هناك وديان اخرى مثل "الباساي" و"القيقي" والرويان "الذي يصب في نهرالنيل .بالإضافة الى وادي المكابراب ومنطقة الحُفرة وغيرها من السهول الصغيرة والوديان داخل البطانة..

[COLOR="Red"]قالوا الهــوّاد شربان ..

"الهواد جا" أو "الهواد قالوا شِرب" ..

هذه المقولة تعني لهم الكثير..وعادة ما كان ياتي خبر شراب الوادي عبر الإشارة لبقية مناطق البطانة الذين لهم علاقة بالمطر والزراعة والرعي بسيلان الوادي مثله مثل نهر القاش ومن الصدف كليهما يصب في خانة أرض البطانة ..والإشارة كانت في الماضي تاتي عبر "زول راكب فوق جمل" وهو مُرسال رسمي من عُمد ومشايخ منطقة البطانة ..الذين يمر من عندهم الوادي ..

"الهواد قالو شِرِب"..

يعني أن تزرع أرضك - كما الحال في الزراعة المطرية-
بماء رباني إندلق على بطن الوادي ..وما عليك عند سماع الخبر وتأكيده إلا أن تبدأ تستعد للزراعة..وتشوف وين "ســلوُقتك" و "مـلودك" وباقي العِدة من عنقريباً خفيف ..وغطاء وما شابه ..و"الراحَلة" الماهلة ..وسيلة التنقُل ..إن كان جملاً أو ناقة فأنت الأكثر جاهزية من الذي يملك حماراً ..وعليك ان تعِّد زادك الخاص ..من دقيق وويكة ناشفة وغيرها..كما عليك بتجهيز "قِربة" الماء.. وإن لم تتمكن فعليك "بالجركانات"..وكل ما سمحت به ظروف مباصرة الحياة ..
"الهــواد قالوا شِرِب"..

ويصحبك امل بالحصاد الوفير "وان ربنا سهّل ..ربحان أجُر..الزراعة يا زول في اجُر أكتر منها؟؟ بس ربك يكفّي شر الآفات .."
نعم في الزراعة أجر .. وفي الزراعة امر ..وفي الزراعة فطور وعشا ..للزارع ولأهله ولجيرانه "إن ربنا كفّاك شر "تِلتْ الزبير" http://sudaneseclub-oman.com/vbforum/images/icons/61.gif..

"واللهِ كان ضُوقتو عيش الحميسي ..تجوهو من السفر راجعين ..ها ناس ها غربة شنو المعا شراب الهوّاد؟؟؟"..

نعم حِميسي الهوّاد معروف ..والحِميسي هو احد انواع الذرة أصفر يميل للحُمرة ..غليد الحبة ..
ومعروف أن عجينه يعطي "كِسرة أكثر بياضاً".. بينما "الفيتريتة" الحبة البيضاء يمنح عجينها كِسرة أكثر حُمرة..
فوادي الهوّاد وبطبيعة زراعته المطرية ينتج كثير من انواع الذرة..

"الهوّاد شربان"..

الهوّاد شربان ..شراباً مِغرِق حتى المعالي ..اي أن ماءه قد غطى حتى الاماكن العليا في داخله ..وانه قد سال ماءه أكثر من مرة ..مما يعني ان تربته قد اصبحت اكثر خصوبة ..وحسب تقارير العارفين بالامر أن وادي الهواد عندما يسيل ماءه اكثر من مرة ..فإن ذلك يؤخِر الزراعة قليلاً ..حتى تصل درجة جفافه الى درجة معينة..وفي ذلك التأخير إقتراب فصل الشتاء ..وعندما يهب الشتاء على زرع مطري ..فهي بشرى بحصاد وفير ..
الهـــــوّاد ..

مراحل نمو نبتة الذُرة .. بمسمياتها الخاصة عندنا تبدأ من رمي "التيراب" بعد وخز"السلوكة" في الارض ورمي التيراب لا يتعدى اربعة الى خمس حبات كمتوسط ثم دفنه دفناً خفيفاً باصابع الرِجِل..وتبعد كل حفرة من الأخرى مقدار أكثر من متر تقريباً..وكلما تباعدت الحُفرة من الاخرى كلما كان نموها اكثر إرتواءاً ..ثم يخرج الزرع من الحُفرة فيسمونه " أضان فار" ثم ينمو قليلاً فهو "صقّار" وهنا يلزم الإجتهاد في نظافته من الحشائش ..ثم ينمو ليصل "مِتيق" اي تبدا اوراقه في الإخضرار والزيادة ..ثم مرحلة "الشَلِيخ" وهي إزالة النبتات الزائدة .. ثم بداية ولادة القندول ثم "شَرايَة" لتهيئة ولادة الحبة داخل القندول ثم "لبَنَة" وهي بداية ولادة الحبة ثم "فريك" حيث تكون الحبة لا زالت ممسكة بغطاها الصغير "البُتابة" (وفي الفريك بلِيلة ذات طعم خاص).. ثم يصبح "قاوة" اي انه اصبح قوياً ناضجاً وهنا تبدأ الأوراق في الذبول والنشاف ويُترك حتى تصل اوراقه مرحلة "الكاويق"..وبذلك يكون جاهزاً للحصاد .. والمراحل الثلاث الأخيرة تعرف بمرحلة "الحرِس او الحِراسة اي حِراسته من الطير" ..وكل هذه المراحل تتم في فترة ثلاثة الى أربعة أشهر من زراعته ..وعملية الحصاد تتم عبر قطع القندول بالمنجل ..وجمع المحصود في مكان مهيا لذلك يسمونه بالتقاة..ثم تتم عملية "الدق" يدوياً عبر "المٌدقاق" (هذا قبل دخول ماكينة "الدقاقة")..فسابقاً كانت العملية يدوياً ..والمُدقاق عود في شكل حرف t الإنجليزي ..وهذه من أجمل مراحل عمليات الزراعة ..حيث يتم العمل أكثر جماعية عبر فكرة "النفير" كما أن عملية "الدق" تتم بإنتظام جميل يصحبه غناء خاص عرف بألحان تناسب العملية نفسها ..
وبالطبع يتم فرز "العيش" من "البُتاب" بعملية "التضرية" بواسطة "المُضراية" وهي أداة تشبه اليد باصابعها .. وهو ما أشارت اليه الأخت سمية طلحة .

جانا اب زبد جاري من سبتُو لا دورو
جانا اب سروب غرّق عاليهو وخورو
ياهو الهوّاد اسقى الخــلا وعتمورو
جِيد للزرع بدري ..وضاق غَرِف مطمورو..

شكرا أستاذة سمية عندما يحط يراعك ما هو فوق الخيال ولكنه الحقيقة التي عشناها ونعيشها وتبقي الغربة سترة حال .

الزاكي عبد الحميد
22nd June 2010, 11:11 AM
وهنا تبدأ الأوراق في الذبول والنشاف ويُترك حتى تصل اوراقه مرحلة "الكاويق"

الأرباب لك من الشكر الوفير على هذا
الحكي الجميل والمفيد ..المفردات الواردة فيه
ذخيرة طيبة لكل من قرأ..فالسودان جميل
لمن يريد أن يراه جميلاً..
فمجرد أن تجيل بنظرك أنّى شئت بين سطور حروفك
فإنك تجد من الجمال ما لا يوصف..
شكراً..شكراً..شكراً..

بالمناسبة الكاويق عندنا بقولوها للبامية..
يعني وكت يقولو ليك البامية كاوقت بقصدوا إنها
غلُظت وجاوزت مرحلة اللدانة والرَّخَص وذلك
إذا تُرِكتْ دون جني على شجيراتها فهي كاويق..

وبعدين بقولو البياكل البامية الكاوقت
بضعف نظرو..والله أعلم..
ياخوانا أدونا من الكلام السمح..

الزاكي عبد الحميد
22nd June 2010, 12:03 PM
أهلنا ناس البادية بقولو الناقة بهلت لما تفك الصرار وترضع أولادها..
والباهل هي الناقة التي لم يُجعل لها صُرار..
لكن تصف العرب الرجل ب "الباهل" إن كان لا يحمل عصىً.. والعصا بأنواعها المختلفة من : خزيرانة أو كريزة أو عكاز أو بسطونة كان يستخدمها الرجال منذ القدم..
والثعالبي صاحب فقه اللغة قال العرب لديها تسعة وتسعين اسماً للعصا!

قلنا حمل العصا معروف منذ القدم وذكرها في التراث العربي والسوداني شعراً ونثراً لا يحصى..
من الأسماء القديمة للعصا المِخْصرة والعُكّازة والعَنَزَة والهراوة وهي اسم عصا الرسول صلى الله عليه وسلم..والمنسأة هي عصا سليمان عليه السلام.. والمشهور من عصي العرب المِخْصرة وهي التي يسميها السودانيون (الحدّاثة) وهي (البَنْبَقة أيضاً) وهي عصا صغيرة ظريفة يحملها الرجل يشير بها إذا تحدّث أو يخط بها على الأرض..
وفي الحديث أن الرسول صلى الله عليه وسلم خرج إلى البقيع وبيده مِخْصَرة فجلس فنَكَتَ بها في الأرض وهي التي نعنيها تماماً..
مهيرة بت عبود قالت :

الليلة العقيد في الحلة مُتْمَسْكِن
وفي قلب التراب شوفنْو متْجَسكِن
الراي فارقو لا يشفي لا يمكن
ما تتعجبن ضيم الرجال بمْكِن..

قالت هذه الأبيات يوم جاء اسماعيل باشا بخيله ورجله ينتوي غزو ديار الشايقية..
عيال شايق عقدوا اللواء للعقيد الذي يقيّم الوضع فيرى أن العدو يفوقه عدة وعتاداً..
تعتري العقيد حيرة..ماذا هو بفاعل؟
فنراه ممسكاً بحدّاثته ينكت بها الأرض وهو غارق في التفكير..شأن من يغالب صراعاً ذهنياً مريراً..تستنبط مهيرة ما يدور في خَلَد العقيد فتكيله عتاباً كما في الأبيات السابقة..
ولكنها تجد العذر للعقيد قائلة للفتيات: لا عجب يا بنات شايق فإن الرجال لا يتحملون الضيم ولا الاحتقار..

ويطيب معكم الحديث يا ناس الدار..

الطيب شيقوق
22nd June 2010, 12:05 PM
زيكو العالم

يعني وكت يقولو ليك البامية كاوقت

كما يطلق هذا التعبير ( الكاويق) للانثى التي وصلت مرحلة العنوسة ولم تتزوج .

اهلنا بقولوا البت كاوقت - هذا مع احترامنا للجندريات

الزاكي عبد الحميد
22nd June 2010, 12:23 PM
اهلنا بقولوا البت كاوقت - هذا مع احترامنا للجندريات

احترام شنو ياللخو للجندريات
كان أهلك بوصفوها بالبامية الناشفة!!قرقرقر

الطيب شيقوق
22nd June 2010, 12:35 PM
أهلنا ناس البادية بقولو الناقة بهلت لما تفك الصرار وترضع أولادها..
والباهل هي الناقة التي لم يُجعل لها صُرار..


الله يمتعك يا ابا لارا

والبهلة تعني عندهم موسم ولادة الضأن فللعرب ثقافاتهم الخاصة في تربية الاغنام فهم دائما حريصون على ان يكون موسم البهلة ( ولادة الاغنام) مع بدايات الخريف لان الاناث حديثة الولادة في حاجة للغذاء الذى يدر اللبن الوفير لتربية الصغار . ويقصدون ايضا ان يكون موسم البهلة هي ايام الدرتية ( نهاية الخريف وايام الحصاد) لانها مليئة بمخلفات الزراعة التي تتغذى عليها الاغنام .

يبقى السؤال المهم والمهم خالص يا زيكو وهو كيف يمكن للعرب التحكم في تحديد مواعيد البهلة ؟ او الولادة .

خلي بالك معي يا صديقي لاحكي لك كيف يكون التحكم ؟

عادة يكون في كل مراح من الضان فحل من السلالات الطيبة وهذا الفحل يتم كنانه (بكسر الكاف) ( والكنان هو ربط الخصيتين ) لحرمان الفحل من عشار الاغنام في الوقت الغير مناسب . الرأي عندي اخي الزاكي ان الضانية عادة تلد كل ستة اشهر من تاريخ عشارها . فهنا يحسب العرب مواعيد فك الكنان عن الفحل ليقوم بعشر ( بالله يا زيكو راجع لينا عشر دي لغة لاني اقصد المصدر من الفعل عشر فهل هي عشر ام اعشار على وزن إفعال ؟) الاناث في موعد تكون بهلتها (ولادة البهمان ) ايام وفرة الكلأ.

تخريمة

الضانية بتلد في السنة مرتين وقد تلد في كل ولدة اثنين واحيانا ثلاثة . تخيل يا زيكو لو عندك مراح فيهو 100 ضانية بعد ستة شهور حتكون 200 مع اسوأ الافتراضات ( ولادة واحد فقط) وربما تتضاعف ال 100 لمرتين لتكون 300 راس لو اى واحدة ولدت اتنين وحسب راي العرب لكمية ونوع الغذاء اثر كبير جدا في الحمل بواحد او اكثر .

بالله عليك يا زيكو هسع الطيب ادريس دا لو استثمر مالوا دا كلو في ضان وسافر عولو شغّل ليه راعي او راعيين واداهم موبايلات وجلس تحت راكوبتو وظل متابع اخبار ضانو مع الرعاة مش احسن ليهو من متابعة مفردات ال For rent ? المضيع زمنو فيها هنا .

الزاكي عبد الحميد
22nd June 2010, 02:34 PM
بالله يا زيكو راجع لينا عشر دي لغة لاني اقصد المصدر من الفعل عشر فهل هي عشر ام اعشار على وزن إفعال ؟

ياخي والله جننت التراث البدوي جن..
دا شغل نضيف للغاية..

أها سألتني من عشر وهاك ما عندي
وبالتأكيد ناس البادية عندهم فهم أعمق مما سأقول:

حين يقول العربان عِشْرتْ الناقة أي صارت
عشراء أي مضى على حملها 10 أو 8 أشهر..
وشاعركم قال في جمل:

جِدَّك مِنُّو تَنْسِيل المَعَاشَرة بقيف...

عشرة ايام الراعي هي عشرة أيام ساخنة
يضرب بها المثل للانخداع بانقضاء الشتاء وتكون بين شهري
طوبة وأمشير..وقد ظن الراعي أن الشتاء زال فترك ثيابه الثقيلة
وذهب مع إبله فهب عليه البرد فلحَّقه أمات طه..

أها عشر بتشديد الشين صحيحة في استخدامك ليها أي عشّر إعشاراً كما ذكرت أخي الطيب والله أعلم..

الطيب شيقوق
22nd June 2010, 03:02 PM
شكرا يا زيكو على هذا الحكي الطيب


حين يقول العربان عِشْرتْ الناقة أي صارت
عشراء أي مضى على حملها 10 أو 8 أشهر..



صحيح ويتفق هذا مع ما قاله الشاعر محمد عمر البنا ( إذا نحروا العشار مودعات فلا من بذاك ولا كلام)

غير اني اقصد بالعشار ، في سياق الحديث عن البهلة ، الحمل
Pregnancy . فهم يقولون عشّر الفحل الناقة اى حمّلها الجنين . وعندما يتم العشار يقولون نحمد الله ناقتنا عشرت اى حملت .

الزاكي عبد الحميد
22nd June 2010, 06:17 PM
بمناسبة الإهانة التي تعرض لها السودانيون
في لبنان رأيت أن أورد هنا هذا المقطع من مقال
يحكي موقفاً سودانياً جمع بين رئيس سوداني وسفير لبناني
المقال كما هو بدون تعليق:




ما جرى بين الرئيس عبود والسفير اللبناني في الخرطوم: بدون تعليق .. عرض: جمال محمد ابراهيم
الاثنين, 21 يونيو 2010 20:11
حكى الكاتب السوداني الكبير عمر جعفر السوري ، عن سفير لبناني إسمه خليل تقي الدين ، كان يوما سفيرا للبنان في الخرطوم ، والتقاه في سنوات السبعينات:

((في ذلك اللقاء الأول( مع السفير تقي الدين) الذي أمتد لساعة ونيف، روى لي ولضيوفه بعض ذكرياته هناك، وسأل عن معارف وأصدقاء. حكى لنا عن استدعاء الفريق إبراهيم عبود رئيس البلاد، له بصورة عاجلة. قال: "تلقيت مكالمة هاتفية ذات صباح من رئيس المراسم بوزارة الخارجية يخطرني بتحديد موعد لي مع الرئيس عبود لأمر عاجل بعيد الظهر، وأن الأمر لا يحتمل انتظار إرسال مذكرة دبلوماسية. لم تكن بين لبنان والسودان أزمة حينئذ، ولم يكن في سماء العرب ما ينذر بشر أو يبشر بخير. تملكتني الحيرة، وقضيت كل ذلك الصباح في ضيق شديد، أقلب الأمر يمنة و يسرى. دار بخلدي أن الحكومة اللبنانية أو الرئيس اللبناني قد بعث برسالة لم أدر عنها، فيها ما فيها. لم أستقر على رأي ولم أصل إلى ما ينير لي الطريق. قررت أن أستعد للأسوأ. ذهبت إلى موعدي مع الرئيس عبود، وهو رجل متواضع وودود وخجول. استقبلني فور وصولي ولكن بفتور ظاهر من غير عداء، ثم دلف إلى الأمر الخطير الذي جعله يستعجل المقابلة.
استطرد السفير تقي الدين في روايته ومضى إلى القول : "تمخّض الجبل فولد فأرا. لقد كان في خدمتي طباخ سوداني ماهر ولكنه طاعن في السن، فصار ينسى بعض الأشياء ويتجاهل في بعض الأحيان أوامري وطلباتي عن قصد أو غير قصد، مما دفعني في يوم من الأيام إلى تقريعه بحدة متناسياً فارق السن ولطف الرجل، أتبعت التقريع بحسمٍ في المرتب، ولم اكتف بالتوبيخ بل وجهت إليه إنذاراً بالفصل إن عاد إلى ذلك. لم أحسب قط انه سيذهب إلى رأس الدولة يشكوني إليه، وأن الرئيس سيأخذ المسألة على محمل الجدّ إلى درجة تدفعه لأن يقوم شخصياً باستدعاء السفير. قال لي الرئيس إن الرزق على الله ولكن كرامة كل سوداني تعنيه هو بالذات، ولا يتسامح فيها أبدا، ولذلك أراد أن يبلغني هذه الرسالة ولفت نظري إلى هذا الموضوع، وأنه سيكتفي باعتذار للطباخ عما بدر مني، وأن اصرفه عن الخدمة مكرماً معززاً، إن لم أشأ بقاءه في عمله. اعتذرت للرئيس أولا عن ثورتي على الرجل، ثم رويت له بعض أفعاله التي أنستني وقاري. ووعدته إنني سأعتذر له فور عودتي إلى السفارة، وانه سيبقى على رأس عمله. وهذا ما جرى. لم يكن ذلك الطباخ من أقرباء الرئيس، كما لم يكن من قبيلته أو منطقته. هزّني ذلك الموقف الإنساني والسياسي والدبلوماسي والاجتماعي وما شئتم من الوصف، حتى يومنا هذا." تلك رواية خليل تقي الدين، فأين كرامة السودانيين اليوم من ذلك الموقف، في ذلك الزمان؟!))
أسوق اعتذاري لصديقي عمر جعفر السوري لاجتزائي قسما من رسالة بعث بها إليّ قبل نحو عام ..


jamal ibrahim [ jamalim@yahoo.com ]

الطيب شيقوق
22nd June 2010, 10:35 PM
بمناسبة الإهانة التي تعرض لها السودانيون
في لبنان رأيت أن أورد هنا هذا المقطع من مقال
يحكي موقفاً سودانياً جمع بين رئيس سوداني وسفير لبناني
المقال كما هو بدون تعليق:




ما جرى بين الرئيس عبود والسفير اللبناني في الخرطوم: بدون تعليق .. عرض: جمال محمد ابراهيم
الاثنين, 21 يونيو 2010 20:11
حكى الكاتب السوداني الكبير عمر جعفر السوري ، عن سفير لبناني إسمه خليل تقي الدين ، كان يوما سفيرا للبنان في الخرطوم ، والتقاه في سنوات السبعينات:

((في ذلك اللقاء الأول( مع السفير تقي الدين) الذي أمتد لساعة ونيف، روى لي ولضيوفه بعض ذكرياته هناك، وسأل عن معارف وأصدقاء. حكى لنا عن استدعاء الفريق إبراهيم عبود رئيس البلاد، له بصورة عاجلة. قال: "تلقيت مكالمة هاتفية ذات صباح من رئيس المراسم بوزارة الخارجية يخطرني بتحديد موعد لي مع الرئيس عبود لأمر عاجل بعيد الظهر، وأن الأمر لا يحتمل انتظار إرسال مذكرة دبلوماسية. لم تكن بين لبنان والسودان أزمة حينئذ، ولم يكن في سماء العرب ما ينذر بشر أو يبشر بخير. تملكتني الحيرة، وقضيت كل ذلك الصباح في ضيق شديد، أقلب الأمر يمنة و يسرى. دار بخلدي أن الحكومة اللبنانية أو الرئيس اللبناني قد بعث برسالة لم أدر عنها، فيها ما فيها. لم أستقر على رأي ولم أصل إلى ما ينير لي الطريق. قررت أن أستعد للأسوأ. ذهبت إلى موعدي مع الرئيس عبود، وهو رجل متواضع وودود وخجول. استقبلني فور وصولي ولكن بفتور ظاهر من غير عداء، ثم دلف إلى الأمر الخطير الذي جعله يستعجل المقابلة.
استطرد السفير تقي الدين في روايته ومضى إلى القول : "تمخّض الجبل فولد فأرا. لقد كان في خدمتي طباخ سوداني ماهر ولكنه طاعن في السن، فصار ينسى بعض الأشياء ويتجاهل في بعض الأحيان أوامري وطلباتي عن قصد أو غير قصد، مما دفعني في يوم من الأيام إلى تقريعه بحدة متناسياً فارق السن ولطف الرجل، أتبعت التقريع بحسمٍ في المرتب، ولم اكتف بالتوبيخ بل وجهت إليه إنذاراً بالفصل إن عاد إلى ذلك. لم أحسب قط انه سيذهب إلى رأس الدولة يشكوني إليه، وأن الرئيس سيأخذ المسألة على محمل الجدّ إلى درجة تدفعه لأن يقوم شخصياً باستدعاء السفير. قال لي الرئيس إن الرزق على الله ولكن كرامة كل سوداني تعنيه هو بالذات، ولا يتسامح فيها أبدا، ولذلك أراد أن يبلغني هذه الرسالة ولفت نظري إلى هذا الموضوع، وأنه سيكتفي باعتذار للطباخ عما بدر مني، وأن اصرفه عن الخدمة مكرماً معززاً، إن لم أشأ بقاءه في عمله. اعتذرت للرئيس أولا عن ثورتي على الرجل، ثم رويت له بعض أفعاله التي أنستني وقاري. ووعدته إنني سأعتذر له فور عودتي إلى السفارة، وانه سيبقى على رأس عمله. وهذا ما جرى. لم يكن ذلك الطباخ من أقرباء الرئيس، كما لم يكن من قبيلته أو منطقته. هزّني ذلك الموقف الإنساني والسياسي والدبلوماسي والاجتماعي وما شئتم من الوصف، حتى يومنا هذا." تلك رواية خليل تقي الدين، فأين كرامة السودانيين اليوم من ذلك الموقف، في ذلك الزمان؟!))
أسوق اعتذاري لصديقي عمر جعفر السوري لاجتزائي قسما من رسالة بعث بها إليّ قبل نحو عام ..


jamal ibrahim [ jamalim@yahoo.com ]

ابو لارا

شكرن شكرن

سمية الحسن طلحة
23rd June 2010, 07:59 AM
شكرا الأكارم أستاذ / الزاكي
الأستاذ /الطيب إدريس
هنالك إيد الهواد التي تأتي من وادي االهواد ووكت الوادي يشرب لايمكن القطوع والوصول لأبي دليق
وعلى ذكر ( المسور والعيش والتقا)
ود شوراني قال :
ضُهر الجمعة صليتو وقَلَب فوق تيسي
كان مربوط ينسِِّـف فتريت مو حميسي
تقديري ومناي ومظنتي وقييسي
أهجمبو المِجمِل صوتو رب النيسِ
....
كان مربوط ينسف فيترت مو حميسي
الفتريتة لها طعم ألذ من كل أنواع الذرة مثل ( ودعكر ، الحميسي ،الدبر والمايو)
إضافة لقيمتها الغذائية العالية ، ودشوراني ماهو خاتي لو أفتخر بأن تيسه وهو الجمل يأكل فتريتة وليس حميسي ، وشدّ فوقو بعدما صلى الجمعة وفي حساباته أن يهجم به ديار محبوبته صاحبة الصوت الجميل المجمله رب الناس وهنا دلالة معرفته بالقراءآت المختلفة للقرآن ( رب النيس ).
كمان كلمة ينسِّف لها دلالات على طريقة الأكل ...

الطيب شيقوق
23rd June 2010, 11:26 AM
شكرا الأكارم أستاذ / الزاكي
الأستاذ /الطيب إدريس
هنالك إيد الهواد التي تأتي من وادي االهواد ووكت الوادي يشرب لايمكن القطوع والوصول لأبي دليق
وعلى ذكر ( المسور والعيش والتقا)
ود شوراني قال :
ضُهر الجمعة صليتو وقَلَب فوق تيسي
كان مربوط ينسِِّـف فتريت مو حميسي
تقديري ومناي ومظنتي وقييسي
أهجمبو المِجمِل صوتو رب النيسِ
....
كان مربوط ينسف فيترت مو حميسي
الفتريتة لها طعم ألذ من كل أنواع الذرة مثل ( ودعكر ، الحميسي ،الدبر والمايو)
إضافة لقيمتها الغذائية العالية ، ودشوراني ماهو خاتي لو أفتخر بأن تيسه وهو الجمل يأكل فتريتة وليس حميسي ، وشدّ فوقو بعدما صلى الجمعة وفي حساباته أن يهجم به ديار محبوبته صاحبة الصوت الجميل المجمله رب الناس وهنا دلالة معرفته بالقراءآت المختلفة للقرآن ( رب النيس ).
كمان كلمة ينسِّف لها دلالات على طريقة الأكل ...

صحح يا بت طلحة والشوراني ايضا قال :

جملي الضهرو سالم خاتي غاربه الدبره
شرع رسنو قجيتلو الزمام في الوبره
علي المقنيه بت خيل القسيم ام حبره
بشقي الساسو غالق فيتريت مو تبره

هيييييييييع بت طلحة كسارة قلم مكميك


آل دنقل غياب في شورة ولا شنو يا اخوانا؟

الطيب ادريس
23rd June 2010, 12:05 PM
http://www.spana-syria.org/Atlas/Camel/WebPage1/images/1/image002.jpg


قيل عنها الخير والعطاء كما قيل ( إذا حلبت روت وإذا نحرت أشبعت وإذا حملت أثقلت وإذا مشت أبعدت ) .
ورد ذكر الإبل في أكثر من 20 آية وفي أكثر من 50 حديث نبوي .

الإبل :
اسم عام يشمل الذكر والأنثى والصغير والكبير وهو أشهرها .

2 – الناقة :-هي الأنثى من الإبل إذا أجذعت ،وتكنى بـ:أم مسعود،أم حوار،بنات الفحل،وبنات البيداء،وبنات النجائب، ومن النوق المشهورة في التاريخ ناقة الله التي اشتهرت بناقة صالح عليه السلام ، والقصواء:ناقة رسول الله محمد صلى الله عليه وسلم التي كانت مطيته عندما هاجر صلى الله عليه وسلم من مكة المكرمة إلى المدينة المنورة ،ومن النوق المعروفة (البسوس ) وهي التي أشعلت الحرب لمدة أربعين عاماً بين قبيلتي ابني وائل بكر وتغلب .

3– الجمل :-

يطلق على الذكر من الإبل، و يكنى بالأصهب - العشاري وأسماء عربية أخري كثيرة .[/B][/COLOR][/SIZE]

الطيب ادريس
23rd June 2010, 12:19 PM
ذكور وإناث الإبل تصل إلى عمر البلوغ الجنسى عند حوالى 3 سنوات ويتأثر عمر البلوغ الجنسى فى الإبل بوزن الجسم والحالة الغذائية التى عليها الحيوانات ، وتصل ذكور الإبل إلى قمة نشاطها الجنسى عند عمر ٧ سنوات حيث تكون قادرة على إخصاب الإناث بكفاءة عالية ، أما الإناث فتصل إلى النضج الجنسى عند عمر ٤ - ٥ سنوات وعند هذا العمر تدخل النوق فى دورات من الشياع المنتظمة والتى تتركز خلال شهور ديسمبر ويناير وفبراير حيث تصل طول دور الشياع من 20 - 25 يوم وتستمر من ٤ - ٦ أيام والتبويض فى النوق لايحدث إلا بحدوث التزوج حيث يعتبر ذلك بمثابة الحافز لها وخروج البويضة . وبحدوث إخصاب البويضة تتوقف دورات الشياع لتلد النوق أول نتاجها عند عمر ٥ - ٦ سنوات وتستمر حتى عمر 20 سنة .

من المعروف وجود موسم للنشاط الجنسى لذكور الإبل يتغير خلاله سلوك الذكر فيصبح شرساً له ميول عدوانية تجعله يهاجم الذكور الأخرى وكذلك الإنسان

http://newsimg.bbc.co.uk/media/images/44286000/jpg/_44286822_09sudan_camel_ap.jpg

ولايمكن الإطمئنان لسلوكها خلال فترة الهياج ولذا يجب أخذ الحيطة والحذر عند التعامل معها . ففى حالة وجود أكثر من ذكر فى القطعان محدودة العدد يدور قتال فيما بينها وفى النهاية يخضع الضعيف القوى وتخمد رغبته الجنسية ، وعموما فإن نسبة الذكور إلى الإناث تختلف حسب الذكر فقد تكون 1 - 30 فى حالة الذكور الضعيفة ، قد تصل إلى 1 - 70 فى حالة الذكور الجيدة القوية .

وتظهرعلى ذكورالتلقيح خلال موسم التناسل العلامات الآتية :-
خروج سوائل بيضاء اللون ورغاوى كثيفة من الفم .
إصدار أصوات معينة ( هدير وكركرة ) المصحوبة بتدلى اللسان وإخراج القلة .
إفراز غزير لمادة سوداء كريهة الرائحة من غدة فوق الرأس وهى تعمل على جذب الإناث له .
رفض الأكل والعمل لأيام عديدة .
ظهور أعراض الإسهال غير المرضى .
الإكثار من التبول ورش البول مستعملاً فى ذلك حركة الذيل .
زيادة وزن وحجم الخصية .
أدوات الجمل صغيرتان نسبياً وتتحركان من البطن إلى كيس الصفن عند الولادة ومن المعروف أن كيس صفن الجمل لايتدلى كما فى الحيوانات المزرعية الأخرى ، ويكون متجهاً إلى الخلف وفيما عدا ذلك فهو يشبه الثور في تكوينه الطبيعي .. وهناك سلوك قد يكون شائع فى بعض القطعان وهو أن يخص ذكر أنثى واحدة بالتلقيح طوال العام . أما فى الإناث فتظهر علامات وتغيرات فسيولوجية وتشريحية وسلوكية حيث تكون قلقة وتخور بإستمرار مع رغبتها فى التقرب من الذكر بالإضافة إلى علامات أخري ونزول إفرازات مخاطية ذات رائحة نفاذة ويلاحظ أيضاً إرتفاع الذيل وتحريكه من أعلى إلى أسفل عند إقتراب الذكر منها أو عند سماعها لصوته .
http://www.y1y1.com/data/media/642/alam-img180.jpg

وتبدأ عملية الجماع بمصاحبة الذكر للأنثى التى فى حالة شياع ومغازلتها ثم يشم عنقهاوقد يصل الأمر به إلى العض حول السنام فإن لم تبرك الأنثى على الأرض فإن الذكر يدفعها حيث تكون قواها قد أنهكت .
ومتوسط فترة الجماع 15 - 30 دقيقة وقد تصل فى بعض الأحيان إلى ساعة ، ففى بداية موسم التناسل سجل لذكر تلقيح 18 أنثى فى اليوم ، ولكنه لايستطيع الإستمرار فى ذلك أما فى حالة التلقيح المستمر فيمكن للذكر أن يلقح ٣ إناث فى اليوم الواحد ، وبعد التلقيح تزئر الذكور مع نزول رغاوى بيضاء من الفم .

ويجب ملاحظة الظواهر الآتية ( وهى مميزة فى الإبل ) :

عند الولادة تقوم الناقة بشم مولودها ولكنها لاتلعقه أو تجففه أو تنظفه كما تفعل الحيوانات المجترة الأخرى ، وبعد الولادة تخرج المشيمة تدريجياً وتحتوى على لتر واحد من السوائل تبدأ الناقة فى إدرار السرسوب ( اللّبأ ) بعد حوالى ساعة ، والمواليد ليست لها أسنان ( قواطع ) وتظهر على الفك السفلى بعد حوالى أسبوعين من الولادة فى حين يلاحظ وجود الأضراس على الفكين عند الولادة .

مدة الحمل فى الإبل : 370 يوماً 389 - 355 يوماً وفى العادة تلد الأنثى مرة واحدة كل عامين ، وتظل الناقة قادرة على الولادة لمدة تصل إلى 20 سنة ويمكن للناقة أن تعطى خلال هذه المدة ٨ ولادات فى المتوسط .

والإبل عالية الخصوبة تحت الظروف الجيدة ، وخلال سنوات الجفاف تزداد أعداد النوق التى لاتلد بسبب عدم حدوث الشياع ، ولقد وجد أن نسبة الخصوبة تحت ظروف المراعى الطبيعية تتراوح من 34 إلى 52 ٪ .

وهناك عوامل تسبب إنحفاض نسبة الخصوبة والكفاءة التناسلية فى الإبل وهى :-

تأخر العمر عند أول ولادة .
طول الفواصل بين الولادات .
النقص الكمى والنوعى فى التغذية .
فقد الأجنة بالامتصاص أو الإجهاض .
محدودية موسم التناسل .
تأخر حدوث الشياع بعد الولادة .
نقص خبرة الرعاة ووجود الإبل حرة معرضة للظروف البيئية والتى قد تكون معاكسة .

المصدر :
بتصرف من قراءات سودانية في طبائع الابل

الطيب ادريس
23rd June 2010, 12:25 PM
http://sudaniyat.net/up/uploading/elbl.jpg

ود الشلهمة البطحاني يتغزل في البطانة قائلا :-

نار وجهِك خلاس وأصبح عريسك باش
وسيلِك بالمعالي وبالمراتِع كاش
نفسِك من سماحتو تحلى جابلو دعاش
وعربِك لي جفافُن جبدو البرّاش


مسك القبلة في كوع الشمال براقِك
وقشط سدرو في عامر سحابو وساقِك
تبونك قرنن والسيل دهك شقاقِك
الضايق نشوقك حار عليهو فراقِك


بعد دور الجفاف قام عِفرتِك مِتباري
وسحابِك نيلتو زرقة وبرقك يلفح فاري
إتكسا بالخدار وجهك الكان عاري
وإنعقدن رواينك يام نداياً تاري


مبسوطة البطانة إتنعمت قدام
شابع قشها وقاسا المزرقن وقام
أخلو الدكة لا مخبر ولا حوام
ولي فيهن صديق روحاً ملاني غرام

الطيب شيقوق
23rd June 2010, 12:51 PM
ود دريس

ات يا جنا قايل البوست حقك براك ؟

شايفك تمصع فيهو براااااااااااك

الطيب شيقوق
23rd June 2010, 01:50 PM
يجازي محنك يا الطيب ود دريس شتت الناس من البوست .

ات غير المصعان والدومات الخارة والدلاعة ما عندك كلام؟

الزاكي عبد الحميد
23rd June 2010, 02:18 PM
آل دنقل غياب في شورة ولا شنو يا اخوانا؟

جاينَّك فوق الغُرَدُو قارن الديرة..

أشرح لي الكلام الفوق دا عشان تلقى جنيات دنقل في الميدان..

الزاكي عبد الحميد
23rd June 2010, 02:23 PM
إلى الأرباب الطيب ود إدريس:

من يقرأ بين السطور يا صديقي ..
ومن يحاول لملمة خيوط اللوحة التي بعثرتَها أنت عن عمد
خشية إثارة ما لا يلزم..
قلتُ من يحاول ذلك-يجد يا صديقي
أن فترة التكاثر عند الإبل لو دُوِّنتْ بالصوت
والصورة لكانت من الأفلام الوثائقية الهامة بقيمتها
ومتعتها..

أخي الطيب : واصل حديثك ونحن لك متابعون..

الطيب ادريس
23rd June 2010, 02:58 PM
http://www.middle-east-online.com/pictures/biga/_29281_camels-4-3-2005.jpg


أقيف يا ود شيقوق .. نسيت سيرة العريس بالجمل الأصهب ( بالمخلوفة المزركشة ) معليش بني دنقل ( المخلوفة ) تعني الركوب الذي يوضع علي ظهر الجمل ونقول للحصان والحمار ( السّرّج ) ..
زمان كان العريس بسير لي عروسته بالجمل المزين ومعه عشرات الجمال يركبها الصحاب وزراء العريس .

الطيب ادريس
23rd June 2010, 03:05 PM
http://www.q8start.com/ups/uploads/b781d68be1.jpg

شكرا أستاذ الزاكي وفي انتظار شيوخ العرب وأهل النوق بالمزيد من المعرفة .

لك ودي .

الطيب شيقوق
24th June 2010, 12:34 PM
ات آآآآآآآآآآآآآآآآ الطيب حيرتنا عديل كدا كنا فاكرنك زول بنادر سااااااى لكن لقيناك فايتنا لا قدام والله

الزاكي عبد الحميد
26th June 2010, 07:18 AM
ت آآآآآآآآآآآآآآآآ الطيب حيرتنا عديل

ياللخو الدندر دي حيواناتا
إشاعة ولاّ شنو؟
ما شفنا حاجة!
بعدين ما تمشي تتغوغل لي وتجيب
صورة فيل يتضرّع في أحراش أفريقيا
وتقول لينا دا من الدندر..
ونحن في الانتظار..

تحياتي

الطيب شيقوق
26th June 2010, 12:50 PM
http://arabic.peopledaily.com.cn/200211/05/images/0507s.jpg

هاك المناظر بتاعة الحظيرة يا زيكو وجايييييييييك

الطيب شيقوق
26th June 2010, 12:56 PM
للسيّاح عشاق الحياة البرية وللمهتمين بمراقبة الحيوانات والطيور وللسيّاح الذين يريدون مغادرة المدن والآلة والفنادق المهيأة للبحث عن الطبيعة البكر الثرية، فإن حديقة أو محمية الدندر بالسودان تكون وجهتهم المناسبة، ومحمية الدندر من أكبر محميات التنوع الاحيائي في أفريقيا شمال خط الاستواء والأقرب الى الخريطة العربية، وهي أهم مناطق الجذب السياحي بما تتمتع به من مقومات سياحية وطبيعية متمثلة في الحيوانات البرية والطيور والنباتات والغابات والمراعي والبيئة الطبيعية المتوازنة التي يتخللها نهرا الدندر والرهد الموسميان.

أقيمت محمية الدندر عام 1935 وتبعد حوالي 680 كلم من الخرطوم ومساحتها 10 آلاف كلم مربع ويعتبرها خبراء الحفاظ على البيئة إحدى أجمل محميات السودان البالغ عددها ثماني عشرة محمية وهي المناطق التي أنشئت من أجل حماية الحيوانات حماية كاملة ولا يسمح فيها بأي أنشطة إنسانية سوى للأغراض السياحية والترفيهية والتعليمية، ففي مساحة الدندر الكبيرة وموقعها الذي يصل حتى الهضبة الإثيوبية تتعدد البيئات مما أكسبها تنوعا بيولوجيا خصبا ويجري نهرا الرهد والدندر ـ الذي سميت به المحمية ـ وهما موسميان في الفترة من شهر يوليو (تموز) وحتى نوفمبر (تشرين الثاني) وخلال عبورهما للحظيرة يصبان في بعض البرك مما يشكل مشهدا رائعا.
ومع ذلك لم تستغل محمية الدندر طيلة فترات طويلة كوجهة سياحية مميزة أو كمصدر اقتصادي مهم إلا في السنوات الأخيرة حيث بدأت تنشأ نهضة سياحية كما تأسس عدد من الشركات السياحية الخاصة التي توفر السيارات للترحل والإقامة هناك مع توفير الأمن والسلام.
وتعتبر الفترة من يناير (كانون الثاني) حتى أبريل (نيسان) من أفضل الفترات لزيارة المحمية ذات الموقع الفريد حيث تغطيها السهول ذات الحشائش والنباتات والادغال والبحيرات ويمكن للسائح الوصول اليها براً بالسيارات التي توفرها الشركة والتي تنطلق من الخرطوم وتستغرق الرحلة ثماني ساعات حتى محطة القويسي، ومن ثم مواصلة الرحلة للمحمية لفترة لا تزيد على الاربع ساعات.
أما الحيوانات التي تستطيع أن تشاهدها هناك فتحيا على طبيعتها دون أسوار حديدية «إلا ما يحيط بالسائح نفسه!» والذي بالطبع يكون على ظهر سيارات كبيرة Land Cruiser توفر له التجول بطول المحمية وعرضها. فمن الثدييات الكبيرة تجد الأسود والجاموس البري والضباع والذئاب والغزلان والزراف وغزال الآيل والغزال الملون ووحيد القرن والقرود الصغيرة «النسانيس» والقنافذ والخنازير البرية، كما بها أكثر من 90 نوعاً من الطيور التي تنتشر على تجمعات المياه وهي الحبار والبجبار والرهو وهي الأسماء المحلية لطيور تأتي في موسم الشتاء هاربة من صقيع السويد وأوروبا لتتدفأ بالشمس الأفريقية، كما هناك دجاج الوادي ـ بلونه الأسود المنقط بنقاط بيضاء، ونقار الخشب والبجع الابيض، وأبو سعن، والغرنوق والنعام وغيرها كما بالدندر يوجد 32 نوعا من الأسماك.
أما مكان الإقامة بالنسبة الى السيّاح أو ما يعرف بمعسكر الدندر فهو عبارة عن ثلاث وحدات مشيدة على الطريقة التقليدية في البناء بالمنطقة التي تعرف محليا بـالقطية، أو هو الكوخ، وهو بناء دائري من الطين والطوب وسقفه بشكل مخروطي يغطيه القش، وبكل وحدة عدد من الغرف ملحق بها حمام وتتسع الغرفة لعدد 3 أشخاص بالإضافة إلى صالة طعام كما يضم المعسكر مخيمات من خيام حديثة ومؤثثة بأثاث مريح وتتسع الخيمة لعدد 2 شخص. أما الخدمات التي تقدمها الشركة فتشمل خدمة فندقية متميزة وتقديم الوجبات الثلاث الرئيسية بجانب خدمات الترحل والجولات وتوفير الآلات المناسبة للرؤية كـ «المنظار» وغيره. وهناك متحف يضم مجسمات ومحنطات لكل الحيوانات الموجودة بالحظيرة لمن توجس من الاقتراب منها ومشاهدتها وهي تنبض بالحياة.
من الشركات السياحية التي توفر إمكانية النقل الى الدندر هناك اوناتي للسياحة: (Onatti Tourism) وهي من الشركات الرائدة في مجال السياحة في السودان ـ onattisudan@yahoo.com ـ 02499129299160
* الخدمات التي تقدمها الشركة:
1. تقديم الوجبات الثلاث الأساسية بالإضافة إلى المشروبات الباردة.
2. تقوم بنقل السائح أثناء الرحلة على متن سيارات الدفع الرباعي 4WD المكيفة.
3. اذونات الزيارة.
4. أذونات التصوير.
5. إجراءات التسجيل بشؤون الأجانب.
6. توفير كل معدات التخييم الضرورية (Camping). 7. مرشد سياحي.

الطيب شيقوق
26th June 2010, 12:57 PM
http://www.gadarifstate.gov.sd/images/Gadariftourism.JPG

الطيب شيقوق
26th June 2010, 12:58 PM
http://www.biologie.uni-hamburg.de/b-online/afrika/0885/0885_14.jpg

الزاكي ادعوك انت والاسرة لزيارة محمية الدندر .

بالله تخيل جلسة تحت الشدرة دي انت والاولاد وقهوتكم قدامكم ولينا تنطط في الخضار دا

الزاكي عبد الحميد
26th June 2010, 05:23 PM
الأخ الأستاذ شيقوق:

والله دي معلومات في غاية الأهمية..
وفعلاُ أنا كنت محتاج ليها بشدة
لأن معي هولندي سمع عن الدندر -كما يبدو لي-
من أحد معارفه وظل يلاحقني كلما التقينا لتزويده ببعض
المعلومات التي كانت غائبة عني ولكن لم استطع البوح بجهلي
لمن توسم في خيراً...
كدي ياللخو زيد المعلومات دي شوية وكبر الخط شوية لزوم
العتب على النظر وكدا..(السني ما بحاسبك برسوم كان كبرت الخط
لحدي فونط 5 لكين إياك أن تزيد بعدين الفاتورة تجي تقيلة..

شكراً..شكراً..شكراً..
ونتطلع إلى المزيد..وشوية صور..

الطيب شيقوق
26th June 2010, 08:02 PM
عليك يا الزاكي تابع الفيديو دا للنهاية وهو حديث جدا

هذه المناظر على بعد مية كيلو فقط من قريتنا البردانة

YouTube- Dinder National Park - Sudan ????? ?????? ????????

الزاكي عبد الحميد
27th June 2010, 07:53 AM
أخي الأستاذ الطيب:
تحفة طبيعية تتوّج أرضاَ
تعتلي قلب أفريقيا رُواءً خلاسياً..فسادت
العالمَ يوم استوى بعنخي على صهوة العز
فرفع راياتِها خفاقةً إلى عُروش الشمسِ بسؤْددٍ أباداماكي
الاستبراك..ثم تألق جمالها يوم استنطق رماة الحدق
نبالَهم ذوداً عن الأرض والعِرضِ فجاء حديثها زخيخاً كالمهْلِ يغلي..
ثم كانت ولا تزال فخراً يسربلنا أنّى كنّا يوم عَكَزَ اللواء الأبيض
المِدفعَ كفعل سليمان عليه السلام مع جنده..
أخي العزيز:
هذه بقعة مباركة من أرضنا نفاخر بها الأمم لو أحسنا إدارتها
وجعلنا مواردها صناعة جاذبة للآخر..
فيلم وثائقي قيّم بمادته وأرضه الخصبة التي لا تخطئها العين
وثروتها البرية..

العيب الوحيد يا صديقي رغم روعة التعليق إلا أن المعلِّقة
أضاعت جمال الفيلم بضعف لغتها فرفعت حيث لا يكون الرفع
ونصبت حيث لا يكون النصب وكسرت حيث لا يكون الكسر..
فكسّرت بفعلتها هذه لوحةً لكانت لولا فعلتها رائعة المظهر والمضمون . وهنا مكمن الداء..
هذه بضاعة قيمة ولكن علينا أن نحسن ختامها ليكون
مسكاً يضوع عبقه فيجذب العالم ليعرفوا
من نحن!

لك شكري يا صديقي فليدم سوداننا ونحن له عاشقون..

الطيب شيقوق
27th June 2010, 09:48 AM
تحفة طبيعية تتوّج أرضاَ
تعتلي قلب أفريقيا رُواءً خلاسياً..فسادت
العالمَ يوم استوى بعنخي على صهوة العز
فرفع راياتِها خفاقةً إلى عُروش الشمسِ بسؤْددٍ أباداماكي
الاستبراك..ثم تألق جمالها يوم استنطق رماة الحدق
نبالَهم ذوداً عن الأرض والعِرضِ فجاء حديثها زخيخاً كالمهْلِ يغلي..
ثم كانت ولا تزال فخراً يسربلنا أنّى كنّا يوم عَكَزَ اللواء الأبيض
المِدفعَ كفعل سليمان عليه السلام مع جنده..

وجع - عيني باردة يا زيكو - والله النضم عندك ولا بلاش . انت ما براك؟

الزاكي عبد الحميد
28th June 2010, 10:41 AM
فلان ولا عليهو راقد خالف كراع فوق كراع

يحكى عن الشاعر الرومانسي صمويل كوليردج –وهو أحد رواد الحركة الرومانسية في الشعر الانجليزي- أنه كان يطيب له وضع كراع فوق كراع حين يشرد بذهنه في تأملاته الفلسفية التي أنتجت فيما أنتجت قصيدة كبلاي خان التي تعد إحدى روائع الشعر الإنجليزي .. وهي قصيدة ألّفها الشاعر بعد أن وضع كراعاً فوق كراع وتناول شيئاً من الحشيش
وأطلق لخياله العنان فكانت القصيدة العصماء........
وعندنا الرقدة على القفا ووضع الكراع فوق الكراع هي رقدة ارتياح واسترخاء وفراغ من الشغل قد تكون مصحوبة بالتأمل.. وهي عادة مألوفة عندنا في السودان نقول:
"فلان ولا عليهو خالف كراع فوق كراع"...
ولعلنا نذكر قصة ذلك الجمّالي وكان يحتطب ، والاحتطاب حرفة شريفة، وكان يكسب رزق اليوم باليوم، وعاد مرة من السوق بعد أن باع حطبه وقد أحضر طعام أولاده والسكر والقهوة وطلب من زوجته أن "تسوّ الجَبَنة" فأشعلت الفحم وصار لهبه يتقطّع مع نسمات الغروب..
والمغرب في خريف القرى نسماته عليلة فكان ذلك المنظر هو غاية ما يتمناه أمثاله من عيش الدنيا، فرقد على قفاه و"ختّ" كُراع فوق كُراع وأطلق عبارة ارتياح ورضى أشبه باللهم أنت ربي وأنا عبدك فقال:
"يا الله هوي الله دا تخليهو لينا"
غمرته السعادة فلا يدري ما يقول ولكنها ترجمة حقيقية لقولهم (من قرّ عيناً بعيشه نفعهُ)...

قلنا كثيراً ما يكون الاستلقاء على الظهر ووضع الرجل على الأخرى دليل استرخاء وتأمّل..وهي عادة معروفة من قديم الزمان..
قال ابن الخاضبة ( أبو بكر محمد بن أحمد عبد الباقي الدقّاق) لما
كانت سنة الغرق وقعت داري على قماشي وكتبي وكان لي عائلة:
الوالدة والزوجة والبنت، فكنتُ أورِّق الناس ( ينسخ لهم الكتب) فأعرف أنني كتبتُ صحيح مسلم في تلك السنة سبع مرات –مطبعة بشرية ما شاء الله-فلما كان ليلة من الليالي رأيت في المنام كأن القيامة قد قامت ومناد ينادي : يا ابن الخاضبة. فأُحضِرتُ قيل لي أدخل الجنة، فلما دخلت الباب وصرت من داخل استلقيتُ على قفاي ووضعتُ إحدى رجليّ
على الأخرى وقلتُ : آه، استرحتُ من النسخ..


الاستلقاء ووضع الكراع فوق الكراع..الكراع بمعنى الرجل من فصيح العامية السودانية وهي من صميم العربية الفصحى كذلك..تقول العرب في ذلك:
"كنتَ كُراعاً فأصبحت ذراعاً" لمن ارتفع حاله وعزّ بعد ذُلٍّ.. أهلنا بقولوا: انقطعت الكراع كناية عن السكون وانقطاع الحركة ليلاً.. والعرب تقول:
(هدأت الرِّجِل) وذلك إذا سكن الليل..
ومن أمثالنا: ألبس قدُر كُراعك..ومد كُراعك قدُر لحافك، يحضون على لزوم الحد واجتناب التجاوز..
قالوا مر! همباتي على صاحب مواشٍ ونِعَمٍ عظيمة فوجده نائماً على (عنقريب حبل) متوسداً ساعده، وقد خرجت رجلاه وامتدتا متجاوزتين العنقريب بمسافة، فاخترط الهمباتي سيفه وقطع رجلي المسكين بمحاذاة نهاية العنقريب وقال له:
المال ده كلو هُولك وإت فوق عنقريباً كرعيك أطول منو؟ يريد له فراشاً يناسب هذه النعمة عملاً بالأثر: إن الله يحب أن يرى أثر نعمته على عبده...

وما علم الهمباتي أن هذا المال إنما يجمعه أهله بمثل هذه الحياة الخشنة. وأن أحدهم قرير العين بذلك..
حكى أحدهم لآخر:
"يا شيخنا أبوي كان احتاج يبيع بهيمة يجدع المجداع فوق المراح والبقع عليها يبيعها ولا هو راضي..
وقد شرحت الموسوعة العربية العالمية هذه الآلة (المجداع) البدائية وسمتْها "البمرنج" وذكرت أنها من أداة ملوية أو منبسطة تستعمل سلاحاً أو يرمى بها في الرياضة وأنها من اختراع الصيادين في فترة ما قبل التاريخ وعُثِر عليها في اجزاء كثيرة من العالم في كل قارات الدنيا...

فذلك الرجل صاحب نِعَم كصاحب الهمباتي ولكن نفسه لا تطاوعه على أن يفقد منها لأي سبب فكلها حبيبة إلى نفسه، لذا يستخدم هذه الآلة لتقوم بدور القُرْعة أو الاختيار العشوائي، رغم أنفه..وهذا تصرف قديم يجسده قول الشاعر العربي القديم:

فارقتْني ذخيرةٌ من عقار
ذكّرتْني تفرّق الأحباب
وسواء بيع الرقاب من المال
إذا بعتها وضرب الرِّقاب
وهو يقصد ضرب العنق بالسيف وبيع الممتلكات سواء..
هكذا كانت حياة بعضهم، وهم الفئة التي عناها المصطفى عليه السلام بقوله:
"تعِس عبدُ الدرهم..تعِس عبدُ الدينار"

ياااااه.....من كراع فوق كراع جرفني حلو الحديث إلى أشياء أخرى
وهكذا الحديث دوماً ذو شجون..
وتبقى الغربة سترة حال..

الأعزاء:
الشاعرة سمية بت طلحة
الطيب إدريس
الطيب شيقوق
أبو عاقلة
الزبير
أها الكورة في ملعبكم يلاّ.. واصلوا حلو حديثكم ففيه
ترياق لتباريح الغربة..
والود لكم من قبل ومن بعد..

الطيب شيقوق
28th June 2010, 01:55 PM
فلان ولا عليهو راقد خالف كراع فوق كراع

يحكى عن الشاعر الرومانسي صمويل كوليردج –وهو أحد رواد الحركة الرومانسية في الشعر الانجليزي- أنه كان يطيب له وضع كراع فوق كراع حين يشرد بذهنه في تأملاته الفلسفية التي أنتجت فيما أنتجت قصيدة كبلاي خان التي تعد إحدى روائع الشعر الإنجليزي .. وهي قصيدة ألّفها الشاعر بعد أن وضع كراعاً فوق كراع وتناول شيئاً من الحشيش
وأطلق لخياله العنان فكانت القصيدة العصماء........
وعندنا الرقدة على القفا ووضع الكراع فوق الكراع هي رقدة ارتياح واسترخاء وفراغ من الشغل قد تكون مصحوبة بالتأمل.. وهي عادة مألوفة عندنا في السودان نقول:
"فلان ولا عليهو خالف كراع فوق كراع"...
ولعلنا نذكر قصة ذلك الجمّالي وكان يحتطب ، والاحتطاب حرفة شريفة، وكان يكسب رزق اليوم باليوم، وعاد مرة من السوق بعد أن باع حطبه وقد أحضر طعام أولاده والسكر والقهوة وطلب من زوجته أن "تسوّ الجَبَنة" فأشعلت الفحم وصار لهبه يتقطّع مع نسمات الغروب..
والمغرب في خريف القرى نسماته عليلة فكان ذلك المنظر هو غاية ما يتمناه أمثاله من عيش الدنيا، فرقد على قفاه و"ختّ" كُراع فوق كُراع وأطلق عبارة ارتياح ورضى أشبه باللهم أنت ربي وأنا عبدك فقال:
"يا الله هوي الله دا تخليهو لينا"
غمرته السعادة فلا يدري ما يقول ولكنها ترجمة حقيقية لقولهم (من قرّ عيناً بعيشه نفعهُ)...

قلنا كثيراً ما يكون الاستلقاء على الظهر ووضع الرجل على الأخرى دليل استرخاء وتأمّل..وهي عادة معروفة من قديم الزمان..
قال ابن الخاضبة ( أبو بكر محمد بن أحمد عبد الباقي الدقّاق) لما
كانت سنة الغرق وقعت داري على قماشي وكتبي وكان لي عائلة:
الوالدة والزوجة والبنت، فكنتُ أورِّق الناس ( ينسخ لهم الكتب) فأعرف أنني كتبتُ صحيح مسلم في تلك السنة سبع مرات –مطبعة بشرية ما شاء الله-فلما كان ليلة من الليالي رأيت في المنام كأن القيامة قد قامت ومناد ينادي : يا ابن الخاضبة. فأُحضِرتُ قيل لي أدخل الجنة، فلما دخلت الباب وصرت من داخل استلقيتُ على قفاي ووضعتُ إحدى رجليّ
على الأخرى وقلتُ : آه، استرحتُ من النسخ..


الاستلقاء ووضع الكراع فوق الكراع..الكراع بمعنى الرجل من فصيح العامية السودانية وهي من صميم العربية الفصحى كذلك..تقول العرب في ذلك:
"كنتَ كُراعاً فأصبحت ذراعاً" لمن ارتفع حاله وعزّ بعد ذُلٍّ.. أهلنا بقولوا: انقطعت الكراع كناية عن السكون وانقطاع الحركة ليلاً.. والعرب تقول:
(هدأت الرِّجِل) وذلك إذا سكن الليل..
ومن أمثالنا: ألبس قدُر كُراعك..ومد كُراعك قدُر لحافك، يحضون على لزوم الحد واجتناب التجاوز..
قالوا مر! همباتي على صاحب مواشٍ ونِعَمٍ عظيمة فوجده نائماً على (عنقريب حبل) متوسداً ساعده، وقد خرجت رجلاه وامتدتا متجاوزتين العنقريب بمسافة، فاخترط الهمباتي سيفه وقطع رجلي المسكين بمحاذاة نهاية العنقريب وقال له:
المال ده كلو هُولك وإت فوق عنقريباً كرعيك أطول منو؟ يريد له فراشاً يناسب هذه النعمة عملاً بالأثر: إن الله يحب أن يرى أثر نعمته على عبده...

وما علم الهمباتي أن هذا المال إنما يجمعه أهله بمثل هذه الحياة الخشنة. وأن أحدهم قرير العين بذلك..
حكى أحدهم لآخر:
"يا شيخنا أبوي كان احتاج يبيع بهيمة يجدع المجداع فوق المراح والبقع عليها يبيعها ولا هو راضي..
وقد شرحت الموسوعة العربية العالمية هذه الآلة (المجداع) البدائية وسمتْها "البمرنج" وذكرت أنها من أداة ملوية أو منبسطة تستعمل سلاحاً أو يرمى بها في الرياضة وأنها من اختراع الصيادين في فترة ما قبل التاريخ وعُثِر عليها في اجزاء كثيرة من العالم في كل قارات الدنيا...

فذلك الرجل صاحب نِعَم كصاحب الهمباتي ولكن نفسه لا تطاوعه على أن يفقد منها لأي سبب فكلها حبيبة إلى نفسه، لذا يستخدم هذه الآلة لتقوم بدور القُرْعة أو الاختيار العشوائي، رغم أنفه..وهذا تصرف قديم يجسده قول الشاعر العربي القديم:

فارقتْني ذخيرةٌ من عقار
ذكّرتْني تفرّق الأحباب
وسواء بيع الرقاب من المال
إذا بعتها وضرب الرِّقاب
وهو يقصد ضرب العنق بالسيف وبيع الممتلكات سواء..
هكذا كانت حياة بعضهم، وهم الفئة التي عناها المصطفى عليه السلام بقوله:
"تعِس عبدُ الدرهم..تعِس عبدُ الدينار"

ياااااه.....من كراع فوق كراع جرفني حلو الحديث إلى أشياء أخرى
وهكذا الحديث دوماً ذو شجون..
وتبقى الغربة سترة حال..

الأعزاء:
الشاعرة سمية بت طلحة
الطيب إدريس
الطيب شيقوق
أبو عاقلة
الزبير
أها الكورة في ملعبكم يلاّ.. واصلوا حلو حديثكم ففيه
ترياق لتباريح الغربة..
والود لكم من قبل ومن بعد..

زيكو والله شغل نضيف بالحيل

بس عاوزين نعرف يا زيكو خلفة الكراع في كراع وانت جالس مع أخرين في كرسيك ماذا تعني في ثقافات غيرنا ؟ هل قلة ادب هل عنجهية ام دليل على ثقة في النفس ؟

علمت ان الخواجات يكرهون التدشي خالص ( التدشي اقصد به التترعة بعد الشبع)

يلا يا زيكو يا ايها المنجم والعالم المعظم جئنا اليك كلنا لنعرف منك حظنا .

الطيب ادريس
28th June 2010, 02:28 PM
كتب الاستاذ / الزاكي عبد الحميد :

قالوا مر! همباتي على صاحب مواشٍ ونِعَمٍ عظيمة فوجده نائماً على (عنقريب حبل) متوسداً ساعده، وقد خرجت رجلاه وامتدتا متجاوزتين العنقريب بمسافة، فاخترط الهمباتي سيفه وقطع رجلي المسكين بمحاذاة نهاية العنقريب وقال له:
المال ده كلو هُولك وإت فوق عنقريباً كرعيك أطول منو؟ يريد له فراشاً يناسب هذه النعمة عملاً بالأثر: إن الله يحب أن يرى أثر نعمته على عبده...

الحكاية المعروفة لأحد اخواننا الذين رجعوا السودان بصفة نهائية وفي أحد سفرياته للجزيرة منطقة المناقل تحديدا .. قابل أحد الرعاة مع اخوته ومعهم قطيع من الضأن يقدر بالخمسة آلاف راس وكانوا ينتعلون ( تموت نخليهوا ) ( وعراريق بالية ) .. فأراد أن يمزح معه قائلا ( أسه لو لقيت ليك مليون جنيه بتعمل شنو !! )
فصاح قائلا .. مليون .. مليون والله أديك مراحي ده !!المرّاح يقدر بأكثر من مليار جنيه .. ولكنه لم يحس بهذه النعمة يوما !

الزاكي عبد الحميد
28th June 2010, 04:56 PM
عزيزي الطيب شيقوق:
إت ما سألت وأنا عندي ليك كلاماً كتير بالحيل..
بس صبرك طوّلو معاي شوية..

الأرباب:

دي جات في الصميم والله. وبالفعل الزول ما بشوف
العندو لكين دائماً عينو على العند الآخر..
وا عجبي..

الزاكي عبد الحميد
29th June 2010, 08:11 AM
كتب صديقي شيقوق متسائلاً:

بس عاوزين نعرف يا زيكو خلفة الكراع في كراع وانت جالس مع أخرين في كرسيك ماذا تعني في ثقافات غيرنا ؟ هل قلة ادب هل عنجهية ام دليل على ثقة في النفس ؟

علمت ان الخواجات يكرهون التدشي خالص ( التدشي اقصد به التترعة بعد الشبع)

وضع الكراع فوق كراع وأنت جالس بين المعارف والأصدقاء
لا حرج عليه..ولكن بعض المجتمعات ترفض هكذا جلسة باعتبار
أنها تحقير لمن تجالسه..
حدثني الراحل المقيم الباحث الكبير الطيب محمد الطيب ذات
مرة بأن جلسة بهذا الوضع مردُّها في بعض من مناطق السودان
-مردّها إلى الاعتزاء..
السوداني إذا افتخر بشيء أو تحقق ما وَعَدَ به أو صدَقَ ما توقعه
أو تغلب على أحد يقول:
أنا أبو فلان أو أنا أخو البنات أو أنا أخو السَّاترة حالها مع جيرانا وغيرها وهذا هو الاعتزاء (والحديث عنه كثير ربما اندرجت في سياقه الهمبتة ايضاً)..

وقصص الاعتزاء كثيرة ولكن للاعتزاء حُرْمة مرعية وله مواضع يصلح فيها..
فلا يستحب-كما تعلم يا صديقي-اعتزاء الصغير على الكبير ولا اعتزاء العامة على الحكام..ألسنا ننكر عبارة الذي اعتزى فوهِم حيث قال : " أنا أخو الشيخ حسن ود حسونة!" فهذا خرق لمرعيات
الآداب..

التجشؤ:
التجشؤ أثناء الأكل يا صديقي غير مستحب
لدى بعض المجتمعات الغربية وكما تعلم يا صديقي
يندرج ذلك في آداب السلوك التي تختلف من منطقة لأخرى حتى في البلد
الواحد..
فقد أخرج الترمذي بإسناد ضعيف، عن ابن عمر -رضي اللَّه عنهما-: أن رجلا تجشأ عند رسول اللَّه صلى الله عليه وسلم ، فقال له: ( كف عنا جشاءك؛ فإن أكثركم شبعا أكثركم جوعا يوم القيامة) . قال الإمام أحمد في رواية أبي طالب: إذا تجشأ الرجل وهو في الصلاة، فليرفع رأسه إلى السماء حتى يذهب الريح، فإذا لم يرفع رأسه أذى من حوله من ريحه. قال: وهذا من الأدب.... (نتأكد من صحة الحديث من العلامة الدكتور الطاهر الدرديري فهو عمدة في مجال الحديث
نفعنا الله جميعاً بعلمه

عموماً من المشاع أن التشجؤ في مكان عام يراه بعض
الأوروبيين -والانجليز تحديداً -مش البريطانيين:
Faux pas
هذه عبارة فرنسية تعني بالانجليزية:
False step
وهكذا ما يراه زيد عيباً قد لا يراه
عمر كذلك..ولكن هناك شبه اجماع
على آداب السلوك بين المجتمعات المتحضرة..

والله أعلم..ونرجو من القراء الكرام
التوسع في هذا الجانب لتعميم الفائدة..

والتحية لكم جميعاً وتبقى الغربة سترة حال!

وداد عوض
29th June 2010, 09:54 AM
الأخوة والاخوات الأكارم أعضاء المنتدى
اعزاء الغربة سترة حال

بالتأكيد لاحظتم تغيبي عن البوست
لوقت طويل وذلك لسبب التجهيز للسفر إلى الوطن ..
فترة التجهيز مرهقة ولكن السّلوى في أن الوجهة
هي السودان للقاء الأهل ومشاهدة النيل في أبي روف حيث للنيل هناك نكهة خاصة فلونه يكون في هذا الوقت من السنة أقرب إلى اللون البني مما يحمله من طمي يعود بنفعه على البلاد والعباد ..
هناك ست شاي خمسينية .. تراها تشعر بأن الدنيا ما زالت بخير ..
تقابلك بابتسامة صادقة و كأنها تعرفك من زمان بعيد ..
تجلس هناك في بنبر ..
تشعر و أنت بهذه الحالة أن للنيل حديث .. لغة غير منطوقة ..
هو حديث يتشكل من الموسيقى الصادرة عن الأمواج الهادئة ..
هو حديث يتشكل بما ترسمه الأمواج من لوحات ..
تأمل أمامك هنا يأخذ الموج شكل طائر يفرد جناحيه ..
وهناك شكل آخر أشبه ما يكون بجبل شاهق ..
وهكذا تنتقل بين هذه اللوحات إلى أن ترشف آخر قطرة من شاي
تلك السيدة الطيبة ثم تهيأ للرحيل لغرض آخر ..
وأنا الآن أتهيأ للسفر فأقول لكم وداعاً و إلى حين ..
ولكن إذا شاء الله بواصل معكم من هناك
بعد أخلص المشاوير و المناسبات ..
ودمتم في حفظ الله ..



والعفو والعافية
وابقوا عشرة على الغربة الكبيرة
والصغيرة (البوست )

وتبقى الغربة سترة حال ..

الطيب شيقوق
29th June 2010, 12:02 PM
كتب صديقي شيقوق متسائلاً:

بس عاوزين نعرف يا زيكو خلفة الكراع في كراع وانت جالس مع أخرين في كرسيك ماذا تعني في ثقافات غيرنا ؟ هل قلة ادب هل عنجهية ام دليل على ثقة في النفس ؟

علمت ان الخواجات يكرهون التدشي خالص ( التدشي اقصد به التترعة بعد الشبع)

وضع الكراع فوق كراع وأنت جالس بين المعارف والأصدقاء
لا حرج عليه..ولكن بعض المجتمعات ترفض هكذا جلسة باعتبار
أنها تحقير لمن تجالسه..
حدثني الراحل المقيم الباحث الكبير الطيب محمد الطيب ذات
مرة بأن جلسة بهذا الوضع مردُّها في بعض من مناطق السودان
-مردّها إلى الاعتزاء..
السوداني إذا افتخر بشيء أو تحقق ما وَعَدَ به أو صدَقَ ما توقعه
أو تغلب على أحد يقول:
أنا أبو فلان أو أنا أخو البنات أو أنا أخو السَّاترة حالها مع جيرانا وغيرها وهذا هو الاعتزاء (والحديث عنه كثير ربما اندرجت في سياقه الهمبتة ايضاً)..

وقصص الاعتزاء كثيرة ولكن للاعتزاء حُرْمة مرعية وله مواضع يصلح فيها..
فلا يستحب-كما تعلم يا صديقي-اعتزاء الصغير على الكبير ولا اعتزاء العامة على الحكام..ألسنا ننكر عبارة الذي اعتزى فوهِم حيث قال : " أنا أخو الشيخ حسن ود حسونة!" فهذا خرق لمرعيات
الآداب..

التجشؤ:
التجشؤ أثناء الأكل يا صديقي غير مستحب
لدى بعض المجتمعات الغربية وكما تعلم يا صديقي
يندرج ذلك في آداب السلوك التي تختلف من منطقة لأخرى حتى في البلد
الواحد..
فقد أخرج الترمذي بإسناد ضعيف، عن ابن عمر -رضي اللَّه عنهما-: أن رجلا تجشأ عند رسول اللَّه صلى الله عليه وسلم ، فقال له: ( كف عنا جشاءك؛ فإن أكثركم شبعا أكثركم جوعا يوم القيامة) . قال الإمام أحمد في رواية أبي طالب: إذا تجشأ الرجل وهو في الصلاة، فليرفع رأسه إلى السماء حتى يذهب الريح، فإذا لم يرفع رأسه أذى من حوله من ريحه. قال: وهذا من الأدب.... (نتأكد من صحة الحديث من العلامة الدكتور الطاهر الدرديري فهو عمدة في مجال الحديث
نفعنا الله جميعاً بعلمه

عموماً من المشاع أن التشجؤ في مكان عام يراه بعض
الأوروبيين -والانجليز تحديداً -مش البريطانيين:
Faux pas
هذه عبارة فرنسية تعني بالانجليزية:
False step
وهكذا ما يراه زيد عيباً قد لا يراه
عمر كذلك..ولكن هناك شبه اجماع
على آداب السلوك بين المجتمعات المتحضرة..

والله أعلم..ونرجو من القراء الكرام
التوسع في هذا الجانب لتعميم الفائدة..

والتحية لكم جميعاً وتبقى الغربة سترة حال!

صديقي الموسوعي زيكو

شكرا شكرا شكرا من هنا لدنقلا

وداد بت العوض

الف سلامة لعودتك وربنا يوديكم السودان ويرجعكم بالعافية

انتوا دحين ما فكرين ترجعوا خالص ولا الغربة صارت جاذبة؟

الطيب شيقوق
29th June 2010, 01:24 PM
استراحة مهمة جدا


مختصون: السودان لن يتأثر بتوقيع الاتفاقية، ويطالبون بزيادة نصيبه

الخرطوم: خالد البلولة ازيرق

اقر مهتمون ومختصون بعدم تأثر السودان بتوقيع اتفاقية حوض النيل المتوقعه غداً، ووصفوا خلافات دول الحوض حول المياه بانها سياسية وليست قانونية وان العلاقات السياسية بين دول الحوض ظل محورها المياه، وأشاروا الي انتهاء حصة السودان من مياه النيل ببناء مشاريع التنمية والسدود واستغلال المياه وبحلول العام «2027م» انه بحاجة لـ»36,6» مليار متر مكعب، وشككوا في وجود استراتيجة مشتركة مع مصر في مواجهة دول الحوض، ودعوا لمراعاة الحكومة مصلحة السودان في أزمة المياه بين دول الحوض بتحقيق اضافة نسبة أخري لحصته، واقروا بتضرر السودان من توزيع حصة المياه علي دول الحوض التي اعتمدتها اتفاقية 1929م بان تكون مناصفة من حصة السودان ومصر، وقالوا في ندوة «المتغيرات الاقليمية والدولية وأثرها علي اتفاقية مياه النيل» التي نظمها المركز العالمي للدراسات الافريقية امس، ان مشاريع استغلال المياه المقترحة في اثيوبيا فوائدها للسودان اكبر من اثيوبيا، في تقليل كميات الطمي والتبخر وضبط الفيضانات والملاحة، ونوهوا الي ان التخزين في اثيوبيا افضل للسودان من مشاريع سد مروي وتعلية الروصيرص، وأن السودان واثيوبيا يمكن ان يشكلا شراكة اقتصادية تتفوق علي أي شراكة في العالم.
وتوزعت محاور «الندوة» التي حظيت بحضور نوعي من المهتمين والمختصين بالمياه، الي «قانوني» و»سياسي» و»فني» و «أمني» استعرضت من خلالها تداعيات الأزمة الراهنة في ابعادها المختلفة وانعكاساتها علي السودان من واقع موقعه المحور بين دول الحوض، واستهلت «الندوة» بالمحور القانوني الذي قدمه الدكتور أحمد المفتي الخبير القانوني، والذي استعرض من خلاله سردا تاريخيا لاتفاقيات مياه النيل وموقف الحكومة السودانية من الأزمة الراهنة بين دول الحوض، وقال ان حيوية موضوع المياه جعلت يتداخل فيه القانوني والسياسي والبيئي والفني، مشيراً الي أن العلاقات المائية بين مصر والسودان قديمة وكانت بدايتها الحقيقة في العام «1913م» حينما قرر السودان أن يأخذ كميات محددة من المياه لري مساحات زراعية في مشروع الجزيرة، ونسبة لأنه كان مستعمرا آنذاك فقد تم حل مشكلة تمسك مصر بحقها التاريخي عن طريق ضبط الانسياب بانشاء خزان مكوار دون ان يأخذ من الحق التاريخي المكتسب لمصر، وقال ان الحق التاريخي لمصر كان يقابله السودان بحقه في التنمية لذا جاء خزان سنار للمساهمة في التنمية، واضاف ان السودان لم تقف مطالباته للايفاء بمشروع الري حتي تم انشاء خزان جبل اولياء، مشيرا الي ان اول بعد سياسي في قضية المياه كان في عام «1924» مع الثورة، حيث قالت الحكومة البريطانية لمصر انها ستزيد المساحات الزراعية في السودان الي مالا نهاية بزيادة «300» ألف فدان، لكن لم يمض شهران حتى عادت بريطانيا الي اتفاقها مع مصر حول المياه، ثم جاءت بعد ذلك اتفاقية «1925م» ثم اعقبتها اتفاقية «1929» التي اعطت السودان حق سحب احتياجاته كلها، وأن لايتصرف أحد من دول الحوض في النيل وبحيراته، وقال ان السودان وضع قانون مراقبة سحب مياه النيل سنة «1939» وظل سارياً حتي مجئ الانقاذ، ثم جاءت اتفاقية «1959م» التي كان الحديث فيها يدور حول حصة السودان القليلة من المياه، وايضا كفل لمصر منطق التاريخ بان لديها حقوقا مكتسبة، مشيراً الي ان السودان بدأ يكتسب الحقوق التاريخية منذ استصلاح اول «100» ألف فدان في العشرينات، والاتفاقية منطقها الاول ان تأخذ مصر «48» مليارا، والسودان «4» مليارات، والمنطق الثاني تحدث عن الرصيرص والسد العالي الذي يخزن «22» مليار متر، وهذه قسمت علي أساس العدالة التعويضية التي اعطت السودان «14,5» مليار، ومصر «7,5» مليار ليصبح للسودان «18,5» مليار ، ومصر «55,5» مليار، وقال ان السد العالي بدأ يبخر «10» مليارات متر، ومشيراً الي ان التقديرات الاخيرة لم يستطع السودان استهلاك النسبة المخصة له، وهناك مشاريع زيادة الايرادات تقرر ان تقسم بالتساوي بين مصر والسودان.
وأشار المفتي الي ان الحكومة البريطانية قدرت في اكتوبر 1959م احتياجات دول الحوض الاخري بمليار وثلاثة ارباعه، وان التبخر في السد العالي عشرة مليارات، وكان السودان ومصر يأملان ان يكون التخزين القرني في اثيوبيا في بحيرة تانا وليس السد العالي لتقليل التبخر، وقال ان اتفاقية 1929م كانت بها آلية لفض النزاعات عبارة عن لجنة مستقلة لكن حتى الآن لم يتم الاحتكام اليها، وان السودان جبها باتفاقية 1959م ولكن الدول الاخري لم تفعل حتى الآن، مشيراً الي ان مشاريع سد مروي وغيره قامت علي اساس اتفاقية 1959م، التي اسست الهيئة المشتركة لمياه النيل والتي تأخذ قراراتها بالاجماع ولم يحدث فيها اختلاف لأن القرارات تتخذ بالموافقة، واستبعد المفتي ان يتم أي توزيع للمياه في الأزمة الراهنة بالتساوي من نصيب السودان ومصر لأن مصر لن ترضي أن يأخذ من نصيبها، لأن الاتفاقيات تقول بأحقية دول الحوض في استغلال المياه والحفاظ علي الحقوق المكتسبة للسودان ومصر ولابد ان تعترف بالاستخدامات السابقة، وقال المفتي ان نقطة الخلاف بين دول الحوض في الاتفاقية المطروحة للتوقيع الآن هي في المادة «14- ب» وهي علاقة الاتفاقية الاطارية بالاتفاقيات السابقة، وقال ان السودان ومصر مصران علي الاعتراف بحقوقهما السابقة وان الاتفاقية لم تقل بغير ذلك ولكنها نصت علي احالة الخلاف الي المفوضية للفصل فيه، وان السودان ومصر قدما مبادرة رئاسية تنص علي قيام المفوضية وان تحال المادة «14- ب» للتفاوض بينهما، فالخلاف يكمن في كيفية الاحالة، وقال ان الاتفاقيات تحدثت عن «سحب، بيع، استخدامات» للمياه، وان السحب تاريخياً انتهي، وان الاتفاقية الجديدة تحدثت عن الاستخدام وليس البيع، أما فيما يتعلق بتخوف البعض من اسرائيل ان تكون عضوا في دول الحوض بعمل شراكات اقتصادية هذا عولج في الاتفاقية بتعريف الدولة وفي تعريف الدولة لم تصنف لدول منبع ومصب، بل دول حوض ودولة منبع، لذا لاتوجد طريقة لدولة اخري أن تدخل، وان هناك دولة عربية تقدمت بطلب لتكون مراقبا وتم رفضه، وحول الموقف الدولي قال المفتي ان المجتمع الدولي مول كل انشطة التعاون في دول الحوض، لكن حينما ظهرت الخلافات في كنشاسا في «22 مايو 2009» بسبب الاصرار علي معالجة نقطة الخلاف في المجلس الوزاري بعد ان تم رفعها للرئاسة واعتراض السودان علي ذلك، وتقدم مصر بمقترح تشكيل لجنة دولية لمعالجة الخلاف ورفض السودان لهذا المقترح بعد توحد الموقف السوداني والمصري، وبعد خلافات «كنشاسا» المجتمع الدولي اصدر بيانا اشار فيه ان الفهم الخطأ وسوء الفهم للعلاقات المائية يمكن ان يحل بتفهم وانسياب النيل، وان مشاريع التنمية لا يمكن ان تقوم الا بتفهم دول الحوض هذا متروك لكم وتم رفض هذا البيان، وقال المفتي ان توقيع الاتفاقية اذا في غياب السودان ومصر لن تغير كثيرا في الواقع، وان توقيع هذه الاتفاقية لارضاء الشارع السياسي فقط.
من جهته تناول الدكتور حسن الساعوري استاذ العلوم السياسية بجامعة النيلين، المحور السياسي، وقال ان هناك «12» اتفاقية تمت في قضية مياه النيل بدأت منذ العام «1902» مصر كانت طرف في «9» منها وفي كلها كان الحرص المصري الشديد علي الحق المكتسب ولم يكن اسم السودان يرد الا في اتفاقية «1925» لذلك حينما تتحدث مصر عن الحق المكتسب تتحدث عن كل هذه الاتفاقيات، وشكك الساعوري في كمية مياه النيل المتدفقة وقال لاحد يعلم حقائقها فقط المصريون يتحدثون عن «84» مليارا، مشيراً الي أن السودان لم يكن مهتما بهذا طيلة تاريخه لذا نحن محتاجون لمعايير ثابتة لمعرفة حجم المياه، وقال ان العلاقات السياسية بين دول الحوض ظل محورها مياه النيل، خاصة بين مصر واثيوبيا ويوغندا وغيرها، وبين مصر والسودان، وقال كانت هناك مقايضة بين مصر وبريطانيا منذ الاستعمار بترك الجنوب لبريطانيا مقابل ان تحفظ حقوق مصر التاريخية في اي اتفاقية مياه، واضاف الساعوري «العلاقة مع مصر لم تتوتر الا بعد ان قلنا نريد ان نزيد المساحات المروية في المناقل في الخمسينات فقاموا باحتلال حلايب، وبعد اتفاقية مياه «1959» قاموا بالانسحاب منها كأن هناك اتفاقا سياسيا حولها بالمياه، وفي عام 1992م حينما قرر السودان ان يزيد استثمار الري وقرر التعاون مع اثيوبيا لوضع اتفاقية اطارية للمياه، دخل المصريون حلايب وادعوا بأنها مصرية، اذاً المياه هي اساس مشاكل مصر والسودان، وقال ان السودانيين لم يهتموا بمسألة مهندسي الري الذين لم يتجاوزوا الـ»100» ولم يكن هناك اهتمام من الحكومة بقضية المياه والري، وفي المقابل نجد ان مصر بها اكثر من «5» آلاف مهندس ري. واشار الساعوري الي ان اتفاقية «1959» نصت في حال مطالبة دول الحوض بحصتها في المياه ان تعطي من حصة السودان ومصر مناصفة، الآن المشكلة اننا نعرف بأن حلها سيكون مناصفة من نصيب السودان ومصر، ونحن حاجتنا للمياه والري والاستثمار الزراعي أكبر من مصر فكيف نوافق علي الاقتسام بيننا ومصر مناصفة؟. وقال الساعوري ان اتفاقية «1959» نصت كذلك علي ان يكون هناك موقف موحد بين مصر والسودان في مواجهة الدول الاخري، ولكنه قال «اشك بأن السودان ومصر لديهما استراتيجية لذلك، فاذا لم تكن هناك استراتيجية بين الدولتين، اذاً هناك استراتيجة مصرية واذا كانت كذلك لماذا نتبع هذه الاستراتيجية وهي تخدم مصر فقط، وقال الساعوري ان مياه النيل تبعد عن اسرائيل «12» كيلو فقط مساحة سيناء ومن ادرانا بان اسرائيل لا تشرب من مياه النيل، وقد سبق وأعلن الرئيس المصري السادات بانه سيجعل من مياه النيل زمزما للعرب والمسيحيين، وقال ان السودان محتاج لزيادة الـ»18» مليارا، لذا ليس من مصلحتنا ان نتحدث عن حق تاريخي مكتسب لأننا نحتاج لضعف هذه الكمية من المياه للتنمية في السودان، خاصة وان دول الحوض كلها لاتوجد دولة محتاجة للمياه سوي السودان، واضاف «نحن اذا اتفقنا مع مصر علي استراتيجية لابد من ثمن، والثمن ليس الانسحاب من حلايب وانما مضاعفة حصة السودان من المياه».
وفي المحور الفني للمياه الذي استعرضه الدكتور سيف الدين حمد الخبير الدولي بوزارة الري، قال فيه ان هناك تنسيقا دائما بين السودان ومصر في موضوع المياه وبشكل دائم وشبه اسبوعي وان معظم الآراء في الاستراتيجية والخطط هي خطط سودانية، وقال ان السودان بعد انشاء خزان مروي وتعلية الروصيرص والتوقيع علي خزان ستيت الذي يحتاج «3,5» مليار متر تكون حصته من مياه النيل قد انتهت، وقال وضعنا خطة الي سنة 2027م بأن احتياجات السودان سترتفع «33,6» مليار متر من مياه النيل، واضاف ان حصة السودان من المياه سنة 2050م سترتفع الي «56» مليارا، هذه بخلاف التنمية المتصاعدة مثلا في صناعة السكر، الوزارة تتحدث عن انتاج «14» مليون طن وهذه مستحيلة لأنها تحتاج لـ»30»مليار متر من المياه، واشار الي ان مصر نفذت مشروع توشكا وهذا المشروع عمل لوضع اليد علي المياه باكتساب الحق التاريخي كما أنشأت ترعة السلام وفكرتها كانت يهودية لنقل اليهود الي سيناء، وقال ان المصريين لديهم خطط منها تحسين الري وتغيير التركيبة المحصولية وزرع بعض المحاصيل التي تحتاج لمياه أكثر في السودان.
وحول اثيوبيا قال حمد ان اكبر احواضها هو الستيت القادم منه نهر عطبرة وحوض النيل الازرق، وحوض الباري اكوك منه نهر السوباط وبه خزان تقسي الذي يخزن «9» مليارات متر وتم انشاؤه دون استشارة السودان في الجزء الاعلي من نهر عطبره، وقال ان حوض بحيرة تانا يغذي النيل بـ»3» مليارات فقط من مجموع «50» مليارا تأتي من الانهار الفرعية، مشيرا الي ان المساحات التي يمكن ان تزرع في اثيوبيا صغيرة جداً، وان الاستثمار الاثيوبي الوحيد يكمن في توليد الكهرباء وخلاف ذلك ستواجه بصعوبات فنية واقتصادية اذا حاولت ري اي مساحة زراعية، وقال ان خزان مراي المقترح يمكن ان يخزن مياه النيل الازرق كلها في سنة واحدة، مشيرا الي ان المشاريع المقترحة في اثيوبيا فوائدها للسودان اكبر من اثيوبيا في تقليل الطمي والتبخر وضبط الفيضانات والملاحة، وقال ان التخزين في اثيوبيا بالنسبة للسودان افضل من جدوي سد مروي وتعلية الروصيرص، واضاف «اثيوبيا والسودان يمكن ان يشكلا شراكة اقتصادية تتفوق علي اي شراكة في العالم» وقال ان اثيوبيا بها «11» حوضا كبيرا، وان ما ينزل من امطار في الهضبة الاثيوبية «410» مليارات متر يدخل منها السودان حوالي «80» مليارا. اما موقف بقية دول الحوض الست تنزانيا وكينيا ويوغندا والكنغو ورواندا، هذه الدول للمائة عام القادمة كلها تحتاج فقط لـ»6,5» مليار متر مكعب، مشيرا الي ان اي مشروعات في الدول الست تأثيراتها بسيطة جداً علي السودان ومصر، وقال هناك امكانية كبيرة لتعزيز هذه المياه في هذه الدول وهناك فرصة لتقليل التبخر في السد العالي.
فيما استعرض العميد «م» حسن بيومي، الحوار الأمني، وقال ان القضايا السياسية والفنية والقانونية فيها مساحات للتحاور ولكن الجانب الامني ليس فيه اي مساحات للتحاور، وقال ان مصر قضية المياه بالنسبة لها هي قضية أمن قومي أي حياة او موت، وهذا معناه أن لديها خططا أمنية لحماية هذا الامن القومي، وقال بيومي ان اثارة هذه القضية الآن وفي هذا التوقيت ومن يقف وراءها مع ظروف مصر الحالية في المنطقة واوضاع السودان الداخلية، قراءتها نجد ان اثارتها جاءت في الوقت الذي تأتي فيه اكلها لصرف مصر والسودان عن قضايا يمكن ان توجد لها حلول. واشار بيومي الي ان هذه الدول السبع في حوض النيل وراءها اسرائيل لأنها غير محتاجة لمياه النيل، وان اسرائيل اثرت علي ارداة قيادة هذه الدول.

أم صادق
29th June 2010, 05:34 PM
الأخت أم لارا ، كتب الله لكم السلامة في الحل و الترحال ، لم نسمع بسفركم إلا من البوست ، إلا و كنا من بين المودعيـن ، أمنياتنا لكم بقضاء أجازة ممتعة في سوداننا الحبيب و خالـص
التحايا لللأهل و بإذن الله ترجعوا بالسلامة وسوف نكون أول المستقبلين ..

الطيب ادريس
29th June 2010, 07:47 PM
الأخت أم لارا ، كتب الله لكم السلامة في الحل و الترحال ، لم نسمع بسفركم إلا من البوست ، إلا و كنا من بين المودعيـن ، أمنياتنا لكم بقضاء أجازة ممتعة في سوداننا الحبيب و خالـص
التحايا لللأهل و بإذن الله ترجعوا بالسلامة وسوف نكون أول المستقبلين ..

والله يا أم صادق بيني وبينك الاستقبال أحسن من الوداع :happy:
الاستقبال بنشم فيهوا حاجات رمضان وشمارات داخل الشنط وخارجها من اخبار الاهل والوطن العزيز ..

أستاذة وداد في وداعة الله وأنتم بين ربوع الوطن الغالي وعلالي أبروف
وتمشوا وتجوا بالسلامة .

الطيب ادريس
29th June 2010, 07:53 PM
[QUOTE=الطيب شيقوق;11016]استراحة مهمة جدا

[right]
مختصون: السودان لن يتأثر بتوقيع الاتفاقية، ويطالبون بزيادة نصيبه

الخرطوم: خالد البلولة ازيرق



شيقوق أمانتا جاتك في نظارات أسه في السوق نقدر نقرأ بيها الكلام ده
.. ده حبر سرّي مشفّر كمان .. عليك الله دغالة القواسمة دي خليها :)

سمية الحسن طلحة
30th June 2010, 03:41 AM
كلام مهم فاتنا ونحن بين توديع المسافرين وزيارة المرضى
لكن راجعين ...
تصحبك السلامة أختي وداد إنتي وبنياتك
وأهديكن قول الشاعر :
الودعتو رب الناس وإبن قصي
سهران منه رايغ في موايقي حُصي
قوامه البان وديسه معمعمو نصي
خده وسيم وعينه ظبي الصي

***
الودعتو رب الناس وإبن قصي ( ودعتو الله والرسول )
سهران منه رايغ في موايقي حُصي : ( سهران من الفراق متل الزول الواقعة ليه حصاية في عينه ، والموايق جمع ، مفردها مايق ، قال الفنان : ياالرايق جرى دمعي بالمايق )...

الطاهر الدرديري
30th June 2010, 10:04 AM
التحية الطيبة للأعضاء المنتدي والزوار القراء الكرام .
وقبل الإجابة على تساؤل الأديب الزاكي عن درجة الحديث الوارد في مقالته .نستودع الله تعالي الذي لا تضيع ودائعه , الاستاذة وداد عوض ,ونسأل الله لها سفرا سعيدا وعودا حميدا بإذن الله تعالي .
أما حديث الرجل المتجشئ - بين يدي الحضرة النبوية - .فهو كما تفضل الأستاذ الزاكي أنه رواه الامام الترمذي في جامعه 4/649برقم 2478.وقال الامام الترمذي حديث حسن غريب .والحديث الحسن دون الصحيح وفوق الضعيف وهذا الحكم هو الذي ارتضاه الامام الترمذي.وقد نازع بعض العلماء الترمذي الحكم بتحسينه وذهبوا الى تضعيفه .وعلي كل فالحديث الضعيف أحد أنواع الحديث النبوي .
والحيث رواه أيضا ابن ماجه القزويني في سننه 2/1111 برقم 3350بالإسناد ذاته الذي رواه به الترمذي ورواه الامام الطبراني في المعجم الأوسط في موضعين الاول 4/249 في أحاديث من اسمه علي .والثاني في 8/378 برقم 8929.
ولزيادة الفائد فان الصحابي المتجشئ: هو وهب بن عبد الله بن مسلم بن جنادة ابوجحيفة السوائي .قدم على النبي صلي الله عليه وسلم في آخر عمره .وهو ممن صحب علي بن أبي طالب في خلافته وولاه شرطة الكوفة .ومات سنة 64هجرية .وأوضحت رواية الطبراني في معجمه لهذا الحديث الفائدة التالية .قال أبو جحيفة .أكلت ثريدة بلحم ثمين فأتيت رسول الله صلي الله عليه وسلم وأنا أتجشأ .فقال النبي صلي الله عليه وسلم :أكفف عليك جشاءك أبا جحيفة فإن أكثر الناس شبعا في الدنيا أطولهم جوعا يوم القيامة .فما أكل أبو جحيفة ملء بطنه حتي فارق الدنيا .كان إذا تغدي لايتعشي ,وإذا تعشي لا يتغذي .ولانه الحديث بهذا الاسناد لم يروه الأ الوليد بن عمروبن ساج قالوا عنه :حديث غريب .والحديث الغريب سمي غريبا لوحدته وانفراده مثل المغترب المنفرد عن ربعه ووطنه وياره ومعارفه .
و مما استفدته من قراءة هذا الحديث الشريف .حسن أدب ألنبي صلي الله عليه وسلم وعميق تربيته لأصحابه .ومناداته لأصحابه بأسمائهم,إظهارا للمودة وسعيا للتقارب الوجداني في ميدان التوجيه والتعليم والتربية .وقد أثمرت هذه الأساليب التربوية المبتكرة في زرع القيم وسرعة استجابة اصحابه لتوجيهاته الشريفة .فكان الأثر التربوي التالي : فلم يتجشأ ابو جحيفة بعدها حتي فارق الدنيا .والحديث رواه عنه ابنه عون بن أبي جحيفة الذي لم ير متجشا أمام الناس أصلا.وهكذا تسلسل هذا الادب النبوي لدي رواه هذا الحديث بعدم التجشي أمام الحضور أصلا .
فأرجو أخي الزاكي أن أكون قد أجبت عن السؤال .وللحديث بقية .
:::::::::::::
الطاهر الدرديري .
::::::::::::
مسقط 30 /6/2010

الزاكي عبد الحميد
30th June 2010, 11:49 AM
كتب الأستاذ الدكتور الطاهر الدرديري:

التحية الطيبة للأعضاء المنتدي والزوار القراء الكرام .
وقبل الإجابة على تساؤل الأديب الزاكي عن درجة الحديث الوارد في مقالته .نستودع الله تعالي الذي لا تضيع ودائعه , الاستاذة وداد عوض ,ونسأل الله لها سفرا سعيدا وعودا حميدا بإذن الله تعالي .
أما حديث الرجل المتجشئ - بين يدي الحضرة النبوية - .فهو كما تفضل الأستاذ الزاكي أنه رواه الامام الترمذي في جامعه 4/649برقم 2478.وقال الامام الترمذي حديث حسن غريب .والحديث الحسن دون الصحيح وفوق الضعيف وهذا الحكم هو الذي ارتضاه الامام الترمذي.وقد نازع بعض العلماء الترمذي الحكم بتحسينه وذهبوا الى تضعيفه .وعلي كل فالحديث الضعيف أحد أنواع الحديث النبوي .
والحيث رواه أيضا ابن ماجه القزويني في سننه 2/1111 برقم 3350بالإسناد ذاته الذي رواه به الترمذي ورواه الامام الطبراني في المعجم الأوسط في موضعين الاول 4/249 في أحاديث من اسمه علي .والثاني في 8/378 برقم 8929.
ولزيادة الفائد فان الصحابي المتجشئ: هو وهب بن عبد الله بن مسلم بن جنادة ابوجحيفة السوائي .قدم على النبي صلي الله عليه وسلم في آخر عمره .وهو ممن صحب علي بن أبي طالب في خلافته وولاه شرطة الكوفة .ومات سنة 64هجرية .وأوضحت رواية الطبراني في معجمه لهذا الحديث الفائدة التالية .قال أبو جحيفة .أكلت ثريدة بلحم ثمين فأتيت رسول الله صلي الله عليه وسلم وأنا أتجشأ .فقال النبي صلي الله عليه وسلم :أكفف عليك جشاءك أبا جحيفة فإن أكثر الناس شبعا في الدنيا أطولهم جوعا يوم القيامة .فما أكل أبو جحيفة ملء بطنه حتي فارق الدنيا .كان إذا تغدي لايتعشي ,وإذا تعشي لا يتغذي .ولانه الحديث بهذا الاسناد لم يروه الأ الوليد بن عمروبن ساج قالوا عنه :حديث غريب .والحديث الغريب سمي غريبا لوحدته وانفراده مثل المغترب المنفرد عن ربعه ووطنه وياره ومعارفه .
و مما استفدته من قراءة هذا الحديث الشريف .حسن أدب ألنبي صلي الله عليه وسلم وعميق تربيته لأصحابه .ومناداته لأصحابه بأسمائهم,إظهارا للمودة وسعيا للتقارب الوجداني في ميدان التوجيه والتعليم والتربية .وقد أثمرت هذه الأساليب التربوية المبتكرة في زرع القيم وسرعة استجابة اصحابه لتوجيهاته الشريفة .فكان الأثر التربوي التالي : فلم يتجشأ ابو جحيفة بعدها حتي فارق الدنيا .والحديث رواه عنه ابنه عون بن أبي جحيفة الذي لم ير متجشا أمام الناس أصلا.وهكذا تسلسل هذا الادب النبوي لدي رواه هذا الحديث بعدم التجشي أمام الحضور أصلا .
فأرجو أخي الزاكي أن أكون قد أجبت عن السؤال .وللحديث بقية .
:::::::::::::
الطاهر الدرديري .
::::::::::::
مسقط 30 /6/2010

أخي الدكتور الطاهر :
طاب صباحك يا سيدي بكل خير وبركة..
إجابتك عن تساؤلي شافية كافية
وما حسبت أحداً يظن غير ذلك..
فوجودك بيننا شرف للجالية السودانية
وشرُفْنا أكثر بإجماع الرأي على أن تكون رئيساً
للجالية يقيناً منّا بأنك الأهل للتكليف الذي أجمعت عليه الآراء..
أما العبارة التي ختمت بها حديثك يا سيدي
تبقى هي الأمل الذي نستمسك به وصولاً لما تتفضل به
علينا من علمك الغزير متى أمكن..
لك الشكر أخي الدكتور الطاهر على إطلالتك على
هذا المتنفس الاسفيري الذي نستاف عبره
عبق مكان يكون الحديث عنه هو زادنا دوماً
في مواجهة صهد الغربة وهجيرها..

لك تقديري واحترامي..

الطيب شيقوق
30th June 2010, 12:13 PM
التحية الطيبة للأعضاء المنتدي والزوار القراء الكرام .
وقبل الإجابة على تساؤل الأديب الزاكي عن درجة الحديث الوارد في مقالته .نستودع الله تعالي الذي لا تضيع ودائعه , الاستاذة وداد عوض ,ونسأل الله لها سفرا سعيدا وعودا حميدا بإذن الله تعالي .
أما حديث الرجل المتجشئ - بين يدي الحضرة النبوية - .فهو كما تفضل الأستاذ الزاكي أنه رواه الامام الترمذي في جامعه 4/649برقم 2478.وقال الامام الترمذي حديث حسن غريب .والحديث الحسن دون الصحيح وفوق الضعيف وهذا الحكم هو الذي ارتضاه الامام الترمذي.وقد نازع بعض العلماء الترمذي الحكم بتحسينه وذهبوا الى تضعيفه .وعلي كل فالحديث الضعيف أحد أنواع الحديث النبوي .
والحيث رواه أيضا ابن ماجه القزويني في سننه 2/1111 برقم 3350بالإسناد ذاته الذي رواه به الترمذي ورواه الامام الطبراني في المعجم الأوسط في موضعين الاول 4/249 في أحاديث من اسمه علي .والثاني في 8/378 برقم 8929.
ولزيادة الفائد فان الصحابي المتجشئ: هو وهب بن عبد الله بن مسلم بن جنادة ابوجحيفة السوائي .قدم على النبي صلي الله عليه وسلم في آخر عمره .وهو ممن صحب علي بن أبي طالب في خلافته وولاه شرطة الكوفة .ومات سنة 64هجرية .وأوضحت رواية الطبراني في معجمه لهذا الحديث الفائدة التالية .قال أبو جحيفة .أكلت ثريدة بلحم ثمين فأتيت رسول الله صلي الله عليه وسلم وأنا أتجشأ .فقال النبي صلي الله عليه وسلم :أكفف عليك جشاءك أبا جحيفة فإن أكثر الناس شبعا في الدنيا أطولهم جوعا يوم القيامة .فما أكل أبو جحيفة ملء بطنه حتي فارق الدنيا .كان إذا تغدي لايتعشي ,وإذا تعشي لا يتغذي .ولانه الحديث بهذا الاسناد لم يروه الأ الوليد بن عمروبن ساج قالوا عنه :حديث غريب .والحديث الغريب سمي غريبا لوحدته وانفراده مثل المغترب المنفرد عن ربعه ووطنه وياره ومعارفه .
و مما استفدته من قراءة هذا الحديث الشريف .حسن أدب ألنبي صلي الله عليه وسلم وعميق تربيته لأصحابه .ومناداته لأصحابه بأسمائهم,إظهارا للمودة وسعيا للتقارب الوجداني في ميدان التوجيه والتعليم والتربية .وقد أثمرت هذه الأساليب التربوية المبتكرة في زرع القيم وسرعة استجابة اصحابه لتوجيهاته الشريفة .فكان الأثر التربوي التالي : فلم يتجشأ ابو جحيفة بعدها حتي فارق الدنيا .والحديث رواه عنه ابنه عون بن أبي جحيفة الذي لم ير متجشا أمام الناس أصلا.وهكذا تسلسل هذا الادب النبوي لدي رواه هذا الحديث بعدم التجشي أمام الحضور أصلا .
فأرجو أخي الزاكي أن أكون قد أجبت عن السؤال .وللحديث بقية .
:::::::::::::
الطاهر الدرديري .
::::::::::::
مسقط 30 /6/2010

اطال الله عمرك دكتور الدرديري

الزاكي

عليكم الله مولانا دا أطيبوا له المقام بيننا ليحدثنا عن الفقه والأدب رغم ادراكنا لمشغولياته الاكاديمية والاجتماعية .

واقترح تكوين منتدى فكري مصغّر يجمعنا معه مرة في الشهر ، في بيته في بيتكم في بيتي او في اي مكان يناسب المنتسبين الى المنتدى المقترح .

تصادف ان كنت الوحيد في رحلة مع الدكتور الطاهر الدرديري ، من مسقط الى صحار ، على متن سيارته الفارهة . بدأت الرحلة من برج الصحوة واخوك طوالي راح طارق باب المعلقات ووالله يا الزاكي وصلنا وعدنا ولم اشعر بوعثاء السفر لحلاوة حديثه عن المعلقات ولتناوله مواضيع في غاية المتعة احسب انه لم يجد مقاما ليميط اللسان عنها في النادي رغم علمه وعلمنا ألا حياء في الدين .

اعظم ثمار الغربة انها جمعتنا بهولاء العلماء والمفكرين الذين ما كنا سنلتقيهم فيما لو قدر لنا البقاء في السودان يا الزاكي . إنها فرصة اللقيا فإن لم نحسن استثمارها فنكون لانفسنا ظالمين .

لكم منى اطيب الاماني
شيقوق

الطيب شيقوق
30th June 2010, 12:17 PM
[quote=الطيب شيقوق;11016]استراحة مهمة جدا

[right]
مختصون: السودان لن يتأثر بتوقيع الاتفاقية، ويطالبون بزيادة نصيبه

الخرطوم: خالد البلولة ازيرق



شيقوق أمانتا جاتك في نظارات أسه في السوق نقدر نقرأ بيها الكلام ده
.. ده حبر سرّي مشفّر كمان .. عليك الله دغالة القواسمة دي خليها :)

جاييك ابن عمي الطيب ادريس اركز بس

سمية الحسن طلحة
1st July 2010, 04:58 AM
طابت الدار ( الغربة سترة حال ) التي جلبت إلينا إخضرار البقاع في حرف
الدكتور/ الطاهر الدرديري
صاحب المداد المحجّل بالوضاءة ، الذي تنبجس منه عيون المعرفة ، مختلف ألوانها ، لذة للمتوسمين
لك التحية ياسيدي بك يشرف المكان ، يطول عنقه ، ويركز لوائه على هامة المجد
ولنا المسرات والحبور بأننا على وعد منك بان :
للحديث بقية
فهذه العبارة لعمري لطالما طال إنتظارنا لها في غير ما موضع
(... نار بِتُّ أرقبها * كأنها نار موسى ليلة الجبل )
***
شكرًا
أستاذنا الزاكي عبدالحميد
فقد أفلح يراعك أيما فلاح ،حيث علم بالحر الذي يحفظ اليدا
ومازلت أتمنى عليكم أهل الشئون الثقافية
في رحاب النادي الإجتماعي للجالية السودانية
أن تتيحوا لنا قدرًا أكبر من الإستفادة
بما يليق و قدر هذا العالم الجليل

وللجميع إحترامي الأكيد .

الزبير الطيب الشيخ
1st July 2010, 08:14 AM
[كتب الأخ شيقوق :
واقترح تكوين منتدى فكري مصغّر يجمعنا معه مرة في الشهر ، في بيته في بيتكم في بيتي او في اي مكان يناسب المنتسبين الى المنتدى المقترح .


هذا الإقتراح أخي شيقوق كان الفكرة التي تراودني منذ زمن بعيد . وأشارت له (سمية) في مداخلتها في المحاضرة التي قدمها
دكتور (عمر صديق) في النادي حيث اشارت إلى قصور الإعلام في إظهار أمثال هؤلاء العلماء . نؤيد الفكرة بشدة رغم إنها جاءت متأخرة . فهذا الرجل بحر من علم يجب أن ننهل من علمه الغزير
فلنبدأ من الآن والمثل بيقول ( السّوّاي ماحداث)

الطيب شيقوق
1st July 2010, 10:04 AM
[كتب الأخ شيقوق :
واقترح تكوين منتدى فكري مصغّر يجمعنا معه مرة في الشهر ، في بيته في بيتكم في بيتي او في اي مكان يناسب المنتسبين الى المنتدى المقترح .


هذا الإقتراح أخي شيقوق كان الفكرة التي تراودني منذ زمن بعيد . وأشارت له (سمية) في مداخلتها في المحاضرة التي قدمها
دكتور (عمر صديق) في النادي حيث اشارت إلى قصور الإعلام في إظهار أمثال هؤلاء العلماء . نؤيد الفكرة بشدة رغم إنها جاءت متأخرة . فهذا الرجل بحر من علم يجب أن ننهل من علمه الغزير
فلنبدأ من الآن والمثل بيقول ( السّوّاي ماحداث)

شكرا اخي الزبير الشيخ عبد الباقي على مباركة الفكرة ودعونا نعمل جادين لصناعة هذا المنتدى الثقافي المتنقل .

عفوا اختي سمية ان كان في الاقتراح تعديا على حقوقك الفكرية . .

الطيب ادريس
1st July 2010, 02:39 PM
دكتور الطاهر الدرديري

عرق الطيب فينا , يتدفق ويزحم صدر البيت ويملأ باح الدّار , ويمدنا علمه نخوة مجد فينا نحن أبناء الجالية السودانية .
عندما يتكلم يمهر شوارد الخيال . ويشحذ الهمم وياعزيزي شيقوق اذا كنت حظيت بمرافقته الي مدينة صحار شعرا ونثرا فنحن الاكثر حظوة منك والله . فلقد منّ الله تعالي علينا برفقته لحجة عام 2000م ومعذرة ان فاتني التاريخ الهجري .. فقد كنّا الضّحوة العطشي والأرض البكر حين غشيتها رفقة عالم غزارة علمه مطر سقفه بلا حدود , ووالله ما وطئت قدمه أرضا أو جبلا الاّ حدثنا عنها لتحس ان التاريخ الاسلامي امامك بكل مواقعه وغزواته واحداثه . كان لنا في قراءات صلوات الفجر المشهود . ودعاء طواف البيت العتيق ومحاضرات مني وذكر عرفه وطرق رمي الجمرات .. كان يهيم في جبال مكة عشقا وعلمت أنه تلميذها في جامعة المكرمة .. أي حظ تتكلم عزيزي شيقوق .. ووالله أوجزت لك واعطيت القليل !
وعندما يعود حسبما وعدنا حتما في انتظاره بوفرة المجهول لدينا .. وحتما سنحظي بالكثير .

الزاكي عبد الحميد
1st July 2010, 05:37 PM
الأعزاء الأكارم:
سمية..شيقوق..الزبير..الطيب ود إدريس..
نعم نحن موعودون بعلم غزير آتٍ..
هو بحر زاخر بالعلم الذي نريد..
يحدثنا كيفما أراد ومتى ما أراد..
أي حديث منه وفي أي مجال هو لا شك يطفيء ظمأنا ليراعه
وحرفه المفيد..

أهلاً بك الدكتور العالم الأخ الكريم الطاهر
متى رأيت متسعاً من الوقت فمثلك يا سيدي لا يُسْتَعجَل
لإدراكنا التام بمسؤولياتكم الأكاديمية التي تأخذ جل وقتكم..

فمتى رأيت فرصة يا أخي أكتب لنا شيئاً مما شئت..
ولك الشكر من قبل ومن بعد..

الزاكي عبد الحميد
2nd July 2010, 11:36 AM
جمعة مباركة لكل أهل الدار..
جمعة مباركة للجميع

الطيب ادريس
3rd July 2010, 01:13 PM
بدون عنوان :

http://up.arjwan.com/upfiles/wz300144.jpg

http://up.arjwan.com/upfiles/NcB00144.jpg

( ياربي في ناس من حوالينا في الغربة ( غيّروا الدولار بالعملة دي ) http://www.sudaneseclub-oman.com/vbforum/images/smilies/confused.gif

الطيب ادريس
3rd July 2010, 01:46 PM
صباح الخير :

الليلة عندي ليكم سؤال ... ينقسم الي ثلاثة أجزاء وأقصد ( المسميات ) هناك واحدة ظاهرة والمطلوب مسميات نفس المعني لهذه العادة السودانية العريقة .. بس قبلي كده ناخذ سياحة شوية وبعدين نجي للسؤال :


http://up.arjwan.com/upfiles/uEN97232.bmp

( ماهو الاسم الشائع لوحيد القرن عندنا في السودان ) ؟

http://up.arjwan.com/upfiles/B6z97232.jpg

ما اسم البناية العريقة التي تقع علي شمالك بشارع الجمهورية ومازالت تحتفظ بهذا الشكل ؟

http://up.arjwan.com/upfiles/2JK97232.jpg
( البناية كاملة الواجهة elevation )

الطيب ادريس
3rd July 2010, 02:03 PM
السؤال الرئيسي :

http://up.arjwan.com/upfiles/NAG97232.bmp

http://up.arjwan.com/upfiles/Rks97232.bmp


http://up.arjwan.com/upfiles/mgZ98923.bmp

ماهي أسماء هذه الظاهرة أيام زمان !! ؟

الزاكي عبد الحميد
3rd July 2010, 02:05 PM
أخي الأرباب:
البناية دي من زمن نحن في سونا
في حالها دا وكانوا بقولوا إنها بتاعت
ود الجبل..وأصبح الاسم المشاع هو بناية ود الجبل
ولكن احتمال الخطأ وارد..أنا بقصد البناية اللي على شمالك
وانت ماشي على الجندي المجهول..

وحيد القرن افتكر شيكو بتاع فيل!

لك من الود الرحيق..

الطيب شيقوق
3rd July 2010, 03:35 PM
السؤال الرئيسي :

http://up.arjwan.com/upfiles/nag97232.bmp

http://up.arjwan.com/upfiles/rks97232.bmp


http://up.arjwan.com/upfiles/mgz98923.bmp

ماهي أسماء هذه الظاهرة أيام زمان !! ؟


طيوبا الاجابة على التوالي كلاتي :-

الحلوف او الكدروك

بناية اراك

المشاطة


لقيتني كيف

السني أبوالعزائم
3rd July 2010, 09:31 PM
طيوبا الاجابة على التوالي كلاتي :-

الحلوف او الكدروك

بناية اراك

المشاطة


لقيتني كيف

يا ود الدندر،،، ات ما حكو ليك بالخرتيت؟؟؟؟

الطيب ادريس
3rd July 2010, 09:55 PM
أخي الأرباب:
البناية دي من زمن نحن في سونا
في حالها دا وكانوا بقولوا إنها بتاعت
ود الجبل..وأصبح الاسم المشاع هو بناية ود الجبل
ولكن احتمال الخطأ وارد..أنا بقصد البناية اللي على شمالك
وانت ماشي على الجندي المجهول..

وحيد القرن افتكر شيكو بتاع فيل!

لك من الود الرحيق..


والله يا أستاذ الزاكي البناية بعيدة شوية من بناية ود الجبل .. كدي ارجع لي للسبعينات http://www.sudaneseclub-oman.com/vbforum/images/icons/icon7.gif

وبعدين شيكو بتاع فيل هههههههههه ياخي بالغت !!

دي حاجة بتعوم اسمها الخرتيت زي ماقال الأستاذ السني .

الطيب ادريس
3rd July 2010, 09:58 PM
طيوبا الاجابة على التوالي كلاتي :-

الحلوف او الكدروك

بناية اراك

المشاطة


لقيتني كيف

معقولة يا ود شيقوق وافضيحتنا مع المحس والدناقلة .. يبقي الحلوف والخنزير البري شعار السودان !!!
الخرتيت وبرافو يا سني .

عادل سليمان
3rd July 2010, 10:04 PM
والله يا أستاذ الزاكي البناية بعيدة شوية من بناية ود الجبل .. كدي ارجع لي للسبعينات http://www.sudaneseclub-oman.com/vbforum/images/icons/icon7.gif

وبعدين شيكو بتاع فيل هههههههههه ياخي بالغت !!

دي حاجة بتعوم اسمها الخرتيت زي ماقال الأستاذ السني .
دي حاجة بتعوم اسمها الخرتيت تصحيح
البتعوم اسمها فرس النهر وبقولو ليها القرنتيه

الطيب ادريس
3rd July 2010, 10:08 PM
طيوبا الاجابة على التوالي كلاتي :-

الحلوف او الكدروك

بناية اراك

المشاطة


لقيتني كيف

هي بالفعل عمارة أراك ولو كان للاخ الزاكي اعتراض أو الأخ السّني نرجو مدّنا بالمعلومات الجديدة .

عافي منّك يا ود عمي ماشي في الخرطوم مصنقع ساااكت مافي عمارة ما بتعرفها http://www.sudaneseclub-oman.com/vbforum/images/icons/icon10.gif

السؤال التعليمي لأطفالنا :

المشاط
الكوفات
الموسار


معذرة هذا تدخل سافر في خصوصية حواء ولكن تبقي الغربة سترة حال .

الطيب ادريس
3rd July 2010, 10:12 PM
دي حاجة بتعوم اسمها الخرتيت تصحيح
البتعوم اسمها فرس النهر وبقولو ليها القرنتيه


أستاذ عادل ياروعة
الف تحية لك وانت بيننا قمر

أشكرك علي تصحيح المعلومة

نعم الذي يعوم ( القرنتية ) وتشابه البقر !!
ويبقي الأصل للتسمية الخرتيت لشعار السودان السابق .

أشكرك بحرارة اخي عادل ونرجو الاستمرار بالمشاركة .

عادل سليمان
3rd July 2010, 10:29 PM
أستاذ عادل ياروعة
الف تحية لك وانت بيننا قمر

أشكرك علي تصحيح المعلومة

نعم الذي يعوم ( القرنتية ) وتشابه البقر !!
ويبقي الأصل للتسمية الخرتيت لشعار السودان السابق .

أشكرك بحرارة اخي عادل ونرجو الاستمرار بالمشاركة .
انا متابع معاكم ما تخاف علي وتحت الخدمه يا ابو الطيب

السني أبوالعزائم
3rd July 2010, 11:40 PM
القرنتية إسمها فرس النهر،، والسبب في التسمية هو قرب هيئة الرأس من الفرس،، أما الجسم فممكن نقول عليه يشبه البقرة


http://www.sudaneseclub-oman.com/vbforum/uploaded/2_nijlpaard.jpg

http://www.mongabay.com/images/uganda/600/ug5_5524.JPG


http://www.naturfoto-cz.de/photos/mraz/hippopotamus-05a21021.jpg

والقرنتية أو فرس البحر حيوان بري ويحب يبقى فترات طويلة في الماء،، وهو ثقيل الوزن على اليابسة، ورشيق في الماء

أما الخرتيت،، فهو حيوان لا يشبه القرنتية سوى في ضخامة الجسم وقصر القامة،، وهو حيوان ثقيل الوزن والحركة وأعمى تقريبا

ً
http://i42.servimg.com/u/f42/12/22/72/17/800px-10.jpg

http://www.dicts.info/img/ud/rhinoceros2.jpg

http://images1.makefive.com/images/200923/d6c6456acfa6c80c.jpg

عادل سليمان
3rd July 2010, 11:46 PM
ابداع يا السني

الزاكي عبد الحميد
4th July 2010, 10:07 AM
كتب عادل سليمان:
انا متابع معاكم ما تخاف علي وتحت الخدمه يا ابو الطيب

أخي الكريم عادل
نحن سعداء جداً بوجودك بيننا ونزداد سعادة
كلما أتحفتنا بالمعلومة المفيدة التي تأتي تصحيحاً
لخطأ شائع..

أها الخرتيت دا ما ياهو الكركدن البقولوا
ولاّ دا واحد تاني..

عمارة آراك دي غير فندق آراك الكان
جنب المدرسة الأولية الهناك..ودي المدرسة الكنت قريت فيها
وإسمها مدرسة الخرطوم شرق الأولية ..لكين هسع مافي
قوّموا بدلها برج البركة..قالوا أحسن برج بدل مدرسة..
البرج قالوا معلم حضاري للمدينة العصرية..أما المدرسة
دي تحديداً مدرسة قديمة..
وفعلاً دي أول مدرسة نظامية في السودان وكان ناظرها زمن الخديوي
عباس باشا العالِم رفاعة رافع الطهطاوي..
وا عجبي!

الطيب شيقوق
4th July 2010, 10:32 AM
عافي منّك يا ود عمي ماشي في الخرطوم مصنقع ساااكت مافي عمارة ما بتعرفها http://www.sudaneseclub-oman.com/vbforum/images/icons/icon10.gif

طيوبا المسنوح العمارات دى عندها صالات ظليييييييلة وانا بحب اتجدع تحت الصالات دي لانو التسالي والفول والترمس ببيعوهو هنا والحمام !! برضو بجي يلقط مخلفات الحاجات دي .

فاهمنى ولا اشرح لك؟

الزاكي الفقر يكون فكر في توريات وكدا

الطيب شيقوق
4th July 2010, 10:33 AM
مبالغة آآآآآآآآآآآآآآآآآآآآآآ السنى

الزاكي عبد الحميد
4th July 2010, 12:19 PM
التسالي والفول والترمس ببيعوهو هنا

الأخ بقصد آيسكريم وهمبرغبر وحادات وحادات وسنو وسنو..

الزاكي الفقر يكون فكر في توريات وكدا

الحكاية ما عاوزة ليها توريات يالحبيب ماهي واضحة زي شموس الخليج في شعاراتنا مايو

عادل سليمان
4th July 2010, 07:41 PM
[quote=الزاكي عبد الحميد;11088]كتب عادل سليمان:
انا متابع معاكم ما تخاف علي وتحت الخدمه يا ابو الطيب

أخي الكريم عادل
نحن سعداء جداً بوجودك بيننا ونزداد سعادة
كلما أتحفتنا بالمعلومة المفيدة التي تأتي تصحيحاً
لخطأ شائع..

الاخ الزاكي عبد الحميد في كلمة قالها الطيب شيقوق ( الكدروك )
عندنا كنا نقولها زمان نقول للواحد امشي عامل زي كدروك النقاديه

السني أبوالعزائم
5th July 2010, 12:41 AM
http://i87.servimg.com/u/f87/13/37/49/73/pic3110.jpg

الحلوف، أو الكدروك، أو الخنزير البري عزيزي عادل، هو من أقبح الحيوانات من ناحية الوجه والجسم،، كما انه من أكثر الحيوانات قذارة،، بل هو من أكثر الحيوانات ضرراً إذ أنه يحفر بيوته في المناطق الرطبة، وبذلك يؤثر على المزروعات في المنطقة، خلاف لأنه يحب التمرغ في الأعشاب وأكلها،، وكلمة (حلوف) ليست كلمة عامية سودانية، بل انها كلمة عربية فصحى ومستخدمة على نطاق الوطن العربي
يعني شين ومضر،، عليكم الله القالو عليه (حلوف) ده خلو ليه حاجة؟

الطيب ادريس
5th July 2010, 11:11 AM
صباح الخير :

أستاذ السني الأخ عادل بقصد اخوانا النقادة والذين يتعايشون بين أحيائنا في العواصم السودانية كانوا يأكلون لحم الخنزير وما زالو .. ومن شناتو ( ورمرمتو ) لي أي حاجة في الواطة قالوا عليهو الكدروك وهو نفس الخنزير ويبقي الاخير خلويا أما الخنزير اليف يعيش في البيت زي الدجاج والحمام .. فقط لفك الارتباط ... وطبعا كثيرين منّا ضربوا لحم الخنزير لعدم معرفتهم به وخاصة في الغربة ويجيك يقول ليك الليلة أكلت لي لحم ( ماحصل ) http://thm-a03.yimg.com/nimage/dcc237c6ff403e30

الزاكي عبد الحميد
5th July 2010, 11:21 AM
صباح الخير :

أستاذ السني الأخ عادل بقصد اخوانا النقادة والذين يتعايشون بين أحيائنا في العواصم السودانية كانوا يأكلون لحم الخنزير وما زالو .. ومن شناتو ( ورمرمتو ) لي أي حاجة في الواطة قالوا عليهو الكدروك وهو نفس الخنزير ويبقي الاخير خلويا أما الخنزير اليف يعيش في البيت زي الدجاج والحمام .. فقط لفك الارتباط ... وطبعا كثيرين منّا ضربوا لحم الخنزير لعدم معرفتهم به وخاصة في الغربة ويجيك يقول ليك الليلة أكلت لي لحم ( ماحصل )

أخي الأرباب:
طاب صباحك بكل خير يا أمير
والله ما قصّرت تب..

الزاكي عبد الحميد
5th July 2010, 11:40 AM
سلامٌ لأهل الدار كما النَّدى يتوج قرنفلة في رقته..


وبعد،

أها نمشي لحاجة تانية:

قال بهاء الدين محمد بن ابراهيم بن النحاس النحوي في مليح شرَطوه (شلّخوه):
قلتُ لمّا شرَّطُوهُ وجَرى
دمَهُ القاني على الخذِّ النّقي

ليس بِدْعاً ما أتوا في فعلهم
هو بدرٌ مُشْرَبٌ بالشَّفَق

الشاعر شبّهَ هذا الوجه (المشلَّخ) بالبدر الذي تظلِّلُهُ بعض خطوط الشَّفَق
وهذا من حسن التعليل...

وقال شاعر آخر:
شرَّطُوهُ فبكى من ألم
فغدا ما بين دمعٍ ودمِ
ناثراً من ذا ومن ذا لؤلؤاً
وعقيقاً ليس بالمنتَظِم

شبّه الشاعر هنا الدموع حين تسيل وتتكوّر في شكل حُبيْبَات فتمرُّ على الخدود المشرَّطة (المُشًلَّخة) فتتكون حبيبات الدم الأحمر وحبيبات
الدمع البيض كحبات اللؤلؤ البيضاء المختلطة بحبات العقيق الحمراء..
وعلى الرغم مما في العملية كلِّها من قسوة إلا أن الشاعر استحلاها ومدحها..
فلكل زمان أهله ولأهل كل زمان ما يشتهون!

وقال نور الدين الحجازي:

وذي شرْطٍ إذا لفًّ العُمامة
تعالى الله ما أبهى قوامه
رضيت بشرطه في طول عمري
لأن الشّرطً آخره السًّلامة..
وهذه تورية عن شرط الوجه وهو الشلوخ وشرط الحُبّ بالانقطاع له دون سواه (واللي أولو شرط آخره نور)..
الشيخ عبد اللطيف المكي قال:
على صفحة الخدين قد لاح لي خطٌّ
ومضمونه أن الممات به شرْط
أموت بلا شرط عليها صبابةً
فكيف إذا ما لاح في وجهها شرْطُ

هذا غزل صريح في الشلوخ ولعلك تلاحظ الجناس في الشرط الأول
وهو الالتزام والشرط الأخير وهو الشلوخ..
والعجيب أن من شائع التعبيرات العصرية عندنا الآن قول الشباب للشيء إذا أعجبهم (شرط) بمعنى جميل جداً..
وكانوا في الماضي القريب يقولون (فلانة شطّة)...
وناس الحقيبة كانوا بقولوا (فلانة عجوة معطونة في عسل)
ولك أن تقارن بين العبارتين كيفنا شئت...

الشلوخ عندنا في السودان معروفة من قديم الزمن (كتب عنها البروفيسور يوسف فضل فأبدع)..هناك من يرى أننا أخذناها عن العرب أو الأحباش أو الفراعنة ..فقد كانت الشلوخ معروفة لدى الفراعنة كما تظهر الحفريات
الآثارية..

أها نشوف الطيب ود ضحوية قال شنو....

قول لي عبيد قلباً شجيع انحلًّ
ومن عيداً معاك بقت الكراع منشلّة
دي الشلاخة أجمل من دكاكر السًّلًّة


والدكاكر أراد بها سيوف الدُّكر والسيف الدُّكري لعلّه من قول العرب: سيف ذكر إذا كان من حديدة ممتازة..
قال المُهًلْهِل :
ولولا الريح أُسْمِعُ مًن بحجر
صليل البيض تُقرع بالذكور

فهذا مفرد ذكر وهو كذلك لأنه إذا ضُرِب به البيضة وهي الخوذة كان له صوت عال..
ويقول الدكتور عون الشريف إنه من دكّر النوبية وتعني الجُرح..والسيف يُحدِث الجروح..ووصف الشلوخ وتشبيهها بالسيوف كثير في أشعارنا العامية..
ووجه الشبه واضح في أشياء كثيرة منها الشكل واللمعان وأن لها فعلاً في القلوب كفعل السيوف الماضية...
شلخِك دُكري البتار ضرِبْتو كمال!

وكانت تعجبهم الشلوخ العميقة التي تحبس الدمعة أسبوعاً:
ساقك لي رُكبتِك تب عديلا شمعة
وشلخك ستة يوم يحبس غزير الدمعة..

وظل أهلنا كذلك إلى أن جاء زمن تغنى فيه الفنانون:يا جميل يا جميل يا سادة
حبك جنني زيادة

ثم:
السادة لونو خمري..

وجمع إبراهيم العبادي إنكار الشلوخ ودق الشّلُوفة في قوله:
دون فصادة سوّاك إلهك
والإبار ما مسّن شفاهك
والفصادة هي الشلوخ..
حتى عرب البطانة –كما يقول البروفيسور يوسف فضل-أهل الولع بهذه العادة أقلعوا عنها ..قال الشكري:

سخلة ود فهيد أم روبة مدروعة
بعامية سادة مهدّلة ومربوعة..
والروبة تعني الشعر ويلقبون الحسناء بأم روبة والله أعلم..

أها الكورة في ملعب أهل الشان ..ناس البطانة..

المصدر:
الشلوخ: البروفيسور يوسف فضل..
مقال نشرته جريدة الخرطوم يوم كانت تصدر من القاهرة
بقلم الدكتور ابراهيم القرشي عثمان..

الطيب ادريس
5th July 2010, 12:40 PM
[quote=الزاكي عبد الحميد;11110]سلامٌ لأهل الدار كما النَّدى يتوج قرنفلة في رقته..


وبعد،

أها نمشي لحاجة تانية:

قال بهاء الدين محمد بن ابراهيم بن النحاس النحوي في مليح شرَطوه (شلّخوه):
قلتُ لمّا شرَّطُوهُ وجَرى
دمَهُ القاني على الخذِّ النّقي

ليس بِدْعاً ما أتوا في فعلهم
هو بدرٌ مُشْرَبٌ بالشَّفَق

الشاعر شبّهَ هذا الوجه (المشلَّخ) بالبدر الذي تظلِّلُهُ بعض خطوط الشَّفَق
وهذا من حسن التعليل...

وقال شاعر آخر:
شرَّطُوهُ فبكى من ألم
فغدا ما بين دمعٍ ودمِ
ناثراً من ذا ومن ذا لؤلؤاً
وعقيقاً ليس بالمنتَظِم

شبّه الشاعر هنا الدموع حين تسيل وتتكوّر في شكل حُبيْبَات فتمرُّ على الخدود المشرَّطة (المُشًلَّخة) فتتكون حبيبات الدم الأحمر وحبيبات
الدمع البيض كحبات اللؤلؤ البيضاء المختلطة بحبات العقيق الحمراء..
وعلى الرغم مما في العملية كلِّها من قسوة إلا أن الشاعر استحلاها ومدحها..
فلكل زمان أهله ولأهل كل زمان ما يشتهون!

أستاذ الزاكي

عزيزنا والله أنا قايل الشلوخ دي حقتنا برانا ( exclusiveness )
لكن فتحت لينا باب (سّدّه صعب ) وفي انتظار جهابزة القوم قبل أن ندلي
بماتجود معرفتنا المتواضعة في هذا الشأن .

الزاكي عبد الحميد
5th July 2010, 12:57 PM
أستاذ الزاكي

عزيزنا والله أنا قايل الشلوخ دي حقتنا برانا ( exclusiveness )
لكن فتحت لينا باب (سّدّه صعب ) وفي انتظار جهابزة القوم قبل أن ندلي
بماتجود معرفتنا المتواضعة في هذا الشأن .

[SIZE="5"]أخي العزيز الاستاذ الطيب:

يرى بعض الباحثين أن عدد المسلمين تكاثر
في الحبشة في فجر الإسلام بتزاوجهم بنساء الأحباش
ففرضت عليهم الظروف وسْم أبنائهم وأحفادهم الذين لم
يكونوا يختلفون في اللون والسُحْنة عن نظرائهم من الأحباش بوسْم
(شلخ أو شلخين) علامة مميزة لهم.
وكذلك فعلت قبائل السودان التي خالطت الأحباش أو بعض تلك الفروع
التي توغلت في الأراضي السودانية، فظهرت على خدود الفتيان والفتيات
على حد سواء الشلوخ بأنواعها..
وبمرور الأيام أصبحت الشلوخ عادة وجراحة تجميلية تغنت بها أجيالها
حتّى جاء جيل آخر عدّ الشلوخ تشويهاً، فذهبت غير مأسوف عليها
إلا عند بقية الجيل الذي كان يتغنى بها..

يللا يا الأرباب فتِّح نوافذ للنقاش..
طبعاً الشلوخ ذاتها عندها مسميات:
حلو درب الطير في سكينة ....على سبيل المثال لا الحصرSIZE]

الطيب ادريس
5th July 2010, 07:47 PM
كتب عزيزي الزاكي في الشلوخ :

على صفحة الخدين قد لاح لي خطٌّ
ومضمونه أن الممات به شرْط
أموت بلا شرط عليها صبابةً
فكيف إذا ما لاح في وجهها شرْطُ

توقفت كثيرا في هذا الشعر الجميل وفي مجاز الشرط وتنوع المعاني من الشرط الشلخ والشرط الموعود ورأيت كيف كان الشلخ له ابعاد جمالية فاقت الوصف عند شعرائنا ( فكيف اذا ما لاح في وجهها شرط ) وهنا نجد ازدواجية الوصف والمعني والجمال والروعة في خيال الشاعر ..

قالوا الصينين بشوفنانحن زي التعاريف بنتشابه ويصعب عليهم فرزنا نحن اهل الدول العربية !!

"ولقد بدا شعراء ‏الحقيبة في محاربة الشلوخ صراحة أو التغني للفتاة ذات الخدود السادة فأصبحت كل الفتيات ‏يرفضن التشليخ لأنه لايعجب الرجال ولايتغنى به الشعراء ولقد بدا هذه الحملة على الشلوخ شيخ ‏شعراء الحقيبة ابراهيم العبادى حينما عارض الشاعر عبيد عبدالرحمن والذي تغنى للشلوخ في ‏اغنية من محاسن حسن المحاسن حيث قال ...‏

بين خدودن وبين انفصادن

يجرى بحر السيف يروى صادن ‏

شوف عيونه الاكباد حصادن

والبطير ما طار من مصادن ‏

ناعسات كاحلات صابنى صادن

كيف اطيق الموقف قصادن ‏

ما بطيق رميات النبال ‏

فعارضه العبادى في الأغنية المجارية في اللحن وهى شوف محاسن حسن الطبيعة حيث قال ...


دون فصاده سواك الهك
.... والابار ما لمسن شفاهك ‏
بى فظاظه ما فاها فاهك
...فطره أدبك وطبع انتباهك ‏
دون تعلم مثبوت نباهك
....ما بيدرو ديل جهلوا جاهك ‏
الحقيقة بتناجى الخيال


ولا أظن من تستمع لهذه الأغنية تتجرا بتشليخ نفسها أو ابنتها ..‏
وكثير من الشعراء تغنوا للخدود السادة فللشاعر احمد محمد الشيخ أغنية سماها السادة المينى ‏تغنى بها الفنان احمد المصطفى حيث يقول فيها ..‏

يالســـــــاده المــــينى
.... عن ريـــده كلميني ‏
يالساده بكل صراح
.....من نظرتك انا عقلي راح ‏
فيك بعشق الانشراح
.... شفى قلبي بعد الجراح‏

وللخدود السادة أغنيات كثيرة تحارب الشلوخ .

الطيب شيقوق
5th July 2010, 09:00 PM
[quote=الزاكي عبد الحميد;11088]كتب عادل سليمان:
انا متابع معاكم ما تخاف علي وتحت الخدمه يا ابو الطيب

أخي الكريم عادل
نحن سعداء جداً بوجودك بيننا ونزداد سعادة
كلما أتحفتنا بالمعلومة المفيدة التي تأتي تصحيحاً
لخطأ شائع..

الاخ الزاكي عبد الحميد في كلمة قالها الطيب شيقوق ( الكدروك )
عندنا كنا نقولها زمان نقول للواحد امشي عامل زي كدروك النقاديه

ايواااااااااا يا عادل سليمان ياهو ذاااااااااااتو الكدروك الشين

سمية الحسن طلحة
6th July 2010, 02:34 AM
سلام عليكم ورحمة وبركات وتحية
جاتنا الأربعاء التانية المخصصة للأخ الطيب إدريس ومالحقنا على المشاط لغاية مالمينا في الشلوخ
التي كانت علامة مميزة لبعض القبائل .
لاحظت في وصف الشلوخ بالسيف الدكري ومعنى كلمة دكري ، أي جرح ، حسب شرح المؤلف
إختلافا لدينا في المفهوم ، فالسيف الدكري يتميز بوجود خط منحوت فيه يميزه ويمنحه جمالا
شبهه الشعراء بنحت الشلخ في الخد الصقيل ، وهذا المعنى متعارف عليه في بوادينا .
وفي علاقة المشاط الذي غالبا مايصاحبه جلسة ونسة طقس رمي الودع أو خت الودع
وفي المربوع الذي ذكر الأخ الزاكي صدره :
شلخك ستة يوم يحبس غزير الدمعة
شرابك ماهو تكريع ، كمعة
هن وقعن حمودك لي بسيلك سمعة*
...
التكريع والكمع : من طرق أو أساليب الشرب ، الأول يكون متواصل كشرب الهيم العطاش حول حوض شراب ، والكمع هو الشرب رويدا رويدا ، كشرب الغزلان ترفع رأسها كل لحظة لنفورها الشديد لتتأكد من عدم وجود رقيب .
* الحمود جمع حمد ، ( الودعتين ديل حمدوك) والمعنى أن هذه الحسناء لو أصبحت من نصيبه (بسوي ليها سمعة أو شونة بمعنى شئون ) أي أنه سيسمع كل الدنيا .
...
ياسعادة المستشار كلمنا عن المطارق والعوارض


ودمتم بخير .

الطيب شيقوق
6th July 2010, 10:13 AM
سلام عليكم ورحمة وبركات وتحية
جاتنا الأربعاء التانية المخصصة للأخ الطيب إدريس ومالحقنا على المشاط لغاية مالمينا في الشلوخ
التي كانت علامة مميزة لبعض القبائل .
لاحظت في وصف الشلوخ بالسيف الدكري ومعنى كلمة دكري ، أي جرح ، حسب شرح المؤلف
إختلافا لدينا في المفهوم ، فالسيف الدكري يتميز بوجود خط منحوت فيه يميزه ويمنحه جمالا
شبهه الشعراء بنحت الشلخ في الخد الصقيل ، وهذا المعنى متعارف عليه في بوادينا .
وفي علاقة المشاط الذي غالبا مايصاحبه جلسة ونسة طقس رمي الودع أو خت الودع
وفي المربوع الذي ذكر الأخ الزاكي صدره :
شلخك ستة يوم يحبس غزير الدمعة
شرابك ماهو تكريع ، كمعة
هن وقعن حمودك لي بسيلك سمعة*
...
التكريع والكمع : من طرق أو أساليب الشرب ، الأول يكون متواصل كشرب الهيم العطاش حول حوض شراب ، والكمع هو الشرب رويدا رويدا ، كشرب الغزلان ترفع رأسها كل لحظة لنفورها الشديد لتتأكد من عدم وجود رقيب .
* الحمود جمع حمد ، ( الودعتين ديل حمدوك) والمعنى أن هذه الحسناء لو أصبحت من نصيبه (بسوي ليها سمعة أو شونة بمعنى شئون ) أي أنه سيسمع كل الدنيا .
...
ياسعادة المستشار كلمنا عن المطارق والعوارض


ودمتم بخير .


سمية بت ابوي الشيخ

سلام

المطارق ( وانت ست العارفين) عبارة عن ثلاثة خطوط رأسية في كل خد، أما العوارض فهي ثلاثة خطوط رأسية أسفلها أفقي، وهو الذي يسمى العارض أو الشلباية.

الشلباية طبعا سمكة صغيرة توجد في المياه الضحلة والشلباية ايضا من انواع الحراب ( بكسر الحاء)


قال الحاردلو:

من سرق إيدي جيزان الدموع بشَّاهِن
رقـدن في الشلـوخ للنافلة ما قشَّاهـن

وقال آخر:

اتـوحـلــت وقـلـبـي قـال لـي مـاك مارق
وين الشلخــو شلبايـة وتـلاتـة مطـارق

وقال آخر:

الشـلاخ زي بحــر والدمعـــة فوقـو تبيِّت
وعرق الجاهلة في فستانها يحيي الميِّت

وقال آخر:

أصلو التوب سمح فوق المبرع ديسا
ستاتو القبيـل فوقن شلوخ ود عيسى

لقيتيني كيف؟

الطيب ادريس
6th July 2010, 11:17 AM
وسنكون معكم في هذا التراث والعادة السودانية التي شغلت كثير من الباحثين وقد حاربوها الي أن أصبحت في شبه المعدومة .

وبحليفتها كمان شوفوا العريبي ده بنده ود حسونة :

ياسيدى الحسن يا ابقبةً علوها
من بلداً بعيد جابو الزياره وجوها
البت ام شلوخ لغيرى ما يدوها
والزمن إن طال إن قصر لابد احنس ابوها

الزاكي عبد الحميد
6th July 2010, 04:06 PM
الإخوة والأخوات الكرام

سأقضي العطلة الصيفية مع الأهل والأحباب
في السودان..سأغادر بإذن الله ظهر غد الأربعاء..
وأعود في الأسبوع الأخير من أغسطس..يعني سأقضي أياماً
من الشهر الفضيل في البلد الحبيب..
وحتى ذلك الحين استودعكم الله الذي لا تضيع ودائعه
وأبقوا عشرة على البوست عشان تبقى الغربة سترة حال..
شكراً لكم جميعاً على كل المتعة التي جعلتمونها ممكنة
من خلال مشاركاتكم القيِّمة..
بالتأكيد سوف أواصل من هناك بشكل مستمر بإذن الله ..ووداعاً..

السني أبوالعزائم
6th July 2010, 05:54 PM
العزيز الأستا> الزاكي،،،
ربنا يكتب السلامة ويلحقك المدام والبنات بالسلام والأمان،،،، وهنا سؤال يفرض نفسه

بعودتكم للسودان ،،، تنتفي الغربة ولو مؤقتاً!!!!!!!!!!!!!


وبس

الطيب ادريس
6th July 2010, 06:51 PM
في أماني الله أستاذ الزاكي وربنا يكتب لك السلامة أينما حللت مع الأسرة الكريمة وعودا حميدا باذن الله تعالي .

الطيب ادريس
7th July 2010, 08:03 PM
قصاصات أدبية من صحف اليوم في الغربة سترة حال :


http://www.rayaam.info/news_images/772010124454PM9.jpg

الطيب شيقوق
8th July 2010, 01:39 PM
http://sphotos.ak.fbcdn.net/hphotos-ak-snc3/hs637.snc3/31985_10150209952165529_556885528_12965094_6457375 _n.jpg (http://www.facebook.com/photo.php?op=1&view=global&subj=594474781&pid=5713962&id=754158832&oid=236698025908)

في اماني الله يا زيكو تحياتي لجميع عولك الكبار والصغار

الطيب شيقوق
8th July 2010, 01:46 PM
http://sphotos.ak.fbcdn.net/hphotos-ak-snc4/hs122.snc4/36451_105021342883483_100001268535210_34933_732651 1_n.jpg (http://www.facebook.com/photo.php?pid=55213&id=100001268535210)

الزاكي عبد الحميد
14th July 2010, 08:18 PM
الأعزاء إخوتي وأخواتي الكرام

من ام در تحياتي لكم جميعاً..
ما أجمل تباشير الخريف هذه الأيام..
الجو خريفي ممتع ومحفز للكتابة..
مطر خفبف..طل يدغدغ حبات الثرى العطشى فيورثك
دعاشاً ما أروعه..

سأواصل حتماً بإذن الله..

التحية لكم جميعاً..

الزاكي:clap::clap:

حيدر امين
15th July 2010, 01:35 AM
الأعزاء إخوتي وأخواتي الكرام

من ام در تحياتي لكم جميعاً..
ما أجمل تباشير الخريف هذه الأيام..
الجو خريفي ممتع ومحفز للكتابة..
مطر خفبف..طل يدغدغ حبات الثرى العطشى فيورثك
دعاشاً ما أروعه..

سأواصل حتماً بإذن الله..

التحية لكم جميعاً..

الزاكي:clap::clap:

حمدا لله على السلامة قالوا العاصمة الليلة موعوده بأمطار غزيرة والجو برد ,,, بختكم بالله خليهم فنجانين قهوة فى الضل بره

الطيب شيقوق
15th July 2010, 02:08 PM
الف مرحب بيك يا زيكو كيفك وكيف الاستاذة وداد والبنيات

نتمنى لكم اجازة سعيدة

تلفونك لو سمحت في السودان

ودي

عادل سليمان
15th July 2010, 06:32 PM
حمدا لله على السلامة قالوا العاصمة الليلة موعوده بأمطار غزيرة والجو برد ,,, بختكم بالله خليهم فنجانين قهوة فى الضل بره

الف حمد لله علي السلامة اخي الزاكي لو تخليهم شاي مننع بالنعناع العجيب بتاع السودان عشان انا عندي ضغط القهوة ما بتنفع معاي
:ok:

الزاكي عبد الحميد
20th July 2010, 09:20 PM
إخوتي الكرام حيدر وشيقوق وعادل..
الجو في العاصمة هذه الأيام جميل للغاية
أمطار غير "مزعجة" وهواء نقي وعليل..
القهوة والشاي لهما طعم غير الذي ألفناه..
الشاي يا عادل تأتيك نكهته قبل أن تتذوقه..
أما القهوة فجمالها يأتيك مشياً على الاقدام حين تسمع صوت الفندق
في الصباحات الخريفية من بعيد ومن قريب..ياخي دي حاجة ممتعة بشكل..

تلفوني في السودان 00249911632200 وبعدين تلفوني بتاع عمان ذاتو معاي طوالي..

لكم أحبتي كل الود ..

نحن جميعاً بألف خير وشكراً أخي شيقوق على السؤال..
انتظروني شوية جاييكم بالصور الما خمج يا شيقوق.
تحياتي..
ياخي دي

السني أبوالعزائم
21st July 2010, 12:15 AM
الأحباء ،، الزاكي،،، وداد
لكم التحية،، وعليكم الله كل واحد يقيف في وسط الحوش،، ويجر نفس عمييييييق،، ويملا صدرة،،، ودي عشان أخوكم

وبرضو فرصة ما ننساها ونبارك لكم زواج خال البنات،، ربنا يجعله بيت مال وعيال ويستر حاله زي ما الغربة سترت حالنا

وداد عوض
21st July 2010, 09:33 PM
لأحباء ،، الزاكي،،، وداد
لكم التحية،، وعليكم الله كل واحد يقيف في وسط الحوش،، ويجر نفس عمييييييق،، ويملا صدرة،،، ودي عشان أخوكم

وبرضو فرصة ما ننساها ونبارك لكم زواج خال البنات،، ربنا يجعله بيت مال وعيال ويستر حاله زي ما الغربة سترت حالنا

الأخ العزيز السني:
شكراً جزيلاً على التهنئة بزواج خال البنات وكمان زواج بت عمهم..
يعني بصراحة إجازة رائعة بجوها وأفراحها وبلقاء الأهل ..ناس ما قابلناهم من سنين جو للمشاركة وتجديد الشوفة زي ما بقولوا..
حتى الآن لم أشاهد التلفزيون ولم أقرأ صحيفة... وذلك عن قصد..يعني محاولة لتذوق متعة الإجازة بدون عكننات..طلبك بجر نفس طويل من الهواء في الحوش بسويهو بعد بوش مدنكل بكرة..بوش مدنكل مش زي بوش ناس عبد الحميد دواد والعطا وعبد الملك!!

تحياتي للجميع..

الزاكي..

محمد أحمد الخضر
24th July 2010, 07:43 PM
الزاكي .. و .. وداد
مبروك زواج خال البنات وأدام الله الأفراح.

على ذكر البوش نحييك بهذا البيت الشعري بعد تحريفه:
البوش الله أداهو
الزاكي جاري وراهو

برضو ما تنسى سمك الموردة .
هناك واحدة فتحت محل جديد وستجد العميان شايل المكسر.
جرب براك وأدعي لي.

أم صادق
25th July 2010, 11:02 AM
الأعزاء الأخت وداد و الأخ الزاكي لكم التحايا و الف مبروك على العرسان و عقبال عندكم ، مفتقدنكم كثير و مسقط فاضية و كئيبة بدونكم جميعاً و مفتقدين متابعة البوست الممتع حتى ود شيقوق و ود ادريس ود ابوسن و بت طلحة ما ليهم حس ولا خبرحتى هم مسافرين؟ ربنا يعودكم بالسلامة و تعود انتعاشة الغربة .

وداد عوض
26th July 2010, 12:26 PM
كتب الأستاذ ود الخدر:
الزاكي .. و .. وداد
مبروك زواج خال البنات وأدام الله الأفراح.

على ذكر البوش نحييك بهذا البيت الشعري بعد تحريفه:
البوش الله أداهو
الزاكي جاري وراهو

برضو ما تنسى سمك الموردة .
هناك واحدة فتحت محل جديد وستجد العميان شايل المكسر.
جرب براك وأدعي لي.

الأخ العزيز الأستاذ ود الخدر:
شكراً جزيلاً على الوصايا الحوتية العشر..
ست السمك اسمها عوضية والعوض على الله في الوكت وفي الجيب..
من جيت واقفين في الصف عسان ناكل عندها حوت..دوري قالوا يوم الثلاثاء بكرة يعني بالمناسبة نعزمكم كلكم السمك المو خمج...دا سمك حار بنفع خاسة مع ناس البردانة..انت المسنوح وين؟
تحياتي للجميع..وتحايا خاصة من العريس خالد الذي نفض الكيس نفض جد !
وفتّكم بعافية وإلى لقاء..

الزاكي

محمد أحمد الخضر
27th July 2010, 12:37 PM
كتب الزاكي:
ست السمك اسمها عوضية والعوض على الله في الوكت وفي الجيب..
من جيت واقفين في الصف عسان ناكل عندها حوت..دوري قالوا يوم الثلاثاء بكرة يعني بالمناسبة نعزمكم كلكم السمك المو خمج...دا سمك حار بنفع خاسة مع ناس البردانة..
تعليق:
ما قلت ليك العميان شايل المكسر؟!!
بس من فضلك وقت ترجع جيب لي معاك حوتة حوتين من عوضية. بس ماتنسى تضعهم في صبارة للمحافظة على سخانتهم.
قول لخالد عوض: ود اللذينا. صادوك؟!

الطيب شيقوق
28th July 2010, 01:44 PM
الف الف مبروك اخي الزاكي والاخت وداد ربنا يجعلوا بيت مال وعيال . ولا متروسين مال؟


الزاكي

شكرا شكرا شكرا على التلفون وانا معكم في الاول من اغسطس ان شاء الله بامدرمان

وداد حظك تكونى شبعانة ملحات قرع الايام دي

حيدر امين
28th July 2010, 04:34 PM
الف الف مبروك زواج خال وبت عم البنات
اهى دى الاجازات ولا بلاش والحمد لله افراح فى افراح واجواء ما حصلت
تعالوا هنا الشمس 3 يوم مافى لكن كان قلبك محدثك اطلع بره
النادى الاربعاء زى السبت ولا زول الا كان 3 ولا 4
المهم منتظرين رجوع الناس ,, بالله الجرائد معاكم ما دايرين نقراها ,, مش بتكون مرطبه من المطره ؟ بس عايزين نشمها ساكت

وداد عوض
30th July 2010, 09:27 PM
كتبت الأخت عفاف:

الأعزاء الأخت وداد و الأخ الزاكي لكم التحايا و الف مبروك على العرسان و عقبال عندكم ، مفتقدنكم كثير و مسقط فاضية و كئيبة بدونكم جميعاً و مفتقدين متابعة البوست الممتع حتى ود شيقوق و ود ادريس ود ابوسن و بت طلحة ما ليهم حس ولا خبرحتى هم مسافرين؟ ربنا يعودكم بالسلامة و تعود انتعاشة الغربة .

الأخت العزيزة عفاف:

شكراً جزيلاً على التهنئة بزواج خال البنات وزواج بت عمهم..
فعلاً أم در الأيام دي أفراح في أفراح وربنا يديم الأفراح على الجميع..
والله يا عفاف جو خريفي جميل بشكل ما شفناه لينا سنين.. أمطار ما مزعجة ونسيم عليل زي ما بقولو الشعراء..
غايتو السودان بلد جميل بناسو وبخريفو وطيبة أهلو..
لك التحية ولمن معك ولي عودة بإذن الله..

وداد عوض
30th July 2010, 09:34 PM
كتب الأخ حيدر:
الف الف مبروك زواج خال وبت عم البنات
اهى دى الاجازات ولا بلاش والحمد لله افراح فى افراح واجواء ما حصلت
تعالوا هنا الشمس 3 يوم مافى لكن كان قلبك محدثك اطلع بره
النادى الاربعاء زى السبت ولا زول الا كان 3 ولا 4
المهم منتظرين رجوع الناس ,, بالله الجرائد معاكم ما دايرين نقراها ,, مش بتكون مرطبه من المطره ؟ بس عايزين نشمها ساكت

الأخ حيدر
لك الشكر أخي حيدر على التهنئة بزواج خال البنات وزواج بت عمهم..
وعقبال حسناء وأختها..
زي ما قت لعفاف والله يا حيدر الجو هنا ما عادي وبعدين أفراح كتيرة بشكل ما عادي ..
كل يوم عرس في مكان وكلها أعراس أهل..امدرمان الخرطوم وبالعكس..
قال ليك شبعنا طرب ما حصلش مش أي كلام..
غنا حقيبة من ناس تقال شديد وعديلة بالدنقر وسيرة بالحصين (نظام كابويات)
وكدا وبالعدبل والزين..والفرح طنين ..

تحياتي للجميع..

ايات احمد الزاكي
30th July 2010, 10:33 PM
وعدنا بعد اجازة رائعه من السودان...

فعلا كانت اجواء ولا اروع..

وزي ما قالت وخالتو وداد...

اعراس كتيره وبالكوم

واجواء حلوة شديد...

خاصة الامطار اللي نزلت في الايام الاخيره...

وفعلا يا عمو حيدر ريحة المطر والجو لغاية هسي بنشمها...

يا حليل السودان والله...

اتمنى للجميع اجازة سعيده وعودة سريعه لان البلد هنا شكلها فاضية..

والمنتدى برضو شكله فاضي...

تــــــــــــــحياتي للجميع...

السني أبوالعزائم
8th August 2010, 03:34 PM
يالرحتوا طولتوا
وعلي ما سألتوا
يا الكنتوا مني قراب
أنا وين ووين إنتوا

الطيب شيقوق
22nd August 2010, 12:05 AM
التحية لكم اخي السني وجميع اعضاء الجالية الميامين

الف مبروك لاخي الزاكي والاخت الفاضلة وداد بت العوض

طمئنونا على صحة الاستاذة نفيسة والاخ ود الخضر

الف مرحب بعودة الابنة ايات الزاكي

شيقوق

امدرمان

الزاكي عبد الحميد
22nd August 2010, 10:59 AM
الأخ العزيز الطيب
رمضان كريم ولك من التحية الرحيق يا صديقي..
يوم اتصالك بي هاتفياً في أمدرمان بعد وصولك أرض الوطن
كنا مع الحاجة والدة وداد نتنقل بها من مشفى لآخر على أمل
علاج عاجل من وعكة خاطفة ألمت بها بعد أيام من زواج ابنها..
ولكن كان أجلها قد أزف فلبت نداء ربها راضية مرضية في بداية رمضان..
كان ذلك هو السبب الذي حال دون اتصالي بك حيث فقدت رقم هاتفك في
تلك الأيام العصيبات..

عدت إلى مسقط يوم الخميس 19 أغسطس ولا تزال الأسرة هناك..

أتمنى لك إجازة ممتعة خلال هذا الشهر الفضيل..
سلامي لكل أسرتك وعموم أهل البلد..

عمار محجوب محمد زكي
22nd August 2010, 02:36 PM
ألف مبروك زواج خال البنات ويبدو أننا كنا في السودان معا في تلك الفترة ولكن لم تتح لنا فرصة اللقاء هناك وإلا كنا تشرفنا بحضور الزواج .. ألف ألف مبروك وربنا يجعل أيامكم كلها أفراحا آمين .. آمين .. آمين

الزاكي عبد الحميد
22nd August 2010, 06:26 PM
عمار يا ابن الأكرمين:
طلتك بعد طول غياب تشي بالجميل القادم..وهو الجديد الذي تشتد
إليه حاجتنا يوماً بعد يوم..
يا صديقي الحفل (الختامي) كان في صالة الخليل في أم در وهي على مرمى حجر منكم..وما حال دون لقائنا بك سوى أني لم أكن أعلم بوجودك بيننا في تلك الأيام..لكم كانت الجلسات تأتلق لو كنت بيننا يا صديقي..

شكراً عمار..

محمد عثمان الحاج يوسف
23rd August 2010, 10:08 AM
الإخوان / الزاكي ووداد ،
السلام عليكم وألف مبروك الزواجين ، لكن عليك الله يا وداد حفلتكم كانت في صالة الخليل بالموردة يعني قدام البيت عديل ونحن كنا في أمدرمان الوقت داك وما نسمع بيكم ، دا كلام دا ، يعني لو عليتوا صوت المايكرفون شوية لبرة الصالة يمكن كنا نسمع حسكم وندخل نهيص معاكم ، أهي دي قسمتنا نعمل شنو ، حفلة وفاتت ، وإن شاء الله الجايات أكثر من الراحوا وعقبال البنيات بعد الجامعة والدكتوراة بإذن الله تعالى . بعدين قالوا دايماً الفرح الكثير بعقبه حزن ودي سنة الحياة ، نسأل المولى عز وجل أن يتغمد الفقيدة الغالية بواسع رحمته وغفرانه وأن يدخلها فسيح جناته مع الشهداء والصديقين والأبرار وحسن أولئك رفيقاً ولكم الصبر والسلوان ، إنا لله وإنا إليه راجعون .

الزاكي عبد الحميد
23rd August 2010, 11:19 AM
كتب العزيز محمد عثمان:الإخوان / الزاكي ووداد ،
السلام عليكم وألف مبروك الزواجين ، لكن عليك الله يا وداد حفلتكم كانت في صالة الخليل بالموردة يعني قدام البيت عديل ونحن كنا في أمدرمان الوقت داك وما نسمع بيكم ، دا كلام دا ، يعني لو عليتوا صوت المايكرفون شوية لبرة الصالة يمكن كنا نسمع حسكم وندخل نهيص معاكم ، أهي دي قسمتنا نعمل شنو ، حفلة وفاتت ، وإن شاء الله الجايات أكثر من الراحوا وعقبال البنيات بعد الجامعة والدكتوراة بإذن الله تعالى . بعدين قالوا دايماً الفرح الكثير بعقبه حزن ودي سنة الحياة ، نسأل المولى عز وجل أن يتغمد الفقيدة الغالية بواسع رحمته وغفرانه وأن يدخلها فسيح جناته مع الشهداء والصديقين والأبرار وحسن أولئك رفيقاً ولكم الصبر والسلوان ، إنا لله وإنا إليه راجعون ....

يا صديقي الجميل:
نحن وجميع من حضر الحفل في صالة الخليل هم الخاسرون من عدم وجودكم البهي بيننا..فكيف يطيب المقام لو غابت عن الجلسة فاكهتها..لكم العتبى يا سيدي..لكين بصراحة ما عارف إنكم كنتو هناك ...

لكين الجايات أكثر بإذن الله من الرايحات سوا من عندنا ولا من عندكم..
وربنا يديم الأفراح علينا جميعاً..

شكراً أيها العزيز على تعزيتك الرقيقة..

الطيب شيقوق
26th August 2010, 03:24 AM
الاخ الزاكي

الاخت وداد

لا حول ولا قوة الا بالله

للفقيدة الرحمة ولكم ولذويها الصبر وحسن العزاء

وانا لله وانا اليه راجعون

تلقيت ذلك الخبر المحزن في وقت متاخر من هذه الليلة

ارجو انزال رقم هاتف الاخت وداد

السني أبوالعزائم
26th August 2010, 09:40 AM
الأخ شيقوق،،، سبحان الحي الدائم

أرجو مراجعة الرابط (http://www.sudaneseclub-oman.com/vbforum/showthread.php?t=823)،،،،

الطيب شيقوق
1st September 2010, 02:45 AM
شكرا اخي السنى على الرابط

وكل عام وانتم بالف خير



قول لدكتور عمار شيقوق مشى توتي ووقف في شدرة الحراز على ضفاف النيل وحاول الاتصال بك بالسلطنة ولكن تبين لي اخيرا انك في السودان .

معزتي

الزاكي عبد الحميد
7th September 2010, 11:13 AM
كل عام والجميع بخير وعافية.. تامين ولامين

يا أهلي في الغربة ..نسأل الله أن يعيد
هذه المناسبة الخيرة على كل أهلنا في الشتات
وفي أرض الوطن باليمن والسعادة والبركات

الطيب ادريس
8th September 2010, 02:46 PM
الافطار الجماعي اليومي علي قارعة الطريق في الشوارع والطرق السفرية وأمام البيوت والحيشان وتحت الأشجار والجمعة اليتيمة والرحمتات والتيمونة والتيسوعة هي طعم رمضان في بلدي وهي العادة التي لم يطمثها أثر اقتصادي علي مستوي الانسان السوداني الشخصي .. انها الرحمة والمغفرة والعفو بين الناس طلبا لرضا رب العزة والعتق من النار .. آمين يارب .
التسامح والكرم الأصيل هي شيمة افطار رمضان حدادي مدادي في وطني :

http://smc.sd/~smcsd/media/images/29d14e5a-0c6e-adad.jpg

http://www.alsahafa.sd/imagesgallary/4351.jpg

الطيب ادريس
8th September 2010, 02:54 PM
( الرحمتات )

كتبت بعض الأقلام عن الرحمتات هذه العادة القديمة والجميلة في ذكريات الطفولة عندنا والتي اصبحت الآن ذبائح وولائم بدلا من ذبح ( العتود ) في كل بيت ويتقاسمه الجميع في احتفالية آخر جمعة رمضانية مع اهازيج واناشيد الأطفال ويقول البعض :
ناس بسموها الرحمتات وناس بسموها عشاء الميتين، والرحمتات من الرحمه وهى وجبه بتم اعداده فى البيوت السودانيه وبتتوزع فى اخر جمعه وبعض الناس بوزعوها فى اخر خميس فى رمضان يعنى الجمعه اليتيمه، وهى صدقه بتم توزيعها اكرام لارواح الموتى وصدقه ليهم ،والبعض بقول انها رحمه بالصغار وبتعلمهم الكرم ،وبتحمل الرحمتات رسالة واحساس بانتهاء شهر رمضان الكريم ،فالاولاد برددوا : ودعناك يارمضان شهر التوبه والغفران
ولما نسمع كلمة الرحمتات بنتذكر ايام الطفوله الجميله،وذكريات الابيض والاسود وفى كل حله مجموعه من الاطفال لافين بالشوارع وبكونوا شايلين العلب والجرادل وبرددوا بصوت واحد:
الحاره ما بردت
ست الدوكه ما مرقت
عفريته عفريته
ست الدوكه كبريته
وبتطوف المجموعه بكل شوارع الحى،وبتحاول انها تتجنب الدخول فى الاحياء التانية لانو ح تقوم مشاكل بين اولاد الحلتين،والاسر بتكون مجهزه وجبه بتختلف من اسره لى اسره لكن الغالب انها فتة لحمه بى رز،زى ما قلته الشباب بلفوا الحى واول ما ست البيت تسمع الاصوات فى طرف الشارع تفتح الباب وتنادى المجموعه وتقديم ليهم الاكل.
زكريات جميله وعاده اجمل وبتديك احساس بالالفه وانو اى بيت فى الحله بيتكم ودى من اجمل الحاجات فى بلدنا..
والان فى عصر العولمه والفضائيات هل العاده دى لسه متواصله،ولا اندثرت زى ما اندثرت العديد من العادات الجميله البتميزنا كسودانيين؟عموما هى مساحه للجميع للتداخل والتواصل وسرد الذكريات الجميله فى زمن جميل،زكريات اكيد بتختزنه زاكرة الكوامر واكيد هم شهدوا العاده دى فى عصوره الذهبيه.اتمنى من الجميع سرد زكرياتهم مع رمضان زمان والرحمتات.
كل الامنيات ورمضان كريم علينا وعليكم وكل سنة وانتو طيبين ..

الزاكي عبد الحميد
9th September 2010, 07:01 PM
صديقي الأرباب

متابعين بشدة فواصل ولا تقطع الحديث..
كلامك درر ..وخاصة لمن لا يعرفون عما تتحدث بسبب
السن أو الغربة أو غيرها من أسباب منعتهم من الاستمتاع
بعادات سودانية تجعلنا نشرئب زهواً إلى عروش الشمس..
لك الله يا وطن!

اقبال حجار
13th September 2010, 11:04 PM
الافطار الجماعي اليومي علي قارعة الطريق في الشوارع والطرق السفرية وأمام البيوت والحيشان وتحت الأشجار والجمعة اليتيمة والرحمتات والتيمونة والتيسوعة هي طعم رمضان في بلدي وهي العادة التي لم يطمثها أثر اقتصادي علي مستوي الانسان السوداني الشخصي .. انها الرحمة والمغفرة والعفو بين الناس طلبا لرضا رب العزة والعتق من النار .. آمين يارب .
التسامح والكرم الأصيل هي شيمة افطار رمضان حدادي مدادي في وطني :

http://smc.sd/~smcsd/media/images/29d14e5a-0c6e-adad.jpg

http://www.alsahafa.sd/imagesgallary/4351.jpg
الإفطار على قارعة الطريق من أجمل العادات السودانية الباقية فهي تزيد من اواصر الترابط الاجتماعي والجميل ان كل السودانيين يحرصون كل الحرص على الخروج , وهذه اللوحة الجميلة تستحق ان يُكتب عليها الكرم السوداني الاصيل ونتمنى ان تدوم مثل هذه التقاليد القيِّمة وان نُحافظ عليها نحن ونتوارثها جيلاً بعد جيل
فهي مأصلة عند جميع السودانين.
لكم الشكر وعيدكم مبارك

الطيب ادريس
14th September 2010, 02:05 PM
شكرا استاذة اقبال وتبقي العادات الجميلة هي عنوان اهلنا الطيبين أدام الله عليهم نعمة الدنيا والآخرة .

الطيب ادريس
14th September 2010, 02:17 PM
سماحة السودان بعيون الآخرين .

http://www.almshaheer.com/newsimages/1a.jpg كاتب صومالي من مواليد مقديشو ١٩٨٢م حاصل على البكالاريوس في الجغرافيا من جامعة إفريقيا العالمية في الخرطوم ٢٠٠٧م، والماجستير في الدراسات الإفريقية – علوم سياسية من مركز البحوث والدراسات الإفريقية بجامعة إفريقيا الخرطوم ٢٠١٠م .
في أكتوبر المقبل سيكون عيد ميلادي الثامن والعشرين حيثُ ولدتُّ في (مستشفى بنادر) الحكومي بمقديشو في أكتوبر من عام 1982م، وقد قسَّمتُ حياتي إلى أربعة أرباع، الرُّبُع الأول: 1982-1990م كنتُ في جوِّ البراءة والطُّفُولة، وفي كنف الأمِّ الوالدة الحنُونة،!! في حياة مُتْرفةٍ لا تَعْرف التقشُّفَ ولا الاحتياج!!، ولا تَأْلف التَّدهْوُرَ ولا الاعْوجَاج،!! فالأمْنُ والنظام كان يسود مقديشُو، والفرح كان يهوي إلى ربوعنا ويعلُو،!! في مَشْهد يُحْسَد عليه الأغنياء،!! ويَغبِطُ في نيله الفقراء،!!، والرُّبُع الثاني: 1991-1996م كنتُ في جوِّ المراهَقَة، وكنتُ في حيرة من أمري، وكان القتل والدَّمَار يسود من حولي،!! أما العِيشَةُ فمتوسِّطة،! تشُوبها فاقة مُتَطرِّفة،!! وتتخلَّلُها فُرْجَةٌ متقطِّعة،!!، والرُّبُع الثالث: 1997-2003م كنتُ في جوِّ الشَّبيبة، ففيه تعرَّفتُ على تفَاصيلِ الحياة وتصَانيفِها،!!وعلى تعَاريجِ الأرض وتضَاريسِها،!! وانتبهْتُ على أقاويلِ العُشَّاق وأهازيجِهِم،!! وصحَوتُ على قَراطيسِ الكُتَّاب ومصابيحِهِم،!! أما الرُّبُع الأخير: 2004-2010م فهو البيت القصيد فأقول- مستعينا بالعليِّ الغَفُور – :


السودان.. البلد الحبيب:


هل أتاك – أيها القارئ- نبأُ سَهْلٍ فَيْضِيّ، ووَادٍ مبسَّط نَهْرِيّ،؟!! سهْلٍ يقع وراء المرتفعات الحبشيَّة الشَّاهقة، وغرب الهضَبَة الإثيوبية العاتية،!! سهْلٍ تحوطه الجبال من كل صَوب،!! وكأنها حلَقةُ وَشْمٍ في طَرْف ثَوب،!! ففي شرقه جبال البحر الأحمر ومرتفعات الحبشة، وفي جنوبه جبال النوبة، وفي غربه جبل مَرَّة،!! سهْلٍ يجري من خلاله أطولُ نَهْرٍ في العالم، وأعذَبُ ماء للشارب، مَن ذاقه وطَعِمَه وشَرِبَه؛ فلا تنفكُّ الأرض عنه،! وإن تمرَّد عليها وغادرها فلا يبقى بعيدا عنها أحقابا، بل يأرَزُ إليها أرْزَ الثُّعْبان،! ويلجأ إليها لجوء الحَيْران،! ويَرِدُ إليها وِرْدَ العَطْشَان،!!! مَن شَرِب النِّيلَ يسكُنْ قَلبُه، وينْمُ عقلُه، وينضُجْ فكرُه، ويعظُمْ شأنُه.!!


لا زِلْتُ في علم الجغرافيا:!!


سماؤه صَافية، وشمسُه عن الأنظار ليست بضَافية،!! وجَوُّهُ مُتقلِّب!، وكأنه مُتصفِّح،! ويبحث عن حلٍّ مُتجَذِّر،!! حتى إذا ما ضاق الناسُ بالحَرِّ ذَرْعًا، وبات الطَّقْس على الوجوه كَرْهاً، يستَدعِى السهْلُ الأتربةَ والغُبار،! ليهَدِّأَ الأعصاب ويرفعَ الحِصار،!! فيتدخَّلُ؛ (!) وكأنه من طوارئ الدفاع المدني،!! – و{هَذَا…} كلُّه {…مِنْ فَضْلِ رَبِّي}- فيمسي الجوُّ جميلا، والطَّقسُ رائعًا، كأنَّ شيئالم يحدث،!! وياله من وطنٍ حَمِيم، وبلد شفيق رَحِيم.!!

السودان..البلد الأمين:

أعطاهم الله أمْنًا لم يُعطِهِ أحدًا من أهل القارَّة السمراء، وأزاح عنهم الرعب والخوف، وأطعمهم من خيرات بلدهم، ومما أخرج وأنبت لهم من هذا السَّهْلِ المبارك،!! عواصمُ القارَّة مضطربة أمنيًّا؛ فاللُّصوصُ في الأزقَّات مُتربِّصَة، والصَّعاليكُ في الأرصفة مُتغطرسة،!! ففي الليل لا تستطيع أن تتجوَّل في أرقى العواصم الإفريقية، أما في الخرطوم فلا خوفٌ عليهم ولا ما يحزنون،!! فالسَّحَرُ – وهو آخِرُ الليل- تمشي في الشوارع مَرِحًا، ثمَّ تأوِي إلى بيتك فَرِحًا، مِن غير رقيب ولا طَرُوق،! يطرُقُ بالشَّر قبل الصُّبح والشُّروق.!!


لا زلتُ في علم الاجتماع:!!


أهلُهُ متحضِّرون، وفي الكَرَمِ متقدِّمون، وعن السَّفَه مُبتَعِدُون، وفي السمـاحة مشتَهِرُون،!! قلوبهم واعية، وثقافتهم عالية، وأخلاقهم سامية،!! إذا ذهبْتَ إلى عواصِمَ في الغرب، وأخرى في الشرق قد تلقى التمييز والعنصرية والكراهية، أما في السودان فكأنك في بلدك الأصْليِّ، لا تمييزَ ولا تمحيص، ولا تضييقَ ولا تأليب،!! يبتلعُك الشَّعبُ ابْتِلاعاً، ويلتهمُك البَلدُ الْتِهَـاماً،!! فتذُوبُ في أرجائه الواسعة الفسيحة الجميلة،!! وعندما تتكلم بلغتك الأصلية (الأصيلة)(!) في داخل الحافلة المليئة بالرُّكاب- تُتَمْتِمُ كما يُتَمْتِمُ الأعجمِيُّ اللَّحَّان!! – فلا أحد يضحك عليك،!! ولا رجلَ يتكلم فيك، ولا شخص يلتفت إليك،!! فهل تجدون هذا في العواصم،؟!! بل هل تجدونه في المناطق الشمالية من الصومال، وإن كانت اللغة واحدة.؟!!


لا زلتُ في علم الأذواق:!!


في الشوارع ترى نوَاعِمَ رشِيقَات، ونوَاهِدَ نَصُوعَات،!! كاللَّلآلي في قاع البحار والمحيطات،!! تَعْلُو السَّماحةُ على وُجُوههنَّ، والبَسَاطةُ على فِعَالهنَّ، والنَّضَارةُ على جِبَاههنَّ، والابتسـامةُ على شِفاههنَّ،!! فلا تتعكَّر، ولا تتحمَّق،!! ولا تتحمَّس،!! شاطراتٌ في التَّعامُل والتَّفاعُل،! وكاسحَاتٌ في الأسواق والتَّداوُل،! وسابقَاتٌ في التَّعليم والثقافة والتفاكُر،!! وهادِئاتٌ في الحديث والكلام والتخاطُب.!!


السودان..بلد الزراعة والخيرات:


سهْلٍ.. يلتقي جميعُ روافد النِّيل في أرضه التقاءً، وتَرِدُ إليه الأنهار وُرُودًا،! فتحوِّلُ سَاحاتِهِ إلى خضراء، رغم طبيعة أرضه الصَّحراء،!! سهْلٍ..غني بشتَّى أنواع الزراعة من الفواكه والخضروات والحبوب، والأسماك والمعادن والأخشاب واللحوم وغيرها، ولا يستورد غذاؤه الأساسي من الخارج، وإنما يكفي أهله بما منحه الله من خيرات وبركات.


لا زلتُ في علم الاقتصاد:!!


وقالت المنظمة العربية للزراعة إن السودان سَلَّة غِذَاء العالم العربي، أي: إن السودان يكفي حاجة العالم العربي أجمع من الغِذَاء إذا استُغِلِّت أراضيه الصالحة للزراعة، وذلك لمساحته الشاسـعة، ووفرة أنهاره وموارده المائية، وخصبة أراضيه، ويضم (مشروع الجزيرة) أكبر زراعة في قارة إفريقيا، وفي السودان عدَّة مصانع محلية في مختلف أنواع الأطعمة والأجهزة والملبوسات.


السودان.. بلد المفكِّرين:

السودان بلد المعرفة، ومعقل المبدعين، ومنبر المفكِّرين، ومحطَّة المشاهير والباحثين، منه خرج عبد الله الطيب، والطيب صالح وغيرهم من عمالقة الأدب والفكر والإبداع، ومن خلال وجودي فيه جاء إليه عدد غفير من المشاهير في العالم العربي والإسلامي، والتقيتُ بأغلبهم، وحضرتُ خُطَبَهم ومحاضراتِهِم، فمن العلماء والدعاة الكبار: الشيخ العلامة يوسف القرضاوي (2003و2009م) والشيخ سلمان العودة (2003و2008م) والشيخ وهبة الزحيلي (….) والعالم الموريتاني ولد داده (2010م)، ومن المفكرين والمحاضِرين والدعاة: فتحي يَكَن (2004م) رحمه الله، وعائض القرني (2010م) وطارق السويدان (2006م) وراغب السرجاني (2010م) وإبراهيم الفقهي (….) ومحمد عبد الرحمن العريفي (2004م).


ومن مشاهير القُرَّاء: الشيخ عبد الرحمن السّديس (2005و2010م) وعبد الله بن علي بَصْفر (2007م)، ومن مشاهير السَّلفية: عليّ الحلَبي، وسليم الهلالي (تلامذة الشيخ الألباني) (2005و2006م)، والشيخ صالح السحيمي أستاذ في جامعة المدينة المنورة، ومن المشاهير أيضا خَالد مِشْعَل القيادي في حركة حماس (2009م) ، وفهمي هويدي الكاتب المصري الشهير، ويوسف إسلام المغنِّي البريطاني الشهير وغيرهم من الأعلام والمشاهير الذين نسيَتْهُمُ الذَّاكرة من مختلف أنحاء العالم الإسلامي ومن أوروبا وأمريكا.


السودان.. بلد الصبر والحِلم:


يأتي إلى السودان وهو هائجٌ حَائر،! وينقلبُ منه وهو هادئٌ صَابر،! وخبير ومعتَزِمٌ (مُثَابِر)،!! جعلَت الطبيعة الجغرافية أهلَهُ يتحمَّلون الحوادث والمشقَّات، ويتسامَون عن الرذائل والمُلِمَّات،!! لا يَقتُلُون ولا يُجرِحُون، ولا يظلمون ولا يُفحشون، ولا يجازِفُون ولا يستعجلون، قد فُرِضَت عليهم طيلة التسعينات عقوبات اقتصادية؛ فصَابرُوا وصَبرُوا،! وزَرعوا أرضهم وحصَدُوا،!! ولم يُحْشَروا في قوائم الأمم المتحدة في زُمرة دول المجاعات والأزمات (الإنسانية…) والحقوق (…الضائعة) إلا في إقليم دارفور، وأغلبها (تقاريرُ مبالغ فيها)، والصَّحيح منها قَليل، ويُقصد منها إلصاق العار بالدُّول العربية والإسلامية، فماذا – إذن- يجري في فلسطين.؟!!


لا زلتُ في علم السياسة:!!


ولما رأى الغربُ صبْرَهُم وثباتَهُم اختلق لهم أنواعا من الأزَمَات،!! وافترَى عليهم ألوانا من الإفك والتُّهَمَات،!! ليُجَلْجل عليهم الأرض وليركعوا!!؛ فما ضَعُفُوا ولا استكَانُوا، وما جَزِعُوا ولا استهَانُوا،!! لا يرضى الغرب بهذا الأمن والأمان، وهذا التسامح والنجاح، وإنما يريد تقطيع الأوصال والأوتاد، وتفتيت وُحْدة البلاد، وما ربك بغافل عن أفعال العباد.!!


السودان..والطلاب الصوماليين:


قد قدَّم السودان للشعب الصومالي ما لم تقدمه له دولة أخرى على الإطلاق،! فتح لهم أبواب التعليم العالي وجامعاته، ويوجد في أرضه أكثر من ألفَي طالب صومالي، هم الرَّقم الأول في الطلاب الأجانب (الوافدين) في السودان عددا، يدرسون في مختلف العلوم والفنون، في الطب والهندسة والحاسوب والزراعة والتمريض والصحة والمختبرات والصيدلة والتربية والشريعة واللغات والاقتصاد والإدارة والسياسة والقانون والرياضيات والتاريخ والجغرافيا وغيرها.


أخرج السودان قادةً وكوادرَ صوماليين يدرسون ويُدِيرُون ويُبدِعون ويكتبون ويبحثون، هم أكثر الناس نشاطا ووعيا وثقافة وتحرُّكا، وإن كان هناك خلل لكن نرجو معالجته بمرور الأيام.


لا زلتُ في التعليم:


الصومال هِبَـة السودان معرفة وثقافة، ففي كل عام يتخرَّجُ من جامعاتها المئـات، ويناقش درجاتها العليا العشرات، وتُعتبر جامعة إفريقيا العالمية أكبر جامعة في خارج الصومال تحتضتن العدد الأكبر من الطلاب الصوماليين، وهذا يجب أن نشكره عليها.


الحصاد: هو القلم والمعرفة:


هذا البَلد فتح لنا الأبواب والآفاق، وهيَّأ لنا طعم المستقبل وحُسْن الأذواق،!! فمن خلاله انكشفتِ العيون، ونضجَتِ الأفكار والعُقُول،!! حتى قُلتُ: جميعُ مَن في الصومال لم يحتلموا وإن كانوا في صفِّ الكبار والكُهُول،!! و(سَامِحُوني…) إن بالغتُ في التَّعبير، (…ولكنْ) ـنِي تعجَّبتُ من عدم النضج في الصومال، وتلك التجارب الفاشلة التي يتفادى عنها المراهقون،! وعدم (استثمار…) مَن يلبث في (…الغُربَة) كثيرا في وقته وجُهْده كي يوجِّه الناس، ويصبحَ (الشَّاهِد) لله رب العالمين على شعبه، لا أن ينامَ ويستيقظَ ويرتاحَ في عواصِمِ (الغرب العاري) عن المصداقية، والمتَّصِفِ بالازدواجية في المعايير،! فـ (الإنسان الناجح) هو الذي يُبدِع ويقدِّم الجديدَ لشعبه، ويُغَرْبِدَ الفكرة وينتج، لا أن يشتغل بـ (قَضِيَّةٍ…) لا تنفعه، ولا بقُعُودٍ على أرصفة الطرقات طوال (…الشَّهر) والسَّنة،!! يتحدث عن (القبيلة والقبليَّة…) وليس له (..أيَّة علاقة) بالعِلم، بل أصبح من (المجتمع الفَوْضَوِيّ)، الذي ابتعد عن (الوسَطيَّة الإسلامية…) في السلوكيات والمنهجيات والفكر، وأصبح – بفعله هذا – (…نتيجةَ فشَلٍ حضَارِيّ) واجتماعيّ وسياسيّ، وركب في (قَوَارِبَ بلا أشْرِعَة) تموج به في أمواج الفِتَن المُدلهمة.!!


لا زلتُ (شاهدا على العصر):!!


هذه قراءة عامَّة لـ (زَوَايا…) الأحْداثِ الـ (…ثَّابتةِ) منها والمتحرِّكة بغير (أَعْمِدَة)!!، وهذه خُلاصة تجاربَ شخصية، وعُصَارة تعبير وتفكير عميق،!! من عَيْنٍ مُراقِبَةٍ باصِرة، وقَلَم سيَّال فيَّاض، قد يُصيب ويخطئ، ويَكْبُو ويَعْدُو، ويستحقُّ منا السُّودانُ بمقالٍ أكبرَ من هذا المقال كَمًّا وكيفًا، ولسْتُ (أنا) ممن يستأْهِل لذلك، فإن لنا كوادرَ تخرَّجُوا وحصلوا على العلم والدرجات من السودان، نفتخر بهم – ونعتزُّ -،! ولن نقضِيَ هذا الفضل للسودان، ولن نوفي له هذا الحقَّ العظيم بكَيل ولا مِيزان، ولا بالمقاييس والحسابات إلا أن ندعُوَ لهذا الشعب بالخير والأمان والرخاء والعافية، ونقفَ إلى جانبه في السَّراء والضَّرَّاء،!! وما زلتُ (شاهدًا على العصر) رغم الشَّبيبة وحداثة السنِّ، ومُتَابعًا – بكثافة – ما يجري في المنطقة والعالم ككل، وبالأخصِّ ما يجري في (الصومال اليوم) من أحداث يندي لها الجبين، ونرجو له – وتنمنىَّ- التقدُّم والازدهار، رغم الضعف والحروب والكوارث والانهيار.!!


في الختام:

هذا المقال هديَّةُ العيد (عيد الفطر المبارك) للشعب السوداني الشَّقيق، وهديَّةٌ خاصة لأصدقائي وقُرَّائي الكرام وزملائي وأساتذتي في شبكة الشاهد، ليستمتعوا في ألوانه وحدائقه وبساتينه، وليرحلوا في أجوائه وسمائه، ولينـزلوا في وُدْيَانه وأنهاره، وليشرَبُوا من نِيلِه وفُراتِه، وليأكلوا من ثمر حصاده اليانعة، وليتدبَّروا في طيَّاته ومعانيه المبتَكَرة والمبتَدَعة التي لم تُقْتَبَسْ،! إلا ما بين (الأهِلَّةِ)!! وليقْضُوا أَغْلَى الأوقات في رَوْضَاته ورِحَابه، هذا المقال الذي حرَّرتُهُ تحريرًا، وهذَّبتُهُ تهذيبًا، ورتَّبتُهُ ترتيبا، وجمَّلتُهُ تجميلا، وكَسَوتُهُ أغْلَى ثيابِي في العيد، وحَبَوتُهُ أعْلَى الهيئات والشكليات، فهو شِعَاري الخاص، ودِثَاري الجميل، وكنـزي الثمين، ولا تنسَوا خالص دعائكم لراقمه وكاتبه؛ سائلا المولى عز وجل التوفيق والسداد.


وفي الختام نسأل الله أن يلهمنا رشدنا، وأن يوفقنا لما يحبه ويرضاه، وتقبَّلوا تحياتي، وكل عام وأنتم بخير، والسلام عليكم.

الزاكي عبد الحميد
15th September 2010, 11:04 AM
الأخ الصديق الطيب..
لك الشكر من قبل ومن بعد..
وتيقن يا صديقي أن كل حرف تخطه هنا نتباهى نحن
بقيمته المعرفية أنّى كنّا..ذلك أن ما تكتب يا صديقي هو السودان
الذي نعرف..

الأخت الكريمة إقبال:
واصلي الكتابة فبالتأكيد بعد الإجازة الصيفية وسط الأهل
عدت لا شك بالجديد الجميل عن البلد..فهاتي ما عندك..
تحياتي لكما..

الزاكي عبد الحميد
20th September 2010, 07:54 AM
إلى أهل الدار:
وجدت هذه المفردات السودانية في أحد المواقع وأبحث لها عن شرح واف فبكل تأكيد من بيننا من هو
عُمدة في هذا المجال..فليدلو بدوله لتعميم الفائدة وعشان الغربة تظل سترة حال!

الترعـه ... النمـره ... الحوَّاشـه ... السـراب ... أب عشـرين ... أب سـته ... الجـدول ... الشـلابى ... التقنـت ... الإنقـايه ... الربـاط ... القصـه ... السـلوكه ... الجنكابـه ... التـيراب ... القـش ... الحـش ... الكديبـه ... المـلود ... الطوريـه ... الكوريـق ... الكدنكه ... المنجـل ... الشـوال ... المخـلايه ... الخُرُج ... الخُرتايـه ... الناكوسـى ... الزراعـه ... الرقاعـه ... الشـلخ ... الشـونه ... الورتـاب ... البُتـاب ... البـوده ... الغفيـر ... الصـمد ... المفتـش ... الباشمفتـش ... الفبـارك ... الترمـاج ... بركـات ... القفه ... الشنكل ... اللقيط ... اللوز ... القليع ... القنقر ... الموليتا ...القعور ... الفزع ... شوال الكبس ... التبن ... البِلدات ... الشرايه ... اللبنه ... الفريك ... الفردى ... الكبرى ... الجنابيه ... الدقاقه ... التقا ... الرش ... المحطه ... اللبده ... اللباب ... العُكاره ... البربندى ... النجامه ... اللجام ... البُرقان ... المرده ... الدِفره ... الرشاش ... الدعاش ... الشعفوفه ... السبلوقه ... النصيّه ... الدهاسير ... الهجير ... الحنتوت ... المسور ... الدنقده ... اللبقه ... الدنكوج ... البردعه ... القطيع ... الكابدلو ... المشلعيب ... أم تكشو ... فكة الريق ... العلوق ... الأمباز ... التيبار ... أم سويقو ... العفشه ... اللدايات ... الدُباره ... الكسيده ... السلبه ... التبروقه ... اللقاى ... المرحاكه ... الغلق ... الهبابه ... السعن ... البرش ... السحَّاره ... المترار ... الكِيفه ... القدح ... الخُمَّاره ... القيطان ... المطموره ... الحُق ... الحُقه ... الشتل ... الفركه ... القرمصيص ... المُفراكه ... الشنيشه ... الكركعوب ... السَربَه ... ... العِرِق ... القطعان... الدقنيه ... العتب ... البرش ... الفص ... الزمباره ... الميس ... حرَّت ... الكليقه ... القصبه ... الفرصه ... الغباشه ... المرق ... المسنيقه ... الرُقَّابه ... الكيفه ... الخُمَّاره ... القيطان ... المطموره ... الحوض ... السُريقه ... الطوف ... الساس ... الكرامه ... العرش ... المدماك ... الترويسه ... اللورى ... العتالى ... المساعدى ... القربه ... الكراكه ... الجباده ... المسلَّه ... الحباكه ... الكنتوش ... الريكه ... الطبق ... اللعوت ... السَقَّا ... الكابدلو ... الدفيس ... اللِّجام ... السرج ... البربندى ... الحنكول ... البنبقه ... المحويب ... الودك ... اللِّبا ... الصريمه ... القدوم ... المنشار ... الطاقه ... القطيع ... التكل ... الرماد ... السكن ... اللبده ... حبوبه ونِّسينى .

اقبال حجار
20th September 2010, 11:50 AM
سلام لكم جميعاً
سأبدأ مستعينة بالصور ما أمكن ذلك

http://www.sudanyat.org/upload/uploads/shiri.jpg
البِرِش يصنع من سعف النخيل يظهر في هذا البيت القديم برش مُعلَّق للصلاة وكان يستعمل سابقاً كفرش للعنقريب الذي يظهر جزء منه في الصورة

المِرِق أيضاً ظاهر في سقف البيت وهو العود الذي يظهر طولياً ويكون كبير الحجم إذا قورن بالعيدان الأخرى
http://www.albrkal.com/upload/uploads/100_0362%20[800x600]%20[800x600].jpg
الوَرْتاب عبارة عن حزمة أو ربطة من القصب الجاف تستعمل كعلف للحيوانات,كما يظهر في الصورة أعلاه



هذه الصورة منقولة من صحيفة الرياض ، وهى من ميدان عام فى مدينة حائل السعودية ...
http://www.alriyadh.com/2010/06/01/img/755955026650.jpg


السعن ... قربة صغيرة والقربة سعن كبير الحجم
يصنع السعن من جلد الماعز والذبيحة التي يراد استثمار جلدها لسعن يعامل الجزار سلخ جدلها بتمهل
السعن يوضع داخله السمن واللبن والروب والعسل فيحميها من التغير
أما القربة فهي (ثلاجة) من جلد تقوم بتبريد الماء

الزاكي عبد الحميد
20th September 2010, 05:10 PM
الأخت الكريمة إقبال:

شكراً جزيلاً على هذا الشرح الوافي ونستزيدك..
بالتأكيد الاستعانة بالصورة تقرب المعنى أكثر وخاصة للأطفال
والشباب الذين تبدو لهم هذه المفردات غريبة لا تمت لما يعرفونه
عن السودان بصلة.. وهنا تظهر فائدة المعلومة المقرونة بالصورة..
فالشكر لك وواصلي..

ولي عودة لبرش الصلاة المعلق فوق الحيطة دا..
بإذن الله..

الزاكي عبد الحميد
21st September 2010, 10:31 AM
سعادة المستشار المسنوح:
أين أنت؟

الطيب ادريس
21st September 2010, 02:07 PM
المسنوح جا متين
ماسامع لي كشكشة http://www.sudaneseclub-oman.com/vbforum/images/icons/icon10.gif

محمد عثمان الحاج يوسف
21st September 2010, 02:48 PM
الأستاذة/ إقبال ،
كلمات الشكر القالها أخونا الأستاذ/ الزاكي ما كفاية عشان توفيك حقك ،
دا مجهود جبار وينم عن أصالة وإجتهاد لخدمة الآخرين ،
ما أعتقد أولادنا بس اللي حيتعلموا من مثل هذه المساهمات ولكن حتى نحن العواجيز في حاجة لمثل هذه الإبداعات ،
بالله المزيد من الصور ، ودي دعوة للكل للإسهام الجاد .
بارك الله فيكم .

الطيب شيقوق
21st September 2010, 03:45 PM
هلا هلا كل عام وانتم بخير كل الاخوان والاخوات

جاييكم صادي بالمهلة

الطيب شيقوق
21st September 2010, 03:46 PM
زيكو

يسعل منك الخير يا بتاع الورتاب

الف حمد الله بالسلامة للناس الغابو ا وصدوا

الزاكي عبد الحميد
21st September 2010, 05:34 PM
المسنوح جا متين
ماسامع لي كشكشة

الأرباب إزيك:
يا زول المسنوح بقى يلعب في العلالي..
يا زول دا بقى بتاع قناة الجزيرة الفضائية
وزول بتكلم باسم مجموعة بورداب الخرتوم
شفت ليك قوة عين زي دا ..
الراجل الجزيرة عاملة معاه لقاء على الهواء مباشرة عن دور المواقع الاسفيرية
في التواصل.. وعاد المسنوح ما خلى شي إلا قالوا وكمان اتصل بموبايلو بالاستاذ بكري أبو بكر مدير موقع سودانيز أون لاين..
لكين قولو ليهو يا زول أخير ليك منتدانا دا!

سلام للجميع وتعظيم سلام للمسنوح بتاع الفضائيات!

الزاكي عبد الحميد
21st September 2010, 05:40 PM
كتب الأستاذ محمد عثمان الحاج يوسف:
الأستاذة/ إقبال ،
كلمات الشكر القالها أخونا الأستاذ/ الزاكي ما كفاية عشان توفيك حقك ،
دا مجهود جبار وينم عن أصالة وإجتهاد لخدمة الآخرين ،
ما أعتقد أولادنا بس اللي حيتعلموا من مثل هذه المساهمات ولكن حتى نحن العواجيز في حاجة لمثل هذه الإبداعات ،
بالله المزيد من الصور ، ودي دعوة للكل للإسهام الجاد .
بارك الله فيكم .

أخي الاستاذ محمد ما قلت إلا الحق ..
فمجهود الأستاذة إقبال مجهود مقدر جداً لأن اسهاماتها مفيدة للصغار والكبار على حد سواء.. فنرجو منها المواصلة متى ما تيسر فلديها الكثير..

فالشكر لكما..

الطيب شيقوق
21st September 2010, 08:55 PM
لاخ الزاكي ود البندر

شو يعني قناة الجزيرة كتيرة علينا ولا حسادة منكم ساى يا اولاد البندر

انتو اغفلوا بس نامن تلقونا معاكم جوة في المشروع الحضاري بتاع السناجك والدناقلة والجعليين .

الطيب ود دريس - وحاة الله السنة جنس خريف الكبار قالوا ستين سنة ما مر خريف زى دا على السودان

اقبال بت حجار

االف حمد الله على السلاميييييييييييي ( دا كلامكم المشتار دا) وتحياتي للسنجك ان شاء الله جاهزين لزيارة النبي .

الورتاب يا اقبال هو الصفق مش الحزميييييييييي - صحيح الحزمييييييي فيها العضم والورتاب اقصد عضم القصب .

السعن اكبر حجما من القربييييييييي - السعن يصنع من جلد التور او البقرة والقربة من جلد الماعز .

الزاكي اوع تكون بت حجار خمتك بلا مشهاد الكلام الفوق الجابتو دا خامشاهو بلا مشهاد وانت يا مسنوح رائح تقول ليها صاح وشكرا لانك من الناطقين بغيرها .

قال قناة الجزيرة قال

القنانة ال ...........

تعرفوا القنانة؟ الطيب ادريس برة

الزاكي عبد الحميد
22nd September 2010, 08:09 AM
كتب سعادة المستشار:لاخ الزاكي ود البندر

لاخ الزاكي ود البندر

شو يعني قناة الجزيرة كتيرة علينا ولا حسادة منكم ساى يا اولاد البندر

انتو اغفلوا بس نامن تلقونا معاكم جوة في المشروع الحضاري بتاع السناجك والدناقلة والجعليين .

الطيب ود دريس - وحاة الله السنة جنس خريف الكبار قالوا ستين سنة ما مر خريف زى دا على السودان

اقبال بت حجار

االف حمد الله على السلاميييييييييييي ( دا كلامكم المشتار دا) وتحياتي للسنجك ان شاء الله جاهزين لزيارة النبي .

الورتاب يا اقبال هو الصفق مش الحزميييييييييي - صحيح الحزمييييييي فيها العضم والورتاب اقصد عضم القصب .

السعن اكبر حجما من القربييييييييي - السعن يصنع من جلد التور او البقرة والقربة من جلد الماعز .

الزاكي اوع تكون بت حجار خمتك بلا مشهاد الكلام الفوق الجابتو دا خامشاهو بلا مشهاد وانت يا مسنوح رائح تقول ليها صاح وشكرا لانك من الناطقين بغيرها .

قال قناة الجزيرة قال

القنانة ال ...........

تعرفوا القنانة؟ الطيب ادريس برة ولا حسادة منكم ساى يا اولاد البندر

أخي الطيب:
حاشا وكلا..
تكون قناة الجزيرة كتيرة عليك..
كتيرة على الزول البكورك ليل ونهار داك بتاع الاتجاه المعاكس!


تعرفوا القنانة؟


القنة (المفردة) تعني أعلى الجبل
والشاهد قول المحلق:
وكت أطرى عنز القنان
رقد مالاي الكيروان!
وكمان الحاردلو:
شبه "التاية" في شاة القنانة الفارّة...
وقال:
المعزى المراتعن سهول وقنان..
وقال:
بالهوايد قنّا
عالي الكفيل مبنّى

كفاك ولاّ أيزدك بيت (ههههههههه:008:)

غايتو:
قنا كفعل تعني ارتفع على قنان الوادي أو الجبل..ويوصف الجمل بأنه تيس
قُنّة أي الوعل..
والقنن جبال بالبطانة..
شيخ العرب (أبو عاقلة) ألحق أخوك!

الطيب ادريس
22nd September 2010, 11:18 AM
حباب ود شيقوق حباب ود العم حباب القلم الظريف وسنين للدناقلة والشايقية والناس البتاوقوا من بعيد http://www.sudaneseclub-oman.com/vbforum/images/icons/icon10.gif
حبابك عشرة ..

الطيب شوف زولك ود ( القنانة ) وين هههههههههههه

أمانة ماوقع دنقلاوي !

الزاكي عبد الحميد
22nd September 2010, 12:01 PM
أمانة ماوقع دنقلاوي !


ما تقولو لي شرحي طلع غلط والله تعبت وراهو تعب
شديد ..والولد قايل نفسو نجّض الشغلانة نجاضة..
هاتو ما عندكم!!

اقبال حجار
22nd September 2010, 01:40 PM
التحية لكل الرواد الأعزاء
والتحية للأخوان الزاكي ومحمد عثمان ومشكورين كتير ونأمل أن تكون المساهمات ذات فائدة للكل
والتحية لمستشار البوست الطيب شيقوق وحمدالله على السلامة .
وتعقيباً على مداخلة شيقوق عن القربة والورتابة:
(السعن) مصنوع من جلد الماعز المدبوغ بطريقة معينة يستخدم لهز اللبن وإستخراج السمن
ولكن القربة هي لتبريد الماء لذا تتسم بكبر حجمها وتصنع من جلود الأبقار وكانت تُحمل سابقاً على جانبي اللوراي أو البصات في الأسفار.
أما الورتاب فهو جمع لورتابة التي تتكون من عدد من القصب قد يصل عدده المائة ,والقصباية هو الساق كاملاً الذي كان يحمل قندول المُقد أو العيش.
قال خمتك !!نحن واثقين من كلامنا تقول لي شنو وتقولي منو؟؟؟
للمزيد اليكم الرابط:
http://www.alzoma.net/vb/showthread.php?t=6982
وفي انتظار هيئة الدفاع

ونواصل :

http://www.albrkal.com/upload/uploads/9owarnadra21.JPG

الطوف :هو أبسط وسائل الانتقال على سطحالماء (http://ar.wikipedia.org/wiki/%D8%A7%D9%84%D9%85%D8%A7%D8%A1). وهو الوسيلة الأولى التي استخدمها الإنسان ليتمكن من الانتقال مستخدما المسطحات المائية كالمستنقعات (http://ar.wikipedia.org/wiki/%D9%85%D8%B3%D8%AA%D9%86%D9%82%D8%B9)والبحيرات (http://ar.wikipedia.org/wiki/%D8%A8%D8%AD%D9%8A%D8%B1%D8%A9)والأنهار (http://ar.wikipedia.org/wiki/%D9%86%D9%87%D8%B1)والبحار (http://ar.wikipedia.org/wiki/%D8%A8%D8%AD%D8%B1). فهو عبارة عن مسطبة لها إمكانية العوم إما لقلة كثافتة مادتها بالنسبة للماء كالخشب ، أو يمكن أن يكون معدني ممتلئ بالهواء ، مثل الصفيحة أو البرميل الفارغ . فيمكن ربط عدة براميل فارغة بعضها البعض ثم تغطيتها بألواح خشبية ، يمكن بعد ذلك الجلوس عليها أو تزويدها بقلع فتتحرك بالريح .

القُـــفــة:

http://www.aawsat.com/2009/01/12/images/fashion1.502509.jpg

http://www.rayaam.info/news_images%5C2282010110151AM3.GIF

تعتبر القُفة (http://www.hiltna.com/vb/showthread.php?t=10660)التي تصنع من سعف النخيل أو الدوم من (http://www.hiltna.com/vb/showthread.php?t=10660)تراثنا الجميل......وتستعمل القفة (http://www.hiltna.com/vb/showthread.php?t=10660)لوضع الاغراض عند الذهاب للتسوق ، خصوصاً اسواق الخضار والفاكهة

الطيب شيقوق
22nd September 2010, 03:06 PM
حباب ود شيقوق حباب ود العم حباب القلم الظريف وسنين للدناقلة والشايقية والناس البتاوقوا من بعيد http://www.sudaneseclub-oman.com/vbforum/images/icons/icon10.gif
حبابك عشرة ..

الطيب شوف زولك ود ( القنانة ) وين هههههههههههه

أمانة ماوقع دنقلاوي !

الطيب ود دريس

هههههههههههههههههههههههههههههههههههههها اها لقيتني كيف؟

شوف زولك سوا الشغلانية لسان عرب عديل

خلاص يا فراج الطيب

وحاة النبي كلامك طلع شيح في ريح . تعرف الشيح والريح ولا اقبل عليك بالكرباج دا ( تعرف الكرباج يا زيكو ولا وجاهة ساى؟

هيييييييييييييع

الطيب شيقوق
22nd September 2010, 03:10 PM
التحية لكل الرواد الأعزاء
والتحية للأخوان الزاكي ومحمد عثمان ومشكورين كتير ونأمل أن تكون المساهمات ذات فائدة للكل
والتحية لمستشار البوست الطيب شيقوق وحمدالله على السلامة .
وتعقيباً على مداخلة شيقوق عن القربة والورتابة:
(السعن) مصنوع من جلد الماعز المدبوغ بطريقة معينة يستخدم لهز اللبن وإستخراج السمن
ولكن القربة هي لتبريد الماء لذا تتسم بكبر حجمها وتصنع من جلود الأبقار وكانت تُحمل سابقاً على جانبي اللوراي أو البصات في الأسفار.
أما الورتاب فهو جمع لورتابة التي تتكون من عدد من القصب قد يصل عدده المائة ,والقصباية هو الساق كاملاً الذي كان يحمل قندول المُقد أو العيش.
قال خمتك !!نحن واثقين من كلامنا تقول لي شنو وتقولي منو؟؟؟
للمزيد اليكم الرابط:
http://www.alzoma.net/vb/showthread.php?t=6982
وفي انتظار هيئة الدفاع

ونواصل :

http://www.albrkal.com/upload/uploads/9owarnadra21.jpg

الطوف :هو أبسط وسائل الانتقال على سطحالماء (http://ar.wikipedia.org/wiki/%d8%a7%d9%84%d9%85%d8%a7%d8%a1). وهو الوسيلة الأولى التي استخدمها الإنسان ليتمكن من الانتقال مستخدما المسطحات المائية كالمستنقعات (http://ar.wikipedia.org/wiki/%d9%85%d8%b3%d8%aa%d9%86%d9%82%d8%b9)والبحيرات (http://ar.wikipedia.org/wiki/%d8%a8%d8%ad%d9%8a%d8%b1%d8%a9)والأنهار (http://ar.wikipedia.org/wiki/%d9%86%d9%87%d8%b1)والبحار (http://ar.wikipedia.org/wiki/%d8%a8%d8%ad%d8%b1). فهو عبارة عن مسطبة لها إمكانية العوم إما لقلة كثافتة مادتها بالنسبة للماء كالخشب ، أو يمكن أن يكون معدني ممتلئ بالهواء ، مثل الصفيحة أو البرميل الفارغ . فيمكن ربط عدة براميل فارغة بعضها البعض ثم تغطيتها بألواح خشبية ، يمكن بعد ذلك الجلوس عليها أو تزويدها بقلع فتتحرك بالريح .

القُـــفــة:

http://www.aawsat.com/2009/01/12/images/fashion1.502509.jpg

http://www.rayaam.info/news_images%5c2282010110151am3.gif

تعتبر القُفة (http://www.hiltna.com/vb/showthread.php?t=10660)التي تصنع من سعف النخيل أو الدوم من (http://www.hiltna.com/vb/showthread.php?t=10660)تراثنا الجميل......وتستعمل القفة (http://www.hiltna.com/vb/showthread.php?t=10660)لوضع الاغراض عند الذهاب للتسوق ، خصوصاً اسواق الخضار والفاكهة

اقبال

وحاة النبي بقيتي تغمضي وتخمشي بلا جيهة

هسع جاية كمان تفاصحيني في السعن والقربة ؟

ات قايلة انا غير صناعة السعون ( جمع سعن ثمح؟) ودبغان القرب عندي شغلة ؟

قالت شوف الرابط !!! رابط شنو يا ناس البندر

الطيب شيقوق
22nd September 2010, 03:13 PM
اقبال

معليش نسيت الورتابة

الورتابة هي الصفقة واى حد يقول ليك غير كدا واى رابط يقول غير كدا يكون ضلك .

القصبة مكونة من العضم الفيهو الفص ( تعرفي الفص ولا فصاحة ساى ؟) والورتابة البحبها اللهب يقوم ياكلها ليك شلللللللللللللللللللل كدا .