المساعد الشخصي الرقمي

مشاهدة النسخة كاملة : الغربة سترة حال!!!


الصفحات : 1 [2] 3 4 5 6 7 8 9 10 11 12 13 14 15 16 17 18 19 20

أبوعاقلة أبوسن
10th May 2010, 03:47 PM
الصديق نزار
تحياتي وشكري وتقديري ،،
آمل أن اروي الظمأ وأن تجدون فيما أكتب شيئاً من الفسحة والترويح عن لنفس في الحديث عن سهول البطانة تلك الأرض العجيبة.

أبوعاقلة أبوسن
10th May 2010, 03:56 PM
عايز اكتب عن مقتطفات صغيرة من موضوع كبير(لأني ناوي أقدمو في محاضرة كاملة في النادي) الموضوع يعرف بالغزل الحلال.
هنالك 3 شعراء عرفوا بهذا النوع من الغزل في أرض البطانة هم

- على ود محلق
- عبدالله ود أحمد ود أبسن
- محمد زين ود عمر ود الحاج

والله شعر سمح ومستور...في أيَّ إعتراض؟؟؟؟؟

الزاكي عبد الحميد
10th May 2010, 04:01 PM
كتب صديقي الطيب إدريس
محرضاً صديقي شيقوق على بني دنقل
ولكن أنّى لهم ذلك:
والدليل ( آلولو)
تعالو لي بجاي:

الفقوس: عصفور أسود اللون
وناسنا بقولو:
جماعة فقوس: العشرة في قادوس
وذلك يضرب توبيخاً لمن يجتمعون على عمل واحد منهم فقط
(واحد يشتغل والباقين ناس راحات وكدا)

التَبَر: نبات كثير النور
وبالمناسبة هي نوبية (هسع العربي يجي يقول ليك جبتوها من وين)
وأهلنا بقولو:
إن شا الله تبقى تَبَرا منوِّر وقَمَرَا مدوِّر

صرارة الغنم ظنيتا الجندب أو الجدجد عند البعض ولاّ تكونو نجرتوها هسع!
العيش لبَنة وفريك:
يا شيخ الطيب أهلنا بقولو:
العيش فريك
والبنات دبابيك (والدبوك مشط للبنات الصغار والمعنى أن خير
الحَب والبنات في شبابهما..

لكين لما تقول الزرع شال لَبّنة: بقصدو المراحل الأخيرة في نمو الذرة يصبح
بعدها فريك ثم يحصد..وأزيدك يا شيخ الطيب من الشعر بيت مراحل نمو الذرة
هي:
1. شوكة
2. أضان فار
3. سواسيو
4. حَمَلة
5. شراية
6. لَبَنة ثم فريك

أما الجبهة أعتقد هي ثالث عين الخريف والخيراسان هو رابع عين الخريف الشاعر قال:
الجبهة أم سواري
سحابها بيّت مالي
وكمان بقولو:
برق الخيراسان الفي السحابة بشلّع..

أها لقيتو بني دنقل كيف؟
والله إلا تجيبو ود ضحوية

نزار جعفر
10th May 2010, 04:01 PM
عزيزى الغالى شيقوق لقد أعددت لك اليوم ماسوف يثير دهشتك تماما عن اولاد البندر وسوف أكشر لك عن أنياب البداوة فيما لم تعرفه من قبل ....... ولنا عودة.

العملاق أبوعاقلة أننى بانتظار ماقد تجود به قريحتك المبدعة.... ودمتم

الطيب شيقوق
10th May 2010, 04:52 PM
كتب صديقي الطيب إدريس
محرضاً صديقي شيقوق على بني دنقل
ولكن أنّى لهم ذلك:
والدليل ( آلولو)
تعالو لي بجاي:

الفقوس: عصفور أسود اللون
وناسنا بقولو:
جماعة فقوس: العشرة في قادوس
وذلك يضرب توبيخاً لمن يجتمعون على عمل واحد منهم فقط
(واحد يشتغل والباقين ناس راحات وكدا)

التَبَر: نبات كثير النور
وبالمناسبة هي نوبية (هسع العربي يجي يقول ليك جبتوها من وين)
وأهلنا بقولو:
إن شا الله تبقى تَبَرا منوِّر وقَمَرَا مدوِّر

صرارة الغنم ظنيتا الجندب أو الجدجد عند البعض ولاّ تكونو نجرتوها هسع!
العيش لبَنة وفريك:
يا شيخ الطيب أهلنا بقولو:
العيش فريك
والبنات دبابيك (والدبوك مشط للبنات الصغار والمعنى أن خير
الحَب والبنات في شبابهما..

لكين لما تقول الزرع شال لَبّنة: بقصدو المراحل الأخيرة في نمو الذرة يصبح
بعدها فريك ثم يحصد..وأزيدك يا شيخ الطيب من الشعر بيت مراحل نمو الذرة
هي:
1. شوكة
2. أضان فار
3. سواسيو
4. حَمَلة
5. شراية
6. لَبَنة ثم فريك

أما الجبهة أعتقد هي ثالث عين الخريف والخيراسان هو رابع عين الخريف الشاعر قال:
الجبهة أم سواري
سحابها بيّت مالي
وكمان بقولو:
برق الخيراسان الفي السحابة بشلّع..

أها لقيتو بني دنقل كيف؟
والله إلا تجيبو ود ضحوية

مباااااااااااااااالغة يا الزاكي والله

يا اخي انت بني دنقل ولا بني بطانة؟


1. شوكة
2. أضان فار
3. سواسيو
4. حَمَلة
5. شراية
6. لَبَنة ثم فريك


دا كلو صاح بس بعد السواسيو ( ودي بالغت فيها) العيش بكون لتيبة وفي هذه المرحلة العيش بزرق الفص .


صرارة الغنم ظنيتا الجندب أو الجدجد عند البعض ولاّ تكونو نجرتوها هسع!


دي تعبتك يا اللخو صرار الغنم هو ربط الضرع بطريفة خاصة لمنع البهم من الرضاعة



الفقوس: عصفور أسود اللون


تعال يا الطيب ادريس اتمحن في وليد دنقل

يعني يا زيكو ما سمعت بالمقولة البتقول خيار وفقوس؟


التَبَر: نبات كثير النور


اخطأ وليد دنقل ثم اصاب !!!!!!!!!!

ما تسرح

الطيب شيقوق
10th May 2010, 04:55 PM
عزيزى الغالى شيقوق لقد أعددت لك اليوم ماسوف يثير دهشتك تماما عن اولاد البندر وسوف أكشر لك عن أنياب البداوة فيما لم تعرفه من قبل


اخي ود المبارك

ما تهدد تعال مارق بالعندك ساى ولو بمبي

الزاكي عبد الحميد
10th May 2010, 06:59 PM
كتب الأخ الصديق أبو عاقلة متسائلاً:- على ود محلق
- عبدالله ود أحمد ود أبسن
- محمد زين ود عمر ود الحاج

والله شعر سمح ومستور...في أيَّ إعتراض؟؟؟؟؟


وأقول له:

يا زول الدار دارك وخش طوالي توش..
نحن لاقين زي الكلام دا وين!

أهلاً بيك وفي انتظار الجميل الجديد..

الطيب ادريس
10th May 2010, 08:31 PM
كتب صديقي الطيب إدريس
محرضاً صديقي شيقوق على بني دنقل
ولكن أنّى لهم ذلك:
والدليل ( آلولو)
تعالو لي بجاي:

الفقوس: عصفور أسود اللون
وناسنا بقولو:
جماعة فقوس: العشرة في قادوس
وذلك يضرب توبيخاً لمن يجتمعون على عمل واحد منهم فقط
(واحد يشتغل والباقين ناس راحات وكدا)

العزيز الزاكي أدهشتني بمعرفتك التامة بالمفردات العامة عند أهلنا في السودان وهي تشمل طبعا كوكبكم الفضائي ;) حيث أنك أصبت صوابا في الصعب وتركت هامشا وفراغا في السهل الممتنع الذي سيكون مدخلنا لكم .. نقطة الضعف ظهرت ..
طبعا العكس هو الصحيح العصافير هي :
قدوم أحمر
وقدوم أصفر .. وهذه التسمية للون منقار العصفور وهي تظهر في فصل الخريف فقط كونها من الطيور المهاجرة .. السنبر الرهو عصفور قدوم احمر واصفر ..

الفقوس نبات أرضي أيضا يظهر خريفا لا يزرع ولكنه يأتي ( بروس ) عشوائي مثله ومثل نبات أم بنة وكلاهما يؤكل عند العرب الرّحل كفاكهة خريفية .
صرارة الغنم
: ظنيتا الجندب أو الجدجد عند البعض ولاّ تكونو نجرتوها هسع!

دي بقي دفاع مكشوف ونقطة ضعف في الدفاع زي هلالنا امبارح مع الاسماعيلية :confused: والصّرارة ياعزيزي الزاكي هي نوع من فضلات البهائم ( الروث ) تعطن بالطين والماء وتربط بها مكان حليب الماعز حتي يمنع صغيرها من الرضاعة ( فطامة يعني ) شفت العرب ديل متطورين كيف .. تقول لي عولمة !

الجبهة أم سواري
سحابها بيّت مالي
وكمان بقولو:
برق الخيراسان الفي السحابة بشلّع..

هنا يا مصنّف بالغت عدييييل عشرة من عشرة

أها لقيتو بني دنقل كيف؟
والله إلا تجيبو ود ضحوية

الزاكي انت جارك كاهلي ولا شنو ؟

سمية الحسن طلحة
11th May 2010, 04:55 AM
الحكاية جابت ليها أم بنة وتبر كمان !

فيك لون الصفاري ذي كِم البَرَص مجليّة
واللبلب حُمرتـُو تقول عُيون قمرية
إنفرش التـَبَر عِرقـو إنفرط شمسيـة
يضرب في شعاع شمش الصباح النيّة

أها بتعرفوا الحنتوت والتِعِل ؟؟؟

قال طه ودالشلهمة شاعر الطبيعة كما أطلق عليه الطيب محمد الطيب

حَنْتُوتَةً مَمَسْحه بالسيول ... فيك قَامَتْ
ورُكْبان دور تِعولِكْ يا المِمتِّعه ..حَامَتْ
قشِكْ بالندى مضِحي الرِزِقْ ما اتشامَطْ
تبقى مُغفَلَه العين هِن رِضَتْلي ونَامتْ
....
ياوداد بوستك دا أتهمبت الضحى الأعلى وأصبحت بوصلته تشير للبادية
وغايتو تفوقنا على قراصنة الصومال وفعلهم بالسفن :)
وهاك شعار الهمباته ناس طه الضرير :
كم شدينا مرقنا
كدي لي بيلا عرقنا
جبنا حلال ماسرقنا
وهادا شهودنا درقنا
...

ومانا ساعلين في زول تب وحاتك
...

قال الخال الشيخ عبدالعزيز :

نحن بنركب التيس البسولو صَريمَة
نحن السُلّط الهيبة هِـيلنا قديـمة
نحـن أخوان البَرّمُـولا بَريمَـة
نحـن دربنـا زلقيبة ومقابـل الشـيمة
...

البدورلو شرح يقول عوك ...

الزاكي عبد الحميد
11th May 2010, 10:17 AM
اقتباس:
الفقوس: عصفور أسود اللون

كتب الطيب شيقوق:

تعال يا الطيب ادريس اتمحن في وليد دنقل

يعني يا زيكو ما سمعت بالمقولة البتقول خيار وفقوس؟

(انتهى الاقتباس بتاع شيقا لحدي هنا)

الود طبعاً عامل فيها (شفت) كان بتهكّم من التفسير الذي أوردته للفظة الفقوس كما هو وارد أعلاه
أي أن الفقوس هو عصفور أسود اللون ويقولون جماعة فقوس العشرة في قادوس..

أما أنا "وليد الدنقل" فأقول لصديقي الطيبين : الطيب شيقوق والطيب إدريس:

لا زلت عند رأيي بأن الفقوس –إلى جانب كونه نوع من البطيخ أو القِثَّار وهو ما يعرفه أولاد البندر أيضاً- هو طائر وهاكم الدليل..

فلنرجع الكلمة إلى أصلها الثلاثي:
ف ق س
الفعل فقس يعني كسر البيضة ولا شيء غيرها
نقول فقس الطائر البيضة أي كسرها..
دي وحدة..
الثانية إنو المفقاس (وهي مشتقة من فقس)
هو عودان يشدُّ طرفاهما في الفخ، وتوضع الشَّرَكَة فوقهما،
فإذا أصابهما (أي العودين) شيء فقّست الشَّرَكَة أي انضم طرفاها وبينهما الطائر..
قال ابن منظور مش (ابن شيقوق) يقال للعود المنحني في الفخ الذي ينقلب على الطير فيفسخ عنقه ويعتفره المفقاس..


وبكدا يكون الفقوس طائر لامع سواد الريش جميله..

ياخي فقست راسي الله

الطيب شيقوق
11th May 2010, 11:08 AM
الاخ الزاكي

بعد اجراء البحث عن معني كلمة فقوس اتضح لي بما لا يدع مجال للشك ان هذا الاسم موجود في السودان وارض الشام فعند الشاميين يعني نبات بحري بشكل وطول العجورة يقوم الشاميون عادة بجعله وعاء لحشو بعض الطعام بداخله .

راجع هذا الرابط : http://www.google.com.om/#hl=ar&source=hp&q=%D9%81%D9%82%D9%88%D8%B3&meta=&rlz=1W1ADRA_en&aq=f&aqi=g6&aql=&oq=&gs_rfai=&fp=460fc878a03613d3

اما في السودان فهو عبارة عن ثمرة نبات في حجم وشكل البيضة - شكلها الخارجي به اشواك هرمية الشكل وعادة تنمو او بتقوم بروس ( يعني خلوية - لا تأكلها الحيوانات وانما تأكل نباتها (عرقها واوراقها ) .

قال شاعر البطانة :


عسينة النور قش الخلاء الفقوس ..
جاهلة صغيرة ما انترسن وراها تيوس ..
جوز عينـيـك أنضف من كهارب الروس ..

جنسك أربعة واسمك كلام معكــوس





و ايضا الحاردلو شاعر البطانة الفطحل قال في مسدار الصيد المشهور :-



خلاهن علي حجير الصفية حبوس

ولقى في الدهسريب قمبار وعرق فقوس

في المخلوقة شن تشبه معيز ام روس

غير الفي وريدن شولقن مرصوص

خلي بت طلحة او ابو عاقلة يجي يشرح ليكم المفردات دي . الطيب ادريس ذاتو بيكون سطّح اما ناس نزار ما اظن يجو مباريين بجاى تاني .

أبوعاقلة أبوسن
11th May 2010, 04:19 PM
(1) أبدأ بالشاعر الحُمراني على ود محلق

تعددت الروايات في قصة محلق وتاجوج ونسبهم، ولكن يقول الشيخ أحمد أبوعاقلة أبوسن العارف والمرجع للكثير في أنساب القبائل وخاصة قبائل البطانة وشرق السودان بملاحظة بسيطة وهي أن اللغة التي كتب بها على ود محلق شعره والأماكن التي أشار إليها فيه لا يمكن أن تنسب إلى جهة غير البطانة التي يرجع إليها أصل قبيلة الحمران وهي قبيلة المحلق وتاجوج ويظهر ذلك جلياً في الأبيات التي سأوردها في هذه المساحة .
هنالك ملاحظة هي أن أكثر شعر على ود محلق المحفوظ قيل في الفترة بعد طلاقه من تاجوج. كما أن أغلب شعر محلق شعر باكٍ حزين نادم على ما اغترفته يداه كم قال في مطلع مربوعات شعره الموروث عن نكبته، حيث قال :

أنا الجنب التعيس السيتها بيدي 1
بي كلمة مـزاح قليت غميدي 2
فويطرات أم قَبِيْل مِلحاً رشيدي 3
تاجوج ما أتلقت يا خًملة زيدي 4

الشرح:
1. وصف المحلق نفسه بالجنب التعس / السيتها بيدي أي سويتها أو فعتها بيدي.
2. كان المحلق في لحظة مزاح مع تاجوج وما كان يدري أن هذا الفعل أو الطلب سيؤدي به لفراقهما ومن ثم يقِل (غميده) أي نومه.
3. الفواطر هي الأسنان الأمامية يصفها ويشبه بياضها ببياض الملح الرشيدي.
4. المعني : أنه ما دام أنني لم أفلح في إرجاع تاجوج (يا خملة) أي يا أيتها الحمي زيدي فأنا ما عاد يهمني الألم.

أقدل من أب عرقوب ختلة مشيـك 1
أضعف من الطُفلان قلبي إن طريك 2
بقيت بيـن بحرين سـت اللكيـك 3
قسيت على أبو هلال خًبُ الوشيـك 4

الشرح:
(أها جاتك القدلة القبييييل قلتها في الأول يالزاكي)

1. أب عرقوب نوع من الصيد لديه مشية جميلة يزهو فيه بنفسه، تشابه القدلة. المعنى أن مشيتها أجمل من قدلة أب عرقوب.
2. أي أنه حين يذكرها يصبح قلبه أضعف من قلب طفل صغير.
3. المعنى أن صاحبة اللكيك أي الحجل صارت (بين بحرين) دلالة على البعد.
4. أبوهلال جمل محلق. المعنى أن سرعة سير الجمل أبوهلال لا تُمكنْ من الوصول إليها.

إن جلست معــاهن كلهـن هُمـّامْ 1
وشِنْ وقفت تفوق فرع التَرا أب جَمَّامْ 2
تتخنتــل حُوارة الُفـوقـن الـرزام 3
رقـت من وسـط عِليت ورا وقِـدامْ 4

الشرح:
1. المعنى أن تاجوج عندما تجلس مع النساء وقريناتها من البنات يصيبهن الهم لأن جمالها يطغي عليهن ويتضايقن منه.
2. وحين تقف فإن قوامها الجميل يفوق الفرع اللدن في الأرض المروية.
3. تتخنتل حوارة الفوقن الرزام(والله إرتبكت في الكتابة من جمال هذا المعنى). الحوار أو الحوارة هو جنى الناقة الصغير (شكلة جميل ومشيته أجمل) / الفوقن الرزام يعني الفوقن المطر. يقصد أنها تشبه في حركتها جنى الإبل في وقت الخريف وعادة ما تكون الإبل أكثر جمالاً في موسم الخريف.
4. دا ما داير شرح ولَّ شنو يا (بندراب).؟

أبوعاقلة أبوسن
11th May 2010, 04:34 PM
بجيك يا شيقوق للفقوس ..

الطيب شيقوق
11th May 2010, 04:41 PM
تسلم يا المناجل ود اب سن

السني أبوالعزائم
11th May 2010, 04:51 PM
بعد اجراء البحث عن معني كلمة فقوس اتضح لي بما لا يدع مجال للشك ان هذا الاسم موجود في السودان وارض الشام فعند الشاميين يعني نبات بحري بشكل وطول العجورة يقوم الشاميون عادة بجعله وعاء لحشو بعض الطعام بداخله .

اما في السودان فهو عبارة عن ثمرة نبات في حجم وشكل البيضة - شكلها الخارجي به اشواك هرمية الشكل وعادة تنمو او بتقوم بروس ( يعني خلوية - لا تأكلها الحيوانات وانما تأكل نباتها (عرقها واوراقها ) .


العزيز ود شيقوق،، لك كل الشكر وأنت تتحفنا بهذه المفردات الجملية،، وأسمح لي بالتداخل قليلاً هنا،،،

فالفقوس عند أهل الشام ليس هو نبات يشبه (العجور) عندنا،، وإنما هو العجور بعينه،،، بينما في السودان يشار بالفقوس لما يعرف عندنا ب(التبش). وبعض الشاميين يطلق (الفقوس) حتى على (الخيار).
وهناك مقولة تقول أن أصل هذه التسمية الخاطئة (تعريف التبش على أنه فقوس) هو سبب المقارنة الواردة في المقولة (الشيء الفلاني فيه خيار وفقوس) أي أنه فيه زي ما بنقول (ناس وناس)،، لأنه الخيار كان لا يأكله في الشام سوى المرتاحين مادياً بينما يستعيض عنه الفقراء بالعجور، أو الفقوس،،، ولأن الخيار أصلا كخضار ما كان موجود في السودان، وعامة الشعب يستخدمون العجور، بما فيهم الأعنياء والفقراء،، وكان ينظر إلى التبش على أنه خضار من نفس فصيلة العجور وإنكا أقل درجة،، فقد أطلق عليه الكثير من السودانيين (مجازا) إسم الفقوس. ودونك والصور

فقوس الحمار،،، وهو ما عنيت أخي الطيب على أساس أنه الفقوس،، وهو نبات خلوي أكثر من انه يزرع،، وينمو بكثرة في صحراء سيناء، ولشبهه بالعجور ولكنه شوكي،، وتأكله الحمير (الله يكرمكم) عندهم،، فقد سمي (فقوس الحمير)
http://t0.gstatic.com/images?q=tbn:YrPQ8gLFNfqEfM:http://sites.google.com/site/herbsinai/Ecballilumelaterium.jpg

وهنا أيضاً نوع من الخيار،، ولاحظ التسمية الشامية هنا هي (فقوس خشن،،، )
http://t3.gstatic.com/images?q=tbn:4ku79uc9t40IDM:http://1.bp.blogspot.com/_hVsEhMCJA3E/S8wfFNLqvSI/AAAAAAAAAIw/qUD9ZisuyNg/s1600/khiar.jpg

عادل سليمان
11th May 2010, 06:30 PM
أبوعاقلة أبوسن (http://www.sudaneseclub-oman.com/vbforum/member.php?u=356)

نصرخ صمت
:clap: :clap: :clap: :clap:

وداد عوض
11th May 2010, 06:56 PM
كتبت الأخت سمية طلحة :

فيك لون الصفاري ذي كِم البَرَص مجليّة
واللبلب حُمرتـُو تقول عُيون قمرية
إنفرش التـَبَر عِرقـو إنفرط شمسيـة
يضرب في شعاع شمش الصباح النيّة

ياسلام عليك يا سمية دا وصف جميل .....
شمس الصباح النية يعني لاها باردة ولاها حارة
يعني دي القالو ضلها بطول العمر ....
الله يطول عمرك يا ستي ويمتعنا بجمال حرفك الوصاف .....
اقتباس:
"ياوداد بوستك دا أتهمبت الضحى الأعلى وأصبحت بوصلته
تشير للبادية وغايتو تفوقنا على قراصنة الصومال وفعلهم بالسفن :)"

ألف أهلاًًًًًًًًًً بالهمبتة كان بتجيب كلام مفيد زي دا ..
والبوصلة التي تشير للبادية هي البوصلة
التي يستهدفها البوست ولسان حالنا بقول مع
أبو دقينة في وصف أهلها الكرام :

إن أداك وكتر ما بقول أديت
أبو رسوة البكر حجّر ورود سيتيت
أبو درقة الموشّح كلو بالسوميت
كاتال في الخلا وعقبان كريم في البيت ..

في واحد من أهلكم يا سمية عمل مقاربة جميلة
للأبيات دي مع أبيات لأبي فراس الحمداني (صاحب عصي الدمع) بتقول :
إذا اشتد الزمان وناب خطب وأدْلََََََََََََهَم
ألفيتَ حول بيوتِنا عُُُُدد الشجاعة والكَرم

للقََُا العِِِِِِِِِِِِِدى بيض للسيوف وللندى حُمْرَََ النعَم
هذا وهذا دأبنا يُودي دمُ ويُراق دم
الفكرة ياها ذاتها...
يمدح أبو دقينة ممدوحه بأنه شجاع يقاتل
في الخلا ( المعارك ) ببسالة ثم هو كريم
في بيته وهي نفس فكرة أبي فراس في البيت الأخير ...

يا ستي واصلي وتدومي نبعاً في البوست
ننهل منه الدرر الكوامن ...
اقتباس:
"ومانا ساعلين في زول تب وحاتك "


يا ستي العندو شي يقولو، تب
ما بكون ساعل في زول


لأنه جدودنا زمان قالو :
في بيته يؤتى الحكم

وهو كما تعلمين مما زعمت العرب عن ألسن
البهائم ، قالوا : إن الأرنب التقطت تمرة فاختلسها الثعلب فأكلها ، فانطلقا يختصمان إلى الضب ، فنادته الأرنب : يا أبا الحسل (لقب الضب عند العرب) .
فقال : سميعاً دعوتِ
قالت : أتيناك لنختصم إليك ، فقال : عادلاً حكمتما .
قالت : فاخرج إلينا ، قال :في بيته يؤتى الحكم
قالت : إني وجدت تمرة ، قال : حلوة فكليها .
قالت :فاختلسها الثعلب ، قال :لنفسه بَغِيَ الخير
قالت : فلطمته ، قال :بحقِك أخذتِ
قالت : فلطمني ، قال: حر انتصر
قالت : فاقض بيننا ، قال : قد قضيت

وهكذا حتى صارت كلها أمثالاً!!:028::028::028:

أبوعاقلة أبوسن
11th May 2010, 09:54 PM
الأستاذة الجليلة وداد بت العوض

ولسان حالنا بقول مع أبو دقينة في وصف أهلها الكرام :

إن أداك وكتر ما بقول أديت
أبو رسوة البكر حجّر ورود سيتيت
أبو درقة الموشّح كلو بالسوميت
كاتال في الخلا وعقبان كريم في البيت..

هذه سانحة أحببت أن أتداخل فيها بهذه الكلمات علني أصحح خطأً لست أنت يا أستاذة من ابتدأه ولكنه ورد في كثير من المناسبات وأكبر ظني أن الكابلي نفسه لن يؤكد نسبة هذا البيت لشاعره الحقيقي، ليس جهلاً بالتأكيد ولكن لخلط حدث ولم يصحح. يتم نسب هذا البيت في كثير من المناسبات للشاعر أبو دقينة (محمد ود أبراهيم) أو للحاردلو وأحياناً يقال تراث. شاعر البيت هو الشاعر ود أحمودة وهو شاعر الشيخ عمارة محمد حمد أبوسن في القضارف لا يمدح غيره أبداً، الشيخ عمارة ذلك الرجل صاحب الموقف الشهير أمام الخيفة عبدالله التعايشي والبيت في الأصل:

دا أب رسوه البكر حجر شراب سيتيت
ودا أب درقه الموشح سدرُ بي السوميت
لو منان ولا بقول للقصدنـــي أديت
كاتال في الخلا وعقبان كريم في البيت


بس عشان حق الشاعر ما يضيع ساي ولا شنو يا أستاذة؟

أبوعاقلة أبوسن
11th May 2010, 10:05 PM
شكراً أخي عادل.
شكراً على هذا التشجيع.

عادل سليمان
11th May 2010, 10:52 PM
شكراً أخي عادل.
شكراً على هذا التشجيع.

انته محتاج تشجيع
ما ناقصة الا ود القرشي وين اراضيه
وصاحبك بتاع الفلج ( البسكليتة من الشيطان )
:wis:

الطيب شيقوق
11th May 2010, 11:09 PM
الاخت وداد يبدو ان القصة التي تفضلت بها تشابه قصص كليلة ودمنة - كتاب كنت اهوى قراءته جدا لما به من حكم وعبر لبني البشر وقد اختار المؤلف استلهام تلك العبر من روايات من مملكة الحيوانات .

الاخت سمية الحسن طلحة


فيك لون الصفاري ذي كِم البَرَص مجليّة
واللبلب حُمرتـُو تقول عُيون قمرية
إنفرش التـَبَر عِرقـو إنفرط شمسيـة
يضرب في شعاع شمش الصباح النيّة



لوحة مباااااااااااااااااااااااالغة - عايز اشرح نان اشرح لمنو؟ ديل كلهم رطانة

نزار جعفر
11th May 2010, 11:34 PM
متهندما أطرق بابكم استميحكم عذرا للدخول والجلوس معكم قليلا فى خيمة البدواة مطرقا فى أدب جم لمجادعات الشاعرة الماجدة سمية وشيخ العرب ودأبوسن وودشيقوق ذلك القانونى المفعم بالاصالة ، شدتنى اليها رائحة المرق الدهين الذى يفوح ابداعا من مائدتكم والتى ذكرتنى بما قيل فيكم :

فيهو عرب البوادى على الرحيل ملهوفة
فيهو بيــت البرش والــعطفة المـــخلوفة
فيهو الزامــلة من تبر الضـهور معلوفة
فيهو العمــره بتجــيك باللـــبن مسروفه

ولا اكتمكم سرا ان كثير من مضامين شعر البادية تحس بها فى دواخلك بالرغم من استعصاء الفهم للمعانى فى كثير من الاحيان :

أنا وقصبة منصح رماها الوادى الرداها السيل
فى ونســــة وضــــحك لامن قســـمنا اللـــــيل
وكــــت الصـــباح اشـــقلبنبو الـــخيل
لابـــخلت علـــى بحـــليل

أن هذا المجتمع يثيرك بكل مضامينه الانسانية والتى تحيل الحياة الى ابيات من القصيد من الوزن الثقيل فلقد أدهشتنى ابيات قيلت فى رحيل الشاعر الكبير أحمد عوض الكريم أبوسن :

من أرض البطانة سمعنا خبرا شـــوم
كالصاقعة انفجر فى البادية والخرطوم
رحــــل العندليـــب الشـــاعر المعلوم
ودسلفاق سليل ناس أب على وكاكوم

فالشعراء دوما هم يدقون على أوتار احساسنا فننساق خلفهم طوعا واختيارا ولقد أعجبتنى كلمات للشاعر الصمد ود أدريس لا ادرى اين موقعها الشعرى فى تقسيمات الشعر الشعبى :
الله من خلانى جقجيق
كت برك فوق المعاليق داير اشوف جديت الحمرى صديق
أم لهيجا فكت الريق
أم شيلخا خت الشريق
الله عالم تهجنى وتفيقو

أستميحكم عذرا مجددا لمغادرة هذه الخيمة فنحن أولاد البندر كما يقول شيقوق نجد صعوبة فى أن نتسربل بهذه المسادير أو نتوشح بالدوبيت أنما خلقنا لنستمع أعجابا... أحبتى الرجاء مزيد من الفيض مع شرح للمعانى وربط بتاريخ هذه المنطقة واخبارنا بعلوم اهلها من رحل منهم ومن بقى .... ودمتم

الطيب شيقوق
12th May 2010, 12:15 AM
أستميحكم عذرا مجددا لمغادرة هذه الخيمة فنحن أولاد البندر كما يقول شيقوق


يا ود المبارك بعد الكلام السمح الجبتو دا تاني كيف نخليك تغادر هذه الخيمة

عليك النبي يا ود جعفر ما تفوتنا وهاك دي اكان تصبرك شوية :-

يا نزار أخوي نار الفويطرات وجّن
والعجب البمبي سكر جنيد ومعجّن
ود شيقوق أصلو عارف عمرو كلو ملجّن

هيييييييييييييع ود البندر

الطيب شيقوق
12th May 2010, 12:18 AM
العزيز ود شيقوق،، لك كل الشكر وأنت تتحفنا بهذه المفردات الجملية،، وأسمح لي بالتداخل قليلاً هنا،،،

فالفقوس عند أهل الشام ليس هو نبات يشبه (العجور) عندنا،، وإنما هو العجور بعينه،،، بينما في السودان يشار بالفقوس لما يعرف عندنا ب(التبش). وبعض الشاميين يطلق (الفقوس) حتى على (الخيار).
وهناك مقولة تقول أن أصل هذه التسمية الخاطئة (تعريف التبش على أنه فقوس) هو سبب المقارنة الواردة في المقولة (الشيء الفلاني فيه خيار وفقوس) أي أنه فيه زي ما بنقول (ناس وناس)،، لأنه الخيار كان لا يأكله في الشام سوى المرتاحين مادياً بينما يستعيض عنه الفقراء بالعجور، أو الفقوس،،، ولأن الخيار أصلا كخضار ما كان موجود في السودان، وعامة الشعب يستخدمون العجور، بما فيهم الأعنياء والفقراء،، وكان ينظر إلى التبش على أنه خضار من نفس فصيلة العجور وإنكا أقل درجة،، فقد أطلق عليه الكثير من السودانيين (مجازا) إسم الفقوس. ودونك والصور

فقوس الحمار،،، وهو ما عنيت أخي الطيب على أساس أنه الفقوس،، وهو نبات خلوي أكثر من انه يزرع،، وينمو بكثرة في صحراء سيناء، ولشبهه بالعجور ولكنه شوكي،، وتأكله الحمير (الله يكرمكم) عندهم،، فقد سمي (فقوس الحمير)
http://t0.gstatic.com/images?q=tbn:yrpq8glfnfqefm:http://sites.google.com/site/herbsinai/ecballilumelaterium.jpg

وهنا أيضاً نوع من الخيار،، ولاحظ التسمية الشامية هنا هي (فقوس خشن،،، )

http://t3.gstatic.com/images?q=tbn:4ku79uc9t40idm:http://1.bp.blogspot.com/_hvsehmcja3e/s8wffnlqvsi/aaaaaaaaaiw/qud9zisuyng/s1600/khiar.jpg


تسلم اخي السني على هذا الشرح الوافي المدعوم بالصور

الطيب شيقوق
12th May 2010, 12:22 AM
العزيز ود شيقوق،، لك كل الشكر وأنت تتحفنا بهذه المفردات الجملية،، وأسمح لي بالتداخل قليلاً هنا،،،

فالفقوس عند أهل الشام ليس هو نبات يشبه (العجور) عندنا،، وإنما هو العجور بعينه،،، بينما في السودان يشار بالفقوس لما يعرف عندنا ب(التبش). وبعض الشاميين يطلق (الفقوس) حتى على (الخيار).
وهناك مقولة تقول أن أصل هذه التسمية الخاطئة (تعريف التبش على أنه فقوس) هو سبب المقارنة الواردة في المقولة (الشيء الفلاني فيه خيار وفقوس) أي أنه فيه زي ما بنقول (ناس وناس)،، لأنه الخيار كان لا يأكله في الشام سوى المرتاحين مادياً بينما يستعيض عنه الفقراء بالعجور، أو الفقوس،،، ولأن الخيار أصلا كخضار ما كان موجود في السودان، وعامة الشعب يستخدمون العجور، بما فيهم الأعنياء والفقراء،، وكان ينظر إلى التبش على أنه خضار من نفس فصيلة العجور وإنكا أقل درجة،، فقد أطلق عليه الكثير من السودانيين (مجازا) إسم الفقوس. ودونك والصور

فقوس الحمار،،، وهو ما عنيت أخي الطيب على أساس أنه الفقوس،، وهو نبات خلوي أكثر من انه يزرع،، وينمو بكثرة في صحراء سيناء، ولشبهه بالعجور ولكنه شوكي،، وتأكله الحمير (الله يكرمكم) عندهم،، فقد سمي (فقوس الحمير)
http://t0.gstatic.com/images?q=tbn:yrpq8glfnfqefm:http://sites.google.com/site/herbsinai/ecballilumelaterium.jpg

وهنا أيضاً نوع من الخيار،، ولاحظ التسمية الشامية هنا هي (فقوس خشن،،، )

http://t3.gstatic.com/images?q=tbn:4ku79uc9t40idm:http://1.bp.blogspot.com/_hvsehmcja3e/s8wffnlqvsi/aaaaaaaaaiw/qud9zisuyng/s1600/khiar.jpg


شكرا اخي السني على هذا الشرح الوافي والمدعو م بالصور

نزار جعفر
12th May 2010, 12:27 AM
أخى ودالشيقوق لن أغادر بعيدا بل سأكون جلوس فى أدب عند باب الخيمة .... وماتشيل هم بحرسلك الطير الخدارى كان اخضر كان بمبى ترانى انا ود عركتك ياعشا البيتات......

الطيب شيقوق
12th May 2010, 12:41 AM
أخى ودالشيقوق لن أغادر بعيدا بل سأكون جلوس فى أدب عند باب الخيمة .... وماتشيل هم بحرسلك الطير الخدارى كان اخضر كان بمبى ترانى انا ود عركتك ياعشا البيتات......

على باليمين انت مسنوح ومسلط الله يمسخك

لون الخط دا كيف معاك؟ باقي اخوك ما عارف الالوان كويس

الطيب ادريس
12th May 2010, 10:00 AM
كتبت بدوية البطانة الأستاذة سمية الحسن طلحة :

أها بتعرفوا الحنتوت والتِعِل ؟؟؟

قال طه ودالشلهمة شاعر الطبيعة كما أطلق عليه الطيب محمد الطيب

حَنْتُوتَةً مَمَسْحه بالسيول ... فيك قَامَتْ
ورُكْبان دور تِعولِكْ يا المِمتِّعه ..حَامَتْ
قشِكْ بالندى مضِحي الرِزِقْ ما اتشامَطْ
تبقى مُغفَلَه العين هِن رِضَتْلي ونَامتْ

شكرا أستاذة سمية وجماعتك جروا لي غادي من الحنتوت والعتل !

وهاكم عاد :



يا بطانه العزاز فوقك بجر قافيَه
كرمك مو قليل خيرك كتير مو شويه
فيك ريحه الدعاش فيك السحاب اب ليه
في بقير وفيك غنيم والبل سارح في الدغشيه
....... ........ ..........
فيك مرحات معردبه في الودين يوت
فيك البل بترعي وتطوي في الحنتوت
فيك بلدات مساحات زاته مالا حدود
وحلالك موزعه زي عقد ياقوت
.......... ......... ..........
فيك العرضه والصقريه فيك الصوت
وفيك بطان مع الدلوكه يصل الموت
فيك بنات بخلو القمره تمشي تفوت
وفيك الصيد جماعات مرتعو الحنتوت......... ............ .......
فيك نحنا الدوام ليك طوع نقول بالحيل
نعلي مقامك نبقالك جمال لات شيل
وكت الحاره نتكاتف نعدل الميل
ونفديك بالرقاب هوي يالبخيته ام خيل

أستاذة سمية امشي ( رحراح ) مافت مرّة تمشي في الغريق .. مهلا ياسيل البطانة المدكّن .

الطيب شيقوق انت بتعرف تعوم أنا شرحت الحنتوت وخليت ليك العتل ( بكسر العين والتاء )http://sudaneseclub-oman.com/vbforum/images/smilies/biggrin.gif

أبعد لي من بني دنقل ده .. شيقوق وابوعاقلة واستاذة سمية .. أوعه تبصصوا :wis:


حصل صحاك عز الهجعة صوت شتما
بعيد مخنوق
وجاتك شخرة الطمباري مشتاقا
يسوي القوق
واتلفحت نص من توبك الجرجار
علي الدلوكة سايق سوق
وتلقي هناك بنات بلدك ولاد بلدك
يعلوا الصفقة تقدح في القلوب الشوق
ونغم الفال أبشرن ... أبشرن يابنات
بالخير والجنيات تطير لافوق
الطاقية تحت الحاجب المعقود هدية ام زين
وما مشرية من السوق
جفير الخوسة فايت الكوع وسيرو مع العضل
مطبوق
والعنجاوي ينزل فوق ضهورهم بس تقول
منشحطة فوقها بروق
يبدا مجرو بالترقوة ويتحدر مع الضلع
القصار مطبوق ..

الشتم والعنجاوي .. ديل شنو يا الزاكي .. شوف أوعة تقول ده نوع من القرود والشمبانزي

الطيب ادريس
12th May 2010, 11:11 AM
أها نسيت أقول ليكم الحنتوت نبات أرضي ( وليس فضائي ):)
أخضر اللون يأخذ مساحة كبيرة في الأرض ( ممتد أو منشر يعني ) مزهر بلون أبيض وأصفر مثله مثل التّبر وهو ( علوق ) لألبل أي غذاء رسمي للابل في فصل الخريف مع ازدهار الأشجار المعروفة للابل ويمتاز بنضارة وجمال الوصف في الخضرة والزهر وأخذ مجالا واسعا للتغزل فيه والابل في بادية البطانة وأطراف النيل الأزرق ومنطقة القضارف والرهد ( وبحر أتبرة ) حيث نشأة ود الشلهمة وودضحوية وغيرهم من فطاحلة الدوبيت .
العتل خليتها لود شيقوق مع الاستعانة بشيخ العرب أبو عاقلة .. المخلوقات الفضائية تمتنع قرقرقر

الطيب شيقوق
12th May 2010, 11:57 AM
( علوق ) لألبل


يا الطيب ود دريس شرطت عينا يا اخي مع ناس البندر
كلمة علوق دي ما فكوها ساى كلمة علوق تطلق فقط للذرة او الامباز الذى يقدم للبهيمة اما مع المغربية ( الدماسات) او مع الصباحية ( فكة ريق)

يا زول اما ابقى معانا او مع ناس البندر شايفك بالحيل بتوصف نوار طلحنا وكترنا ولعوتنا وصف رومانسي ( للطلح ما بقولوا نوار بقولوا برم ومنها عتيّد البرمة )

لكن لعلم الكافة الحنتوت ذو قيمة غذائية عالية جدا للانعام .

الطيب ادريس
12th May 2010, 12:17 PM
يا الطيب ود دريس شرطت عينا يا اخي مع ناس البندر
كلمة علوق دي ما فكوها ساى كلمة علوق تطلق فقط للذرة او الامباز الذى يقدم للبهيمة اما مع المغربية ( الدماسات) او مع الصباحية ( فكة ريق)

لكن لعلم الكافة الحنتوت ذو قيمة غذائية عالية جدا للانعام .

عشان كده قلت ليك انت بتعرف تعوم ؟؟
عارفك ( مهّود);)

ايوه أنا زول بحر وبادية يا شيقوق والعلوق هو العلف والعلف أيا كان هو غذاء البهائم ولكن الحنتوت بالذات تأكله الابل يا ود شيقوق .. واذا كانت ثقافتكم في الدندر في الأنعام هي الماعز فنحن نجمع الأبقار والأبل والماعز والضأن معا ولأن ورد الابل البحر ( بحر أزرق ) وعندكم في الآبار ( الحفير ) ..
الطيب ماتمشي علي عماك أنا ساندك !!

ورد اذا ورد البحيرة شاربا
ورد الفـــرات زئيره والنيلا

وداد عوض
12th May 2010, 12:44 PM
كتب الاستاذ الطيب إدريس

الشتم والعنجاوي .. ديل شنو يا الزاكي .. شوف أوعة تقول ده نوع من القرود والشمبانزي

الأخ الأستاذ الطيب
التحية لك والتقدير

باقي لي سؤالك دا بحاول أنا أحلو
عشان نوريكم نحن ما بندراب
زي ما سميتونا .
الشتم : دلوكة صغيرة يعني زي ما تقول
( نظام بعملوا بيها الكَََسرة - بفتح الكاف أو بغيرو بيها النغمة بتاعت الدلوكة )

العنجاوي : هو سوط العنج الذي يستخدم في البطان ..

وفي رواية أخرى باقي لي هو التوب الذي
يضعه البدوي على كتفه وهو سادر..

الإجابة كان صح شوفو ليكم حاجة تانية
دي حاجات بنعرفها نحنا من زمان..
أها جيبو غيرها ...و كلم الأستاذ شيقوق والأستاذة سمية والأستاذ أبو عاقلة..
وفتّكم بعافية ....

لكن كدي قولو لينا فوجة معناها شنو!
ممكن تستعينو بصديق حتى من ألمانيا!!!

الطيب شيقوق
12th May 2010, 01:06 PM
عشان كده قلت ليك انت بتعرف تعوم ؟؟
عارفك ( مهّود);)

ايوه أنا زول بحر وبادية يا شيقوق والعلوق هو العلف والعلف أيا كان هو غذاء البهائم ولكن الحنتوت بالذات تأكله الابل يا ود شيقوق .. واذا كانت ثقافتكم في الدندر في الأنعام هي الماعز فنحن نجمع الأبقار والأبل والماعز والضأن معا ولأن ورد الابل البحر ( بحر أزرق ) وعندكم في الآبار ( الحفير ) ..
الطيب ماتمشي علي عماك أنا ساندك !!

ورد اذا ورد البحيرة شاربا
ورد الفـــرات زئيره والنيلا

لا يا الطيب اخوي العلوق دائما مربوط بالعيش البتديهو للحمار او الجمل في الطشت وتقوم تكلم خطاب ولدك يمسك عصايتو ويحبس الجمل من التيوس عشان ما تتجغم منو العيش أوانطة .

انا زمان عندي حمار اصلا وقت اجيب ليهو العلوق ما داير حد يحبسو - الحمار دا اكان جات غنماية تباري بنبرم ليها بصلبو برااااااااااحة ويروح ضاربها ليك كارتية من خلف يخلي ليك كواريكها في السماء او يقوم يتكى رغبتو ليها ويتناولها بسنونو من مقلتها تاني ناس الفريق كلهم ما يفكوا منها .


لقيت حماري دا كيف؟

الطيب شيقوق
12th May 2010, 01:10 PM
لكن كدي قولو لينا فوجة معناها شنو!


غايتو يا وداد عندنا الراجل البتفوجج هو العاجباهو روحو بالحيل زي جمال الوالي .

اكان ما قاصدة دي علا تكوني قلبتي الحكي رطانة اولاد دنقل .

أبوعاقلة أبوسن
12th May 2010, 01:24 PM
حبابك يا الطيب .. الطيب وأريتك تبقى طيب ويطيب عملك ويطيب خاطرك

قتو كتير عن الحنتوت وأخوانو وأخواتو هبشتو فيهم حاجات وحاجات خليتوها.. وخليتو التعل ساي.
شوف البيت دا سمح بالحيل بيعجبكم كلكم وعليكم الله البندراب مسكوهم المشهاد.

ود اللافض قال يوصف البطانة في الخريف والجمل الفحل في حالة الهياج (بكتب عنها الحالة دي إن شاء الله):

تعَّالْ البطين جاب فيك خُشش قُمباره
وكِتْرِك ساق سِياقْتو وعَشّت الشُوقاره
ماصعِك سامك الراعي وملى الهداره
مرة يسيها لوُدَه ومرة دق نُقــاره


شيقوق متعقط للشرح بس شيشك على البوست لا تملاهو.
(البوست صحي إتهمبت يا وداد زي ما قالت بت الحسن.. عاد أسمحيلنا)

وداد عوض
12th May 2010, 01:40 PM
كتب الاستاذ الفاضل أبو سن :

الأستاذة الجليلة وداد بت العوض

اقتباس:
ولسان حالنا بقول مع أبو دقينة في وصف أهلها الكرام :

إن أداك وكتر ما بقول أديت
أبو رسوة البكر حجّر ورود سيتيت
أبو درقة الموشّح كلو بالسوميت
كاتال في الخلا وعقبان كريم في البيت..


هذه سانحة أحببت أن أتداخل فيها بهذه الكلمات علني أصحح خطأً لست أنت يا أستاذة من ابتدأه ولكنه ورد في كثير من المناسبات وأكبر ظني أن الكابلي نفسه لن يؤكد نسبة هذا البيت لشاعره الحقيقي، ليس جهلاً بالتأكيد ولكن لخلط حدث ولم يصحح. يتم نسب هذا البيت في كثير من المناسبات للشاعر أبو دقينة (محمد ود أبراهيم) أو للحاردلو وأحياناً يقال تراث. شاعر البيت هو الشاعر ود أحمودة وهو شاعر الشيخ عمارة محمد حمد أبوسن في القضارف لا يمدح غيره أبداً، الشيخ عمارة ذلك الرجل صاحب الموقف الشهير أمام الخيفة عبدالله التعايشي والبيت في الأصل:

دا أب رسوه البكر حجر شراب سيتيت
ودا أب درقه الموشح سدرُ بي السوميت
لو منان ولا بقول للقصدنـــي أديت
كاتال في الخلا وعقبان كريم في البيت


بس عشان حق الشاعر ما يضيع ساي ولا شنو يا أستاذة؟

الأخ الباشمهندس أبو عاقلة :

لك الشكر والتقدير على التوضيح
ولولا التوضيح لظل الخطأ الشائع
في نسب الأبيات ( لأبو دقينة )

في الحقيقة نسب هذه الابيات لأبو دقينة
شخص لا استحضر أسمه - ذكرها في كتاب
كان الزاكي قد إستعاره من الباشمهندس
عمارة أبو سن قبل وقت طويل .
الكتاب تناول شعر الحاردلو بالتحليل والمقارنة
مع أشعار عربية أخرى .

مرة أخرى لك الشكر والتقدير .......
وهكذا يكون البوست بدأ يحقق هدفه - وهو
عكس كل ما هو جميل ومفيد عن السودان
البلد الحدادي مدادي . وعندما تنجلي الحقيقة
من مصادرها الأصلية توقف حد لأخطاء شائعة
كثيرة يتعامل بها الناس كشيء مسلم به..

شكراَََََََ... شكراً... شكراً...

وداد عوض
12th May 2010, 01:52 PM
كتب الأخ أبو عاقلة :

(البوست صحي إتهمبت يا وداد زي ما قالت بت الحسن.. عاد أسمحيلنا)

ياأخوانا البوست إتركز......وما اتهمبت
وعمت الفائدة القرى والحضر ..
واصلوا..... تغشاكم العافية شيقيش ما تقبلوا




ا

الطيب شيقوق
12th May 2010, 01:52 PM
يا اخوانا انا ود البسن دا بالحيل جننى بالابيات دي كدى خلوني افسرها ليكم وتسلم يا ابا عاقلة انعشت الذاكرة بالحيل اظن دوماتك خارة اليومين ديل :

تعَّالْ البطين جاب فيك خُشش قُمباره
وكِتْرِك ساق سِياقْتو وعَشّت الشُوقاره
ماصعِك سامك الراعي وملى الهداره
مرة يسيها لوُدَه ومرة دق نُقــاره

التعال جاية من كلمة تعل والتعل في وصف السحب هو السحابة البتسيكك في فد محل من تقلة مويتها . بس يا اب عاقة البطين دا عينة صيف شن جاب السحاب في البطين ولا شاعرك دا كان زائد عبارو ؟.

الكتر هو نوع من الشدر اكيد معروف للبندراب وساق سياقتو السياقة هي النمو الجديد في فروع الكترة والشوقارة دى نوارة الشدر حقت الرشاشية .

ماصعك - الماصع هو الجمل الهائج الكايس للكنتاكي ... وسامك الراعي اتحدى الراعي . وملأ الهدارة الهدارة هي انبوبة في حلقوم الجمل تتملي مع الهدير وتطلع حمراء بطرف اللسان . ولودة ود نقارة يعني يتفنن في الهدرة زى الرجلو في الابنص مرة يدوس يرفع الصوت ومرة يرخي .

الطيب ادريس
12th May 2010, 02:22 PM
لكن كدي قولو لينا فوجة معناها شنو!
ممكن تستعينو بصديق حتى من ألمانيا!!!

الأستاذة وداد بت البندر وأمدر .. الفوجة من فاج يفج وفاج ..
عندنا بقولوا الزول ده مالو الليلة فاجّي فينا( بمعني هايج فينا )

الفوجة .. الهجّة
ويقولوا .. فاج فينا زي التور .
يفج .. زي ماقال شيقوق يهج ويعمل ضّجة ..

ألعبوا غيرها ياناس البندر هههههههه

نحن نستعين بي ناس ألمانيا ؟؟
.. أخوك يا شيقوق :confused:

الطيب ادريس
12th May 2010, 02:38 PM
[QUOTE=أبوعاقلة أبوسن;9074][b]

[size=5][color=black]قتو كتير عن الحنتوت وأخوانو وأخواتو هبشتو فيهم حاجات وحاجات خليتوها.. وخليتو التعل ساي.


ودأبسن حبابك انت كمان وحباب شيخ العرب :

التعل بكسر التاء والعين .. بندر علي بحر علي بادية أرحكم :)

الطيب شيقوق
12th May 2010, 02:50 PM
الأستاذة وداد بت البندر وأمدر .. الفوجة من فاج يفج وفاج ..
عندنا بقولوا الزول ده مالو الليلة فاجّي فينا( بمعني هايج فينا )

الفوجة .. الهجّة
ويقولوا .. فاج فينا زي التور .
يفج .. زي ماقال شيقوق يهج ويعمل ضّجة ..

ألعبوا غيرها ياناس البندر هههههههه

نحن نستعين بي ناس ألمانيا ؟؟
.. أخوك يا شيقوق :confused:


عافي منك دنيا وآخرة يا ابا خطّاب

وقفّت لي اولاد تنقل من الفججان فينا - كدى النشوف دنقالي يجي تاني يتفوجج فينا عشان نوريهو تفججنا فيهو نامن فوجاجو يتفجّ .


لقيتني كيف عمو الطيب؟

اقبال حجار
12th May 2010, 03:32 PM
عافي منك دنيا وآخرة يا ابا خطّاب

وقفّت لي اولاد تنقل من الفججان فينا - كدى النشوف دنقالي يجي تاني يتفوجج فينا عشان نوريهو تفججنا فيهو نامن فوجاجو يتفجّ .


سلام ونعلَّكم عافي أهل الفوجاج ومتابعين ناس(فجَّ ,يفجُّ فجاً) ومنتظرين نخمش لينا حاجة ندخل بيها المنافسة .

الطيب شيقوق
12th May 2010, 03:41 PM
سلام ونعلَّكم عافي أهل الفوجاج ومتابعين ناس(فجَّ ,يفجُّ فجاً) ومنتظرين نخمش لينا حاجة ندخل بيها المنافسة .

هههههههههههههههههههههههههههههههههههههههههها افتقدناك بت حجار - اسرعي اخمشي ليك حاجة وتعالي صادة بس تكون حاجة relevant to the issue ما من طرف ساى عشان ما تكون عرضة لل rejection من قبل لجنة الفججان .

وداد عوض
12th May 2010, 09:10 PM
المشاركة الأصلية كتبت بواسطة الطيب ادريس http://sudaneseclub-oman.com/vbforum/images/styles/bluestar/buttons/viewpost.gif (http://sudaneseclub-oman.com/vbforum/showthread.php?p=9084#post9084)
الأستاذة وداد بت البندر وأمدر .. الفوجة من فاج يفج وفاج ..
عندنا بقولوا الزول ده مالو الليلة فاجّي فينا( بمعني هايج فينا )

الفوجة .. الهجّة
ويقولوا .. فاج فينا زي التور .
يفج .. زي ماقال شيقوق يهج ويعمل ضّجة ..

ألعبوا غيرها ياناس البندر هههههههه

نحن نستعين بي ناس ألمانيا ؟؟
.. أخوك يا شيقوق :confused:
االأخوين الكريمين الطيبين:
لا باقي ح تستعينو بألمانيا وكوريا وموزمبيق وجزر الهاواي ولسع..
لأنو المعنى بعيد بعد الدندر عن الحلة الجديدة..
واصلو واتصلو بالاصدقاء..يمكن يفيدوكم..

تحياتي

الطيب شيقوق
12th May 2010, 09:23 PM
المشاركة الأصلية كتبت بواسطة الطيب ادريس http://sudaneseclub-oman.com/vbforum/images/styles/bluestar/buttons/viewpost.gif (http://sudaneseclub-oman.com/vbforum/showthread.php?p=9084#post9084)
الأستاذة وداد بت البندر وأمدر .. الفوجة من فاج يفج وفاج ..
عندنا بقولوا الزول ده مالو الليلة فاجّي فينا( بمعني هايج فينا )

الفوجة .. الهجّة
ويقولوا .. فاج فينا زي التور .
يفج .. زي ماقال شيقوق يهج ويعمل ضّجة ..

ألعبوا غيرها ياناس البندر هههههههه

نحن نستعين بي ناس ألمانيا ؟؟
.. أخوك يا شيقوق :confused:
االأخوين الكريمين الطيبين:
لا باقي ح تستعينو بألمانيا وكوريا وموزمبيق وجزر الهاواي ولسع..
لأنو المعنى بعيد بعد الدندر عن الحلة الجديدة..
واصلو واتصلو بالاصدقاء..يمكن يفيدوكم..

تحياتي

اكبر فائدة طلعنا بيها من هذا البوست هو التعريف بالدندر

فطالما عرفتي الدندر يا وداد تاني اخمجي كلام البطانة بكرعيك ساى والبفاصحك بنلحقوا ليك امات طه

الطيب ادريس
12th May 2010, 09:25 PM
المشاركة الأصلية كتبت بواسطة الطيب ادريس http://sudaneseclub-oman.com/vbforum/images/styles/bluestar/buttons/viewpost.gif (http://sudaneseclub-oman.com/vbforum/showthread.php?p=9084#post9084)

لا باقي ح تستعينو بألمانيا وكوريا وموزمبيق وجزر الهاواي ولسع..
لأنو المعنى بعيد بعد الدندر عن الحلة الجديدة..
واصلو واتصلو بالاصدقاء..يمكن يفيدوكم..

تحياتي

ود شيقوق ألحق الفوجة طلعت رطّـــــانة دناقلة http://www.sudaneseclub-oman.com/vbforum/images/smilies/confused.gif

الطيب شيقوق
12th May 2010, 09:33 PM
ود دريس


ود شيقوق ألحق الكلمة طلعت رطّـــــانة دناقلة :confused:


مش رطانة بس !! وكمان في الرطانة ذاتها Old version

يجازي محنك بت العوض خليتينا نفتش مختار الصحاح والمصباح المنير ما لقينا التكتحة

عادل سليمان
12th May 2010, 09:38 PM
ود شيقوق ألحق الفوجة طلعت رطّـــــانة دناقلة :confused:

فعلا وتعني الطائر الصغير
:ok:

أبوعاقلة أبوسن
12th May 2010, 09:42 PM
فوجة ؟
كدي شكليها يا وداد !!
وين لقيتيها أصلاً؟؟؟

الطيب شيقوق
12th May 2010, 09:45 PM
فعلا وتعني الطائر الصغير


عافي منك عادل سليمان

زولتك بتكون خجلت تاني بوستيها دا ما بتجيهو اكان نقعد فيهو برانا نلعب الصقرية ساااااااااااااى

الطيب ادريس
12th May 2010, 09:48 PM
فوجة ؟
كدي شكليها يا وداد !!
وين لقيتيها أصلاً؟؟؟

شيخ العرب
هازول دي ما بتشكل
دي طايرة في السما
طلعت طيرة
ود ابرق وعشوشة http://www.sudaneseclub-oman.com/vbforum/images/smilies/biggrin.gif

شكرا عادل سليمان لهذه المعلومة القيمة .

وداد عوض
12th May 2010, 10:03 PM
تساءل الأخ الكريم أبو عاقلة:

فوجة ؟
كدي شكليها يا وداد !!
وين لقيتيها أصلاً؟؟؟

يا ريت والله... لكن دي قبل التشكيل قرقرقر

وكتب الأخ شيقوق:

عافي منك عادل سليمان

زولتك بتكون خجلت تاني بوستيها دا ما بتجيهو اكان نقعد فيهو برانا نلعب الصقرية ساااااااااااااى

؟ ؟ ؟ ؟ ؟ ؟ ؟ ؟ ؟

ما قتو الوحدة في التنوع!
خلاص قتو الروب..


بنرجع لكلام البادية هسع
وبرضو ما بنتلحق..
نحن بتاعين كلو..

قال... بندراب .... قال قرقرقر

أبوعاقلة أبوسن
12th May 2010, 10:20 PM
بس يا اب عاقة البطين دا عينة صيف شن جاب السحاب في البطين ولا شاعرك دا كان...........


معروف يا شيقوق البطين عينة صيف بيبدا يوم 5 مايو لحدي يوم 18 وبصادف تجي فيهو رشه واحدة أو رشتين تقلب البلد أخدر، وأحياناً هي من المؤشرات لنصاح الخريف وإنت عارف الكِتِر محيل كان نزلت فوقو دمعه ساي سياقتو بتسوق.

وداد عوض
12th May 2010, 10:37 PM
كتب الأخ شيقوق :

زولتك بتكون خجلت تاني بوستيها دا ما بتجيهو اكان نقعد فيهو برانا نلعب الصقرية ساااااااااااااى...

أنظر التوقيع أدناه ياللخو..

وطنَّا البي إسمك كتبنا
ورطنَّا

الطيب شيقوق
13th May 2010, 12:08 AM
ما قتو الوحدة في التنوع!
خلاص قتو الروب..

لا مين قال ليك في التنوع ؟ الوحدة في لسان عربي مبين ما تقولي لي آل دنقل ولا ترهاقا - امشوا كدا بلا مسخرة معاكم . كان قبلنا عليكم هسع بنخلي رطانتكم في السماء .


هييييييييييييع

الطيب شيقوق
13th May 2010, 12:14 AM
ود اب سن اللذيذ

معروف يا شيقوق البطين عينة صيف بيبدا يوم 5 مايو لحدي يوم 18 وبصادف تجي فيهو رشه واحدة أو رشتين تقلب البلد أخدر، وأحياناً هي من المؤشرات لنصاح الخريف

بالحيل كلامك صاح ودا كمان وقت البقرة تجي بارية القطية مع المغربية ساعة تجي من السرحة او الدغشية ساعة تكون ماشة المدرسيب ( تعرف المدرسيب؟) وكررررررررررررر تخمش من قشها يبقى الفريق كلو مساهر حابس القطاطي من البقر الضارباهو السوفة .

وإنت عارف الكِتِر محيل كان نزلت فوقو دمعه ساي سياقتو بتسوق.


احسن ابراها ساى محيل دي ولا رايك شنو؟

لقيتني كيف آآآآآآ المانجل؟

الطيب شيقوق
13th May 2010, 03:34 PM
اولاد دنقل في قيلولة ولا شنو؟

وداد عوض
13th May 2010, 05:53 PM
الإخوة والأخوات الكرام

ألفين سلام

فيما تتواصل المساهمات المتميزة بقيمتها
الثقافية والمعرفية من الشاعرة الرقيقة
سمية بت طلحة والأخت الكريمة إقبال بت حجار

ومن الإخوة الكرام :
الأستاذ الطيب شيقوق
الأستاذ الطيب إدريس
المهندس أبو عاقلة أحمد أبو عاقلة
ومع استمرار المداخلات المفيدة من الإخوة
والإخوات الكرام ، ومع تواصل هذه المساهمات
المتميزة وتجذيرها لمعنى الإنتماء مما يعطي
بعداًً محبباً للغربة وسترة الحال ....
نحن على موعد مع قلم مميز آخر وحديث خاص
عن مجالس البرامكة وعادات وتقاليد من كردفان
الغرة أم خيراًًًًًً جوة وبرة ....
نحن على موعد مع الأخ الكريم حماد حمدون

والبحث جارٍٍٍٍٍٍٍٍٍ عن شخص يوثق لأرض المحنة
وقلب الجزيرة ...... أبناء وبنات مدني كثيرون
من هو يا ترى ضيفنا القادم أو ضيفتنا القادمة .......
شكراًًًًًًًًًًًًًًًًًًًًًً للجميع .......
___________
خارج النص
1. الأخوان الطيب شيقوق
والطيب إدريس بني دنقل في الميدان ........
2. المهندس أبو عاقلة : نحن في إنتظار بقية
الحديث عن الشعر الجميل .

و لكم جميعاً من التقدير والإحترام ما يفيض

الطيب شيقوق
13th May 2010, 07:16 PM
وداد

شكرا شكرا شكرا من هنا لحدي كردفان لاستقبال الزعيم حماد حمدون - نحن هنا في استقباله بباقة من شاعر كردفان الفطحل قاسم عثمان الذى اشعر وابدع بلغة البداوة الكردفانية الحنينة قائلا :-

يا حليل كردفان وكتين تدودي رعوده
ويموج السحاب وأطياره تعزف عوده
يتبلل نسيمه يشرح ليك معاني سعوده
تبين زى عروس بالهناء والنعيم موعوده

********
ما إنفج السحاب إلا تانى عب وشيل
زرف دماعه فضّ جفونه زرّقٍ نيّل
بعد مرح السرور اتغافى صيده وقيّل
في تل رمله زى برادة الدهب إتخيّل
********
العينة تلو العينة لمن جاتنا الطرفه
كالت بالكتير دموع السحاب منزرفه
ناسا في الخلاء متلفحين بى قرفه
وناسا في المدن ممطرين في غرفه
********
ليالي شهرزاد ويشرق صباحه الهادي
ينبثق الضـــياء وتغـــرد طيور الوادي
لحظات والسحاب يغطيها ويطير متسادي
تضلم من جـــديد وتولــع بالعــــبادي
********
الخور بصعيدها خرّ و لمع حصحاصوا
والصيد إنتشى وما تفادى جور قناصوا
متحدى أهل الكلاب والجاى بي رصاصوا
وفى كنف الإله تالي سورة إخلاصوا
******
من لفح الهجير إتبلمت بضبابه
اخضرت كلها وبجبالها صبحت غابه
كل شاعر صدح لغناها شال ربابه
والسندس رقص وانشر فوق لترابه
*******
إتكيف جوها وحلقن صقاره
فرهد أرنبه اتوالد تحت تقاره
السخيل إن لمحته بغفله خلتو حباره
متكدس الشحم من قرضة الشوقاره
*******
جمالها القارضة لعنان الفروع تتشابه
وزاهية خرافه تمرح راتعه في أعشابه
إن ذكرو الجنان أنحن نتفاشابه
خزانا التبلدى وأملنا جو هشابه
********
أخدت زينتها ورحلنا شوفنا بهاها
نسجت كل جميل إتوشحتبوا رداها
ألوان خضرتها المعكوسة في أمواها
زادت روعتها ويا قدرة السواها
*******
مرتع للجميع الزغاوي والكباشي
متعايشين حنان وكل شيء ميسر ماشي
قدام جحر الكديس مبيض الغباشي
تلقى المرفعين يحاشي فوق الحاشي
******
شمسها للأرض تتحدى قاصدا حرابه
خيوط من لهب يتزارقن حرابه
صلت الأرض نارا نجضت تيرابه
شبعت ماشيتها وزواحفها وأعرابها
*******
خلاص دارتت وإتنوعت خيراتها
وصبحت لوحة كاملة إترابطت فقراتها
بنقيق قعونجا وجنادبها الزغراته
ملت أعماقنا فرحة وعشنا في مسراتها
*******
لمينا الحصاد وفركنا الورق بالويكه
والسمسم انظلط للجربه والتمليكه
في بنك السعادة أيامنا صرفت شيكه
وهبيله اتهابلت قندولا سرف الريكه
********
العيش انقطع ضروه بعد اندقه
مردوم بالصبر لعمل اللقمه والدقه
العنكوليب زرق الفص طويل ومنقه
وبالغ السدر النبقاية توزن وقه
*********
لالوبا العسل البيحكو بيهو حكاوي
مرصوص غابة جم عربي وحاج مكاوي
طايله فروعه لى نخل الشمال بتكاوي
أحلى من العجوة بكثير وأقلد من البركاوي
********
وان مريت بابو جهل والله نعم السوق
تلقى النرمتى والسبلى داك مسلوق
سورنى وقنقليس والدكوه والهالوق
والبامية أم قرون البتخلى الملاح لايوق
*******
أنا كردفان منو البقيف في قصادي
أنا رباية اليتيم آواية الجياع والصادي
أنا ست عز قديم أنا كعبة لي قصادي
يلقوا الخير منبلج يلقوا النعيم في حصادي
******
مرفوع راسي عالي مفتخرة بأولادي
البيبذلو كل نفيس لرفعتي وإسعادي
مليون مئذنة ومليون أذان بينادي
مدارس بالكتير ومعاهد علم ونوادي
أنا كردفان أنا جمل بقاع الوادي

الطيب ادريس
13th May 2010, 07:33 PM
ود شيقوق أخوي :

عاد انت ماتشم ليك ريحة كّشنة http://www.sudaneseclub-oman.com/vbforum/images/icons/icon10.gif
شكرا أستاذة وداد وأبشرك بأن المفردات الكردفانية تلقيها في ( سدر البيت عندنا ) وصراحة نحن في حوجة الي اهلنا القّدّام لينا ديل ( البجا والهدندوة ) وينك يامحمد بيرق .. ديل كان دخلوا مع بني دنقل
( ياهم .. وطني باسمك كتبنا ورّطنا ) ..
أرحب بالصديق حماد حمدون .

الطيب شيقوق
14th May 2010, 12:02 AM
ود شيقوق أخوي :

عاد انت ماتشم ليك ريحة كّشنة http://www.sudaneseclub-oman.com/vbforum/images/icons/icon10.gif
شكرا أستاذة وداد وأبشرك بأن المفردات الكردفانية تلقيها في ( سدر البيت عندنا ) وصراحة نحن في حوجة الي اهلنا القّدّام لينا ديل ( البجا والهدندوة ) وينك يامحمد بيرق .. ديل كان دخلوا مع بني دنقل
( ياهم .. وطني باسمك كتبنا ورّطنا ) ..
أرحب بالصديق حماد حمدون .

طيوبا العشاء

ات عارف قبل البوست دا اولاد دنقل فاكرين السودان دا بس من شندي لحلفا - لكن بعد البوست عرفوا السودان نحن اسيادوا وهم ضيوف علينا .

هسع بجي ولد دنقل بقول ليك انا خالي تهراقا

اها انا اخوالي ملوك السلطنة الزرقاء يا الطيب ما صاح؟

يا ريت يجينا ود بيرق وعشة بيرق لاتحاف البوست بلهجات عولنا ناس دبايوا ونسيوا وشركيها

أبوعاقلة أبوسن
14th May 2010, 12:23 AM
لقيتك يا ودشيقوق خطير زي اللغم خفتك تنفجر في الكتر المحيل تخلي الناس تضاير..

كتب ودشيقوق
وملأ الهدارة الهدارة هي انبوبة في حلقوم الجمل تتملي مع الهدير وتطلع حمراء بطرف اللسان

يا البندراب..
الأنبوبة الحمراء المملوءه بالهواء تسمى الدُلاعة البعض يصفها بالهدارة نسبة للهدرة وهو الصوت الذي يصدره الجمل الفحل عندما يكون في حالة الهياج والهدرة تكون بأصوات مختلفة حسب حالة الهياج (زي ما قال مرة يسيها لوده ومرة دق نقاره)، إن هذه الحالة تظهر فقط على الإبل دون بقية الأنعام وهي حالة تعتري فقط الذكور المرشحة لقيادة المراح من الإبل، وتكون عادة في أول موسم الأمطار.
من طباع الإبل الغريبة أن المراح من الإبل لا يمكن أن يكون فيه أكثر من جمل فحل واحد، فإن ظهرت علامات الهياج على جمل أخر غير الجمل الفحل فعادة ما يتم إبعاده عن المراح مخافة أن يفتك أحدهما بالآخر ومن هنا أتى المثل عند أهل البادية بأن (فحلين في مراح ما بعيشن) .
وُصِفَ الجمل الفحل بأوصاف عديدة في شعر بالبادية عندما تصيبه حالة الهياج، فعندها تتغير هيئته وشكلة وتصبح عيناه حمرتان ويمتنع عن الأكل والشرب لأيام عديدة ويكون عندها خطراً جداً حتى على أصحاب الأبل أنفسهم. والمربوعة السابقة فيها إشارة إلى هذا المعنى.

قال الفرجوني يصف البطانة في الخريف:

سَمَكْ فوق أم رويشد وَرَّ دلقو النيل
تمسى جفاف وباكر يا الضهر بتسيل
أصيل حسان يسلج وفوق قفاه بْكِيل
نقـر دُلاعتو وأدبكن عليهو الحِيل

(للبعرف يرسم دي لوحة .)

سمية الحسن طلحة
14th May 2010, 12:54 AM
ياجماعة الهلولة شنو ؟ البوست رحراحتو رقبة
ياالطيب إدريس
( عواليهو البِسِندوا عليها ماهِن غَرّق )
...
سمح بالحيل تلود ود اللافض
طراني حديثًا لي ودنايل بقول فيه :
لا وتر الرباب لا تلِوِد الزمبارة
مابنسيني نغمًا سِتو مِي نوبارة

شيخ الخت/ أبوعاقلة ياخال اللوحات دي للبعرف يرسم على الحِس
برمجة لغوية عصبية بس ، أوكما في كلمات ( طرير الشباب)
...
شكرا الأستاذ/ نزار جعفر على الإطراء
البادية نور يتسلسل من خيار لخيار * نظم الكواكب سلسل كوكبا السيّار
( نظام تحوير للأغنية)
...
شكرا وداد ياعزيزتي على المقاربة

لي محاولات أجدها في أحسن الأحوال مجحفة في حق شعر البادية

إليكم منها :
قول مسلم بن الوليد مادحًا يزيد الشيباني :

بفتر عند افترار الحرب مبتسمًا * إذا تغير وجه الفارس البطل

وقول ود الشلهمة مادحًا الناظر محمد صديق طلحة :

قـدُرمايضرعو الضارعين بيقصروا دونك
يادُخري القواسي البنعرف مضمونك
الجود والصبر مابتنشكربو شئونك

دوبالاً بِعِل اتبسمنلو سنونك



وكذلك :

موفٍ على مُهجٍ في يوم ذي رهجٍ * كأنه أجلٌ يسعى إلى أملِ
:

نحن ال في محاكر الضيق وجوهنا بِضوّن

نحنا الزيـنـّا راقـد بالتِريـك ومَشَـوّن
ونحنا إيـدينا يـاأم خـَدّاد حقيقـة بسَوّن
نحنا الفِي مَحَاكرالضِّيق وجُوهنا بضَوّن
وديــدان عَـركَة اليـوم الصُقـورا بخَوّن

...
وعلى ذكر المقاربات مرة جانا شيقوق في بوستا هيلنا
وقال والله كلام ودالشلهمة دا بس ابوفراس وعنترة
وقلنا كدي أتشلبناه واحد قال ليهو كيف تشبه شعر ودالشلهمة
بشعر واحد متغطرس والتاني محندقنوا بي بنية
أها ياشيقوق متفوجين هنا وداد دي قالت الكلمة دي
قبل التشكيل تقوم تطردكم من هنا أيها البدو الرُحّل
أنا غايتو ماعندي أي مشكلة مع العراقة
من كل قبيلة عندي حبوبة ضامنة التفوجج هنا ساس وراس

وراجعييين بإذن واحد أحد


..

سمية الحسن طلحة
14th May 2010, 01:27 AM
أهدي هذه الخمشة للأخت إقبال حجار :

من تراثنا القومي / طه ودالشلهمة..شاعر الطبيعة ..
الطيب محمد الطيب
بإجماع الناس قاطبة، الشعراء الملهمون في البادية الشرقية أربعة ، أحمد ود عوض الكريم ،والصادق من الشكرية وود شوراني من المرغوماب وشاعرنا هذا طه ود الشلهمة من البطاحين بعد أن إلتقينا في المرة السابقة بود شوراني نعود فنلتقي اليوم بشاعرنا طه وإن كان هذا النوع من الرجال يعايشنا في هذا العصر بذواتهم إلا أن نفوسهم هي تلك النفوس البدوية السليمة الفطرة التي تضوع عفة وسماحة دونما رياء وتجمّل تنحى في مسلكها العاطفي منحى السلف.
وشاعرنا طه من قبيلة البطاحين ذات التاريخ الحافل بالبطولات ‘ درج في البادية جهة (أبرق) وابو "دليق" ومارس صناعة الشعر منذ صباه الباكر فبرز وسبق وطرق كل أبواب الشعر فأثرى وأبدع وتفوق في ضرب من النظم يتحاماه الكبار لوعورة مسلكه، ولا يتبتل في محرابه إلا الأفذاذ هو النظم في مرائي الطبيعة.

نلتقي معه في هذه القصيدة التي يخاطب فيها أرض البطانة التي يحبها ويحب الخريف فيها يصف بشائر غيث عميم قد شام على الافق بارقه:

مسك القبلة في كوع الشمال براقك
وقشط صدرو في عامر سحابو وساقك
تبوبك قرنن والسيل دهك شقاقك
الضايق نشوقك حا ر عليهو فراقك

لقد شمت برقك الذي لاح لي من جهة الشمال الشرقي وهذا التحديد يستفاد من عبارة الشاعر في دارج من المزن قد إعترض بالأفق لا يخلف غيثها الظن ، فهم قد عرفوا من طول تجاربهم أن البرق من هذه الجهة لايكون خلباً فهو دوماً يصدقهم ويأتيهم بالغيث العميم وقد لاح هذا الذي رأى الشاعر في دارج من المزن قد إعترض بالافق وهذا البرق قد جمع سحاباً متراكماً أثقله القطر فهو حاد بارع ملأ صدره من السحب الثقال فهو يزجيها فعل الحادي الذي يحث الركب وهذا يذّكر قول الشاعر الأندلسي الذي جعل الرعد بمثابة الحادي فهو يحدو السحب ويسوقها فهو يذكر من جملة أبيات:
راحت تذكر بالنسيم الراحا
وأطفاء تكثر بالجنوح جناحا
أخفى مسالكه فاوقدت
من برقها كي تهتدي مصباحا
"وكأن صوت الرعد خلف سحابها
حاد إذا ونت الركائب صاحا"
فوصل بين غدرانها المتقطعة وقد سالت الأودية وفاضت بالماء ولم يدع الغيث غوراً او وهداً إلا غمره حتى استوى عنده النجد والوهد فما أسعد الشاعر بذلك فقد سره هطول الغيث وذكّره الرحلات التي يقوم بها قومه في رحاب البادية الخصبة – والذي يجرب وما فيها من متعة للنفس والنظر يعز عليه فراق البطانة.

بعد دور الجفاف قام عفرتك مجاري
وسحبك نيلتو زرقه وبرقك يلفح فاري
اكتسب الخضار وجهك الكان عاري
وإنعقدن رواينك يم ندايا ..تاري
وقد شام الشاعر بعد أسبوع لم تجدهم فيه السماء وجفت فيه الارض ولم يبق من أثر آخر غيث سوى غدران متقطعة وقد ظهرت على الافق قذعات ثم ما لبثت أن تراكمت وصارت سحاباً جوناً يغريه البرق فرياً حينما يلوح متعرجاً ، وما أجمل الحمر الوحشية (روانيك) وقد سرحت على الأرض الخضراء تطلب المرعى الطيب في كنفك يا ذات الندى البليل.

قام قشك منوع ومطرد متباري
وقاسك عاتم الليل الصبيبو سواري
معلاك طينتو خدره وسيل مهاويك جاري
واتحلن مناظرك يامندايا، تاري
وها قد إكتسى أديمك ببساط من الخضرة (الكلأ) حينما أقبلت بالنبات الأرض مختلفاً ألوانه وهو نبت متصل من جراء غيث ذلك السحاب الجون (عاتم الليل) الذي يشبه قطع الليل من كثرة ما إحتمل من الماء ، فطينتك زرقاء يضرب لونها الى الخضرة (وهي اطيب الأرض ) اما سيلك فهم يجري في مدافعك جياشاً (مهاوي) هنا فصيحة وهو ما اطمأن من الأرض – ثم يطالعنا بصورة وهي صورة البطانة وقد لبست أرضها الحلية من نبات الأرض وتزيّنت به وقد هبت عليه الصبا غب القطار بليلة ندية معطرة بروح الماء والنبات تبعث النشوة في النفوس.

إسمحتي من لونا لبستي جديد
وتصبح كل يوم نايرة وحلاتا تزيد
تعالك نزل ساوى الضهور والليد
واجادع فريقك في نزلتو بعيد
اسمحتي قد اصبحت جميلة بما لبست من ألوان النبات وفي كل يوم تزداد حسناً عندما يزداد النبات نمواً وازدهاراً فيكسبك إشراقاً وحسناً (تعالك نزل) صبوبك الهتون الذي جادك في سخاء ففاضت به الوديان وجمع الماء من غزارته بين علو وسفل و(الضهور) هنا يعني بها ما ربا وارتفع من الارض والليد هي المجرى الرافد وهذا يذكّرنا بقول ابي هلال العسكري:
جمع الغيث بين سفل وعلو
ثم يتطرق الشاعر لنزول (الفريق) فيقول ان "الفريق" قد إنتثرت مخيماته وذلك لندرة المواطن الجافة فهي جد متفرقة في أنحاء الوادي.

نار وجهك خلاص واصبح عريسك باش
وسيلك بالمعالي بالمراتع كاش
نفسك من سماحتو تحلى جابلو دعاش
وعربك لي جفافن جبدو البراش
ثم يتدفق الشاعر في تصوراته فيقول لقد اشرق وجهك بالخضرة الناضرة عندما هش سماؤك في وجهك وجادك فعل الكرام عندما عندما يهشون لضيوفهم ويفيضون عليهم الجود والقرى وهكذا سماؤك قد رفدك بماء جزيل لا ينفك سيله يجري منحدراً وقد استوى عنده العالي والمنخفض من الأرض والشاعر لا ينفك شحين النفس بمرائي الطبيعة الساحرة فهو يعود مرة ثانية لوصف النسيم ، غب القطار، وقد هب رقيقاً عليلاً يضمخه أريج النبت وترقرقه رطوبة الماء وهاهم عربك بعد تلك الليلة المطيرة قد نشروا متاعهم (بروشهم) بغية تجفيفها من الماء وايادي الخريف على البطانة كثيرة جمة.

وجهك نادى تبرك ربا ومتقيل
وضعنك لف بي جابر المهاوي مميل
برقك لاوا في الزيف الوشامو منيل
وفش غبينتو فيك سحبك المتحيل
صور حسنة تتجلى في طبيعتها الساحرة فالنبات ينمو بألوانه المختلفة يلذ الناظرين ويذكر هنا نوعاً من النبات يسمونه "التبر" له نور أبيض وأظنه ما يعرف عند شعراء العرب الأقدمين "بالثغام" والشاعر يقول قد ضاء وجهها بالتبر المنور الذي اشرق وازداد نموه وتشابكت أفنانه ثم ياتي الشاعر بصورة اخرى يؤكد بها أن المطر كان غزيراً (لفه جابر المهاوي) الظعن عندما عندما اراد الرحيل دار يبحث عن الموضع الجاف في طريق سيره متجانفاً عن الوحل والماء الذي غمر الارض من صوب تلك السحايب التي لمع فيها البرق متعرجاً يطوي معصراتها رغم ذلك الزيق ( قوس قزح ) والذي في أعتقادهم يمنع المطر وقد لاح أصيلاً على الافق "فش غبينتو" جادك الغيث المدرار في حرارة كأنه موتور كظم غيظه فتفجر ينفث ما إمتلأ به صدره حتى نفّس عن نفسه كذلك غيثك كان ينوء بحمل الماء الغزير فعندما إنبجس منه نفّس عن نفسه.

رحلو الليلة من دار الدمر وانقلو
حازمة ضعينتن متبعه ما بنفلو
سقد مايقي روقت الغمده ما بطلو
قلبي مع الجراسة البندلن قام كلو
ثم يلتفت الشاعر في هذه الابيات ويذكر الظعن وقد رحلوا مع مطلع الخريف من الدمر وهو المكان الذي يقضون فيه فترة الصيف رحلوا في ظعينة دفعة واحدة.
وقلبه قد خفق لهذه الركب وهنا يخلص الشاعر من حديث الطبيعة الى حديث القلوب وربما تكون وراء كل هذا الوصف عاطفة الهيام هذه التي حركها قرب الرحيل ففي الركب محبوب توجس فراقه قد حال بين العين والغمض وقد جارى خفقان قلبه الأجراس التي تدق حول الهودج دقاً متوالياً يهيج لوعته فكأنما نعق بها غراب البين اللعين فالشاعر تتنازعه عاطفتان عاطفة الفرح بقدوم الخريف وعاطفة اللوعة بالرحيل.

مبسوط البطانة إتنعمت قدام
شابع قشها وقاسا المزرقن وقام
اخلوا الدكة لا مخبر ولا حوام
ولي فيهن صديق روحاً ملاني غرام
يخاطب الشاعر البطانة لقد نعمت أيتها الارض التي جادها السحاب الجون ثم انجلى غيثه عن عشب نضير يضمن للسوائم الشبع والري وهاهم أهل المحبوبة قد ارتحلوا وخلفوا رسومهم خاوية تملأ النفس وحشة فلا أحد يخبر عنهم أو يدل عليهم وهذه وقفة على الأطلال تماماً كما كان يفعل أسلافه من الشعراء الجاهليين.
يبكون الديار والآثار والشاعر يقول ان له في هذا الركب الراحل حبيباً هو روحه وقد تبل قلبه بالحب وزحمه بالغرام والصبابة.

مبسوطه البطانة وقاسته النقاعة
دور خبر الرحيل اتباشروبو جماعة
قاصداك أريل الفوده البضوى شاعه
احمت عيني تغمد عقربه اللطاعه
لا ينفك شاعرنا يذكر بهجته الكبرى التي لازمته من اول القصيدة ببشائر الخريف يفيض السرور الذي ملأ اقطار نفسه فقد جادها غيث عميم ينقع الغله ويروي الارض ثم يعود ليصف البشرى بطلائع الخريف فهو حدث عظيم تتباشر به الجماعات ومن بين هذه الجماعات جماعة محبوبته.
وسير اليك ظبى "الفدفد" الذي يتضوأ حسناً وجمالاً فلكم اريق الليل اعاني ضنى
الوجد والهيام وقد حال ما اعاني بين الطرف والمنام كأني "لديغ" ملسوع لا يهدأ له ليل فلذع
الشوق إليها يحول بين المنام وعيني ثم نعود مرة أخرى مع الشاعر وما أكثر هنا العود.

الارض والجبال بقين خدر في الشوف
أخلوا الدكة قصدوها البطامنو الخوف
عشوهن لبن تبر غزير الدوف
بضارا من كشح صقت الندايا أم فوف
ويسترسل الشاعر قائلاً ان الارض والجبال صارت خضراء معشبه وركب المحبوبة قد أخلى "الدكة" مكان إقامتهم وقصد أولئك الرجال الغطاريف الذين يدخلون برد الطمانينة في النفوس فهم سادة القوم وثراتهم وحماة العشير. وعندما حل الظعن قدموا للحسان اللبن المحض في وجبة العشاء فما أهناءه من عشاء لأولئك الحسان اللاتي اتسقت اجسامهن فهن ممتلآت الجسم. وهنا يظهر لنا الذوق العربي الاصيل الذي يسود الشعر الجاهلي فمن ذلك قول الاعشى:
صفر الوشاح وملؤ الدرع بهكنة
اذا تقوم يكاد الخصر ينخذل
وكقول عمر بن كلثوم يصف إمتلاء جسم محبوبته:
ومأكمة يضيق الباب عنها
وكشحاً قد جننت به جنونا
وسارتي بلنط او رخام
يرن خشاش حليهما رنينا
المأكمة راس الورك. تريك وركاً يضيق الباب عنها لعظمها وامتلائها باللحم. البلنط. العاج. والسارية الاسطوانه. ومعنى قول الشاعر تريك ساقين كاسطوانتين من عاج او رخام بياضاً وضخامة. فالذوق العربي يفضل المرأة الممتلئة.
فهن أي الحسان يدفئن ضجيعهن من البرد الشديد. " صقت الندايا ام فوف" وهذا يذكرنا بقول الأعشى :
نعم الضجيع غاداة الدجن يصرعها
للذة المرء لا جاف ولا تفل
وإن اختلفت نوايا شاعر البطانة. الدجن إلباس الغيم السماء......*


سمحت ومن شنات الصيفة نارت حالك
وفي صدر الضعينة إتنابطا جبالك
نداك قارع السرب للنافلة معقول مالك
وتبرك فوفا وقنب يلعب نالك

وقد خلعت لبوس الصيف الجاف ولبستي النور والنضرة واشرق وجهك حين بدت للركب جبالك العالية.
وقد ازدانت الارض بذلك الزهر الابيض الفاقع الذي يسمى تبر فهو على الارض أفواف فيها بهجة للناظرين ......*

اطمطم سماك وعاتم
وبراقك مع فم السحابة بلاطم
اشبكن تعولك نازلات هواهن كاتم
وديانك لفض سيلن سماحن خاتم
ثم يختتم قصيدته مخاطباً للبطانة فيقول أن سماءك قد تلبّد واربد واسودت جوانبه بسحاب جون وبرقك يلمع في اطراف هذا الغمام ثم ازداد تراكم سحابك وقد سكن الجو واشتدت وطأة الحر وهي ظاهرة تسبق هطول المطر غالباً.
ثم يقول لها وما اجمل وديانك وقد امتلأت بالماء الثر فهي وبما تفيض به من ماء غاية في الجمال.

salah hussain
14th May 2010, 08:35 AM
الاخوة الافاضل
ازدهى هذا البوست بالطلة البهية للاخت الشاعرة سمية --ويبدو باننا موعودون بتحول البوست الى واحة ادب يتقاصر عن بلوغها امثالى وامثال اخونا العريريب --الشيقوق -- بعد ان ظهر شيوخ البطانة اصحاب الاسم --رجال ونساء--سمية وابوعاقلة --لذا ولحين اشعار اخر --نسحب لقب شيخ العرب-- من مهازيم الفحامة --- واعتقد انه وفى وجود اختنا سمية -- اخونا التقليدى سيكون كامثال الكثيرين امثالى فاغرا فاهو--- بمناسبة التقليدى هذا تحضرنى قصة رجل فى قريتنا يحمل اسم رغيم ورغيم هذا رجل ارباب--- اين ما وجدت اعمال الدفع وان تكون قداميا ياتيك هو ويكمل ما انتقصه اهل قريتنا -- ان قلت نقيصة يتمك وان قلت فترة يجمك-- وان درت الريسه يتقدم ويتريس --وان قلت الحارة يتلزم --وان قلت الشكره ياهو سيدا --المهم سادتى رغيم هذا اينما ذكر الخير يذكر واشتهر اسمه فى قرى الشمال كلها بوقفته فى كل المواقف الطيبة والعمل الجليل من مساجد ومدارس ومشافى --وكان هو رجل البر --- بالمناسبة يا شيقوق هو قريب الابنه ايات ----
كان لرغيم هذا جار اسمه رغيم ايضا -- ولكنه رجل مسكين لا ناقة له ولا جمل فى المال اوالدعم فهو محتاج للدعم كحال غالب اهل قريتنا --- فاصبح المطاميس امثالى --فى ذاك الزمان -- يطلقون عليه --التقليدى -- ما ان يدخل السوق ---حتى تسمع --يااااااا تقليدى --وكنا صغارا -- فكان التقليدى هذا ما ان تبدا مشاغلته حتى ---يزكك ----كلمة يزكك---- دى عرضية شيخنا ابو سن --- واحتفاءا بقدومك فانى اطلق من الان لقب تقليدى --على اخونا المحامى الهزمو الفحامى --شيقوق المسنوح ---وظنى ان الشيخين لا يجتمعان او لم يجتمعان الا فى اسناد الحديث للرواية ---فدحين يا شيخنا العرريب عليك اختيار احدى الحسنيين --العرريب او التقليدى -- لغاية شيخ عمارة ابو سن يوهط ابوعاقلة ود احمد شياختة او يلحقه بما فعل النميرى فى نشرات الساعة 3 لوزرائه -
طبعا لن ابدا ما دعانى اليه اخونا الزاكى الان ---والبوست وردنو شيكات ---على قول الشاعرة ام الخير--- عندما عزمت نساء القريه --لطهورة ابنها -- وقالت ضمن ما قالت ----جابوه الصحن وردنو شيكات ----والصحن مجازا هنا هو الكشف---التى تسعى ادارة نادينا لتهكيره ودسدسته داخل الغرف المغلقة --- ودا الموجعنى وموجع اخونا العمدة واخرين
اهداء-- لاخونا التقليدى ---هذه الابيات المنقوله ---شيوخ العرب الاصليين يمتنعون الى حين



طه الضرير والطيب ود ضحوية كانا في طريقهما إلى أبو دليق وكان طه يبحث في اللاب توب في الإنترنيت بال Wireless. ، عن رد من محبوبته. فوجد رداً قصيراً. فأنشد قائلاً:






شديت ال Pentium وأصبح يبرطع جايط



وال Internet دقش قلبتو صايت صايت


على أم شعراً حلال ما طولنو وسائط




وعطشان الغرام ما برونو 2 K.Bite



فرد عليه الطيب قائلاً:



الفيك يا طه Virus والله الكريم الشافي



وما بفيدك طبيب حتى إن بقيت Mc Kafi




غير لخلوخة الهرفة أم قليباً جافي




وأركز للتجيك يا طه Options مافي




استسلم طه وأنشد:


إيميلك وصل زود علي الهم




والفكر إنشغل ال Ram عليك وال ROM




يالصلاح جميع أنا والحبيب نتلم




ويا ساكن الضريح سيدى الحسن Dot Com




الليلة أم شلوخ لاقيتا عند ال Chat




وال Virus ضرب قلبي ومحى الفايلات





يوم شافني الفقير البكتب البخرات




قال Debug ما بفيد أحسنTo Reformat




بعد ما كت فقير بخراتي Word و Excel



دقشتني أم رشوم خلت درايفي إختل




Mother Board القلب الكان زمان Intel



بقى Chipset رخيص كل ما ربطتو أنحل



الخبر الأكيد الليلة جابو ال Yahoo


وقال ست البنات إيميلنا مي طارياهو



ست القوام Hardware نظامو براهو




غرامك Virus الهجعة البقرض الجاهو

salah hussain
14th May 2010, 09:07 AM
طيوبا العشاء

ات عارف قبل البوست دا اولاد دنقل فاكرين السودان دا بس من شندي لحلفا - لكن بعد البوست عرفوا السودان نحن اسيادوا وهم ضيوف علينا .

هسع بجي ولد دنقل بقول ليك انا خالي تهراقا

اها انا اخوالي ملوك السلطنة الزرقاء يا الطيب ما صاح؟

يا ريت يجينا ود بيرق وعشة بيرق لاتحاف البوست بلهجات عولنا ناس دبايوا ونسيوا وشركيها

تصحيح للمقوله شندى الى حلفا
من البسابير- والحلفايا--عشان اهلنا حكام مروى ست الاسم ما يمرقو ساكت ---وكذلك اهل حلفاية الملوك ففيهم بعض من كل واللبيب بالاشارة يفهم هذا البعض وهذا الكل --ويبدو ان الوصف اعطى الخط الوهمى هذا بعدا---- شرقا وغربا ---وعليه البطانة ضمن هذا التوصيف --- فالجزء يشمل الكل لا ريب فى ذلك --
الصعوبة تكمن فى كيفية انضمام منتزه الدندر الطبيعى --- واسميه منتزها لان تلفزيون وحيد القرن شال حالو ----ودخاخين لوارى الطوب لحقنو الزينين --- وعدمتو نفاخ النار من زراف وافيال وخلافو
ولا اريد ان اورد امثال على شاكلة----يالباشا الغشيم قول لى جدادك كر --لمعزة عندى لصديقى العرريب --فياتى من يشين تشبيه ايراد شطرة البيت -- والشاعرة معروفة من اي بقعة فى فيافى الصى وبيوضة--

حاشية

يا زول انقرع ---يازول انقرع
الطيب ياتو البتستنجد بيهو --انت قايلو الطيب ود ضحوية -- ياهو زويلك اب كسكتة دا ---لاها لامى طربوش او برنيطة -- لاها لامى كسكسيقة--وفى القماش قماشا ممصرن ولا تخلو من تلتيقة---لتشابه قماش بناطلين هذا الزمان --- المهم الجزمة الكموش ما ظاهره فى الصورة ---- والله يستر الطيب ما يسمع يلحقنى امات طه ---بالمناسبة الكلمات الواردة كلها مداخل للابحار شيخنا الزاكى ---- اصبر لى ان ما رميت ليك زولك فى اللور--- (الواو مفتوحة لدرجه ان تفتح الفم فتح لازم على باب الوقف اللازم ---او السكته فى علم التجويد )--- ياربي بيعرف اللوووووووور--والبوقة واللبقة واشباهها

salah hussain
14th May 2010, 09:27 AM
فاتُو جِدُودْنَا خَلُو تُراث وكانوا أهَلْ عَقُلْ وطَايُوقْ
وَكِتْ يِتْلَمَّو كانُو نَفِيرْ خِلُوقَاً نَانْ طِبُوقْ في طِبُوقْ
يَرُبْطُو الساقي فُوقْ القِيفْ وعَلِيك ياالله زِينَه تَسُوقْ
يُجِيبُو إتْنِينْ دَقََتِي كَمَانْ مَعَاَها إتْنِينْ ضِكُورْ دِي مِرُوقْ
وتَمَانْيَة شِعَبْ يَمِينْ وشَمَالْ وفِي المِرِقْ الدَقَتِي عِرُوقْ
وتَلْقَى مِرِقْ ضَكَرْ جَنْفَاوِي بالشِعَبْ السِتُوتْ مَكْرُوقْ
ويِتْرَصْ فُوقِنْ الكُودِيقْ فِلَقَاً كُلَهِنْ كَرُْوقْ
فِشَانْ رَاحْةْ البَقَرْ فِي اللَّفَة كَان إتْنِينْ ولا أرْقُوقْ
يَجِنْ عُودِين يَمِينْ وشِمَالْ يقولوا عليهن البدقوق
وفُوقِنْ فُوقْ يَكُوتْرُو الدِيو مَكَدْنْ بالسُِمِرْ مَزْرُوقْ
ويَقُومُو يَوَقِفُو المِشِِّقْ دَا فِيهُ الحَلَقَة ذَي الطُوقْ
وفِيهُ تُكُم مُرِيْحْ فِي القَعْدَة دا الأرْوَتِي لمَّا يَسُوقْ
ويَكَََرِبْ أرصو في الإسناق مَعَ القُورْمَدِي والخَنَّاق
فُوقْ فِقَرْ البَقَرْ من فُوقْ
والمِشِّقْ دَا لِيهو ُلوِيسْ فوقو كُفن يزيدو حديس
عِوِيدْ أفْطَحْ وَهِيطْ مَطفُوقْ مَمَسَّحْ زِيتْ يسَوْيْ القوقُْ
يَزِيدْ حِنِيَة كُلُ عَشِيَة يَعَجِبْ حِسُّو كُلُ شِرُوقْ
وفِي تُورِيقْ وَكِتْ يِتْلَوَىَ بِي كَالِيقُو بَرَّه وُجُوَه
فُوق كَمِيَاتْ عِشِقْْ مَعَشُوقْ
تَقَعْ بِتْ أُمْ حِلِيقَة نَبِيحْ
تَعَاكِسْ الحَلَقَة فِي التَسْبِيحْ
وُبِلْحِيلْ سَنْدَقِيقَا فَصِيحْ
وُقَِيسْ الحَلَقَة فِيهُ تَوَرِي وُتِحِتْ بِتْ أُمْ حِلَيقَة حَمِيرْ
عِشَانْ السَاقِي مَاتَرْجَّعْ وَرَا وقِدَّامْ وُخِيتَا يَعِيرْ
تَلْْقَى الكَجْ مَكَرَّبْ دُتْ قُصَّادُو مَكَرََّبْ الفِرْدُوقْ
والسِّبْلُوقَه مِن قِدَّامْ مُكَرَّكَرَه شَايِّلاَ المَالُوقْ
وبِي قََبَلْ القَوَتِي هِنَاكْ يَدُرْجُو العُطْفَة بِي إلْوِينَا فِي التُورِيقْ شَدِيدْ مَشعوقْ
ولِيهاُ أرْبَّعْ قُرُونْ واقْفَاتْ ومِن نَفْسْ العَدَدْْ فَاشُوقْ
وتَرَنْتِيقَاتَا أرْبَعَة بِي حُرَابَا سُنَانْ

salah hussain
14th May 2010, 09:33 AM
-الساقية الأم : وهي التي تركب على ضفة النيل العليا (القيفة) وتظل ثابتة في مكانها لا تحرك إلا في حالة وجود (هدّام) إنهيار للضفة التي بها الساقية .
-الساقية البت : وتعرف بالكتلتوُد وتركب على طرف النيل عندما ينحسر وتكون المسافة بعيدة بين الساقية الأم وطرف النيل فيرفع الماء إلى كوديق الساقية الأم بواسطة الكتلود عن طريق حفير يصل بين الساقية الأم والساقية البت.
-المترة : عبارة عن ساقية تركب على بئر أى دولاب لرفع المياه الجوفية لري الزراعة .

1.الحلقة وبت ام حليقة : وهي عبارة عن تروس الساقية وتصنع من خشب السنط وتتكون من سندقيق وهو عبارة عن أسنان الترس ، أخشاب ترخط بطريقة معينة في شكل دائري وتربط مع بعضها بواسطة جلد البقر (القد) يركب السندقيق على الشكل الدائري حيث تعطي شكل الدائرة ، تركب الحلقة على المشّق وهو عبارة عن مرق من السنط منشور في شكل مربع الأجناب ومخروط الطرفين يركب ترس الحلقة في وسطه وهو يصل بين الديو أعلى والكديس أسفل . الحلقة بت ام حليقة تثبت على طرف التوريق الذي يوصلها بالدولاب .
2.العطفة: تدور بالقودايس حاملة المياه وهي الدولاب .
3.الكاليق : هو عبارة عن خشبة مستطيلة طولها ربع متر وسمكها متر يثبت عليها التوريق من طرفه الذي على البر أى حيث تثبت بن ام حليقة .
4.التُكم : عود طويل له فرعان يركب على ثقب مربع وسط المشّق وينسج الفراغ الذي بين الفرعين بحبل ويجلس عليه الأروتي .
5.البِبدقوق الضكر : هو عود غليظ يحمل أحد طرفي الديو .
6.البِدقوق الإنتاية : وهو أيضا عود له شعبة يشبه البِدقوق الضكر ولكن أقل سمكا منه يحمل عليه الطرف الثاني من الديو .
7.الأركاقة : هذه بمثابة المقياس الزمني لدورة الساقية وهذه الدورة تعرف بالتتق .
8.الُرُمُدي : وهو حبل غليط يربط بين الإسناق والتكم .
9.القُشق : وهو عود طوله منر تثبت به الساقية بعد أن تتوقف أى بمثابة الفرملة .
10.العُطفة : وتتكون من فاشوق وترنتريق زألوين وحبال ، توضع أربع فاشوقات في وضع متقاطع لتعطي شطل الدولاب كجزء خارجي وتوضع أربع فاشوقات أخرى كجزء داخلي والمسافة بينهما نصف متر ويتصل الجزءان بواسطة الترنتريق ليطعي شكل الدولاب ثم يحاط بحبل هو الإلوين ويمر بواسطة هذا الدولاب الإلس .
11.التُوريق : وهو عمود طويل سميك ينجر بشكل مربع يربط بين بت ام حليقة والعطفة ويوضع طرفه الداخلي على عود يعرف بالكاليق (مثل عمود طوالي ) .
12.الإستاق : وهو عود طويل في شكل مرق محمول على شعب ويحمل التوريق في الإتجاه الذي تركب فيه العطفة ويوضع عليه الدرو أيضا .
13.الألس : حبل سميك يصنع من جريد النخل أو الحلفا أو سعف الدوم يثبت عليه لقلوق وتثبت على هذا اللقلوق القواديس بواسطة الحبال .
14.اللقلوق : عود في حجم المدق طولا وسمكا يصل طرفي الألس وتثبت عليه القواديس .
15.القواديس : هي عبارة عن جرار صغيرة تشبعه القلل ولها قاعدة في شكل دائري يربط كل قادوس على اللقلوق .. يصل الألس بين العطفة والكوديق ويرفع الماء بواسطة القواديس لتصب في الدورة
16.الكُودِيق : هو الحفرة التي أسفل الساقية مباشرة حيث يوجد الماء الذي تحمله القواديس .
17.القوتي : الحفير الذي يصل بين الكوديق والنيل
18.الإشيقير : عود طويل رفيع يوضح بشكل مخلوف ليمنع إحتكاك طوفي الإلس ببعضهما أثناء دوران الساقية حفاظا على سلامة القواديس ويعرف بالتومات .
19.الكران : هو صريف أو ساتر من الجريد يعمل لحماية المياه التي تصب من القواديس إلى الدرو من الرياح .
20.الشعب : هو مجموعة من العيدان ذات فرقات لحمل المروق التي تحمل الساقية .
21.المروق : هي عيدان متينة يرص عليها الحطب لتكون شبيهة بسقف المنزل حيث يمد عليها التوريق ليصل العطفة والإستكاق وتمر من فوقها الأبقار التي تدير الساقية وهذا السقف يسمى (الجبتي) .
22.السبلوقة : وهو ساق دوم أو نخلة منحوت يصب فيه الماء الذي تحمله القواديس ويوصله بدوره إلى القلابة .
23.التتق : هو الزمن الفاصل بين الفجراوي والعشّاوي أي الزمن الذي يفصل بين الدورة الصباحية والدورة المسائية وتبدأ الدورة الصباحية مع آذان الفجر وتستمر حتى منتصف النهار حيث تبدأ الدورة المسائية حتى آذان العشاء .
24.الكُسواري : وهو الزمن الليلي ، بين آذان العشاء وآذان الصبح ويستغل هذا الزمن في الحالات الخاصة عندما تكون زراعة أحدهم تحتاج لري مستعجل .

يلاحظ ان كل أسماء أجزاء الساقية نوبية والسبب هو أن سكان المنطقة من العرب كانوا منشغلين بالحروب والغزوات والجلوس للتدريس في الخلاوي ، ويقوم بالعمل في الساقية النوبة .
المجموعة البشرية التي تقوم بالإشراف على الساقية وإدارتها هي :
1/ البصير: وهو المهندس الذي يقوم بصناعة الساقية .
2/ الصمد : وهو الرئيس المسئول عن الشؤون الإدارية بالساقية .
3/ التربال : وهو المزارع الذي يقوم بالزراعة وقد يكون مالكا للأرض أو أجير .
4/ الأروتي : وهو الصبي الذي يركب على التكم لتحريك الأبقار التي تجر الساقية

salah hussain
14th May 2010, 09:42 AM
والأول هناك يسرف
على البنضورة والبرسيم
والكوريك مع السبروق
والجار كلو منو يضوق

والتربال يمد حق الله
مادام الله ليهو حقوق

يا اخوانا دا كلام رهيب .. وتعابير نادرا ومعبرة جداً

حاشية
الكلام الفوق دا كلو منقول للفايدة (شاعرنا الخال كدكى )عشان اخونا المحامى ما يطلع لينا بحقوق الملكية وما عارف ايه --برغم انه اباحها فى مداخلة سابقة على حياء--- وبى كدة نقتل ليهو الدش---استنجد باخونا قوقل وجارى البحث لايرادها --اى قصيدة الساقية بالصوت --وان ضهبت --- يانى المسجلا منو شخصيا عند ذهابى لاجازة هذا الصيف -- عشان الزاكى يتكيف جبنة--- بالمناسبة هو ابن خالة الحكومة--

salah hussain
14th May 2010, 09:46 AM
الابداع يتولد من رحم المعاناة مقولة لا شك في صحتها ، الساقية هو ذاك المجسم الهندسي الغاية في الابداع ابتكرها وصممها أجدادنا رحمة الله عليهم وما كانت لتكون لولا الحوجة الماسة لها في ذلك الوقت ، وهم اي أجدادنا بمعطيات العصر مهندسون مبدعون أجادوا صنع ميكنة بدائية ، والساقية هي ارث وتراث ضارب بجزورة في عمق التاريخ ، لذا كان يجب ان نوثق لهذا التاريخ حتى لا يندثر ، اذن هي دعوة لكل من يمتلك معلومة عن الساقية أن يدلي بها لان ما ساذكره عن الساقية هو بمثابة رؤوس اقلام ....


أهم أجزاء الساقية هي :ــ


1/ " الحلقة " وهي عبارة عن ترس كبير يتحرك بشكل أفقي وهذه الحلقة تتكون من عدة اسنان تصل ما بين 35 الى 40 سن ترس وجميعها مصنوعة من خشب السنط وعليه يثبت 2/ " التكم " بضم التاء ، وهو المكان الزي يجلس عليه قائد الساقية ، نعرج بعد ذلك الى 3/ " بت أم حليقة " بكسر التاء وهو عبارة عن ترس صغير يقع اسفل الحلقة ومهمته تغيير حركة الترس من الحركة الافقية الى الحركة الرأسية ، وبت أم حليقة متصلة بما يعرف بـ 4/ " العطفة " بضم العين ، وهي عبارة عن حلقة دائرية تثبت على رأس المترة "وهي حفرة الموية" ومثبت بالعطفة مجموعة من 5/ " القواديس " " وهي مصنوعة من الفخار " على هيئة قلل وأكيد تبادرت الى أزهانكم رائعة الفنان حمد الريّح ومنها ساقينه لسّ مدوره صوت القواديس والمياه طلعت مشت متحدره ، نرجع للساقية والقواديس هذه مثبته بواسطة حبل يعرف بـ 6/ " الألس " وهو حبل مكوّن من مجموعة من الحبال "اربعة حبال" مصنوعة من جريد النخيل ومهمة القواديس رفع المياه وصبها في 7/ " السندقيقه " بفتح السين ، والسندقيقه عبارة عن حوض مصنوع من الحديد أو الاسمنت وهي ما تعرف بالفزقيه حيث تتجمع فيه المويه بواسطة القواديس والفزقية بدورها ترسل المويه الى الجداول ومن ثم الى الاحواض الزراعية حيث تتم عملية الري ، ولا تتم عملية ايقاف الساقية الا بواسطة 8/ " القشق " بضم القاف ، وهو على هيئة الويد الا انه سميك وفي حالة ايقاف الساقية يوضع القشق ما بين الحلقة وبت ام حليقة لان الساقية ما بتقيف قي حالة توقفت الثيران عن الدوران لانه في الحالة هذه تحدث كارثة من خنق الثيران وبالتالي موتها فالقشق هو الوحيد المتحكم في عملية توقيف الساقية .
اذن الساقية مكوّنه من هذه الاجزاء : الحلقة ، التكم ، بت أم حليقة ، العطفة ، القواديس ، الألس ، السندقيقه ، والقشق .
وصوت الساقية مفعم بالحنية لذلك قال فيه الشاعر الكبير السر عثمان الطيب : أنين الساقية لما تنوح حسيس البربخ المفتوح .

احونا الزاكى جات يوم حوبتك ياخوى --جل كلمات الساقيه مرجعها نوبى -- والترجمة على الشريط تتولاها مشكورة --يمكنك الاستعانة بصديق-- بس اكيد ما اخونا التقليدى

salah hussain
14th May 2010, 09:59 AM
YouTube- kadaki#!

مثال -جلدا مو جلدك جر فوقو الشوك

salah hussain
14th May 2010, 10:19 AM
YouTube- ‫?????? ???? - kadaki‬‎

اها يا تقليدى ياخوى ---قلت وداد شردت وتعرض صقرية --- اها صقريتك انت كيف
بس طول بالك --اليوتوب يسل روحك اصبر ليهو قدر ما تقدر واستمتع بالمقاطع --حقيقة تمتعك لباقى هذا الشهر

افوتك عافى انت وضيوفك --- واعزرنى فمودتنا لك --تقليديا واصليا --- لا تحدها حدود --ومشاكستك متعة مودة ومحبة -- لهذا السودان من سافله الى صعيده --والتحية عبرك لاخونا الطيب والزاكى وابوسن وست البوست وست الشعر سميه شيخة ابو دليق--وكل زوار هذا البوست --الذى اتمنى ان يكون متكا لغربة وسترة حال ---وواحة نرتاح بها من هذا العك والصيف الذى بدا ساخنا ----والسودان هذا الوطن الرايع من سافله الى صعيده واحة متنوعة الجمال -- رطانة وعربية ---ويكفى الرطانة فخرا ان يقود احدهم --شيخنا الزاكى --دفة الثقافة فى منتدانا ونادينا لسنوات مضت واخرى قوادم --- فلنخرج جميعا بهذا التلاقى الرايع المكنون من ادب اهلنا ---لتكتمل الروعة --
وافوتكم عافى
الى لقاء

salah hussain
14th May 2010, 10:20 AM
YouTube- Sudanese Cultural Dance

كدكى يرقص فى الكرسي فى مقطع --- رقصة الجابودى --- على الهواء
وهو شاعر الاغنية --التى رددناها صغارا

يا مطيرى الليلة صبى
يمكن تصب --- تبرد ليكم حر مسقط -- البيلفح اليومين ديل ---

الطيب شيقوق
14th May 2010, 10:26 AM
السنجك

يا هو شغل اهلك الزمان البغدروا الناس وبهاجموهم بالليل وهم نيام
يعني تسرب في البوست بعد ننوم ؟

هسع نبدأ ليك من وين آآآآآآآآآآآآآ السنجك المسنوووووووووووووووووح ؟ - اتاريك الزمن دا كلو لابد ومتابع وبتسجل كمان لميت مفردات البلد كلو وما ملت عينك في كل المفردات دي علا الساقية ؟

امشي كدا بلا حطب معاك

----والصحن مجازا هنا هو الكشف


كدي انشوفك - دحين بتعرف كفيّة الصحن كناية عن شنو؟


جاييك بالمهلة وخليك برة عشان نملأ عينا فيك وبطل السربات الليلية في البوست .

salah hussain
14th May 2010, 10:32 AM
السنجك

يا هو شغل اهلك الزمان البغدروا الناس وبهاجموهم بالليل وهم نيام
يعني تسرب في البوست بعد ننوم ؟

هسع نبدأ ليك من وين آآآآآآآآآآآآآ السنجك المسنوووووووووووووووووح ؟ - اتاريك الزمن دا كلو لابد ومتابع وبتسجل كمان لميت مفردات البلد كلو وما ملت عينك في كل المفردات دي علا الساقية ؟

امشي كدا بلا حطب معاك




كدي انشوفك - دحين بتعرف كفيّة الصحن كناية عن شنو؟


جاييك بالمهلة وخليك برة عشان نملأ عينا فيك
وبطل السربات الليلية في البوست .


يتوهوك كيف---عزيزنا التقليدى ---
عندك شهر بى حالو تقرا كلامى دا بى رواقة
وبعدين نجاوبك كفية الصحن كيف
ما اردت الا ان امتعك ---بالمزح المحبوب--- والقلوب شواهد على المعزة رغم مسنوحيتى ومسنوحيتك ---

أبوعاقلة أبوسن
14th May 2010, 10:58 AM
يا السنجك صلاح
شكراً على هذا الفيض الفجراوي .. معلومات جيدة ونحن في حاجة لها لمعرفة رموز أهلنا في الشمال..

لكن شنو الحكاية دي المغيرات صبحا إت أظنك من المسجد وعلى البوست عديل.
دي غارة مع شيلة العُمرة .
يا ودشيقوق.

الطيب شيقوق
14th May 2010, 11:19 AM
ابو عاقلة

السنجك دا حلو شديييييييد انحن كان جر الشوك على ضهرنا برضو بنسردب ليهو عشان فيهو الكرة والدرة .

دحين السنجــــك بعرف عبارة ( فيهو الكّرة والدرة)؟

وبالمناسبة دى وعشان نلطف ليهو الاجواء ويبطل السربة الليلية ويقعد معانا اهديهو اغنية نعناع الجنينة - هذه الاغنية التي ملك بها محمد منير قلوب الكثيرين فهي من اروع الاغاني ولذا ساقوم بانزالها كلمات ونغم .

قالتلى بريدك يا ولد عمى
تعالى دوق العسل سايل على فمى
على مهلك على ما بحمل الضمى
على مهلك على دة انا حيلة ابوى وامى
نعناع الجنينة المسقى فى حيضانة
شجر الموز طرح ضلل على عيدانة
***
فى عشق البنات انا فقت نابليون
طرمبيلى وقف عجلاتة بندريوم
قدمت شكوتى لحاكم الخرطوم
اجل جلستى لما القيامة تقوم
***
سألت ايش الاسم قالو البنات نعمات
ام صبعين رطاب والباقى بلح امهات
يوم ندهت علينا بيدها الناعمات
قلت نعمين تلاتة واربع خمس نعمات
***
خضارك زى جنينة وطرحت تينات
عودك فى مشيتة عاملّو منحنيات
عضامك لينة لايقين على التنيات
تانية واتنين تلاتة واربع خمس تنيات
***
يا ام عقدين دهب تلاتة وتلاتين طارة
ما عيناً رأت ما وردت على بكارة
يوم طلت علينا الكل وقعو سكارى
سقطت فى الحليب ما بينتلو عكارة
***
يا ست البنات ماحلى الجمال الفيكي
مهما اعمل واسوّي ف الوصف ما يكفيكي
الروح والجسد تاخدي وما يكفيكي
بسْ خلي العيون علشان تعاين فيكي
***
رايد اكلمك كل ساعة ف وَسَعتنا
من بعد الضُهُر نركب ضهَر ناقتنا
قالت نعمل ايه لو العرب شافتنا
قولي وليد عمي وساقته جار ساقتنا
***
قالت تَقصُد ايه يا اللي انت بتغازَلنا
واقف في طريقنا ان كان طلعنا نزَلنا
مواعدين بعضَنا من صغرَنا وما زلنا
ما نفوت بعضنا حتى التراب يعزلنا
***
نعناع الجنينة المسقي في حيضانه
شجر الموز طرح ضلل على عيدانه
***
قالت تَقصُد ايه يا اللي انت بتغازَلنا
واقف في طريقنا ان طلعنا نزَلنا
صاينين عهدنا من صغرنا ولا زلنا
إوصلنا حبيبنا ألا الفراق يعزلنا
***
يا خولي الجنينة الفاكهة فيها أشكال
عنقود العنب على شجره طل ومال
والتين الخضّير من سحره بقى رمان
قوم الحق يا خولي ده أنا اللي قلبي مال
***
نعناع الجنينة عطرك فريد يتغنى
وصفوك للحبايب من روايح الجنة
والماشي معاك يحلم يا ناس يتمنى
وان ضاع عمري ضاع مايهمنيش أتهنى
***
والعنب البناتي طالل على المحبوبة
واللي داقه مرة ما يعرف أبدا توبة
ويعود له تاني النوبة بعد النوبة
ما دامت قسمته على الجبين مكتوبة
***
يا خولي الجنينة عندي طلب وسؤال
تعيني في جناينك أزرع يروق الحال
وبستانك الزاد ومايهمنيش المال
ولا السكن والهدمة مادم فيه راحة البال
***
تلتك من دهب تلتك من الفيروز
تلتك من عقيق من مكة جاني مفروز
لوين نويتي الرحيل يا نور عيوني الجوز
باصرخ من قليبي والله الفراق ما يجوز
***
يا رايد الجمال قبّل على الخرطوم
تلقى هناك بنات كيف السمك بيعوم
أما بناتك يا***فوسطهم مبروم
يحنوا للغريب وابن البلد *****
***

راكبة الأوتومبيل في اسكندرية تصيف
لابسة قميص النوم لونه برتقاني خفيف
جننتي الخواجة قلبه الكُفر متكيف
وإيش حالي أنا المسلم اللي قلبي رهيف
***
يا ست البنات على ايه ما انتي نويتي
عايني وأنظري كيف الشباب سويتي
جننتي قلوب والعيون بكيتي
حرام أكبر حرام جرحتي وللا داويتي
***
نعناع الجنينة المسقي في حيضانه
يوم سافر حبيبي سبت البلد علشانه
***
نزل الوز عام فى ليل مضلم هاسى
قلت أنا أعوم وراكى يالى جمال ميراسى
قالت لى تعوم وراى أنا عارفة من أحساسك
موجنا تقيل عليك تغرق تزعل ناسك
***
جالت يابا يابا ريت هناك خياله
تسعين ناجه لجح والرجال شياله
جلتلها عريسك جانى فى الجياله
ارفضله طلب ولا انتى ليه مياله
***
يا شاغل جليبى ليلى ويا نهارى
اطلعلك على راس النخيل والصارى
واطولك منين شبكتنى فى عزالى
بيراهنو عليك انك حتفضل ناري
YouTube- ‫????? ???????‬‎

وداد عوض
14th May 2010, 11:27 AM
كتب الأخ الباشمهندس صلاح حسين:
ما اردت الا ان امتعك ---بالمزح المحبوب--- والقلوب شواهد على المعزة رغم مسنوحيتى ومسنوحيتك ---


الاقتباس أعلاه يكفيني عن قول أي شيء..

فالمحبة التي اقترنت بكل ما هو سوداني تجلت في هذه العبارة البليغة
التي اختتم بها الأخ صلاح حديثه المطلوب بشدة..
مزية لازمتنا طوال قرون سابقة وستظل
هي الراية التي نرفعا للناس عموم الناس ونقول ليهم..


ياهو ديل أهلي...


بجيكم برواقة عشان أرد على كل ما قيل حسب قدرتي ...
في كلام غايتو باقي لي داير ليهو مذاكرة لكن بالتأكيد انا المستفيدة
لانني ساحتفظ بكل ما قيل ولم استطع فهمه- في حينه - في الذاكرة
عشان نجادع بيها الأخ شيقوق لزوم الاستعراض..

ود عمي صلاح اولاًًًً بالتبادي اهلاً بيك في دارك
ثم ثانياً الف شكر على كل هذا الأدب الراقي الذي يزين حديثك.
أطنان من الشكر أو قواسيب من الشكر
وهي التي رجعت سالمة إلى اصلها بقت حقتنا. بالميلاد .... :016: :016: :016:

الطيب ادريس
14th May 2010, 11:47 AM
[QUOTE=salah hussain;9181]-[color=blue][b]3.

الكاليق : هو عبارة عن خشبة مستطيلة طولها ربع متر وسمكها متر يثبت عليها التوريق من طرفه الذي على البر أى حيث تثبت بن ام حليقة .
4.التُكم : عود طويل له فرعان يركب على ثقب مربع وسط المشّق وينسج الفراغ الذي بين الفرعين بحبل ويجلس عليه الأروتي .
5.البِبدقوق الضكر : هو عود غليظ يحمل أحد طرفي الديو .
6.البِدقوق الإنتاية : وهو أيضا عود له شعبة يشبه البِدقوق الضكر ولكن أقل سمكا منه يحمل عليه الطرف الثاني من الديو .
7.الأركاقة : هذه بمثابة المقياس الزمني لدورة الساقية وهذه الدورة تعرف بالتتق .
8.الُرُمُدي : وهو حبل غليط يربط بين الإسناق والتكم .
9.القُشق : وهو عود طوله منر تثبت به الساقية بعد أن تتوقف أى بمثابة الفرملة .
10.العُطفة : وتتكون من فاشوق وترنتريق زألوين وحبال ، توضع أربع فاشوقات في وضع متقاطع لتعطي شطل الدولاب كجزء خارجي وتوضع أربع فاشوقات أخرى كجزء داخلي والمسافة بينهما نصف متر ويتصل الجزءان بواسطة الترنتريق ليطعي شكل الدولاب ثم يحاط بحبل هو الإلوين ويمر بواسطة هذا الدولاب الإلس .
11.التُوريق : وهو عمود طويل سميك ينجر بشكل مربع يربط بين بت ام حليقة والعطفة ويوضع طرفه الداخلي على عود يعرف بالكاليق (مثل عمود طوالي ) .
12.الإستاق : وهو عود طويل في شكل مرق محمول على شعب ويحمل التوريق في الإتجاه الذي تركب فيه العطفة ويوضع عليه الدرو أيضا .
13.الألس : حبل سميك يصنع من جريد النخل أو الحلفا أو سعف الدوم يثبت عليه لقلوق وتثبت على هذا اللقلوق القواديس بواسطة الحبال .
14.اللقلوق : عود في حجم المدق طولا وسمكا يصل طرفي الألس وتثبت عليه القواديس .
15.القواديس : هي عبارة عن جرار صغيرة تشبعه القلل ولها قاعدة في شكل دائري يربط كل قادوس على اللقلوق .. يصل الألس بين العطفة والكوديق ويرفع الماء بواسطة القواديس لتصب في الدورة
16.الكُودِيق : هو الحفرة التي أسفل الساقية مباشرة حيث يوجد الماء الذي تحمله القواديس .
17.القوتي : الحفير الذي يصل بين الكوديق والنيل


[SIZE="4"]الشايقي ده الليلة ( هايج فينا من صباح الله مالو ) :confused:

أسه انت خليتنا حاجتن نتونسباها ..

بجيك صّادي للكلام .. بلده اسمه جزر الواق واق .

الطيب شيقوق
14th May 2010, 12:25 PM
بجيك صّادي للكلام .. بلده اسمه جزر الواق واق .


هو بجيك تاني ساري الليل؟

وداد عوض
14th May 2010, 07:33 PM
في طوافنا في ربوع السودان
تظل مدينة سنار هي السامقة أبداًًًًً
بتاريخها ومشاهيرها ورمزيتها ........
سنار هي السودان ثنائي الهوية ............
الهوية التي أكسبتها سنار للسودان هي
ما جعلتنا نتميز عرباًًًًًًًًًًًًًًًًًًًًً ..........
ونتميز أفارقة ...
ليت الاستاذ الأخ الكريم الطيب إدريس
أفرد لنا صفحات عن هذه المدينة
( وهو القادر على ذلك ) التي لها في الذاكرة ألف نافذة....
الأخ الطيب بثقافته الواسعة لديه الذخيرة الكافية
ليحدثنا عن سنار
ومن خلال المداخلات نستطيع أن نكون فكرة
عامة عن مدينة سنار ......
فالكورة في ملعب الأخ الطيب إدريس ..
ليحدثنا من الذاكرة عن هذه المدينة الجميلة..

الطيب شيقوق
14th May 2010, 09:50 PM
فالكورة في ملعب الأخ الطيب إدريس


افو افو افو آآآآآآآآآآآآ وداد ومال انا من الجزيرة ابا ؟ ولا خلاص دايره تقومي تخلبطي الكيمان وسوي بيناتنا فتن ؟

طيوبا - اوع تمشي فيك الاجندة الخفية دا كلام تحتو كلام .

الطيب ادريس
15th May 2010, 01:25 AM
هههههههههههههههه

روق لي يا ود شيقوق

العين ما بتعلي علي الحاجب

كنّا صغارا حين تحضر ست الروب في الفريق لتبيع السّمن والروب معا ( لسانك مايقرطع ياود شيقوق ) ونجري وراءها حفايا ونتلذذ باهزوجة أوقل تراث قديم من أهلنا :

ست الروب
روبك حار
طلق النار
في سنار

ويا أستاذة وداد الدّفع هنا بالدولار http://sudaneseclub-oman.com/vbforum/images/icons/icon7.gif
في حالة الأجندة الخفية ( ماتخاف يا ود شيقوق النص النص )

شكرا أستاذة وداد لآضافة نافذة مضيئة بالفعل وسنتناول ارث سنار تاريخا وحاضرا ومستقبلا مع ود اهلي شيقوق بطريقة السهل الممتنع ... وسنار بالفعل هي السودان الدولة التي حكمت 317 سنة متوالية ووصلت
المملكة الي دول الجوار في حفظ القران والعلوم الحسابية .. وسنار هي في الأصل مملكة اسلامية حكمت السودان بين عامي 1504م 1821م وتسمى ايضا السلطنة الزرقاء ؟

تأسست مملكة سنار في عام 1504 وكانت تعرف ايضا بمملكة الفونج و السلطنة الزرقاء وكان لقب السنانير يطلق علي رعاياها. و تعتبر مملكة سنار اول دولة عربية اسلامية قامت بالسودان بعد انتشار الاسلام و اللغة العربية نتيجة لتزايد الوجود العربي و التصاهر بين العرب و النوبة.

اهتم ملوك سنار بالعلم حيث اقاموا رواق السنارية في الازهر بالقاهرة من اجل طلاب مملكة سنار المبتعثين الي هناك, وشجعوا هجرة علماء الدين الاسلامي للهجرة الي السودان للدعوه و نشر العلم. وانشاء احد سلاطين مملكة سنار و يدعي بادي الاحمر وقفا بالمدينة المنورة لاستفبال الزوار من مملكته للاقامه هناك عند زيارتهم للاراضي المقدسة ولا يزال جزء من اوقاف السودان هناك. و انتشرت ايضا الخلاوي التي تعرف ايضا بالكتاتيب في السودان لتحفيظ القران الكريم و علوم العربية و الحساب.

نبذة قصيرة تعريفية عن سنار زمان وبعد داك تعالوا النوريكم ( المكودب من صميم الكديب ) ..
الرموز السنارية في الوقت الحالي :

أثر الشيخ فرح ود تكتوك .. ولحفيدته بالطبع سمية الحسن طلحة البطحانية ولها أن تحدثنا الكثير عن البطاحين وجدها الشيخ فرح .
خزان سنار وكهرباء سنار وسكر سنار وكنانة والعسلاية ..
تشربوا ( شاهينا وتكسروا كبابينا ) http://sudaneseclub-oman.com/vbforum/images/icons/icon2.gif
( تجغّموا بسكر سنار وموية سنار وكهربة سنار )

عليكم الله شفتوا النعمة دي كيف !!
سماعين ود حسن لمّا كان مفتش ( غيط ) وغيط دي بتعجب نّاسي البعرفهم وهي المشروع الزراعي وبالتحديد مشروع كسّاب الزراعي شرق خزان سنار وكان يركب عربته اللاندروفر صباحا الي داخل المدينة عبر خزان سنار ليجد طير الرّهو علي (حوّاف ) بحيرة الخزان وتخرج طالبات الثانوي باللبس الموحد أيام ( مايو ) وجاءت روائعه لأجمل زمن خصب
وا أسفاي
من ناس ديل وا أسفاي
وجاءت
طير الرّهو

ويا سلام سنار مدينة

الطيّب شيقوق الجرجرة بالدولار .. ماتخاف .

جاينكم واسمعوا معاي بكاء الخزان في ياسلام سنار مدينة وبنجيكم صّادين .

يابا جيتك طالب الأمان
من بعيد الناس بندهوك
تلحقني أنا
أبوي فرح ود تكتوك

لقيتو كديبنا كيف :clap:

YouTube- ‫???? ????? - ????‬‎

الطيب شيقوق
15th May 2010, 01:48 AM
لقيتو كديبنا كيف


يا اخي ابدعت واصل وطلع ايمان الرطانة ذاتهم

سيبك منهم ناس السواقي السجم

واصل وقول بلا دنقل بلا سناجك بلا سجم رماد


اكيد الدافونة وساري الليل بيكون هسع ماسك الورد بتاعو وبعد يكمل وردو بجي بالليل بتلهم البوست يشخبتوا كلو وعييييييييييييييك تاني

الزاكي عبد الحميد
15th May 2010, 07:43 AM
في حضرة الشيخ فرح..
وفي حضرة الحديث عن سنار..
لا أملك إلا أن أقول بإنحناءة وتجلة الشكر لك
أخي الأستاذ الطيب إدريس على كل هذا الفيض المعرفي الجذاب..
واصل الحديث ونحن متابعون..

أخي المهندس صلاح حسين:
كلامك درر يا سيدي وهو حديث
استلطفه كثيراً وبرجع ليك برواقة..

أخي الأستاذ الطيب شيقوق:
سمعت لك حديثاً شيقاًعن سنار في أمسية
ثقافية تحدثت فيها عن مدن في الذاكرة وكان
الحديث عن سنار تحديداً حديثاً ذا شجون..
وها هو الحديث يتشعب عن هذه المدينة الفاضلة
بعلمائها وتاريخها..فأدل بدلوك ففيه الكثير المفيد..

لكم جميعاً الشكر من قبل ومن بعد..

وأرجو من الأخ الكريم المهندس ابو عاقلة ألا يقطع حديثه
عن شعر الغزل لدى الشعراء الثلاثة الذين اختارهم من شعراء
البطانة الكثر..

لي عودة للتعقيب عن كل ما قيل بإذن الله..

الزاكي عبد الحميد
15th May 2010, 10:14 AM
خبر سار جداً...

وعدني الأخ الصديق وزميل المهنة محمد بيرق
بالكتابة عن شرقنا الجميل..
فنحن إذن على موعد مع حلو الحديث عن
ذلك الجزء من الوطن الحبيب..

الطيب ادريس
15th May 2010, 11:28 AM
دّبايوا دّبايوا الأخ العزيز بيرق

دّبايوا دّبايوا هدل وسلالاب ودار السلام والجنائن

دّبايوا بوطني ( باسمك كتبنا ورّطنا ) ..

دّبايوا بيرق ذلك الوجه الذي يعكس صفاء ونقاء الانسان السوداني .

دّبايوا يا بني دنقل والسنجك دابي الليل http://www.sudaneseclub-oman.com/vbforum/images/icons/icon10.gif

معناهابالهدندوي : مرحب مرحب

شخصي وبيرق ومحمد عمر عقيد والفنان مصطفي سيد أحمد ( بورتسودان الثانوية 1970 م ) .

الزاكي عبد الحميد
15th May 2010, 11:33 AM
شخصي وبيرق ومحمد عمر عقيد والفنان مصطفي سيد أحمد ( بورتسودان الثانوية 1970 م ) .

وما أجملها من رفقة يا صديقي..

ولا داعي لتذكيرك بأننا في إنتظار المزيد والمثير عن سنار
العظيمة..

حماد حمدون عبدالله
15th May 2010, 12:49 PM
لكل من شارك في الغربة سترة حال لكم التحية ما في الشك عنوان الموضوع بفتح ابواب كثيرة للتعرف على الوطن الحداد المدادي وانا لأول مرة أدخل كمشارك وأن شاء الله سوف أحاول المشاركة ولو باقليل لنعرف الأخوة ببعض المفردات المتدولة في غربنا الجميل بوالأخص منطة المسيرية .

الطيب شيقوق
15th May 2010, 01:23 PM
الاخ العظيم زيكو

شكرا شكرا شكرا



سمعت لك حديثاً شيقاًعن سنار في أمسية
ثقافية تحدثت فيها عن مدن في الذاكرة وكان
الحديث عن سنار تحديداً حديثاً ذا شجون..
وها هو الحديث يتشعب عن هذه المدينة الفاضلة
بعلمائها وتاريخها..فأدل بدلوك ففيه الكثير المفيد..




انت تأمر بس يا ابا لارا

لي عودة

الطيب شيقوق
15th May 2010, 01:27 PM
لكل من شارك في الغربة سترة حال لكم التحية ما في الشك عنوان الموضوع بفتح ابواب كثيرة للتعرف على الوطن الحداد المدادي وانا لأول مرة أدخل كمشارك وأن شاء الله سوف أحاول المشاركة ولو باقليل لنعرف الأخوة ببعض المفردات المتدولة في غربنا الجميل بوالأخص منطة المسيرية .

الف مرحب بالاخ حماد ، قف ، نحن متشوقون لتروي لنا عن كردفان الغرة ام خيرا برة

قف ، عايزين ضربة البداية تشرح للناس المثل الشائع عند اهلكم المسيرية البقول ( فلان دقوا ليهو شرك ام كي كي)

قف ، باقي لي افندية الشمال ديل كلهم ما عارفين شرك ام كيكي -

قف ، الف مرحب بيك يا ود حمدون

الزاكي عبد الحميد
15th May 2010, 01:56 PM
كتب الأخ الصديق حماد حمدون:لكل من شارك في الغربة سترة حال لكم التحية ما في الشك عنوان الموضوع بفتح ابواب كثيرة للتعرف على الوطن الحداد المدادي وانا لأول مرة أدخل كمشارك وأن شاء الله سوف أحاول المشاركة ولو باقليل لنعرف الأخوة ببعض المفردات المتدولة في غربنا الجميل بوالأخص منطة المسيرية .


ألف أهلاً بالأخ الغالي حماد..
لا يحلو الحديث ما لم يكن للمسيرية نصيب وافر منه..
القبيلة التي أنجبت من المشاهير وذوي الطَّول عدداً
عديداً وإياك أن تحصي..
مئات من الأطباء المتميزين وقبيل من المهندسين
ورهط كبير ممن زانهم علم وافر حصين..ويكفي
أن نقول إن منهم الأخ حمّاد..الذي ينطبق عليه
القول "الصمتُ حُكْمٌ وقليلٌ فاعلُه"..فها هو يحدثنا حديث العارف عن
منطقة لها في الفؤاد مكانة خاصة..
فإن كان في صمته حديث فكيف يا تُرى يكون حديثه!

وداد عوض
15th May 2010, 01:56 PM
المشاركة الأصلية كتبت بواسطة حماد حمدون عبدالله http://sudaneseclub-oman.com/vbforum/images/styles/bluestar/buttons/viewpost.gif (http://sudaneseclub-oman.com/vbforum/showthread.php?p=9237#post9237)

لكل من شارك في الغربة سترة حال لكم التحية ما في الشك عنوان الموضوع بفتح ابواب كثيرة للتعرف على الوطن الحداد المدادي وانا لأول مرة أدخل كمشارك وأن شاء الله سوف أحاول المشاركة ولو باقليل لنعرف الأخوة ببعض المفردات المتدولة في غربنا الجميل بوالأخص منطة المسيرية .

الأخ الكريم حماد حمدون

1000 مرحب بيك
وابقى لداخل ترى البيت بيتك
وفي انتظارالمشاركة التي ..
بلا شك سوف تكون ذات فائدة لنا
وانا لمنتظرون

اقبال حجار
15th May 2010, 03:34 PM
أهدي هذه الخمشة للأخت إقبال حجار :

من تراثنا القومي / طه ودالشلهمة..شاعر الطبيعة ..

نلتقي معه في هذه القصيدة التي يخاطب فيها أرض البطانة التي يحبها ويحب الخريف فيها يصف بشائر غيث عميم قد شام على الافق بارقه:

مسك القبلة في كوع الشمال براقك
وقشط صدرو في عامر سحابو وساقك
تبوبك قرنن والسيل دهك شقاقك
الضايق نشوقك حا ر عليهو فراقك

.
لك التحية سمية على هذه الخمشة الرائعة لطه ود الشلهمية الذي تعرفنا عليه بفضل كتاباتكم عنه
فلكم التحية أهل البطانة العامرة
والتحية لكل رواد البوست ومرحباً بالمنضمين الجدد
ولكم هذه من الشاعر الشاب خالد شقوري (بلد الغبش)

بلد الغُبُش

يا راحلى لي بلد الغُبش شيلينى فى خاطرك نِغيم كان القى لىَّ هناك عُش
وارجع معاك انا ياطيور .. خلف الزمن كمين سنة
اتمدَّ فى امل الوِصال .. وارحل معاك سِرب المُنى
وانزل هِناك انا فوق تقى ..واطاطه يابسى مشققه
مسقيَّة بكانت بالغُنا وليك ياطيور كانت وطنْ كانت رخا وخيراً دَنا
***
اطرا البلد وناس البلد ..ليل البلد, وصبح البلد
لو عارفى يا الفاردِي الجِناح انا بيَّ شوق ماليهو حدْ
للنيمة والضُل الرهيف .. والنسمة والسِّعن البَردْ
لي لوبى فى صَدر الجروف .. والنيل من الحيضان شردْ
***
لي ابوى فوق برش الصلاة .. فرَّش طرف توبو ورقدْ
لي مرقة القيدْ العِصير .. قاصِدْ سبيل الخير قصدْ
لي لحظة من عُمر الزمان لا حسرة لا همْ لا حردْ
***
آهـ يا طيور واشوقى انا .. انا ياطيور مشتاق كتيرْ
ما لي جناح مِتلك انا .. لو لى جناح انا كُت بطير
وانزل قُصاد بير الفريق .. لى شوفتْ الواردات عِصير
وامسك دلو الرايقى واجر .. واملالهو.. وابْراهِن غفير
لامِّنْ خلاص هِن يوصَلنْ .. وانا تانى اواصل للمسير
***
اوصل هناك حد التُرب .. واقعد قصاد جدى الكبير
اضحك من الشبه الشديد .. بين حظى والليل والمصير
واذكُر الزَّمن البعيد .. وكتيت ابوى الحاج سعيد
يقلعلو فى انتاى كانت .. قايمالها فى حوضاً جديد
***
وانا ذكرة الناس العُزاز تلفانى فى نُومة الدُغُش
آهـ يا طيور آه ياطيور

اقبال حجار
15th May 2010, 04:06 PM
ام درمان هي منبع الفن والثقافة , وام درمان هي الاذاعة والتلفزيون , فهي المسرح القومي ,والطابية وبيت الخليفة وبوابة عبد القيوم وهي المدرسة والجامعة وهي الهلال والمريخ وام درمان هي الخلاوي والطرق الصوفية ,
وام درمان كما تغني لها عميد الفن السوداني احمد المصطفي :
فخير بنيك ياسوداني مني ** سلو الحادي سلوالشادي المغني
إليكم أهل الحي العريق ,أهل أم در وإلى صاحبة البوست أهدي :
كتب عبد العزيز عبد اللطيف عثمان في كتاب( الخرطوم أحياء وأحياء )عن اصل تسميتها :
(( الباحث عن اصل اسم ام درمان يقف امام عدة اراء ,فقد قيل ان هذه المنطقة سميت بـ ( وشل ) وان وشل اسم لامراة نوبية , وقال بعضهم : ان امراة نوبية وولدها اول من عمر المكان علي شاطيء النيل الغربي , وكان الولد يسمي درمان . كان درمان يسافر بحثا عن البضائع تاركا ادارة حانوته لامه , وكان التجار يتنادون للذهاب الي دكان ام درمان ومن التاجرة ام درمان , جاء اسم ام درمان المدينة.))
( ومع ربط مدينة ام درمان بوالدة درمان الا انه ورد في كتاب طبقات ود ضيف الله , ان الشيخ عبد المحمود المنوفلابي رحل كما رحل ارباب العقائد , رحل الشيخ عبد المحمود وانشأ بام درمان خلوته وبيته فتجمع طلاب العلم وعمروا ام درمان , واورد بعضهم في اسم ام درمان رأيا يقول : درمان تاجر من بلاد الاغريق جاء للتجارة بالسودان مصطحبا امه التي كانت تساعده وكانوا ينادونها بام درمان , منها جاء اسم ام درمان)
ويقول مؤلفه الذي عمل مدرسا للتاريخ وهو
يتحدث عن ابوروف ساحة الادباء :

( علي شاطيء النيل بين دقات ازاميل صناع المراكب الشراعية وقفنا في حي ابوروف نملأ الرئتين بنسائم النيل , وعطور ابداعات الشعراء والفنانين ابناء ابوروف ,واندادهم الذين ما زالوا يجتمعون في مجالس الفن والابداع في الحي الذي سمي بالشيخ محمد ود ابوروف القائد العظيم الذي نزل بقبيلته وجيشه في هذه المنطقة في بداية قيام الدولة المهدية )
اما عن تسمية حي ود نوباوي فقد ذكر الكاتب :
( هو الشيخ محمد ودنوباوي من اشهر قادة جيش المهدية , حمل رسالة المهدية وحاصر الخرطوم مع المحاصرين وكان له اليد الطولي في فتح الخرطوم وسقوط دولة التركية . وذكرت المصادر التاريخية ان الشيخ ودنوباوي هو الذي قتل غردون باشا ولما قدموا راس غردون للمهدي واصحابه اعلن سلاطين باشا اليهودي النمساوي الذي جاء مع جيش المهدية وادعي الاسلام واعلن ان هذا هو راس غردون باشا فبدا الغضب علي وجه الامام المهدي الذي كان قد اوصي قبل اقتحام الخرطوم بعدم قتل غردون باشا وطلب اسره ليسترد به البطل المصري احمد عرابي الذي اسره الانجليز عند احتلالهم لمصر
ومن احياء ام درمان القديمة :
حي الامراء وحي الملازمين وبيت المال وحي الهجرة وحي العرضة وهذه الاحياء كلها مرتبط اسمها بالدولة المهدية , وكذلك من احياء ام درمان القديمة حي الهاشماب والموردة شرق وغرب وحي القماير وحي العمدة وهو اعرق احياء ام درمان لانه كان يسكنه عمدة المنطقة وحي مكي والشهداء والبوستة وحي العرب والمظاهر والمسالمة والركابية والعباسية وحي ابوكدوك وبانت شرق وغرب وحي الضباظ وابوعنجة والكبجاب مجاور لابوروف وودالبنا والعبابدة وحي المستشفي والعرضة . وهذه الاحياء في مجملها مرتبطة ارتباط وثيق وماخوذة تسميتها من الدولة المهدية وسوف نعود لذلك في توثيقنا عنها لاحقا او ان فعل احد المارين العارفين فيكون هو الافضل .
ام درمان توسعت اضعافا مضاعفة خلال العقود القليلة الماضية فنجد من احياءها الحديثة : حي الدوحة والمهندسين وحي تعويضات بيت المال والثورات التي بلغت فوق المائة حارة وحي الروضة وحي السكن الفاخر ومدينة النيل وحي الشاطئ والحتانة وود البخيت والرياض والواحة وام بدة التي فاقت الخمسين حارة وابوسعد التي لا تقل عن امبدة والفتيحاب وحي الشقلة ودار السلام وحي الصالحة .

الطيب شيقوق
16th May 2010, 10:13 AM
بت حجار

شكرا على الكلمات الحنينييييييييييييييي

بس استوقفني هذا البيت لما به من مفردة احسب ان شاعركم قد خمشها من مفرداتنا دون استيحاء

للنيمة والضُل الرهيف .. والنسمة والسِّعن البَردْ

توجد ثلاثة انواع من المواعين المائية الجلدية

السعن وهذا اناء يصنع من جلد البقر ويحمل عادة على ظهور الجمال ( عدلتين)
القربة وهذه تصنع من جلود الاغنام واصغر حجما من السعن وتحمل عادة على ظهور الحمير .

والقربة هي الاكثر استعمالا في البيوت حيث تعلق عادة في شعبة الراكوبة ايام الحر .

ما احلى ان يكون جيبك متروس كنجالات ( فلوس) ومنتكي عل هباب بلاستيك وراسك على مخدة وبدون مرتبة و قربتك معلقة في شعبة الراكوبة جنبك تنقط طق طق طق - اها وتقوم ام اولادك السمحة للفطور بدريييي وتجيك تقول ليك آآآآآآآآ الطيب الليلة ما نضبح ليك الديك اب علاعل - اقوم اديها ضحيكة حلوة وافتح الجزلان اخمش ليها حق الزيت والبصل واقول ليها خلاص نادي الوليدات يمشوا يقبضوا الديك اب علاعل انا ذاتي الليلة مشتهي ونسة خالك صلاح السنجك برسل ليه الوليد يجي يفطر معاى.

تقوم السمحة ام ولدي تمشي تنادي الوليدات يقبضوا اب علاعل والوليدات يعجبوك من حينهم اتجامعوا كلهم وكل واحد شايلو فلكابة او حيمورة . واحلى حاجة تكون منتكي والقربة تنقط طق طق وبعد شوي تسمع كواريك الشفع ( حصل حصل جاك بهناك وتسمع اب علال كاااااااااك كااااااااااك جاري ويأخد ليهو تكية مع المنعطفات لحدي جناحو واحد يلامس الواطة وتوووووووووش يدخل ليك تكل الدوقة وتوووش الوليدات حاصروهو جوة التكل ويقوم يطير فوق في السقف ويجي نازل وتاني بهنا لحدى الفالح فيهم يخمشو - ويلا الوليدات كلهم يجوا جاريين صوب عمهم في الراكوبة وشايلين ابعلاعل وهو بصيح كاك كاك كاك وهلا هلا اقوم اطلع السكين من ضراعي وانا منتكي على صفحتى في الهباب وشخخخخخخخخخخخخ ضبحت اب علاعل ويلا قعد يبتبت في الواطة نامن روحو مرقت .

يلا يا وليدات شيلوهو ودوهو لمعمتكم شامة خلوها تظبطو وتعال انت يا علوب ود الطيب امشي لعمك صلاح السنجك قولو ود شيقوق قالك منتظرك بالفطور . الوليد يقوم جري لعمو صلاح وما يلقاهو ويسأل عمتو اقبال ( عمتو اقبال عمي صلاح وين؟) وللاسف عمتو اقبال تقول ليهو عمك صلاح فات السوق عندو غنماية ماشي يبيعها .

نواصل

اقبال حجار
16th May 2010, 11:25 AM
http://upload.wikimedia.org/wikipedia/commons/thumb/6/61/'anqarib.JPG/800px-'anqarib.JPG
والله يالطيب اتخيلت المشهد الجميل وعشان كدي جبت ليك ضل الراكوبة دة من خلا العتمور بي برش صلاتو عشان تقيِّل فيهو بس فاقد القربة ...ولا تقول خمشنا منكم كان داير زي المفردات دي بنملى البوست ,لكن قنا نديك فرصة....قيلولة طيبة

الطيب شيقوق
16th May 2010, 11:40 AM
http://upload.wikimedia.org/wikipedia/commons/thumb/6/61/'anqarib.jpg/800px-'anqarib.jpg
والله يالطيب اتخيلت المشهد الجميل وعشان كدي جبت ليك ضل الراكوبة دة من خلا العتمور بي برش صلاتو عشان تقيِّل فيهو بس فاقد القربة ...ولا تقول خمشنا منكم كان داير زي المفردات دي بنملى البوست ,لكن قنا نديك فرصة....قيلولة طيبة

مبااااااااااااالغة بت حجار الله يديك العافية
مشهد مع بساطته فهو يحثنا نحن المغتربين على نسيان ذواتنا وان ندير بالنا لهولاء البسطاء الذين يحتاجون منا البسيط الذي يمكن ان يرسم الابتسامة على شفاههم .


قواسيب احترامي

salah hussain
16th May 2010, 01:38 PM
الليلة قطع شك اكل السوق محمدنا
حلة وحرقت يا المسنوح

------

يا خلف الله ---ما عزبتنا
------

الزاكي عبد الحميد
16th May 2010, 02:17 PM
والله يالطيب اتخيلت المشهد الجميل وعشان كدي جبت ليك ضل الراكوبة دة من خلا العتمور بي برش صلاتو عشان تقيِّل فيهو بس فاقد القربة ...ولا تقول خمشنا منكم كان داير زي المفردات دي بنملى البوست ,لكن قنا نديك فرصة....قيلولة طيبة

الأخت إقبال:

الله يريحك دنيا وآخرة إن شاء الله..
ياخي دي صورة معبرة بشكل..
دي صورة بترجِّع أي سوداني مهما كانت مكانته
الإجتماعية أو الأكاديمية أو المهنية لبلد اسمو
السودان..يعني بين ملايين الصورة دي ممكن تكون
زي الهجاني الفي الطوابع القديمة ...

شكراً...شكراً....شكراً..

صديقي شيقا:

الديك ما تضربو براك يالمسنوح..
علي اليمين مشهد ثلاثي الأبعاد متحرك أمامي لحدي هسع
والشفع جارين ورا الديك وريشو ياحليلو مالي واطة الحوش..
يا سلام يا أولاد السودان دا جميل بشكل..


لكم الشكر الوافر ..

الطيب شيقوق
16th May 2010, 02:58 PM
الاخ الزاكي

شكرا شكرا شكرا شكرا شكرا من حلفا لنمولي

لقيت شكري كيف؟

الطيب شيقوق
17th May 2010, 11:03 AM
يا اخوانا انا النت عندي متعطل في البيت من امبارح وفاكر اجي القاكم قطعتوا مشوار

افو افو افو عايزين تنوموا؟

الزاكي عبد الحميد
17th May 2010, 11:50 AM
الأخ العزيز شيقوق:
الجايي أحلى ..إنت بس سن قلمك
وخليك جاهز ...الغربة سترة حال
تعني التأمل في جماليات بلدك الحدادي مدادي
وهي جماليات لا تخطئها العين حين نتأمل كل ما كتب عن السودان
في هذا البوست..وما سيأتي غداً حرفاً على لسان الأستاذ محمد بيرق
عن الشرق الساحر وبطولاته وعلى لسان الأستاذ حماد حمدون عن مجالس البرامكة والعادات والتقاليد لدى المسيرية..
إلى جانب الجديد والجميل من الأستاذ الطيب إدريس عن سنار..
والطواف في بوادينا مع المهندس أبو عاقلة
والأستاذة الشاعرة سمية والأستاذ الزبير..وهناك بالطبع حديث عن الشمالية يأتيك لحناً ملائكي الترانيم
حين يحلق بنا المهندس صلاح حسين وعقيلته الكريمة إقبال
في فضاءات تلك البقعة المباركة من بلادي، هو ما نحن موعودون به غداً وإن غدا ليس ببعيد..

صديقي شيقوق:
نحن معك في هذا المشوار الذي ارتضيناه
ترياقاً لتداعيات الإغتراب..
النوستالجيا كانت وستظل هي منبع كل جميل يكتب..

لك الود..

اقبال حجار
17th May 2010, 11:53 AM
الليلة قطع شك اكل السوق محمدنا
حلة وحرقت يا المسنوح
------
اخوكم البارح شاف الكتابة الكتيرة الفوق وشال الهم من اكل السوق....الغريبة قال ماشاف الديك المضبوح ...على الأقل كان طمنو شوية قرقرقر

بالمناسبة دة باقي القصيدة الفوق فيها كلمات تتونسو بيها لمن يجيكم ابو عاقلة :

لي لحظة من عمر الزمان لا حسرة لا هم لا حرد
تلقانا موقدين اللهب وآمالنا في بطن الترد
ويا حليل زمااااانك يابلد
ويا حليلي وكتين الشمس كانت دميعي علي الافق
ومن الافق دارت تمش تتوارى في توب الغروب
والدنيي حرها حر شِتَي
الفرحة من درب التُرك لفَّت يمين كل الدروب
الحِلِّي كانت صاني صن عِلِّي الهبوب
حاتِّي البَرم سايقي الصفق والكركعوب
وكتين سخيلة الحاجِّي راحت في الكََرو
وكتين بطان الحلي من الجِّن جرو
مرقت ولا لابسالا توب
شايلالا شعبي من الحراز وسبيحي في ايدا اليمين
وحجيل عُقب ان جاتا عين وحبيل ملتق باقي باقي كان محويت
فِشان حلب البقر ولليلي ماشاءالله متين
شايلالا غِنوي وفي الشمال قلباً سمين
نادت بنية بِتَّها وبلا امُر قالتْ لها
شيلي (الحليلي) ونادي اخيِّك كان يجيك
وشيلي (الحليلي) علي النعيجي الوالدي ديك
عشي البُطان.. لاتروحي من بطن البُكان
انا باقي عاد غرداني فيك
ووكتين ابوكي الحاج يصُد قوليلو انْدلَّت مشت
كايسي الخديرة ان اتلقت
وقوليلو في الكرَّاب هناك باقي الحِريجِل والبخور
وآه يا طيور

الطيب ادريس
17th May 2010, 12:11 PM
ود شيقوق اخوي :
باقي ليك تيم صلاح حسين ده .. بنقدر لّنا !

برم وكركعوب وسخيلي وكرو
وشعيبي وحجيلي ومحويت !

أبشر يا شيقوق بس شيل آخر الحرف :happy:
عليك بالياء المكسورة :)
قبال الشايلة المزرقنة ماتجيهم !

الزاكي عبد الحميد
17th May 2010, 12:35 PM
الطيِّبان :

أختنا إقبال نوت ليكم عديل..
الفوق دا المقدمة ساكت..
ود شيقوق ذاكر كويس
خمشات قوقل باقي لي ما تحلك..

الطيب شيقوق
17th May 2010, 01:22 PM
الأخ العزيز شيقوق:
الجايي أحلى ..إنت بس سن قلمك
وخليك جاهز ...الغربة سترة حال
تعني التأمل في جماليات بلدك الحدادي مدادي
وهي جماليات لا تخطئها العين حين نتأمل كل ما كتب عن السودان
في هذا البوست..وما سيأتي غداً حرفاً على لسان الأستاذ محمد بيرق
عن الشرق الساحر وبطولاته وعلى لسان الأستاذ حماد حمدون عن مجالس البرامكة والعادات والتقاليد لدى المسيرية..
إلى جانب الجديد والجميل من الأستاذ الطيب إدريس عن سنار..
والطواف في بوادينا مع المهندس أبو عاقلة
والأستاذة الشاعرة سمية والأستاذ الزبير..وهناك بالطبع حديث عن الشمالية يأتيك لحناً ملائكي الترانيم
حين يحلق بنا المهندس صلاح حسين وعقيلته الكريمة إقبال
في فضاءات تلك البقعة المباركة من بلادي، هو ما نحن موعودون به غداً وإن غدا ليس ببعيد..

صديقي شيقوق:
نحن معك في هذا المشوار الذي ارتضيناه
ترياقاً لتداعيات الإغتراب..
النوستالجيا كانت وستظل هي منبع كل جميل يكتب..

لك الود..

يا اخي جميل انت وحلوة حروفك قال (يأتيك لحناً ملائكي الترانيم)

وحاة النبي عبارة حلوة تذكرني حبة الاندروس البفور زمان داك .

يا اخي انسى ناس البطانة و الشرق والغرب والسناجك كسارين الحروف ديل واكتب لينا انت الاعجمي فقد تخطئ وتصيب .

لقيت الخطأ والصواب كيف؟

الطيب شيقوق
17th May 2010, 01:31 PM
اخوكم البارح شاف الكتابة الكتيرة الفوق وشال الهم من اكل السوق....الغريبة قال ماشاف الديك المضبوح ...على الأقل كان طمنو شوية قرقرقر

بالمناسبة دة باقي القصيدة الفوق فيها كلمات تتونسو بيها لمن يجيكم ابو عاقلة :

لي لحظة من عمر الزمان لا حسرة لا هم لا حرد
تلقانا موقدين اللهب وآمالنا في بطن الترد
ويا حليل زمااااانك يابلد
ويا حليلي وكتين الشمس كانت دميعي علي الافق
ومن الافق دارت تمش تتوارى في توب الغروب
والدنيي حرها حر شِتَي
الفرحة من درب التُرك لفَّت يمين كل الدروب
الحِلِّي كانت صاني صن عِلِّي الهبوب
حاتِّي البَرم سايقي الصفق والكركعوب
وكتين سخيلة الحاجِّي راحت في الكََرو
وكتين بطان الحلي من الجِّن جرو
مرقت ولا لابسالا توب
شايلالا شعبي من الحراز وسبيحي في ايدا اليمين
وحجيل عُقب ان جاتا عين وحبيل ملتق باقي باقي كان محويت
فِشان حلب البقر ولليلي ماشاءالله متين
شايلالا غِنوي وفي الشمال قلباً سمين
نادت بنية بِتَّها وبلا امُر قالتْ لها
شيلي (الحليلي) ونادي اخيِّك كان يجيك
وشيلي (الحليلي) علي النعيجي الوالدي ديك
عشي البُطان.. لاتروحي من بطن البُكان
انا باقي عاد غرداني فيك
ووكتين ابوكي الحاج يصُد قوليلو انْدلَّت مشت
كايسي الخديرة ان اتلقت
وقوليلو في الكرَّاب هناك باقي الحِريجِل والبخور
وآه يا طيور





مبااااااااااااااااااااالغة بت حجار وحاة الله انا بقرأ في القصيدة ووكتين اجي في حرف الياء المكسور آخد لي معاهو تكية وما انعدل علا نامن افوت منو - وتاني اجي في حرف ياء مبروم وتاني امبرم معاهو وعيييييييييييك الواحد بقرأ زى الشايفك سايقة برينسة ماسكة الدركسون وترفعي راحاتك من الابنص في المدالي وتدوسي الابنص في العوالي .

دمتي

الطيب شيقوق
17th May 2010, 01:34 PM
ود شيقوق اخوي :
باقي ليك تيم صلاح حسين ده .. بنقدر لّنا !

برم وكركعوب وسخيلي وكرو
وشعيبي وحجيلي ومحويت !

أبشر يا شيقوق بس شيل آخر الحرف :happy:
عليك بالياء المكسورة :)
قبال الشايلة المزرقنة ماتجيهم !

وحاة الله يا طيوبا كلامك صاح بس تمعط الحرف الاخير من الكليمة عشان تنكشف ليك طوالي تعرف معناها بدون تتلفت .

وداد عوض
17th May 2010, 02:02 PM
معليش برجع ليكم بعد دقايق!

الطيب شيقوق
17th May 2010, 02:58 PM
شايفكم تعبانين ومحتاجين لقسط من الراحة - لذا دعوني أحجيكم باسباب انحسار الرومانسية في قرانا وبوادينا

هذه الأيام – يا زيكو اخوي - يتساءل الكثيرون عن اسباب اختفاء الرومانسية من خارطة حياة الشعب السوداني، وكيف أن الرجل عندنا صاراً بارداً وأحمقاً، ولا يستطيع أن يعبر عن مشاعره بـ المواصفات المتبعة عالمياً
- مع ملاحظة أنني أتحدث عن الرومانسية بعد الزواج، لأن التي قبل الزواج يعتبرها اهلنا في البطانة (قلة أدب ساكت)
- وأرى أن الرجل السوداني يُتهم ظُلماً وبهتاناً بأنه لا يملك مثقال ذرة هيدروجين من الرومانسية، وكـ ضرب مثل، عبارة (صباح الخير)، هذا المقطع إذا أراد الرجل أن يقوله لزوجته تجده يتردد ويردد في نفسه أفكاراً على غرار:
- هسع الولية ده أقول ليها صباح الخير .. تقول الراجل ده الليلة مالو؟
وأعتقد أن الزوج السوداني لديه من الرومانسية ما يكفي لأن يغرق بحنانه كل من دول المكسيك وتركيا ومنطقة حوض البلقان، ولكنه لديه طرقه الخاصة للتعبير عنها، في القرى مثلاً يُعبّر الرجال عن رومانسيتهم بأساليب مبتكرة، منها أن يقول الرجل لزوجته بصوت يحاول أن يجعله حنوناً بقدر الإمكان:


- يا مرة هووي .. قومي سوي لينا الشاي.!
2
بالطبع توجد عدة أسباب مقنعة لانحسار الرومانسية من حياتنا، ومن أهمها (الفلس) .. نعم عزيزي القارئ وعزيزتي القارئة، على حد علمي لا رومانسية مع (الفلس)، الرومانسية كائن ملازم لـ الغني، ويتناسب عكسياً مع (الفلس)، أي كلما زاد (الفلس) قلّت الرومانسية، وكلما قلّت الرومانسية ستجد الفلس من أهم الأسباب، فـ (الفلس) حيثما وُجد يعتبر هادماً لـ اللذات ومفرقاً لـ الرومانسيات، الرومانسية تحتاج إلى جيب ممتلئ بـ (الكاش)، لأن من (تترمنس) معها –من المفترض أن معناها: التي تمارس معها الرومانسية- تحتاج إلى رحلات بريّة وزيارة مطاعم فاخرة، ومنتزهات وحدائق، وتتناسب الرومانسية مع بيت تزغرد فيه العصافير، وتتحاوم فيه الفراشات حول الزهور، وتحفّه نوافير المياه من كل جانب، وتوقد فيه الشموع عند العشاء، بينما تنساب موسيقى حالمة من مكان ما، كل هذا من الصعب أن تجده في بيت سوداني متوسط الحال يمتلئ بالأطفال الذين يتقاذفون بـ (السفنجات) و(الشباشب)، على مدار اليوم.!
كذلك تجد أنّ (السخانة) تعتبر من أهّم مثبطات الرومانسية، فـ الرومانسية أخي الزوج تحتاج إلى جو معتدل وشمس تحجبها الغيوم، لذا تجد أن الرومانسية تتلاشى تدريجياً كلما اقتربنا من خط الاستواء من الشمال أو الجنوب، ويميل مقياس الرومانسية للصفر المطلق عندما تتحد السخانة مع انقطاع التيار الكهربائي، وهنا تصبح الأخلاق أضيق من المسافة بين الهمزة والألف، حينها تهرب الرومانسية من الباب أو الشباك أيهما أقرب.!
ومما لا شك فيه أن الرومانسية تحتاج إلى ذاكرة قوية، فـ أنت حتى تكون رومانسياً يشار إليه بالبنان، تحتاج أن تتذكر تاريخ أول لقاء بينكما .. تاريخ الخطوبة .. تاريخ زواجكما حتى تفاجئ بعلتك الكريمة بهدية في هذه التواريخ، ولكن المشكلة أنك قد تنسي حتى السنة التي تزوجت فيها، دعك من تذكر اليوم والشهر، علاوة على أن هنالك من ينسون حتى القرن الذي تزوجوا فيه.!
الرومانسية تحتاج إلى تنازل، مثل أن تدخل المطبخ وتساعد زوجتك في (كتل البصلة) أو تحمير شيء ما، وهذا الفعل يعتبره الرجل السوداني عيباً كبيراً يتطور إلى مصيبة فادحة إذا تم قبضه متلبساً بفعلته هذه من قِبَل أحد معارفه، (كبتنية بحتة) وإذا أردت أن تُطبّق ما عُلم من الرومانسية بالضرورة، يمكنك أن تستيقظ مبكراً قبل زوجتك وتجهّز شاي الصباح وتُحْضِر لها كوبها إلى السرير، وهذه لعمري لا يفعلها إلا (قيس بن الملوح) إذا حدث وجمعته القسمة بـ (ليلي العامرية).!
3
الإنجليز لديهم مثل يقول:
- في العام الأول من الزواج يتكلم الرجل وتصمت المرأة، وفي العام الثاني تتكلم المرأة ويصمت الرجل، وفي العام الثالث يتكلم الاثنان ويسمع الجيران.!
من الواضح أن الإنجليز هؤلاء رومانسيون كما أتت الرومانسية في الكتلوج، عندنا هنا الزوجان يتكلمان والجيران يستمعون منذ الشهر الثالث، وما اعرفه أن الخواجات لديهم أساليبهم الخاصة والغريبة في إظهار رومانسيتهم، ولديهم اقتراحات عديدة، وكلها على مستوى واحد من الحماقة، وإذا كنت من محبي الإنجليز يمكنك تجربتها وإن كنت أشك في ذلك.!
منهم من يوصي بني جلدته ويعطيهم نصائح قيمة ليكونوا رومانسيين على طراز رفيع، ومن هذه الوصايا أن تأخذ زوجتك في رحلة إلى سفوح (جبال الألب) لتستمتعان بالتزلج هناك، بما أننا –للأسف- ليست لدينا جبال (ألب) في سوداننا الحبيب، لكن أعتقد أن (جبل عوينات) أو (جبل الدائر) يمكن أن يقوما بهذه المهمة على أكمل وجه.!

يقولون أيضاً أدعوها –أي زوجتك- لمطعم راق واستأجر لها أوركسترا لتعزف لكما أغاني الحب والسلام حتى تحس بطعم جديد للرومانسية، ولكن نقول نحن: أن هذا الشيء لا يمكن حدوثه إلاّ في فيلم هندي غير مترجم.!
4
· هكذا يمكننا أن نصل إلى أن الرجل السوداني من الصعب أن يكون رومانسياً حتى النخاع، ولن يصل بالهين إلى مرحلة (سأبقى من أجلك حتى تحترق النجوم)، ومن الصعب أن تنفجر ماسورة عواطفه لتغرق الميادين في أرض الواقع والبيئة السودانية التي لا تشجع على الرومانسية التي نراها في الفضائيات.!
· المرأة أحياناً لا تشجع على الرومانسية، وبالذات النساء اللواتي لا يسرهنّ سوى انخفاض سعر الطماطم ولا يضايقهن سوى ارتفاعها، ومعهنّ اللواتي يعتبرن أن زيادة عدد الصحون في المائدة يعتبر من أرقى أنواع الرومانسية، سبق وأن قصصتُ عليكم حكاية الفتاة التي قال لها زوجها:- داير حبة رومانسية في البيت ده.!
فذهبت البنت لأمها لتسألها ماذا يقصد الرجل، فقالت لها:
- والله يا بتي أنا ما عارفة رومانسية دي شنو .. لكن للضمان أعملي جدادة مسبكة في الغداء.!
· الرجل السوداني يعتبر أن الرومانسية هي تنازل واستسلام للمرأة، ويعتقد أن الرجل حينما يبدأ بتنازل بسيط بعدها ستتحول بقية حياته كلها إلى استسلام.

· وآخر الكلام إذا لم تستطع أن تكون رومانسياً، فكن زوجاً مثالياً، وتذكري أيتها الزوجة أن الزوج لا يكون مثالياً إلا إذا كانت الزوجة مثالية.!

الطيب ادريس
17th May 2010, 03:12 PM
أصل كلمة سنار

قبل فترة ظهر رجل سوداني معمر أمد الله عمره ومتعه بالصحة والعافية في قناة الجزيرة .
يتحرك الرجل بخفة ويتكلم بطلاقة ولا تجاعيد في وجهه سوي سقوط بعض من أسنانه !
الرجل عمره 150 سنة بالتمام والكمال !
وقال بعظمة لسانه أنه شارك وشهد بناء خزان سنار وسلم علي الامام المهدي في يده .
الرجل لم يكن يعلم به أحد لانه بعيد من المدنية والاعلام والناس ( القيافة ) لذلك لم يجد أي ازعاج ويعيش حياة الرعاة في نواحي مدينة القضارف .
ولم يتعرض أيضا في حياته لما يعكر صفوة معيشته الخلوية وازعاج المتطفلين .. الا أن اكتشف وجاءت به أكبر قناة فضائية وعلي الملأ العالمي ليدخل
(موسوعة جينز بجدارة وسيكون ( Seniority ) علي كل من سبقوه من معمري العالم .
الرجل عنده السر الوحيد عن تسمية وكلمة واصل سنار .

وبالله ياجماعة ماتخمونا .. عبد الله بن سرح لو عجبتو بلاد بني دنقل وبني شايقي كان أولي به ان يستقر هناك ولا يأتي بالعروبة والاسلام الي هذه المنطقة العريقة !!

مدينة عريقة وعملاقة ظلت على مدى التاريخ تقدم للسودان الماء يروي الجزيرة كلها فتخضر وينعم السودان كله بذلك..الكهرباء.. عرفتها سنار المدينة منذ عام 1961 وتصدر الكهرباء الى المدن الأخرى وتبقى سنار هي باقي دولة الفونج والسلطنة الزرقاء ومملكة سنار ..

هذة المنطقة لها تاريخها العريض والكبير علي صعيد الشرق الاوسط والافريقي والعربي وفي جذورها مملكة الفونج التاريخية والسلطنة الزرقاء واذا استعرضنا هذا التاريخ لاتكفيه هذة العجالة واكتفي بالقول انها حكمت دولة السودان الحالية 350 عاما من قبيلتي الفونج 200 عاما والهمج 150 عاماالا ان تاريخ تلك المنطقة مهمل ولكنه موجود في الوثائق والمراجع التاريخية ونحن في منظمة سنار للتواصل نعمل جاهدين علي توفير واثراء وتأصيل هذا التاريخ وهذه المهمة ليست سهلة ابدا وأرجو التواصل معنا في هذا الشأن علي www.sennar-net.com/vb

القبائل ويظهر ما ذكره المستر (ك. م. باربر) استاذ الجغرافيا بجامعة لندن وجامعة الخرطوم سابقاً ... أنه ليس من الاعتقاد بأن سكان سنار جميعهم أحفاد الأمويين الذين هربوا من الحجاز بعد انهيار الدولة الاموية اذ نجد مواطني تلك المنطقة يمثلون خليطاً غريباً من السكان اذ يوجد الفونج بجوار العرب والقبائل الزنجية ومهاجري غرب افريقيا وهم قبائل الفولاني (فلاتا وهوسا والبرنو والامبررو) وباستثناء بعض المجموعات العربية المختلفة وبدون تطرف للفروع هي:

الكماتير (جزء من قبيلة القواسمة)
الهمج
الأشراف ( قبائل عربية متعددة )
الفونج
الجبلاويين
همج تورناسي (منطقة الكيلي)
الانقسنا
الكدالو
القمز
البرون
الأدك
الكوما
الوطاويط (وهم المولدون "عربا – برتا)
الراقريف
المشنة وهم من أصل اثيوبي يسكنون مع الكماير في منطقة الجرف شمال الروصيرص
الشنانة – او الشناني – وهم مولدون (حبش – قالا) اذ نجدهم من الأصل الاثيوبي كما يطلق اسم شناشو عليهم والتشابه وأصبح بين شناشة وشناجو او سناشو.
مجموعة عمودية قلي وهم ينتمون لاصول مختلفة ويكون بعضهم جماعات لها مميزاتها الاجتماعية الفريدة المميزة.

المجموعات العربية (كنانة – رفاعة – البطاحين) ومن هذه المجموعات ينتسب الشيخ فرح ود تكتوك والطيب شيقوق وحيدر أبشنقرة والطيب ادريس .. اشارة فقط :) قالوا الماسك القلم مابكتب نفسه شقي http://www.sudaneseclub-oman.com/vbforum/images/icons/icon2.gif

نواصل في أصل كلمة سنار ؟

الطيب شيقوق
17th May 2010, 03:34 PM
شكرا اخي الطيب

العودة الى سنار (http://www.maktoobblog.com/search?s=%D9%85%D8%AD%D9%85%D8%AF+%D8%B9%D8%A8%D8% AF+%D8%A7%D9%84%D8%AD%D9%8A+-+%D8%B3%D9%86%D8%A7%D8%B1&button=&gsearch=2&utm_source=related-search-blog-2010-05-17&utm_medium=body-click&utm_campaign=related-search)
النشيد الثاني للشاعر محمد عبد الحي رجل الغابة والصحراء



سأعود اليوم يا سنَّار ، حيث الحلم ينمو تحت ماء الليل أشجاراً
تعرّى فى خريفى وشتائي
ثم تهتزّ بنار الأرض، ترفَضُّ لهيباً أخضر الرّيش لكى
تنضج فى ليل دمائي
ثمراً أحمر فى صيفى ، مرايا جسدٍ أحلامه تصعد فى
الصّمتِ نجوماً فى سمائى
سأعودُ اليوم ، ياسنّارُ ، حيث الرمزُ خيط’’،
من بريقٍ أسودٍ ، بين الذرى والسّفح ،
والغابةِ والصحراء ، والثمر النّاضج والجذر القديمْ.
لغتى أنتِ. وينبوعى الذى يأوى نجومى ،
وعرق الذَّهب المبرق فى صخرتىَ الزرقاءِ ،
والنّار التى فيها تجاسرت على الحبِّ العظيمْ
فافتحوا ، حرَّاسَ سنّارَ ، افتحوا للعائد الليلة أبواب المدينة
افتحوا للعائد الليلة أبوابَ المدينة
افتحوا الليلة أبواب المدينة.
- (http://www.maktoobblog.com/search?s=%D9%85%D8%AD%D9%85%D8%AF+%D8%B9%D8%A8%D8% AF+%D8%A7%D9%84%D8%AD%D9%8A+-+%D8%B3%D9%86%D8%A7%D8%B1&button=&gsearch=2&utm_source=related-search-blog-2010-05-17&utm_medium=body-click&utm_campaign=related-search) "بدوىُّ أنتَ ؟"
"لا –"
- (http://www.maktoobblog.com/search?s=%D9%85%D8%AD%D9%85%D8%AF+%D8%B9%D8%A8%D8% AF+%D8%A7%D9%84%D8%AD%D9%8A+-+%D8%B3%D9%86%D8%A7%D8%B1&button=&gsearch=2&utm_source=related-search-blog-2010-05-17&utm_medium=body-click&utm_campaign=related-search) " من بلاد الزَّنج ؟"
" لا –"
أنا منكم. تائه’’ عاد يغنِّى بلسانٍ
ويصلَّى بلسانٍ
من بحارٍ نائياتٍ
لم تنرْ فى صمتها الأخضرِ أحلامُ المواني.
كافراً تهتُ سنيناً وسنينا
مستعيراً لى لساناً وعيونا
باحثاً بين قصور الماء عن ساحرةِ الماء الغريبه
مذعناً للرِّيح فى تجويف جمجمة البحر الرهيبه
حالماً فيها بأرض جعلت للغرباء
- (http://www.maktoobblog.com/search?s=%D9%85%D8%AD%D9%85%D8%AF+%D8%B9%D8%A8%D8% AF+%D8%A7%D9%84%D8%AD%D9%8A+-+%D8%B3%D9%86%D8%A7%D8%B1&button=&gsearch=2&utm_source=related-search-blog-2010-05-17&utm_medium=body-click&utm_campaign=related-search)تتلاشى تحت ضوء الشمس كى تولد من نار المساءْ _
ببناتِ البحر ضاجعنَ إله البحر فى الرغو…
(إلى آخِرِهِ ممّا يغنِّى الشعراءْ!)
ثمَّ لّما كوكب الرعب أضاءْ
إرتميت.
ورأيتُ ما رأيتُ :
مطراً أسود ينثوه سماء’’ من نحاسٍ وغمام’’ أحمر’. شجراً أبيض – تفاحاً وتوتاً – يثمرُ
حيث لا أرض ولا سقيا سوى ما رقرق الحامض من رغو الغمام.
وسمعتُ ما سمعتُ :
ضحكات الهيكل العظمىِّ ، واللحم المذابْ
فوق فُسفورِ العبابْ
يتلوى وهو يهتزّ بغصّات الكلامْ.
وشهدتُ ما شهدتُ :
كيف تنقضّ الأفاعى المرعده
حينما تقذف أمواج الدخان المزبده
جثةً خضراء فى رملٍ تلظىَّ فى الظلامْ.
صاحبى قلْ ! ما ترى بين شعاب الأرخبيلْ
أرض "ديك الجن" أم "قيس" القتيل ؟
أرض "أوديب" و"ليرٍ" أم متاهات " عطيل" ؟
أرض "سنغور" عليها من نحاس البحر صهدُُ لا يسيلْ؟
أم بخار البحر قد هيّأ فى البحر لنا
مدناً طيفيّةً ؟ رؤيا جمالٍ مستحيل؟
حينما حرّك وحش البحر فخذيه : أيصحو
من نعاسٍ صدفى ؟ أم يمجُّ النار والماء الحميما؟
وبكيتُ ما بكيت :
من ترى يمنحنى
طائراً يحملنى
لمغاني وطنى
عبر شمس الملح والريح العقيمْ
لغة تسطعُ بالحبِّ القديمْ.
ثم لّما امتلأ البحرُ بأسماكِ السماءِ
واستفاقَ الجرسُ النائم فى إشراقةِ الماء
سألتُ ما سألت’ :
هل ترى أرجع يوما
لا بساً صحوىِ حلما
حاملاً حلمىَ همّا
فى دجى الذاكرة الأولى وأحلام القبيلة
بين موتاى وأشكال أساطير الطفوله.
أنا منكم .جرحكم جرحى
وقوسى قوسكم.
وثنى مجَّد الأرضَ وصوفىِّ ضريرُُ
مجَّد الرؤيا ونيران الإلهْ.
فافتحوا
حرَّاس سنّارّ ،
افتحوا بابَ الدَّم الأوّلِ
كى تستقبل اللغةَ الأولى دماهْ
حيث بَلُّور الحضورْ
لهبُُ أزرقُ
فى عينِ
المياهْ
حيثُ آلافُ الطيورْ
نبعتْ من جسدِ النّارِ.
وغنّتْ
فى سماوات الجباهْ.
فافتحوا ، حرّاسَ سنّار ،
افتحوا للعائد الليلة أبواب المدينة
افتحوا الليلة أبواب المدينة
افتحوا…..
" إنّنا نفتح يا طارقُ أبواب المدينة
"إن تكن منّا عرفناك ، عرفنا
" وجهنا فيك : فأهلاً بالرجوعْ
" للربوعْ.
" وإذا كنتَ غريباً بيننا
" إنّنا نسعد بالضِّيف ، نفدِّيهِ
" بأرواحٍ ، وأبناءٍ ، مالْ
" فتعالْ.
" قد فتحنا لك يا طارقُ أبواب المدينة
" قد فتحنا لك يا طارقُ…
" قد فتحنا…."
ودخـــلتُ
حافيا منكفئا
عارياً ، مستخفياً فى جبة مهترئة
وعبرتُ
فى الظلامْ
وانزويت
فى دياجير الكلام
ونمــــتُ
مثلما ينامُ فى الحصى المبلول طفل الماءْ
والطّير فى أعشاشهِ
والسمك الصغير فى أَنهارِهِ
وفى غصونها الثِّمارُ
والنجوم فى مشيمةِ
السماءْ.

salah hussain
17th May 2010, 03:50 PM
الطيب ابو كسكسيقا
انقرع
انقرع
كلامك ولمزك قريناهو
ومحدرين ليك ومصبرين
ارجانا الخميس فجر --نفضى ليك
والطيب ---تقليدى ---
برضو انقرع

الطيب ادريس
17th May 2010, 04:05 PM
الطيب ابو كسكسيقا
انقرع
انقرع
كلامك ولمزك قريناهو
ومحدرين ليك ومصبرين
ارجانا الخميس فجر --نفضى ليك
والطيب ---تقليدى ---
برضو انقرع

ود شيقوق انت صلاح ده :

ساري الليل

ولا

ابودفان ( الدفانة ) :confused::)

وداد عوض
17th May 2010, 04:49 PM
كتب الاستاذ الطيب شيقوق :

شايفكم تعبانين ومحتاجين لقسط من الراحة - لذا دعوني أحجيكم باسباب انحسار الرومانسية في قرانا وبوادينا

الأخ الاستاذ الطيب شيقوق :

استراحة محارب فيها من العبر
والعظات ما فيها .
لك الشكر ونتوقع المزيد مع الإطلالة الجديدة
للبوست في ثوبه القشيب في الأيام المقبلة .

وتشكر يا أبو عبد الله
وياها المحرية فيك آآآآآآ اللخو

وداد عوض
17th May 2010, 04:55 PM
الأخ الاستاذ الطيب أدريس

ما ذكرته عن سنار هو أهم ركيزة
من الركائز التي اعتمد عليها البوست
لتجسيد معنى الجمال المتمثل في السودان
من حيث تاريخه وأرضه وناسه وكل أوجه
حياته

لك الشكر ، وواصل
وهذا حديث يجب أن لا ينقطع

الطيب شيقوق
17th May 2010, 07:10 PM
الطيب ابو كسكسيقا
انقرع
انقرع
كلامك ولمزك قريناهو
ومحدرين ليك ومصبرين
ارجانا الخميس فجر --نفضى ليك
والطيب ---تقليدى ---
برضو انقرع

انت تعال بالنهااااااااااااااااااااااااار بطل الدفنان والسربة الليلية

الطيب شيقوق
17th May 2010, 07:11 PM
وياها المحرية فيك آآآآآآ اللخو


عييييييك زولتكم دي بقت فاقدة الدوباي سااااى

وداد عوض
17th May 2010, 10:00 PM
كتبت الأخت إقبال :


ووكتين ابوكي الحاج يصُد قوليلو انْدلَّت مشت
كايسي الخديرة ان اتلقت
وقوليلو في الكرَّاب هناك باقي الحِريجِل والبخور
وآه يا طيور

وآآآشريري
الحريجل والبخور ولا ثالث لهما ....
للاستشفاء من كل ما يلم بهم من ألم ..
هما العلاج لآلام الرأس والبرد والبطن ...
لم تجد مفردة الصيدلية طريقاً لقواميسهم بعد ...
كم من السنين يا ترى يكون هذا
العجوز قد واظب على هذا الدواء ..
ما يؤلم يا اختي إقبال أن هناك من
يدعي التهميش ويتهم الشمال بأنه
المسيطر على الحكومات التي توالت
على السودان منذ استقلاله أو لعله قبل ذلك بكثير .....
هل يعقل أن يكون هناك تهميش أكثر
مما نقلته لوحة هذا الشاعر الفنان !!!!
ولكن هي حياة هم مقتنعون بها ويشعرون
بسعادة لا تشوبها شائبة....

ودعتك الله يا إقبال وإلى لقاء أخر
مع معزوفة أخرى من أهلكم الحنان

الطيب شيقوق
18th May 2010, 11:41 AM
فوق ومحل رهيفة تنقد

الطيب شيقوق
18th May 2010, 12:53 PM
ما زلنا في سياق الحديث عن ولاية سنار

نواصل

بولاية سنار اكبر محمية في العالم وهي محمية الدندر الاتحادية . تم اعلان محمية الدندر كمحمية قومية فى بواكير 1935 ، وتقدر مساحتها ب 3500 ميلاً مربعاً . وتبعد المحمية عن الخرطوم مسافة 300 ميل ، ويمكن للزائر الوصول اليها براً . وتستغرق الرحلة بالعربات خمسة ساعات حتى محطة القويسى (الدندر) ، ومن ثم مواصلة الرحلة للمحمية لفترة لا تزيد عن ثلاث ساعات .

وتعتبر الفترة من يناير حتى ابريل من افضل الفترات لزيارة المحمية ذات الموقع الفريد حيث تغطيها السهول ذات الحشائش والنباتات والادغال ، بجانب البرك والبحيرات وملتقيات الانهار ، مما يخلق مناخاً مناسباً لتكاثر الحيوانات . وإتاحة الفرصة للسياح لاكتشاف ثراء الطبيعة البكر.

ومن اهم الحيوانات التى توجد بمحمية الدندر : الجاموس الافريقى ، وحيد القرن ،الافيال ، ظبى القصب ، البشمات ، ظبى الماء ، الكتمبور ، الزراف ، التيتل النلت ، الاسود ، الضباع ، النمور، الحلوف ، ابو شوك ، القط ابو ريشات ، النسانيس والغزلان وغيرها من الحيوانات الصغيرة.

اما فيما يتعلق بالطيور فإن السودان به اكثر من 983 نوعاً من الطيور من اهم الانواع التى توجد بمحمية الدندر : دجاج الوادى ، نقار الخشب ، البجع الابيض ، ابو سعن ، الغرنوق ، الرهو ، النعام وغيرها .

الزاكي عبد الحميد
18th May 2010, 02:39 PM
ما زلنا في سياق الحديث عن ولاية سنار

نواصل

بولاية سنار اكبر محمية في العالم وهي محمية الدندر الاتحادية . تم اعلان محمية الدندر كمحمية قومية فى بواكير 1935 ، وتقدر مساحتها ب 3500 ميلاً مربعاً . وتبعد المحمية عن الخرطوم مسافة 300 ميل ، ويمكن للزائر الوصول اليها براً . وتستغرق الرحلة بالعربات خمسة ساعات حتى محطة القويسى (الدندر) ، ومن ثم مواصلة الرحلة للمحمية لفترة لا تزيد عن ثلاث ساعات .

وتعتبر الفترة من يناير حتى ابريل من افضل الفترات لزيارة المحمية ذات الموقع الفريد حيث تغطيها السهول ذات الحشائش والنباتات والادغال ، بجانب البرك والبحيرات وملتقيات الانهار ، مما يخلق مناخاً مناسباً لتكاثر الحيوانات . وإتاحة الفرصة للسياح لاكتشاف ثراء الطبيعة البكر.

ومن اهم الحيوانات التى توجد بمحمية الدندر : الجاموس الافريقى ، وحيد القرن ،الافيال ، ظبى القصب ، البشمات ، ظبى الماء ، الكتمبور ، الزراف ، التيتل النلت ، الاسود ، الضباع ، النمور، الحلوف ، ابو شوك ، القط ابو ريشات ، النسانيس والغزلان وغيرها من الحيوانات الصغيرة.

اما فيما يتعلق بالطيور فإن السودان به اكثر من 983 نوعاً من الطيور من اهم الانواع التى توجد بمحمية الدندر : دجاج الوادى ، نقار الخشب ، البجع الابيض ، ابو سعن ، الغرنوق ، الرهو ، النعام وغيرها .

الأستاذ الطيب:
نشكرك أولاً على المعلومات القيمة عن الدندر ..
السودان يزخر بموارد سياحية ضخمة ولكن ما يجعل السائح يتردد عن
زيارة السودان وبخاصة المناطق البعيدة عن المدن كالخرطوم مثلاً هو تردي الخدمات في تلك المناطق وغياب البنية التحتية غياباً كاملاً..

السؤال الذي يفرض نفسه هو:
هل حديقة الدندر الطبيعية مجهزة بالكامل لاستقبال الزوار؟
هل بها مطاعم وأماكن مناسبة للإقامة؟
هل يوجد بالحديقة مرشدون سياحيون لخدمة السائح الأجنبي؟

في ظني أن الإجابة عن كل الأسئلة التي أوردتها تجيء بالنفي..
ليقيني أن السودان على الرغم من ثروته السياحية الهائلة لم تعتمد
السياحة كصناعة مثلما هو الحال في الدول الأفريقية المجاورة التي
تمثل السياحة نسبة مقدرة من دخلها القومي وبالتالي هي معروفة في الخارطة السياحية العالمية..بمعنى أنك لا تستغرب إن شاهدت في قلب لندن
أو برلين أو موسكو الطيران الأثيوبي يعلن عن الجانب المكمل للخدمة الجوية لبلادهم أي السياحة! إنك ستجد مثلاً في هذه المدن الكبيرة صورة أسد يكشر عن أنيابه مبتسماً ولسان حاله يدعو السائحين لزيارة أثيوبيا أو يوغندا أو كينيا..

ما ذكرته يا صديقي عن الدندر مفخرة لأي سوداني ومن المؤكد أن
فخره يزداد علواً إلى عروش الشمس لو كان العالم يدري بما للسودان
من موارد تؤهله لريادة الصناعة السياحية في أفريقيا وربما في الشرق
الأوسط..

من المؤلم يا صديقي أن الحكومات التي توالت على السودان منذ استقلاله
لم تهتم إطلاقاً بالسياحة ومقوماتها..
أقول ذلك وفي ذهني صورة لسيف بادي أبو شلوخ يزين مدخل المتحف الأهلي في القاهرة وعليه عبارة "هدية من الرئيس نميري"..
فتأمل!
من أعطاه الحق في ذلك؟
هل يا ترى توجد في متاحفنا القومية وغير القومية
نسخة أخرى من هذا السيف؟
هذا يا سيدي مثال واحد وهناك العديد..

الكثير من مشاكل السودان مردها إلى
ضيق أفق من يولون أمره ودونك المرحوم نميري!

السني أبوالعزائم
18th May 2010, 03:28 PM
عزيزي الزاكي،،، فلتسمح لي بالإختلاف معك فيما توقعت من إجابة. فإن (تجرأت) وسألت أي من المسئولين، فإن إجابته ستكون خلاف ما ذكرت،، بل سيقول لك انها مجهزة تماما. والعبرة هنا في (ما هي المقاييس التي تحدد عليها التجهيزات).
ومن هنا،، يكون توقعك بالنفي،،، وإجابته بالإيجاب،، وهو ما سيكون عكس ما تراه أم عينيك،،، وأهه براك قلت،، نميري أهدي سيف بادي أبوشلوخ

صور من حديقة الدندر،، أو الفردوس المظلوم
http://www.alhsa.com/forum/imgcache/251005.imgcache http://minic.gov.sd/images/donkey.jpg http://www.alrahhalah.com/vb/gallery/data/534/medium/zyzoom-9e0089df90_1_.jpg http://arabic.people.com.cn/200211/05/images/0507s.jpg http://www.gadarifstate.gov.sd/images/Gadariftourism.JPG

السني أبوالعزائم
18th May 2010, 03:29 PM
http://t3.gstatic.com/images?q=tbn:tEH3hVCR0Z3DyM:http://www2.0zz0.com/2010/01/18/01/335944294.jpg http://t3.gstatic.com/images?q=tbn:mu-rkEK0g_rxMM:http://www.sudantodayonline.com/newsm/3056.jpg http://t1.gstatic.com/images?q=tbn:dYVNlnCBYFQpxM:http://www.mohammedhassan.com/wp-content/uploads/2009/05/image015.jpg http://t2.gstatic.com/images?q=tbn:g9IGSYusimqFXM:http://alraed-sd.com/portal/thumbnail.php%3Ffile%3Ddender_909707833.jpeg%26siz e%3Darticle_medium http://t3.gstatic.com/images?q=tbn:bdo3wys6Ay5zDM:http://www.aawsat.com/2005/03/16/images/travel.288252.jpg http://t3.gstatic.com/images?q=tbn:1i0zXSNGgy5EGM:http://www.aleppos.net/forum/attachment.php%3Fattachmentid%3D301539%26d%3D12152 95591 http://t3.gstatic.com/images?q=tbn:T5FviuAcBtXH0M:http://www.savedinder.com/html/en/assets/images/bg_start.jpg http://t2.gstatic.com/images?q=tbn:8a--drAjwxI96M:http://sudanpolice.gov.sd/wahdat-15_files/image058.jpg

المتأمل للصور أعلاه،، يدرك أن الجمال في الدندر ليس غزلان وحيوانات برية فقط،، بل هناك سحر الطبيعة الذي يأخذ الألباب

الطيب شيقوق
18th May 2010, 04:39 PM
الاخوان

الزاكي

السني

جاييكما للرد على استفسارات الزاكي وللتعليق على الصور التي عرضها مشكورا الاخ السني


مودتي

الطيب ادريس
18th May 2010, 08:31 PM
al dindir national park

http://thumb10.webshots.net/t/71/71/7/85/83/2175785830041110650UKgZqB_th.jpg
عزيزي السّني :

هذه اللوحة تقابلك بعد طول سفر ليس بالطائرة ولكن بالطريق البّرّي بعد طول عناء وانت أمام هذه اللوحة تقول الحمد لله الوصلنا طريقة الرجعة كيف !! .. تصور .. هذه المحمية كما ذكر الأخ شيقوق من أكبر المحميات عالميا لا يوجد لها طريق مسفلت من مدينة سنار .. ومن هنا صرخة الي الأخ سعادة الوالي (( مهندس أحمد عبّاس ) !!!


السني عرفنا كل حاجة هابشنا مالك .. قاعدين نجي نصور عندكم .. نعرس عندكم ..
نبني عندكم .. لكن برضو مالوا من شيمتنا اكرام الضيف وحبابك عشرة وتعال النوريك ( كديب صور الدندر ياغالي ) .. وأحبك وطن مدادي .. تتعشي لحم وزين ولا رهو ولا حبار ولا أحسن ليك الضبيحة .. الطيب شيقوق عليك الله حضّر اللبن والروب والسمّن للجنا ده ...

http://www.mohammedhassan.com/wp-content/uploads/2009/05/image058.jpg

الطيب ادريس
18th May 2010, 08:38 PM
http://www.biologie.uni-hamburg.de/b-online/afrika/0885/0885_14.jpg

الطيب ادريس
18th May 2010, 08:55 PM
http://farm1.static.flickr.com/229/485477485_879dd51884.jpg

السني أبوالعزائم
18th May 2010, 09:04 PM
الطيب ياخوي،، كان للكبر،، بنعرف نكبر،،، إنت كدة الجيتني في محلي،،،
وخلينا من ده،، نرجع للغربة وحديث وداد اللزيز،، ومن حديقة الدندر،،، فقد لا يعلم الكثير ان هذا هو صقر الجديان
http://t3.gstatic.com/images?q=tbn:tEH3hVCR0Z3DyM:http://www2.0zz0.com/2010/01/18/01/335944294.jpg


http://www2.0zz0.com/2010/01/18/01/335944294.jpg

الطيب ادريس
18th May 2010, 09:07 PM
جاييك .. يا خوي انت في بلدنا أطرش في الزّفة http://www.sudaneseclub-oman.com/vbforum/images/smilies/biggrin.gif

أيوه يا السني ده فعلا صقر الجديان .

الطيب ادريس
18th May 2010, 09:08 PM
http://farm1.static.flickr.com/167/486208331_2788200e96.jpg

الشروق في الدندر

الطيب ادريس
18th May 2010, 09:09 PM
http://farm1.static.flickr.com/224/486311244_5f6addfc6c.jpg

القرود.

الطيب ادريس
18th May 2010, 09:12 PM
http://farm1.static.flickr.com/251/520081072_f9082ad92b.jpg

طيور الدندر ساعة المقيل .

الطيب ادريس
18th May 2010, 09:13 PM
http://farm1.static.flickr.com/202/486311282_1509baf721.jpg

وكمان العسل الطبيعي

الطيب ادريس
18th May 2010, 09:16 PM
http://farm1.static.flickr.com/182/486311278_518547f2b5.jpg

خضرة وينعة وزفة ألوان .

الطيب ادريس
18th May 2010, 09:23 PM
ملخص بالصورة والصوت لمحمية الدندر :

YouTube- Dinder National Park - Sudan ????? ?????? ????????

لكم شكري وتقديري
لقيتونا كيف يا أولاد البندر
أقصد :
بني دنقل والمحس
وبني شايقي ;)

الطيب ادريس
18th May 2010, 09:36 PM
الي العزيز السني :

نعم هذا هو صقر الجديان الذي يتواجد بكثرة في محمية الدندر
ومنه جاء شعار الدولة الرئيسي للسودان .


http://www.betasudan.com/secret1.jpg

http://thm-a01.yimg.com/nimage/bbac3404345ab912

وداد عوض
18th May 2010, 10:16 PM
الأخ الأستاذ الطيب إدريس

كانت الأرض جدباء فجاء حديثكم عن
سنار الأصل ليحيلها إلى مروج خضراء
بجميل وصفكم..
وها أنتم تزينون اللوحة أكثر بالصور
الجميلة التي تبرز ما يتمتع به سوداننا
من خيرات ..... :happy: :clap: :happy: :clap:

حفظكم الله ذخراًًًًً للسودان
وحفظ السودان واحداً موحداً

______________________

سؤال خارج النص:
مسعول من الخير يا الطيب أخوي
وينو أخوك ما قال الدندر دي حقتهم أسلي فسلي...

الطيب ادريس
18th May 2010, 10:36 PM
أخت وداد :

آي يلحيل الطيب أخوي من البردانة في نص الدندر .. كيفن عاد
ديل أهل الساس والراس ..
بس كلامه غير .. الشدر والخضرة والانعام وأيام الجهل :

وقبال ما الصور تنشال .. شيقوق الدناقلة بسألو منك ;)

الطيب شيقوق
19th May 2010, 01:06 AM
يا اخوانا واخواتنا جيتكم لكن ابدأ من وين

من سؤال الاخ الزاكي عن افتقار المحمية للبنيات التحتية؟

لكلام السني ابو العزائم ؟

لابداع الطيب ود دريس الذي اتاني بفلم لم اشاهده من قبل ؟

من كلام وداد الغارت من حظيرتنا وكمان عايزة تتباجح وتقول انا ما من الدندر ؟

بجيكم للاجابة والرد على كل الاستفسارات ولكن المهم والمهم والمهم هو ورود خبر للتو يؤكد فيه اخي وصديقي المدير الاقليمي لشرطة الحياة البرية بالدندر من خلال الفضائية السودانية ان الافيال التي غابت عن محمية الدندر قد عادت اليها وبدات تظهر بكميات كبيرة .

والمهم ان تلك المحمية تبعد من قريتنا البردانة مسافة 100 كيلو فقط يعني زى نزوى من هنا .

وجاييكم

شكرا يا طيوبا

الطيب شيقوق
19th May 2010, 01:45 AM
الليلة مساهر ليكم ومشرّك عديل للسنجك ما يجي يشخبط لينا البوست بالليل دا المسنوووووووووووح

الزاكي عبد الحميد
19th May 2010, 10:06 AM
ولكن المهم والمهم والمهم هو ورود خبر للتو يؤكد فيه اخي وصديقي المدير الاقليمي لشرطة الحياة البرية بالدندر من خلال الفضائية السودانية ان الافيال التي غابت عن محمية الدندر قد عادت اليها وبدات تظهر بكميات كبيرة .


خبر يثلج الصدر حقيقة أخي الطيب..
وليت كل العصافير الملونة التي هاجرت تعود..

الفوجة التي أشارت إليها الأخت وداد
في مداخلة سابقة هي عصفورة ملونة..
صدرها الصغير يكسوه لون أحمر قاني..
الجناحان لونهما رمادي..
الذيل مهرجان من الألوان..الأصفر والأخضر اللامع والأزرق والأحمر إلى جانب الأبيض والأسود..هو مهرجان بالفعل..
منطقة البطن يكسوها اللون الأبيض وكذلك الظهر بين الجناحين..
صغيرة هي هذه العصفورة ولكنها لا تخاف من الإنسان بل تأتيه فرحاً
لتلتقط من يديه قمحاً كان أو فرحاً كان..
الناس هناك لا يؤذونها بل يتفاءلون بها خيراً..
إن اقتربت من يد بنت فالحظ حليفها في سعادة زوجية..
وإن لامست يد شاب فمستقبله وضيء..
إن كنت نائماً في "الحوش" وحطت فوق رأسك فلا يصيبك الصداع
ما بقيت ..هكذا يعتقدون..
بسطاء هم أولئك البشر..
لولا النيل لكانت أراضيهم صحراء قاحلة إذ
لا تهطل فيها الأمطار كما في مناطق السودان الأخرى..
فإن هطلت-وهو حدث نادر- فذلك عندهم مهرجان للشوق..
فيتغنون:
تغنيت كثيراً بالذي يجعلني لحظة الميلاد نبتاً
طيباً وحصاة تشتهي عزف المطر..
فتجيء الفوجة في سرب فتمد أجنحتها للريح أمام ناظريك
وتستفيء الظل تحت كفيك..
ساعتها يا صديقي تكون الدنيا إضمامة مسك
لا تعرف إلا الصبابات والرُّواء الذي لا سواحل له ولا خواتيم..
لك الله يا بلدي!

وداد عوض
19th May 2010, 10:09 AM
كتب الاستاذ شيقوق :

الليلة مساهر ليكم ومشرّك عديل للسنجك ما يجي يشخبط لينا البوست بالليل دا المسنوووووووووووح

اهو دا ود عمي السنجك
أداك كِشيحة ( تصغير لكشحة ) بطرف السبحة
يعني ما أداك ليها كاملة ... وإلا ... )
وخلاك مدور لهسة .....
مساهر وقاعد ما قادر تكتب شيء .....
قولنا ليك يا آآآآآآ اللخو
أعمل حسابك ، ما سمعت
دحين قول واحد
والباقي أركز ليهو عاد يا آآآالخو

الطيب ادريس
19th May 2010, 10:51 AM
.

الفوجة التي أشارت إليها الأخت وداد
في مداخلة سابقة هي عصفورة ملونة..
صدرها الصغير يكسوه لون أحمر قاني..
الجناحان لونهما رمادي..
الذيل مهرجان من الألوان..الأصفر والأخضر اللامع والأزرق والأحمر إلى جانب الأبيض والأسود..هو مهرجان بالفعل..
منطقة البطن يكسوها اللون الأبيض وكذلك الظهر بين الجناحين..
صغيرة هي هذه العصفورة ولكنها لا تخاف من الإنسان بل تأتيه فرحاً
لتلتقط من يديه قمحاً كان أو فرحاً كان..
الناس هناك لا يؤذونها بل يتفاءلون بها خيراً..
إن اقتربت من يد بنت فالحظ حليفها في سعادة زوجية..
وإن لامست يد شاب فمستقبله وضيء..
إن كنت نائماً في "الحوش" وحطت فوق رأسك فلا يصيبك الصداع
ما بقيت ..هكذا يعتقدون..
بسطاء هم أولئك البشر..
لولا النيل لكانت أراضيهم صحراء قاحلة إذ
لا تهطل فيها الأمطار كما في مناطق السودان الأخرى..
فإن هطلت-وهو حدث نادر- فذلك عندهم مهرجان للشوق..
فيتغنون:
تغنيت كثيراً بالذي يجعلني لحظة الميلاد نبتاً
طيباً وحصاة تشتهي عزف المطر..
فتجيء الفوجة في سرب فتمد أجنحتها للريح أمام ناظريك
وتستفيء الظل تحت كفيك..
ساعتها يا صديقي تكون الدنيا إضمامة مسك
لا تعرف إلا الصبابات والرُّواء الذي لا سواحل له ولا خواتيم..
لك الله يا بلدي!


دي أوصاف ( طير الجنة ) .. تسلموا


YouTube- ‫??????? - ??? ?????- 1974‬‎

اقبال حجار
19th May 2010, 11:18 AM
ملخص بالصورة والصوت لمحمية الدندر :

لكم شكري وتقديري
لقيتونا كيف يا أولاد البندر
أقصد :
بني دنقل والمحس
وبني شايقي ;)
واللة صورك في قمة الروعة والجمال ,تمنينا زيارة تلك المناطق...........لكن نحن كان قبَّلنا علي الصور دي بنجهجكم جهجهة شديدة.

الزاكي عبد الحميد
19th May 2010, 11:19 AM
الطيب إدريس يا ابن الأكرمين:
الشبه كبير جداً بين طير الجنة وفوجتنا..
طير الجنة يعرف باسمه أي طير الجنة..
والفرق بين العصفورتين أن طير الجنة يتحاشى الاقتراب
من الناس في حين تأتيك الفوجة وكأنها تسعد برؤية البشر
يا سبحان الله..
كم هو جميل هذا السودان..
شكراً عزيزي الطيب على هذه اللقطة الرائعة من الأمس..

الطيب شيقوق
19th May 2010, 11:24 AM
ولكن المهم والمهم والمهم هو ورود خبر للتو يؤكد فيه اخي وصديقي المدير الاقليمي لشرطة الحياة البرية بالدندر من خلال الفضائية السودانية ان الافيال التي غابت عن محمية الدندر قد عادت اليها وبدات تظهر بكميات كبيرة .


خبر يثلج الصدر حقيقة أخي الطيب..
وليت كل العصافير الملونة التي هاجرت تعود..

الفوجة التي أشارت إليها الأخت وداد
في مداخلة سابقة هي عصفورة ملونة..
صدرها الصغير يكسوه لون أحمر قاني..
الجناحان لونهما رمادي..
الذيل مهرجان من الألوان..الأصفر والأخضر اللامع والأزرق والأحمر إلى جانب الأبيض والأسود..هو مهرجان بالفعل..
منطقة البطن يكسوها اللون الأبيض وكذلك الظهر بين الجناحين..
صغيرة هي هذه العصفورة ولكنها لا تخاف من الإنسان بل تأتيه فرحاً
لتلتقط من يديه قمحاً كان أو فرحاً كان..
الناس هناك لا يؤذونها بل يتفاءلون بها خيراً..
إن اقتربت من يد بنت فالحظ حليفها في سعادة زوجية..
وإن لامست يد شاب فمستقبله وضيء..
إن كنت نائماً في "الحوش" وحطت فوق رأسك فلا يصيبك الصداع
ما بقيت ..هكذا يعتقدون..
بسطاء هم أولئك البشر..
لولا النيل لكانت أراضيهم صحراء قاحلة إذ
لا تهطل فيها الأمطار كما في مناطق السودان الأخرى..
فإن هطلت-وهو حدث نادر- فذلك عندهم مهرجان للشوق..
فيتغنون:
تغنيت كثيراً بالذي يجعلني لحظة الميلاد نبتاً
طيباً وحصاة تشتهي عزف المطر..
فتجيء الفوجة في سرب فتمد أجنحتها للريح أمام ناظريك
وتستفيء الظل تحت كفيك..
ساعتها يا صديقي تكون الدنيا إضمامة مسك
لا تعرف إلا الصبابات والرُّواء الذي لا سواحل له ولا خواتيم..
لك الله يا بلدي!

يا سلام اخي الزاكي هذه محطات ما كنت احسب اننا سلنتقي عندها ، يا سلام يا أبا لارا وأنت تعود بي الى ايام الطفولة البريئة والزمن الاخضر يا سلام عندما تحس ان الاخرين يحملون نفس احساسك تجاه تلك العصفورة اللطيفة الوليفة التي نسميها طيرة ( الجنة) او ام الجنّون - هكذا تسمى لدى غيرنا - لتفاؤل اهلنا بها .

طيرة الجنة يا الزاكي اخوي كانت ترك ( تنزل) امام فسحات البيوت ولا تهاب من بني الانسان ربما لاحساسها بأنهم يعتقدون فيها هكذا أمل طيب ( شوف هكذا أمل دي كيف ؟ ما حقتنا لكن صارت متداولة حتى على مستوى الفضائيات )

كنا - اخي الزاكي - نشرك للعصافير واحسب انها نعمة حرم الله منها اهلنا ناس شمال الوادي . وكانت للعصافير المهاجرة مواسم لعودتها وتكاثرها لا سيما عند بدايات مواسم الخريف . كنت انصب شركي في انتظار الكثير الذي يمكن اصطياده ليملأ الحلّة وتقعد تجقجق ونامن تستوى أتناول ليك واحدة أقرشها كلها بى عضامها .

كان المكان المعد لنصب الشبكة واصطياد العصافير يسمى العلفة او المتلّة ( من تلّ يتل يهبط landing) كنا نضع في المتلة حبات الذرة لتشويق العصافير الى الهبوط والتقاط حبوب الذرة المنثورة على المتلة . ما اجمل اللحظات التي يأتيك سرب فيه ما لا يقل عن 10 الف عصفورة تحلق فوق راسك وانت مختفي تحت عشرة ( بضم العين وفتح الشين ) - مش عشرة الايام يا السناجك - او بلتبة سدر ( البلتبة - بضم الباء وتسكين اللام وضم التاء- هي شجيرة صغيرة تكفي لاخفاء جسمك من الاتجاه المعاكس - والمحل التي يتكاثر فيه البلتب بسموها اهلنا ناس البادية الخرّاشة ( لان شجيراتها بتخرش الجسم ) . كنا نتتبع هذا السرب الذي يحلق على رؤوسنا باحثا عن المتلة لينزل فيها - والسعيد حقا من صادف ان كانت في متلته وقتئذ طيرة الجنة لطالما ان السرب لا يبالي في الهبوط على المكان الذي نازلة فيه طيرة الجنة .

نواصل

الطيب شيقوق
19th May 2010, 11:30 AM
دي أوصاف ( طير الجنة ) .. تسلموا


youtube- ‫??????? - ??? ?????- 1974‬‎ (http://www.youtube.com/watch?v=zxfz1tp4uno)


والله يا طيوبا انت فعلا سكر الكوبا

بتجيب الكلام الحلو دا كيف؟

الله يمتعك

الطيب شيقوق
19th May 2010, 11:34 AM
اهو دا ود عمي السنجك
أداك كِشيحة ( تصغير لكشحة ) بطرف السبحة
يعني ما أداك ليها كاملة ... وإلا ... )
وخلاك مدور لهسة .....
مساهر وقاعد ما قادر تكتب شيء .....
قولنا ليك يا آآآآآآ اللخو
أعمل حسابك ، ما سمعت
دحين قول واحد
والباقي أركز ليهو عاد يا آآآالخو

امشي كدا انت دائما عندك hidden agenda عايزة تصرفينا عن حديث سنار الحلو دا لمواجهة مفتعلة مع السناجك .

يا الطيب ود دريس اقدل واحكي عن سنار ولا تستجيب لاي استفزاز الا بالقدر الذي يمكن ان ينسجم مع سياق حديثنا عن سنار مثل قصة العصافير وطيور الجنة وهكذا .

اقبال حجار
19th May 2010, 01:07 PM
كنا - اخي الزاكي - نشرك للعصافير واحسب انها نعمة حرم الله منها اهلنا ناس شمال الوادي . وكانت للعصافير المهاجرة مواسم لعودتها وتكاثرها لا سيما عند بدايات مواسم الخريف . كنت انصب شركي في انتظار الكثير الذي يمكن اصطياده ليملأ الحلّة وتقعد تجقجق ونامن تستوى أتناول ليك واحدة أقرشها كلها بى عضامها .

كان المكان المعد لنصب الشبكة واصطياد العصافير يسمى العلفة او المتلّة ( من تلّ يتل يهبط landing) كنا نضع في المتلة حبات الذرة لتشويق العصافير الى الهبوط والتقاط حبوب الذرة المنثورة على المتلة . ما اجمل اللحظات التي يأتيك سرب فيه ما لا يقل عن 10 الف عصفورة تحلق فوق راسك وانت مختفي تحت عشرة ( بضم العين وفتح الشين ) - مش عشرة الايام يا السناجك - او بلتبة سدر ( البلتبة - بضم الباء وتسكين اللام وضم التاء- هي شجيرة صغيرة تكفي لاخفاء جسمك من الاتجاه المعاكس - والمحل التي يتكاثر فيه البلتب بسموها اهلنا ناس البادية الخرّاشة ( لان شجيراتها بتخرش الجسم ) . كنا نتتبع هذا السرب الذي يحلق على رؤوسنا باحثا عن المتلة لينزل فيها - والسعيد حقا من صادف ان كانت في متلته وقتئذ طيرة الجنة لطالما ان السرب لا يبالي في الهبوط على المكان الذي نازلة فيه طيرة الجنة .
نواصل

هذه نمازج فقط لبعض الطيور التي تسرح في شمال السودان بين النخيل وأشجار المانجو والبرتقال و..................
http://www.ibtesama.com/vb/imgcache2/7348.gif
السمبر

http://www.ibtesama.com/vb/imgcache2/7349.gif
طير الجنة

http://www.ibtesama.com/vb/imgcache2/7350.gif
الهدهد

http://www.ibtesama.com/vb/imgcache2/7351.gif
ود ابرق


ودة العُشر وصفق العشر ذو اللَّبن الذي كنا نُحذر من خطورته على العيون

http://anani2006.jeeran.com/oshar.jpghttp://www.syadh.com/vb/imgcache9/29155.jpg

الطيب شيقوق
19th May 2010, 01:37 PM
اقبال

كتر خيرك على العشرة والانابيب - للاسف كتبت كلام كتير عن العشرة وتلك الانابيب وللاسف اتلحست مع الانقطاع المفاجي للتيار .

خليني اجمع واعود للتعقيب تاني

الطيب شيقوق
19th May 2010, 09:39 PM
ما تنوموا

الطيب ادريس
19th May 2010, 10:07 PM
ما تنوموا

الشايقي ده بكرة اجازة نصبح نلقي الواطة كلها مشخبطة الله يستر :)

الطيب ادريس
19th May 2010, 10:20 PM
أصل كلمة سنار :

تتضارب الأقوال اذ لا يوجد مايثبت تماما من أين جاء اسم سنار ولكن نقتبس ماقيل في هذا الصدد :

اللهب ، سن أو رأس اللهب . سن النار أو رأس النار , سن نار ، ( ســـــــنار ) مجر د اجتهاد .
لكن أصل الكلمة الحقيقي كان رعايا ملوك سنار في عهد حكم السلطنة الزرقاء يسموا ( بالسنانير) .. والله أعلم .

قيل ان احد الاشخاص ذهب الى منطقة سنار (قبل ان تسمى سنار ) ووجد اسعار سن الفيل فيها مرتفعة - وفى ذلك الوقت سن الفيل من اهم السلع التجارية- وعندما سالوه عن الاحوال قال :
فأذا بها سن من النار......دلالة على ارتفاع اسعارها ..

يقال انو الناس كان بشوفو نار التقابه من بعيد وبقولو ليه سناء النار ومن ثم صارت سنار
وهنالك روايه تقول ان ابنة احد الحكام كانت تسمي سن النار وبالتالي حرف الي سنار
والله اعلم

السين : سماحة ( أهلها )
النون : النيل الأزرق ( بحر أزرق )
الألفة : إلفة أهل سنار
الراء : رحمة وراحة بال

يقال أن اصل الفونج هم ليس أهل منطقة سنار الأصليين

فمنهم من يقول هم جزء من مملك البرنو الاسلامية المنهارة قدموا من غرب

أفريقيا ومنهم من يقول هم من الأمويون الفارين من الجزيرة العربية وهوالرأى الارجح

ولكن قبل حضورهم بألف او الفين عام وبعد مملكة مروى سكنت هذه المنطقة قبيلة الشلك

ويقال انهم قدموا لها من النيل الابيض واختلطوا بأهلها السننانير .................

ولكن هذه الكلمة سنار ليس لا علاقة لها بالشلك فما معناها ..


يقال ان اصلها مكوار
وكان اسم مكوار لجارية فى قمة الجمال

ولكن في الأصل كما وضح أخيرا وسنأتي لهذه المقولة
بأن اسم ( مكوار ) هو اسم المهندس الانجليزي الذي أشرف
علي بناء خزان سنار ... لذلك أخذت مدينة سنار عند البعض
وخاصة أهلنا الكبار اسم مكوار .


سن النار تعني نار التقابة لان تلك المنطقة كانت تشتهر بكثرة
الخلاوي ومعلوم أن الخلاو ي توقد النا ر التقابة وهي عالية أللهب وعنانها في اعلي السماء ومن كثرت نيران التقا بة وعلوها تكّوّن ا سم سن النا ر ومن ثم تحول الي ( سنار )

يقال أن اصل الفونج هم ليس أهل منطقة سنار الأصليين

فمنهم من يقول هم جزء من مملك البرنو الاسلامية المنهارة قدموا من غرب

أفريقيا ومنهم من يقول هم من الأمويون الفارين من الجزيرة العربية وهوالرأى الارجح

ولكن قبل حضورهم بألف او الفين عام وبعد مملكة مروى سكنت هذه المنطقة قبيلة الشلك

ويقال انهم قدموا لها من النيل الابيض واختلطوا بأهلها السننانير .................

ولكن هذه الكلمة سنار ليس لا علاقة لها بالشلك ..

نكتفي بهذا ونواصل ...

الطيب شيقوق
19th May 2010, 10:20 PM
الشايقي ده بكرة مؤجز نصبح نلقي الواطة كلها مشخبطة الله يستر :)

ما تخاف يا الطيب انا الليلة بحبس البوست دا بالعكاز المضبب

الطيب شيقوق
20th May 2010, 01:56 PM
وييييييييييييييينكم؟

الطيب شيقوق
21st May 2010, 01:31 AM
أغنية سايق الفيات للشيخ إبراهيم العبادى لها قصة بروايات مختلفة - قيل أن سرور كان سائقا ومعه أمين نابرى وزين العابدين كوكو ، وهما من وجهاء مدينة سنجة ، قد تحركوا من سنار إلى سنجة في عربة فيات خاصة عن طريق الرماش ( قرية تابعة لولاية سنار) أما محمد الحسن الجقر فى كتابه روائع حقيبة امدرمان فقد ذكر أن سرور خرج مع الخواجة مستر برسى لورين المندوب السامي في مصر ا لرحلة صيد في كنفوى من سيارات شركة الفيات العاملة في السودان في ذلك الوقت إلى سنجة ...وتخلف منهم سرور وانضم إلى العبادى والأمين برهان في ضيافة زين العابدين كوكو نائب المأمور و انضم لهم محمد البنا وأمين نابرى وكان سايق الفيات سرور...بينما ذكر معاوية حسن يسن في كتابه الغناء والموسيقى في السودان نفس قصة محمد الحسن الجقر مع إضافة أن العبادى كان يعمل في حسابات المقاولات المرتبطة بأشغال خزان مكوار (سنار) وحلّ عليه الأمين برهان ضيفا فتحركوا جميعا إلى سنجة مع سرور...أما مبارك حسن بركات فلقد ذكر لبرنامج ظلال التلفزيوني إن سرور كان سائقا بشركة الفيات وطلب منه أن يقوم برحلة من سنار إلى سنجة لعمل دعاية للشركة فاصطحب معه العبادى والتقيا في سنجة بنائبي المأمور زين العابدين كوكو وأمين نابرى وواصلا الطريق إلى سنار....والروايات لاتختلف عن بعضها كثيرا ومما لاشك فيه إن العبادى عمل بخزان مكوار والتقى بالشيخ محمد ودالرضى هناك الذي قال قصيدته المشهورة متى مزاري أوفى نذارى واجف هذا البلد المصيف فشطرها العبادى الذي انتابه نفس الإحساس في سنار..المهم ان القصيدة قيلت بين سنار وسنجة والى القصيدة.....

ياسايق الفيات عج بى وخد سنده.....بالدرب التحت تجاه ربوع هنده
*****
أوصيك قبل تبدا سيرك داك .......طريقك سابق الربده
منك بعيد جبده حى هنده.....المراد عج بى ربوع عبده
*****
اطوى الارض واضرع من......افكارنا سيرك يالفيات اسرع
ميل على المشرع لا تريع...........القطيع..... بتجفل الادرع
******
شقا حشا الطريق وأتيمم الحلال....زفنو الكلاب مانالن إلا علال
فاضلات ثواني قلال بينك..........والغروب داك مشرع الشلال
******
شوف سايق الفيات الليله كيفن هاش.......والشجر الكبار بقى شوفنا لينا طشاش
قولي دح وين ماش فارقت.................... الطريق......... أتيا من الرماش
******
يازين الشباب ياطيب الأخلاق......يا أمين الصديق والناس على الإطلاق
من ايدى الصناعة يبعد المعلاق..............انظر للطبيعة ومجد الخلاق
******
شوف النهر مار بخشوع تقول هجسان.......أو مر المنام بى مقلة النعسان
جلت قدرته ما اكفر الانسان.......كم ينسى الجميل ويجحد الاحسان
*******
انزل ياصديق وشوف يد القدرة....شوف حسن البداوه الما لمس بدره
وراد النهر اردونى ما بدرى.......الكاتل الصفار أم نضرة الخضره
******
مانفرن تقول سابق الكلام الفه......عطشان قلت ليهن وصحت البلفه
مافيش كاس قريب قالن دون كلفه........تشرب بكفوفنا لما تتكفى

الطيب ادريس نزل لينا الاغنية عليك الله خلي عيال دنقل وسنجك يااااااامنو

الطيب شيقوق
21st May 2010, 01:42 AM
مافيش كاس قريب قالن دون كلفه........تشرب بكفوفنا لما تتكفى

خليك متابع يا زيكو وشوف البيت الفوق دا -

الطيب شيقوق
21st May 2010, 01:44 AM
انزل ياصديق وشوف يد القدرة....شوف حسن البداوه الما لمس بدره

وتأمل في البيت دا كمان

الطيب ادريس
21st May 2010, 02:14 AM
شكرا لأبناء وطني .. شكرا للمشاعر النبيلة .. شكرا لومضة الجمال في كل شيء وديل أهلي في ( فنة ) من الزمن الجميل .

لقد شربنا من أكفكم ( عولمة ) ود شيقوق بطنك ماتغلط عليك :DYouTube- ‫????? "???? ??????"‬‎

salah hussain
21st May 2010, 10:36 AM
حليل زمن البيوت المو بيوت ضيق
وحيشانا المبردحة ماها محيق
ولقاديبنا المبلطة خاطي شقيق
مضللة بالفِلَق ما فيها رقريق
المرق مرقا صنط وساوينلو ارنيق
وراصين القداحي صفوف معاليق
وبرنداتنا الكرارق بالشباريق
الطير بعضو عشعش في السباليق
زمن الناس حنينين مافي فريق
لا جفا لا غلت لا حتى نقنيق
ونحن سايقين السواقي وعيشنا متيق
ولابسين الشمامير والعراريق
وتسمع لاااااتحت دق المداديق
يجي احمد للفطور وشايلو باسيق
مالي الشبكة قش وقاطعلو اشميق
يفسخ ويمشي مالو جيوبه دِفيق
ويجدع منجله الما حام كتاريق
تجيبلو ام زين حريف يفكبو الريق
ويا حلات النومة وقت الضل يجي ارتيق


اكلنا الاسناك وشربنا الشاي
ونفسخ بالدرب مالين جيبنا تمر ولازى التمر
المشكلة
انو الصباح بقت علينا الشطر الاخيرة
ياحلات النومة وقت الضل يجى ارتيق

الطيب شيقوق
21st May 2010, 10:51 AM
الطيوبا كتر خيرك


بس فرفور خربها مرة واحدة

اللحو اللحو

الطيب ادريس
21st May 2010, 11:03 AM
size]

يجي احمد للفطور وشايلو باسيق
مالي الشبكة قش وقاطعلو اشميق
يفسخ ويمشي مالو جيوبه دِفيق
ويجدع منجله الما حام كتاريق
تجيبلو ام زين حريف يفكبو الريق
ويا حلات النومة وقت الضل يجي ارتيق


ياأبو صلاح :
كلام قمة الروعة ولوحة واقع معاش في زمن جميل ( ياحليل القرير الأميرية الوسطي ) اسم يخلع مش كده




[color="purple"][size="6"][b]وجيت قلت :

ونفسخ بالدرب مالين جيبنا تمر ولازى التمر
المشكلة
انو الصباح بقت علينا الشطر الاخيرة
ياحلات النومة وقت الضل يجى ارتيق


طبعك شين ياأبو صلاح خميت البلح كله جنك ( تمر ) .. ذكرتنا أيام زمان وجلابية العيد أم جيبين عشات الحلاوة والتمر .. غايتو أمبارح شلت ( موجود ) الدناقلة كله :)

الطيب شيقوق
21st May 2010, 11:19 AM
http://rm2.6rbmasr.com/sudan/ali-ibrahim-ella7o/ya_sayig_alfiat.rm

دا الصوت الاورجنال للاغنية يا الطيب

وداد عوض
21st May 2010, 11:24 AM
كتب الأخ الاستاذ الطيب إدريس :

شكرا لأبناء وطني .. شكرا للمشاعر النبيلة .. شكرا لومضة الجمال في كل شيء وديل أهلي في ( فنة ) من الزمن الجميل .

بوجودكم كان اللقاء سودانياً ......
السودان الجميل الذي نبحث عنه إخوتي
وإخواتي موجود في كل لحظة نلتقي فيها .
كان جلسة شاي ..
كان جلسة قهوة ..
وكتها الضحكة بتطلع نقية زي بلداً بيعيش
في كيانا ... بوجودكم كان اللقاء سوادنياً
بشماله وشرقه وغربه ..
كم يكون الوطن جميلاً لما نحن نفتش عن الجمال
المدفون بين حروفه وبين جروفه
المدفون في بواديه .. وفي صحاريه ..
في تاريخه وفي جغرافيته
السودان جميل بأبنائه وبناته
السودان جميل لما نشوف ونباري رحلة
سواق الفيات من مكان لمكان ...

الطيب شيقوق
21st May 2010, 11:26 AM
حليل زمن البيوت المو بيوت ضيق
وحيشانا المبردحة ماها محيق
ولقاديبنا المبلطة خاطي شقيق
مضللة بالفِلَق ما فيها رقريق
المرق مرقا صنط وساوينلو ارنيق
وراصين القداحي صفوف معاليق
وبرنداتنا الكرارق بالشباريق
الطير بعضو عشعش في السباليق
زمن الناس حنينين مافي فريق
لا جفا لا غلت لا حتى نقنيق
ونحن سايقين السواقي وعيشنا متيق
ولابسين الشمامير والعراريق
وتسمع لاااااتحت دق المداديق
يجي احمد للفطور وشايلو باسيق
مالي الشبكة قش وقاطعلو اشميق
يفسخ ويمشي مالو جيوبه دِفيق
ويجدع منجله الما حام كتاريق
تجيبلو ام زين حريف يفكبو الريق
ويا حلات النومة وقت الضل يجي ارتيق


اكلنا الاسناك وشربنا الشاي
ونفسخ بالدرب مالين جيبنا تمر ولازى التمر
المشكلة
انو الصباح بقت علينا الشطر الاخيرة
ياحلات النومة وقت الضل يجى ارتيق

يا سلام يا باشمهندس على هذا الحكي المترع بالحنان
يا حليل ايام الزمن الاخضر

اسمح لي انقل الكلام دا لبوست في سودانيز اونلاين

معزتي

الطيب ادريس
21st May 2010, 11:27 AM
الطيب مالقيت اللحو في سايق الفيات .. لكن لو داير شكر الناس الحلوين أولاد الأكرمين هاك جبار الكسور :

YouTube- Al-Lahao | ??? ??????? ??????? : ???? ?????????

الزاكي عبد الحميد
21st May 2010, 11:44 AM
مضللة بالفِلَق ما فيها رقريق
المرق مرقا صنط وساوينلو ارنيق

مرق الصنط يا شيقوق مقاوم للارضة
والأرضة دي كانت مشكلة للسقوف في الشمالية..
عشان كدا في مناطق دنقلا مثلا كانو بيفصلو
بين السقف والحيطة بحجارة ..عشان الارضة بتلقي مرتعها في
جدار الطين..

والله يا أبو صلاح

اللوحة ما كان بتكتمل لو كان السيد "البلح"
مسجل غياب..
التمر لما يخش في الجيب الزول بشعر بطمأنينة
دونها قدلة خليل فرح وهو حافي حالق..

الدفيق يا شيقوق دا شي يصعب على الوصف..
دا إلا تاكلو حتين تعرف هو شنو..

يا أخوان جلسة بيكم اكتسبت لون خاس..
زي لون الدفيق لما يصبغ عراقي الدمور..يعني لون ثابت ثبات التاكا..
ياخي دا كلام أنا جاييوه برواقة شديدة..
لأنو بين حروف القصيدة في كلام كتير عن السودان
الذي نسكنه ويسكننا..

لكم أيها الأحباب رحيق الرحيق من الود..
ولي عودة لهذه القصيدة وقبلها لكلام أخي العمدة الطيب إدريس..

salah hussain
21st May 2010, 12:13 PM
yamni.mp3 (http://www.4shared.com/audio/MPibuc3G/yamni.html)

الطيب شيقوق
21st May 2010, 01:22 PM
الارضة بتلقي مرتعها في
جدار الطين..

تعالوا يا ود اب سن وبت طلحة شوفوا زولكم بعد دا فاقد يمشي السوق يجيبلو فركة و توب قرمصيص لى بت العوض ويجيبلو حلاوة دربس لى لينا

الطيب شيقوق
21st May 2010, 01:28 PM
شكرا ليك يا صلاح على الرابط

شكرا يا الطيب على الاغنية

الطيب شيقوق
21st May 2010, 02:39 PM
ابو شراء شايفو شرفنا بجاي لكن ما لقيت مداخلتو

يا ابا شراء اكتب لينا في نهائيات البوست للمتابعة

الطيب شيقوق
21st May 2010, 02:48 PM
يا أخوان جلسة بيكم اكتسبت لون خاس..
زي لون الدفيق لما يصبغ عراقي الدمور..يعني لون ثابت ثبات التاكا..
ياخي دا كلام أنا جاييوه برواقة شديدة..
لأنو بين حروف القصيدة في كلام كتير عن السودان
الذي نسكنه ويسكننا..

والله يا الزاكي كانت من اروع الامسيات انستنا عذابات الغربة واعادتنا لايام الزمن الجميل .

الاخت وداد كانت مشغولة باعداد المطايب الله يطول عمرها - بتذكرني كرام القوم لما يكون معاهم ضيوف لا يمتعهم من الجلسة الا الاحساس بسعادة القادمين اليهم .

الزبير الطيب الشيخ
22nd May 2010, 09:50 AM
أشكركما أخي الزاكي وأختي وداد عوض ,
على هذه الدعوة الكريمة والكرم الفياض في داركم العامرة . وأذكر هنا مطلع إحدى قصائد الملكة : (بت طلحة ) وهي تفتخر بقومها ( الشعب السوداني ) تقول فيه : ـ

نحن قومٌ لنا الجود والإيثار مبتدأ
وخبرنا نبلٌ وبأسٌ صريح مؤكدا

صفة الكرم هذه من أنبل الصفات التي يتميـّز بها أهلنا في السودان كافة . لقد كنت سعيدا بتلك اللحظات التي أمضيناها معكم وكنت أتأمل في السادة الحضور فهم خليط من مناطق مختلفة من سوداننا الحبيب .
فيهم أهل الدار من أقصى الشمال ( الزاكي وحرمه وداد )
فيهم من أقصى الشرق ( بيرق )
فيهم من وسط الشمال ( م . صلاح حسين وحرمه إقبال )
فيهم من أرض الجزيرة ( الطيب إدريس )
فيهم من جنوب كردفان ( حمّـاد )
فيهم من شرق البطانة شيخ العرب ( أبوعاقلة )
فيهم من شمال البطانة القواسمي ( المسنوح شيقوق )
وفيهم من وسط البطانة ( الزبير وحرمه بت طلحة )
هذا هو الشعب السوداني الكريم وقد جمعتنا جلسة واحدة رغم إختلاف وبُعد مناطقنا في بيت واحد ياله من شعب متفرِّد . ويحضرني مقطع دوبيت للشاعر : ( يوسف ودالبنا ) يصف أهلنا في أبودليق بعدما أكرموه غاية الكرم وقضوا
له حاجته . قال :ـ
هايجـات البُحـور الفيضـا لفـَض السمكة
وليـَّتكم بتـكـِرم ضيفـا سَـالطــة وكمَكـَـة
سـاهـل عـندهم في ساعتو شُـقـيق تمَكــة
فـُـقـّيــه الغـُرابيـه الغليــدة أم دمَكـَــــة
وآخر لـ طه الضرير :
ما فـيـنـا البمقـّوهـو وبـِمــرُق تــَلـوَة
وما فـيـنـا البوصِّـف للضيـوف الخلـوة
نحن الفـوق قفى الشيحان نطبـق السـروة
والبنقصدو شـِن هَـدْ في البحر مابروى
لله درّك يا طه الضرير .... مافينا البوصـِّف للضيوف الخلوة . أترك شرح هذا البيت للأخ ( شيقوق ) وأظنه بيقدر عليه
شكراَ شـــــكراَ شـــــــكراَ لهذا الكرم ( الدنقلاوي )

الزبير الطيب

الطيب شيقوق
22nd May 2010, 01:15 PM
لله درّك يا طه الضرير .... مافينا البوصـِّف للضيوف الخلوة . أترك شرح هذا البيت للأخ ( شيقوق ) وأظنه بيقدر عليه

شكرا اخي الزبير ود الشيخ عبد الباقي على هذا الحديث الطيب ربنا يكرم ويعز الاخ الزاكي والفضلى حرمه وداد بت شيخ عوض .

اما البيت الذي تفضل به الاخ الزبير (ما فينا البوصف للضيوف الخلوة) يعني ان الخلوة بررررررة قدام الحلة ودائما مليانة ضيوف - عندما يجي الضيف الغريب بعرفها خلوة من الدخلة والطلعة حقت الضيوف .

هييييييييييييع

الطيب شيقوق
22nd May 2010, 01:42 PM
دعونا إخوتي وأخواتي انقلكم/نّ الى شرقنا الحبيب ديار اهلنا البجة والهدندوة والبني عامر - دعونا نتامل في هذا السودان الجميل بتعدد ثقافاته وتلوّن طبيعته وحلاوة فنه .

هاكم ضربة البداية هدية لاخينا الاستاذ محمد بيرق

طبعا اطفال ناس بيرق ديل الواحد بلدوهو بسنونو هسع شوفوا المعجزة دا - قالوا لي ود اخت محمد بيرق .

YouTube- ‫????? ???????? ??????‬‎

YouTube- ‫???? ????????‬‎

الطيب شيقوق
22nd May 2010, 01:53 PM
الرقصات البجاوية

YouTube- Beja Traditional Song

حماد حمدون عبدالله
22nd May 2010, 02:06 PM
الأخوة السبقوني في موضوع الغربة سترة حال تحدثوا عن الموضوع من زوايا كثيرة وانا حبيت المشاركة في الموضوع أحب أن أعرف الأخوة بإحد مناطق السودان المدادي لأنه أعتقد أبناءانا بل حتى الشباب القدموا للغربة لم يجدوا الفرصة في التعرف على بلدهم أولا هنا أحب أن تكلم منطقة المسيرية وهي تقع في كردفان : كردفان من الناحية الإدارية كانت سابقا تعرف بمديرية كردفان وهي إحد مديرايات السودان التسعة ستة بالشمال وثلاثة بالجنوب مديرية كردفان قبل التقسيم الأخير تحدها من الشمال المديرية الشماليةومن الجنوب مديرية أعالي النيل الأبيض ومديرة بحر الغزال ومن الغرب مديرية دارافورومن شمالشرق الجزيرة. منطقة المشيرية تقع في جنوب غرب مديرية كردفان ويقطن هذه المنطقة قبائل المسيرية وفي الطرف الجنوبي من من المنطقة تقيمأأحد قبائل الدينكاتعرف بقبيلة دينكا نوك حيث كا ناظرها دينج مجوك وهي تتبع إداريا لمجلس ريفي المسيرية ومقره كانت مدينة رجل الفولة.
وحتى لا أطيل سوف أتوقف هناوأوعدكم بتكملةالموضوع فيما بعد.

الزاكي عبد الحميد
22nd May 2010, 03:04 PM
شكراَ شـــــكراَ شـــــــكراَ لهذا الكرم ( الدنقلاوي )

أخي الزبير:

بلغت سعادتنا مداها بوجودكم..
هذا زمن نبحث فيه عن السعادة في كل
مخابئها التي كثرت في زماننا هذا..
بالضحكة الصافية النقية..
بالحديث الجميل الذي ساد الجلسة..
بالعفوية التي تجعل لكل شيء طعماً يستسيغه
البشر بكل أجناسهم كانت الجلسة سودانية في لونها
وطعمها ورائحتها..
فلكم الشكر أنتم يا جعلتم هذا ممكناً..

لك وللأخت الشاعرة الكبيرة سمية الشكر والتقدير..

الزاكي عبد الحميد
22nd May 2010, 03:15 PM
الأخوة السبقوني في موضوع الغربة سترة حال تحدثوا عن الموضوع من زوايا كثيرة وانا حبيت المشاركة في الموضوع أحب أن أعرف الأخوة بإحد مناطق السودان المدادي لأنه أعتقد أبناءانا بل حتى الشباب القدموا للغربة لم يجدوا الفرصة في التعرف على بلدهم أولا هنا أحب أن تكلم منطقة المسيرية وهي تقع في كردفان : كردفان من الناحية الإدارية كانت سابقا تعرف بمديرية كردفان وهي إحد مديرايات السودان التسعة ستة بالشمال وثلاثة بالجنوب مديرية كردفان قبل التقسيم الأخير تحدها من الشمال المديرية الشماليةومن الجنوب مديرية أعالي النيل الأبيض ومديرة بحر الغزال ومن الغرب مديرية دارافورومن شمالشرق الجزيرة. منطقة المشيرية تقع في جنوب غرب مديرية كردفان ويقطن هذه المنطقة قبائل المسيرية وفي الطرف الجنوبي من من المنطقة تقيمأأحد قبائل الدينكاتعرف بقبيلة دينكا نوك حيث كا ناظرها دينج مجوك وهي تتبع إداريا لمجلس ريفي المسيرية ومقره كانت مدينة رجل الفولة.
وحتى لا أطيل سوف أتوقف هناوأوعدكم بتكملةالموضوع فيما بعد.


أخي الحبيب حماد:

الحديث عن تلك البقعة المباركة من بلادي
هو الحديث عن السودان الذي نعرف والذي نريد..
هو السودان الأفريقي العربي..
هو يا صديقي حديث مطلوب لأنه حديث عن هويتنا
التي بين أيدينا ونحن نبحث عنها بعيدا..بعيداً..
أخي حماد لك الشكر على هذه المقدمة التي تمهد بها
طريقاً كم تمنينا أن نسلكه بخبرة رجل عارف..
شكراً..وواصل.. ونحن لك متابعون..

الزاكي عبد الحميد
22nd May 2010, 03:21 PM
كتب الأستاذ شيقوق:هاكم ضربة البداية هدية لاخينا الاستاذ محمد بيرق

طبعا اطفال ناس بيرق ديل الواحد بلدوهو بسنونو هسع شوفوا المعجزة دا - قالوا لي ود اخت محمد بيرق


علي اليمين ما خليتلو شي..
بيرق مادته جاهزة وخلاص في مراحلها الأخيرة..
أتوقعها في أية لحظة..

السني أبوالعزائم
22nd May 2010, 05:51 PM
مرحباً بالأخ حماد بين هذه الكوكبة،،،، إضافة يجب أن يصحبها الترحيب الذي يليق
YouTube- ‫????? ????‬‎

الزاكي عبد الحميد
22nd May 2010, 06:31 PM
يعني ان الخلوة بررررررة قدام الحلة ودائما مليانة ضيوف - عندما يجي الضيف الغريب بعرفها خلوة من الدخلة والطلعة حقت الضيوف .


عليك الله يا الطيب في رجالة أكثر من كدا..
ياخي السودان عظيم بشكل..
نسأل الله أن يجمل بلادنا بهذه الصفات أكثر أكثر..

الزاكي عبد الحميد
22nd May 2010, 06:35 PM
مرحباً بالأخ حماد بين هذه الكوكبة،،،، إضافة يجب أن يصحبها الترحيب الذي يليق

عرفت ليه تمام يا السني..
تشكر يا الحبيب..
شاعر الغنية هو فضيلي جماع يمكن هو ويمكن لا!

وداد عوض
22nd May 2010, 08:30 PM
أنا أمدرمان..... مضى أمسى بنحسي
غداً وفتاي.. يحطم قيد حبسي
وأخرج للملأ في ثوب عرسي
وأبسم بعدما قد طال عبسي
وأهتف والورى يعرف حسي
وأهمس والملأ يعلن همسي
فيا سودان ....... إذ ما النفس هانت
أقدم للفداء روحي بنفسي

،، أهمس والملأ يعلن همسي ،،
ذكرني هذا الشطر من هذه الأغنية الأمدرمانية
المحببة ذكرني أحد الذين أحبوها في همس...
كان فناناً هادئاً وموسيقاراً فذاً ...
كان الهدوء يظلل كل حياته ويقول عنه زملاؤه
بأنه كان يتحدث همساً وكان يحب أمدرمان همساً..
أحبها همساً حتى فارقها في همس العصافير ....
إنه الفنان الأستاذ العاقب محمد الحسن..

اسمعوا هذا الهمس الشفيف الذي أحال قصيدة
الشاعر "مصطفى عبد الرحمن" إلى همس معلن :

ياحبيبي ظمأت روحي..... وحنت للتلاقي
وهفا قلبي ..... إلى الماضي وناداني إشتياقي
أنا ظمآن ... ألاقي من حنيني ... ما ألاقي
فإسقني ... وإملأ من النور لياليا .... البواقي
أنت تدري ما بقلبي ... من عذابٍٍٍٍٍ وشجونٍٍٍ
يا ضنيناً حرم اللقياء ..... علي غير ضنيني
هذه الكأس ... تروي ظمأ الروح الحزينِِِِِِِِ
فمتى تلقاك عيني ....... أيها الغائب عني
أنا وحدي ... فيك يا شكُُُُ ... قريبُ فأعيني
فرقت طيب الليالي ... بين أحبابي وبيني

والغربة تبقى سترة حال!!!

الطيب شيقوق
22nd May 2010, 08:42 PM
السني شكرا شكرا شكرا ( زاكاوية) والله روعة

شاعر الغنية هو فضيلي جماع يمكن هو ويمكن لا!

الاخ الزاكي

فضيلي شاعر اغنية كلم قمارينا اما هذه الاغنية فشاعرها عبد الجبار محمد وهو من منطقة الجيلي شمال الخرطوم غير انه كردفاني الهوي عمل معلما بالابيض لفترة طويلة وعاد منها ليستقر بالجيلي وهو صديق لفضيلي جماع وعبد القادر سالم .

مودتي

الطيب ادريس
22nd May 2010, 09:18 PM
أنا [color=green]أمدرمان.....

[center][size=5]ياحبيبي ظمأت روحي..... وحنت للتلاقي
وهفا قلبي ..... إلى الماضي وناداني إشتياقي
أنا ظمآن ... ألاقي من حنيني ... ما ألاقي
فإسقني ... وإملأ من النور لياليا .... البواقي
أنت تدري ما بقلبي ... من عذابٍٍٍٍٍ وشجونٍٍٍ
يا ضنيناً حرم اللقياء ..... علي غير ضنيني
هذه الكأس ... تروي ظمأ الروح الحزينِِِِِِِِ
فمتى تلقاك عيني ....... أيها الغائب عني
أنا وحدي ... فيك يا شكُُُُ ... قريبُ فأعيني
فرقت طيب الليالي ... بين أحبابي وبيني

والغربة تبقى سترة حال!!!


أمدرمان هذا الاسم الرنّان .. يجعلك تجفل من بواديك وتأتي مهرولا .. العاصمة الوطنية للكل جذور هناك وحنين هناك وبالعدم .. هلال مريخ ;)بالفعل لقد عشقها العاقب محمد حسن حتي الثمالة وغني فيها كل الراوئع المستوحاة من عشاق أمدرمان من شعراء .. وحقيقة استفزتني هذه الصخرة من ذكر الاستاذة وداد لأمدرمان ..( الدناقلة خلّوا الكلاكلات وامتداد ناصر وسكنوا أمدرمان .. الطيب شيقوق أخوي أصبح من سكان أمدرمان ) ..

YouTube- ‫?????? ???? ??? : ??? ?????? | al Ajieb Mohd Hassan‬‎

وداد عوض
22nd May 2010, 09:38 PM
http://www.sudaneseclub-oman.com/vbforum/uploaded/171_1274545781.jpg

نحن بناة الإهرامات والحضارة
يا استاذ شيقوق
" بنو دنقل "

وتبقى الغربة سترة حال

وداد عوض
22nd May 2010, 09:50 PM
كتبالأستاذ الطيب أدريس :

أمدرمان هذا الاسم الرنّان .. يجعلك تجفل من بواديك وتأتي مهرولا .. العاصمة الوطنية للكل جذور هناك وحنين هناك وبالعدم .. هلال مريخ ;)بالفعل لقد عشقها العاقب محمد حسن حتي الثمالة وغني فيها كل الراوئع المستوحاة من عشاق أمدرمان من شعراء .. وحقيقة استفزتني هذه الصخرة من ذكر الاستاذة وداد لأمدرمان ..( الدناقلة خلّوا الكلاكلات وامتداد ناصر وسكنوا أمدرمان .. الطيب شيقوق أخوي أصبح من سكان
أمدرمان )

الأخ الأستاذ الطيب إدريس:

من المدن والبلاد ما اقترن اسمها بأسماء شخصيات
كانت بصماتها واضحة فيها..من هؤلاء إنديرا غاندي
هي الهند والهند هي إنديرا غاندي كما يقول معجبوها.
.والمريخ هو ماجد والهلال بجكسا..
وهكذا أضحى اسم الأستاذ الراحل المقيم مرتبطاً بأمدرمان
كارتباط شيقوق بالبردانة..
وما فيش حد أحسن من حد..

ولا شنو ؟؟؟؟؟؟؟؟

وتبقى الغربة سترة حال

الطيب شيقوق
22nd May 2010, 10:38 PM
نحن بناة الإهرامات والحضارة
يا استاذ شيقوق
" بنو دنقل "



عييييييييييك اكان بقت امجادكم في الدراب دا

وداد عوض
22nd May 2010, 11:16 PM
نحن بناة الإهرامات والحضارة
يا استاذ شيقوق
" بنو دنقل "

كتب الاستاذ شيقوق :

عييييييييييك اكان بقت امجادكم في الدراب دا

ههههههههه
قلت لي سميتها دراب !!!!!!!!!!!!!
قادر الله يا ربي !!!!!!!!!
قالوا الما بتلحقو
جدعوه

اكيد برجع ليك لقصة الدراب دي ياآآآآآآآلخو

وتبقى الغربة سترة حال

الطيب شيقوق
23rd May 2010, 02:30 AM
اكيد برجع ليك لقصة الدراب دي ياآآآآآآآلخو


اكان راجعة لي بدرابك دا عيييييييييييييييك

الطيب ادريس
23rd May 2010, 09:36 AM
زمان يا ود شيقوق لمّا نجي من المدرسة .. بقولي ليك ورّد الحمار البحر [COLOR="Red"]( أسقيه ) وانت ماشي علي القيفة يجيك صوت زهرة وعجبت .. هوووي عليك الله جيب لي معاك دّرّابه .. وتنهر الحمار ( عرت ) وتعلم في سرك أن هناك حدث سعيد لكليهما .. ( عرفتوها ) :D
بالله ما تفلقونا معاكم ;)خارج النص :

صلاح حسين يوم الخميس والجمعة بقطع في جريد النخل الله يستر .

الزاكي عبد الحميد
23rd May 2010, 11:15 AM
.. ( عرفتوها )

الطيب أخوي:
أشهد بأنك رجل مبدع غير أنك ضنين
بما لديك للآخرين..
ياخي دا خيال ما عادي..

لك الشكر يا صديقي..

الطيب شيقوق
23rd May 2010, 01:47 PM
عفوا اليوم مزحووووووووووووووم

الطيب شيقوق
23rd May 2010, 06:59 PM
زمان يا ود شيقوق لمّا نجي من المدرسة .. بقولي ليك ورّد الحمار البحر ( أسقيه ) وانت ماشي علي القيفة يجيك صوت زهرة وعجبت .. هوووي عليك الله جيب لي معاك دّرّابه .. وتنهر الحمار ( عرت ) وتعلم في سرك أن هناك حدث سعيد لكليهما .. ( عرفتوها ) :d
بالله ما تفلقونا معاكم ;)خارج النص :

[color=purple]صلاح حسين يوم الخميس والجمعة بقطع في جريد النخل الله يستر .

الطيب اشرح لينا وردة واسقيه والقيفة وعرت عشان نفكر نشوف الحل يا اللخو او آآآآآآآآآآآ اللخو على قول بت العوض

الطيب ادريس
23rd May 2010, 07:41 PM
انا لقيتك مشغول قلت ( النهّوّد ) باخواني ديل شوية ...
لا ياشيقوق دي ما بتفكر فيها
فكر في الدرابة الفي القيفة
البياكلنها البنات ( طينة معينة )

الوردة وردت في سايق الفيات ..

السقاية :

الليمون سقايتو عشية .. ليه ؟؟

وداد عوض
23rd May 2010, 08:30 PM
كتب الأخ الطيب أدريس :


انا لقيتك مشغول قلت ( النهّوّد ) باخواني ديل شوية ...
لا ياشيقوق دي ما بتفكر فيها
فكر في الدرابة الفي القيفة
البياكلنها البنات ( طينة معينة )

تهود بي منو يا ود إدريس
انتو جربتونا كم مرة يا بركة
المهم :
الدرابة الفي القيفة هي : كتلة طين متماسك
البياكلنها البنات ( طينة معينة ) لزوم إنتظار
ولي العهد وكدا ........
وبعدين المقارنة بين البياكلنها أخواتنا
والبياكلنها نساء تانيات في بلاد تانية
بتخلي السودان أجمل..
يعني واحدة تاكل طين
وواحدة تانية تاكل كنتاكي.. عنب ....
وهنا العفوية والجمال الطبيعي..


والغربة تبقى سترة حال!!!

الطيب شيقوق
23rd May 2010, 08:41 PM
انا لقيتك مشغول قلت ( النهّوّد ) باخواني ديل شوية ...
لا ياشيقوق دي ما بتفكر فيها
فكر في الدرابة الفي القيفة
البياكلنها البنات ( طينة معينة )

الوردة وردت في سايق الفيات ..

السقاية :

الليمون سقايتو عشية .. ليه ؟؟

عرفتها ليك الوردة بالقروانة صاح؟

ورد اذا ورد البحيرة شاربا ورد الفرات زئيره والنيلا

اما الوردة بكسر الواو فتعنى الحمى ومنها ميرود ويقولون ماسكاني وردة ام برد يعني خلتك تسوي ام هلا هلا - الوردة يا الطيب التخلي بطاطينك تتطابق

قال السقاية ؟ يسقيك بالدرب يا طيوبا

وداد عوض
23rd May 2010, 08:45 PM
المشاركة الأصلية كتبت بواسطة الطيب ادريس http://sudaneseclub-oman.com/vbforum/images/styles/bluestar/buttons/viewpost.gif (http://sudaneseclub-oman.com/vbforum/showthread.php?p=9637#post9637)
زمان يا ود شيقوق لمّا نجي من المدرسة .. بقولي ليك ورّد الحمار البحر ( أسقيه ) وانت ماشي علي القيفة يجيك صوت زهرة وعجبت .. هوووي عليك الله جيب لي معاك دّرّابه .. وتنهر الحمار ( عرت ) وتعلم في سرك أن هناك حدث سعيد لكليهما .. ( عرفتوها ) :d
بالله ما تفلقونا معاكم ;)خارج النص :

[COLOR=purple]صلاح حسين يوم الخميس والجمعة بقطع في جريد النخل الله يستر .

كتب الأخ شيقوق متسائلا :
الطيب اشرح لينا وردة واسقيه والقيفة وعرت عشان نفكر نشوف الحل يا اللخو او آآآآآآآآآآآ اللخو على قول بت العوض

طيب ياآ آ آ الطيب المعاني هي كالاتي :-

الوردة : رحلة أصيلية وصباحية لنساء في رؤوسهن صفائح ملأى بماء زلال من سليل الفراديس (سليل الفراديس دي رايكم فيها شنو)..
طبعاً الوردة بكسر الواو تبقى

وزائرتي كأن بها حياء..
اختارو البتعجبكم ..
القيفة يا اللخو : هي نهاية الشاطيء من اليابسة
وتكون هدامة ..وكت الدميرة (الدميرة دي بتعرفوها)هههههههها..

أما عرت فهي تغيير الجير من تقيل لخفيف للحمار الخندقاوي وكدا.
.بالمناسبة الحمار الخندقاوي دا زي ما تقول لكزس 2010..المصدر الطيب صالح..

وتبقي الغربة سترة حال !!!!!!

الطيب شيقوق
23rd May 2010, 08:56 PM
أما عرت فهي تغيير الجير من تقيل لخفيف للحمار الخندقاوي وكدا.


ههههههههههههههههههههها شكيت محنك

الطيب ادريس
23rd May 2010, 09:15 PM
[QUOTE=الطيب شيقوق;9668]عرفتها ليك الوردة بالقروانة صاح؟


اما الوردة بكسر الواو فتعنى الحمى ومنها ميرود ويقولون ماسكاني وردة ام برد يعني خلتك تسوي ام هلا هلا - الوردة يا الطيب التخلي بطاطينك تتطابق

الطيب انت الليلة مقابلني مالك بام هله هلا دي
دواها عندنا
الزيت بالملح ( المسوح نسيتو ) ..
تجيك الطاويا حبالها ..

سمية طلحة ما تضحكي . :confused:

وبرضو ياهو الغربة سترة حال !

وداد عوض
24th May 2010, 01:16 AM
كتب الاستاذ الطيب إدريس :

الطيب انت الليلة مقابلني مالك بام هله هلا دي
دواها عندنا
الزيت بالملح ( المسوح نسيتو ) ..
تجيك الطاويا حبالها ..

سمية طلحة ما تضحكي . :confused:

وبرضو ياهو الغربة سترة حال !


تجيك الطاويا حبالها
يا الكباشي
وبالمناسبه توجد هنا أكثر من مائة نوع
من هذه الدواهي
أشكال وألأوان زي ما تريد

سمية طلحة ما تضحكي . :confused:

وينك انت يا بت القبائل ما ظاهره ؟


وتبقى الغربة سترة حال !!!

الزاكي عبد الحميد
24th May 2010, 07:40 AM
كتب الطيب شيقوق:

تجيك الطاويا حبالها ..

سمية طلحة ما تضحكي .


بتعرف يا الطيب سموها الطاوية حبالها ليه؟

العبارة طبعاً بتطلق على الحية ومجازاً
الدنيا لأنها تطوي حبالها زي الجزار يطوي
حبله ليكتف الجمل أو العجل قبل ذبحه..

أها لقيتنا كيف؟

اللهم استر غربتنا ..

الطيب ادريس
24th May 2010, 09:27 AM
كتب الطيب شيقوق:

تجيك الطاويا حبالها ..

سمية طلحة ما تضحكي .


بتعرف يا الطيب سموها الطاوية حبالها ليه؟

العبارة طبعاً بتطلق على الحية ومجازاً
الدنيا لأنها تطوي حبالها زي الجزار يطوي
حبله ليكتف الجمل أو العجل قبل ذبحه..

أها لقيتنا كيف؟

اللهم استر غربتنا ..




أخوي الزاكي :
لقيتكم أهل الحارة في الغربة ..
أها الطاويا حبالها دي معانيها كتيرة ..
زي ماقلت هي نوائب الدّهر ( بقولوا الدنيا )
( ودّاكي الليلة دي ) يا شيقوق لو بتذكر أهلنا بقولوا للزول المحتضر
( الدنيا جاتنا )
تسلم يا الطيب ياكا العقاب لكن رميت فيني ( أم برد ) يا ود البردانة .. وووين نلقي حبوب الكينا تاني البدونا ليها ( وسط الحرف ) عشان ما تضوق مرارتها .

بني دنقل :

لقيتو داكي الليلة والحرف بتخفيف الحاء والرّاء .. كيف .
ممنوع التلفونات !! http://sudaneseclub-oman.com/vbforum/images/icons/icon7.gif

الزاكي عبد الحميد
24th May 2010, 10:01 AM
لقيتو داكي الليلة والحرف بتخفيف الحاء والرّاء .. كيف .
ممنوع التلفونات !!

الطيب أخوي:
دي والله ما عرفتها..
ونكون شاكرين لو شرحتها..
صاحبك لو سألناه بقوم بنجر لي حاجة ويطلع بينا العالي..

وبعدين يا الطيب أخوي ما تنسى تواصل حديثك الجميل
عن سنار..نحن متابعون..
لك من الشكر الكثير..

الطيب ادريس
24th May 2010, 10:29 AM
واحد فيكم http://www.sudaneseclub-oman.com/vbforum/images/icons/icon7.gif

الزاكي عبد الحميد
24th May 2010, 10:37 AM
واحد فيكم


قت ليكم ناجرنها قتو لا!!:nono:

الطيب ادريس
24th May 2010, 10:40 AM
الناس في منطقة جبال النيل الازرق معروفة بجبال لول جنوب سنار تحالفوا بقيادة زعيمهم عمارة دنقس مع العبدلاب فاسقطوا دولة علوة واقاموا دولة الفونج وعاصمتها سنار عام 910هـ/1504م واستمروا مايزيد على الثلاثمائة عام من حوالي 910هـ/1504م الى 1235هـ /1821م تولى الحكم فيها 28 سلطانا في فترة تتراوح بين 315 سنة و 335 سنة على الوجه التالي :

1) ) عمارة دونقس 1504م
(2) عبدالقادر بن عمارة دونقس 1533م
(3) نايل بن عمارة دونقس 1543م
4) ) عمارة ابو سكيكين 1554م
(5) دكين ودنايل 1562م
(6) طبل الاول بن عبدالقادر 1577م
(7) اونسة الاول بن طبل 1589
(8) عبدالقادر الثاني بن اونسة 1598
(9) عدلان الاول ولد اية 1604-1611م
(10) بادي الاول سيد القوم بن عبدالقادر 1611م
(11) رباط بن بادي الاول 1614م
(12) بادي الثاني بن رباط ( ابو دقن ) 1642م
(13) اونسة الثاني ولد ناصر 1677م
(14) بادي الثالث بن اونسة الثاني ( الاحمر ) 1689م
15) ) اونسة الثالث بن بادي الثالث 1715م
(16) نول بن بادي 1718
(17) بادي الرابع ابو شلوخ بن نول 1723م
(18) ناصر بن بادي الرابع ابو شلوخ 1761م
(19) اسماعيل بن بادي الرابع 1768م
(20) عدلان الثاني بن اسماعيل 1778م
(21) اوكل بن اونسة 1788م
(22) طبل الثاني 1789م
(23) بادي الخامس بن دكين 1789م
(24) حسب ربه 1789م
(25) نوار 1790م
(26) بادي السادس ود طبل 1790م
(27) رانفي
(28) بادي الخامس ود طبل الثاني 1803-1821م

الطيب ادريس
24th May 2010, 10:43 AM
والواقع ان قائمة ملوك الفونج خاصة في ايامهم الاخيرة مضطربة في المصادر لاضطراب احوالهم ونزاعهم حول السلطة وتغلب الهمج عليهم الذين اصبحوا هم اصحاب الشأن في تولية من يريدون من سلاطين الفونج وقد دار جدل كبير بين الباحثين حول اصلهم هل هم من الشلك ام من الامويين ام من اصل حبشي ولم يسفر البحث عن رأي قاطع حتى الأن ويذهب بعضهم الى انهم من الفنجة وهم مجموعة من السود بالخليج بالذات في الكويت ويذهب بعض المصادر الى انهم من بني هلال . وما يزال الفونج يسكنون دار الفونج بالنيل الازرق وبجزيرة الفونج في شمال السودان .

المصدر : توثيق وتميز في التاريخ السوداني

الطيب ادريس
24th May 2010, 10:48 AM
النشوف لي زول تاني يقول لي ناس سنار انت فونجاوي .. ديل أهل الخليج أبا عن جد .. لكن الحبوبة دي ما بعرفها يمكن ود شيقوق يكون عارف :blink:

وداد عوض
24th May 2010, 10:49 AM
كتب الاخ الطيب أدريس :

أخوي الزاكي :
لقيتكم أهل الحارة في الغربة ..
أها الطاويا حبالها دي معانيها كتيرة ..
زي ماقلت هي نوائب الدّهر ( بقولوا الدنيا )
( ودّاكي الليلة دي ) يا شيقوق لو بتذكر أهلنا بقولوا للزول المحتضر
( الدنيا جاتنا )
تسلم يا الطيب ياكا العقاب لكن رميت فيني ( أم برد ) يا ود البردانة .. وووين نلقي حبون الكينا تاني البدونا ليها ( وسط الحرف ) عشان ما تضوق مرارتها .

بني دنقل :

لقيتو داكي الليلة والحرف بتخفيف الحاء والرّاء .. كيف .
ممنوع التلفونات !! http://sudaneseclub-oman.com/vbforum/images/icons/icon7.gif
أنا كنت غير موجودة


داكي الليلة : يعني قريب دا ( أو يعني ممكن تقول زمان قبل فترة دا بكلام أهل البندر )

الحرف : هي طرقة الكسرة ياآآآآآآآآآآآخو



ليقتونا كيف ؟؟؟

وتبقي الغربة سترة حال !!!!!

الزاكي عبد الحميد
24th May 2010, 10:53 AM
(12) بادي الثاني بن رباط ( ابو دقن ) 1642م


غزا بادي أبو دقن ديار تقلي..
حملته العزة على غزوها قاطعاً إليها "الباجة أم لماع"..
ذهب بادي بخيله ورجله وهو ينتوي القضاء على سلاطين تقلي..
لكنه سرعان ما عاد أدراجه-وهو القادر على النصر،
عندما رأى مروءة أهل مملكة تقلي وحاكمها الصنديد
"قيلي أبو جريدة"..
كان قيلي يخوض المعارك ضد أعدائه بالنهار ويرسل لهم
الضيافة في الليل لأنهم بعيدون عن أهلهم وذويهم..
لم يملك الملك بادي إزاء هذا الكرم والنبل إلا أن يقفل راجعاً
إلى سنار وهو يقول لنفسه ليس من المروءة محاربة أناس بمثل
هذه المروءة..

تخيل ما أجمل هذا السودان منذ بداياته الأولى..
من غيرنا يجامل المروءة بالمروءة حتى لو كان ذلك وكت:
الميت مسولب والسيف يقول التح!

لك شكري أخي العزيز الطيب وواصل ونحن متابعون هذا السرد الجميل
وياليت الشباب يتابعون لكي يعرفوا شيئاً عن هذا التاريخ الثر..
لك الله يا بلادي!

الطيب ادريس
24th May 2010, 10:53 AM
طرفة من حكام سنار زمان ( مك سنجة )

كان صعب المراس وخطير الحجة وقاسي العقاب ،،،

قالوا بجي واحد حلاق شايل عدتو وبحلق للمك كل يومين تلاتة كده .. يوم بحلق ليهو ( وخت موس الحلاقة في حلق المك ) وقال ليهو سيدي المك أنا داير أعرس بتك رايك شنو ؟
فردّ المك عليه بسرعة .. ياولدي انت طلبتها مني وأنا أبيت ليك !! ;)

وطبعا تخيلوا باقي القصة معاي :clap:

الزاكي عبد الحميد
24th May 2010, 11:03 AM
داكي الليلة : يعني قريب دا ( أو يعني ممكن تقول زمان قبل فترة دا بكلام أهل البندر )

الحرف : هي طرقة الكسرة ياآآآآآآآآآآآخو

الطيب أخوي أسمع:
كان شرح وداد ما صح
تبقى علّا الكُرْفة!
بتعرفها دي..
ممكن تستعين بصديق..

الطيب ادريس
24th May 2010, 11:16 AM
لقيتوني براي

المسنوح ده الليلة وين
بت طلحة

الخواجات ( صلاح واقبال )
شيخ العرب
العجم والفرس ( حماد وبيرق )
ولا أقول ليكم دي ساهلة .. خليناها لي السني أخوي

الكرفةhttp://www.sudaneseclub-oman.com/vbforum/images/icons/icon2.gif

الطيب شيقوق
24th May 2010, 11:23 AM
والله نبدأ من وين ما عارفين ؟

الطيب ادريس يا أخي عذبتنا نرد ليك على ياتو هسع؟

الزاكي عبد الحميد
24th May 2010, 11:39 AM
الطيب ادريس يا أخي عذبتنا نرد ليك على ياتو هسع؟

قول غلبتك ياللخو!

تعرف الكلمة دي حتجهجهكم جداً
عشان كدا أنصحك أخي الطيب بالاستعانة
بصلاح حسين أو إقبال..
غايتو ديل لو ما خارجوك أبقى أتطلب الله
وأرضى بالقسمو ليك ربي..وقول واحد!

الزاكي عبد الحميد
24th May 2010, 12:05 PM
وقول واحد!

طيب يا الطيب إدريس أخوي:

الكُرْفة دي بيت من قصب أو نحوه
يعني زي خيمة من قش زمان الناس في القرى
كانوا بقعدوا فوقها ويديروا شئون القرية
يعني محكمة أهلية وكدا..
الشايقي ما سمعتو بقول:
إن كان جلاس نقسمها
الكُرْفة ديك هدِّمها..
بمعنى إن كان حكم أهل الراي الجالسين في الكرفة
يقول بتقسيم جلاس (وهي قرية في الشمالية) فمن الأفضل
أن تهدموا الكرفة لانو ما فيها عدل!
وأحياناً يقولوا كريف تصغيراَ..

اقبال حجار
24th May 2010, 12:09 PM
سلام يا اهلنا ونعلَّكم عافي
إليكم هذه الأبيات مقطع من كلمات ردا على سؤال أصلك من وين؟؟:
اصلي
في النيل و الجروف الخَدرا في نوح السواقي
في نِغيم طمبور يبكِّي الليل و في لِبس العراريق والطواقي
و كان فتشتي في قلب الحِسان من جُوة تلقي
و كان دار تعرفي اصلي أصبري ليْ دقايق
و خليني اللّدوِّر عجلة التاريخ و أسردْ للحقايق
دنقل عيال منصور جعل و رباط و شايق
لا نهاية الدنيا أولاد عم شقايق
كلامي سمح و أكلي قمح و من النيل شرابي
و بملا العين و أزيد شبرين و أهز عضلات شبابي
و أشق أعداي عديل وكتين أشم ريحة ترابي

الطيب ادريس
24th May 2010, 01:37 PM
سلام يا اهلنا
[u][size=6]كلامي سمح و أكلي قمح و من النيل شرابي
و بملا العين و أزيد شبرين و أهز عضلات شبابي
و أشق أعداي عديل وكتين أشم ريحة ترابي[/center]





ده كلام ما بتعاقب .. كلام سمح بلحيل .. وسمح الحال في بلدا اهله حنان .. الشايقية الحرقوا المك نمر .. تسلموا .

الطيب ادريس
24th May 2010, 01:41 PM
[b]
[size=5]أنا كنت غير موجودة


[color=red]داكي الليلة : يعني قريب دا ( أو يعني ممكن تقول زمان قبل فترة دا بكلام أهل البندر )

الحرف : هي طرقة الكسرة ياآآآآآآآآآآآخو



ليقتونا كيف ؟؟؟

وتبقي الغربة سترة حال !!!!!

أستاذة وداد جيرانكم الخواجات ديل ( بطاحين )
ما قلنا بلاش تلفونات للعروب ;)

وداد عوض
24th May 2010, 03:16 PM
كتبت بت العم الغالية إقبال :

و كان دار تعرفي اصلي أصبري ليْ دقايق
و خليني اللّدوِّر عجلة التاريخ و أسردْ للحقايق
دنقل عيال منصور جعل و رباط و شايق
لا نهاية الدنيا أولاد عم شقايق :clap: :19: :clap: :19: :clap: :19:


شكراً إقبال على القصيدة " المؤصلة والمفصلة " دي ..
الجماعة هنا لقوك مشغولة في الامتحانات
مع العيال وقعدوا يستعرضوا بكلامن كتُُُرُ ...
أما الأخ شيقوق فلا سبيل أمامه إلا يبل ريقو
( من العسنة )
ويجينا صادي .........

العسنة دي شنو ياآآآآآ للخو ؟
نقرب ليكم الصورة شوية :
فياض البحار ما هو أب جليقة وعَََََسْنا ........

كان ما عرفتها شوف ( جليقة )
وممكن تستعين بصديق
نحن جيناكم في دياركم أبقو مارقين



وتبقى الغربة سترة حال !!!

الزاكي عبد الحميد
24th May 2010, 05:03 PM
إنتو المسنوح وين الليلة...
يكون راقدلو فوق راي يا ربي!

سمية الحسن طلحة
24th May 2010, 05:23 PM
يوم ردم الضيوف إياه يوم مشهاك


ماضاق ليك خُلق من هات ولا من هاك


غلطان البقول من الكرم التليد ينهاك


تقابل الجوك متبسِّم وتقادِمُن ضحّاك
***



في ود البلد ما بتدرع المنكاك


مع جيرانه من الفيها لوم شكّاك


تبهل كفه رحمة للشِبك فكّاك


تستبسل إذا بي سيرتو زول حكّاك

*

ياجماعة القدح دا صابق السلام
كلام ود الرضي دا إكرامًا للأخ الزاكي والأخت وداد الأكارم
من أكرمونا بمنزلهم العامر ( الفوحو بسند الجوع )
وبتم الكيف
......

سمية الحسن طلحة
24th May 2010, 06:07 PM
سلام وتحية للباشمهندس / صلاح حسين
جرى قلمك كسيلٍ أشتاق أوديته ، انبرى فينا مؤكدًا ان : الصارم لايعيبه الإلتصاق بالغمد
فبعث الشجن القديم ، يسري مع الحادي يسبر أعماق العقول بمعتقِِِ كأنما سرى من بيان ( ثابت بن قيس )
فتنثني المواضي العتاق على الحواضر الينعة باسطةً كف الأمل يحلحل وثاق عُرى الوصل بين الأجيال ، وذكريات شاعرة كم كنت أبحث عن شعرها الرصين ـ ليتك تمدنا بشيء من شعر الشاعرة أم الخير ـ كما تفضلت وأوردت مفردات الساقية وأستوقفتني الكثير من المفردات مثال ،،العطفة،، ولها معان كثر كما أورد الأستاذ/ نزار جعفر هنا في بعض مربوع من د وبيت ، وكذلك ،، الللس،،
كقولهم :
درب المِنتِق المِتل الللس ياالشايب
بِدور العندو صبر أيوب وعضلاً نايب
...
ونتواصل ...

سمية الحسن طلحة
24th May 2010, 06:32 PM
أبو خطاب لعلك بخير
أنا زي ماجابت بت حجار في القصيدة
بشق أعداي عديل وكتين أشم ريحة ترابي
شميت ريحة :
جيرانكم الخواجة ديل بطاحين !؟
وجيت متخترية كلام كتير دايرة أقوله
ياجماعة اعترفوا لبني دنقل بالمعرفة
ناسًا عرفوا كلام طه الضرير مافيهم كلام
وياشيقوق أركز دحين الجقلبة وال إنجلاغة


ماهن خايلات ....

*

وداد عوض
24th May 2010, 07:08 PM
الأخت الكريمة شاعرتنا الرقيقة
سمية بت طلحة


لحرفك يا أختي سحر جذاب ينجذب إليه
القاريء انجذابة الفراشة إلى الرحيق .


اعتبرينا يا ستي فراشات تبحث عن رحيق حرفك
ففكي قيدو . خلى قلمك يملأ الكون جمال...


سؤالك لأخونا المهندس صلاح عن مفردات شعر
أم الخير يجعلنا ننتظر الجميل القادم..


فلك يا أختي مًلًكًة الشاعرة التي تقرأ المعنى..
وظل المعني
نحن في الانتظار يا ستي فلا تبخلي علينا .

والغربة تبقى سترة حال !!!

خالد البيلي
24th May 2010, 09:00 PM
استلبتني كثيرا هذه القصيدة و أدهشتني منذ زمن بعيد وحتى الآن .. و طالما رددتها و ترنمت بها .. فوددت مشاركتكم بها في هذه الواحة ... فتأملوا جميعها.. ثم توقفوا لبرهه أو برهات عند اللونين الأخضر والأحمر .. أقول ليكم .. إتفرجخوا عدييييييييل في .. فهاكم إياها على رسلي و رسلكم ...



عابرة ارويني


للشاعر / محمد أحمد الحبيب




ارويني .. .. ارويني نهر الأماني سراب
يا عابرة .. دليني ولميني في الأصحاب

الخوف من المجهول وباب الرجا المقفول
في أوجه العزاب والوازع الديني

كل التلاتة معاي اتلموا زادوا شقاي
شايل خطاي مرتاب والهم مزازيني

ودمع الأسي المسكوب فوق مقبرة محبوب
والعيد علي الأبواب والباكي يعنيني

خلاني بين العود وبين اللحا المشدود
عايش دمار الغاب والسوس حواليني

يامعتصم زايلة الدنيا مامايلة
فيها الفرح كضاب ماشفتو يعميني

أوصف حياتك كيف كانت سحابة صيف
مرت علي السالماب لاضل ولا عِيني

يا عابرة حبيتك واسرعت لاقيتك
بالفرحة والترحاب واللهفة في عيني

حباً بلا جدوي متعثر الخطوة
دقيتلو مليون باب من غير يلبيني

مهزوم من الماضي مظلوم وانا القاضي
وكل القضية عتاب لي حظ معاديني

ورغم الحصل مازال سيف الولف كتال
سيرني في ديداب في آخرو راجيني

يوم الوداع الحار يوم ينتهي المشوار
يوم يرحلوا الأحباب يا دمعة عينيني

يا عابرة حاتلاقي لوفي العمر باقي
عالم دروبو صعاب في تيهو تطريني

أنا و الهوى المكتوم بين السهر والنوم
والركوه والمحراب والليل يواسيني





المدهش انو في شاعر رد علي هذه القصيدة بقصيدة أخرى جاء الرد فيها موجها للنص باللون الاحمر اعلاه:



الدمعة لو بتعين كان بدري عانتني .... ما خلت الأيام آلامه صابتني



(الباقي ما عارفو لكن بجيبو)

أبوعاقلة أبوسن
24th May 2010, 09:11 PM
بعد الغيااااااآآآب
أخي وصديقي الزاكي
سعيد أن أعود ويحدوني الشوق لمنتداكم العامر، وكنت أعيش على أمل هذه العودة حين من الوقت إلى أن حرر الإلتزام المقيّد بعض أوقاتي..
سألت أنت.. وتذكرت أنا
الكُرفة : تعرف يا الزاكي أنحنا في بيتنا في الختمية-كسلا كان عندنا في البيت كُرفة الكلام دا في الستينات، وهي عبارة عن غرفة واسعة جداً كانت مبنية من الجالوس ، وكان شكلها دائري،(المائدة المستديرة) وغالب الظن أنها تدل على تداول الرأي والمشورة. في السنوات الأخيرة كنا نستخدمها كمخزن إلى أن جاء فيضان نهر القاش في سنة 1975 واجتاح ضاحية الختمية ومدينة كسلا وزالت على إثره الكُرفة.

والله أيام يا زمان..

أبوعاقلة أبوسن
24th May 2010, 09:41 PM
الأستاذة وداد
شنو الحكاية الناس ديل سربتو فيهم كده.؟

إن أصبت المعنى فالبطانة كسبت، وإن لا فلي أجر المحاولة وعذري هو جهلي بالرطانة ..

العسنة دي أظنها القُلة أو إناء لحفظ الماء.
أما الجليقة تعني الجرعة من الماء.
(لكن كلمة يجلق الموية كنا نعرفها انها تعني طريقة شرب الأسود والنمور والقطط والأنواع الأخرى من ال Big Cats)

يا شيقا .. شوف لك طريقة!!

الطيب شيقوق
24th May 2010, 10:33 PM
اكتبوا ساى انا متابع وجاييكم بالعديل والزين

وداد عوض
24th May 2010, 10:52 PM
أهلاً بالشيخ أبو عاقلة:

أولاً شكراً على العودة وظروف الغياب كما حكى لي الزاكي
مقدرة والدار بكم تتجمل بالحديث المفيد والحكي المستساغ..

العسنة ما بعيدة من المعنى الذكرتو
لكن تحديداً هي : البئر القليلة المياه
يعني قيروان قيروانين وخلاص إلا الزول
ينتظرساعات طويلة لحدي ما يتملي الجمام .....

التانية : أصبت فيها وهي القليل من الشيء وغالباً موية .....

واصل الحديث الجميل عن شعراء البطانة..وأكمل
ما انقطع من حديث مفيد وبت طلحة نشكرها
جاهزة للتعقيب والتعليق والشرح عند اللزوم..


شكراً..


والغربة سترة حال !!!!

وداد عوض
24th May 2010, 11:03 PM
كتب الاستاذ شيقوق :

اكتبوا ساى انا متابع وجاييكم بالعديل والزين

جايينا بالعديل والزين ولا ......
جايينا بمعلومات من قوقل .....

لكن ياللخو قوقل في زي كلامنا دا
ما ظنيتا تفيدك....طب آآآآآآآآللخو
ياخي نقول ليك استعن بصديق....

ور بنا يستر حالنا في غربتنا !!!

سمية الحسن طلحة
24th May 2010, 11:05 PM
ياجماعة الهلولة شنو ؟ البوست رحراحتو رقبة


ياالطيب إدريس
( عواليهو البِسِندوا عليها ماهِن غَرّق )
...
سمح بالحيل تلود ود اللافض
طراني حديثًا لي ودنايل بقول فيه :
لا وتر الرباب لا تلِوِد الزمبارة
مابنسيني نغمًا سِتو مِي نوبارة

شيخ الخت/ أبوعاقلة ياخال اللوحات دي للبعرف يرسم على الحِس
برمجة لغوية عصبية بس ، أوكما في كلمات ( طرير الشباب)
...
شكرا الأستاذ/ نزار جعفر على الإطراء
البادية نور يتسلسل من خيار لخيار * نظم الكواكب سلسل كوكبا السيّار
( نظام تحوير للأغنية)
...
شكرا وداد ياعزيزتي على المقاربة

لي محاولات أجدها في أحسن الأحوال مجحفة في حق شعر البادية

إليكم منها :
قول مسلم بن الوليد مادحًا يزيد الشيباني :

بفتر عند افترار الحرب مبتسمًا * إذا تغير وجه الفارس البطل

وقول ود الشلهمة مادحًا الناظر محمد صديق طلحة :

قـدُرمايضرعو الضارعين بيقصروا دونك
يادُخري القواسي البنعرف مضمونك
الجود والصبر مابتنشكربو شئونك

دوبالاً بِعِل اتبسمنلو سنونك



وكذلك :

موفٍ على مُهجٍ في يوم ذي رهجٍ * كأنه أجلٌ يسعى إلى أملِ
:

نحن ال في محاكر الضيق وجوهنا بِضوّن

نحنا الزيـنـّا راقـد بالتِريـك ومَشَـوّن
ونحنا إيـدينا يـاأم خـَدّاد حقيقـة بسَوّن
نحنا الفِي مَحَاكرالضِّيق وجُوهنا بضَوّن
وديــدان عَـركَة اليـوم الصُقـورا بخَوّن

...
وعلى ذكر المقاربات مرة جانا شيقوق في بوستا هيلنا
وقال والله كلام ودالشلهمة دا بس ابوفراس وعنترة
وقلنا كدي أتشلبناه واحد قال ليهو كيف تشبه شعر ودالشلهمة
بشعر واحد متغطرس والتاني محندقنوا بي بنية
أها ياشيقوق متفوجين هنا وداد دي قالت الكلمة دي
قبل التشكيل تقوم تطردكم من هنا أيها البدو الرُحّل
أنا غايتو ماعندي أي مشكلة مع العراقة
من كل قبيلة عندي حبوبة ضامنة التفوجج هنا ساس وراس

وراجعييين بإذن واحد أحد



..


بعض الناس طلبوا تكبير المشاركة

×

سمية الحسن طلحة
24th May 2010, 11:41 PM
وداد الله يتممك بعقلك ياالحبيبة كتر خيرك كتير
أهديك المربوع أدناه جاني هدية (أوفرسيس) :


بنت الرجال أهل الثبات الزانا
ما برمش صغيرهم كان تطرشق دانة
طولك طول ملوك ياملكه فايت البانة
عقلك زى جبال المالح الخمجانة

***

وداد عوض
24th May 2010, 11:48 PM
كتبت الاخت سمية طلحة :
أها ياشيقوق متفوجين هنا وداد دي قالت الكلمة دي
قبل التشكيل تقوم تطردكم من هنا أيها البدو الرُحّل
أنا غايتو ماعندي أي مشكلة مع العراقة
من كل قبيلة عندي حبوبة ضامنة التفوجج هنا ساس وراس

وراجعييين بإذن واحد أحد

الأخت العزيزة سمية طلحة

شعرك جواز مرور
لكل القبائل
بدون تأشيرات
يا بت الشيخ فرح ودتكتوك حلال المشبوك

والشيء بالشيء يذكر :

اليك قول الشيخ طه ود الشلهمة البطحاني
الذي وصف البطانة قائلاًًًًًًًً :

زال منك غبار الصيف ولونو اندس
وجبالك لبس بي الخدار واتكسى
يالبطيعي مع ايد الجمال في الرسة
فوقك زرقت الهتكي التكيكو اتمسى

وربنا يستر غربتنا وغربتكم انشاء الله

وداد عوض
25th May 2010, 12:05 AM
كتبت العزيزة سمية طلحة :

وداد الله يتممك بعقلك ياالحبيبة كتر خيرك كتير
أهديك المربوع أدناه جاني هدية (أوفرسيس) :



بنت الرجال أهل الثبات الزانا
ما برمش صغيرهم كان تطرشق دانة
طولك طول ملوك ياملكه فايت البانة
عقلك زى جبال المالح الخمجانة


***
:happy::happy::happy:
الأخت العزيزة سمية :
بجيك صادة برووووواقة
لانه زي الكلام دا ما بنفع
معه العجلة والاستعجال

وتبقى الغربة سترة حال !!!

الطيب ادريس
25th May 2010, 09:38 AM
المشاركة الأصلية كتبت بواسطة سمية الحسن طلحة ..


ياجماعة الهلولة شنو ؟ البوست رحراحتو رقبة



ياالطيب إدريس

( عواليهو البِسِندوا عليها ماهِن غَرّق )
...
سمح بالحيل تلود ود اللافض

طراني حديثًا لي ودنايل بقول فيه :

لا وتر الرباب لا تلِوِد الزمبارة
مابنسيني نغمًا سِتو مِي نوبارة

أستاذة سمية ..
لو كانت الخنساء بيننا لأدمعت أعينها من بهاء مجادع ود نايل ..
تسلم ياوطني وليك قومة ما بعدها ( قعاد )


أنا شخصيا في مشواري الي ( العودة الي سنار )

مخيرين ناس الترجمة مع مجادع القامة سمية .

الطيب شيقوق
25th May 2010, 12:41 PM
بت طلحة
أها ياشيقوق متفوجين هنا وداد دي قالت الكلمة دي
قبل التشكيل تقوم تطردكم من هنا أيها البدو الرُحّل
أنا غايتو ماعندي أي مشكلة مع العراقة
من كل قبيلة عندي حبوبة ضامنة التفوجج هنا ساس وراس

خلاص يا بت طلحة سوقي بت العوض علميها فتل الحبال ودباغة القربة وصر القروش في طرف التوب .

اولاد دنقل ديل بتشتت شملهم تلات حاجات :

1 - الرعد البدودي
2- االسوابح ( عقارب وكدا)
3- الباعوضة البتنوني في الاضان
4- دخان البقر حق المغربية

نواصل

اقبال حجار
25th May 2010, 12:54 PM
استلبتني كثيرا هذه القصيدة و أدهشتني منذ زمن بعيد وحتى الآن .. و طالما رددتها و ترنمت بها .. فوددت مشاركتكم بها في هذه الواحة ... فتأملوا جميعها.. ثم توقفوا لبرهه أو برهات عند اللونين الأخضر والأحمر .. أقول ليكم .. إتفرجخوا عدييييييييل في .. فهاكم إياها على رسلي و رسلكم ...
عابرة ارويني
للشاعر / محمد أحمد الحبيب

ارويني .. .. ارويني نهر الأماني سراب

يا عابرة .. دليني ولميني في الأصحاب

الخوف من المجهول وباب الرجا المقفول

في أوجه العزاب والوازع الديني

كل التلاتة معاي اتلموا زادوا شقاي

شايل خطاي مرتاب والهم مزازيني

ودمع الأسي المسكوب فوق مقبرة محبوب

والعيد علي الأبواب والباكي يعنيني

خلاني بين العود وبين اللحا المشدود

عايش دمار الغاب والسوس حواليني




الخوف من المجهول وباب الرجا المقفول

في أوجه العزاب والوازع الديني
كل التلاتة معاي اتلموا زادوا شقاي

شايل خطاي مرتاب والهم مزازيني
ودمع الأسي المسكوب فوق مقبرة محبوب

والعيد علي الأبواب والباكي يعنيني
خلاني بين العود وبين اللحا المشدود

عايش دمار الغاب والسوس حواليني
استوقفني هذا المقطع الذي صور الشاعر فيه نفسه بين ثلاثة مشاهد كل واحد منها كفيل بحبسه في سجن العشق المستحيل ما بين أنقاض الماضي المفزع والمستقبل المظلم !!! الخوف من المجهول ، وباب الرجا المقفول ، والوازع الديني الذي يأمره بالتسامح والاحتساب!!!!
وها هي هذه المشاهد تتكالب عليه محدثة في نفسه ألماً وحسرة ودموع مسكوبة !!! ثم انتقاله بالمشهد الحب الميت إلى محبوب ميت في توليفة مدهشة !!!! وليس هذا فحسب بل يتحول الناعي إلى باك يعنيه ودموع العيد القاسية !!!!
واكثر ماأعجبني :
خلاني بين العود وبين اللحا المشدود
عايش دمار الغاب والسوس حواليني
حبيس بين لحاء العود الناشف والساق حتى يحيطه السوس من كل جانب وهو ميت لينال من دمه ولحمه إن بقي شيء!!!!
ما أروع كلماتك يا الحبيب وما أروع إختيارك خالد فلك منا التحية .

الزاكي عبد الحميد
25th May 2010, 04:02 PM
="5"]يا أهل الدار سلام:

الأخ المحترم شيقوق اتصل بي هاتفياً نهار اليوم
ليؤكد بأنه بخير وعافية ولم ينقصه سوى عدم مشاهدتكم
الغالية..وقال ليكم هو مشغول شديد شديد ولكنه حذر الجميع في نفس
الوقت من مجيئه القادم وبطالبكم بضرورة اتخاذ كل الترتيبات اللازمة
لصد هجماته المنطلقة من الصقيعة..

Size]

وداد عوض
25th May 2010, 07:12 PM
كتب الاستاذ الطيب شيقوق :

خلاص يا بت طلحة سوقي بت العوض علميها فتل الحبال ودباغة القربة وصر القروش في طرف التوب .
ههههههههههههههههها

الأخ البندراوي ( من البندر) الطيب شيقوق

شن خبرك بت العوض ما عندها عرفة
بالحاجات دي ها زول ات ماك عارف ساي

دحين يا آآآ للخو شوف لك داهيةً آخرا ............

و الغربة أصلاًًًًًًًًًًً سترة حال !!!

الطيب شيقوق
25th May 2010, 08:32 PM
شن خبرك بت العوض ما عندها عرفة
بالحاجات دي ها زول ات ماك عارف ساي

دحين يا آآآ للخو شوف لك داهيةً آخرا ............

فصاحة لسان ساى فانتم ايها الدناقلة لم تأخذوا من العرب الا ما قاله شاعر البطانة:

آكل حارة ما اضوق باردة ماك داريني

حس ابو جقرة والقربين دوام باريني

آنا اخو الزاكي ان يبقى الحديث عانيني


دي لأنكم بتأكلوا وطعامكم اللهب يوجوج تحتو

وداد عوض
25th May 2010, 09:05 PM
كتب الاستاذ شيقوق :

شن خبرك بت العوض ما عندها عرفة
بالحاجات دي ها زول ات ماك عارف ساي

دحين يا آآآ للخو شوف لك داهيةً آخرا ............



فصاحة لسان ساى فانتم ايها الدناقلة لم تأخذوا من العرب الا ما قاله شاعر البطانة:

آكل حارة ما اضوق باردة ماك داريني

حس ابو جقرة والقربين دوام باريني

آنا اخو الزاكي ان يبقى الحديث عانيني


دا كلام طه البطحاني يا آآآآللخو
ضرب ابكسرة وام كسبور دوام باريني
وأسعل مني رقعاي البعرفو قريني
باكل باردة باكل حارة وماك داريني
انا اخو السارة (وداد) وكتين الحديث عانيني


دي لأنكم بتأكلوا وطعامكم اللهب يوجوج تحتو
انحنا بناكل حار وبارد (يعني بتاعين كلو ياآآآلخو )
ولا شنو ؟؟؟؟؟

والله يستر غربتنا وغربتك ياآآآآآ للخو
قول آميييييييييين

الزاكي عبد الحميد
25th May 2010, 09:53 PM
كتب الأخ الأستاذ الطيب إدريس:

;jfأنا شخصيا في مشواري الي ( العودة الي سنار )

مخيرين ناس الترجمة مع مجادع القامة سمية .

العزيز الطيب:
الحديث عن سنار حديث البحث عن هويتنا..والباحث عن الهوية يكون كالمنجذب الصوفي الذي لا يهدأ له بال-أو هكذايرى البعض - إلا عند الحديث عن ضالته ..ولما كان هذا حال المتابع
لحديثك فأرجو مواصلة الحديث..وما تطول الغيبة..وشكرا ياالحبيب..

أماالأخت الكريمة سمية فحديثها -شعراً جاء أم نثراً-فهو لنا كما الدعاش الذي يعيد للخريف صباه وللمكان خضرته ورونقه..فواصلي أختنا الكريمة سمية..

واصل عزيزي الطيب مشكوراً..

الطيب ادريس
25th May 2010, 09:54 PM
الطيب اخوي .. انت أكلت ( التركين ) مع بني دنقل
بطني ( فطيرة ) مشتهي لي ويكاب دناقلة ههههههههه

عزيزي الزاكي جاييك للعودة الي سنار وطبقات وضيف الله القدامك دي
مابجي منها الامتحان صدقني .. ;)

وداد عوض
25th May 2010, 10:03 PM
كتب الاستاذ الطيب إدريس :

"الطيب اخوي .. انت أكلت ( التركين ) مع بني دنقل
بطني ( فطيرة ) مشتهي لي ويكاب دناقلة ههههههههه"

بس دي....قول عوك..ونحن جاهزين..
بس ما تنسى تجيب معاك الويكاب..

ههههههههههههههها

الطيب شيقوق
26th May 2010, 12:05 AM
كتب الاستاذ شيقوق :

شن خبرك بت العوض ما عندها عرفة
بالحاجات دي ها زول ات ماك عارف ساي

دحين يا آآآ للخو شوف لك داهيةً آخرا ............



فصاحة لسان ساى فانتم ايها الدناقلة لم تأخذوا من العرب الا ما قاله شاعر البطانة:

آكل حارة ما اضوق باردة ماك داريني

حس ابو جقرة والقربين دوام باريني

آنا اخو الزاكي ان يبقى الحديث عانيني


دا كلام طه البطحاني يا آآآآللخو
ضرب ابكسرة وام كسبور دوام باريني
وأسعل مني رقعاي البعرفو قريني
باكل باردة باكل حارة وماك داريني
انا اخو السارة (وداد) وكتين الحديث عانيني


دي لأنكم بتأكلوا وطعامكم اللهب يوجوج تحتو
انحنا بناكل حار وبارد (يعني بتاعين كلو ياآآآلخو )
ولا شنو ؟؟؟؟؟

والله يستر غربتنا وغربتك ياآآآآآ للخو
قول آميييييييييين

هيييييييييييييييييييييييييييييع هلا هلا بقيتي عشاء بايتات ومقنع الكاشفات

الزاكي

احجز مننا بت العوض دي ما بتخلينا نكتب عن سنار