المساعد الشخصي الرقمي

مشاهدة النسخة كاملة : الليل والسفر والغربة في الغناء السوداني


Huwaida Abdeen
13th February 2012, 09:14 PM
ونبدأ بي رائعة كابلي في عز الليل للشاعر التجاني الحاج موسى

في عز الليل ساعة النسمة ترتاح
علي هدب الدغش وتنموم
انا مساهر

والراحل احمد المصطفى

سفري السبب لي اذاي وغربة في دار هناي

والفنان حمد الريح

حليلو قال ناوي السفر يا حليلو

والموصلي
اسافر في العيون وارحل
وافتش جوة في الاعماق القاك عاطفة تتفجر
اقول انساك وعارف نفسي ما بقدر

أم صادق
13th February 2012, 09:20 PM
هلا و غلا هويدون كيف أخباركم مشتاقين ليكم و لي لمتكم الحلوة و بعدين يا ستي فضلتي لينا شنو من السهر و السفر و العيون كله كتبتيه ، عموماً حنفكر بعد شوية و نرجع ليك تاني !!!

بهجة الجاك
13th February 2012, 09:56 PM
اغنيات عن السفر
*******************

1/الليلة مسافر انا انا

ما جبر الخاطر

خاطري انا

2/سفرك بكرة قالو

يا ناس مالكم ومالو

[b]3/يا حليلو قال ناوي السفر

ياحليلو[/]

بهجة الجاك
13th February 2012, 10:01 PM
هويدا سلام

جهجهتيناأغاني عيون وليل وسفر وغربة

انا غايتو حاعمل لي بوست اغاني الطيور حجزت من هسع

ويا السني جهز النبلة

السني أبوالعزائم
13th February 2012, 10:20 PM
أفو أفو يا بت الشيخ،، أنا أخوك إنت
http://4photos.net/photo/51small_1205341202.jpg

أها،، قولي لي،، أقبل وين ؟؟

http://3.bp.blogspot.com/__1wjG0W_Ipw/SV_WHB8520I/AAAAAAAAAkg/AUdtYVjp-Nk/s320/2001596308331907263_rs.jpgg

السني أبوالعزائم
13th February 2012, 10:26 PM
وعشان ما ينهرونا،،، باقي أنا زاتي ما بريد تحويل المواضيع

تغني صلاح مصطفى

سافر زمان قبال سنين لا جاب جواب لا جاب خبر
أمه تسأل كل طائر وكل عائد من السفر
خياله لا فارق عيونا وطيفه ما غاب ليه أثر

وتغني محم الأمين من كلمات إسحق الحلنقي

جيناكم يا حبايبنا
بعد غربة و شوق
نغالب فيه ويغالبنا
ونكتم أهة
تظهر أهة
تتعبنا
حنين لشوفة الغالين
مدوبنا

هناك ما هنتنا يا حلوين
الهم بدل واحد يبين همين
وفيها قلوبنا
تتأوه ونتاوه
سنين وسنين
مصيره الحى يلاقى حبايبه
لو صادقين

سماع أهلا
من الاحباب شروق أمال
ووصف البهجة بالكلمات
محال يتقال
حلاوة العودة
غنيناها فى موال
تحكى عن الولف
واصلة الولف كتال

كما تغني

قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر


الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر


لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر


لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر

بهجة الجاك
13th February 2012, 10:38 PM
يا سلااااااااااام يا السني وماقصرت ابداً

نبلة متينة وكاربة خليها معاك لمن نبداْ

سوْال يا هويدا


عندي غنية فيها عيون وفيها سفر اوديها وييييييييين؟

اغاني العيون ولا اغاني السفر؟

اسافر في العيون واساْل

وافتش جوه في الاْعماق

والقاك عاطفة تتفجر

Huwaida Abdeen
13th February 2012, 11:17 PM
العزيزة عفاف تحياتنا واشواقناوكدي اتذكري بننتظرك

يا بهجة جهزي النبلة لي السني عشان يموت ليك طيرك قبل ما يبقى بوست
قرقرقر
ولو سمحت يا السني ما تخرب لي البوست بتاعي دة بصورك العجيبة دي!

واول مشاركة مني في بوست الطير يا بهجة اغنية البلابل

حنين يا طير الجنة يا مرسال شوقنا لاهلنا

واغنية يا طير يا طاير من بعيد من بعيد فوق الغمام

واغنية طيري يا قمرية وركي فوق الزنكي

وغنيتك يا بهجة الفيها السفر والعيون كل واحد يلزم مكانو ياختي.

عمار محجوب محمد زكي
14th February 2012, 08:31 AM
نؤيد بوست بهجة الجاك عن الطيور ونتحدي نبال السني ومشاركتي في بوست الطيور المرتقب هي :
والله والله يا طير الرهو
قسماً عديل ما فيه لو
دمع الحبايب ذي نغيم الساقية
في الوادي البعيد وتسوي جو
والله يا طير الرهو...
ما كت مصدق اني بلقاك يارهو
اشكو ليك من جور زماني ..
كيف رماني ..شوف براك ..شوف الزمن
كيفن بسو...
حتى باقي الزاد كمل
والليل ..طويل طولاً غريب مافيه ضو
والريح تنوح فوق الدروب
وآخوفي من صوت الرياح
وكتين تنوح وتسوي او
زيك غريب و الغربة طالت يا مسيكين
متلي يا طير الرهو
التراب ملينا عيشته
اريتني زيك
كل يوم يحضني جو
في بحور الريد نسافر
والمراكب كاسحة..ما دام ريحنا نو
نمشي لي أرض الحبايب يا حلاتن
في المغيرب والدنيا ضو
***
يا سلام لما نسالم ... طائر مغرد
.يستحيل.......شل العواطف
في قليب عاشق .مغرد....
زي تميرا في الشمال لمن يفيض
النيل يفرهد
تنتشي الدنيا وتزغرد
النسيمة الحلوة تطبقنا
وتنقر بابنا كو كو
يا سلام ..يا سلام
:::::

عمار محجوب محمد زكي
14th February 2012, 08:44 AM
طير الرهو


http://www.sudaneseclub-oman.com/vbforum/uploaded/17_1329198160.jpg

http://www.sudaneseclub-oman.com/vbforum/uploaded/17_1329198271.jpg


http://www.sudaneseclub-oman.com/vbforum/uploaded/17_1329198315.jpg

Huwaida Abdeen
14th February 2012, 07:07 PM
عينيك سفر مشوار عذاب ارهق خطاي واتعبا
عينيك بدور فيها السفر
واسرح مع عينيك كتير واتـأملا
عينيك كون ينبوع شجون لمن تتوه ما اجملا
وحيات عيونك وانا ما بخونك لا لا والف لا

:17:

عزة محمد الفاتح
14th February 2012, 10:44 PM
هنا في حلات دلوكة هااااا صفق صفقه:clap::clap::clap:

وحم حم حم يا حمام ..شتّت ليك سُكّر ..

أنزل تعال يا حمام ..شتّت ليك سُكّر ..
:clap::clap::clap:
ويا حمااااااااامة مع السلامة ..

هوووووووي يا السنّي (أسحن) لييييييييييك ..
هوووووووي يا السني سيب الختا واللخبتة ..
كلو إلا الحمام امرق ساااااي !!!!

نادره ابراهيم
14th February 2012, 11:02 PM
قرقرقرانتي الجهجهتينا يابهجه حسه الموضوع ليل وسفر ولا طير وعزه جابت الحمام كمان الحقي ياهويدا،،،،،،،،،،،،،،

عزة محمد الفاتح
14th February 2012, 11:05 PM
يامسافر بعيد غاب ساب الحبايب
وين ليلاتنا ديلك ودنيا الريد عجايب الله يصبرك
الزول كان حنين لابد بيلاقى يوم ميلاد سعاده ويوم احسان تشابى الله يصبرك
قبل ماطول سنينى مالى الليليه خايف وحاسس بى ضميرى ولى اقدارى شايف الله يصبرك
يامسافر بعيد وغاب ساب الحبايب وين ليلاتنا ديلك ودنيا الريد عجايب الله يصبرك
الزول كان حنين ولابدا بيلاقى يوم ميلاد سعاده ويم احزان تشابى الله يصبرك ......
كل ما يمر صباح زايد على شوقك
ياقلبى من حالتك الفوقك الله يصبرك............

Huwaida Abdeen
14th February 2012, 11:12 PM
يا جماعة هووووووي شنو فكيتو لي الطير والحمام دة بوست ما قفص انتظروا لما بهجة تعمل قفص أقصد بوست الطير امشوا عليها هشششششششششششششششششششش

بهجة الجاك
15th February 2012, 12:12 AM
الليل عند شرحبيل
*********************************

1/ ستار يا ليل
لمن تجن
واحمل همومى اتوسده
واعيش براى
والوك ضناى
شوقى الشديد
الشايلو فى ضو النهار
ابثوا ليك اهات طوال
تشد رحال
ترحل بعيد
فوق للنجوم
ترحل بعيد فوق للنجوم
الممعنه ترجع صداه يهتف يقول
ستـــــــــــــــار يا ليل
ستــــــــار ياليل

بهجة الجاك
15th February 2012, 12:16 AM
2/ الليل الهادى
يذكرنى حبيبى الغايب
من بدرى
خلانى وحيد
نصيبى نحيب
سهدى وبعدك جننى
متين ياربى القاه
ويسعد لى قلبى بلقياه
لو فاتنى يومين تبقى
لى سنين
سهدى وبعدك جننى
وحشتنى عيونك يا حبيبى
وهمسك ولمسك يا طبيبى
انته هناك ... وروحى معاك
سهدى وبعدك جننى

بهجة الجاك
15th February 2012, 12:19 AM
3/تعال يا ليل خليك معايا
داير اشكي ليك سهدي و اسايا
داير اشكي ليك هجر الحبيب
السابني و راح يا ليل برايا
سابني و راح خلى الجراح
الجوا في داخل الحنايا

منايا كان يا ليل حبيبي
يكون يكون معايا
يسهر معاي يا ليل معاي
حتى الصباح يسمع غنايا
اشكيلو كل املي الكبير
و اشواقي و كل همي و عنايا
لكن يا ليل راح الحبيب
خلاني اتوجع برايا

تهانى
15th February 2012, 02:44 AM
ترقبوووووووووووووووووووووووا بهجه الجاك في مسابقة ليالي وأغاني في الموسم
القادم .. up up بهجه :happy:

Huwaida Abdeen
15th February 2012, 06:02 PM
الغريب عن وطنه مهما طال غيابه
مصيره يرجع تاني لي اهله وصحابه
ينسى الامه وشجونه
وينسي حرمانه وعذابه
الا قلبي الفي هواك طال اغترابه

Huwaida Abdeen
15th February 2012, 06:23 PM
في الليل الهاجع
غرد يا ساجع
اذكر احبابي
وهيج اشجاني

Huwaida Abdeen
16th February 2012, 08:31 AM
انا الغيث الفرج الهموم
انا الساقي الحساد سموم
انا الكايد اعدائي عموما
بساهر الليل انا يا جميل
مستحيل عن حبك اميل

Huwaida Abdeen
16th February 2012, 02:59 PM
الليل الليل ما بنومو لاني
انا حارس نجومو

بهجة الجاك
18th February 2012, 06:37 AM
يا المسافر اوعى لا تنسى

الحبيب وين والليلة كيف امسى

البلال وين قالو لي سافر

يا السفروك

ايوه

بالقطر ودوك

ايوه

Huwaida Abdeen
22nd March 2012, 10:48 AM
بطرى اللي آمال و غاية
و ما بتحمي المقدور وقاية يسلم نهجي من الرماية

سفري السبب لي اذايا فرقة و فقدان هنايا
بطرى حبيب املي و منايا و ابكي على هذي النهاية
و ببكي على تهديم بنايا ليت حبيبي علي ناح

فيك يا مصر اسباب اذايا و في السودان همي و عزايا
صابر و لم اعلم جزايا و التأويه اصبح غذايا
صرت مسلم لي ردايا زي طاير مكسور جناح

دهري ان صابني بكل خفايا و حطم و عكر لي صفايا
برضي على حبي و وفايا و اعلم في وجودك شفايا
شي من لا شي بس كفايا علو بمسّك اجد نصاح

ماذا اؤمل .....ماذا اؤمل
ماذا اؤمل حيران ببكي و بامل
ولهان ببكي و بامل وحيد ببكي و بامل
آآآآآهــــ يا هوايا و آآآآآآآآآهــــــ يا منايا
وحيد سهران برايا انيس دمعي و بكايا
آآآآآآهــــ يا كناري و آآآآهــــــــ يا قماري
طيري لي تعالي وحيد ليلي و نهاري